Fɔʼɔ 11
11
Bita fʉ̀ʼtə fɔʼɔ-ɛ mu chɔshi
1Kʉʉkə məniʼ, ntəŋ dàa tʉ bəlɔntəŋNyii ndə bɔ̂ŋ bɛ mu Judia, leʼnə bəbɛʼbʉə ndə bɔ̂ŋ nɔʼ bɛ́ŋ Nyii, mbɔ bʉə ndə bɔ̂ŋ gòʼ təmə bɛ bʉə-Juu fɛ la nɔʼ bɛ́ŋ ŋgieNyiikə. 2Bɔŋ ndʉʉ ndə Bita bʉ̀nə gɛ̀ dàa Jɛlosalɛŋ, bəbɛʼbʉə Juu ndə bɔ̂ŋ nɔʼ bɛ́ŋ Nyii,#11:2 B̃ʉə-Juu-bɛʼbə ndə bɔ̂ŋ nɔʼ bɛ́ŋ Nyii nɔ kə́ ghɔ̀ŋ mbɔ, ndə mədʉ̀ʼ mbɔ wo nɔʼ bɛ́ŋ Nyii leʼ shʉəŋ, bə nɔ kie ndə məfɔ̀ʼ ɔ. dʉ̀ʉhə ɔŋ, 3kə́ ghɔ̀ŋ mbɔ, “A nɔ gɛ̀ ŋíi mu njaa-bʉə ndə bə gòʼ təmə nɔʼ fɔ̀ʼ bɔŋ fɛ, kə́ yú bii bɔŋ.”
4Ndʉʉmɛ, Bita chʉ́ʉhə, məfʉ̀ʼtə tʉ bɔŋ ndə nubə kə tíŋ kɛŋ haʼ ndə i kə bɛ. 5Ɔ ghɔ̀ŋ mbɔ, “Nɔ kə bɛ yɔŋbɛʼ ndə mɔ kə bɛ Joba kə́ gháaNyii, nubɛʼkə kwɔnə chìi mɔ fi nə mɔ tʉʼ bɛ́ŋbɛ́ŋ, njəŋ chí mɔ təmə mɔ kə́ bɛ́ŋbɛ́ŋ fɛ. Fɔbɛʼkə nə fuuhə-i kwi, shíʼ gwè hə yuo nə kwii-ndyi, gwè nʉ̀ʉ bəshʉ mɔ. 6Mɔ kʉ̂ʉ lɛ́nə mu-i nyíɛ ntɛnyaantɛnyaa nə nyaa-chunjaa-hə, nyaa-muŋkɔ-hə, nyaahə ndə bɔ̂ŋ shyìi ndyʉndyʉ nə yɔhə leʼnə nuɔ-mbi-mə. 7Mɔ yʉ́ gyʉʉ ndə i ghɔ̀ŋ mbɔ, ‘Bita, lɔ̀ hə sê, yítə fɔbə-ɔ̄ŋ, kwó.’
8“Mɔ bə̀ŋhə mbɔ, ‘Mbee, Tiekətʉ! Mɔ chʉʼ nə kwó fɔ-nchʉʉhə-kə fɛ.’
9“Bɔŋ mbʉ gyʉʉ bìʼ gwè hə yuo mbɔ, ‘Kaʼ Nyii nɔʼ chóʼ fia mbɔ b̈ə yú fɔkə, kə a mə tíi nə fɔ-nchʉʉhə-kə fɛ.’
10“Ï bɛ haʼ nɔ tə bɛ vɛʼ tia, ndʉʉmɛ, mbʉ kwii-ndyi buŋ kóʼ yuo ghɔŋbə fɔbə ndə i bɛ muŋgɔ inchəŋ. 11Haʼ ndʉʉmɛ, bʉə bətia ndə bə kə tə́ŋ hə Kasalia, gwè dàa mbʉ chunjaa ndə baʼa kə́ chí chɔ. 12LyʉʉhəNyiikə ghɔ̀ŋ tʉ mɔ mbɔ b̈aʼa bɔŋ la gɛ̀ mɔʼɔ, kə mɔ la mə lə̀ŋnə mbɔ bɔ̂ŋ gòʼ təmə bɛ bʉə-Juu fɛ. Bəliŋ-bɔŋ-bɔ̄ŋ ntʉʼʉ nɔ, nɔ kə lɔ̀ baʼa bɔŋ mɔʼɔ, gɛ̀ dàa mbʉ chunjaa wo ndə ɔ kə tə́ŋ tíi baʼa. 13Ɔ fʉ̀ʼtə tʉ baʼa ndə wontəŋNyii kə kwɔnə fyú tʉ ɔŋ chunjaa-ɔ, ghɔ̀ŋ tʉ ɔŋ mbɔ, ‘Tə́ŋ bʉə-ntəŋ Joba, bɔ̂ŋ gɛ̀ gwè nə Samu Bita. 14Ɔ bu gwè shyíi a, biibə bʉə-njaa-ba bənchəŋ, nə nukə ndə bii bu chìi ndə məkie ŋkwaa kəghɔ-Nyii.’
15“Ndʉʉ ndə mɔ chʉ́ʉhə məkwə́ʼ ŋgieNyiikə tʉ bɔŋ, haʼ ndʉʉmɛ, LyʉʉhəNyiikə shíʼ ndəŋ bɔŋ, haʼ ndə ɔ kə shíʼ ndəŋ bʉʼʉ lʉ̀ hə ndəŋ nchʉʉhə. 16Ndʉʉmɛ, mɔ kwɔ̀ʼtə ŋgie-Tiekətʉ-kə ndə ɔ kə ghɔ̀ŋ mbɔ, ‘Jɔŋ nɔ nə kɔ́ muu tʉ bii, bə bɔŋ bu kɔ́ LyʉʉhəNyiikə.’ 17Kaʼ Nyii kɔ́ mbʉ ntɛ kəkɔ tʉ bʉə-bɔ̄ŋ ndə bɔŋ gòʼ təmə bɛ bʉə-Juu fɛ, haʼ ndə ɔ kə́ kɔ́ tʉ bʉʼʉ ndə bʉʼʉ kə bɛ́ŋ Jiso Klai Tiekətʉ, mɔ kə bɛ nda ndə məchíe fia-Nyii?”
18Ndʉʉ ndə bəbɛʼbʉə yʉ́ yɔ̄ŋ-yə, nubə ndə i bɛ mu fyii-bɔŋ ghʉ́ə, bɔ̂ŋ chʉ́ʉhə mə-kə́-lə̀ʼtə Nyii. Bɔ̂ŋ kə́ ghɔ̀ŋ mbɔ, “Nyii nɔʼ ŋɔ́ʼhə fia ghɔ tʉ bʉə ndə bɔ̂ŋ gòʼ təmə bɛ bʉə-Juu fɛ ndə məshìe liɛŋtə-ʉə ghɔ hə ndəŋ bʉ̂ʼtə-ʉə bɔŋleʼ kie məchímbi təmə liʼ-i ghɔ fɛ.”
Chɔshi ndə i bɛ Antiɔk mu Silia
19Bəbɛʼbʉə ndə bɔ̂ŋ nɔʼ kə bɛ́ŋ Nyii, nyʉ́ʉ hə mu Jɛlosalɛŋ ndʉʉ ndə Shitifɛ̄ŋ kə kwú bə shi kə́ chɔ́ŋhə bɔŋ. Bɔ̂ŋ gɛ̀ mu lɔʼ-bətə̂ŋ-tə nə Fɔnishia, Siblɔ leʼnə Antiɔk ndə i bɛ mu Silia. Ndə bɔ̂ŋ kə́ gɛ̀, bɔ̂ŋ kə́ lɔ̀ʼ ŋgieNyiikə haʼ tʉ bʉə-Juu. 20Bɔŋ bəbɛʼbʉə ndə bɔ̂ŋ nɔʼ bɛ́ŋ Nyii, lɔ̀ hə mu Siblɔ leʼnə Silɛŋ, gɛ̀ Antiɔk kə́ lɔ̀ʼ ntəŋjyujyu te nə Jiso Tiekətʉ tʉ bʉə ndə bɔ̂ŋ kə́ kwə́ʼ ŋgie-Gili-kə. 21Tiekətʉ kə́ bɛ ghɔŋ bɔŋ mɔʼɔ, bʉə buŋmbi ndə bɔ̂ŋ gòʼ təmə bɛ bʉə-Juu fɛ bɛ́ŋ Nyii, kíahə ŋwɔŋtə-ʉə gɛ̀ tʉ Tiekətʉ.
22Ndʉʉ ndə chɔshi mu Jɛlosalɛŋ kə yʉ́ nukə ndə i nɔʼ fyú, bɔ̂ŋ tə́ŋ Banaba kɔ́ Antiɔk. 23Ndʉʉ ndə ɔ dàa nyíɛ ntɛ buuŋjyu ndə Nyii nɔʼ dʉ̀ʼ tʉ bɔŋ, i bʉ̀ʉ ɔ, ɔ kwèʼhə bɔŋ ndə məlyʉ̀ʉtə́nə ndəŋ fia-Tiekətʉ nə shʉəŋ. 24Banaba nɔ nə bɛ yʉʼ wo, LyʉʉhəNyiikə nɔʼ kɛŋ jyʉ́ʉhə ɔŋ, ɔ bɔŋleʼ kɔ́ fyii-i tʉ Nyii shʉ́əshʉ́ə, bʉə buŋmbi bìʼ gwè tʉ Tiekətʉ.
25Ndʉʉmɛ, Banaba lɔ̀ gɛ̀ Taashuʼ ndə məgɛ̀ lɛ́nə Sɔɔ. 26Ndʉʉ ndə ɔ nyíɛ ɔŋ, ɔ bʉ̀nə gwè nə nɔŋ Antiɔk. Bɔ̂ŋ bənchəŋ chí chɔ ghɔŋbə bʉə-chɔshi ndə ŋgʉʼʉmbi, kə́ dàhə bʉə buŋmbi. Nɔ yəŋkə nɔ ndə bə kə chʉ́ʉhə mətíi vâafɔʼɔ-Jiso chɔ nə bəKʉlʉtɛŋ.
27Kʉ̂ʉ bɛ ndʉʉ-ghɔ̄, bəbɛʼbʉəyʉkəŋgieNyii lɔ̀ hə Jɛlosalɛŋ shíʼ gɛ̀ Antiɔk. 28Mbyu wo mu bɔŋ bə kə́ tíi ɔ nə Agabu lɔ̀ tə́nə mu nchəŋtə-yʉə gìe nə ghʉəʼ-kəLyʉʉhəNyii-kə mbɔ chyʉʉ shʉ́əshʉ́ə la bu yi gwù mu wʉʉnəmbi-Luŋ-kə#11:28 Nɔ nə kə́ sɔ́ʼ Luŋ sɔ́ʼ mbi vɛʼ-ghɔ̄, lɔʼ-bətə̂ŋ-tə buŋmbi kə́ bɛ́ŋ ŋgəŋ-yʉə. inchəŋ. Nukə-ɔ̄ŋ nɔ nə fyú shʉəŋ ndʉʉ ndə Kladio kə sɔ́ʼ Fɔŋ. 29Vɛʼ-ghɔ̄, vâafɔʼɔ-Jiso mu Antiɔk lʉ̀ ntənəmə-ʉə ndə məmɔ̀ʼ fɔyubə tə́ŋ tʉ bəbɛʼbʉə ndə bɔ̂ŋ nɔʼ bɛ́ŋ Nyii ghɔ mu Judia, wotəmiyɔŋ kə́ mɔ̀ʼ haʼ ghʉə ndə bəkɔ ɔ kɔ́. 30Bɔ̂ŋ mɔ̀ʼ mbʉ bəfɔ, tə́ŋ tʉ Banaba ghɔŋ Sɔɔ, bɔ̂ŋ gɛ̀ nə yɔŋ gɛ̀ kɔ́ tʉ bəntəŋbəshʉ ndə bɔ̂ŋ bɛ mu Jɛlosalɛŋ.
ទើបបានជ្រើសរើសហើយ៖
Fɔʼɔ 11: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Fɔʼɔ 11
11
Bita fʉ̀ʼtə fɔʼɔ-ɛ mu chɔshi
1Kʉʉkə məniʼ, ntəŋ dàa tʉ bəlɔntəŋNyii ndə bɔ̂ŋ bɛ mu Judia, leʼnə bəbɛʼbʉə ndə bɔ̂ŋ nɔʼ bɛ́ŋ Nyii, mbɔ bʉə ndə bɔ̂ŋ gòʼ təmə bɛ bʉə-Juu fɛ la nɔʼ bɛ́ŋ ŋgieNyiikə. 2Bɔŋ ndʉʉ ndə Bita bʉ̀nə gɛ̀ dàa Jɛlosalɛŋ, bəbɛʼbʉə Juu ndə bɔ̂ŋ nɔʼ bɛ́ŋ Nyii,#11:2 B̃ʉə-Juu-bɛʼbə ndə bɔ̂ŋ nɔʼ bɛ́ŋ Nyii nɔ kə́ ghɔ̀ŋ mbɔ, ndə mədʉ̀ʼ mbɔ wo nɔʼ bɛ́ŋ Nyii leʼ shʉəŋ, bə nɔ kie ndə məfɔ̀ʼ ɔ. dʉ̀ʉhə ɔŋ, 3kə́ ghɔ̀ŋ mbɔ, “A nɔ gɛ̀ ŋíi mu njaa-bʉə ndə bə gòʼ təmə nɔʼ fɔ̀ʼ bɔŋ fɛ, kə́ yú bii bɔŋ.”
4Ndʉʉmɛ, Bita chʉ́ʉhə, məfʉ̀ʼtə tʉ bɔŋ ndə nubə kə tíŋ kɛŋ haʼ ndə i kə bɛ. 5Ɔ ghɔ̀ŋ mbɔ, “Nɔ kə bɛ yɔŋbɛʼ ndə mɔ kə bɛ Joba kə́ gháaNyii, nubɛʼkə kwɔnə chìi mɔ fi nə mɔ tʉʼ bɛ́ŋbɛ́ŋ, njəŋ chí mɔ təmə mɔ kə́ bɛ́ŋbɛ́ŋ fɛ. Fɔbɛʼkə nə fuuhə-i kwi, shíʼ gwè hə yuo nə kwii-ndyi, gwè nʉ̀ʉ bəshʉ mɔ. 6Mɔ kʉ̂ʉ lɛ́nə mu-i nyíɛ ntɛnyaantɛnyaa nə nyaa-chunjaa-hə, nyaa-muŋkɔ-hə, nyaahə ndə bɔ̂ŋ shyìi ndyʉndyʉ nə yɔhə leʼnə nuɔ-mbi-mə. 7Mɔ yʉ́ gyʉʉ ndə i ghɔ̀ŋ mbɔ, ‘Bita, lɔ̀ hə sê, yítə fɔbə-ɔ̄ŋ, kwó.’
8“Mɔ bə̀ŋhə mbɔ, ‘Mbee, Tiekətʉ! Mɔ chʉʼ nə kwó fɔ-nchʉʉhə-kə fɛ.’
9“Bɔŋ mbʉ gyʉʉ bìʼ gwè hə yuo mbɔ, ‘Kaʼ Nyii nɔʼ chóʼ fia mbɔ b̈ə yú fɔkə, kə a mə tíi nə fɔ-nchʉʉhə-kə fɛ.’
10“Ï bɛ haʼ nɔ tə bɛ vɛʼ tia, ndʉʉmɛ, mbʉ kwii-ndyi buŋ kóʼ yuo ghɔŋbə fɔbə ndə i bɛ muŋgɔ inchəŋ. 11Haʼ ndʉʉmɛ, bʉə bətia ndə bə kə tə́ŋ hə Kasalia, gwè dàa mbʉ chunjaa ndə baʼa kə́ chí chɔ. 12LyʉʉhəNyiikə ghɔ̀ŋ tʉ mɔ mbɔ b̈aʼa bɔŋ la gɛ̀ mɔʼɔ, kə mɔ la mə lə̀ŋnə mbɔ bɔ̂ŋ gòʼ təmə bɛ bʉə-Juu fɛ. Bəliŋ-bɔŋ-bɔ̄ŋ ntʉʼʉ nɔ, nɔ kə lɔ̀ baʼa bɔŋ mɔʼɔ, gɛ̀ dàa mbʉ chunjaa wo ndə ɔ kə tə́ŋ tíi baʼa. 13Ɔ fʉ̀ʼtə tʉ baʼa ndə wontəŋNyii kə kwɔnə fyú tʉ ɔŋ chunjaa-ɔ, ghɔ̀ŋ tʉ ɔŋ mbɔ, ‘Tə́ŋ bʉə-ntəŋ Joba, bɔ̂ŋ gɛ̀ gwè nə Samu Bita. 14Ɔ bu gwè shyíi a, biibə bʉə-njaa-ba bənchəŋ, nə nukə ndə bii bu chìi ndə məkie ŋkwaa kəghɔ-Nyii.’
15“Ndʉʉ ndə mɔ chʉ́ʉhə məkwə́ʼ ŋgieNyiikə tʉ bɔŋ, haʼ ndʉʉmɛ, LyʉʉhəNyiikə shíʼ ndəŋ bɔŋ, haʼ ndə ɔ kə shíʼ ndəŋ bʉʼʉ lʉ̀ hə ndəŋ nchʉʉhə. 16Ndʉʉmɛ, mɔ kwɔ̀ʼtə ŋgie-Tiekətʉ-kə ndə ɔ kə ghɔ̀ŋ mbɔ, ‘Jɔŋ nɔ nə kɔ́ muu tʉ bii, bə bɔŋ bu kɔ́ LyʉʉhəNyiikə.’ 17Kaʼ Nyii kɔ́ mbʉ ntɛ kəkɔ tʉ bʉə-bɔ̄ŋ ndə bɔŋ gòʼ təmə bɛ bʉə-Juu fɛ, haʼ ndə ɔ kə́ kɔ́ tʉ bʉʼʉ ndə bʉʼʉ kə bɛ́ŋ Jiso Klai Tiekətʉ, mɔ kə bɛ nda ndə məchíe fia-Nyii?”
18Ndʉʉ ndə bəbɛʼbʉə yʉ́ yɔ̄ŋ-yə, nubə ndə i bɛ mu fyii-bɔŋ ghʉ́ə, bɔ̂ŋ chʉ́ʉhə mə-kə́-lə̀ʼtə Nyii. Bɔ̂ŋ kə́ ghɔ̀ŋ mbɔ, “Nyii nɔʼ ŋɔ́ʼhə fia ghɔ tʉ bʉə ndə bɔ̂ŋ gòʼ təmə bɛ bʉə-Juu fɛ ndə məshìe liɛŋtə-ʉə ghɔ hə ndəŋ bʉ̂ʼtə-ʉə bɔŋleʼ kie məchímbi təmə liʼ-i ghɔ fɛ.”
Chɔshi ndə i bɛ Antiɔk mu Silia
19Bəbɛʼbʉə ndə bɔ̂ŋ nɔʼ kə bɛ́ŋ Nyii, nyʉ́ʉ hə mu Jɛlosalɛŋ ndʉʉ ndə Shitifɛ̄ŋ kə kwú bə shi kə́ chɔ́ŋhə bɔŋ. Bɔ̂ŋ gɛ̀ mu lɔʼ-bətə̂ŋ-tə nə Fɔnishia, Siblɔ leʼnə Antiɔk ndə i bɛ mu Silia. Ndə bɔ̂ŋ kə́ gɛ̀, bɔ̂ŋ kə́ lɔ̀ʼ ŋgieNyiikə haʼ tʉ bʉə-Juu. 20Bɔŋ bəbɛʼbʉə ndə bɔ̂ŋ nɔʼ bɛ́ŋ Nyii, lɔ̀ hə mu Siblɔ leʼnə Silɛŋ, gɛ̀ Antiɔk kə́ lɔ̀ʼ ntəŋjyujyu te nə Jiso Tiekətʉ tʉ bʉə ndə bɔ̂ŋ kə́ kwə́ʼ ŋgie-Gili-kə. 21Tiekətʉ kə́ bɛ ghɔŋ bɔŋ mɔʼɔ, bʉə buŋmbi ndə bɔ̂ŋ gòʼ təmə bɛ bʉə-Juu fɛ bɛ́ŋ Nyii, kíahə ŋwɔŋtə-ʉə gɛ̀ tʉ Tiekətʉ.
22Ndʉʉ ndə chɔshi mu Jɛlosalɛŋ kə yʉ́ nukə ndə i nɔʼ fyú, bɔ̂ŋ tə́ŋ Banaba kɔ́ Antiɔk. 23Ndʉʉ ndə ɔ dàa nyíɛ ntɛ buuŋjyu ndə Nyii nɔʼ dʉ̀ʼ tʉ bɔŋ, i bʉ̀ʉ ɔ, ɔ kwèʼhə bɔŋ ndə məlyʉ̀ʉtə́nə ndəŋ fia-Tiekətʉ nə shʉəŋ. 24Banaba nɔ nə bɛ yʉʼ wo, LyʉʉhəNyiikə nɔʼ kɛŋ jyʉ́ʉhə ɔŋ, ɔ bɔŋleʼ kɔ́ fyii-i tʉ Nyii shʉ́əshʉ́ə, bʉə buŋmbi bìʼ gwè tʉ Tiekətʉ.
25Ndʉʉmɛ, Banaba lɔ̀ gɛ̀ Taashuʼ ndə məgɛ̀ lɛ́nə Sɔɔ. 26Ndʉʉ ndə ɔ nyíɛ ɔŋ, ɔ bʉ̀nə gwè nə nɔŋ Antiɔk. Bɔ̂ŋ bənchəŋ chí chɔ ghɔŋbə bʉə-chɔshi ndə ŋgʉʼʉmbi, kə́ dàhə bʉə buŋmbi. Nɔ yəŋkə nɔ ndə bə kə chʉ́ʉhə mətíi vâafɔʼɔ-Jiso chɔ nə bəKʉlʉtɛŋ.
27Kʉ̂ʉ bɛ ndʉʉ-ghɔ̄, bəbɛʼbʉəyʉkəŋgieNyii lɔ̀ hə Jɛlosalɛŋ shíʼ gɛ̀ Antiɔk. 28Mbyu wo mu bɔŋ bə kə́ tíi ɔ nə Agabu lɔ̀ tə́nə mu nchəŋtə-yʉə gìe nə ghʉəʼ-kəLyʉʉhəNyii-kə mbɔ chyʉʉ shʉ́əshʉ́ə la bu yi gwù mu wʉʉnəmbi-Luŋ-kə#11:28 Nɔ nə kə́ sɔ́ʼ Luŋ sɔ́ʼ mbi vɛʼ-ghɔ̄, lɔʼ-bətə̂ŋ-tə buŋmbi kə́ bɛ́ŋ ŋgəŋ-yʉə. inchəŋ. Nukə-ɔ̄ŋ nɔ nə fyú shʉəŋ ndʉʉ ndə Kladio kə sɔ́ʼ Fɔŋ. 29Vɛʼ-ghɔ̄, vâafɔʼɔ-Jiso mu Antiɔk lʉ̀ ntənəmə-ʉə ndə məmɔ̀ʼ fɔyubə tə́ŋ tʉ bəbɛʼbʉə ndə bɔ̂ŋ nɔʼ bɛ́ŋ Nyii ghɔ mu Judia, wotəmiyɔŋ kə́ mɔ̀ʼ haʼ ghʉə ndə bəkɔ ɔ kɔ́. 30Bɔ̂ŋ mɔ̀ʼ mbʉ bəfɔ, tə́ŋ tʉ Banaba ghɔŋ Sɔɔ, bɔ̂ŋ gɛ̀ nə yɔŋ gɛ̀ kɔ́ tʉ bəntəŋbəshʉ ndə bɔ̂ŋ bɛ mu Jɛlosalɛŋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.