Marc 15
15
1Toutouli, di̱ngguè sacrificateur o ma oui̱ne do a‐ouili o, dè scribe o, dè sanhédrin nè oli. Kèchida ko ouo̱ hèlè Jésus, ndo ouo̱ b’a nèno o; ouo̱ h’a o hè Pilate. 2Pilate ak’a, è gui: Mè nè ouane ko juif o ndi? Jésus pikifi oui̱ne h’a, è gui: No mo no mè to hi. 3Di̱ngguè sacrificateur o kara oui̱ne o di jou a ouinè. 4Pilate ak’a da, è gui: Mè pikifi oui̱ne nè ndi? Mè zili oui̱ne ouinè ndo ouo̱ é jou mè o nè ndi? 5Jésus pikifi oui̱ne nè, hèmonggo kè Pilate koukou oui̱ne.
6Di̱ngguè ouichi pome, pome, nè oli, n’a pi oui‐kanga bèi nè ouili o akadaka hi nou. 7Kè ma ouili pome ko toa kanga, yin’a nè Barabbas. A gbè ma ouili do ma ouili do a o. 8Ouili ouinè nèno o dida k‐a nè oui̱ne aka nèda mo n’a tè ha ho ouo̱‐o hè a‐i go. 9Pilate pikifi oui̱ne ho ouo̱‐o, è gui: Enè koa o mi pi ouane ko juif o nou ndi? 10A i̱ngi ndo di̱ngguè sacrificateur o ha n’a ho ouo̱‐o, oui̱ne sèlè ouo̱ ko a o nè. 11O ouane kè sacrificateur o to douli ho ouili o sè kè Pilate pi Barabbas nou ho ouo̱‐o. 12Pilate to oui̱ne ho ouo̱‐o da, è gui: Enè koa o mi dè nè gui dè ouaïlè n’ènè samo h’a o nè ouane ko juif o gui̱ndi? 13Ouo̱ himo o da, è gui: Mbod’a jou croix! 14Pilate to oui̱ne ho ouo̱‐o, è gui: A dè nè namo gui̱ndi? Ndo ouo̱ himo o da gana i̱nggati: Mbod’a jou croix! 15Pilate koa dè hèmo nè ba doko ouili o ko nè daka higo, a pi Barabbas nou. Kèchida k’a mbèlè Jésus nè gafi, n’a h’a ho ouo̱‐o oui̱ne mbod’a jou croix.
16Toulougou o ba Jésus nèno ko kine ka toa, kè gui, bèlè‐toa ndo ouo̱ to mbangga ouili o sènè hi; ouo̱ to di jou ma o nè oli. 17Ouo̱ pi toulou pourpre o té a; ouo̱ chini tène‐ti nè ndoutou ouane; ouo̱ gou jou a o. 18Kèchida ndo ouo̱ kouyanga toun’a o, è gui: Ouoromo, ouane ko juif o! 19Ouo̱ mbèlè jou a o nè bassa‐ti; ouo̱ toufou same o di té a; ouo̱ aba jougoulou ouo̱‐o nou ti a. 20Kèchida ko ouo̱ mam’a o, ndo ouo̱ poro toulou pourpre o té a dida; ouo̱ pi toulou ko‐a o té a; ouo̱ b’a o nèno oui̱ne mbod’a jou croix.
21Ouo̱ ba oui‐raka‐liouara o, kè pi̱li nè sènè fo, nè ngaïli, nè Simon kè Cyrène, sème kè Alexandre dè Rufus, oui̱ne ba croix kè Jésus. 22Ouo̱ ba Jésus o nèno di ma olo yara mè, yin’a nè Golgotha, kè gui, olo yara bara‐jou‐ouili ouo̱. 23Ouo̱ a myrrhe o sènè vin; ouo̱ h’a o oui̱ne no̱; a ba go. 24Ouo̱ mbod’a o jou croix; ouo̱ kèkosanga toulou ko‐a o; kèchida ndo ouo̱ bi mbadi ma o oui̱ne i̱ngi ouili bèi nè tè kar’a hi. 25Ouo̱ mbod’a o jou croix nè l’heure tara. 26Oui̱ne jou croix hi, è gui: A nè ouane ko juif o. 27Ouo̱ mbodo ma oui‐jou litou o jou croix do a, ma pome nè ouara ouili ko, ma pome nè ouara galè. 28Mo tèno hèmo nè Mbèti kè Nzapa toa nè i̱nggati higo: Ouo̱ tor’a do oui‐dè‐namo o. 29O ma oui‐raka‐liouara o d’a; ndo ouo̱ pi jou ouo̱‐o, è gui: É, mè nè yara temple; mè dè da nè ouichi tara; 30Mè passa to mè nè to mè; mè zili nou jou croix! 31Di̱ngguè sacrificateur o do scribe o mam’a bo, è gui: A passa nè ma ouili o è; n’a tè passa té a nè té a go! 32Christ, ouane kè Israël, mè zili nou didi nè jou croix, sè k’alè jo, k’alè i̱ngi. Ino ndo ouo̱ mbodo do a o jou croix hi mam’a o bo.
33Kè l’heure dong‐po, kè toum déè sènè nou nè oli iyaaa l’heure mbé pome ké boua. 34Kè l’heure mbé pome kè boua, nè Jésus himo dingo̱ne, è gui: Ëloï, Ëloï, lama sabachthani? kè gui: Nzapa ko‐m’, Nzapa ko‐m’, nè gui ho mè béè no‐m’ gui̱ndi? 35Ma ouili pome, pome, nè yolo sènè hi, kèchida ko ouo̱ zili oui̱ne d‐è, ndo ouo̱ to oui̱ne o, è gui: A sa nè mo hè Élie. 36Ma ayou ba éponge; a pi do̱ vinaigre; a é nou bassa‐ti; a h’a hè Jésus oui̱ne no̱, è gui: Enè yaka o di; alè jo bè nè Élie tè tèno b’a hè é nou nè. 37Kè Jésus himo dingo̱ne, nè fiè. 38Toulou‐gono‐da ko temple aka nè ngo mè iyaaa mono dido̱ nè kèkosanga tè litou. 39Centenier hè ka tè Jésus hi; a joko n’a fiè nè hi, a to oui̱ne, è gui: Nè bara oui̱ne, ouaïlè nè Bi̱‐ouili kè Nzapa nè mbètè ouo̱. 40O ma ouiko o bo hè aï, kè joko mo o nè yèlè. Bo̱bo̱ ouo̱‐o nè Marie Magdala, Marie, na kè Jacques, bi̱li‐bi̱me, kè Joses, dè Salomè. 41Ouo̱ nèno o pat’a; ouo̱ dè mo do a po‐ouichi n’a mono nè nou Galilée hi; do ma o nè danga do a di Jérusalem mè hi, ouo̱‐o hè aï.
42Kè mbolo, — ndo ouo̱ kou nè yanga dafa mo, kè gui, sabbat hèdè sa ouo̱, — 43Nè Joseph kè Arimathée, ba di̱ngguè oui‐to‐oui̱ne, nè kèlè nou kè Nzapa nè tè tèno hi, bouo. A nèno dida Pilate mè oui̱ne aka kili‐tè Jésus. 44Pilate koukou oui̱ne nèdaka n’a fiè didi; a samo hè centenier oui̱ne ak’a, è gui: a fiè nè amo ndi? 45Nè centenier kodaka, è gui: A fiè nè amo ouo̱, n’a ha kili‐tè a hè Joseph. 46Joseph hè toulou‐fio; a ba Jésus ngo jou croix zili nè; a hèl’a nè toulou‐fio; a pi a ko ko̱‐fio ndo ouo̱ sèkè o nè ta hi. Kèchida a kini ta nè nou ko̱‐fio. 47Marie Magdala, dè Marie, na kè Joses, jo olo yara goun’a.
ទើបបានជ្រើសរើសហើយ៖
Marc 15: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939
Marc 15
15
1Toutouli, di̱ngguè sacrificateur o ma oui̱ne do a‐ouili o, dè scribe o, dè sanhédrin nè oli. Kèchida ko ouo̱ hèlè Jésus, ndo ouo̱ b’a nèno o; ouo̱ h’a o hè Pilate. 2Pilate ak’a, è gui: Mè nè ouane ko juif o ndi? Jésus pikifi oui̱ne h’a, è gui: No mo no mè to hi. 3Di̱ngguè sacrificateur o kara oui̱ne o di jou a ouinè. 4Pilate ak’a da, è gui: Mè pikifi oui̱ne nè ndi? Mè zili oui̱ne ouinè ndo ouo̱ é jou mè o nè ndi? 5Jésus pikifi oui̱ne nè, hèmonggo kè Pilate koukou oui̱ne.
6Di̱ngguè ouichi pome, pome, nè oli, n’a pi oui‐kanga bèi nè ouili o akadaka hi nou. 7Kè ma ouili pome ko toa kanga, yin’a nè Barabbas. A gbè ma ouili do ma ouili do a o. 8Ouili ouinè nèno o dida k‐a nè oui̱ne aka nèda mo n’a tè ha ho ouo̱‐o hè a‐i go. 9Pilate pikifi oui̱ne ho ouo̱‐o, è gui: Enè koa o mi pi ouane ko juif o nou ndi? 10A i̱ngi ndo di̱ngguè sacrificateur o ha n’a ho ouo̱‐o, oui̱ne sèlè ouo̱ ko a o nè. 11O ouane kè sacrificateur o to douli ho ouili o sè kè Pilate pi Barabbas nou ho ouo̱‐o. 12Pilate to oui̱ne ho ouo̱‐o da, è gui: Enè koa o mi dè nè gui dè ouaïlè n’ènè samo h’a o nè ouane ko juif o gui̱ndi? 13Ouo̱ himo o da, è gui: Mbod’a jou croix! 14Pilate to oui̱ne ho ouo̱‐o, è gui: A dè nè namo gui̱ndi? Ndo ouo̱ himo o da gana i̱nggati: Mbod’a jou croix! 15Pilate koa dè hèmo nè ba doko ouili o ko nè daka higo, a pi Barabbas nou. Kèchida k’a mbèlè Jésus nè gafi, n’a h’a ho ouo̱‐o oui̱ne mbod’a jou croix.
16Toulougou o ba Jésus nèno ko kine ka toa, kè gui, bèlè‐toa ndo ouo̱ to mbangga ouili o sènè hi; ouo̱ to di jou ma o nè oli. 17Ouo̱ pi toulou pourpre o té a; ouo̱ chini tène‐ti nè ndoutou ouane; ouo̱ gou jou a o. 18Kèchida ndo ouo̱ kouyanga toun’a o, è gui: Ouoromo, ouane ko juif o! 19Ouo̱ mbèlè jou a o nè bassa‐ti; ouo̱ toufou same o di té a; ouo̱ aba jougoulou ouo̱‐o nou ti a. 20Kèchida ko ouo̱ mam’a o, ndo ouo̱ poro toulou pourpre o té a dida; ouo̱ pi toulou ko‐a o té a; ouo̱ b’a o nèno oui̱ne mbod’a jou croix.
21Ouo̱ ba oui‐raka‐liouara o, kè pi̱li nè sènè fo, nè ngaïli, nè Simon kè Cyrène, sème kè Alexandre dè Rufus, oui̱ne ba croix kè Jésus. 22Ouo̱ ba Jésus o nèno di ma olo yara mè, yin’a nè Golgotha, kè gui, olo yara bara‐jou‐ouili ouo̱. 23Ouo̱ a myrrhe o sènè vin; ouo̱ h’a o oui̱ne no̱; a ba go. 24Ouo̱ mbod’a o jou croix; ouo̱ kèkosanga toulou ko‐a o; kèchida ndo ouo̱ bi mbadi ma o oui̱ne i̱ngi ouili bèi nè tè kar’a hi. 25Ouo̱ mbod’a o jou croix nè l’heure tara. 26Oui̱ne jou croix hi, è gui: A nè ouane ko juif o. 27Ouo̱ mbodo ma oui‐jou litou o jou croix do a, ma pome nè ouara ouili ko, ma pome nè ouara galè. 28Mo tèno hèmo nè Mbèti kè Nzapa toa nè i̱nggati higo: Ouo̱ tor’a do oui‐dè‐namo o. 29O ma oui‐raka‐liouara o d’a; ndo ouo̱ pi jou ouo̱‐o, è gui: É, mè nè yara temple; mè dè da nè ouichi tara; 30Mè passa to mè nè to mè; mè zili nou jou croix! 31Di̱ngguè sacrificateur o do scribe o mam’a bo, è gui: A passa nè ma ouili o è; n’a tè passa té a nè té a go! 32Christ, ouane kè Israël, mè zili nou didi nè jou croix, sè k’alè jo, k’alè i̱ngi. Ino ndo ouo̱ mbodo do a o jou croix hi mam’a o bo.
33Kè l’heure dong‐po, kè toum déè sènè nou nè oli iyaaa l’heure mbé pome ké boua. 34Kè l’heure mbé pome kè boua, nè Jésus himo dingo̱ne, è gui: Ëloï, Ëloï, lama sabachthani? kè gui: Nzapa ko‐m’, Nzapa ko‐m’, nè gui ho mè béè no‐m’ gui̱ndi? 35Ma ouili pome, pome, nè yolo sènè hi, kèchida ko ouo̱ zili oui̱ne d‐è, ndo ouo̱ to oui̱ne o, è gui: A sa nè mo hè Élie. 36Ma ayou ba éponge; a pi do̱ vinaigre; a é nou bassa‐ti; a h’a hè Jésus oui̱ne no̱, è gui: Enè yaka o di; alè jo bè nè Élie tè tèno b’a hè é nou nè. 37Kè Jésus himo dingo̱ne, nè fiè. 38Toulou‐gono‐da ko temple aka nè ngo mè iyaaa mono dido̱ nè kèkosanga tè litou. 39Centenier hè ka tè Jésus hi; a joko n’a fiè nè hi, a to oui̱ne, è gui: Nè bara oui̱ne, ouaïlè nè Bi̱‐ouili kè Nzapa nè mbètè ouo̱. 40O ma ouiko o bo hè aï, kè joko mo o nè yèlè. Bo̱bo̱ ouo̱‐o nè Marie Magdala, Marie, na kè Jacques, bi̱li‐bi̱me, kè Joses, dè Salomè. 41Ouo̱ nèno o pat’a; ouo̱ dè mo do a po‐ouichi n’a mono nè nou Galilée hi; do ma o nè danga do a di Jérusalem mè hi, ouo̱‐o hè aï.
42Kè mbolo, — ndo ouo̱ kou nè yanga dafa mo, kè gui, sabbat hèdè sa ouo̱, — 43Nè Joseph kè Arimathée, ba di̱ngguè oui‐to‐oui̱ne, nè kèlè nou kè Nzapa nè tè tèno hi, bouo. A nèno dida Pilate mè oui̱ne aka kili‐tè Jésus. 44Pilate koukou oui̱ne nèdaka n’a fiè didi; a samo hè centenier oui̱ne ak’a, è gui: a fiè nè amo ndi? 45Nè centenier kodaka, è gui: A fiè nè amo ouo̱, n’a ha kili‐tè a hè Joseph. 46Joseph hè toulou‐fio; a ba Jésus ngo jou croix zili nè; a hèl’a nè toulou‐fio; a pi a ko ko̱‐fio ndo ouo̱ sèkè o nè ta hi. Kèchida a kini ta nè nou ko̱‐fio. 47Marie Magdala, dè Marie, na kè Joses, jo olo yara goun’a.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939