Marc 13
13
1Nè Jésus ho nè ko temple mè hi, nè ma disciple ko‐a pome to oui̱ne h’a, è gui: Maître, mè joko ta o; mè joko toa o! 2Jésus pikifi oui̱ne h’a, è gui: Mè joko di̱ngguè toa o ndi? Ma ta tè o̱ nè ngo tè ma ta go; ouo̱‐o nè oli hè ti̱ngbi a nou.
3A o̱nou nè ngo kara olivier o nè tana nè temple hi. Pierre, dè Jacques, dè Jean, dè André, ouo̱‐o‐ènè‐ouo̱‐o‐iè, ouo̱ ak’a oui̱ne d‐è o, è gui: 4Mè toda k‐a h’alè, ouichi nè mo è tè tèno; nè ma mo gui h’alè tè jo, k’alè i̱ngi nè mo n‐o o nè oli nè tè tèno hi gui̱ndi? 5Jésus kouyanga to oui̱ne ho ouo̱‐o, è gui: Enè pama jou ’nè‐o da ma ouili tè o̱ro ’nè‐o. 6Oui̱ne o ma o ouinè tè tèno nè yini‐m’, è gui: No‐m’. Ouo̱ tè o̱ro ouili o ouinè. 7Kèchida k’ènè tè zili oui̱ne boulo o, k’ènè tè zili oui̱ne mo boulo o ouinè, nè sèlè ’nè‐o ya naka nè, oui̱ne mo n‐o o ouiè bou. I bènè ndoutou koliè go. 8Ma ouili ènè tè kilingo̱ne hè pa ma dè ma nouli ènè; ma nou tè kilingo̱ne hè pa ma dè ma nou ènè; kè nou tè naka sènè ma olo yara ènè, ènè; kè dangba tè lou ouili o. È nè kouyanga di̱ngguè yoro.
9Enè pama jou ’nè‐o. Ko ouo̱ tè kara ’nè‐o hè a ko kanga; ko ouo̱ tè mbèlè ’nè‐o nè gafi ko synagogue o. Ko ouo̱ tè kara ’nè‐o di ti gouverneur o mè, dè di ti di̱ngguè ouane o mè, nèda oui̱ne ko‐m’, kè oui̱ne d‐è mono jou ouo̱‐o. 10Ouili tè oussou Dè‐oui̱ne kè Nzapa di sènè nou nè oli i̱nggati. 11Kèchida ko ouo̱ tè kara ’nè‐o hè a ko kanga, n’ènè ya dè kili o i̱nggati sè n’ènè to oui̱ne o nè; ènè to oui̱ne o hèmo nè ma tè ha h’ènè‐o nè po‐ouichi è higo; oui̱ne bè n’ènè h’ènè tè to oui̱ne o go, nè Saint‐Esprit hè tè to. 12Ouili nè bara nè pata ma o hi tè ba ma o hè pi li fio; sème kè bi̱me tè ha bi̱me k‐è hè fio. Ko bi̱me o tè kilingo̱ne gbè sème ko‐lo‐o dè na ko‐lo‐o. 13Dana ouili o nè oli tè bè ’nè‐o nèda oui̱ne yini‐m’, mais ouili bèi nè tè doungounou nè ngaïli hègo̱o̱o̱ po‐ouichi ndoutou koliè sè, n’a passa.
14Kèchida k’ènè tè joko ba di̱ngguè namo o nè tè nanga mo nè mbètè hi, olo yara nè oui nè go hi, — ouili nè tè toro hi, n’a pama jou a, — ko ouino‐o nè tè o̱ nou Judée hi you o di ngo kara mè; 15Kè ouili bèi nè tè o̱ jou toa mè hi, ya zili nou di ko toa mè oui̱ne ba mo k‐è nè; 16Kè ouili bèi nè tè o̱ sènè fo mè hi, ya jiki té a dida oui̱ne ba toulou k‐è nè; 17Kè ngangga ouinè nèda ouiko nè tè ba zan dè ouiko bèi nè bi̱me tè mono nou bèlè él’a hi, nè po‐ouichi o hi! 18Enè toro Nzapa o nèda mo n‐o o d’a tè bou nè sènè gi‐guè. 19Pè yoro nè tè tèno po‐ouichi è nanga gana ma ouichi o nè oli nè raka nè kouyanga nou nè Nzapa déè nè mo hi, iyaaa kè bou nè sossoè. Kè mbéa tè bou hègo go. 20O̱nemo Seigneur dè po‐ouichi o nè do̱ nè, nè ouili pome tè passa go; mais a dè nè do̱ nèda ouili ko‐a o n’a kara hi. 21O̱nemo ma ouili to oui̱ne h’ènè‐o, è gui: Christ no mo, kèo̱nè; K’a no mo mè hi ouo̱, n’ènè ya zili o nè. 22Ko guili ouili o tè tèno, è gui: Olo‐o nè Christ dè prophète o ouo̱. Ouo̱ tè dè di̱ngguè‐mo dè miracle o oui̱ne yobo bi̱me kè Nzapa o, bè ndo ouo̱ ouiè dè yobo ouo̱‐o. 23Enè pama jou ’nè‐o diouinè: Mi to h’ènè‐o ti sa nè oli.
24Nè po‐ouichi o hi, kèchida olo pè yoro hi, kè toum tè ba li ouichi, kè gi tè toko go, 25Ko solo o tè ara di nou nè, dè ngaïli nè o̱ li‐zane mè tè fo tè. 26Ko ouo̱ tè jo Bi̱‐ouili kè ouili, kè tèno sènè lia‐kolo nè di̱ngguè ngaïli dè gloire. 27A tè toumbou ange o; ouo̱ tè to ouili kè Nzapa o di jou ma, nè ndouti nou nè iyaaa mono nè di ndouti li‐zane mè.
28Enè oussou tè ’nè‐o hè ti figuier go. Nè bak’a di̱ngguè nè, kè ma k‐a bo nè hi, n’ènè i̱ngi o kè gi bémo hèdè sa. 29Hè po mo go, ènè jo mo n‐o o nè tè ma nè o hi, n’ènè i̱ngi tana o kè Bi̱‐ouili kè ouili hèdè nè nou toa sa. 30Mi to nè bara oui̱ne h’ènè‐o, ouino pè k‐è tè raka sa sè nè mo n‐o o ma go. 31Li‐zane o dè nou tè raka‐raka; oui̱ne ko‐m’ raka k‐è nè. 32Po‐ouichi kèo̱nè l’heure nè mo n‐o o tè tèno o hi, ndo ouili o tè i̱ngi go, ange o li‐zane mè dè Bi̱‐ouili o i̱ngi go, nè Nzapa Sème hè i̱ngi pome‐iè. 33Enè pama jou ’nè‐o; ènè ya o̱la o nè; ènè toro Nzapa o; oui̱ne ènè tè i̱ngi po‐ouichi mo h‐è o nè tè tèno hi go. 34Tè o̱ hè ma ouili nè nè guènè hèk’a. A é toa ko‐a; a ha ngaïli ho oui‐gossala ko‐a o; a oussou gossala ho ouo̱‐o pome, pome; a to oui̱ne hè oui‐pama‐nou‐toa, è gui: Mè ya o̱la nè. 35Enè ya o̱la o nè, oui̱ne ènè tè i̱ngi po‐ouichi nè ouaïli toa tè pi̱li nè hi o nè, o̱nè mbolo, o̱nè kosanga zè, o̱nè toutouli nè ouili‐koro hi nè mo hi, o̱nè toutouli, n’ènè tè i̱ngi o go. 36Enè pama jou ’nè‐o d’a tè pi̱li pa ’nè‐o nè sènè la; oui̱ne a tè pi̱li banga ’nè‐o banga. 37Mo no‐m’ to h’ènè‐o ou‐è, mi to ho ouili o nè oli: Enè ya o̱la o nè.
ទើបបានជ្រើសរើសហើយ៖
Marc 13: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939