Marc 12
12
1Jésus kouyanga oussou oui̱ne nè donggo‐oui̱ne o. Ma ouili gounou ti‐ouara‐ti sènè fo. A mama k‐a; a za ko nèda mo oui̱ne pili li‐ouara‐ti; a dè solobi toa. Kèchida n’a kara ouili o; a a nou oui̱ne pam’a; a koulou li. 2Kèchida kè gi bi ouara‐ti hè tèno, n’a toumbou oui‐gossala oui̱ne nèno dida oui‐pama‐fo‐ouara‐ti o mè, hè kèkosanga ouara‐ti. 3Ouo̱ ba ouaïlè; ouo̱ mbèl’a; ouo̱ ndak’a o; a chi nè ola. 4A toumbou mbé oui‐gossala dida ouo̱‐o mè da. Ouo̱ mbèlè jou a o; ouo̱ noukoul’a o ouinè. 5A toumbou mbéa tara da; ouo̱ gbé a o. Kèchida n’a toumbou mbé doko ouili o da; ouo̱ mbèlè ouo̱‐o; ouo̱ gbè ouo̱‐o. 6Bi̱‐ouili ko‐a n’a koa ouinè pome hè aï. A toumbou koli ndoutou koliè dida ouo̱‐o mè nè bi̱me b‐è hi; a to oui̱ne, è gui: Ouo̱ tè é bi̱‐ouili ko‐m’ o sènè. 7Oui‐pama‐fo‐ouara‐ti o to nè pèlè jou lo‐o, è gui: Oui‐kara‐mo‐ol’a no mo nè tèno hi. Enè tèno o; alè gbé a o, kè mo‐olo sème ko‐a dè k’alè. 8Ouo̱ b’a o; ouo̱ gbé a o; ouo̱ pi a o di donggo fo mè. 9Didi kè ouaïlè fo tè dè nè gui̱ndi? A tè tèno gbè oui‐pama‐fo o nè oli, hè ba fo ha ho mbé ouili o. 10Enè tè toro oui̱ne d‐è kosanga Mbèti kè Nzapa o, è gui:
Ta nè oui‐dè‐toa o pi jo hi
Déè ta touli è;
11Seigneur dè hèmonggo oui̱ne a koa;
Alè joko hè di̱ngguè démo go ouo̱ nè ndi?
12Ouo̱ fa liouara oui̱ne b’a o, mais kili gbè ouo̱‐o oui̱ne ko ma ouili o ouinè. Ouo̱ i̱ngi hèmonggo Jésus to donggo‐oui̱ne d‐è ho ouo̱‐o. Ouo̱ kilingo̱ne; ouo̱ nèno o.
13Ouo̱ toumbou ma pharisien o de ma hérodien o dida Jésus nè oui̱ne yob’a ho ouo̱‐o. 14Ouo̱ tèno o; ouo̱ to oui̱ne h’a o, è gui: Maître, alè i̱ngi mè nè mbètè; mè bangba oui̱ne kè ma ouili nè. Mè dè mo oui̱ne kè ouili nè; mè oussou nè liouara kè Nzapa nè bara oui̱ne. Alè payer l’impôt hè César guili go ndi? S’alè tè payer go è ndi? Alè ouiè payer ndi, s’alè tè payer go è ndi? 15Jésus i̱ngi ouo̱‐o nè oui‐zèguèlè; a pikifi oui̱ne ho ouo̱‐o, è gui: Nè oui̱ne gui h’ènè o̱ro no‐m’ o gui̱ndi? Enè ba denier o pome tèno, ho‐m’ jok’a. 16Ouo̱ ba pome o tèno. Jésus aka ouo̱‐o, è gui: Mo h‐è nè zisi ndo? Mo h‐è nè oui̱ne kè ndo? Ouo̱ pikifi oui̱ne o, è gui: Nè kè César. 17A to oui̱ne ho ouo̱‐o, è gui: O̱nemo nè kè César, n’ènè ba o chi nè h’a; o̱nemo nè kè Nzapa, n’ènè ba o chi nè h’a. Ouo̱ koukou oui̱ne ko‐a o ouinè.
18Sadducéen o, nè gui ouili tounou nè ouo̱ hi, tèno dida Jésus nè; ouo̱ ak’a o, è gui: 19Maître, Moïse oussou h’alè, è gui: O̱nemo jo‐oui kè ma ouili fi, ko ko‐a mono, bi̱me o bènè, ma ya chi da b’a da; oui̱ne ko bi̱me é olo jo‐oui k‐é. 20Oui‐ouili dong‐litou hè sènè; ouo̱‐o nè oli nè pata ma. Ngangga siti ba ko; a fiè; a ko bi̱me do a go. 21Ma pat’a b’a da nè ko k‐è; a fiè; a ko bi̱me go. A dè nè pome mo do koli ino‐o tara hi. 22Kèchida ouo̱ sa o nè oli, ouo̱ ko bi̱me do a o go. Kèchida ouo̱ fiè o nè oli sa, nè ouiko k‐è fiè bo. 23Ouichi nè ouili tè tounou nè hi, kè ouaïli ko k‐è bo̱ ouo̱‐o nè ndo? Oui̱ne ouo̱‐o dong‐litou nè oli nè ouaïli ko k‐è. 24Jésus pikifi oui̱ne ho ouo̱‐o, è gui: Enè i̱ngi o nè, oui̱ne ènè i̱ngi Mbèti kè Nzapa, k’ènè i̱ngi nè ngaïli kè Nzapa o nè ndi? 25Kèchida ouichi tounou ouili tèno, oui‐ouili tè ba ko go, kè ouiko tè ba nè oui‐ouili go; ouo̱ tè o̱ hè ange li‐zane mè go. 26Oui̱ne kè ouili nè tounou, ènè toro ko mbèti kè Moïse o nè ndi hèmo nè Nzapa toa nè oui̱ne h’a sènè solobi ti, è gui: Mi nè Nzapa kè Abraham; mi nè Nzapa kè Issac; mi bènè Nzapa kè Jacob go ndi? 27Nzapa bènè Nzapa fio go; Nzapa nè Nzapa ko touni‐ouili o. Enè téli oui̱ne o nè ola.
28Ma scribe pome zilidaka ndo ouo̱ téli nè oui̱ne o hi; a zilidaka nè Jésus pi nè kifi oui̱ne diouinè ho sadducéen o hi; n’a tèno guènè ak’a: Mboulou nè gana ma o nè oli nè gui̱ndi? 29Jésus pikifi oui̱ne, é gui: Mè zili mboulou nè gana ma: Mè zili, Israël, Seigneur, Nzapa ko‐mè, nè Seigneur pome; dè: 30Mè ko Seigneur, Nzapa ko‐mè, nè ko sèlè mè nè oli, dè dana mè nè oli, dè bangba ko‐mè nè oli, dè ngaïli ko‐mè nè oli. 31Mè joko ma mboulou litou: Mè ko béa mè hè kili‐to mè go. Ma mbé mboulou nè di̱ngguè gana ino‐o bènè. 32Scribe to oui̱ne h’a, è gui: Diouinè, Maître; mè to nè bara oui̱ne nè mbètè Nzapa pome‐iè; ma mbéa bènè. 33Oui̱ne ko Nzapa nè ko sèlè mè nè oli, dè bangba ko‐mè nè oli, dè dana mè nè oli, dè ngaïli ko‐mè nè oli, dè ko béa mè hè kili‐to mè go, gana o holocauste o nè oli, dè sacrifice nè oli. 34Kèchida nè Jésus zili hèmo n’a pi nè kifi oui̱ne nè i̱ngi‐mo ko‐a diouinè higo, n’a to oui̱ne h’a, è gui: Mè o̱yèlè nè nou kè Nzapa nè. Kèchida kè ma ouili tè ak’a nè mbé mo go.
35Jésus mono guènè oussou oui̱ne ko temple, è gui: Hègo gui ndo scribe o to nè oui̱ne, è gui: Christ nè Bi̱‐ouili kè David ouo̱ gui̱ndi? 36David, nè ngaïli kè Saint‐Esprit, to a oui̱ne nè tè, è gui:
Seigneur to oui̱ne hè Seigneur ko‐m’:
Mè doungounou ouara ouili éli‐m’,
Hègo̱o̱o̱ ho‐m’ dè oui‐sène ko‐mè o nè mo‐é‐do̱‐yanga mè sè.
37David samo h’a nè tè bo nè Seigneur; sè n’a o̱ nè bi̱‐ouili ko‐a bo ouo̱ hègo gui? Ba doko ouili zil’a o diouinè. 38A to oui̱ne ho ouo̱‐o, è gui: Enè pama jou ’nè‐o nè oui̱ne ko scribe o, oui̱ne ouo̱ koa hèkè nè olo boubou toulou to ouo̱‐o; ndo ouo̱ koa ouili tounou ouo̱‐o nè sènè olo yara goloumbè; 39Oui̱ne ouo̱ koa dé gui̱ndi o nè gana ma ko synagogue o, dè dé olo yara nè gana ma sènè olo yara yongo kame o; 40Oui̱ne ouo̱ ba toa kè ouiko‐guèlè o; ouo̱ toro Nzapa o iyaaa sè kè ouili joko ouo̱‐o. Ouo̱ tè pa kanga o di̱ngguè ouinè.
41Kè Jésus doungounou tana nè sèmebè ngui̱nzè, k’a joko ndo ba doko ouili o a ngui̱nzè ko‐ouo̱ hi. Ouili bèino nè ngui̱nzè éli ouo̱‐o ouinè, ndo ouo̱ a o doko ouinè. 42A joko ma ouiko‐guèlè bo; a pi solobi ngui̱nzè litou, solobi boro ngui̱nzè nara oui dè sou pome. 43Jésus samo ho disciple da k‐è o, è gui: Mi koa to bara oui̱ne h’ènè‐o, ouiko‐guèlè h‐è horo ngui̱nzè gana ko doko ouili o nè oli nè a ngui̱nzè ko sèmebè o hi. 44Oui̱ne ba doko ouili o ha nè koliè mono doko ouinè; a horo ko‐a nè oli, mo nè oli n’a pama oui̱ne passa.
ទើបបានជ្រើសរើសហើយ៖
Marc 12: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939
Marc 12
12
1Jésus kouyanga oussou oui̱ne nè donggo‐oui̱ne o. Ma ouili gounou ti‐ouara‐ti sènè fo. A mama k‐a; a za ko nèda mo oui̱ne pili li‐ouara‐ti; a dè solobi toa. Kèchida n’a kara ouili o; a a nou oui̱ne pam’a; a koulou li. 2Kèchida kè gi bi ouara‐ti hè tèno, n’a toumbou oui‐gossala oui̱ne nèno dida oui‐pama‐fo‐ouara‐ti o mè, hè kèkosanga ouara‐ti. 3Ouo̱ ba ouaïlè; ouo̱ mbèl’a; ouo̱ ndak’a o; a chi nè ola. 4A toumbou mbé oui‐gossala dida ouo̱‐o mè da. Ouo̱ mbèlè jou a o; ouo̱ noukoul’a o ouinè. 5A toumbou mbéa tara da; ouo̱ gbé a o. Kèchida n’a toumbou mbé doko ouili o da; ouo̱ mbèlè ouo̱‐o; ouo̱ gbè ouo̱‐o. 6Bi̱‐ouili ko‐a n’a koa ouinè pome hè aï. A toumbou koli ndoutou koliè dida ouo̱‐o mè nè bi̱me b‐è hi; a to oui̱ne, è gui: Ouo̱ tè é bi̱‐ouili ko‐m’ o sènè. 7Oui‐pama‐fo‐ouara‐ti o to nè pèlè jou lo‐o, è gui: Oui‐kara‐mo‐ol’a no mo nè tèno hi. Enè tèno o; alè gbé a o, kè mo‐olo sème ko‐a dè k’alè. 8Ouo̱ b’a o; ouo̱ gbé a o; ouo̱ pi a o di donggo fo mè. 9Didi kè ouaïlè fo tè dè nè gui̱ndi? A tè tèno gbè oui‐pama‐fo o nè oli, hè ba fo ha ho mbé ouili o. 10Enè tè toro oui̱ne d‐è kosanga Mbèti kè Nzapa o, è gui:
Ta nè oui‐dè‐toa o pi jo hi
Déè ta touli è;
11Seigneur dè hèmonggo oui̱ne a koa;
Alè joko hè di̱ngguè démo go ouo̱ nè ndi?
12Ouo̱ fa liouara oui̱ne b’a o, mais kili gbè ouo̱‐o oui̱ne ko ma ouili o ouinè. Ouo̱ i̱ngi hèmonggo Jésus to donggo‐oui̱ne d‐è ho ouo̱‐o. Ouo̱ kilingo̱ne; ouo̱ nèno o.
13Ouo̱ toumbou ma pharisien o de ma hérodien o dida Jésus nè oui̱ne yob’a ho ouo̱‐o. 14Ouo̱ tèno o; ouo̱ to oui̱ne h’a o, è gui: Maître, alè i̱ngi mè nè mbètè; mè bangba oui̱ne kè ma ouili nè. Mè dè mo oui̱ne kè ouili nè; mè oussou nè liouara kè Nzapa nè bara oui̱ne. Alè payer l’impôt hè César guili go ndi? S’alè tè payer go è ndi? Alè ouiè payer ndi, s’alè tè payer go è ndi? 15Jésus i̱ngi ouo̱‐o nè oui‐zèguèlè; a pikifi oui̱ne ho ouo̱‐o, è gui: Nè oui̱ne gui h’ènè o̱ro no‐m’ o gui̱ndi? Enè ba denier o pome tèno, ho‐m’ jok’a. 16Ouo̱ ba pome o tèno. Jésus aka ouo̱‐o, è gui: Mo h‐è nè zisi ndo? Mo h‐è nè oui̱ne kè ndo? Ouo̱ pikifi oui̱ne o, è gui: Nè kè César. 17A to oui̱ne ho ouo̱‐o, è gui: O̱nemo nè kè César, n’ènè ba o chi nè h’a; o̱nemo nè kè Nzapa, n’ènè ba o chi nè h’a. Ouo̱ koukou oui̱ne ko‐a o ouinè.
18Sadducéen o, nè gui ouili tounou nè ouo̱ hi, tèno dida Jésus nè; ouo̱ ak’a o, è gui: 19Maître, Moïse oussou h’alè, è gui: O̱nemo jo‐oui kè ma ouili fi, ko ko‐a mono, bi̱me o bènè, ma ya chi da b’a da; oui̱ne ko bi̱me é olo jo‐oui k‐é. 20Oui‐ouili dong‐litou hè sènè; ouo̱‐o nè oli nè pata ma. Ngangga siti ba ko; a fiè; a ko bi̱me do a go. 21Ma pat’a b’a da nè ko k‐è; a fiè; a ko bi̱me go. A dè nè pome mo do koli ino‐o tara hi. 22Kèchida ouo̱ sa o nè oli, ouo̱ ko bi̱me do a o go. Kèchida ouo̱ fiè o nè oli sa, nè ouiko k‐è fiè bo. 23Ouichi nè ouili tè tounou nè hi, kè ouaïli ko k‐è bo̱ ouo̱‐o nè ndo? Oui̱ne ouo̱‐o dong‐litou nè oli nè ouaïli ko k‐è. 24Jésus pikifi oui̱ne ho ouo̱‐o, è gui: Enè i̱ngi o nè, oui̱ne ènè i̱ngi Mbèti kè Nzapa, k’ènè i̱ngi nè ngaïli kè Nzapa o nè ndi? 25Kèchida ouichi tounou ouili tèno, oui‐ouili tè ba ko go, kè ouiko tè ba nè oui‐ouili go; ouo̱ tè o̱ hè ange li‐zane mè go. 26Oui̱ne kè ouili nè tounou, ènè toro ko mbèti kè Moïse o nè ndi hèmo nè Nzapa toa nè oui̱ne h’a sènè solobi ti, è gui: Mi nè Nzapa kè Abraham; mi nè Nzapa kè Issac; mi bènè Nzapa kè Jacob go ndi? 27Nzapa bènè Nzapa fio go; Nzapa nè Nzapa ko touni‐ouili o. Enè téli oui̱ne o nè ola.
28Ma scribe pome zilidaka ndo ouo̱ téli nè oui̱ne o hi; a zilidaka nè Jésus pi nè kifi oui̱ne diouinè ho sadducéen o hi; n’a tèno guènè ak’a: Mboulou nè gana ma o nè oli nè gui̱ndi? 29Jésus pikifi oui̱ne, é gui: Mè zili mboulou nè gana ma: Mè zili, Israël, Seigneur, Nzapa ko‐mè, nè Seigneur pome; dè: 30Mè ko Seigneur, Nzapa ko‐mè, nè ko sèlè mè nè oli, dè dana mè nè oli, dè bangba ko‐mè nè oli, dè ngaïli ko‐mè nè oli. 31Mè joko ma mboulou litou: Mè ko béa mè hè kili‐to mè go. Ma mbé mboulou nè di̱ngguè gana ino‐o bènè. 32Scribe to oui̱ne h’a, è gui: Diouinè, Maître; mè to nè bara oui̱ne nè mbètè Nzapa pome‐iè; ma mbéa bènè. 33Oui̱ne ko Nzapa nè ko sèlè mè nè oli, dè bangba ko‐mè nè oli, dè dana mè nè oli, dè ngaïli ko‐mè nè oli, dè ko béa mè hè kili‐to mè go, gana o holocauste o nè oli, dè sacrifice nè oli. 34Kèchida nè Jésus zili hèmo n’a pi nè kifi oui̱ne nè i̱ngi‐mo ko‐a diouinè higo, n’a to oui̱ne h’a, è gui: Mè o̱yèlè nè nou kè Nzapa nè. Kèchida kè ma ouili tè ak’a nè mbé mo go.
35Jésus mono guènè oussou oui̱ne ko temple, è gui: Hègo gui ndo scribe o to nè oui̱ne, è gui: Christ nè Bi̱‐ouili kè David ouo̱ gui̱ndi? 36David, nè ngaïli kè Saint‐Esprit, to a oui̱ne nè tè, è gui:
Seigneur to oui̱ne hè Seigneur ko‐m’:
Mè doungounou ouara ouili éli‐m’,
Hègo̱o̱o̱ ho‐m’ dè oui‐sène ko‐mè o nè mo‐é‐do̱‐yanga mè sè.
37David samo h’a nè tè bo nè Seigneur; sè n’a o̱ nè bi̱‐ouili ko‐a bo ouo̱ hègo gui? Ba doko ouili zil’a o diouinè. 38A to oui̱ne ho ouo̱‐o, è gui: Enè pama jou ’nè‐o nè oui̱ne ko scribe o, oui̱ne ouo̱ koa hèkè nè olo boubou toulou to ouo̱‐o; ndo ouo̱ koa ouili tounou ouo̱‐o nè sènè olo yara goloumbè; 39Oui̱ne ouo̱ koa dé gui̱ndi o nè gana ma ko synagogue o, dè dé olo yara nè gana ma sènè olo yara yongo kame o; 40Oui̱ne ouo̱ ba toa kè ouiko‐guèlè o; ouo̱ toro Nzapa o iyaaa sè kè ouili joko ouo̱‐o. Ouo̱ tè pa kanga o di̱ngguè ouinè.
41Kè Jésus doungounou tana nè sèmebè ngui̱nzè, k’a joko ndo ba doko ouili o a ngui̱nzè ko‐ouo̱ hi. Ouili bèino nè ngui̱nzè éli ouo̱‐o ouinè, ndo ouo̱ a o doko ouinè. 42A joko ma ouiko‐guèlè bo; a pi solobi ngui̱nzè litou, solobi boro ngui̱nzè nara oui dè sou pome. 43Jésus samo ho disciple da k‐è o, è gui: Mi koa to bara oui̱ne h’ènè‐o, ouiko‐guèlè h‐è horo ngui̱nzè gana ko doko ouili o nè oli nè a ngui̱nzè ko sèmebè o hi. 44Oui̱ne ba doko ouili o ha nè koliè mono doko ouinè; a horo ko‐a nè oli, mo nè oli n’a pama oui̱ne passa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939