Marc 1
1
1Kouyanga Dé‐oui̱ne kè Jésus Christ, Bi̱‐ouili kè Nzapa.
2Hèmo nè Mbèti kè prophète Ésaïe toa nè higo, è gui:
Mè joko, mi toumbou oui‐toum ko‐m’ di ti mè hi,
Kè tè dafa liouara ko‐mè;
3Guèlè oui nè himo nè do̱ko jo hi no mo, è gui:
Mè dafa liouara kè Seigneur;
Mè roko solobi liouara ko‐a o.
4Jean tèno dè baptême nè do̱ko jo; a oussou liouara oui̱ne dè baptême ho ouili o nè liouara toda namo ko‐ouo̱‐o hè Nzapa, oui̱ne folo namo ko‐ouo̱‐o sa. 5Ouili sènè nou Judée dè ouili sarli̱ Jérusalem o nè oli tèno dida k‐a nè. Ouo̱ toda namo ko‐ouo̱‐o hè Nzapa; kèchida n’a dè baptême ho ouo̱‐o nè ko zili Jourdain. 6Toulou kè Jean nè boum tè chameau, dè ndara n’a mara jiki ka til’a hi. Mo‐yongo da k‐a nè doro dè go̱ro. 7A oussou oui̱ne, è gui: Ouili nè ngaïli ko‐a gana ko‐m’ tè tèno pata‐m’ hi. Mi bènè dé ouili, ko‐m’ gounou oui̱ne boulou pèlè ndakara ko‐a go. 8Mi dè baptême bo‐m’ h’ènè‐o nè do̱ li; a tè dè baptême bo‐a h’ènè‐o nè Saint‐Esprit.
9Nè po‐ouichi hi, kè Jésus tèno nè sarli̱ Nazareth, sènè nou Galilée, Jean dè baptême h’a nè do̱ li Jourdain. 10Kè didi n’a ho nè do̱ li mè hi, n’a joko li‐zane kè bouo; a joko Saint‐Esprit kè zili di jou a nè hè kouli go. 11Ouo̱ zili guèlè ouili o li‐zane mè kè to oui̱ne, è gui: Mè nè dé Bi̱‐ouili ko‐m’; mi koa mè gana ma mo nè oli.
12Didi kè Saint‐Esprit ba Jésus nèno di do̱ko jo mè. 13A o̱ olo yara ouichi boua nara; Bison koa o̱r’a. A o̱ do̱ko jo do sadè o; ange o dè démo do a.
14Kèchida ko ouo̱ ha Jean ho ouo̱‐o, nè Jésus nèno di sènè nou Galilée mè. A oussou Dé‐oui̱ne kè Nzapa, è gui: 15Po‐ouichi ma; nou‐ouane kè Nzapa hèdè sa. Enè toda namo k’ènè‐o hè Nzapa; ènè ya téli Dé‐oui̱ne kè Nzapa o nè.
16N’a nè nè no ka li Galilée hi, n’a joko Simon dè y’a, André. Ko ouo̱ pi yo o do̱ li, oui̱ne ouo̱‐o nè oui‐ara‐yo‐zolo. 17Jésus to oui̱ne ho ouo̱‐o, è gui: Enè tèno o pata‐m’, ho‐m’ oussou oui̱ne liouara fa ouili h’ènè‐o. 18Didi ko ouo̱ iè yo da ouo̱‐o nou; ouo̱ nèno pat’a o. 19K’a nèno nè yèlè guèdè, n’a joko Jacques, bi̱‐ouili kè Zébédée, dè y’a, Jean, Ouo̱‐o bo nè ko mbonggo; ko ouo̱ po mana li yo o. 20Didi k’a samo ho ouo̱‐o, ouo̱ é sème ko‐ouo̱ Zébédée o di ko mbonggo mè do oui‐gossala o; ouo̱ nèno o pat’a.
21Ouo̱ nèno o di sarli̱ Capernaüm. Nè po‐ouichi sabbat, Jésus nèno ko synagogue; a oussou oui̱ne. 22Ouo̱ koukou oui̱ne o, oui̱ne a oussou oui̱ne ko‐a nè ngaïli; bè a oussou hè ko scribe o go go. 23A pa ouili pome ko synagogue ko‐ouo̱‐o, kè doa kosang’a. A himo, è gui: 24Nè oui̱ne gui hè bo̱ ’lè do mè gui̱ndi, Jésus kè Nazareth? Mè tèno guènè gbè ’lè ndi? Mi i̱ngi mè. Mè nè Saint kè Nzapa. 25Jèsus gaïy’a, è gui: Mè ya yaka oui̱ne nè; mè ho zane kosanga ouaïlè. 26Kè doa yaka ouaïlè, a himo guènè ho zane. 27Ouili o nè oli koukou oui̱ne. O ma kouyanga aka ma ouili o, è gui: Nè gui̱ndi? E nè mbé oui̱ne! A ba gui̱nggui ho doa o nè ngaïli ko‐a; ouo̱ zili oui̱ne ko‐a o! 28Didi kè oui̱ne démo ko‐a jiki pa ka nou Galilée nè oli.
29A ho zane ko synagogue. A nèno dè Jacques dè Jean ko toa kè Simon dè André. 30Kè na kè ko nè Simon o̱nou, té a lounggou ouinè; didi ko ouo̱ toda k‐a o hè Jésus. 31A tèno di ka té a nè; a ba él’a dingo̱ne; a kilingo̱ne; didi kè lounggou té a sa. Kèchida n’a chi guènè dè mo ho ouo̱‐o.
32Nè mbolo, kèchida nè ouichi li nè hi, ndo ouo̱ kara oui‐zèlè o nè oli dè oui‐doa o tèno dida k‐a nè. 33Oui sarli̱ o nè oli to a jou ma tèno o di nou toa ko‐a nè. 34A dè zèlè ko ouili o ouinè nè himi ènè, ènè, sa nè oli. A ndaka doa kosanga ouili o ouinè. A pi gui̱nggui nou da doa o tè to oui̱ne, oui̱ne ouo̱ i̱ng’a o.
35Kè ka toutouli, nè mo dè nè mbi̱li‐mbi̱li hi, n’a kilingo̱ne; a ho zane oui̱ne nèno di olo yara do̱ko jo mè, oui̱ne toro Nzapa. 36Simon do ouino‐o do a hi, nèno oui̱ne f’a. 37Kèchida ko ouo̱ p’a o, ndo ouo̱ to oui̱ne h’a o, è gui: Ouili o nè oli fa no mè. 38A pikifi oui̱ne ho ouo̱‐o, è gui: Enè tèno o, alè nèno di ma sarli̱ bo̱bo̱ mè, ho‐m’ oussou oui̱ne kè Nzapa sènèmo̱ mè hi bo; oui̱ne mi tèno oui̱ne dè hèmonggo. 39A nèno; a oussou oui̱ne kè Nzapa ko synagogue o sènè nou Galilée nè oli. A ndaka doa kosanga ouili o.
40Oui‐mbèlè tèno dida k‐a nè. A aba jougoulou nou ti a; a ara nou tome h’a, è gui: Onemo mè koa, no mè dè zèlè ko‐m’ hè sa. 41Sèlè Jésus himi nèda ouaïlè; a yèfè él’a; a to té a, è gui: Mi kodaka, zèlè to mè sa. 42Didi kè mbèlè té a sa. 43Jésus toumb’a di sarli̱ ko‐a mè. A to ouine h’a nè ngaïli, è gui: 44Mè ya to oui̱ne hè ma ouili nè. Mè nèno; mè oussou to mè hè sacrificateur; mè ara mo oui̱ne passa to mè hèmo nè Moïse oussou nè higo, oui̱ne mo h‐è oussou oui̱ne ho ouo̱‐o. 45Kèchida kè ouaïlè hè nèno, n’a kouyanga to oui̱ne d‐è dingo̱ne ouinè, hèmonggo kè fara kè Jésus nèno di sarli̱ mè bènè. A o̱ nè zane nè do̱ko jo, dè oui sarli̱ o nè oli ènè, ènè, tèno dida k‐a nè.
ទើបបានជ្រើសរើសហើយ៖
Marc 1: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939
Marc 1
1
1Kouyanga Dé‐oui̱ne kè Jésus Christ, Bi̱‐ouili kè Nzapa.
2Hèmo nè Mbèti kè prophète Ésaïe toa nè higo, è gui:
Mè joko, mi toumbou oui‐toum ko‐m’ di ti mè hi,
Kè tè dafa liouara ko‐mè;
3Guèlè oui nè himo nè do̱ko jo hi no mo, è gui:
Mè dafa liouara kè Seigneur;
Mè roko solobi liouara ko‐a o.
4Jean tèno dè baptême nè do̱ko jo; a oussou liouara oui̱ne dè baptême ho ouili o nè liouara toda namo ko‐ouo̱‐o hè Nzapa, oui̱ne folo namo ko‐ouo̱‐o sa. 5Ouili sènè nou Judée dè ouili sarli̱ Jérusalem o nè oli tèno dida k‐a nè. Ouo̱ toda namo ko‐ouo̱‐o hè Nzapa; kèchida n’a dè baptême ho ouo̱‐o nè ko zili Jourdain. 6Toulou kè Jean nè boum tè chameau, dè ndara n’a mara jiki ka til’a hi. Mo‐yongo da k‐a nè doro dè go̱ro. 7A oussou oui̱ne, è gui: Ouili nè ngaïli ko‐a gana ko‐m’ tè tèno pata‐m’ hi. Mi bènè dé ouili, ko‐m’ gounou oui̱ne boulou pèlè ndakara ko‐a go. 8Mi dè baptême bo‐m’ h’ènè‐o nè do̱ li; a tè dè baptême bo‐a h’ènè‐o nè Saint‐Esprit.
9Nè po‐ouichi hi, kè Jésus tèno nè sarli̱ Nazareth, sènè nou Galilée, Jean dè baptême h’a nè do̱ li Jourdain. 10Kè didi n’a ho nè do̱ li mè hi, n’a joko li‐zane kè bouo; a joko Saint‐Esprit kè zili di jou a nè hè kouli go. 11Ouo̱ zili guèlè ouili o li‐zane mè kè to oui̱ne, è gui: Mè nè dé Bi̱‐ouili ko‐m’; mi koa mè gana ma mo nè oli.
12Didi kè Saint‐Esprit ba Jésus nèno di do̱ko jo mè. 13A o̱ olo yara ouichi boua nara; Bison koa o̱r’a. A o̱ do̱ko jo do sadè o; ange o dè démo do a.
14Kèchida ko ouo̱ ha Jean ho ouo̱‐o, nè Jésus nèno di sènè nou Galilée mè. A oussou Dé‐oui̱ne kè Nzapa, è gui: 15Po‐ouichi ma; nou‐ouane kè Nzapa hèdè sa. Enè toda namo k’ènè‐o hè Nzapa; ènè ya téli Dé‐oui̱ne kè Nzapa o nè.
16N’a nè nè no ka li Galilée hi, n’a joko Simon dè y’a, André. Ko ouo̱ pi yo o do̱ li, oui̱ne ouo̱‐o nè oui‐ara‐yo‐zolo. 17Jésus to oui̱ne ho ouo̱‐o, è gui: Enè tèno o pata‐m’, ho‐m’ oussou oui̱ne liouara fa ouili h’ènè‐o. 18Didi ko ouo̱ iè yo da ouo̱‐o nou; ouo̱ nèno pat’a o. 19K’a nèno nè yèlè guèdè, n’a joko Jacques, bi̱‐ouili kè Zébédée, dè y’a, Jean, Ouo̱‐o bo nè ko mbonggo; ko ouo̱ po mana li yo o. 20Didi k’a samo ho ouo̱‐o, ouo̱ é sème ko‐ouo̱ Zébédée o di ko mbonggo mè do oui‐gossala o; ouo̱ nèno o pat’a.
21Ouo̱ nèno o di sarli̱ Capernaüm. Nè po‐ouichi sabbat, Jésus nèno ko synagogue; a oussou oui̱ne. 22Ouo̱ koukou oui̱ne o, oui̱ne a oussou oui̱ne ko‐a nè ngaïli; bè a oussou hè ko scribe o go go. 23A pa ouili pome ko synagogue ko‐ouo̱‐o, kè doa kosang’a. A himo, è gui: 24Nè oui̱ne gui hè bo̱ ’lè do mè gui̱ndi, Jésus kè Nazareth? Mè tèno guènè gbè ’lè ndi? Mi i̱ngi mè. Mè nè Saint kè Nzapa. 25Jèsus gaïy’a, è gui: Mè ya yaka oui̱ne nè; mè ho zane kosanga ouaïlè. 26Kè doa yaka ouaïlè, a himo guènè ho zane. 27Ouili o nè oli koukou oui̱ne. O ma kouyanga aka ma ouili o, è gui: Nè gui̱ndi? E nè mbé oui̱ne! A ba gui̱nggui ho doa o nè ngaïli ko‐a; ouo̱ zili oui̱ne ko‐a o! 28Didi kè oui̱ne démo ko‐a jiki pa ka nou Galilée nè oli.
29A ho zane ko synagogue. A nèno dè Jacques dè Jean ko toa kè Simon dè André. 30Kè na kè ko nè Simon o̱nou, té a lounggou ouinè; didi ko ouo̱ toda k‐a o hè Jésus. 31A tèno di ka té a nè; a ba él’a dingo̱ne; a kilingo̱ne; didi kè lounggou té a sa. Kèchida n’a chi guènè dè mo ho ouo̱‐o.
32Nè mbolo, kèchida nè ouichi li nè hi, ndo ouo̱ kara oui‐zèlè o nè oli dè oui‐doa o tèno dida k‐a nè. 33Oui sarli̱ o nè oli to a jou ma tèno o di nou toa ko‐a nè. 34A dè zèlè ko ouili o ouinè nè himi ènè, ènè, sa nè oli. A ndaka doa kosanga ouili o ouinè. A pi gui̱nggui nou da doa o tè to oui̱ne, oui̱ne ouo̱ i̱ng’a o.
35Kè ka toutouli, nè mo dè nè mbi̱li‐mbi̱li hi, n’a kilingo̱ne; a ho zane oui̱ne nèno di olo yara do̱ko jo mè, oui̱ne toro Nzapa. 36Simon do ouino‐o do a hi, nèno oui̱ne f’a. 37Kèchida ko ouo̱ p’a o, ndo ouo̱ to oui̱ne h’a o, è gui: Ouili o nè oli fa no mè. 38A pikifi oui̱ne ho ouo̱‐o, è gui: Enè tèno o, alè nèno di ma sarli̱ bo̱bo̱ mè, ho‐m’ oussou oui̱ne kè Nzapa sènèmo̱ mè hi bo; oui̱ne mi tèno oui̱ne dè hèmonggo. 39A nèno; a oussou oui̱ne kè Nzapa ko synagogue o sènè nou Galilée nè oli. A ndaka doa kosanga ouili o.
40Oui‐mbèlè tèno dida k‐a nè. A aba jougoulou nou ti a; a ara nou tome h’a, è gui: Onemo mè koa, no mè dè zèlè ko‐m’ hè sa. 41Sèlè Jésus himi nèda ouaïlè; a yèfè él’a; a to té a, è gui: Mi kodaka, zèlè to mè sa. 42Didi kè mbèlè té a sa. 43Jésus toumb’a di sarli̱ ko‐a mè. A to ouine h’a nè ngaïli, è gui: 44Mè ya to oui̱ne hè ma ouili nè. Mè nèno; mè oussou to mè hè sacrificateur; mè ara mo oui̱ne passa to mè hèmo nè Moïse oussou nè higo, oui̱ne mo h‐è oussou oui̱ne ho ouo̱‐o. 45Kèchida kè ouaïlè hè nèno, n’a kouyanga to oui̱ne d‐è dingo̱ne ouinè, hèmonggo kè fara kè Jésus nèno di sarli̱ mè bènè. A o̱ nè zane nè do̱ko jo, dè oui sarli̱ o nè oli ènè, ènè, tèno dida k‐a nè.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939