Jean 7
7
1Kèchida olo i, nè Jésus yara nè nou Galilée, oui̱ne a ko yara nou Judée nè, nèdaka ndo juif o fa liouara gbé a. 2Ouichi fête Tabernacle o ko juif o hèdè sa. 3O ya o to oui̱ne h’a, è gui: Mè kilingo̱ne sènèmo̱, mè chi nè ouara Judée hi, sé ko disciple da mè o bo joko gossala no mè dè hi. 4Ouili nè koa dè mo ho ouili i̱ng’a o hi, n’è tè houssou go: o̱nemo mè dè mo n‐o o ou‐è, no mè oussou to mè nè to mè ho ouili o. 5Oui̱ne o ya o i̱ng’a nè ko sèlè lo‐o nè. 6Jésus to oui̱ne ho ouo̱‐o, è gui: Ouichi bo‐m’ tè ma nè; ouichi b’ènè‐o hèdè sa. 7O oui‐nou tè sènè ’nè‐o go; no‐m’ ho ouo̱ sènè‐m’ o ou‐è, oui̱ne mi to nè na oui̱ne gossala ko‐ouo̱‐o. 8Enè danga o di sènè fête mè; no‐m’ tè danga ko‐m’ go, oui̱ne ouichi ko‐m’ tè ma nè. 9K’a to oui̱ne d‐è ho ouo̱‐o sa, n’a doungounou Galilée.
10Ko ya o hè danga di sènè fête mè, n’a danga bo nè té a èn’a‐pome‐iè, da ouili o tè jok’a. 11Juif o f’a sènè fête hi, è gui: A do ndi? 12Sènè fête hi, ba doko ouili o to oui̱ne tè a ouinè. O ma o, è gui: A nè dé ouili. Do ma o bè, è gui: A o̱ro ndo ouili o ouo̱. 13Ma ouili pome to oui̱ne té a dingo̱ne nè, oui̱ne kili juif o.
14Kè bo̱bo̱ zè fête mè, nè Jésus danga di ko temple mè. A oussou oui̱ne. 15Juif o koukou oui̱ne, kouyanga aka mo o, è gui: A i̱ngi mbèti go, sè n’a i̱ngi Mbèti kè Nzapa hègo gui̱ndi? 16Jésus pikifiè ho ouo̱‐o, è gui: Oui̱ne d‐è no‐m’ oussou hè, bènè ko‐m’ go; nè kè oui nè toumbou‐m’ hi. 17O̱nemo ma ouili koa dè hèmo n’a koa higo, n’a i̱ngi bè nè oui̱ne d‐è no‐m’ oussou hi, hè oa nè kè Nzapa, kèo̱nè ko‐m’ to nè oui̱ne bo‐m’. 18Ouili bèi nè to oui̱ne d‐è nè tè hi, k’è fa nè gloire k‐è: ouili bèi nè fa gloire kè oui nè toumb’a hi, k’è nè bara oui̱ne, k’è dè mo nè oli nè bolé. 19Bè nè Moïse hè toa mboulou h’ènè‐o go ndi? Nè ma ’ne‐o pome kodaka ndi? Nè gui h’ènè fa nè liouara gbè‐m’ o gui̱ndi? 20Ndo ouili o pikifiè h’a, è gui: Doa kosanga mè. Ne ndo hè fa mè oui̱ne gbè mè o ndi? 21Jésus pikifiè ho ouo̱‐o, è gui: Mi dè gossala pome, n’ènè koukou oui̱ne o sèn’a. 22Moïse ha mboulou circoncision h’ènè‐o, — bènè oui̱ne kè Moïse go, nè oui̱ne ko nga‐oui o, — ènè dè circoncision hè ouili o nè po‐ouichi sabbat. 23O̱nemo ma ouili ba circoncision nè po‐ouichi sabbat, oui̱ne pama mboulou kè Moïse, nè nè gui hè hou sèlè danga nè zanga ’nè‐o do‐m’, nèdaka no‐m’ dè zèlè kè ouili sa nè po‐ouichi sabbat hi gui̱ndi? 24Enè ya to mbangga o nè liuoara joko-mo nè; ènè to o nè bara oui̱ne.
25O ma ouili o sarli̱ Jérusalem hi, to oui̱ne do ma o, è gui: Ouaïlè ndo ouo̱ fa o hè gbè a bènè mo̱ mè hi go ndi? 26Enè jok’a o no mo, n’a to oui̱ne dingo̱ne, kè ma ouili pikifi nè hi! Nè bara oui̱ne o ouane o i̱ngi ti a, k’a nè Christ ndi? 27Ouaïlè hè, o i̱ngi olo yara ko‐a; po‐ouichi nè Christ tè tè nè no hi, ma ouili tè i̱ngi olo yar’a go. 28Jésus to oui̱ne ko temple, a himo, è gui: Enè i̱ngi‐m’; ènè i̱ngi olo yara‐m’ o! Mi tèno nè to‐m’ go: ouili bèi nè toumbou‐m’ hi, k’è nè bara oui̱ne; ènè tè i̱ngi ti a o nè. 29Mi i̱ngi ti a; oui̱ne mi tèno nèda k‐a mè; oui̱ne n’a h’a toumbou‐m’ bo. 30Ouo̱ fa liouara b’a o, mais ma ouili pome é él’è jou a nè; oui̱ne po‐ouichi ko‐a tè ma nè. 31O ma ouili o bo̱bo̱ ouo̱‐o i̱ng’a nè ko sèlè lo‐o; ouo̱ to oui̱ne o, è gui: Po‐ouichi nè Christ tè tè nè no hi, a dè miracle gana kè è ndi? 32Ko pharisien o zili oui̱ne mo n‐o da k‐a ndo ouo̱ to o hi, ndo di̱ngguè sacrificateur o dè pharisien o toumbou kapita o oui̱ne b’a. 33Jésus to oui̱ne, è gui: Koli zè‐m’ dèn’è‐o guèdè‐iè, ko‐m’ chi dida oui nè toumbou‐m’ hi. 34Enè tè fa‐m’ gana ’nè‐o; ènè tè bou o olo yara no‐m’ tè o̱ sènè hi go. 35Kèchida olo oui̱ne d‐è hi, ndo juif o to oui̱ne do ma o, è gui: A chi do, k’alè fa n’a gana ’lè hi gui̱ndi? A chi bo̱ o ino nè pèssè nè bo̱ o Grec o; k’a oussou oui̱ne ho Grec o ndi? 36Oui̱ne d‐è bèi n’a gui: O fa è gana oui; o tè ma olo yara n’è tè chi sènè go ouo̱ hi, hègo gui̱ndi?
37Kè ndouti koli di̱ngguè ouichi fête hi; nè Jésus yolo dingo̱ne; a himo, è gui: O̱nemo hèlè li gbè ma ouili, n’a tèno dida mi nè, a no̱ li. 38Ouili bèi nè i̱ng‐m’ nè ko sèl’è hi, nè nana li touni hè foko nè kosang’a, hèmo nè Mbèti kè Nzapa toa nè higo. 39K’a to oui̱ne d‐è nè oui̱ne Saint‐Esprit, ndo ino‐o nè i̱ng’a nè ko sèlè lo‐o tè ba nè hi; oui̱ne Saint‐Esprit tè ma nè, nèdaka nè Jésus tè ba gloire k‐è nè hi. 40Ko ma ouili bo̱ ba doko ouili o zili oui̱ne d‐è hi, ndo ouo̱ pikifiè o, è gui: Ouaïlè hè nè prophète nè bara oui̱ne ouo̱. 41Ndo ma o, è gui: A nè Christ ouo̱. Ndo ma o bè, è gui: Christ hè tèno nè nou Galilée ndi? 42Mbèti kè Nzapa to oui̱ne, è gui: Nè bi̱me olo David, sarli̱ Bethléhem, nè David oa sènè hi, hè Christ tè tèno sènè ouo̱ go ndi? 43Ouo̱ téli oui̱ne o sènè hi ouinè nèda oui̱ne ko‐a. 44O ma o bo̱bo̱ ouo̱‐o fa liouara b’a, mais ma ouili pome é él’è jou a nè.
45Ko kapita o jiki to lo‐o, chi da dida di̱ngguè sacrificateur do pharisien o mè; ndo ouo̱‐o gui: Nè gui h’ènè ba n’a o tèno go gui̱ndi? 46Ndo kapita o pikifiè, è gui: Ma ouili tè to oui̱ne hè ouaïlè hè go nè. 47Ndo pharisien o pikifiè ho ouo̱‐o, è gui: A yobo ’nè‐o bo ndi? 48O ma ouane o kèo̱nè ma pharisien o i̱ng’a nè ko sèlè lo‐o ndi? 49O ino‐o ou‐è nè i̱ngi mboulou nè hi, ko ouo̱ nanga o ouinè! 50Nicodème, nè tèno nè zè dida Jésus nè, ma ouo̱‐o hi, to oui̱ne ho ouo̱‐o, è gui: 51Mboulou k’alè toa, è gui: O to mbangga ouili ti sè ndo zili oui̱ne ko‐a, o i̱ngi mo n’a déè hi ouo̱ ndi? 52Ouo̱ pikifiè h’a o, è gui: Mè nè oui Galilée bo ndi? Mè fa dome oui̱ne d‐è, no mè pa kè prophète tè ma nè nou Galilée go. 53Ndo ouo̱ pèssè o, i chi ko toa k‐è.
ទើបបានជ្រើសរើសហើយ៖
Jean 7: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939
