Jean 13
13
1I̱nggati sè nè fête Pâque ma, kè Jésus i̱ngi tana po‐ouichi ko‐a, n’a tè raka nè sènè nou h‐è oui̱ne nèno dida Sème ko‐a mè hi, hèdè sa; a koa ouili ko‐a o sènè nou h‐è ouinè, iyaaa mono nè di ndouti koliè mè. 2Ndo ouo̱ yongo nè mo o hi, nè Bison pi oui̱ne ko sèlè Judas Iscariot, bi̱‐ouili kè Simon, oui̱ne ha Jésus ho uo̱‐o. 3Jésus i̱ngi nè Sème ha nè ba doko mo nè oli h’a hi, n’a téèno nèda Sème ko‐a mè, k’a tè chi nè dida Sème ko‐a mè hi. 4A kilingo̱ne ka tablo, a poro toulou tè a dida; a ba toulou dili éli, a mara ka til’a. 5Kèchida n’a a nè li ko pana, n’a chi guènè tara yanga disciple o; a dili nè toulou n’a mara ka til’a hi. 6A raka dida Simon Pierre mè. Nè Pierre to oui̱ne h’a, è gui: Mè, Seigneur, mè tara yanga‐m’ ndi? Nè Jésus pikifiè h’a, è gui: 7Mo no‐m’ dè hè, mè tè i̱ngi nè, hèdè pa sè no mè i̱ngi. 8Pierre to oui̱ne h’a, è gui: Hodo, mè tè tara yanga‐m’ go. Nè Jésus pikifiè h’a, è gui: O̱nemo ti tara yanga mè nè, no mè tè nèno do‐m’ go. 9Nè Simon Pierre to oui̱ne h’a, è gui: Seigneur, so mè ya tara nè yanga‐m’ pome‐iè nè, mè tara dè éli‐m’ dè jou‐m’ nè oli. 10Nè Jésus to oui̱ne h’a, è gui: Ouili nè joli hi, ko joli da nè; a tara nè yang’a pome‐iè, sè kè ndi sa tè a nè oli. Ndi sèlè ’nè‐o bènè, mais bè nè oli go. 11Oui̱ne a i̱ngi oui nè tè h’a ho ouo̱‐o hi, no mo n’a to nè, è gui: Ndi sa ko sèlè ouo̱‐o nè oli go ouo̱ hi.
12K’a tara yanga ouo̱‐o, a pi toulou té a sa, a chi da di ka tablo mè. N’a to oui̱ne ho ouo̱‐o, è gui: Enè i̱ngi mo o no‐m’ déè h’ènè‐o hi ndi? 13Enè samo ho‐m’ o nè Maître dè Seigneur; k’è nè bara oui̱ne, mi no mo. 14O̱nemo mi, no‐m’ nè Seigneur dè Maître, mi tara, yanga ’nè‐o, n’ènè dè o bo do ma o hèmonggo. 15Oui̱ne mi oussou nè liouara h’ènè‐o, sè k’ènè dè o hèmo no‐m’ déè o higo. 16Nè bara oui̱ne, nè bara oui̱ne, mi to h’ène‐o, oui‐gossala di̱ngguè gana seigneur k‐è nè, oui‐toum bo di̱ngguè gana oui‐toumb’è nè. 17O̱nemo ènè i̱ngi mo n‐o o ou‐è, ènè dè o, nè sèlè ’nè‐o dèssa. 18Bè mi to oui̱ne d‐è h’ènè‐o nè oli go; mi i̱ngi o ouino‐o no‐m’ kara hi. Nèdaka se k’è o̱ hèmo nè mbèti kè Nzapa toa nè higo, è gui: A nè yongo mapa do‐m’ hè, no mo nè ba dongkouli‐yang’è dingo̱ne do‐m’ hi. 19Nè amo i̱nggati kè bou nè sossoè, mi to h’ènè‐o i̱nggati sè nè mo ma, sè k’a ma, k’ènè i̱ngi tana‐m’ nè ko sèlè ’nè‐o, è gui: Mi n’a ouo̱. 20Nè bara oui̱ne, nè bara oui̱ne, mi to oui̱ne h’ènè‐o, ouili bèi nè ba oui̱ne kè oui no‐m’ tè toumbou hi, k’a ba oui̱ne ko‐m’; ouili bèi nè ba oui̱ne ko‐m’ hi, k’a ba oui̱ne kè oui nè toumbou‐m’ hi.
21K’a to oui̱ne d‐è ho ouo̱‐o sa, nè sèl’a naka; a to oui̱ne ho ouo̱‐o nè bassa, è gui: Nè bara oui̱ne, nè bara oui̱ne, mi to h’ènè‐o, nè ma ’nè‐o pome hè tè ha‐m’ ho ouo̱‐o. 22O disciple o chi guènè joko mo di li ma o; ouo̱ i̱ngi ti oui n’a to nè o hi nè. 23Ma disciple pome, nè Jésus koa ouinè hi, o̱nou nou goud’a. 24Simon Pierre yèfè él’è dingo̱ne oui̱ne ak’a, è gui: Oui nè Jésus to nè hi, nè ndo ndi? 25Nè disciple k‐è, nè oa nou nou‐goudou Jésus hè, ak’a; è gui: Seigneur, nè ndo ndi? 26Nè Jésus pikifiè h’a, è gui: A no mo no‐m’ tè pi mapa do̱ li‐po hè, h’a h’a hi. K’a pi mapa do̱ li‐po, n’a h’a hè Judas, bi̱‐ouili kè Simon Iscariot. 27Didi n’a h’a nè h’a hi, nè Bison lé kosanga Judas. Nè Jésus to oui̱ne h’a, è gui: Mo no mè koa dè hi, mè dè nè bi̱ngè. 28O ma ouili o do a ka tablo hè, i̱ngi tana oui̱ne d‐è n’a to h’a o hi nè. 29O ma ouo̱‐o bangba gui, Jésus to nè oui̱ne hè Judas, oui̱ne bètè‐ngui̱nzè nè él’a, oui̱ne hè mo fête, kèo̱nè k’a to nè oui̱ne ha mo ho oui‐yoro o ouo̱. 30Kè Judas hè ba mapa hi, n’a kilingo̱ne nè bi̱ngè guènè ho zane. K’è nè zè.
31Kè Judas hè ho zane, nè Jésus to oui̱ne, è gui: Kinè, Bi̱‐ouili kè ouili ba gloire k‐è; Nzapa ba gloire bo nè liouara ko‐a. 32O̱nemo Nzapa ha gloire nè liouara ko‐a, nè Nzapa tè ha gloire h’a bo nè liouara k‐è; hèdè pa sè n’a ha gloire h’a. 33O bi̱ no‐m’ o, koli zè‐m’ d’ènè‐o kinè guèdè‐iè. K’ènè tè fa‐m’ o, mais hèmo no‐m’ toa ho juif o, è gui: Enè tè ma o sènè olo yara no‐m’ tè nèno sènè hi go, no mo no‐m’ to h’ènè‐o bo kinè. 34Mi koa to mbé mboulou h’ènè‐o: Enè ko ma o hèmo no‐m’ koa n’ènè‐o higo, ènè ko ma o hemonggo. 35Hèmonggo ndo ouili o nè oli tè i̱ngi, è gui: Enè‐o nè disciple ko‐m’ ouo̱, bè n’ènè koa ma o.
36Simon Pierre to oui̱ne h’a, è gui: Seigneur, mè nè di do? Nè Jésus pikifiè h’a, è gui: Mè tè oui dè tèno pata‐m’ kinè nè; mè tèno nè da. 37Nè Pierre to oui̱ne h’a, ê gui: Seigneur, nè oui̱ne gui ho‐m’ tè nèno pata mè kinè go gui̱ndi? Mi tè fi nèda oui̱ne ko‐mè. 38Jésus pikifiè h’a, è gui: Mè tè fi nèda oui̱ne ko‐m’! Nè bara oui̱ne, nè bara oui̱ne, mi to ho mè, i̱nggati sè nè ouili‐koro tè himo, ko mè tè bè mi ouara tara.
ទើបបានជ្រើសរើសហើយ៖
Jean 13: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939
Jean 13
13
1I̱nggati sè nè fête Pâque ma, kè Jésus i̱ngi tana po‐ouichi ko‐a, n’a tè raka nè sènè nou h‐è oui̱ne nèno dida Sème ko‐a mè hi, hèdè sa; a koa ouili ko‐a o sènè nou h‐è ouinè, iyaaa mono nè di ndouti koliè mè. 2Ndo ouo̱ yongo nè mo o hi, nè Bison pi oui̱ne ko sèlè Judas Iscariot, bi̱‐ouili kè Simon, oui̱ne ha Jésus ho uo̱‐o. 3Jésus i̱ngi nè Sème ha nè ba doko mo nè oli h’a hi, n’a téèno nèda Sème ko‐a mè, k’a tè chi nè dida Sème ko‐a mè hi. 4A kilingo̱ne ka tablo, a poro toulou tè a dida; a ba toulou dili éli, a mara ka til’a. 5Kèchida n’a a nè li ko pana, n’a chi guènè tara yanga disciple o; a dili nè toulou n’a mara ka til’a hi. 6A raka dida Simon Pierre mè. Nè Pierre to oui̱ne h’a, è gui: Mè, Seigneur, mè tara yanga‐m’ ndi? Nè Jésus pikifiè h’a, è gui: 7Mo no‐m’ dè hè, mè tè i̱ngi nè, hèdè pa sè no mè i̱ngi. 8Pierre to oui̱ne h’a, è gui: Hodo, mè tè tara yanga‐m’ go. Nè Jésus pikifiè h’a, è gui: O̱nemo ti tara yanga mè nè, no mè tè nèno do‐m’ go. 9Nè Simon Pierre to oui̱ne h’a, è gui: Seigneur, so mè ya tara nè yanga‐m’ pome‐iè nè, mè tara dè éli‐m’ dè jou‐m’ nè oli. 10Nè Jésus to oui̱ne h’a, è gui: Ouili nè joli hi, ko joli da nè; a tara nè yang’a pome‐iè, sè kè ndi sa tè a nè oli. Ndi sèlè ’nè‐o bènè, mais bè nè oli go. 11Oui̱ne a i̱ngi oui nè tè h’a ho ouo̱‐o hi, no mo n’a to nè, è gui: Ndi sa ko sèlè ouo̱‐o nè oli go ouo̱ hi.
12K’a tara yanga ouo̱‐o, a pi toulou té a sa, a chi da di ka tablo mè. N’a to oui̱ne ho ouo̱‐o, è gui: Enè i̱ngi mo o no‐m’ déè h’ènè‐o hi ndi? 13Enè samo ho‐m’ o nè Maître dè Seigneur; k’è nè bara oui̱ne, mi no mo. 14O̱nemo mi, no‐m’ nè Seigneur dè Maître, mi tara, yanga ’nè‐o, n’ènè dè o bo do ma o hèmonggo. 15Oui̱ne mi oussou nè liouara h’ènè‐o, sè k’ènè dè o hèmo no‐m’ déè o higo. 16Nè bara oui̱ne, nè bara oui̱ne, mi to h’ène‐o, oui‐gossala di̱ngguè gana seigneur k‐è nè, oui‐toum bo di̱ngguè gana oui‐toumb’è nè. 17O̱nemo ènè i̱ngi mo n‐o o ou‐è, ènè dè o, nè sèlè ’nè‐o dèssa. 18Bè mi to oui̱ne d‐è h’ènè‐o nè oli go; mi i̱ngi o ouino‐o no‐m’ kara hi. Nèdaka se k’è o̱ hèmo nè mbèti kè Nzapa toa nè higo, è gui: A nè yongo mapa do‐m’ hè, no mo nè ba dongkouli‐yang’è dingo̱ne do‐m’ hi. 19Nè amo i̱nggati kè bou nè sossoè, mi to h’ènè‐o i̱nggati sè nè mo ma, sè k’a ma, k’ènè i̱ngi tana‐m’ nè ko sèlè ’nè‐o, è gui: Mi n’a ouo̱. 20Nè bara oui̱ne, nè bara oui̱ne, mi to oui̱ne h’ènè‐o, ouili bèi nè ba oui̱ne kè oui no‐m’ tè toumbou hi, k’a ba oui̱ne ko‐m’; ouili bèi nè ba oui̱ne ko‐m’ hi, k’a ba oui̱ne kè oui nè toumbou‐m’ hi.
21K’a to oui̱ne d‐è ho ouo̱‐o sa, nè sèl’a naka; a to oui̱ne ho ouo̱‐o nè bassa, è gui: Nè bara oui̱ne, nè bara oui̱ne, mi to h’ènè‐o, nè ma ’nè‐o pome hè tè ha‐m’ ho ouo̱‐o. 22O disciple o chi guènè joko mo di li ma o; ouo̱ i̱ngi ti oui n’a to nè o hi nè. 23Ma disciple pome, nè Jésus koa ouinè hi, o̱nou nou goud’a. 24Simon Pierre yèfè él’è dingo̱ne oui̱ne ak’a, è gui: Oui nè Jésus to nè hi, nè ndo ndi? 25Nè disciple k‐è, nè oa nou nou‐goudou Jésus hè, ak’a; è gui: Seigneur, nè ndo ndi? 26Nè Jésus pikifiè h’a, è gui: A no mo no‐m’ tè pi mapa do̱ li‐po hè, h’a h’a hi. K’a pi mapa do̱ li‐po, n’a h’a hè Judas, bi̱‐ouili kè Simon Iscariot. 27Didi n’a h’a nè h’a hi, nè Bison lé kosanga Judas. Nè Jésus to oui̱ne h’a, è gui: Mo no mè koa dè hi, mè dè nè bi̱ngè. 28O ma ouili o do a ka tablo hè, i̱ngi tana oui̱ne d‐è n’a to h’a o hi nè. 29O ma ouo̱‐o bangba gui, Jésus to nè oui̱ne hè Judas, oui̱ne bètè‐ngui̱nzè nè él’a, oui̱ne hè mo fête, kèo̱nè k’a to nè oui̱ne ha mo ho oui‐yoro o ouo̱. 30Kè Judas hè ba mapa hi, n’a kilingo̱ne nè bi̱ngè guènè ho zane. K’è nè zè.
31Kè Judas hè ho zane, nè Jésus to oui̱ne, è gui: Kinè, Bi̱‐ouili kè ouili ba gloire k‐è; Nzapa ba gloire bo nè liouara ko‐a. 32O̱nemo Nzapa ha gloire nè liouara ko‐a, nè Nzapa tè ha gloire h’a bo nè liouara k‐è; hèdè pa sè n’a ha gloire h’a. 33O bi̱ no‐m’ o, koli zè‐m’ d’ènè‐o kinè guèdè‐iè. K’ènè tè fa‐m’ o, mais hèmo no‐m’ toa ho juif o, è gui: Enè tè ma o sènè olo yara no‐m’ tè nèno sènè hi go, no mo no‐m’ to h’ènè‐o bo kinè. 34Mi koa to mbé mboulou h’ènè‐o: Enè ko ma o hèmo no‐m’ koa n’ènè‐o higo, ènè ko ma o hemonggo. 35Hèmonggo ndo ouili o nè oli tè i̱ngi, è gui: Enè‐o nè disciple ko‐m’ ouo̱, bè n’ènè koa ma o.
36Simon Pierre to oui̱ne h’a, è gui: Seigneur, mè nè di do? Nè Jésus pikifiè h’a, è gui: Mè tè oui dè tèno pata‐m’ kinè nè; mè tèno nè da. 37Nè Pierre to oui̱ne h’a, ê gui: Seigneur, nè oui̱ne gui ho‐m’ tè nèno pata mè kinè go gui̱ndi? Mi tè fi nèda oui̱ne ko‐mè. 38Jésus pikifiè h’a, è gui: Mè tè fi nèda oui̱ne ko‐m’! Nè bara oui̱ne, nè bara oui̱ne, mi to ho mè, i̱nggati sè nè ouili‐koro tè himo, ko mè tè bè mi ouara tara.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939