Jean 10
10
1Nè bara oui̱ne, nè bara oui̱ne, mi to h’ènè‐o, ouili nè lé toa badoua nè nou a nè, k’a lé nè ma olo yara hi, k’è nè oui‐jou. 2I bèi nè lé nè nou a hi, k’è nè berger nè bara oui̱ne. 3Oui‐pama‐nou‐toa bou nou toa h’a, ndo badoua o i̱ngi guèl’a. A samo ho badoua ko‐a o nè yini ouo̱‐o pome, pome; a kara ouo̱‐o, ho nè di zane mè. 4K’a kara badoua ko‐a o nè oli, ho nè sa, n’a raka ti mè guènè nèno. Ndo ouo̱ nèno pat’a, oui̱ne ouo̱ i̱ngi guèl’a o. 5Ouo̱ nèno pata guili ouili o nè. Ouo̱ you guili ouili o nè yèlè, oui̱ne ouo̱ tè i̱ngi ti ouo̱‐o nè. 6Jésus to donggo‐oui̱ne d‐è ho ouo̱‐o; ouo̱ i̱ngi dome b‐a o nè.
7Jésus to oui̱ne ho ouo̱‐o da, è gui: Nè bara oui̱ne, nè bara oui̱ne, mi to oui̱ne h’ènè‐o, mi nè nou toa badoua. 8O ino‐o nè oli nè téèno ti‐m’ hi, nè oui‐jou o; badoua zili guèlè ouo̱‐o nè. 9Mi nè nou toa. O̱nemo ma ouili lé nè ouara to‐m’, k’è tè passa. A lé; a ho; a pa mo‐yongo. 10Oui‐jou tèno b‐è nè guènè jou mo, guènè gbè badoua o, guènè nanga mo; mi tèno bo‐m’, sè ko badoua o monotouni, sè ko ouo̱ monotouni o ouinè gana i̱nggati. 11Mi nè dé berger. Dé berger fi nè oui̱ne badoua k‐è o. 12Oui‐gossala nè bènè berger go, ko badoua bènè ko‐a go hi, tè joko loup k’è tèno mè, k’a you, a é badoua o; kè loup kara ouo̱‐o; ouo̱ yara o, pèssè nou. 13Oui‐gossala you, oui̱ne a nè oui‐gossala; a ko himi oui̱ne kè badoua o nè. Mi nè dé berger. 14Mi i̱ngi badoua ko‐m’ o; ouo̱ i̱ngi ti‐m’ o. 15Hèmo nè Sème i̱ngi nè ti‐m’; mi i̱ngi nè ti Sème higo. Mi fi oui̱ne badoua ko‐m’ o. 16Ma badoua ko‐m’ o hè aï, bè ouo̱‐o nè ko toa badoua bèè go; ino‐o ou‐è, nè oui̱ne ko‐m’ oui̱ne kara ouo̱‐o; ouo̱ tè zili guèlè‐m’ o. Ouo̱ tè to a jou ma o pome, berger ko ouo̱‐o pome‐iè. 17Sème koa mi, oui̱ne mi tè fi, sè ko‐m’ tounou da. 18Ma ouili tè gbè‐m’ go; no‐m’ ho‐m’ tè fi nè to‐m’. Ngaïli fi hè éli‐m’ hi; ngaïli tounou da hè éli‐m’ hi: nè mboulou nè Sème oussou ho‐m’ no mo.
19Juif o téli oui̱ne do ma o da nèda oui̱ne d‐è hi. 20O ma bo̱bo̱ ouo̱‐o hi, to oui̱ne, è gui: A nè oui‐doa, boko dé a. Nè oui̱ne gui h’ènè zili nè oui̱ne ko‐a o gui̱ndi? 21Ndo ma o to oui̱ne, è gui: Oui̱ne d‐è n’a to hè, bènè oui̱ne doa go; oui‐doa hè ma houlou‐li‐ouili ndi?
22Ouo̱ kouyanga dè fête Dédicace o sarli̱ Jérusalem. K’è nè po‐ouichi ji guè. 23Kè Jésus hèkè nè ko temple nè, sènè di̱ngguè nou toa olo Salomon i̱nggati hi. 24O juif o jiki ka té a; ko ouo̱ to oui̱ne h’a o, è gui: Mè é dana ’lè, h’alè i̱ngi oui̱ne ko‐mè o bè gui̱ssè gui̱ndi? O̱nemo mè oa nè Christ, no mè toda k‐a h’alè nè bassa. 25Jésus pikifiè ho ouo̱‐o, è gui: Mi toda k‐a h’ènè‐o, ènè i̱ngi nè ko sèlè ’nè‐o go. Gossala no‐m’ dè nè yini Sème hi, hè to oui̱ne olo nou‐m’. 26Enè i̱ngi nè ko sèlè ’nè‐o nè, oui̱ne ènè‐o bènè badoua ko‐m’ go. 27Badoua ko‐m’ o zili guèlè‐m’; mi i̱ngi ouo̱‐o; ouo̱ tèno pata‐m’ o. 28Mi ha touni doumè ho ouo̱‐o; ouo̱ tè fi o go. Ma ouili tè kara ouo̱‐o éli‐m’ go. 29Sème nè ha ouo̱‐o ho‐m’ hi, di̱ngguè gana nè oli. Ma ouili tè kara ouo̱‐o éli Seme go. 30Mi dè Sème, alè pome‐iè. 31Ko juif o zili oui̱ne d‐è, ndo ouo̱ kara ta o oui̱ne lo a. 32Jésus to oui̱ne ho ouo̱‐o, è gui: Mi oussou dé gossala nè tèno nèda Sème mè h’ènè‐o. Nè oui̱ne gossala gui h’ènè nèno lo no‐m’ o gui̱ndi? 33Ndo juif o pikifiè h’a o, è gui: Bènè oui̱ne dé gossala h’alè nèno lo no mè go, mais oui̱ne mè da nè mo. Mè no mè nè ouili, sè no mè gui, è nè Nzapa ouo̱. 34Jésus pikifiè ho ouo̱‐o, è gui: Mboulou k’ènè‐o to oui̱ne, è gui: Mi gui: Enè‐o nè nzapa o ouo̱ go ndi? 35O̱nemo mboulou toa oui̱ne, è gui: Ouili nè zili oui̱ne kè Nzapa nè nzapa o ouo̱; kè Mbèti kè Nzapa para nè, 36Nè ouili nè Nzapa ba, toumbou di sènè nou nè hi, n’ènè‐o gui: A damo ouo̱ ndi! Nèdaka no mi gui: Mi nè Bi̱‐ouili kè Nzapa ouo̱. 37O̱nemo mi dè gossala kè Sème nè, n’ènè ya i̱ngi‐m’ nè ko sèlè ’nè‐o go. 38O̱nemo mi déè nè gossala kè Sème, o̱nemo ènè i̱ngi‐m’ nè ko sèlè ’nè‐o nè, ènè i̱ngi gossala o ou‐è, sè k’ènè i̱ngi tana o, è gui: Sème hè do‐m’, mi dè Sème ouo̱. 39Ko ouo̱ zili oui̱ne d‐è o hi, ndo ouo̱ fa liouara b’a o da; n’a you éli ouo̱‐o.
40Jésus jiki tè, chi da liouara koulou Jourdain di, olo yara nè Jean déè nè baptême i̱nggati hi. A o̱nou sènè. 41O ouili o ouinè tèno dida k‐a nè. Ouo̱ to oui̱ne o, è gui: Jean dè miracle pome go; ba doko oui̱ne kè ouaïlè n’a toa hi, nè bara oui̱ne. 42Ndo ouili o i̱ng’a nè ko sèlè lo‐o sènè olo yara mè hi ouinè.
ទើបបានជ្រើសរើសហើយ៖
Jean 10: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939
Jean 10
10
1Nè bara oui̱ne, nè bara oui̱ne, mi to h’ènè‐o, ouili nè lé toa badoua nè nou a nè, k’a lé nè ma olo yara hi, k’è nè oui‐jou. 2I bèi nè lé nè nou a hi, k’è nè berger nè bara oui̱ne. 3Oui‐pama‐nou‐toa bou nou toa h’a, ndo badoua o i̱ngi guèl’a. A samo ho badoua ko‐a o nè yini ouo̱‐o pome, pome; a kara ouo̱‐o, ho nè di zane mè. 4K’a kara badoua ko‐a o nè oli, ho nè sa, n’a raka ti mè guènè nèno. Ndo ouo̱ nèno pat’a, oui̱ne ouo̱ i̱ngi guèl’a o. 5Ouo̱ nèno pata guili ouili o nè. Ouo̱ you guili ouili o nè yèlè, oui̱ne ouo̱ tè i̱ngi ti ouo̱‐o nè. 6Jésus to donggo‐oui̱ne d‐è ho ouo̱‐o; ouo̱ i̱ngi dome b‐a o nè.
7Jésus to oui̱ne ho ouo̱‐o da, è gui: Nè bara oui̱ne, nè bara oui̱ne, mi to oui̱ne h’ènè‐o, mi nè nou toa badoua. 8O ino‐o nè oli nè téèno ti‐m’ hi, nè oui‐jou o; badoua zili guèlè ouo̱‐o nè. 9Mi nè nou toa. O̱nemo ma ouili lé nè ouara to‐m’, k’è tè passa. A lé; a ho; a pa mo‐yongo. 10Oui‐jou tèno b‐è nè guènè jou mo, guènè gbè badoua o, guènè nanga mo; mi tèno bo‐m’, sè ko badoua o monotouni, sè ko ouo̱ monotouni o ouinè gana i̱nggati. 11Mi nè dé berger. Dé berger fi nè oui̱ne badoua k‐è o. 12Oui‐gossala nè bènè berger go, ko badoua bènè ko‐a go hi, tè joko loup k’è tèno mè, k’a you, a é badoua o; kè loup kara ouo̱‐o; ouo̱ yara o, pèssè nou. 13Oui‐gossala you, oui̱ne a nè oui‐gossala; a ko himi oui̱ne kè badoua o nè. Mi nè dé berger. 14Mi i̱ngi badoua ko‐m’ o; ouo̱ i̱ngi ti‐m’ o. 15Hèmo nè Sème i̱ngi nè ti‐m’; mi i̱ngi nè ti Sème higo. Mi fi oui̱ne badoua ko‐m’ o. 16Ma badoua ko‐m’ o hè aï, bè ouo̱‐o nè ko toa badoua bèè go; ino‐o ou‐è, nè oui̱ne ko‐m’ oui̱ne kara ouo̱‐o; ouo̱ tè zili guèlè‐m’ o. Ouo̱ tè to a jou ma o pome, berger ko ouo̱‐o pome‐iè. 17Sème koa mi, oui̱ne mi tè fi, sè ko‐m’ tounou da. 18Ma ouili tè gbè‐m’ go; no‐m’ ho‐m’ tè fi nè to‐m’. Ngaïli fi hè éli‐m’ hi; ngaïli tounou da hè éli‐m’ hi: nè mboulou nè Sème oussou ho‐m’ no mo.
19Juif o téli oui̱ne do ma o da nèda oui̱ne d‐è hi. 20O ma bo̱bo̱ ouo̱‐o hi, to oui̱ne, è gui: A nè oui‐doa, boko dé a. Nè oui̱ne gui h’ènè zili nè oui̱ne ko‐a o gui̱ndi? 21Ndo ma o to oui̱ne, è gui: Oui̱ne d‐è n’a to hè, bènè oui̱ne doa go; oui‐doa hè ma houlou‐li‐ouili ndi?
22Ouo̱ kouyanga dè fête Dédicace o sarli̱ Jérusalem. K’è nè po‐ouichi ji guè. 23Kè Jésus hèkè nè ko temple nè, sènè di̱ngguè nou toa olo Salomon i̱nggati hi. 24O juif o jiki ka té a; ko ouo̱ to oui̱ne h’a o, è gui: Mè é dana ’lè, h’alè i̱ngi oui̱ne ko‐mè o bè gui̱ssè gui̱ndi? O̱nemo mè oa nè Christ, no mè toda k‐a h’alè nè bassa. 25Jésus pikifiè ho ouo̱‐o, è gui: Mi toda k‐a h’ènè‐o, ènè i̱ngi nè ko sèlè ’nè‐o go. Gossala no‐m’ dè nè yini Sème hi, hè to oui̱ne olo nou‐m’. 26Enè i̱ngi nè ko sèlè ’nè‐o nè, oui̱ne ènè‐o bènè badoua ko‐m’ go. 27Badoua ko‐m’ o zili guèlè‐m’; mi i̱ngi ouo̱‐o; ouo̱ tèno pata‐m’ o. 28Mi ha touni doumè ho ouo̱‐o; ouo̱ tè fi o go. Ma ouili tè kara ouo̱‐o éli‐m’ go. 29Sème nè ha ouo̱‐o ho‐m’ hi, di̱ngguè gana nè oli. Ma ouili tè kara ouo̱‐o éli Seme go. 30Mi dè Sème, alè pome‐iè. 31Ko juif o zili oui̱ne d‐è, ndo ouo̱ kara ta o oui̱ne lo a. 32Jésus to oui̱ne ho ouo̱‐o, è gui: Mi oussou dé gossala nè tèno nèda Sème mè h’ènè‐o. Nè oui̱ne gossala gui h’ènè nèno lo no‐m’ o gui̱ndi? 33Ndo juif o pikifiè h’a o, è gui: Bènè oui̱ne dé gossala h’alè nèno lo no mè go, mais oui̱ne mè da nè mo. Mè no mè nè ouili, sè no mè gui, è nè Nzapa ouo̱. 34Jésus pikifiè ho ouo̱‐o, è gui: Mboulou k’ènè‐o to oui̱ne, è gui: Mi gui: Enè‐o nè nzapa o ouo̱ go ndi? 35O̱nemo mboulou toa oui̱ne, è gui: Ouili nè zili oui̱ne kè Nzapa nè nzapa o ouo̱; kè Mbèti kè Nzapa para nè, 36Nè ouili nè Nzapa ba, toumbou di sènè nou nè hi, n’ènè‐o gui: A damo ouo̱ ndi! Nèdaka no mi gui: Mi nè Bi̱‐ouili kè Nzapa ouo̱. 37O̱nemo mi dè gossala kè Sème nè, n’ènè ya i̱ngi‐m’ nè ko sèlè ’nè‐o go. 38O̱nemo mi déè nè gossala kè Sème, o̱nemo ènè i̱ngi‐m’ nè ko sèlè ’nè‐o nè, ènè i̱ngi gossala o ou‐è, sè k’ènè i̱ngi tana o, è gui: Sème hè do‐m’, mi dè Sème ouo̱. 39Ko ouo̱ zili oui̱ne d‐è o hi, ndo ouo̱ fa liouara b’a o da; n’a you éli ouo̱‐o.
40Jésus jiki tè, chi da liouara koulou Jourdain di, olo yara nè Jean déè nè baptême i̱nggati hi. A o̱nou sènè. 41O ouili o ouinè tèno dida k‐a nè. Ouo̱ to oui̱ne o, è gui: Jean dè miracle pome go; ba doko oui̱ne kè ouaïlè n’a toa hi, nè bara oui̱ne. 42Ndo ouili o i̱ng’a nè ko sèlè lo‐o sènè olo yara mè hi ouinè.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939