Genèse 7
7
1Nè Seigneur to oui̱ne hè Noé, ègui̱: Mè lé ko arche, mè do ouili ko toa ko‐mè o nè oli; nèdaka no‐m’ joko mè nè bali‐m’ ko mè nè mbouo ouili nè bo̱bo̱ o ba doko touni ouili o kinè hi. 2Mè kara dé sadi̱ o, mè a ka to mè, ouiliè mbéa‐pome‐kè‐pakana dè koa mbéa‐pome‐kè‐pakana; do sadi̱ nè bènè dé sadi̱ o go hi, ouiliè pome dè koa pome; 3do noi̱ o li‐zane mè, ouiliè mbéa‐pome‐kè‐pakana, nè koa mbéa‐pome‐kè‐pakana, sè ko ouo̱ ko da, da palè ouo̱‐o dè sopo sènè nou h‐è nè oli nè. 4Nèdaka nè kolo ouichi da mbéa‐pome‐kè‐pakana iè, ko‐m’ iè kolo hè tè di sènè nou nè oui̱ne kè bou ouichi nara nè bou zè nara, oui̱ne gbè ba doko touni mo o nè oli no‐m’ déè sènè nou h‐è. 5Nè Noé dè mo nè oli hèmo nè Seigneur toa nè h’a higo.
6Pè Noé pèlè dongpo, nè po‐ouichi nè ba kolo téè nè di sènè nou nè hi. 7Nè Noé lé ko arche do bi̱‐oui‐ouili k’è o, dè ko n’è, dè ko ndo bi̱‐oui‐ouili k’è o, oui̱ne you nè di̱ngguè ba kolo. 8Nè bo̱ ba doko dé sadi̱ o hi, do sadi̱ bèino‐o nè bènè dé sadi̱ o hi go, do ba doko noi̱ o, do ino‐o nè oli nè fo to lo‐o fouo ngo nou h‐è o hi; 9ndo ouo̱ lé ko arche di ka tè Noé hi, litou, litou, ouiliè pome nè koa pome, ouiliè pome nè koa pome, hèmo nè Nzapa toa nè hè Noé higo. 10Nè ouichi mbéa‐pome‐kè‐pakana i̱nggati sè nè di̱ngguè ba kolo tè di sènè nou nè. 11Kè pè Noé pèlè dongpo nè po‐ouichi n’a mono nè touni hi, nè ji litou, nè bou zè pome nè jou mbéa‐pome‐kè‐pakana; nè po‐ouichi mè hi, kè ba doko jou‐zili o nè oli sènè di̱ngguè ko̱ hi foko‐foko, kè li‐holo li‐zane mè o bouo. 12Kolo téè di sènè nou nè oui̱ne kè ouichi boua‐nara nè zè boua‐nara. 13Nè po‐ouichi hi, o ouili o nè a ko arche nè Noé, dè Sem, dè Cham, dè Japhet, bi̱‐oui‐ouili kè Noé o hi, dè ko n’è, do ndo bi̱‐oui‐ouili k’è o tara bo hi: 14Ouo̱‐o, do ba doko sadi̱ o ènè, ènè, do daïli o ènè, ènè, do ba doko mo o nè nèno nè zan lo‐o sènè nou h‐è hi ènè, ènè, do ba doko noi̱ o li‐zane mè o ènè, ènè, do ba doko solobi̱ noi̱ o nè boumbaka ouo̱‐o hè aï. 15Ndo ouo̱ a ko arche o ka tè Noé hi, litou, litou, mourou nè oli nè omo‐omi‐omo hi. 16Ndo ouo̱ lé nè o hi, nè ouiliè pome nè koa pome, ouiliè pome nè koa pome, mourou nè oli, hèmo nè Nzapa toa nè hè Noé higo. Kè olo mo hi nè Seigneur pi̱ nou a. 17Nè di̱ngguè ba kolo chi guènè téa oui̱ne kè ouichi boua‐nara di sènè nou nè. Nè li o ha, kè ba arche dingo̱ne ba, n’e raka ngo nou dingo̱ne. 18Nè kolo tè di sènè nou nè gana i̱nggati, kè arche yèlè nè ngo li hi. 19Nè li o ha da gana i siti hi, nè ba doko jia kara o nè oli, kè li houlou jou ouo̱‐o. 20Nè kolo houlou jou kara o douk’a mètre mbéa‐pome‐kè‐pakana nè demi. 21Ba doko mo o nè fo to lo‐o fouo hi fiè o nè oli, noi̱ o, do daïli o, do sadi̱ o, do ino‐o nè nèno nè zan lo‐o hi, do ouili o nè oli. 22Ndo ba doko ino‐o nè omo‐omi‐omo nè ko jofo lo‐o hi, nè ngo koulou nou hi, ouo̱ fi o. 23Kè ba doko ino‐o ngo nou h‐è nè oli fiè sa, kouyang’a nè oui‐ouili mè, do daïli o, do ino‐o nè nèno nè zan lo‐o hi, do noi̱ lizane mè o: ko ouo̱‐o fiè sa sènè nou h‐è. Nè koliè nè mono nè Noé, do ino‐o ko arche do a hi. 24Nè ha li mono di sènè nou h‐è oui̱ne kè ouichi pèlè pome nè boua‐mo̱ro.
ទើបបានជ្រើសរើសហើយ៖
Genèse 7: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939