Genèse 33
33
1Kè Jacob hè ba li è dingo̱ne, k’è dè joko mo ndi, n’è joko Ésaü kè ma di nè, do oui‐ouili o pèlè nara. N’a kèkosan o bi̱me di bo̱ Léa dè Rachel, do ouiko‐tome no‐o litou hi. 2N’a a o ouiko‐tome no‐o hi do bi̱ ndo ouo̱‐o nè ti mè, kè ol’a hi, nè Léa do bi̱ n’è o, nè ndouti koliè nè, nè Rachel dè Joseph. 3N’a nè té a, a raka ti ouo̱‐o; a aba jougoulou nou ouara mbéa‐pome‐kè‐pakana, iyaaa a ma nè ka tè jo‐oui ko‐a mè. 4Nè Ésaü ayou yèlè ti a p’a nèngo̱ne, n’è nèngo̱ne lô ngo guèl’a, oufou zèl’a, ayabiè do a. Ndo ouo̱ chi guènè hélikoa o. 5Kè Ésaü hè ba li è dingo̱ne, n’è joko ouiko o do bi̱me o, n’a aka mo, ègui̱: Ino‐o no mè iè mè hi nè ndo ndi? Nè Jacob pikifiè, ègui̱: Ndo bi̱me o nè Nzapa ha hè oui‐tome ko‐mè hi nomo. 6Ndo ouiko‐tome o hi mbo di ka té a nè, do bi̱ ndo‐lo‐o, aba jougoulou nou ti a; 7nè Léa do bi̱ n’è o bo mbo di ti, aba jougoulou nou ti a; kè ol’a hi, nè Joseph dè Rachel mbo di ti, aba jougoulou nou ti a. 8Nè Ésaü aka mo, ègui̱: Mè déè tan guili‐mo no‐m’ touo sangbè do a hègo gui̱ndi? Nè Jacob pikifiè, ègui̱: Nè mo sè kè ouane ko‐m’ joko‐m’ dé li è ouinè. 9Nè Ésaü to oui̱ne da, ègui̱: Pa‐mo éli‐m’ ouinè yan‐m’; mè pama mo bèino‐o nè nè ko‐mè hi. 10Nè Jacob pikifiè, ègui̱: Hodo, o̱nemo mè joko‐m’ dé li mè ouinè, no mè koda mo éli‐m’ hè tana bali‐m’; nèda mo hi, nomo no‐m’ joko nè li mè hèmo ndo joko nè li Nzapa higo, dè mo no mè mbo no‐m’ diouinè hi. 11Mè koda mo da mi ndo ouo̱ kara nènèno ho mè hi, nèdaka nè Nzapa déè démo do‐m’, mo pome tè nanga éli‐m’ nè. N’a mono di ka té a hi guènè ak’a, nè Ésaü kodaka bèda. 12Nè Ésaü, ègui̱: Alè kilingo̱ne, alè nèno; ho‐m’ pi̱ ti mè. 13Nè Jacob pikifiè h’a, ègui̱: Ouane ko‐m’ i̱ngi ndo solobi̱ bi̱ bi̱me o dolo sa, do badoua ko‐m’ o, do nda o, ndo biè o nè mono kè ama li‐béli o hi; o̱nemo o mboko ouo̱‐o oui̱ne nèno hè ma po‐ouichi, ndo ba doko daïli o nè oli o fi. 14Ouane ko‐m’ raka ti oui‐tome k’è; no mi nèno nè pat’a nè gan‐tè nè da kolo‐yanga daïli o nè tè nènèno nè ti‐m’ hi, dè da kolo‐yanga o bi̱me o, iyaaa mi ma nè da ouane ko‐m’ Séir mè. 15Nè Ésaü, ègui̱: Mi koa é o ma ouili ko‐m’ o do mè. Nè Jacob pikifiè, ègui̱: Nè oui̱ne dè gui̱ndi? Mi koa ouane ko‐m’ joko‐m’ dé li a ouinè pome‐iè! 16Nè pome ouichi hi, nè Ésaü ba pome liouar’a hi, guènè chia di Séir mè. 17Nè Jacob nè k’è di Succoth mè. N’a dè toa da k‐a pome sènè hi, n’a dè ki̱ne o ho daïli ko‐a o. Nèda mo hi, nomo ndo ouo̱ sa nè yini oloyar’a hi nè Succoth hi.
18N’a jiki nè Paddan‐Aram mè hi, n’a ma sarli̱ Sichem nè dèssa sènè nou Canaan hi, n’a ba ki̱ne nè ti sarli̱ hi. 19N’a hè solobi̱ nou fo n’a déè toa‐tente da k‐a sènè hi, do bi̱‐oui‐ouili kè Hamor o, sème kè Sichem, oui̱ne kè pèlè ngui̱nzè pome. 20Nè sènèmo̱ hi, n’a tosso bambossi pome sèn’è hi, n’a é yin’a nè El‐Élohé‐Israël.
ទើបបានជ្រើសរើសហើយ៖
Genèse 33: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939
Genèse 33
33
1Kè Jacob hè ba li è dingo̱ne, k’è dè joko mo ndi, n’è joko Ésaü kè ma di nè, do oui‐ouili o pèlè nara. N’a kèkosan o bi̱me di bo̱ Léa dè Rachel, do ouiko‐tome no‐o litou hi. 2N’a a o ouiko‐tome no‐o hi do bi̱ ndo ouo̱‐o nè ti mè, kè ol’a hi, nè Léa do bi̱ n’è o, nè ndouti koliè nè, nè Rachel dè Joseph. 3N’a nè té a, a raka ti ouo̱‐o; a aba jougoulou nou ouara mbéa‐pome‐kè‐pakana, iyaaa a ma nè ka tè jo‐oui ko‐a mè. 4Nè Ésaü ayou yèlè ti a p’a nèngo̱ne, n’è nèngo̱ne lô ngo guèl’a, oufou zèl’a, ayabiè do a. Ndo ouo̱ chi guènè hélikoa o. 5Kè Ésaü hè ba li è dingo̱ne, n’è joko ouiko o do bi̱me o, n’a aka mo, ègui̱: Ino‐o no mè iè mè hi nè ndo ndi? Nè Jacob pikifiè, ègui̱: Ndo bi̱me o nè Nzapa ha hè oui‐tome ko‐mè hi nomo. 6Ndo ouiko‐tome o hi mbo di ka té a nè, do bi̱ ndo‐lo‐o, aba jougoulou nou ti a; 7nè Léa do bi̱ n’è o bo mbo di ti, aba jougoulou nou ti a; kè ol’a hi, nè Joseph dè Rachel mbo di ti, aba jougoulou nou ti a. 8Nè Ésaü aka mo, ègui̱: Mè déè tan guili‐mo no‐m’ touo sangbè do a hègo gui̱ndi? Nè Jacob pikifiè, ègui̱: Nè mo sè kè ouane ko‐m’ joko‐m’ dé li è ouinè. 9Nè Ésaü to oui̱ne da, ègui̱: Pa‐mo éli‐m’ ouinè yan‐m’; mè pama mo bèino‐o nè nè ko‐mè hi. 10Nè Jacob pikifiè, ègui̱: Hodo, o̱nemo mè joko‐m’ dé li mè ouinè, no mè koda mo éli‐m’ hè tana bali‐m’; nèda mo hi, nomo no‐m’ joko nè li mè hèmo ndo joko nè li Nzapa higo, dè mo no mè mbo no‐m’ diouinè hi. 11Mè koda mo da mi ndo ouo̱ kara nènèno ho mè hi, nèdaka nè Nzapa déè démo do‐m’, mo pome tè nanga éli‐m’ nè. N’a mono di ka té a hi guènè ak’a, nè Ésaü kodaka bèda. 12Nè Ésaü, ègui̱: Alè kilingo̱ne, alè nèno; ho‐m’ pi̱ ti mè. 13Nè Jacob pikifiè h’a, ègui̱: Ouane ko‐m’ i̱ngi ndo solobi̱ bi̱ bi̱me o dolo sa, do badoua ko‐m’ o, do nda o, ndo biè o nè mono kè ama li‐béli o hi; o̱nemo o mboko ouo̱‐o oui̱ne nèno hè ma po‐ouichi, ndo ba doko daïli o nè oli o fi. 14Ouane ko‐m’ raka ti oui‐tome k’è; no mi nèno nè pat’a nè gan‐tè nè da kolo‐yanga daïli o nè tè nènèno nè ti‐m’ hi, dè da kolo‐yanga o bi̱me o, iyaaa mi ma nè da ouane ko‐m’ Séir mè. 15Nè Ésaü, ègui̱: Mi koa é o ma ouili ko‐m’ o do mè. Nè Jacob pikifiè, ègui̱: Nè oui̱ne dè gui̱ndi? Mi koa ouane ko‐m’ joko‐m’ dé li a ouinè pome‐iè! 16Nè pome ouichi hi, nè Ésaü ba pome liouar’a hi, guènè chia di Séir mè. 17Nè Jacob nè k’è di Succoth mè. N’a dè toa da k‐a pome sènè hi, n’a dè ki̱ne o ho daïli ko‐a o. Nèda mo hi, nomo ndo ouo̱ sa nè yini oloyar’a hi nè Succoth hi.
18N’a jiki nè Paddan‐Aram mè hi, n’a ma sarli̱ Sichem nè dèssa sènè nou Canaan hi, n’a ba ki̱ne nè ti sarli̱ hi. 19N’a hè solobi̱ nou fo n’a déè toa‐tente da k‐a sènè hi, do bi̱‐oui‐ouili kè Hamor o, sème kè Sichem, oui̱ne kè pèlè ngui̱nzè pome. 20Nè sènèmo̱ hi, n’a tosso bambossi pome sèn’è hi, n’a é yin’a nè El‐Élohé‐Israël.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939