Genèse 19
19
1Nè ange o litou ma sarli̱ Sodome hi nè mbolo; kè Lot doungou nè nou nè nou ki̱ne sarli̱ Sodome. Kè Lot hè ba li è dingo̱ne ndi, n’a joko ouo̱‐o, n’a kilingo̱ne guènè yèlè ti ouo̱‐o, n’a aba jougoulou nou ti ouo̱‐o, a gou li a nè nou dido̱. 2Kè ol’a hi, n’a to oui̱ne, ègui̱: Joko, ouane ko‐m’ o, mi aka’nè‐o oui̱ne a ko toa kè oui‐tome k’ènè‐o, ènè o̱ o sènèmo̱ bè zè; ènè tara yanga’nè‐o; n’ènè ho nè toutouli choute oui̱ne nèno k’ènè‐o da. Ndo ouo̱ pikifiè o h’a, ègui̱: Hodo, alè o̱ bè zè k‐è nè liouara è. 3Nè Lot mboko ouo̱‐o, a mbo ouo̱‐o chi nè di ko toa da k‐a mè. N’a ha kame ho ouo̱‐o, dè mapa bèi nè yini sènè hi. Ndo ouo̱ chi guènè yong’a o. 4Ndo ouo̱ tè chi guènè o̱la i̱nggati sè ndo ouili o sarli̱ Sodome o hi aloussi ka yanga toa hi jiki yongo nou ma nè, ndo bi̱me o do bèlè o nè oli; ndo ba doko ouili sarli̱ o hi nè oli ayou dida ouo̱‐o mè. 5Ndo ouo̱ samo o hè Lot, ègui̱: Oui‐ouili no‐o nè téèno hè a ko toa da mè zè k‐è o hi do ndi? Mè kara ouo̱‐o ho nè dida’lè nè h’alè i̱ngi ti ouo̱‐o. 6Nè Lot ho zane dida ouo̱‐o mè, nè mono nè pogoro nou‐toa hi, n’a pi̱ nou‐toa da pat’a. 7N’a to oui̱ne ho ouo̱‐o, ègui̱: O yan‐m’ o, mi dè yoro h’ènè‐o, ènè ya dè namo o nè! 8Ènè joko bi̱‐ouiko ko‐m’ o litou, so ouo̱ tè o̱ téè dè ma oui‐ouili pome nè; so‐m’ koa kara ouo̱‐o ho nè h’ènè‐o, h’ènè dèmo do ouo̱‐o hèmo n’ènè koa nè higo. Nè mo pome‐iè, ènè ya dèmo do ouino‐o ou‐è nè téèno guènè doungounou ti guili̱ toa da mi hi nè. 9Ndo ouo̱ to oui̱ne o h’a, ègui̱: Mè ouèngguè to mè dida! Ndo ouo̱ to oui̱ne o da, ègui̱: Ouaïl’è b‐è nè nè guène, s’a koa dè nè oui‐to‐mbanga! S’alè tè dè mo do mè gana ko‐ouo̱‐o. Ndo ouo̱ issi Lot o nè ngaïli, ouo̱ raka guènè bini nou‐toa. 10Ndo oui‐ouili no‐o yèfè éli lo‐o, ba Lot di ko toa ka to lo‐o di, ndo ouo̱ pi̱ nou‐toa a da. 11Ndo ouo̱ houlou li ouino‐o nè yolo ka nou‐toa hi, kouyang’a ndo di̱ngguè ouili o do bi̱me o nè oli, da ouo̱ tè pa nou‐toa o nè. 12Ndo oui‐ouili no‐o aka Lot, ègui̱: Ma ouili ko‐mè da sènèmo̱ nè ndo ndi? Ndo ouo̱ to oui̱ne h’a, ègui̱: Mè to o ko̱fè mè o, édo bi̱‐oui‐ouili ko‐mè o, do bi̱‐ouiko ko‐mè o, do ba doko bèino‐o nè nè ouili ko‐mè o sarli̱ h‐è hi nè oli, ho ouo̱ ho oloyara h‐è dida. 13Nèdaka nd’alè koa yara sarli̱ h‐è, nèdaka nè himo jou ouino‐o sarli̱ h‐è ouéli̱ dida Seigneur mè ouinè. Nomo nè Seigneur toumbou ndè’lè oui̱ne nanga sarli̱ hi. 14Nè Lot ho zane, nèno to oui̱ne ho ko̱f’è o, ouili bi̱‐ouiko k’è o hi, ègui̱: Ènè kilingo̱ne o, ènè you tè’nè‐o oloyara h‐è dida; nèdaka nè Seigneur dè yara sarli̱ h‐è yara. Nè ko̱fé è o to ko‐lo bè to lo‐o, ègui̱: A o̱ro nè mo nè ola ouo̱. 15Kè ka toutouli mossa nè mono kè dè nè lèdèdèdè hi, ndo ange o mboko Lot, to oui̱ne h’a, ègui̱: Mè kilingo̱ne, mè ba ko no‐mè do bi̱‐ouiko ko‐mè o litou, ndo ouo̱ sènèmo̱ hi, da mè tè fi mono sènè sarli̱ h‐è nè. 16N’a mono nè, k’a tili nè té a hi, ndo ouino‐o b’a nè él’a, dè ko n’a, do bi̱‐ouiko ko‐a o litou hi, nèdaka nè Seigneur koa pass’a; ndo ouo̱ mboa nèno di ouara nou jo di̱. 17Ko ouo̱ mbo ouo̱‐o ho nè, nè ma bo̱ ouo̱‐o hi pome to oui̱ne, ègui̱: Mè you, mè passa; no mè ya joko mo di pata mè nè, no mè ya yolo bo sènè pètè‐pètè nou nè; no mè you di ouara ka kara mè, da mè tè fi nè. 18Nè Lot pikifiè ho ouo̱‐o, ègui̱: Hodo, Seigneur! 19Mè joko‐m’ dé li mè ouinè, no mè oussou ba di̱ngguè bako ko‐mè ho‐m’, oui̱ne passa to‐m’; mi tè ma ngo̱ne kara mè i̱nggati sè nè namo pa‐m’ nè ngo̱ne, hè gbè‐m’ go. 20Mè joko ma sarli̱ nomo nè o̱yèlè nè h‐è, ho‐m’ houssou to‐m’ sènè hi iè, nè solobi̱ sarli̱. Mè é ho‐m’ you di sènè hi, mi passa; ... a bènè solobi̱ sarli̱ go ndi? ... sè kè dana‐m’ monotouni! 21N’a pikifiè h’a, ègui̱: Mè joko, mi koada oui̱ne d‐è hi, no‐m’ tè yara sarli̱ no mè to nè hi go. 22Mè you nè bi̱ngè, mè houssou to mè sènèmo̱ mè hi, nèdaka no‐m’ tè dè mo pome go, iyaaa mè ma mè sè. Nèda mo hi, nomo ndo ouo̱ iè nè yini sarli̱ h‐è nè Tsoar hi. 23Kè ouichi danga ma ngo nou, nè Lot ma nè di Tsoar mè hi. 24Nè Seigneur é soufre dè oui̱ li‐zane mè chi guènè téa di jou sarli̱ Sodome dè Gomorrhe hi, nè Seigneur nè t’è hè toumbou mo no‐o hi. 25N’a yara sarli̱ no‐o, a nanga pètè‐pètè nou dè yono o aï nè oli, a gbè ba doko ouili o nè o̱ sarli̱ hi bo nè oli. 26Nè ko nè Lot jiki t’è joko mo di godo jou è, n’a kifi di̱ngguè ta to̱n. 27Nè Abraham ho nè toutouli choute, guènè nèno di oloyara n’a youlo nè dè Seigneur hi. 28K’a dè joko di ouara sarli̱ Sodome dè Gomorrhe, dè sènè ba doko pètè‐pètè nou nè oli ndi; n’a joko di̱ngguè zè‐oui̱ kè toulou ngo nou, hèmo nè di̱ngguè zè‐oui̱ four o̱ nè higo.
29Nè Nzapa yara nè sarli̱ no‐o pètè‐pètè nou hi, nè té a ba da Abraham; n’a passa bè Lot di bo̱ mo, sènè mo n’a nanga nè sarli̱ no‐o nè Lot o̱ sènè hi.
30Nè Lot ouèngguè t’è Tsoar hi dingo̱ne ngo kara mè, do bi̱‐ouiko k’è o litou, nèdaka nè kili gbé a ouinè oui̱ne mono sarli̱ Tsoar hi. N’a o̱ ko ba di̱ngguè ko̱‐ta do bi̱‐ouiko da k‐a o litou hi. 31Nè ka‐bi̱‐ouiko da k‐a hi to oui̱ne hè y’aïn, ègui̱: Sème kè’lè bèlè sa; sè ma oui‐ouili pome kè o̱ dè’lè, hèmo nè ba doko ouili o nè oli déè nè higo, bènè. 32Mè tèno, alè ha vin hè sème kè’lè no̱, alè o̱ do a, da pata‐bala sème kè’lè dè biti sa nè. 33Ndo ouo̱ ha vin hè sème ko‐ouo̱‐o nè pome zè hi; nè ka‐bi̱me hè nèno o̱ dè sème k’è: n’a tè i̱ngi tana hèmo n’a oa nè do a higo nè, n’a tè i̱ngi tan’a bo n’a kili nè ngo̱ne hi nè. 34Kè ho toutouli, nè ka‐bi̱me hi to hè y’aïn, ègui̱: Mè joko, mi oa zè k‐è dè sème ko‐m’; alè ha vin h’a no̱ da nè zè h‐è, no mè nèno, mè o̱ do a, da palè sème kè’lè dè biti sa nè. 35Ndo ouo̱ ha vin hè sème ko‐ouo̱‐o no̱ nè pome zè hi da; nè y’an nèno o̱ do a: n’a tè i̱ngi tana hèmo n’a oa nè do a higo nè, n’a tè i̱ngi tan’a bo n’a kili nè ngo̱ne hi nè. 36Nè bi̱‐ouiko kè Lot o litou hi ba zan dè sème ko‐lo‐o. 37Nè ka‐bi̱me hi ko bi̱‐oui‐ouili pome, n’a é yin’a bè Moab: kè nè sème kè Moabite o, iyaaa kè ma nè po‐ouichi hi. 38Nè y’an hi ko bi̱‐oui‐ouili bo, n’a é yin’a nè Ben‐Ammi: kè nè sème kè Ammonite o, iyaaa kè ma nè po‐ouichi hi.
ទើបបានជ្រើសរើសហើយ៖
Genèse 19: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939
Genèse 19
19
1Nè ange o litou ma sarli̱ Sodome hi nè mbolo; kè Lot doungou nè nou nè nou ki̱ne sarli̱ Sodome. Kè Lot hè ba li è dingo̱ne ndi, n’a joko ouo̱‐o, n’a kilingo̱ne guènè yèlè ti ouo̱‐o, n’a aba jougoulou nou ti ouo̱‐o, a gou li a nè nou dido̱. 2Kè ol’a hi, n’a to oui̱ne, ègui̱: Joko, ouane ko‐m’ o, mi aka’nè‐o oui̱ne a ko toa kè oui‐tome k’ènè‐o, ènè o̱ o sènèmo̱ bè zè; ènè tara yanga’nè‐o; n’ènè ho nè toutouli choute oui̱ne nèno k’ènè‐o da. Ndo ouo̱ pikifiè o h’a, ègui̱: Hodo, alè o̱ bè zè k‐è nè liouara è. 3Nè Lot mboko ouo̱‐o, a mbo ouo̱‐o chi nè di ko toa da k‐a mè. N’a ha kame ho ouo̱‐o, dè mapa bèi nè yini sènè hi. Ndo ouo̱ chi guènè yong’a o. 4Ndo ouo̱ tè chi guènè o̱la i̱nggati sè ndo ouili o sarli̱ Sodome o hi aloussi ka yanga toa hi jiki yongo nou ma nè, ndo bi̱me o do bèlè o nè oli; ndo ba doko ouili sarli̱ o hi nè oli ayou dida ouo̱‐o mè. 5Ndo ouo̱ samo o hè Lot, ègui̱: Oui‐ouili no‐o nè téèno hè a ko toa da mè zè k‐è o hi do ndi? Mè kara ouo̱‐o ho nè dida’lè nè h’alè i̱ngi ti ouo̱‐o. 6Nè Lot ho zane dida ouo̱‐o mè, nè mono nè pogoro nou‐toa hi, n’a pi̱ nou‐toa da pat’a. 7N’a to oui̱ne ho ouo̱‐o, ègui̱: O yan‐m’ o, mi dè yoro h’ènè‐o, ènè ya dè namo o nè! 8Ènè joko bi̱‐ouiko ko‐m’ o litou, so ouo̱ tè o̱ téè dè ma oui‐ouili pome nè; so‐m’ koa kara ouo̱‐o ho nè h’ènè‐o, h’ènè dèmo do ouo̱‐o hèmo n’ènè koa nè higo. Nè mo pome‐iè, ènè ya dèmo do ouino‐o ou‐è nè téèno guènè doungounou ti guili̱ toa da mi hi nè. 9Ndo ouo̱ to oui̱ne o h’a, ègui̱: Mè ouèngguè to mè dida! Ndo ouo̱ to oui̱ne o da, ègui̱: Ouaïl’è b‐è nè nè guène, s’a koa dè nè oui‐to‐mbanga! S’alè tè dè mo do mè gana ko‐ouo̱‐o. Ndo ouo̱ issi Lot o nè ngaïli, ouo̱ raka guènè bini nou‐toa. 10Ndo oui‐ouili no‐o yèfè éli lo‐o, ba Lot di ko toa ka to lo‐o di, ndo ouo̱ pi̱ nou‐toa a da. 11Ndo ouo̱ houlou li ouino‐o nè yolo ka nou‐toa hi, kouyang’a ndo di̱ngguè ouili o do bi̱me o nè oli, da ouo̱ tè pa nou‐toa o nè. 12Ndo oui‐ouili no‐o aka Lot, ègui̱: Ma ouili ko‐mè da sènèmo̱ nè ndo ndi? Ndo ouo̱ to oui̱ne h’a, ègui̱: Mè to o ko̱fè mè o, édo bi̱‐oui‐ouili ko‐mè o, do bi̱‐ouiko ko‐mè o, do ba doko bèino‐o nè nè ouili ko‐mè o sarli̱ h‐è hi nè oli, ho ouo̱ ho oloyara h‐è dida. 13Nèdaka nd’alè koa yara sarli̱ h‐è, nèdaka nè himo jou ouino‐o sarli̱ h‐è ouéli̱ dida Seigneur mè ouinè. Nomo nè Seigneur toumbou ndè’lè oui̱ne nanga sarli̱ hi. 14Nè Lot ho zane, nèno to oui̱ne ho ko̱f’è o, ouili bi̱‐ouiko k’è o hi, ègui̱: Ènè kilingo̱ne o, ènè you tè’nè‐o oloyara h‐è dida; nèdaka nè Seigneur dè yara sarli̱ h‐è yara. Nè ko̱fé è o to ko‐lo bè to lo‐o, ègui̱: A o̱ro nè mo nè ola ouo̱. 15Kè ka toutouli mossa nè mono kè dè nè lèdèdèdè hi, ndo ange o mboko Lot, to oui̱ne h’a, ègui̱: Mè kilingo̱ne, mè ba ko no‐mè do bi̱‐ouiko ko‐mè o litou, ndo ouo̱ sènèmo̱ hi, da mè tè fi mono sènè sarli̱ h‐è nè. 16N’a mono nè, k’a tili nè té a hi, ndo ouino‐o b’a nè él’a, dè ko n’a, do bi̱‐ouiko ko‐a o litou hi, nèdaka nè Seigneur koa pass’a; ndo ouo̱ mboa nèno di ouara nou jo di̱. 17Ko ouo̱ mbo ouo̱‐o ho nè, nè ma bo̱ ouo̱‐o hi pome to oui̱ne, ègui̱: Mè you, mè passa; no mè ya joko mo di pata mè nè, no mè ya yolo bo sènè pètè‐pètè nou nè; no mè you di ouara ka kara mè, da mè tè fi nè. 18Nè Lot pikifiè ho ouo̱‐o, ègui̱: Hodo, Seigneur! 19Mè joko‐m’ dé li mè ouinè, no mè oussou ba di̱ngguè bako ko‐mè ho‐m’, oui̱ne passa to‐m’; mi tè ma ngo̱ne kara mè i̱nggati sè nè namo pa‐m’ nè ngo̱ne, hè gbè‐m’ go. 20Mè joko ma sarli̱ nomo nè o̱yèlè nè h‐è, ho‐m’ houssou to‐m’ sènè hi iè, nè solobi̱ sarli̱. Mè é ho‐m’ you di sènè hi, mi passa; ... a bènè solobi̱ sarli̱ go ndi? ... sè kè dana‐m’ monotouni! 21N’a pikifiè h’a, ègui̱: Mè joko, mi koada oui̱ne d‐è hi, no‐m’ tè yara sarli̱ no mè to nè hi go. 22Mè you nè bi̱ngè, mè houssou to mè sènèmo̱ mè hi, nèdaka no‐m’ tè dè mo pome go, iyaaa mè ma mè sè. Nèda mo hi, nomo ndo ouo̱ iè nè yini sarli̱ h‐è nè Tsoar hi. 23Kè ouichi danga ma ngo nou, nè Lot ma nè di Tsoar mè hi. 24Nè Seigneur é soufre dè oui̱ li‐zane mè chi guènè téa di jou sarli̱ Sodome dè Gomorrhe hi, nè Seigneur nè t’è hè toumbou mo no‐o hi. 25N’a yara sarli̱ no‐o, a nanga pètè‐pètè nou dè yono o aï nè oli, a gbè ba doko ouili o nè o̱ sarli̱ hi bo nè oli. 26Nè ko nè Lot jiki t’è joko mo di godo jou è, n’a kifi di̱ngguè ta to̱n. 27Nè Abraham ho nè toutouli choute, guènè nèno di oloyara n’a youlo nè dè Seigneur hi. 28K’a dè joko di ouara sarli̱ Sodome dè Gomorrhe, dè sènè ba doko pètè‐pètè nou nè oli ndi; n’a joko di̱ngguè zè‐oui̱ kè toulou ngo nou, hèmo nè di̱ngguè zè‐oui̱ four o̱ nè higo.
29Nè Nzapa yara nè sarli̱ no‐o pètè‐pètè nou hi, nè té a ba da Abraham; n’a passa bè Lot di bo̱ mo, sènè mo n’a nanga nè sarli̱ no‐o nè Lot o̱ sènè hi.
30Nè Lot ouèngguè t’è Tsoar hi dingo̱ne ngo kara mè, do bi̱‐ouiko k’è o litou, nèdaka nè kili gbé a ouinè oui̱ne mono sarli̱ Tsoar hi. N’a o̱ ko ba di̱ngguè ko̱‐ta do bi̱‐ouiko da k‐a o litou hi. 31Nè ka‐bi̱‐ouiko da k‐a hi to oui̱ne hè y’aïn, ègui̱: Sème kè’lè bèlè sa; sè ma oui‐ouili pome kè o̱ dè’lè, hèmo nè ba doko ouili o nè oli déè nè higo, bènè. 32Mè tèno, alè ha vin hè sème kè’lè no̱, alè o̱ do a, da pata‐bala sème kè’lè dè biti sa nè. 33Ndo ouo̱ ha vin hè sème ko‐ouo̱‐o nè pome zè hi; nè ka‐bi̱me hè nèno o̱ dè sème k’è: n’a tè i̱ngi tana hèmo n’a oa nè do a higo nè, n’a tè i̱ngi tan’a bo n’a kili nè ngo̱ne hi nè. 34Kè ho toutouli, nè ka‐bi̱me hi to hè y’aïn, ègui̱: Mè joko, mi oa zè k‐è dè sème ko‐m’; alè ha vin h’a no̱ da nè zè h‐è, no mè nèno, mè o̱ do a, da palè sème kè’lè dè biti sa nè. 35Ndo ouo̱ ha vin hè sème ko‐ouo̱‐o no̱ nè pome zè hi da; nè y’an nèno o̱ do a: n’a tè i̱ngi tana hèmo n’a oa nè do a higo nè, n’a tè i̱ngi tan’a bo n’a kili nè ngo̱ne hi nè. 36Nè bi̱‐ouiko kè Lot o litou hi ba zan dè sème ko‐lo‐o. 37Nè ka‐bi̱me hi ko bi̱‐oui‐ouili pome, n’a é yin’a bè Moab: kè nè sème kè Moabite o, iyaaa kè ma nè po‐ouichi hi. 38Nè y’an hi ko bi̱‐oui‐ouili bo, n’a é yin’a nè Ben‐Ammi: kè nè sème kè Ammonite o, iyaaa kè ma nè po‐ouichi hi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939