Genèse 16
16
1Nè Saraï, ko nè Abram, tè ko nè bi̱me do a nè hi. Kè ouiko‐tome da Saraï hè aï pome nè nè Égyptienne hi, yin’a nè Agar. 2Nè Saraï to oui̱ne hè Abram, ègui̱: Mè joko, Seigneur iè‐m’ nè ouiko‐ndoro; nomo no‐m’ aka no mè, mè tèno, mè o̱ dè ouiko‐tome ko‐m’; o i̱ngi nè no‐m’ tè pa bi̱me o nèda k‐a. Nè Abram koda oui̱ne d‐è nè Saraï toa hi. 3Nè Saraï, ko nè Abram, ba Agar ouiko‐tome da k‐è, nè nè Égyptienne hi, h’a hè Abram, ouil’è, nè ko n’a, kè olo mo nè Abram oa nè sènè nou Canaan pè boua‐pome hi. 4N’a o̱ dè Agar, n’a ba zan. K’a dè joko hèmo n’a ba nè zan higo, nè dan’a bè ouaïl’è. 5Nè Saraï to oui̱ne hè Abram, ègui̱: Namo nè pa mi hi lô jou mè. No‐m’ ha ouiko‐tome ko‐m’ ho mè; k’a dè joko hèmo n’a ba nè zan higo, nè dan’a bè‐m’. Nè Seigneur hè tè to mbanga bo̱ mi do mè! 6Nè Abram pikifiè hè Saraï, ègui̱: Mè joko, ouiko‐tome ko‐mè hè éli mè, nè oui̱ne ko‐mè; mè dèmo do a hèmo no mè koa nè higo. Nè Saraï noukoul’a nanga ouinè; nè Agar zada‐you yèlè n’a dida. 7Nè ange kè Seigneur p’a nè jou‐zili nè do̱ko jo, nè hèdè nè jou‐zili nè ngo liouara Schur hi. 8N’a ak’a, ègui̱: Agar, ouiko‐tome kè Saraï, mè tèno nè do, so mè nèno di do ndi? N’a pikifiè, ègui̱: Mi you nè Saraï ouaïli‐m’ hi, hè yèlè n’a dida. 9Nè ange kè Seigneur to oui̱ne h’a, ègui̱: Mè jiki to mè, mè chi da dida ouaïli mè mè, mè gan to mè di él’a. 10Nè ange kè Seigneur to oui̱ne h’a da, ègui̱: Mi tè é ba doko bala mè o ouinè, mè dèlè ouinè, o oui dè tor’a go. 11Nè ange kè Seigneur to oui̱ne h’a, ègui̱: Mè joko, mè ba zan, mè tè ko nè bi̱‐oui‐ouili, no mè é yin’a nè Ismaël; nèdaka nè Seigneur zili guèlè mè dè dè‐yoro no mè dè hi. 12K’a tè o̱ hè tolofou do̱ko jo go; kè él’a tè pa tè ba doko ouo̱‐o nè oli, kè ba doko éli bo‐ouo̱‐o nè oli pa tè a bo; k’a tè o̱nou tana nè bali ba doko y’an o nè oli. 13N’a sa yini Seigneur nè toa oui̱ne h’a hi nè Atta‐El‐roï; nèdaka n’a, ègui̱: Mi tè joko mo sènèmo̱ nè, k’a joko no‐m’ hi ndi? 14Nèda mo hi, nomo ndo ouo̱ sa nè yini ko̱‐li nè Lachaï‐roï; a nè bo̱bo̱ Kadès dè Bared. 15Nè Agar ko bi̱‐oui‐ouili pome dè Abram; nè Abram é yin’a nè Ismaël bè bi̱‐oui‐ouili nè Agar kouo do a hi. 16Pè Abram boua‐pakana‐nè‐joua‐dongpo sè nè Agar ko Ismaël do a.
ទើបបានជ្រើសរើសហើយ៖
Genèse 16: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939