LUKA 7
7
Yezu abikei mosali wa mokonzi wa basoda
(Mt. 8:5-13; Yn. 4:46-54)
1Ntango esidjei Yezu loteya makambo mana manso na bato, ayingeli omboka Kafarnaum. 2Mokonzi wawi wa basoda ba Loma abeki akadjali o engumba ena abeki na mosali wawi yo abeki akamodjingi be; Mosali mei abeki nabololi bokali adjingi awa. 3«Ntango mokonzi wa basoda ba Loma aokiki sango ya Yezu, aongiki Bampaka basu ba bayuda bakende omboka Yezu, abakoleliki bakolo na Yezu Nabobondeli yaka kabikia mosaleli wanga. 4Mpe ntango ekomiki bango omboka Yezu, ba mobondeli na molende munso,» Moto yo abongi mpenza nalisalisi djau 5Mpambanya alozingi bato ba bayuda mpe yabwele yo moto olotongeli eyoma ya makita maba Yuda. 6Bona Yezu akeiki elongo nabango ondako ya mokonzi ntango Yezu abeki pio na ndako mosali mei atomiki bebi basu bakolela Yezu bo: Molaki lomitungia bito naloya ondako yanga naibongo bito te okpela ondako yanga. 7Nabona nabangi loya nga mpenza lozwana nau kasi kolo bobele liloba djawi mosali wanga nda abiki 8Naebi mpo nabei na bakonzi ba basoda ba bakampa mitondo, mpe nalo na basoda ba bakazwa mitindo ombokanga. Naengeli tu lokolo: «Kende», mpe nde akei; nakoki lokolo na mosu: «Yaka», mpe yo akaya. Te nakoli na mosali wanga kela bo: «mpe yo akamukela». 9Eyoki Yezu maloba mana, akamwe nande; amibongoli epai ebeki bato baka mobengi, akoli: Naka bosangeli naizwana na moi isalayele wawi bito unzamboli bo moto yo! 10Eongoi bebi nande ondako yande. Ntango eongoi bango batani mosali wango abiki nabololi bwande.
Moto yo oweiki angoiki na bomoi
11Mokia mwa ntango, Yezu akei omboka yoko nkombo Nayina bayekoli bande na bato basu baike bakeiki nande elongo. 12Ekomi bango pene-pene na modjibo mwa mboka ba zwani na bato babaike bakei bakakunda. Nyango wango wande abeki bonzenge, mpe aibaka na mwana mosu wa lele bito, bato babaike babeki bakakei na bonzenge mpoya lokunda mwana. 13Eeni Nkolo muntaka bodjenge amokeli mawa mpe akoli nande Tika nalolela. 14Yezu abelemi mpe apeli epomba, bato batombiki ebembe batemi batiki lodjata. Mokia Yezu akoliki: Elenge wa lele nabopei mitindo 'te otelua! 15Mbala yawi mowei angoi na bomoi mpe amidjadjei mpe amasi lokolo Yezu amoongei omboka nyango wande. 16Bato banso baeniki makambo makelamiki mpe bakamoiki, bakumie Libanza bakoli Nzeni munene abimi ontei ya biyo, Libanza ayei aka losalisa 17Bato babeki bakakei o etuka enso ya Yudeya mpe biyoma binso bi bibeki nzinganzinga nayango loebisa basu makambo ma makeliki Yezu.
Yezu mpe Yowana mobatisi
(Mt. 11:2-11)
18Ntango ebeki Yowane mobatisi oboloko, bayekoli bande bamosangeli makambo manso makeliki Yezu. Bona Yowane abekiki bayekoli bande babale. 19Mpe abatomiki omboka Yezu, molaki, mpoya lomotuna, We olo klisto moto yo obeki biyo toko djila 'te akaya, 'to todjila moto mosu? 20Bango bakomi omboka Yezu bamokoli: Yowane mobatisi alotomi 'te tobotuna te we olo masiya oengeli naloya to tonzila moto mosu? 21Ontango ena,Yezu abikei bato baike babaka na maloli naba bakangemaka na molimo mobe, adjiboli mpe miyo ma bato baike babaka na lolanda. 22Yezu abayanoli: boka pa Yowane nsango elau na maeni bino mpe maoki bino bato balolanda bakomi bakeeni, bato ba mbengo ba djati, bato ba maba ba petwami, bato bawa matoyi baoki, bawei basekwi, mpe babola bakaoki nsango elau. 23Kolela koba Yowane 'te Libanza akapambola moto yo oiba na ntembe bito mpo yanga. 24Mokia wa batombi ba nsango ba Yowane, Yezu amasiki lokolo nantina yande omboka bato babaike: Ntango ebimiki bino omboka Yowane obobe, bomanyeiki boene ndei? Bwaeneke mwete mwa moti muka nyikani na lele? 25Kasi wakendeke lokakeka ndei? Moto alati bilamba biasika? Bito bato bakalata bilamba bia bilau mpe balo na bomengo bakadjala ondako ya mokonzi. 26Bona bwabimaka lokakeka ndei? Bwabimaka mpoya lokeka Nzeni wawi? Yabwele Yowane abeki Nzeni! Kasi naka bokoleli 'te alo munene ontei ya Banzeni. 27Mpe Yowane alo motombi nsango ye ekomiki Nzeni wawi mpo yande kala. Akomiki, Libanza akoliki na klisto naka toma motombi nsango wanga bo 'te nabo toma. Aka lengele mpoya boyei bwau. 28Na bokoli: ontei ya bana banso baboti ba Nyango oleki Yowane na bonene ako omoinya nzokande moto wa suka o bokonzi bwa Libanza amoleki na bonene.
(Mt. 11:16-19)
29Ntango emokiki Bato banso, na bafutisi mpako bamboliki 'te Libanza alo nantina, mpambanya Yowane akoliki batisimo. 30Kasi bafaliseo na bateyi ba mibeko ba moze baboyeiki loambola mokano mwa Libanza mpoya bango mpenza, mpo baboyeiki lokula batisimo na Yoane. 31Yezu akobiki lokolo, ndenge ndei eka limbola nga lolenge lobe la bato balo na bomoi lelu? Balo ndenge ndei? 32Balo bo bana ba badjali odjando. Etukuluku yawi ekangangi omboka basu 'te, Tobetiki lembo dja libala mpoyau, kasi oboyeiki loambola! Nayango, toembiki lembo la matanga, kasi oboyeiki lolela! 33Bolo bo bana mei. Ntango ayeki Yowane mobatisi omboka bino, abeki akadjei bieka bia mpamba bito. Aibaka aka mele vino mokolo moko bito. Yango akoli 'te Yowane alona molimo mobe ontei yande. 34Kasi mpo yanga, mwana wa moto nayeiki; mpe na meliki, mpe okoli: keka moto yo! Alo molundi mpe mumeli vino, mwebi wa Bakongoli mpako mpe na basumuki basu. 35Kasi bwanya bwa Libanza boenisami 'te alo sembo na bato banso baka mobenga.
Yezu alimbie masumu ma muntaka
36Moko wa bafaliseo nkombo Simoni abeki Yezu 'te akadja ondako yande, bona Yezu akeiki ondako ya mofalisai ona mpe azwiki oyoma yande na mesa mpoya lodja. 37Omboka ena ebeki na Muntaka moko obeki na bomoi bwa masumu. Aokiki'te Yezu akadjei ondako ya moko wa bafaliseo. Aboiki molangi mwawi mwa malasi ma motuya mansolo elau, mpe akeiki omoi. 38Akpeliki ondako mpe atemiki omokia mwa Yezu. Amasiki lolela mpe akomisiki makolo mande mai na mai mande mamiyo.Ndenge ebeki mai mande mamiyo maka tangi omakolo mande, amakunyoliki na nswe yande mpe amopei limpwempwe. Mokia asweki malasi mansolo elau omolangi mpe amokuli omakolo. 39Ntango eni Moko wa bafaliseo owabekaka Yezu bona amanyeiki bo: te moto yo abeki Nzeni, mbele aebi muntaka yo omopeli, adjikiki aeba te alo muntaka wa masumu! 40Yezu akoli nande Simoni, nabona na likambo dja lokolo nau. Simoni ayanoliki'te Ee, molaki unsangela. 41Mokia Yezu amokoli lisolo dji: bato babale babeki na nyongo ya moto wawi, wawi ebeki na nkama itano, mpe mosu ntuku itano. 42Wawi bito ontei ya bango aikokaka lomofuta, yango ena a limbisi ma nyongo mabango babale. Bona nzai okamozinga nabokali? 43Simoni aongei: na manyeite elo olimbisi yo na mosolo mwa moike mpe aikoka lomofuta bito yo aka modjinga nabokali. Yezu akoliki na simoni oyanoli nabolau! 44Bona Yezu Amibongoli epai ya muntaka ona mpe akoli na Simoni: manya likambo liuti muntaka yo lokela. We nde ombekiki ondako yau, kasi oinkumisaka bito mpoya lompa mai mpo na sosa makolo manga, kasi muntaka yo asosi makolo manga na pisoli yande mpe akunyoli na nswe yande. 45Oimpa mbote ya limpwempwe bito, kasi masa elonga wa ondako yau, muntaka yo ampei limpwempwe mbala na mbala. 46Oidjambaka bito mpoya lonswela mali omoto, kasi adjambi na lonkelela malasi mansolo elau ma motuya omakolo manga. 47Yango ena nabosangeli masumu mande makela yo mamaike malimbisami mpo alakinyi bolingo bonene oko limbisa bango nyongo eti akalakinya tu bolingo boti! 48Omokia Yezu akoli na muntaka ona, muntaka Libanza abolimbisi na masumu manso makela we. 49Bona bato basu badjaliki nande omesa bakadjei bamintuniki: moto yo amanyei te alonde djai? Akolite alona bokonzi bwa lolimbisa masumu ekoki bokeli tu libanza. 50Kasi Yezu akoli na muntaka: Olibisami mpo odjambi. Okoki longwa ndako antewa nakimia ya libanza lobate bolo nakimia ya Libanza.
ទើបបានជ្រើសរើសហើយ៖
LUKA 7: NDW
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ndobo Bible by Beyond Translation is licensed under Creative Commons Attribution-ShareAlike 4.0 License.
