LUKA 17
17
Mateya nantina ya lolimbisa mpe londima
(Mt. 18:6-7; Mk. 9:42)
1Nayango Yezu akoliki na bayekoli bande 'te: Ekaba ntango inso masenginya maka toma bato batika lotosa Libanza, Kasi ekaba bobe mpenza mpoya moto yo omeki bato basu bakela masumu. 2Ekaba bolau 'te moto wa ndenge ena abwakama olibulu mokia mwa masenginya libanga dja bodjito onkingo eleki bolau mpo yande, bamokanga libanga okingo nabona oeyoma 'te akela moto yo okeli ekei bito bomoko wa bango.
(Mt. 18:21-22)
3Nayango keba ndenge eka biki we. 'Te mondimi akeli lisumu, omwembola. 'Te abongoli lolenge lande la lomanya mpela lokela, omolimbisa. 4Mpe abokelaka bobe mbala nsambo na mokolo mwawi, mpe ayei ombokau mbala nsambo mpo abokolo: naoki mawa nabobe bwanga, okoki nalolimbisa.
Londima bo mbuma ya mutarde
(Mt. 17:20)
5Bantoma bakoliki na nkolo: olo bakidjela londima! 6Nkolo abaongidjeliki: bobaka na bondimi bo mbuma ya mutarde, bokoki lokolo na mwete mu: omibikola mpe omilona ontei ya loi, mpe muka botosa.
Tolo basali ba mpamba
7Nzai ontei ya bino bo alona mosali okokela maala to akabatela mampata, ntango ekongwayo omala akakolo nande: Yaka noki, djala omesa mpo todja? 8Bito, nde wi kolo bona bito. Okakolela mosali wau: «undambela bieka, lata bilamba bia bialau mpe unkelela bieka. Nadja mpe na mele. Ntango ekasidja nga bona mokia okadja mpe okamele.» 9Koba, nde Oimpa mosali wau matondo bito tu mpoya mosala mu mumwebisiki yo akela. 10Ndenge yawi mpoya bino: Bokelaka makambo manso mabotomiki bango, bokolo: tolo tu basali ba mpamba; tokeli tu mosala mwa biyo.
Yezu abikei bato djomi ba bololi bwa maba
11Ntango ebeki yezu akakei o engumba Yelusaleme elongo na bayekoli bande, balekiki ondelo ya bituka bia samaliya mpe Galileya. 12Ntango ebekiyo akakpeli omboka yoko, bato djomi ba bololi bwa maba bayeki baka zwana nande; batemiki nesii. 13Mpe bamasiki lomobelela na mungongo mokali: yezu mokonzi olokela mawa! 14Ntango ebaeniyo Yezu, akoli nabango bokende boka milakela omboka banganga libanza! Ntango ebeki bango bakakei babikiki. 15Wawi ontei ya bango, ntango enikiyo te abekiki, aongoiki omboka Yezu, mpe abeki aka kumisi libanza na mungongo mokali! 16Abgangemi oboo bwa yezu, elongi onse, mpe amotondi. Moto mei autiki o etuka ya samaliya. 17Yezu akoliki naba babeki nande, Libanza abikeiki bango banso bato ba maba djomi. Antewa mpo yandei baboko libwa baiongwa bito mpoya losanzola Libanza? 18Anta wawi aiyongwa mpoya lokumisa libanza, tu mopaya mu? 19Bona akoliki nande te: teloa mpe kende; londima lau lobobikia!
Boyei bwa bokonzi bwa Libanza
20Mbala yawi,bafaliseo bamotuniki te ntango ndei bokonzi bwa libanza bukaya. Yezu abaongidjeli: Bokonzi bwa libanza nde boiya bito nalolenge te bato babwene. 21Nde baikolo bito te: Bulo wa, to bulowo, mpambanya bokonzi bwa Libanza bulo ontei ya bino! 22Yezu akoliki na bayekoli bande: Ntango ekayei, bokaba na mpowa yaloeni ata mokolo mwawi ntango ekangela nga mwana wa moto, kasi nde iba nalikoki bito.
(Mt. 24:23-28)
23Ontei ya mikolo mina, bato baka boebisa «te Masiya alowana! To Masiya alowa.» Kasi bwalo bambolaka bito mpe bokende loka mwasa bito. 24Mpo yanga, mwana wa moto akaya onzela ye ekaenene bo nkake ye eka ngengisa likolo mobimba ntango ekayei. 25Kasi bo bwa likambo dji, naengeli nayokwama nabokali mpe bato ba balo na bomoi lelu bamoboya.
(Mt. 24:37-41)
26Makambo ma malekiki omikolo mia Nowa,ekaleka tu bona naboyei bwana mwana wa moto 27bato babeki bakadjei, lomele, lobala, mpe lobalisa bana babango,tee mokolo mukpeliki Nowa omasuwa. Bona mpela eyeki mpe ebabomiki bango banso. 28Ebeki tu bona omikolo mia Lota. Bato omboka ya Sodomo babeki bakadjei, lomele lomba, loteke,lolona mpe lotonga. 29Kasi mokolo mwabimaka Lota omboka Sodomo, mbula ya mweya mpe ya nsomo ekiteliki utolikolo mpe ebabomiki bango banso. 30Ekakelama noki bo, mokolo muka milaka nga mwana wa moto osa. 31Omokolo muna, moto okaba olikolo dja ndako mpe akaba nabikei ondako, akitela bito mpoya lobibo. Ndenge tu yawi na moto okaba odjala, nde aiyongwa bito mpoya ekei tondei. 32Bomanya ma makomeliki mwali wa Lota! 33Moto okadjinga abatela bomoyi bwande nde abubungei, mpe okabongia bomoyi bwande nde abubateli. 34Nakoli nabino, butu boona, bato babale bakatuka onkela yawi: nde baboi wawi mpe moko akaleme. 35Bantaka babale bakaba bakatoki mbuma eyoma yawi: bakaba wawi mpe monsu akaleme. 36Bampele babale bakaba ontei ya djaala: baka bo wawi mpe monsu akaleme. 37Bayekoli ba Yezu bamotuniki: Makambo mango maka kelama wai? Yezu abaongidjeli: eyoma elo ebembe, manyoli maka dja bibembe bakaangana wana.
ទើបបានជ្រើសរើសហើយ៖
LUKA 17: NDW
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ndobo Bible by Beyond Translation is licensed under Creative Commons Attribution-ShareAlike 4.0 License.
