LUKA 11
11
Yezu alakeli bayekoli bande lolenge la lobondela
(Mt. 6:9-13)
1Moko mokolo, Yezu abaka akasambeli oeyoma yoko bo, ntango esidjeikiyo lobondela moko wa bayekoli bande amongiki: Nkolo, ololakela losambela boya lakelaka Yowane bayekoli bande. 2Mpe Yezu akoliki na bayekoli bande: ntango ekasambeli bino Libanza, bokoloko maloba ma: Ango wabiyo bato banso babokumisa bo monsantu, tika te bokonzi bwau buba bokali. 3Olopa ndembe ikoki nabiyo lodja mokolo na mokolo 4O lolimbisa masumu ma biyo, mpo biyo mpe tolimbisi ba banso baka lokela bobe mpe olobatela mpo totika lokpa o masenginya ma Satana. 5Yezu akoliki koba na bayekoli bande manya 'te bolo na mwebi moko mpe bokei ondako yande ontei ya butu mpe bomongi 'te mwebi wanga nabobondeli ontiki nabeka mampa mato. 6Mpo mwebi wanga ayei ondako yanga na mbalakaka auti o mobembo kasi naiba nakei yalomopa bito. 7Bona mwebi obeki ontei ya ndako yande amwebisi te, tika na lontungia, na sili nakangi ekuke mpoya butu, mpe nga na bana banga totuki, naikoka na lotelua bito mpo nabopa yango. 8Omokia Yezu akoliki: Na bokoli'te aikoka naloteloa bito mpo abopa bieka mpo alomwebi nande kasi mpoya molende mwau akateloa mpe akabopa bieka bia biike ndenge esengeli nawe. 9Yango ena nabokoleli: boonga bona Libanza akabopa yango asa mokia Libanza akabopa yango mpe bobele edjibo mpe Libanza akabodjibolela. 10Mpambanya moto munso yo akaonga Libanza, nde bamopei, akasa, akazwa mpe oka betele ndako, nde bamodjiboleli. 11Ongo nzai ontei ya bino akapa mwana wande libanga'te mwana amongi limpa? Nzai okapa mwana nzo bo amongi nsu? 12Na bolo bato boebi, boebi lopa bana babino makambo ma malau. Ango wau wa lola olo molau alo pene mpoya lopa molimo mosantu na babaka mongi. 13Nabo elo bino bato babe boebi nalopa bana babino bikei bilau, bona Ongo wa bino olola akapa bito elimo santu na bakamongi?
Yezu aleki Satana nabokali
(Mt. 12:22-30; Mk. 3:20-27)
14Yezu abenginyi molimo mobe onzoto ya moto moko ako koloko bito. Ebimi molimo mobe moto obeki mbubu amasi lokolo, bato bakamoi be. 15Kasi bato basu bakoliki mpoya Yezu 'te, akakeli na nguya ya Bezebulu #11:15 Bezebulu Alo Satanamokonzi wa milimo mibe, mpoya lobenginya milimo mibe obato. 16Basu mpoya lomumeka, mpe yango ena bamongiki akela likamwisi mpoya lolakela 'te nguya yande euti na likolo 17Kasi Yezu aebiki mamanyi mabango, yango ena akoliki nabango: Te bato bamboka yoko bakabundi ontei ya bango mokonzi ba kabwani bokonzi bwande bokawa mpe ndako yawi-yawi ekabukia. 18Ndenge yawi 'te Satana na milimo mibe na bokonzi bwande ba kabwani mpe bakabundi ntango inso bango mpenza, bo bokonzi bwango buka bebisama. Nakoli bo akoliki 'te Bezebulu ampeiki bokonzi bwa lotoma milimo mibe mitika bato. 19Bona'te nga nabenginyi milimo mibe nabokali bwa Bezebulu, bana babino baka babenginya na nguya ya nzai? Bango mpenza nde babei ba zuzi babino. 20Kasi'te nabenginyi milimo mibe na mosai mwa Libanza, boeba'te bokonzi bwa Libanza bubokomeli. 21Yezu akoliki ndakisa ye bo moto wa mokali abei na bibundeli binso bi biengeliyo lokunda na biango, akoki lobatela ndako yande mpenza. Moto wawi bito ndaikoka lomoiba bikei bilo ntei ya ndako yande. 22Tee moto mosu ayei omoleki nabokali, mpe amolongi, aka mobotolo bibundeli bibekiyo aka beye motema, aka kabola bikei binso bibotoliki yo. 23Moto munso oiba nanga bito aiba mpo yanga bito, mpe moto munso okokela nanga bito alo motelemeli wanga.
(Mt. 12:43-45)
24Omokia Yezu akobiki 'te ntango molimo mobe motiki moto, nde ekei lolekaleka obobe mpoya loasa eyoma ya lodjala, bo azwa eyoma yalopema bito, akakolo: bolau na ongwa omboka moto obimikinga. 25Omokia ntango eongoi yo mpe eeni 'te lele yo mei alobo ndako ya mpamba ye basili lokombo peto mpe ekomi lobenda likebi. 26Omokia molimo mobe muna akei mpe abeki bilimo bibe bisu nsambo ba bamoleki nabobe, mpe bango banso bakpeli ondako ena mpe badjali wana. Yango ena edjaleli ya moto yo, ekaba bobe onsuka boleki bo. 27Ntango Yezu asili lokolo makambo mana, muntaka moko ontei ya bato atomboli mongongo, akoli nande 'te: Nyango wawe alona esengo be yo obobotiki mpe abobokoli! 28Yezu amoyanoliki 'te, Libanza akapambola ba baoka liloba djande mpe baka litosa koba boleki.
Yezu apameli bato mpo babeki bakaongi makamwisi
(Mt. 12:38-42)
29Bo moike na bato nzinganzinga ya Yezu bakomiki banene Yezu akoliki nabango, bino bato balo na bomoi antewa bolo bato babe, mpo bakaongi 'te Libanza abalaka likamwisi tu djawi dji likaene we likokani nadja komelaka Nzeni Yona kala. 30Bo Nzeni Yona abeki elombo mpoya bato ba Ninive, Libanza amotomiki, ndenge yawi mpe nga mwana wa moto nakaba elembo mpoya nkola ye. 31Omokolo mwa loambia, mokonzi muntaka outiki mboka Seba baka mokela adjala elongo nabino ba badjali na ntango ye, mpe akabofunda nabobe bwa bino. Mpambanya ayeiki wa omboka yoko ya esi mpenza mpo adjingiki looka maloba ma mokonzi Salomo yo abeki na mayele mamaike. Kasi nabokoleli 'te ontei ya bino elo moto moko aleki mokonzi Salomo na mayele kasi bokoambola mateya mande bito. 32Omokolo mwa losambisa, bato ba Ninive baka teme elongo na bato balo na bomoi lelu, mpe nde bafundi bato balo na bomoi lelu 'te bakakeli bobe. Mpambanya bato ba Ninive babongoli motema ntango Nzeni Yo na asakoliki, mpe naka bosangili 'te ebe na moto oleki Nzeni Yona na bonene. Kasi boboyei loambola.
(Mt. 5:15; Mk. 4:21)
33Mokia Yezu akoliki 'te: Moto moko bito akalonza mwinda mpe mokia amubomba 'te amudjiba na kitunga. Akamukela o etedjelo yayango, mpo moto munso oka kpela ondako aene sa yayango. 34Elo nantina djiyo djau lilo bo mwinda muku bongengisa. Bodjiyo lilo lilau nde okatondisama na mwinda mwa bwele kasi te miyo mau malo mabe nde okatondisama nadjombi dja libe. 35Yango ena, keba bongengi bulo ontei yau bukoma djombi bito. 36Nabona, 'te nzoto yau inso itondi na bongengi mpe djombi liba ontei yau bito, bo nde okaba we munso sa, tu bo bongengi buka ngengi likolo djau.
Yezu apameli Bafalizeo
(Mt. 23:4-36)
37Ntango Esidjei Yezu lokolo, moko wa bafaliseo amobeki 'te akadja ondako yande, Yezu akeiki ondako ya mofalisai mpe adjaliki mpoya lodja. 38Mofaliseo akamoiki boenikiyo Yezu aisosa maboko bito yambo ya lodja bo mumeseno mwa bango. 39Bona nkolo Yezu akoliki nande: bino bafaliseo bolo bo bato baka sosa tu libanda dja kopo mpe sani, bosoto bulo ontei, boko butika. Okososa maboko, kasi motema mwau mutondi nabobe. 40Bino bato ba linyami! Oiyebaka nya 'te Libanza owakela nzoto yau akela mpe motema mwau? 41Nayango, boba nalokoso mpe bobe bito, kasi bopa uto motema mwa bino elo nabino na babola. Bona bokaba peto omiyo ma Libanza. 42Ndenge ndei ekaba somo mpoya bino bafaliseo, mpo bolo nabokebi mpoya lopa nda na djomi ya bikei biba nantina nya bo bieka bia nsolo elau mpe nkinga nsu ya djala kasi bokobo bi bilo bia ntina, bo lokela ebei nsembo omboka basu mpe lonzinga Libanza. Engeli boba nabokebi mpoya lokela makambo ma malo nantina, tu bo makambo masu ma mati. 43Ekaba boi mpoya bino bafaliseo, mpo bolo na mpowa ya lodjala obiyoma bia bilau loleka obiyoma bia makita maba Yuda mpe boko djinga bato babopa mbote na limemia obiyoma bia mando. 44Ekaba boi mpoya bino bafaliseo, mpo bolo bo malita maiba na bilembo bito ye eke djata bato likolo dja mango lodjanga lomaeba 45Bona moko wa bateyi ba mibeko ba moze akoliki na Yezu: Moteyi, ntango ekakoli we makambo ma mpoya Bafalisai, oka lokombi mpe. 46Yezu amoyanoliki 'te ekaba Mawa nabino bateyi ba mibeko mia Moze, mpo 'te boka pei bato mikumba mia mikali na mibeko mia mikali mi milo bololi mpoya lotasa, kasi boiba boko koka lotosa mibeko mei bito. 47Ekaba bobe boi mpoya bino balakisi ba mibeko mia Moze, mpo 'te botongi bikeko mpoya malita ma Banzeni mpoya loba kumisa kasi ebeki nde bankoko babino bato ba babomaka. 48Nabona boamboli ma makambo ma bankoko babino bango babomaka banzeni mpe bino bobatongeli malita. 49Mpoya misala miayu mia mibe, Libanza akoliki na mayele mpoyau, nakotoma Banzeni mpe bantoma omboka bato ba Isalayele. Bato baka banyokolo basu ontei ya bango mpe baka boma basu. 50Yango ena bato bantango ye bakazwa mokumba mwa lowa la Banzeni banso babomaka bankoko babino bababomiki masa ebandeli ya mokili. 51Yango eongi na Nzeni munso lomasa na Abele tee ntango ebomiki bankoko bau nganga Libanza Zakaliya. Bamobomiki weyoma elo ontei ya Tempelo. Bato bantango ye bakaba na mokumba mwa lobomama luna lunso. 52Bateyi ba mibeko bakaba nabololi bonene mpo bokangi mpo batika na loeba nzela yabwele ya Libanza. Boiba boko benga nzela bito mpe bopaleli ba banzingi lobenga nzela ena. 53Eumwani Yoane, bateyi ba mibeko na bafaliseo ba mookeli nkele enene bamasi lomotuna mituna mia nkwokoso ndenge nandenge. 54Bamokeki nabokebi mpo bamokanga na maloba mande mpenza mpo bamofunda.
ទើបបានជ្រើសរើសហើយ៖
LUKA 11: NDW
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ndobo Bible by Beyond Translation is licensed under Creative Commons Attribution-ShareAlike 4.0 License.
LUKA 11
11
Yezu alakeli bayekoli bande lolenge la lobondela
(Mt. 6:9-13)
1Moko mokolo, Yezu abaka akasambeli oeyoma yoko bo, ntango esidjeikiyo lobondela moko wa bayekoli bande amongiki: Nkolo, ololakela losambela boya lakelaka Yowane bayekoli bande. 2Mpe Yezu akoliki na bayekoli bande: ntango ekasambeli bino Libanza, bokoloko maloba ma: Ango wabiyo bato banso babokumisa bo monsantu, tika te bokonzi bwau buba bokali. 3Olopa ndembe ikoki nabiyo lodja mokolo na mokolo 4O lolimbisa masumu ma biyo, mpo biyo mpe tolimbisi ba banso baka lokela bobe mpe olobatela mpo totika lokpa o masenginya ma Satana. 5Yezu akoliki koba na bayekoli bande manya 'te bolo na mwebi moko mpe bokei ondako yande ontei ya butu mpe bomongi 'te mwebi wanga nabobondeli ontiki nabeka mampa mato. 6Mpo mwebi wanga ayei ondako yanga na mbalakaka auti o mobembo kasi naiba nakei yalomopa bito. 7Bona mwebi obeki ontei ya ndako yande amwebisi te, tika na lontungia, na sili nakangi ekuke mpoya butu, mpe nga na bana banga totuki, naikoka na lotelua bito mpo nabopa yango. 8Omokia Yezu akoliki: Na bokoli'te aikoka naloteloa bito mpo abopa bieka mpo alomwebi nande kasi mpoya molende mwau akateloa mpe akabopa bieka bia biike ndenge esengeli nawe. 9Yango ena nabokoleli: boonga bona Libanza akabopa yango asa mokia Libanza akabopa yango mpe bobele edjibo mpe Libanza akabodjibolela. 10Mpambanya moto munso yo akaonga Libanza, nde bamopei, akasa, akazwa mpe oka betele ndako, nde bamodjiboleli. 11Ongo nzai ontei ya bino akapa mwana wande libanga'te mwana amongi limpa? Nzai okapa mwana nzo bo amongi nsu? 12Na bolo bato boebi, boebi lopa bana babino makambo ma malau. Ango wau wa lola olo molau alo pene mpoya lopa molimo mosantu na babaka mongi. 13Nabo elo bino bato babe boebi nalopa bana babino bikei bilau, bona Ongo wa bino olola akapa bito elimo santu na bakamongi?
Yezu aleki Satana nabokali
(Mt. 12:22-30; Mk. 3:20-27)
14Yezu abenginyi molimo mobe onzoto ya moto moko ako koloko bito. Ebimi molimo mobe moto obeki mbubu amasi lokolo, bato bakamoi be. 15Kasi bato basu bakoliki mpoya Yezu 'te, akakeli na nguya ya Bezebulu #11:15 Bezebulu Alo Satanamokonzi wa milimo mibe, mpoya lobenginya milimo mibe obato. 16Basu mpoya lomumeka, mpe yango ena bamongiki akela likamwisi mpoya lolakela 'te nguya yande euti na likolo 17Kasi Yezu aebiki mamanyi mabango, yango ena akoliki nabango: Te bato bamboka yoko bakabundi ontei ya bango mokonzi ba kabwani bokonzi bwande bokawa mpe ndako yawi-yawi ekabukia. 18Ndenge yawi 'te Satana na milimo mibe na bokonzi bwande ba kabwani mpe bakabundi ntango inso bango mpenza, bo bokonzi bwango buka bebisama. Nakoli bo akoliki 'te Bezebulu ampeiki bokonzi bwa lotoma milimo mibe mitika bato. 19Bona'te nga nabenginyi milimo mibe nabokali bwa Bezebulu, bana babino baka babenginya na nguya ya nzai? Bango mpenza nde babei ba zuzi babino. 20Kasi'te nabenginyi milimo mibe na mosai mwa Libanza, boeba'te bokonzi bwa Libanza bubokomeli. 21Yezu akoliki ndakisa ye bo moto wa mokali abei na bibundeli binso bi biengeliyo lokunda na biango, akoki lobatela ndako yande mpenza. Moto wawi bito ndaikoka lomoiba bikei bilo ntei ya ndako yande. 22Tee moto mosu ayei omoleki nabokali, mpe amolongi, aka mobotolo bibundeli bibekiyo aka beye motema, aka kabola bikei binso bibotoliki yo. 23Moto munso oiba nanga bito aiba mpo yanga bito, mpe moto munso okokela nanga bito alo motelemeli wanga.
(Mt. 12:43-45)
24Omokia Yezu akobiki 'te ntango molimo mobe motiki moto, nde ekei lolekaleka obobe mpoya loasa eyoma ya lodjala, bo azwa eyoma yalopema bito, akakolo: bolau na ongwa omboka moto obimikinga. 25Omokia ntango eongoi yo mpe eeni 'te lele yo mei alobo ndako ya mpamba ye basili lokombo peto mpe ekomi lobenda likebi. 26Omokia molimo mobe muna akei mpe abeki bilimo bibe bisu nsambo ba bamoleki nabobe, mpe bango banso bakpeli ondako ena mpe badjali wana. Yango ena edjaleli ya moto yo, ekaba bobe onsuka boleki bo. 27Ntango Yezu asili lokolo makambo mana, muntaka moko ontei ya bato atomboli mongongo, akoli nande 'te: Nyango wawe alona esengo be yo obobotiki mpe abobokoli! 28Yezu amoyanoliki 'te, Libanza akapambola ba baoka liloba djande mpe baka litosa koba boleki.
Yezu apameli bato mpo babeki bakaongi makamwisi
(Mt. 12:38-42)
29Bo moike na bato nzinganzinga ya Yezu bakomiki banene Yezu akoliki nabango, bino bato balo na bomoi antewa bolo bato babe, mpo bakaongi 'te Libanza abalaka likamwisi tu djawi dji likaene we likokani nadja komelaka Nzeni Yona kala. 30Bo Nzeni Yona abeki elombo mpoya bato ba Ninive, Libanza amotomiki, ndenge yawi mpe nga mwana wa moto nakaba elembo mpoya nkola ye. 31Omokolo mwa loambia, mokonzi muntaka outiki mboka Seba baka mokela adjala elongo nabino ba badjali na ntango ye, mpe akabofunda nabobe bwa bino. Mpambanya ayeiki wa omboka yoko ya esi mpenza mpo adjingiki looka maloba ma mokonzi Salomo yo abeki na mayele mamaike. Kasi nabokoleli 'te ontei ya bino elo moto moko aleki mokonzi Salomo na mayele kasi bokoambola mateya mande bito. 32Omokolo mwa losambisa, bato ba Ninive baka teme elongo na bato balo na bomoi lelu, mpe nde bafundi bato balo na bomoi lelu 'te bakakeli bobe. Mpambanya bato ba Ninive babongoli motema ntango Nzeni Yo na asakoliki, mpe naka bosangili 'te ebe na moto oleki Nzeni Yona na bonene. Kasi boboyei loambola.
(Mt. 5:15; Mk. 4:21)
33Mokia Yezu akoliki 'te: Moto moko bito akalonza mwinda mpe mokia amubomba 'te amudjiba na kitunga. Akamukela o etedjelo yayango, mpo moto munso oka kpela ondako aene sa yayango. 34Elo nantina djiyo djau lilo bo mwinda muku bongengisa. Bodjiyo lilo lilau nde okatondisama na mwinda mwa bwele kasi te miyo mau malo mabe nde okatondisama nadjombi dja libe. 35Yango ena, keba bongengi bulo ontei yau bukoma djombi bito. 36Nabona, 'te nzoto yau inso itondi na bongengi mpe djombi liba ontei yau bito, bo nde okaba we munso sa, tu bo bongengi buka ngengi likolo djau.
Yezu apameli Bafalizeo
(Mt. 23:4-36)
37Ntango Esidjei Yezu lokolo, moko wa bafaliseo amobeki 'te akadja ondako yande, Yezu akeiki ondako ya mofalisai mpe adjaliki mpoya lodja. 38Mofaliseo akamoiki boenikiyo Yezu aisosa maboko bito yambo ya lodja bo mumeseno mwa bango. 39Bona nkolo Yezu akoliki nande: bino bafaliseo bolo bo bato baka sosa tu libanda dja kopo mpe sani, bosoto bulo ontei, boko butika. Okososa maboko, kasi motema mwau mutondi nabobe. 40Bino bato ba linyami! Oiyebaka nya 'te Libanza owakela nzoto yau akela mpe motema mwau? 41Nayango, boba nalokoso mpe bobe bito, kasi bopa uto motema mwa bino elo nabino na babola. Bona bokaba peto omiyo ma Libanza. 42Ndenge ndei ekaba somo mpoya bino bafaliseo, mpo bolo nabokebi mpoya lopa nda na djomi ya bikei biba nantina nya bo bieka bia nsolo elau mpe nkinga nsu ya djala kasi bokobo bi bilo bia ntina, bo lokela ebei nsembo omboka basu mpe lonzinga Libanza. Engeli boba nabokebi mpoya lokela makambo ma malo nantina, tu bo makambo masu ma mati. 43Ekaba boi mpoya bino bafaliseo, mpo bolo na mpowa ya lodjala obiyoma bia bilau loleka obiyoma bia makita maba Yuda mpe boko djinga bato babopa mbote na limemia obiyoma bia mando. 44Ekaba boi mpoya bino bafaliseo, mpo bolo bo malita maiba na bilembo bito ye eke djata bato likolo dja mango lodjanga lomaeba 45Bona moko wa bateyi ba mibeko ba moze akoliki na Yezu: Moteyi, ntango ekakoli we makambo ma mpoya Bafalisai, oka lokombi mpe. 46Yezu amoyanoliki 'te ekaba Mawa nabino bateyi ba mibeko mia Moze, mpo 'te boka pei bato mikumba mia mikali na mibeko mia mikali mi milo bololi mpoya lotasa, kasi boiba boko koka lotosa mibeko mei bito. 47Ekaba bobe boi mpoya bino balakisi ba mibeko mia Moze, mpo 'te botongi bikeko mpoya malita ma Banzeni mpoya loba kumisa kasi ebeki nde bankoko babino bato ba babomaka. 48Nabona boamboli ma makambo ma bankoko babino bango babomaka banzeni mpe bino bobatongeli malita. 49Mpoya misala miayu mia mibe, Libanza akoliki na mayele mpoyau, nakotoma Banzeni mpe bantoma omboka bato ba Isalayele. Bato baka banyokolo basu ontei ya bango mpe baka boma basu. 50Yango ena bato bantango ye bakazwa mokumba mwa lowa la Banzeni banso babomaka bankoko babino bababomiki masa ebandeli ya mokili. 51Yango eongi na Nzeni munso lomasa na Abele tee ntango ebomiki bankoko bau nganga Libanza Zakaliya. Bamobomiki weyoma elo ontei ya Tempelo. Bato bantango ye bakaba na mokumba mwa lobomama luna lunso. 52Bateyi ba mibeko bakaba nabololi bonene mpo bokangi mpo batika na loeba nzela yabwele ya Libanza. Boiba boko benga nzela bito mpe bopaleli ba banzingi lobenga nzela ena. 53Eumwani Yoane, bateyi ba mibeko na bafaliseo ba mookeli nkele enene bamasi lomotuna mituna mia nkwokoso ndenge nandenge. 54Bamokeki nabokebi mpo bamokanga na maloba mande mpenza mpo bamofunda.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ndobo Bible by Beyond Translation is licensed under Creative Commons Attribution-ShareAlike 4.0 License.