Duk 12
12
IKIIDE MBUBỊK NTE MME FARISI
(Mat 10:26,27)
1Me ukem inii ada, adiwaag tọsịn̄ anwe emaedi atokian̄ me itighe nte Yisọs akebaa. Emmo ema-ewaag tutuk emmo etọn̄n̄ọ adifịk mme anwe. Akpa, Yisọs atan̄ ikuo mee mme mbed esiu. Anyii atoo, “Ikpimi mbaag ayịn̄ adiba nte mme Farisi. Mbubịk eduk-unwe emmo amam afịd anwe ukem nte n̄kpo-utọd#12:1 n̄kpo-utọd ade n̄kpo mee esuana mee flak, ndiin ane anyii atọd mbaag atukde bred amịk mee inii se eti. mee amam ebuk uyu. 2Kuuba nte emmo sia afịd n̄kpo se mme anwe efọg. Abasi aya-afọghọ. Afe ukimike adinịm n̄kpo ntekian̄ yaag adibi mee nsinsi. 3Me ntre, se adede me afe aketan̄ me ndibi, eyaekuk anwa-anwa, ndiin se afe aketan̄ me utọn̄ mee edibi, eyaebọn̄ anwa-anwa yaag afị̇d anwe ekuk.
FIN̄GHE ABASI
(Mat 10:8-31)
4Mme nsan̄ amii, Amii nsiọn̄n̄ọ yinne idii ntoo, iku-fin̄ghe mme anwe. Sia emmo ekọd adiwu ikpọgidi ayịn̄ ikpọn̄, ade ikọddọ ine n̄kpo ufịn aba adine yinne idiog. 5Ndiin, anwe se ayịn̄ ikpifin̄ghe ade Abasi. Ifin̄ghe Abasi me anyi aduduk ikpọn̄ adiwu anwe, ade anyii uku n̄ko adino anyii aka hel. Amii ntọn̄n̄ọ ntaag ndogho yinne ntoo, anwe se ayịn̄ ikpiifin̄ghe ade Abasi. 6Afịd anwe ediọn̄n̄ọ etoo, ke enyie ibiọm#12:6 ntuk inughu me adinakake iyii ekọmudua. itiun me kọbọ iba kpọd. Ade akpesọg ade emmo adiwuo n̄kpo ntekian̄, Abasi itreke adikiin n̄kpo mban̄a emmo nkian̄-nkian̄ me atuk inughu ada. 7Ade amaade afe, Abasi adiọn̄n̄ọ kpa ibad idịk me ibughu ayịn̄. Ndiin iki-ifin̄ghe ndịk, sia ayịn̄ iminyii ufoo ino Abasi ikieg adiwaag mme atuk inugh.
ADINYIMME MEE ADISỊN KRAIS
(Mat 10:32,33)
8Yisọs amaaka isiu atan̄, Inakka Ikpan̄utọn̄. Adieke anwe ntekian̄ ayịmme me isiu mme anwe ato ke anyii ade mbed amii, ndiin, Amii, Ayiu Anwe, nya ayịmme anyii n̄ko mee isiu Abasi mme me enyel esiu ke anwe ada ade mbed amii. 9Ade anwe ntekian̄ ame akan̄a mii me isiu mbun ufịn ke imo idee mbed amii, Amii n̄ko nyakan̄a anyii me isiu Abasi mme me enyel esiu. 10Adieke anwe ntekian̄ atan̄ ndiọi-n̄kpo adian̄ Mii, Ayiu Anwe, Abasi aya-afeen ano emmo me ada. Ade adieke anwe ntekian̄ atan̄ ndiọi-n̄kpo adian̄ Adisana Sịbidid, Abasi imiifeene ino emmo.
11Me inii mme anwe ikiimam ino iduk yinne uyiu me mme Sinakọk mme me isiu mme andikrag me ada-idaagha. Ikikre iban̄a nte ayịn̄ ikifan̄a idii mee se ayịn̄ ikitan̄#12:11 Anwe ikibii mme mbed idii isiu mme ikpo adidaagha adimia ufeen me ntaag ndudughu se emmo ekene, ade sia adee emmo eden̄n̄e mbed Yisọs.. 12Sia me ukem inii ada, Adisana Sịbidid aya- adogho fii adighe se afoo akieg adibọọrọ me inii ada.”
IKII IDIOG-ITỌN̄ NTE NDISỊME ANWE INYII
13Ndiin anwe kian̄ me uwaag atuk-anwe adogho Yisọs atoo, “Andikpiab, mboog dọghọ akpe-ekie amii, adibaagha inyi ubun ayịd me amii mee etii ayịd akekpọn̄ anịm ano yire me inii se anyii akpa.”
14Ade Yisọs abọọrọ anwe ada atoo, “Anie-anwe ake-maag mii adide abiiri-ikpi ayịn̄ mme adiama ekpa ayịn̄ me ufọọd ayịn̄ mmiba? Ibaa anwe.” 15Anyii adogho mme anwe, “Inyii mfadidi adikpimi idii ayịn̄ me uto afịd idiog-itọn̄. Sia se unwe ayịn̄ ade, isịneke me adiwaag n̄kpo se ayịn̄ inyii.”
16Yisọs ndiin atuk nkii ano emmo: “Amaaba anwe inyi me ake anyii eti-idoog mee atukko inwan̄ esiu. 17Ndiin anyii amaakre mme idii esiu atoo, Nse kiine dighe idaagha ada? Amii nyii uwaag ubed se mbuno afịd se mme n̄kpo mee inwan̄ amii awum.
18Ami mmediọn̄n̄ọ se nkiinee. Nya-awuud mme ufaag ubuno-n̄kpo amii, ndiin nyaabu mbun se akpuu akieg ame akpa, mbaag amii n̄kọd ndọn̄ afịd n̄kpo inwan̄ amii de me afịd mme inyii amii. 19Ada ama-abughu, Ami nya-dogho idii amii ntoo, Amii mmenee utum aba, sia mmekọd nnịm adiwaag se asiu mii me adiwaag isua mee inii-isiu. Me ntre, nyaakọd ntighe mee ufaag, ndia, nwọn̄ nno n̄ka-isiu adidia unwe.”
20“Ade Abasi adogho anyii atoo, Afe ade ndisịme anwe! Akun-ayiig anịm, afe ayaakpa. Ndiin afịd mme n̄kpo se afe akenịm ano idii afe ikinyi mbun ufịn, imi-idee afe!
21Ndiin Yisọs ama-atre mbọg anịm me adidọghọ itoo, Anịm ade se ikiitịppe ino afịd anwe mee ekwuo inyii eno idi emmo mee isọn̄ anịm, ade emmo inee se ade akpan-n̄kpo ino Abasi.”
UKPIAB-N̄KPO ME ABAN̄A AKỌG MME INYII
(Mat 6:19-21,25-34)
22Ndiin Yisọs adogho mme mbed esiu, “Ada ade ntaag se amii ndọghọ yinne idaagha-ada ntoo, yaag ayịn̄ itre adifana iban̄a mme n̄kpo se ayịn̄ iyịm me unwe anịm nte ndidia se ayịn̄ ikiidia mme afọn̄ se ayịn̄ ikiisịne.” 23Sia unwe ayịn̄ ade akpan̄-n̄kpo akieg ndidia mee idiaa. Idi ayịn̄ ade akpan̄-n̄kpo akieg afọn̄ mee ayịn̄ isịneke. 24Ikpiab n̄kpo ituk mme inughu anyọn sia emmo itoo mkpasịk inoo idọghọ-dọọg. Emmo inyii mme ubed se ebuno mme n̄kpo inwan̄. Ade Abasi asọg ano emmo ndidia. Me ntre, ayịn̄ iminyi ufoo ino Abasi ikieg nan̄a mme inughu edee. 25Sịkke kpọn̄ ada, adieke ayịn̄ ifana, nte ada aya adian ibad usiu unwe se ayịn̄ iduk mee isi ison ino yinne nte ukpoog usiu kian̄? Imiidee ntre! 26Sia ayịn̄ idikọddọ ine etuk n̄kpo ntre, ntaag mee ifanake iban̄a mme n̄kpo ufịn?
27Kiin nan̄a mme frawa ikoog ekọd: emmo inee utum mee inwan̄, inoo inee afọn̄ ino idii emmo. Ade, mee nan̄a aba anịm, Amii ndọghọ yinne ntoo, idee kpa adidem Sodomon me afịd ubọn̄ inyii esiu, ikinyii afọn̄ se ayie ntekian̄ mee atuk mme frawa anịm. 28Adieke Abasi anakkake akiin n̄kpo aban̄a mme frawa me mme mbiu ufịn̄, akpesọg ade eba mo mfịn, ndiin mkpọn̄ etuk esịn me ikan̄, anyii aya-anakka akiin n̄kpo aban̄a yinne n̄ko. Ayịn inyi etuk mbuọdidii ada. 29Kukre uban̄a se ayịn̄ ikiidia mme se ayịn̄ ikiiwuọn̄. Ikikre iban̄a mme n̄kpo anịm. 30Mme anwe me ad idion̄n̄oke Abasi ekre eban̄a afịd mme n̄kpo anịm. Ade amaade afe, Abasi Etii Afe adiọn̄n̄ọ ke afe ame ayịm emmo. 31Me ntaag ada, ikre iban̄a se ayịn̄ ikikọd inee ino ukrag Abasi. Me inii ayịn̄ inee ada, eyaeno yinne mme n̄kpo anịm se ayịn̄ iyịm n̄ko.
32Iki-ifin̄ghe ndịk iban̄a n̄kpo ntekian̄, akpesọg ade ayịn̄ idee etuk-etuk ino imii nte etuk ebughu edọn̄, ano Abasi Etii Ayịn akuk akpughu inịk-esịd adino yinne ukrag esiu#12:32 Mo, ebii mme mbed emiini edọn me adiwaagke me ibad, ndiin eno ebaa me mfịna me atukko asua.. 33Me ntre, inyie se ayịn̄ inyi nno yaag akọg no mbun mee ebaa me unana. Me adinee anim, ayịn̄ iyaino idi- ayịn̄ mme inyi me adee mi-isiu. Mkpoutu Efịn mee adimikpuu. N̄ko, anwe ntekian̄ imiidii idiyịp emmo, ndiin ebuk n̄kakad imiikọddọ ibiad emmo. 34Itighe nte akpedede me mkpuotu ayịn̄ aba, dee ke esịd ayịn̄ akiiba.
ADIDI AYIU ANWE
(Mat 24:42-51)
35Yisọs akaisiu ndiin anyii adogho atoo, “Ikaisiu iba me mben̄e idii ino mben̄e idii ino mii, nte ndito-ufaag me esịneke afọn̄ utum mee utini-ikan̄ emmo asaag ayamma.#12:35 Mme Yuu eke ekan emee ndu ndui afon mee asime itọn̄ ukuk. Emmo ekekam ekud afọn ekpọn ukuk ndiin eno ekwini mkpa isin maa ekọd ekan̄a esana. 36Ibaa nte mme ndito-ufaag mee etighe ebed etii-ufaag emmo adinyọn̄ ndii mee usọrọ ndo, ma-atukde mee inii anyii adi, ano atuaag adighe, emmo eyaesọp ekekwii adighe eno anyii, ndiin edaara anyii. 37Me inii eti-ufaag emmo ayọn̄ adii, ndiin akịd mme ndito-ufaag esiu nte etap-idee eno eben̄e idii ebed adinyọn̄ ndii esiu, anyii aya-anakka anịk esịd mme emmo. Amii nsiọn̄n̄ọ yinne ntoo ke anyii ayaasịke afọn̄-utum, ane emmo etighe mme akpokoro, ndiin ano emmo ndidia. 38Nkọm etii-ufaag akpeayọn̄ adii me ufọd akun-ayiig mbemisiu ayiig asịkke, mee inii anyii adi ndiin akịd mme ndito-ufaag nte etap idee eno eben̄e idii ebed adinyọn̄ esiu, anyii aya-anakka anịk-esịd mme emmo. 39Ikre iban̄a uwuud n̄kpo anịm: Adieke ndinyii ufaag akpekediọn̄n̄ọ inii se ino ikiide adiyịp mme n̄kpo esiu, anyii akpaeben̄e idii, ndiin ikpiyaagke ino ayịp n̄kpo me ufaag esiu. 40Ama ade afe, n̄ko ana iben̄e idii afịd inii, sia Amii; Ayiu Anwe nya-atọn̄n̄ọ ntaag ndii mee inii se ayịn̄ akedidukke anyi amii aditimme ndi!”
41Ndiin Bita abub Yisọs atoo, “Abọn̄, nte nkii anịm anyi yire ikpọn̄ mee anyi afịd anwe mee ekuk se afe atan̄?”
42Ndiin Abọn̄ abọọrọ atoo, “Amaaba akiin n̄kpo mban̄a mbun utum me akedee ataa adiọn̄n̄ọ n̄kpo mme anee akpanikuo. Etii-ufaag esiu ama-anịm anyii mee ibughu ano mme ndito ufaag esiu ufịn, ato ano emmo udiama ndidia mee asiu inii. Ndiin anyii adagha aka ayan isan̄. 43Usọg inii ama-akebughu, mee inii etii-ufaag amaake anyọn̄ adii ufaag, adieke anyii akịd ayiu-ufaag asog ane utum esiu yaag afoo, ndiin etii-ufaag aya-anakka anịk esịd mme anyii. 44Me akpanikuo ke amii idọghọ yinne ntoo ke etii-ufaag aya-ano anyii ubiọn̄ utum adikiin n̄kpo mban̄a afịd n̄kpo esiu. 45Ade akana-utum akimi adikre mee idii esiu, atoo, inii aya-akpene mbemisiu etii-ufaag amii adi-anyọn̄ adii; ndiin anyii aditọn̄n̄ọ itịm afịd ndito-ufaag ufịn mee idaag ukrag esiu. Anyii akimi aditọn̄n̄ọ udia unwe, nno nwọn̄ ukoog nnam mme wain. 46Ndiin etii-ufaag esiu aya-anyọn adi me usiu mme inii me ayiu-ufaag akedidukku anyig ntekian̄ adikịd anyii. Anyii aya-ano anyii akpọsọn̄ọ ufeen, ndiin abịn anyii asịkke mme mbun ufịn mee adisiogke ibughu.
47Ndiin ayiu-ufaag mee ediọn̄n̄ọ uduag etii-ufaag esiu, ade iben̄eke idii esiu, ino inene uduag etii-ufaag, anyii eya-ebugho akpọsọn̄ọ ntiim. 48Ade ayiu-ufaag ame adidiọn̄n̄ọke uduag etii-ufaag esiu, ndiin ane n̄kpo se anyii akpebughu ufeen, anyii aya-abugho etuk ntịm. Me ukem adighe ada, Etii-ufaag aya-ayịm adiwaag atuk anwe ada mee anyii akenoo adiwaag, ndiin aya- abub adiwaag atuk anwe se anyii akeyaag adiwaag ano.
ETUK YISỌS AYAASỊN UBAAGHA ME ATUK MME ANWE
(Mat 10:34-39)
49Ndiin Yisọs adogho atoo, Ntaag edidi amii akede adisịn ikan̄ ataa mee atuk anwe. Ndiin mma-nakka nkre ntoo ke ikan̄ anịm akpaketọtọn̄n̄ọ. 50Ade mbemisiu ada atịppe, Amii mmenyi uduogmmọn̄ ndutugho adina, ndiin mba mee ntịmme esịd tutuk ada akre. 51Ayịn ikre n̄kebii emem ndi isọn̄? Idee ntre! Amii nsiọn̄n̄ọ yinne ntoo ke n̄kedi adibi ubaagha nsịn mee ufọd mme anwe. 52Tọn̄n̄ọ mee inii anịm, adieke anwe itiun̄ ebaa mme ubun, emmo eyaewana mee kian̄ ufịn. Ite eyeawana mee iba, ndiin iba eyaewana mee ite, mee ntaag amii. 53Ubaagha ayaaba mee ufọd mme etii mme ndito aninie-anwe, me ekie mme ndito mbaaba, mme ekie-ebịk me mme nwa-ndito mee ntaag amii.”
ADIDIỌN̄Ọ MME IDIỌN̄Ọ UTỊD INII
(Mat 16:1-4)
54Ndiin Yisọs ama-adogho atuk anwe atoo, “Me inii ayịn̄ ikịd nan̄a idiog anyọn adagha atuk me inyan̄ me usiu-utịn, usọp-usọp ayịn̄ itoo ke edịm ayaadịk etuk inii, ndiin atịppe ntre. 55Me ukem adighe ada, me inii afum atuk isọn̄-ntaikan̄ mme usuk afumme, ayịn̄ itoo ke ayiig aya afiub, ndiin anyii afiub. 56Ayịn mbun mbubịk! Ayịn imidiọn̄n̄ọ aditan nana anyọn̄ akiba mee adikiin isọn̄ mme ikpa enyọn̄. Ade, ntaag mee ayịn̄ adidiọn̄n̄ọke se mme n̄kpo anịm akitịppe idaagha anịm awuọn̄n̄ọ?.
57Ade, ntaag ayịn̄ me idii ayịn̄ idibiirike se ade nnen-nnen n̄kpo ayịn̄ adinee? 58Adieke anwe ntekian̄ aduk yinne uyiu ano ayịm adibii yinne ika esọp, inee afịd se ayịn̄ ikọd adiyọ mfan̄a ayịn̄ me adighe mee ikaa esọp. Adidee, anyii aya-idọd yinne akaisiu abiiri-ikpii, ndiin abiiri-ikpi ano iyaag yinne ano abruisi, ndiin abruisi ayaa-kisịn yinne me ufaag n̄kpakọb. 59Amii ndọghọ yinne ntoo, ayịn̄ iyaakpi afịd-n̄kpo se ikana mbemisiu ayịn̄ iwuo mee ufaag n̄kpakọb.”
ទើបបានជ្រើសរើសហើយ៖
Duk 12: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 12
12
IKIIDE MBUBỊK NTE MME FARISI
(Mat 10:26,27)
1Me ukem inii ada, adiwaag tọsịn̄ anwe emaedi atokian̄ me itighe nte Yisọs akebaa. Emmo ema-ewaag tutuk emmo etọn̄n̄ọ adifịk mme anwe. Akpa, Yisọs atan̄ ikuo mee mme mbed esiu. Anyii atoo, “Ikpimi mbaag ayịn̄ adiba nte mme Farisi. Mbubịk eduk-unwe emmo amam afịd anwe ukem nte n̄kpo-utọd#12:1 n̄kpo-utọd ade n̄kpo mee esuana mee flak, ndiin ane anyii atọd mbaag atukde bred amịk mee inii se eti. mee amam ebuk uyu. 2Kuuba nte emmo sia afịd n̄kpo se mme anwe efọg. Abasi aya-afọghọ. Afe ukimike adinịm n̄kpo ntekian̄ yaag adibi mee nsinsi. 3Me ntre, se adede me afe aketan̄ me ndibi, eyaekuk anwa-anwa, ndiin se afe aketan̄ me utọn̄ mee edibi, eyaebọn̄ anwa-anwa yaag afị̇d anwe ekuk.
FIN̄GHE ABASI
(Mat 10:8-31)
4Mme nsan̄ amii, Amii nsiọn̄n̄ọ yinne idii ntoo, iku-fin̄ghe mme anwe. Sia emmo ekọd adiwu ikpọgidi ayịn̄ ikpọn̄, ade ikọddọ ine n̄kpo ufịn aba adine yinne idiog. 5Ndiin, anwe se ayịn̄ ikpifin̄ghe ade Abasi. Ifin̄ghe Abasi me anyi aduduk ikpọn̄ adiwu anwe, ade anyii uku n̄ko adino anyii aka hel. Amii ntọn̄n̄ọ ntaag ndogho yinne ntoo, anwe se ayịn̄ ikpiifin̄ghe ade Abasi. 6Afịd anwe ediọn̄n̄ọ etoo, ke enyie ibiọm#12:6 ntuk inughu me adinakake iyii ekọmudua. itiun me kọbọ iba kpọd. Ade akpesọg ade emmo adiwuo n̄kpo ntekian̄, Abasi itreke adikiin n̄kpo mban̄a emmo nkian̄-nkian̄ me atuk inughu ada. 7Ade amaade afe, Abasi adiọn̄n̄ọ kpa ibad idịk me ibughu ayịn̄. Ndiin iki-ifin̄ghe ndịk, sia ayịn̄ iminyii ufoo ino Abasi ikieg adiwaag mme atuk inugh.
ADINYIMME MEE ADISỊN KRAIS
(Mat 10:32,33)
8Yisọs amaaka isiu atan̄, Inakka Ikpan̄utọn̄. Adieke anwe ntekian̄ ayịmme me isiu mme anwe ato ke anyii ade mbed amii, ndiin, Amii, Ayiu Anwe, nya ayịmme anyii n̄ko mee isiu Abasi mme me enyel esiu ke anwe ada ade mbed amii. 9Ade anwe ntekian̄ ame akan̄a mii me isiu mbun ufịn ke imo idee mbed amii, Amii n̄ko nyakan̄a anyii me isiu Abasi mme me enyel esiu. 10Adieke anwe ntekian̄ atan̄ ndiọi-n̄kpo adian̄ Mii, Ayiu Anwe, Abasi aya-afeen ano emmo me ada. Ade adieke anwe ntekian̄ atan̄ ndiọi-n̄kpo adian̄ Adisana Sịbidid, Abasi imiifeene ino emmo.
11Me inii mme anwe ikiimam ino iduk yinne uyiu me mme Sinakọk mme me isiu mme andikrag me ada-idaagha. Ikikre iban̄a nte ayịn̄ ikifan̄a idii mee se ayịn̄ ikitan̄#12:11 Anwe ikibii mme mbed idii isiu mme ikpo adidaagha adimia ufeen me ntaag ndudughu se emmo ekene, ade sia adee emmo eden̄n̄e mbed Yisọs.. 12Sia me ukem inii ada, Adisana Sịbidid aya- adogho fii adighe se afoo akieg adibọọrọ me inii ada.”
IKII IDIOG-ITỌN̄ NTE NDISỊME ANWE INYII
13Ndiin anwe kian̄ me uwaag atuk-anwe adogho Yisọs atoo, “Andikpiab, mboog dọghọ akpe-ekie amii, adibaagha inyi ubun ayịd me amii mee etii ayịd akekpọn̄ anịm ano yire me inii se anyii akpa.”
14Ade Yisọs abọọrọ anwe ada atoo, “Anie-anwe ake-maag mii adide abiiri-ikpi ayịn̄ mme adiama ekpa ayịn̄ me ufọọd ayịn̄ mmiba? Ibaa anwe.” 15Anyii adogho mme anwe, “Inyii mfadidi adikpimi idii ayịn̄ me uto afịd idiog-itọn̄. Sia se unwe ayịn̄ ade, isịneke me adiwaag n̄kpo se ayịn̄ inyii.”
16Yisọs ndiin atuk nkii ano emmo: “Amaaba anwe inyi me ake anyii eti-idoog mee atukko inwan̄ esiu. 17Ndiin anyii amaakre mme idii esiu atoo, Nse kiine dighe idaagha ada? Amii nyii uwaag ubed se mbuno afịd se mme n̄kpo mee inwan̄ amii awum.
18Ami mmediọn̄n̄ọ se nkiinee. Nya-awuud mme ufaag ubuno-n̄kpo amii, ndiin nyaabu mbun se akpuu akieg ame akpa, mbaag amii n̄kọd ndọn̄ afịd n̄kpo inwan̄ amii de me afịd mme inyii amii. 19Ada ama-abughu, Ami nya-dogho idii amii ntoo, Amii mmenee utum aba, sia mmekọd nnịm adiwaag se asiu mii me adiwaag isua mee inii-isiu. Me ntre, nyaakọd ntighe mee ufaag, ndia, nwọn̄ nno n̄ka-isiu adidia unwe.”
20“Ade Abasi adogho anyii atoo, Afe ade ndisịme anwe! Akun-ayiig anịm, afe ayaakpa. Ndiin afịd mme n̄kpo se afe akenịm ano idii afe ikinyi mbun ufịn, imi-idee afe!
21Ndiin Yisọs ama-atre mbọg anịm me adidọghọ itoo, Anịm ade se ikiitịppe ino afịd anwe mee ekwuo inyii eno idi emmo mee isọn̄ anịm, ade emmo inee se ade akpan-n̄kpo ino Abasi.”
UKPIAB-N̄KPO ME ABAN̄A AKỌG MME INYII
(Mat 6:19-21,25-34)
22Ndiin Yisọs adogho mme mbed esiu, “Ada ade ntaag se amii ndọghọ yinne idaagha-ada ntoo, yaag ayịn̄ itre adifana iban̄a mme n̄kpo se ayịn̄ iyịm me unwe anịm nte ndidia se ayịn̄ ikiidia mme afọn̄ se ayịn̄ ikiisịne.” 23Sia unwe ayịn̄ ade akpan̄-n̄kpo akieg ndidia mee idiaa. Idi ayịn̄ ade akpan̄-n̄kpo akieg afọn̄ mee ayịn̄ isịneke. 24Ikpiab n̄kpo ituk mme inughu anyọn sia emmo itoo mkpasịk inoo idọghọ-dọọg. Emmo inyii mme ubed se ebuno mme n̄kpo inwan̄. Ade Abasi asọg ano emmo ndidia. Me ntre, ayịn̄ iminyi ufoo ino Abasi ikieg nan̄a mme inughu edee. 25Sịkke kpọn̄ ada, adieke ayịn̄ ifana, nte ada aya adian ibad usiu unwe se ayịn̄ iduk mee isi ison ino yinne nte ukpoog usiu kian̄? Imiidee ntre! 26Sia ayịn̄ idikọddọ ine etuk n̄kpo ntre, ntaag mee ifanake iban̄a mme n̄kpo ufịn?
27Kiin nan̄a mme frawa ikoog ekọd: emmo inee utum mee inwan̄, inoo inee afọn̄ ino idii emmo. Ade, mee nan̄a aba anịm, Amii ndọghọ yinne ntoo, idee kpa adidem Sodomon me afịd ubọn̄ inyii esiu, ikinyii afọn̄ se ayie ntekian̄ mee atuk mme frawa anịm. 28Adieke Abasi anakkake akiin n̄kpo aban̄a mme frawa me mme mbiu ufịn̄, akpesọg ade eba mo mfịn, ndiin mkpọn̄ etuk esịn me ikan̄, anyii aya-anakka akiin n̄kpo aban̄a yinne n̄ko. Ayịn inyi etuk mbuọdidii ada. 29Kukre uban̄a se ayịn̄ ikiidia mme se ayịn̄ ikiiwuọn̄. Ikikre iban̄a mme n̄kpo anịm. 30Mme anwe me ad idion̄n̄oke Abasi ekre eban̄a afịd mme n̄kpo anịm. Ade amaade afe, Abasi Etii Afe adiọn̄n̄ọ ke afe ame ayịm emmo. 31Me ntaag ada, ikre iban̄a se ayịn̄ ikikọd inee ino ukrag Abasi. Me inii ayịn̄ inee ada, eyaeno yinne mme n̄kpo anịm se ayịn̄ iyịm n̄ko.
32Iki-ifin̄ghe ndịk iban̄a n̄kpo ntekian̄, akpesọg ade ayịn̄ idee etuk-etuk ino imii nte etuk ebughu edọn̄, ano Abasi Etii Ayịn akuk akpughu inịk-esịd adino yinne ukrag esiu#12:32 Mo, ebii mme mbed emiini edọn me adiwaagke me ibad, ndiin eno ebaa me mfịna me atukko asua.. 33Me ntre, inyie se ayịn̄ inyi nno yaag akọg no mbun mee ebaa me unana. Me adinee anim, ayịn̄ iyaino idi- ayịn̄ mme inyi me adee mi-isiu. Mkpoutu Efịn mee adimikpuu. N̄ko, anwe ntekian̄ imiidii idiyịp emmo, ndiin ebuk n̄kakad imiikọddọ ibiad emmo. 34Itighe nte akpedede me mkpuotu ayịn̄ aba, dee ke esịd ayịn̄ akiiba.
ADIDI AYIU ANWE
(Mat 24:42-51)
35Yisọs akaisiu ndiin anyii adogho atoo, “Ikaisiu iba me mben̄e idii ino mben̄e idii ino mii, nte ndito-ufaag me esịneke afọn̄ utum mee utini-ikan̄ emmo asaag ayamma.#12:35 Mme Yuu eke ekan emee ndu ndui afon mee asime itọn̄ ukuk. Emmo ekekam ekud afọn ekpọn ukuk ndiin eno ekwini mkpa isin maa ekọd ekan̄a esana. 36Ibaa nte mme ndito-ufaag mee etighe ebed etii-ufaag emmo adinyọn̄ ndii mee usọrọ ndo, ma-atukde mee inii anyii adi, ano atuaag adighe, emmo eyaesọp ekekwii adighe eno anyii, ndiin edaara anyii. 37Me inii eti-ufaag emmo ayọn̄ adii, ndiin akịd mme ndito-ufaag esiu nte etap-idee eno eben̄e idii ebed adinyọn̄ ndii esiu, anyii aya-anakka anịk esịd mme emmo. Amii nsiọn̄n̄ọ yinne ntoo ke anyii ayaasịke afọn̄-utum, ane emmo etighe mme akpokoro, ndiin ano emmo ndidia. 38Nkọm etii-ufaag akpeayọn̄ adii me ufọd akun-ayiig mbemisiu ayiig asịkke, mee inii anyii adi ndiin akịd mme ndito-ufaag nte etap idee eno eben̄e idii ebed adinyọn̄ esiu, anyii aya-anakka anịk-esịd mme emmo. 39Ikre iban̄a uwuud n̄kpo anịm: Adieke ndinyii ufaag akpekediọn̄n̄ọ inii se ino ikiide adiyịp mme n̄kpo esiu, anyii akpaeben̄e idii, ndiin ikpiyaagke ino ayịp n̄kpo me ufaag esiu. 40Ama ade afe, n̄ko ana iben̄e idii afịd inii, sia Amii; Ayiu Anwe nya-atọn̄n̄ọ ntaag ndii mee inii se ayịn̄ akedidukke anyi amii aditimme ndi!”
41Ndiin Bita abub Yisọs atoo, “Abọn̄, nte nkii anịm anyi yire ikpọn̄ mee anyi afịd anwe mee ekuk se afe atan̄?”
42Ndiin Abọn̄ abọọrọ atoo, “Amaaba akiin n̄kpo mban̄a mbun utum me akedee ataa adiọn̄n̄ọ n̄kpo mme anee akpanikuo. Etii-ufaag esiu ama-anịm anyii mee ibughu ano mme ndito ufaag esiu ufịn, ato ano emmo udiama ndidia mee asiu inii. Ndiin anyii adagha aka ayan isan̄. 43Usọg inii ama-akebughu, mee inii etii-ufaag amaake anyọn̄ adii ufaag, adieke anyii akịd ayiu-ufaag asog ane utum esiu yaag afoo, ndiin etii-ufaag aya-anakka anịk esịd mme anyii. 44Me akpanikuo ke amii idọghọ yinne ntoo ke etii-ufaag aya-ano anyii ubiọn̄ utum adikiin n̄kpo mban̄a afịd n̄kpo esiu. 45Ade akana-utum akimi adikre mee idii esiu, atoo, inii aya-akpene mbemisiu etii-ufaag amii adi-anyọn̄ adii; ndiin anyii aditọn̄n̄ọ itịm afịd ndito-ufaag ufịn mee idaag ukrag esiu. Anyii akimi aditọn̄n̄ọ udia unwe, nno nwọn̄ ukoog nnam mme wain. 46Ndiin etii-ufaag esiu aya-anyọn adi me usiu mme inii me ayiu-ufaag akedidukku anyig ntekian̄ adikịd anyii. Anyii aya-ano anyii akpọsọn̄ọ ufeen, ndiin abịn anyii asịkke mme mbun ufịn mee adisiogke ibughu.
47Ndiin ayiu-ufaag mee ediọn̄n̄ọ uduag etii-ufaag esiu, ade iben̄eke idii esiu, ino inene uduag etii-ufaag, anyii eya-ebugho akpọsọn̄ọ ntiim. 48Ade ayiu-ufaag ame adidiọn̄n̄ọke uduag etii-ufaag esiu, ndiin ane n̄kpo se anyii akpebughu ufeen, anyii aya-abugho etuk ntịm. Me ukem adighe ada, Etii-ufaag aya-ayịm adiwaag atuk anwe ada mee anyii akenoo adiwaag, ndiin aya- abub adiwaag atuk anwe se anyii akeyaag adiwaag ano.
ETUK YISỌS AYAASỊN UBAAGHA ME ATUK MME ANWE
(Mat 10:34-39)
49Ndiin Yisọs adogho atoo, Ntaag edidi amii akede adisịn ikan̄ ataa mee atuk anwe. Ndiin mma-nakka nkre ntoo ke ikan̄ anịm akpaketọtọn̄n̄ọ. 50Ade mbemisiu ada atịppe, Amii mmenyi uduogmmọn̄ ndutugho adina, ndiin mba mee ntịmme esịd tutuk ada akre. 51Ayịn ikre n̄kebii emem ndi isọn̄? Idee ntre! Amii nsiọn̄n̄ọ yinne ntoo ke n̄kedi adibi ubaagha nsịn mee ufọd mme anwe. 52Tọn̄n̄ọ mee inii anịm, adieke anwe itiun̄ ebaa mme ubun, emmo eyaewana mee kian̄ ufịn. Ite eyeawana mee iba, ndiin iba eyaewana mee ite, mee ntaag amii. 53Ubaagha ayaaba mee ufọd mme etii mme ndito aninie-anwe, me ekie mme ndito mbaaba, mme ekie-ebịk me mme nwa-ndito mee ntaag amii.”
ADIDIỌN̄Ọ MME IDIỌN̄Ọ UTỊD INII
(Mat 16:1-4)
54Ndiin Yisọs ama-adogho atuk anwe atoo, “Me inii ayịn̄ ikịd nan̄a idiog anyọn adagha atuk me inyan̄ me usiu-utịn, usọp-usọp ayịn̄ itoo ke edịm ayaadịk etuk inii, ndiin atịppe ntre. 55Me ukem adighe ada, me inii afum atuk isọn̄-ntaikan̄ mme usuk afumme, ayịn̄ itoo ke ayiig aya afiub, ndiin anyii afiub. 56Ayịn mbun mbubịk! Ayịn imidiọn̄n̄ọ aditan nana anyọn̄ akiba mee adikiin isọn̄ mme ikpa enyọn̄. Ade, ntaag mee ayịn̄ adidiọn̄n̄ọke se mme n̄kpo anịm akitịppe idaagha anịm awuọn̄n̄ọ?.
57Ade, ntaag ayịn̄ me idii ayịn̄ idibiirike se ade nnen-nnen n̄kpo ayịn̄ adinee? 58Adieke anwe ntekian̄ aduk yinne uyiu ano ayịm adibii yinne ika esọp, inee afịd se ayịn̄ ikọd adiyọ mfan̄a ayịn̄ me adighe mee ikaa esọp. Adidee, anyii aya-idọd yinne akaisiu abiiri-ikpii, ndiin abiiri-ikpi ano iyaag yinne ano abruisi, ndiin abruisi ayaa-kisịn yinne me ufaag n̄kpakọb. 59Amii ndọghọ yinne ntoo, ayịn̄ iyaakpi afịd-n̄kpo se ikana mbemisiu ayịn̄ iwuo mee ufaag n̄kpakọb.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.