Duk 11
11
YISỌS AKPIAB MME MBED NTE EBỌN̄ AKAM
(Mat 6:9-15)
1Usiu kian̄ Yisọs akesọg abọọn̄ akam me itighe kian̄. Me inii anyii akre ubọọn̄ akam, mbed esiu kian̄ abub anyii, “Abọn̄ kpiab yire nte ebọọn̄ akam nte Yọọn aduogmmọn ake akpiab mbed esiu.”
2Me ntre, Yisọs atoo emmo, “Uma-ubọọn̄ akam, ibọọn̄ itoo,
Etii ayịd mee aba me Efịn̄,
yaag ayịd ikpuno adisana ayịn̄ afe,
yaag inii ukrag afe adii, yaag uduag afe adii nte ade me Efịn.
3No yire ndidia me ayịd iyịm me usiu me usiu.
4Ndiin feen ino yire me mme idiogn̄kpo ayịd
nan̄a ayịd ifeene ino mbun mee inee yire idiogn̄kpo.
N̄ko, ku-uyaag ayịd idọg me idimi, faag yire sịkke me ubaag andidiog.”
NSAN ADII ME UFOD AKONAYII
5Yisọs n̄ko ama-adogho mbed esiu atoo, “Akpede anne anwe ayịn̄ kian̄ ayii nsan, ndiin anyii adikaa ufaag esiu me ufọd akunayii, ndiin atoo anyii Nsan̄ amii, mbuod mii idii Bred ite. 6Siade nsan̄ amii kian̄ mee akaa ayan̄ adighe isan̄ adiwagha ufaag amii me unan̄a amii adidiọn̄ọ, ndiin nyiike se nno anyii adia idaagha ada. 7Ade nsan̄ esiu asine me esịd ufaag atoo, ku mfuna mii idii mma ayịd adighe, ndito amii mme amii imiidodog idee. Me ntre, amii n̄koddo ndi-uno fii n̄kpo ntekian̄ idaagha-ada. 8Yisọs atoo, Amii idogho yinne nto ke akpesọg ade anyii ikpiimeeg adiidaagha nda nno fii ndidia nte nsan̄, ade atuk me adiyire ntuag, mme anịm ke anyii aya adagha ada ayịm ndidia uno fii nte akpeatimme.
IKAISU IBUB, IYỊM INO ITUAG
(Mat 7:7-11)
9Me ntaag ntre, Amii udogho yinne, ibub ndiin Abasi aya-ino yinne, iyịm ndiin ke ayịn̄ iya-ikịd, ino ituag ndiin Abasi aya-atad adighe ino yinne. 10Siade afịd anwe akedede mee ebub-e etuk Abasi, Abasi ayaeno emmo. Afịd anwe mee eyịmme etuk Abasi eya-ebugho etuk anyii, ndiin afịd anwe mee etuagha adighe, Abasi ayatad adighe ano emmo.
11Adieke ayiu ayịn̄ akpeabub kian̄ me atuk ayịn̄ iyaag nte akpaano anyi udọgikoog utuk iyaag? Ibaa anwe ntekian. 12Me anii me atuk ayịn̄ akpeano ikpeyen me inii ayiu akpeabub anyii nkwaunik? Ibaa anwe ntekian. 13Adieke ayịn̄ idon̄oke mme ndioi anwe, idiọn̄n̄ọke adino ndito ayịn̄ ntii-n̄kpo. Nwaa-anwa ndiin Etii ayịn̄ mee aba me Efịn, Anyii aya ano mbun mee eyịmme Adisana Sịbidid etuk anyii.”
YISỌS ABIIN NDIỌI SỊBIDID ME ADUDUK ABASI
(Mat 12:22-30; Mak 3:22-27)
14Usiu kian̄, Yisọs amaabiin ndioi sịbidid asịkke mme anwe mee akedee Imum, me inii ndiọi sịbidid amaake akpon̄ anwe ada, anyii amaatọnọ aditan̄ ikuo. Idii amaakpa adiwaag me anwe mee eke ebaa de. 15Ade usọg anwe me atuk emmo ema edukunno eto ke Yisọs ake kana aduduk Satan abin mme ndiọi sịbidid asinghe mme anwe mee idii. Satan mee adee abon̄ mme ndioi sịbidid. 16Mbun̄ anwe ufịn emaeba mee eke edimike anyii etoo, anyii ane utịppe n̄kpo mee atukko Efịn iwuu mmimo ntoo ke Abasi akedọn anyii.
17Ade sia Yisọs ama adiọn̄n̄ọ akikre emmo, anyii ama-adogho emmo atoo, ukrag ake adede mee anwana me idii esiu ayasuana, me ukem ada ufaag ake adede mee abaghake mme idii esiu aya adogho. 18Me ukem adighi ada n̄ko, adieke Satan mee ndiọi sịbidid eno enwanake eno ebaghake afịd inii mme idii emmo, ukrag esiu asikisan̄a dighe ida? sia ayịn̄ idogho itoo ke satan anno mii aduduk adibiin idiog sịbidid nsịnghe. 19Adieke se ayịn̄ itan adee akpanikuo, ndiin akpede nkan̄a aduduk Satan mbiin ndiọi sịbidid, ndiin mme mbed afe ese kan̄a se? Me akpanikuo, aduduk Abasi ke nkan̄a. Me ntaag ada, emmo me idii emmo eyaewuu ke nduk-uyiu ayịn̄ ikinenke. 20Ade adieke mbịne ndiọi sịbidid me aduduk Abasi, ndiin anịm awuu atoo ke ukrag Abasi adii me atuk ayịn̄.
21Yisọs amaano uwud-n̄kpo anịm; “Me inii akpọsọn̄ọ anwe mee akanake n̄kpo uku-ekọn̄ me aba nte satan, akpimike itighe ubọn̄ esiu, inyii esiu ayaaba me emem.” 22Me inii akpọsọn̄ọ anwe me asiọnọke akieg, adiiye adiwana anyii ano akieg anyii ubaag, anyii aya-abughọ afịd n̄kpo ekọn̄ esiu amee akedee nsiọn̄ọ esiu ano adiama ano mme nsan̄ esiu. 23Anwe ake adede ame adidee nsan amii, ade asua amii, ndiin anwe ake adede mee adikọn̄n̄ọ mii itan̄ mme anwe ibuk ino Abasi, anene emmo esesuana ekpọn̄ Abasi.
MBOOG ABAN̄AKE NDIỌI SỊBIDID
(Mat 12:43-45)
24Yisọs ama-akaisiu adogho emmo atoo, “Me inii ndiọi sịbidid akpọn̄ọ anwe idii, anyii aya-aka akeaba me isọn̄ ntaikan̄ ake ayịm itighe nduog aduduk, mmiikịdde, anyii aya-adogho atoo, amii ayaatịme nyọn̄ idii anwe mee amii n̄ketukko ndii. 25Me inii anyii atịmmeke abine anwe ada anyii akekpọn̄ọ akpa, anyii akịd atoo, ke anwe ntekian idonke me idii esiu. Ke anwe ada aba nte ufaag me ekekwuogho asana. 26Ndiin idiog sịbidid ada ayaka akekuuno ndioi sibidid itagha eba ufin se edediọi ekieg anyii edidun̄ọ anwe ada me idii eno edọn̄ de; ndiin akpatre ndaagha anwe ada, aya-akappa adiọg akieg akpa.”
MME ANWE SE ABASI AMAKEDIỌN
27Ndiin adide, nan̄a anyii akesọg atan̄a mme n̄kpo anịm, anwa-anwaa kian̄ awuo mme udịm mee ekedaa de, ama-abọọn̄ me ataa akpọsọn̄ uyiu atoo, “Abasi ama-anakka adiọn̄ anwa-anwaa ada mee akemee fii ano ubuog fii.”
28Ade Yisọs amaabọọrọ atoo, “Abasi adiọn̄ mbun mee ekpan̄-utọn eno ikuo esiu eno ekọn̄n̄ọ anyii akieg akpa.”
YISỌS AKPU AKIEG SODOMON̄ MME YOON̄A
(Mat 12:38-42)
29Nte atuk mme udịm anwe mee ekekan̄a Yisọs ekọk anakka atọd, “Anyii ama-atọn̄n̄ọ adi-idogho atoo, emana anịm ade nduum emana sia ayịn̄ iyịmme utịppe n̄kpo adiwuu ke Abasi akedọn̄ mii. Ade nkukre idiọn̄n̄ọ se ayịn̄ ikikid abiid se aketippe ano Brọfed Yoona#11:29 Yoona akede brọfed Abasi me ayan inii ke-e, akpuku iyag ama amịk anyii, ade me ayogho usiu ite Abasi amaane iyag akogho Yoona me idọn̄ ninife. ayan inii ke-e. 30Kpa nte Yoona akedee utịppe n̄kpo ano idọn̄ ninife ke Abasi ake adọn̄ anyii, ukem adighe ada ke Amii Ayiu Anwe nkiide nno mbun emana anịm ke Abasi akedọn̄ mii. 31Abọn̄ anwa-anwaa sheba me usiu-utin̄ idọn̄ Isred aya- adagha ada me inii se Abọn̄ Abasi akiikpiikpi ino mme mbun emana anịm, ndiin abium emmo ikpii, Sia anyii ake atukko ataa ayan idọn̄ aderimbod adii sia anyii akeyim adikuk mme ikuo ifiog adidem Sodomon me akedee ata adiọn̄n̄ọ n̄kpo anwe; ndiin me ataa akpanikuo, ada me anyii nkpu-n̄kieg ifiog akieg Sodomon mmo aba mo me ayịn̄, ade ayịn̄ iyimmeke ukpiab n̄kpo esiu. 32Me inii Abọn̄ Abasi akiikpi-ikpii, mbun ninife eya-adagha ada me ubiiri-ikpii mme emana anịm ano abium emmo ikpii, siade emmo emaekappa esịd me ukwọrọ-ikuo Yoon̄a; ndiin me akpanikuo andikpu-nkieg Yoona mmo aba mo ade ayịn̄ iyịmke adikappa esịd.
YISỌS AKPIAB N̄KPO ABAN̄A UNWANA MME EKỊM
(Mat 6:22,23)
33Ndiin Yisọs atoo, Anwe ntekian̄ isi-idimike utini-ikan̄ ndiin abii akedịp me ndedibe itighe, mee adibii ikad mfọg, ade akiduk me anyọn̄ n̄kpo udug-utini-ikan̄, mbaag atukde anwe ntekian̄ me adọkkọ ufaag akpekịd unwana esiu. 34Anyi afe aba nte utini-ikan̄ mee ano fii unwana. Anyi afe akpefoo, ndiin afịd idii afe aya-ayogho mme unwana akpanikuo. Ade anyig afe imi-ifoo, idii afe n̄ko aya-ayogho me ekịm idiogn̄kpo. 35Me ntre, ikpimi mbaag unwana mee aba fii me idii adikappa ide ekịm. 36Me ntre, adieke afịd idii afe ayogho mme unwana, ade ekịm ntekian̄ ibaa, afịd idii aki-Iyogho mme unwana, nan̄a nte uyama utini-ikan̄ anoo fii unwana.”
YISỌS ANO MME FARISI MEE MME AKPIAB MBED IKPAN̄
37Me inii Yisọs asọg akpiad n̄kpo ama, anwe Farisi kian̄ abọọn̄ anyii ufaag atoo adidia n̄kpo me imo, Yisọs amaaka ufaag anwe Farisi ake-siọg atighe ano adia n̄kpo mme mbun ufịn. 38Me inii anwe Farisi anịm akekịdde atoo ke Yisọs iki-itukku-isiu iyiig ubaag mbem-isiu adia n̄kpo nte nan̄a eduk une-n̄kpo mme Yuu akan-adee#11:38 Mme Yuu emaenyi eduk ukpuno adiyiig ubaag emmo me sana sana adighe, mbemisiu edia n̄kpo ntekian̄ nte ido adibii nwuu ke imisana. Mme farisi ekekre ke anịm ade ata akpan n̄kpo., idii ama anakka akpa anyii.
39Ndiin Abọn̄ Yisọs atoo anyii, “Idaagha ada, ayịn̄ mme Farisi iban̄a nte mbun mee eyiig edii kọọb unwọn̄mmọn̄ mme edii usie ndidia asana, ade ama ade ndiniag mme aba me esịd, ayịn̄ iyiigke anyii. Nko, ayịn̄ iyiig ubaag ade esịd ayịn̄ anakka ayogho mee udọd-itọn̄ mme ibaag. 40Ayịn mme ndisịme ibun! Nte ayịn̄ idiọn̄n̄ọke itoo ke Abasi akebuu ikpoogidii ayịn̄ kpa Anyii akebuu esịd”. 41Me ntre iku-ude mbun udọd-itọn̄ mme ibaag, ade no eno mee atukko yinne esịd, n̄ko, ino ubuene eno mee atukko yinne esịd; Ndiin ayin iya-kappa ade nsasana me isiu Abasi
42“Ade aya-anakka adiog mee ayịn̄ mme Farisi sia ayịn̄ itree adifoo eduk me mme anwe ino itre adiimee Abasi. Ade itịm ida mee adino Abasi ubaag kian̄ me itighe dughu me nkọn̄-ikoog me mme mfub inwan̄ ayịn̄ ufịn. Atịmme afoo ayịn̄ adino ubaag kian̄ me itighe dughu, ade ikuufre adifoo eduk me mme anwe eno emee Abasi”.
43“Aya-anakka adiog mee ayịn̄ mme Farisi sia ayịn̄ imee itighe ukpuno me mme Sinakọk ino imee ekwam me mme asọn̄-udua.
44Aya-anakka adiog me ayịn̄ mme awad ibed Mosis me mme Farisi, mbun mbubịk. Sia ayịn̄ iba nte udịk akpo anwe me anwe mmi-inịmme idiọn̄n̄ọ, ade ediọn̄n̄ọ esan̄a ebugho me unana ifiog.”
45Ndiin kian̄ me atuk mme akpiab ibed Mosis amaabọọrọ Yisọs atoo, “Andikpiab, mee afe aditan̄ ntre me mme Farisi afe ameasọn̄ yire anyi n̄ko.”
46Yisọs abọọrọ ato, aseki idiog dighe me ayịn̄ mme akpiab ibed Mosis, sia ayịn̄ ifịk mme anwe me akpọsọn̄ọ ibed mee asọn̄ adine, ade ayịn̄ idimike adisiọg ibughu ino mme ibed ada.
47Aya-anakka adiog me ayịn̄ eti-eti mme akpiab ibed Mosis, sia ayịn̄ ikuok itiad-udịk ino mme Brọfed adikpuno emmo, ade me mme etii-etii ayịn̄ ekewu emmo. 48Me akpanikuo, ayịn̄ itighe ntighe nkiin ino isiọn̄ọ adinee mme etii-etii ayịn̄. Emmo emaewu mme Brọfed ndiin ayịn̄ idikuok itiad-udịk adikpuno emmo. 49Me ntaag ndiọi n̄kpo ayịn̄, Abasi me ifiog esiu atoo, Amii nya adọn̄ mme Brọfed mme Abọsul eka ebịn̄e mbun Isred, ndiin emmo eyaewu ubaag me Brọfed me mme Abọsul eno ekọbọ emmo, 50Me ntre, eyamam emmo me iyịb afịd mme brọfed mee eti eti emmo akewu tọn̄n̄ọ me aditọn̄n̄ọ aderimbod. 51Tọn̄n̄ọ me iyịb Ebel#11:51 Ebel ame akedee akpa-anwe mee ekewuu me akan ediomo mme Sakadia akedee akpatre se ekewuu sịm mkpa Sakadia me ake-adee akuk mee ekewu me ufọd itighe uwa mme esịd tembul. Ih, me akpanikuo ke idogho, eyamam ndito aderimbod anịm me afịd mkpan̄a ada.
52“Aya-anakka adiog me ayịn̄ mme akpiab ibed Mosis, sia ayịn̄ ima-ibiọn̄n̄ọ mbun ufịn ataa adighe udiọn̄n̄ọ Abasi. Ayịn n̄ko ino idiọn̄n̄ọke Abasi, ndiin ayịn̄ itọn̄n̄ọ ntaag ikpan̄ mbun ufịn mee enwana adikpiidiọn̄n̄ọ Abasi.” 53Yisọs amaake akpọn̄ ufaag anwe Farisis anịm, Mme Farisi me mme akpiab ibed Mosis etọn̄n̄ọ adin̄n̄o anyii mfina eti-eti, ndiin eno ebub anyii adiwaag mme n̄kpo. 54Emmo ema enakka ekpimi Yisọs eti-eti me se anyii atan̄ mbaag-atukde ebii ebium anyii ikpii eno emam anyii.
ទើបបានជ្រើសរើសហើយ៖
Duk 11: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 11
11
YISỌS AKPIAB MME MBED NTE EBỌN̄ AKAM
(Mat 6:9-15)
1Usiu kian̄ Yisọs akesọg abọọn̄ akam me itighe kian̄. Me inii anyii akre ubọọn̄ akam, mbed esiu kian̄ abub anyii, “Abọn̄ kpiab yire nte ebọọn̄ akam nte Yọọn aduogmmọn ake akpiab mbed esiu.”
2Me ntre, Yisọs atoo emmo, “Uma-ubọọn̄ akam, ibọọn̄ itoo,
Etii ayịd mee aba me Efịn̄,
yaag ayịd ikpuno adisana ayịn̄ afe,
yaag inii ukrag afe adii, yaag uduag afe adii nte ade me Efịn.
3No yire ndidia me ayịd iyịm me usiu me usiu.
4Ndiin feen ino yire me mme idiogn̄kpo ayịd
nan̄a ayịd ifeene ino mbun mee inee yire idiogn̄kpo.
N̄ko, ku-uyaag ayịd idọg me idimi, faag yire sịkke me ubaag andidiog.”
NSAN ADII ME UFOD AKONAYII
5Yisọs n̄ko ama-adogho mbed esiu atoo, “Akpede anne anwe ayịn̄ kian̄ ayii nsan, ndiin anyii adikaa ufaag esiu me ufọd akunayii, ndiin atoo anyii Nsan̄ amii, mbuod mii idii Bred ite. 6Siade nsan̄ amii kian̄ mee akaa ayan̄ adighe isan̄ adiwagha ufaag amii me unan̄a amii adidiọn̄ọ, ndiin nyiike se nno anyii adia idaagha ada. 7Ade nsan̄ esiu asine me esịd ufaag atoo, ku mfuna mii idii mma ayịd adighe, ndito amii mme amii imiidodog idee. Me ntre, amii n̄koddo ndi-uno fii n̄kpo ntekian̄ idaagha-ada. 8Yisọs atoo, Amii idogho yinne nto ke akpesọg ade anyii ikpiimeeg adiidaagha nda nno fii ndidia nte nsan̄, ade atuk me adiyire ntuag, mme anịm ke anyii aya adagha ada ayịm ndidia uno fii nte akpeatimme.
IKAISU IBUB, IYỊM INO ITUAG
(Mat 7:7-11)
9Me ntaag ntre, Amii udogho yinne, ibub ndiin Abasi aya-ino yinne, iyịm ndiin ke ayịn̄ iya-ikịd, ino ituag ndiin Abasi aya-atad adighe ino yinne. 10Siade afịd anwe akedede mee ebub-e etuk Abasi, Abasi ayaeno emmo. Afịd anwe mee eyịmme etuk Abasi eya-ebugho etuk anyii, ndiin afịd anwe mee etuagha adighe, Abasi ayatad adighe ano emmo.
11Adieke ayiu ayịn̄ akpeabub kian̄ me atuk ayịn̄ iyaag nte akpaano anyi udọgikoog utuk iyaag? Ibaa anwe ntekian. 12Me anii me atuk ayịn̄ akpeano ikpeyen me inii ayiu akpeabub anyii nkwaunik? Ibaa anwe ntekian. 13Adieke ayịn̄ idon̄oke mme ndioi anwe, idiọn̄n̄ọke adino ndito ayịn̄ ntii-n̄kpo. Nwaa-anwa ndiin Etii ayịn̄ mee aba me Efịn, Anyii aya ano mbun mee eyịmme Adisana Sịbidid etuk anyii.”
YISỌS ABIIN NDIỌI SỊBIDID ME ADUDUK ABASI
(Mat 12:22-30; Mak 3:22-27)
14Usiu kian̄, Yisọs amaabiin ndioi sịbidid asịkke mme anwe mee akedee Imum, me inii ndiọi sịbidid amaake akpon̄ anwe ada, anyii amaatọnọ aditan̄ ikuo. Idii amaakpa adiwaag me anwe mee eke ebaa de. 15Ade usọg anwe me atuk emmo ema edukunno eto ke Yisọs ake kana aduduk Satan abin mme ndiọi sịbidid asinghe mme anwe mee idii. Satan mee adee abon̄ mme ndioi sịbidid. 16Mbun̄ anwe ufịn emaeba mee eke edimike anyii etoo, anyii ane utịppe n̄kpo mee atukko Efịn iwuu mmimo ntoo ke Abasi akedọn anyii.
17Ade sia Yisọs ama adiọn̄n̄ọ akikre emmo, anyii ama-adogho emmo atoo, ukrag ake adede mee anwana me idii esiu ayasuana, me ukem ada ufaag ake adede mee abaghake mme idii esiu aya adogho. 18Me ukem adighi ada n̄ko, adieke Satan mee ndiọi sịbidid eno enwanake eno ebaghake afịd inii mme idii emmo, ukrag esiu asikisan̄a dighe ida? sia ayịn̄ idogho itoo ke satan anno mii aduduk adibiin idiog sịbidid nsịnghe. 19Adieke se ayịn̄ itan adee akpanikuo, ndiin akpede nkan̄a aduduk Satan mbiin ndiọi sịbidid, ndiin mme mbed afe ese kan̄a se? Me akpanikuo, aduduk Abasi ke nkan̄a. Me ntaag ada, emmo me idii emmo eyaewuu ke nduk-uyiu ayịn̄ ikinenke. 20Ade adieke mbịne ndiọi sịbidid me aduduk Abasi, ndiin anịm awuu atoo ke ukrag Abasi adii me atuk ayịn̄.
21Yisọs amaano uwud-n̄kpo anịm; “Me inii akpọsọn̄ọ anwe mee akanake n̄kpo uku-ekọn̄ me aba nte satan, akpimike itighe ubọn̄ esiu, inyii esiu ayaaba me emem.” 22Me inii akpọsọn̄ọ anwe me asiọnọke akieg, adiiye adiwana anyii ano akieg anyii ubaag, anyii aya-abughọ afịd n̄kpo ekọn̄ esiu amee akedee nsiọn̄ọ esiu ano adiama ano mme nsan̄ esiu. 23Anwe ake adede ame adidee nsan amii, ade asua amii, ndiin anwe ake adede mee adikọn̄n̄ọ mii itan̄ mme anwe ibuk ino Abasi, anene emmo esesuana ekpọn̄ Abasi.
MBOOG ABAN̄AKE NDIỌI SỊBIDID
(Mat 12:43-45)
24Yisọs ama-akaisiu adogho emmo atoo, “Me inii ndiọi sịbidid akpọn̄ọ anwe idii, anyii aya-aka akeaba me isọn̄ ntaikan̄ ake ayịm itighe nduog aduduk, mmiikịdde, anyii aya-adogho atoo, amii ayaatịme nyọn̄ idii anwe mee amii n̄ketukko ndii. 25Me inii anyii atịmmeke abine anwe ada anyii akekpọn̄ọ akpa, anyii akịd atoo, ke anwe ntekian idonke me idii esiu. Ke anwe ada aba nte ufaag me ekekwuogho asana. 26Ndiin idiog sịbidid ada ayaka akekuuno ndioi sibidid itagha eba ufin se edediọi ekieg anyii edidun̄ọ anwe ada me idii eno edọn̄ de; ndiin akpatre ndaagha anwe ada, aya-akappa adiọg akieg akpa.”
MME ANWE SE ABASI AMAKEDIỌN
27Ndiin adide, nan̄a anyii akesọg atan̄a mme n̄kpo anịm, anwa-anwaa kian̄ awuo mme udịm mee ekedaa de, ama-abọọn̄ me ataa akpọsọn̄ uyiu atoo, “Abasi ama-anakka adiọn̄ anwa-anwaa ada mee akemee fii ano ubuog fii.”
28Ade Yisọs amaabọọrọ atoo, “Abasi adiọn̄ mbun mee ekpan̄-utọn eno ikuo esiu eno ekọn̄n̄ọ anyii akieg akpa.”
YISỌS AKPU AKIEG SODOMON̄ MME YOON̄A
(Mat 12:38-42)
29Nte atuk mme udịm anwe mee ekekan̄a Yisọs ekọk anakka atọd, “Anyii ama-atọn̄n̄ọ adi-idogho atoo, emana anịm ade nduum emana sia ayịn̄ iyịmme utịppe n̄kpo adiwuu ke Abasi akedọn̄ mii. Ade nkukre idiọn̄n̄ọ se ayịn̄ ikikid abiid se aketippe ano Brọfed Yoona#11:29 Yoona akede brọfed Abasi me ayan inii ke-e, akpuku iyag ama amịk anyii, ade me ayogho usiu ite Abasi amaane iyag akogho Yoona me idọn̄ ninife. ayan inii ke-e. 30Kpa nte Yoona akedee utịppe n̄kpo ano idọn̄ ninife ke Abasi ake adọn̄ anyii, ukem adighe ada ke Amii Ayiu Anwe nkiide nno mbun emana anịm ke Abasi akedọn̄ mii. 31Abọn̄ anwa-anwaa sheba me usiu-utin̄ idọn̄ Isred aya- adagha ada me inii se Abọn̄ Abasi akiikpiikpi ino mme mbun emana anịm, ndiin abium emmo ikpii, Sia anyii ake atukko ataa ayan idọn̄ aderimbod adii sia anyii akeyim adikuk mme ikuo ifiog adidem Sodomon me akedee ata adiọn̄n̄ọ n̄kpo anwe; ndiin me ataa akpanikuo, ada me anyii nkpu-n̄kieg ifiog akieg Sodomon mmo aba mo me ayịn̄, ade ayịn̄ iyimmeke ukpiab n̄kpo esiu. 32Me inii Abọn̄ Abasi akiikpi-ikpii, mbun ninife eya-adagha ada me ubiiri-ikpii mme emana anịm ano abium emmo ikpii, siade emmo emaekappa esịd me ukwọrọ-ikuo Yoon̄a; ndiin me akpanikuo andikpu-nkieg Yoona mmo aba mo ade ayịn̄ iyịmke adikappa esịd.
YISỌS AKPIAB N̄KPO ABAN̄A UNWANA MME EKỊM
(Mat 6:22,23)
33Ndiin Yisọs atoo, Anwe ntekian̄ isi-idimike utini-ikan̄ ndiin abii akedịp me ndedibe itighe, mee adibii ikad mfọg, ade akiduk me anyọn̄ n̄kpo udug-utini-ikan̄, mbaag atukde anwe ntekian̄ me adọkkọ ufaag akpekịd unwana esiu. 34Anyi afe aba nte utini-ikan̄ mee ano fii unwana. Anyi afe akpefoo, ndiin afịd idii afe aya-ayogho mme unwana akpanikuo. Ade anyig afe imi-ifoo, idii afe n̄ko aya-ayogho me ekịm idiogn̄kpo. 35Me ntre, ikpimi mbaag unwana mee aba fii me idii adikappa ide ekịm. 36Me ntre, adieke afịd idii afe ayogho mme unwana, ade ekịm ntekian̄ ibaa, afịd idii aki-Iyogho mme unwana, nan̄a nte uyama utini-ikan̄ anoo fii unwana.”
YISỌS ANO MME FARISI MEE MME AKPIAB MBED IKPAN̄
37Me inii Yisọs asọg akpiad n̄kpo ama, anwe Farisi kian̄ abọọn̄ anyii ufaag atoo adidia n̄kpo me imo, Yisọs amaaka ufaag anwe Farisi ake-siọg atighe ano adia n̄kpo mme mbun ufịn. 38Me inii anwe Farisi anịm akekịdde atoo ke Yisọs iki-itukku-isiu iyiig ubaag mbem-isiu adia n̄kpo nte nan̄a eduk une-n̄kpo mme Yuu akan-adee#11:38 Mme Yuu emaenyi eduk ukpuno adiyiig ubaag emmo me sana sana adighe, mbemisiu edia n̄kpo ntekian̄ nte ido adibii nwuu ke imisana. Mme farisi ekekre ke anịm ade ata akpan n̄kpo., idii ama anakka akpa anyii.
39Ndiin Abọn̄ Yisọs atoo anyii, “Idaagha ada, ayịn̄ mme Farisi iban̄a nte mbun mee eyiig edii kọọb unwọn̄mmọn̄ mme edii usie ndidia asana, ade ama ade ndiniag mme aba me esịd, ayịn̄ iyiigke anyii. Nko, ayịn̄ iyiig ubaag ade esịd ayịn̄ anakka ayogho mee udọd-itọn̄ mme ibaag. 40Ayịn mme ndisịme ibun! Nte ayịn̄ idiọn̄n̄ọke itoo ke Abasi akebuu ikpoogidii ayịn̄ kpa Anyii akebuu esịd”. 41Me ntre iku-ude mbun udọd-itọn̄ mme ibaag, ade no eno mee atukko yinne esịd, n̄ko, ino ubuene eno mee atukko yinne esịd; Ndiin ayin iya-kappa ade nsasana me isiu Abasi
42“Ade aya-anakka adiog mee ayịn̄ mme Farisi sia ayịn̄ itree adifoo eduk me mme anwe ino itre adiimee Abasi. Ade itịm ida mee adino Abasi ubaag kian̄ me itighe dughu me nkọn̄-ikoog me mme mfub inwan̄ ayịn̄ ufịn. Atịmme afoo ayịn̄ adino ubaag kian̄ me itighe dughu, ade ikuufre adifoo eduk me mme anwe eno emee Abasi”.
43“Aya-anakka adiog mee ayịn̄ mme Farisi sia ayịn̄ imee itighe ukpuno me mme Sinakọk ino imee ekwam me mme asọn̄-udua.
44Aya-anakka adiog me ayịn̄ mme awad ibed Mosis me mme Farisi, mbun mbubịk. Sia ayịn̄ iba nte udịk akpo anwe me anwe mmi-inịmme idiọn̄n̄ọ, ade ediọn̄n̄ọ esan̄a ebugho me unana ifiog.”
45Ndiin kian̄ me atuk mme akpiab ibed Mosis amaabọọrọ Yisọs atoo, “Andikpiab, mee afe aditan̄ ntre me mme Farisi afe ameasọn̄ yire anyi n̄ko.”
46Yisọs abọọrọ ato, aseki idiog dighe me ayịn̄ mme akpiab ibed Mosis, sia ayịn̄ ifịk mme anwe me akpọsọn̄ọ ibed mee asọn̄ adine, ade ayịn̄ idimike adisiọg ibughu ino mme ibed ada.
47Aya-anakka adiog me ayịn̄ eti-eti mme akpiab ibed Mosis, sia ayịn̄ ikuok itiad-udịk ino mme Brọfed adikpuno emmo, ade me mme etii-etii ayịn̄ ekewu emmo. 48Me akpanikuo, ayịn̄ itighe ntighe nkiin ino isiọn̄ọ adinee mme etii-etii ayịn̄. Emmo emaewu mme Brọfed ndiin ayịn̄ idikuok itiad-udịk adikpuno emmo. 49Me ntaag ndiọi n̄kpo ayịn̄, Abasi me ifiog esiu atoo, Amii nya adọn̄ mme Brọfed mme Abọsul eka ebịn̄e mbun Isred, ndiin emmo eyaewu ubaag me Brọfed me mme Abọsul eno ekọbọ emmo, 50Me ntre, eyamam emmo me iyịb afịd mme brọfed mee eti eti emmo akewu tọn̄n̄ọ me aditọn̄n̄ọ aderimbod. 51Tọn̄n̄ọ me iyịb Ebel#11:51 Ebel ame akedee akpa-anwe mee ekewuu me akan ediomo mme Sakadia akedee akpatre se ekewuu sịm mkpa Sakadia me ake-adee akuk mee ekewu me ufọd itighe uwa mme esịd tembul. Ih, me akpanikuo ke idogho, eyamam ndito aderimbod anịm me afịd mkpan̄a ada.
52“Aya-anakka adiog me ayịn̄ mme akpiab ibed Mosis, sia ayịn̄ ima-ibiọn̄n̄ọ mbun ufịn ataa adighe udiọn̄n̄ọ Abasi. Ayịn n̄ko ino idiọn̄n̄ọke Abasi, ndiin ayịn̄ itọn̄n̄ọ ntaag ikpan̄ mbun ufịn mee enwana adikpiidiọn̄n̄ọ Abasi.” 53Yisọs amaake akpọn̄ ufaag anwe Farisis anịm, Mme Farisi me mme akpiab ibed Mosis etọn̄n̄ọ adin̄n̄o anyii mfina eti-eti, ndiin eno ebub anyii adiwaag mme n̄kpo. 54Emmo ema enakka ekpimi Yisọs eti-eti me se anyii atan̄ mbaag-atukde ebii ebium anyii ikpii eno emam anyii.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.