Johon 7
7
Jisuni takhokrok Bwnw paitokliya
1Obwni jerw Jisu Galil amchoyo beregwi tongni nangkha. Jihudi ojarok Bwnw buthalwi pairwni naidok hinwi Bw Jihudiya amchoyo berenai bathagwi rwkha. 2Aiphuo Jihudirokni Ban Nok Terni jora koreyo sukpaidok. 3Oboni bagwi Jisuni takhukrok Bwnw saba, "Imwnw yakarwi Jihudiyao thangdi, Nwng samung tangnai roknw Nini sagrirok nungnaitwi. 4Kaisaswk jwtini nayw borogrok bwnw sithwk halai bw bising bising mwngsa tangya. Twmwi hinba Nwng jephuo imwtwijar hamtor samung roknw tangdok aiphuo borogni sakangw Saknw phunokdi." 5Tamni hinba Bini takhuk rokbw Bwnw paitokliya.
6Aiphuo Jisu boknw sakha, "Ani jo tabokbw phaiyakho, matwr nokhni lai jephwng jo podiya jo. 7Hayungni jotho borogrok nokhnw naislimanya matwr Anwse naisliyo, tamni hinba Ang bokni kothoyw i yakumu rwgwi tongw, bokni jotho samung chaya. 8Nokh o tero thangdi. Ani jora tabokbw phaiyakho, aithani ang tabok odayo thanglak." 9O kokroknw sagwi Jisu Galilw turokha.
10Matwr Bini takhukrok terw thangwi paikhalai Bwbw orw thangkha, hekphwng Bw khalang khola khalayoi thangliya, bising bising huijagwi thangkha. 11O terni jorao Jihudi ojarok Bwnw naitublaini nangkha tei swnglaini nangkha, "Bw bwrw?" 12Borogrokni beserw kabangma borog Jisuni kothoyw bokni bai bok phusu phusu khalayoi kabangma kok salaini nanglaikha. kaisa kainwi sakha, "Bw gam borog." Matwr arwrok saba, "Whwi, Bw borogroknw kronai lamagw twiduldok." 13Matwr Jihudi oja roknw kiriywi khalang khola khalayoi kaisabw Bini kothoyw mwngsabw salainiya.
Ban Nokni Terni joragw Subrai Jisuni phwrwngma
14O terni kacharni joragw Jisu noktharni kholagw thangwi phwrwngni chengkha. 15Obwbai Jihudi rok amok chajagwi salaikha, "O borogsa mwngsabw swrwngwi laya karwi tama khalayoi imwroknw saman?"
16Jisu boknw joba rwgwi saba, "Ang jebwnw phwrwng obo Ani sakniya, matwr Jebw Anw hokha, Binise. 17Kaisaswk Kaitorni muchukmanw paleni naiyo hingkhai bw siyoi lamananw i phwrwngma Kaitorni daini dwi phai, na Ang sakni daini sadok. 18Je sakni daini kok sa bw bini sakni bai sakse chwngsacha manni bagwi chaitogwi naiyw, matwr je bwnw honaisani chwngsacha rwni chaitok, o borogsa kok kwbwi sanai, bini bisingw mwngsa nathal kwrwi. 19Mosi tama nokhnw kerong nal rwjiya? Matwr nokhni bisingw kaisabw o kerong nalnw paleya. Nokh tamani Anw buthalwi pairwni chaitokdok?"
20Borogrok joba rwgwi saba, "Nini dayw chaya phala tongw, swrw Nwnw buthalwi pairwni bagwi chaitokdok?"
21Jisu boknw saba, "Ang kwrwngsa amok samung tangkha hinwi nokh jotho amok chalaikha. 22Mosi nokhnw sunnot khalainai ikim rwjak, tei o sunnot nokh lengkhonai salwbw khalayoi tongw.(Jwtiniphwng Sunnot Mosini dainiya matwr hodaipirirokni dainise phaimani). 23Mosini ikim sapaiya tonni bagwi lengkhoknai salwbo chalabasa rokni sunnot khalaimanw, halai Ang lengkhoknai salw borog kaisanw hamrwkha hinwi nokh Anw tamani thamchi kadok? 24Phatarni kothoy naywi nalchir takhalaidi matwr jebw daijw obwni mapingse nirai nalchir khalaidi."
Jisu swrw?
25Aiphuo Jirusalemni kainwi kaitham saba, "Jebwnw ojarok buthalni nai, obw tama o Borogya dwi? 26Bwlai khalang khola khalayoise kok sadok matwr ojarok kaisabo Bwnw mwngsa saya bile. Halai ojarok ta daijw khalaywi siyw, i Borogsase Mosiho? 27Jephwng ongthwk chwnglai siyo o borog bwdaini phaikha. Matwr Mosiho jephuo phainw ephuo Bw bwdaini phai obonw kaisabw sigalak.
28Jephuo Jisu noktharni kholao phwrwngdok aiphuo Bw chirigwi sakha, "Nokh Anwbw siyo tei Ang borwni phaikha obonwbo siyo. Ang sakni daini phaijiya matwr Anw jebw hokha Bw daijw. Nokh Bwnw siniya, 29matwr Ang Bwnw siyo tamni hinba Ang Bini dainise phaiyo arw Bwse Anw hokha."
30Obobai bok Jisunw rumni naikha matwr kaisabw Bini basagw yak phulmanliya, twmwi hinba aiphuobw Bini jora phaiyokho. 31Hekphwng kabangma borog Bwnw paitoklaikha. Tei bok salaiba, "Bwlai alok amok chajanaijar samung khalaikha. Mosiho jephini phainw aiphuo Bw tama Bini nayoibo kabangma amok chajanaijar samung khalaijanaidoi?
Phorisi ojarok Jisunw rumni bagwi sagri hokha
32Phorisirok Jisuni kothoyw borogrokni bisingw i jotho kokroknw phusu phusu khalayoi salaimani khanakha aithani chontai ojarok bai Phorisirok bwnw rumni bagwi kainwi kaitham noktharni sotaingnw hokha. 33Jisu Aiphuo sakha, "Ang tabok kisacha jorase nokhbai baksa tongw, obwni jerw Anw Jebw hokha Bini dayw thangnw. 34Nokh Anw rutubnw matwr Anw rutubwi mangalak, tei Ang jedayo tongnw nokh sidayo phaibw phaimanglak."
35Aiphuo Jihudirok kaisa bai kaisa salaini nanglaikha, "O Borogsa bwdayo thangjanai, chwng Bwnw rutubwi mangalak hinba? Grikrokni bisingw je jegarogw Jihudi rok saljagwi tongjak, Bw tama o jegarogw thangwi Grik roknw phwrwngnai?" 36Bwlai saba, "Nokh Anw rutubnw matwr mangalak, tei Ang jedayo tongnw nokh sidayo phaibw phaimanglak,' i kokni gatha tama?"
37Terni paithakni sal ongkhadwi kabangma nangruma sal. O salw Jisu bachagwi chirik chirigwi sakha, "Jwtini kaisaswk twi kangjagw hai bw Ani dayw phayoi twi nwngphaithwk. 38Jwtini kaisaswk Anw paitogw, kathar Elembakni kokni kosol bini kha bisingni kwthang twini twibuk kalaywi tongnw."
39I kokni bisingtwi Jisu Phala Katharni kothoyw sakha je, jebwrok Bwnw paitoknw ulo bok Phala Katharnw mannw. Matwr Phala katharnw aiphuobw rwyakho tamni hinba aiphuobw Jisu chwngchuk ongyakho.
40O jotho kokroknw khanagwi borogrokni bisingw kainwi kaitham saba, "Daijw Bwse diyari."
41Arwrok saba, "Bwse Mosiho."
Matwr kaisa kainwi saba, "Mosiho tama Galil amchoini dwi phaijanai? 42Kathar Elembagw tama i kok sayadwi, Mosiho Dayudni bosong daini phainai arw Bethlehem kamio achainai jedaio Dayud tongwi thanjak?"
43Aikhalayoi borogrokni bisingw Jisuni kothoyw baitani miliya ongkha. 44Kainwi kaitham Bwnw rumni naikha matwr kaisabw Bini basagw yak rwliya.
Jihudi ojamarok paitokliya
45Jephuo noktharni sotaing rok philwi phaikha aiphuo chontai oja tei Phorisirok boknw swngkha, "Bwnw tamani twbwniya?"
46Bok joba rwgwi sakha, "O Borogsa jekhalayoi kok sa obotwijar kaisabw oaisabw sajiya."
47Phorisirok boknw sakha, "Nokhbw tama mwngchajakha? 48Raidani ojarok eba Phorisirokni bisingw kaisaswkdwi Bwnw paitokjak? 49Matwr i butua borogrok jebwrok Mosini kerong nal siya, Bokni sakagw Kaitorni swraimung tongw."
50-51Nikodim ongkhadwi kaisa Phorisi. Bw aguo Jisuni dayw thangjak, tei bw boknw sakha, "Chini kerong nal tama kaisaswkni kok khanaya karwi tei bw tama khalaidok obwnw siya karwi nalchir khalayo?"
52Phorisirok joba rwgwi Nikodimnw saba, "Nwngbw tama Galilni? Elemw naitubwi naidi, nwng nungnw kaisa diyaribw Galilni phaimangalak." 53Aiphuo bok jothobw jani nogw jan philwi thanglaikha.
ទើបបានជ្រើសរើសហើយ៖
Johon 7: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Johon 7
7
Jisuni takhokrok Bwnw paitokliya
1Obwni jerw Jisu Galil amchoyo beregwi tongni nangkha. Jihudi ojarok Bwnw buthalwi pairwni naidok hinwi Bw Jihudiya amchoyo berenai bathagwi rwkha. 2Aiphuo Jihudirokni Ban Nok Terni jora koreyo sukpaidok. 3Oboni bagwi Jisuni takhukrok Bwnw saba, "Imwnw yakarwi Jihudiyao thangdi, Nwng samung tangnai roknw Nini sagrirok nungnaitwi. 4Kaisaswk jwtini nayw borogrok bwnw sithwk halai bw bising bising mwngsa tangya. Twmwi hinba Nwng jephuo imwtwijar hamtor samung roknw tangdok aiphuo borogni sakangw Saknw phunokdi." 5Tamni hinba Bini takhuk rokbw Bwnw paitokliya.
6Aiphuo Jisu boknw sakha, "Ani jo tabokbw phaiyakho, matwr nokhni lai jephwng jo podiya jo. 7Hayungni jotho borogrok nokhnw naislimanya matwr Anwse naisliyo, tamni hinba Ang bokni kothoyw i yakumu rwgwi tongw, bokni jotho samung chaya. 8Nokh o tero thangdi. Ani jora tabokbw phaiyakho, aithani ang tabok odayo thanglak." 9O kokroknw sagwi Jisu Galilw turokha.
10Matwr Bini takhukrok terw thangwi paikhalai Bwbw orw thangkha, hekphwng Bw khalang khola khalayoi thangliya, bising bising huijagwi thangkha. 11O terni jorao Jihudi ojarok Bwnw naitublaini nangkha tei swnglaini nangkha, "Bw bwrw?" 12Borogrokni beserw kabangma borog Jisuni kothoyw bokni bai bok phusu phusu khalayoi kabangma kok salaini nanglaikha. kaisa kainwi sakha, "Bw gam borog." Matwr arwrok saba, "Whwi, Bw borogroknw kronai lamagw twiduldok." 13Matwr Jihudi oja roknw kiriywi khalang khola khalayoi kaisabw Bini kothoyw mwngsabw salainiya.
Ban Nokni Terni joragw Subrai Jisuni phwrwngma
14O terni kacharni joragw Jisu noktharni kholagw thangwi phwrwngni chengkha. 15Obwbai Jihudi rok amok chajagwi salaikha, "O borogsa mwngsabw swrwngwi laya karwi tama khalayoi imwroknw saman?"
16Jisu boknw joba rwgwi saba, "Ang jebwnw phwrwng obo Ani sakniya, matwr Jebw Anw hokha, Binise. 17Kaisaswk Kaitorni muchukmanw paleni naiyo hingkhai bw siyoi lamananw i phwrwngma Kaitorni daini dwi phai, na Ang sakni daini sadok. 18Je sakni daini kok sa bw bini sakni bai sakse chwngsacha manni bagwi chaitogwi naiyw, matwr je bwnw honaisani chwngsacha rwni chaitok, o borogsa kok kwbwi sanai, bini bisingw mwngsa nathal kwrwi. 19Mosi tama nokhnw kerong nal rwjiya? Matwr nokhni bisingw kaisabw o kerong nalnw paleya. Nokh tamani Anw buthalwi pairwni chaitokdok?"
20Borogrok joba rwgwi saba, "Nini dayw chaya phala tongw, swrw Nwnw buthalwi pairwni bagwi chaitokdok?"
21Jisu boknw saba, "Ang kwrwngsa amok samung tangkha hinwi nokh jotho amok chalaikha. 22Mosi nokhnw sunnot khalainai ikim rwjak, tei o sunnot nokh lengkhonai salwbw khalayoi tongw.(Jwtiniphwng Sunnot Mosini dainiya matwr hodaipirirokni dainise phaimani). 23Mosini ikim sapaiya tonni bagwi lengkhoknai salwbo chalabasa rokni sunnot khalaimanw, halai Ang lengkhoknai salw borog kaisanw hamrwkha hinwi nokh Anw tamani thamchi kadok? 24Phatarni kothoy naywi nalchir takhalaidi matwr jebw daijw obwni mapingse nirai nalchir khalaidi."
Jisu swrw?
25Aiphuo Jirusalemni kainwi kaitham saba, "Jebwnw ojarok buthalni nai, obw tama o Borogya dwi? 26Bwlai khalang khola khalayoise kok sadok matwr ojarok kaisabo Bwnw mwngsa saya bile. Halai ojarok ta daijw khalaywi siyw, i Borogsase Mosiho? 27Jephwng ongthwk chwnglai siyo o borog bwdaini phaikha. Matwr Mosiho jephuo phainw ephuo Bw bwdaini phai obonw kaisabw sigalak.
28Jephuo Jisu noktharni kholao phwrwngdok aiphuo Bw chirigwi sakha, "Nokh Anwbw siyo tei Ang borwni phaikha obonwbo siyo. Ang sakni daini phaijiya matwr Anw jebw hokha Bw daijw. Nokh Bwnw siniya, 29matwr Ang Bwnw siyo tamni hinba Ang Bini dainise phaiyo arw Bwse Anw hokha."
30Obobai bok Jisunw rumni naikha matwr kaisabw Bini basagw yak phulmanliya, twmwi hinba aiphuobw Bini jora phaiyokho. 31Hekphwng kabangma borog Bwnw paitoklaikha. Tei bok salaiba, "Bwlai alok amok chajanaijar samung khalaikha. Mosiho jephini phainw aiphuo Bw tama Bini nayoibo kabangma amok chajanaijar samung khalaijanaidoi?
Phorisi ojarok Jisunw rumni bagwi sagri hokha
32Phorisirok Jisuni kothoyw borogrokni bisingw i jotho kokroknw phusu phusu khalayoi salaimani khanakha aithani chontai ojarok bai Phorisirok bwnw rumni bagwi kainwi kaitham noktharni sotaingnw hokha. 33Jisu Aiphuo sakha, "Ang tabok kisacha jorase nokhbai baksa tongw, obwni jerw Anw Jebw hokha Bini dayw thangnw. 34Nokh Anw rutubnw matwr Anw rutubwi mangalak, tei Ang jedayo tongnw nokh sidayo phaibw phaimanglak."
35Aiphuo Jihudirok kaisa bai kaisa salaini nanglaikha, "O Borogsa bwdayo thangjanai, chwng Bwnw rutubwi mangalak hinba? Grikrokni bisingw je jegarogw Jihudi rok saljagwi tongjak, Bw tama o jegarogw thangwi Grik roknw phwrwngnai?" 36Bwlai saba, "Nokh Anw rutubnw matwr mangalak, tei Ang jedayo tongnw nokh sidayo phaibw phaimanglak,' i kokni gatha tama?"
37Terni paithakni sal ongkhadwi kabangma nangruma sal. O salw Jisu bachagwi chirik chirigwi sakha, "Jwtini kaisaswk twi kangjagw hai bw Ani dayw phayoi twi nwngphaithwk. 38Jwtini kaisaswk Anw paitogw, kathar Elembakni kokni kosol bini kha bisingni kwthang twini twibuk kalaywi tongnw."
39I kokni bisingtwi Jisu Phala Katharni kothoyw sakha je, jebwrok Bwnw paitoknw ulo bok Phala Katharnw mannw. Matwr Phala katharnw aiphuobw rwyakho tamni hinba aiphuobw Jisu chwngchuk ongyakho.
40O jotho kokroknw khanagwi borogrokni bisingw kainwi kaitham saba, "Daijw Bwse diyari."
41Arwrok saba, "Bwse Mosiho."
Matwr kaisa kainwi saba, "Mosiho tama Galil amchoini dwi phaijanai? 42Kathar Elembagw tama i kok sayadwi, Mosiho Dayudni bosong daini phainai arw Bethlehem kamio achainai jedaio Dayud tongwi thanjak?"
43Aikhalayoi borogrokni bisingw Jisuni kothoyw baitani miliya ongkha. 44Kainwi kaitham Bwnw rumni naikha matwr kaisabw Bini basagw yak rwliya.
Jihudi ojamarok paitokliya
45Jephuo noktharni sotaing rok philwi phaikha aiphuo chontai oja tei Phorisirok boknw swngkha, "Bwnw tamani twbwniya?"
46Bok joba rwgwi sakha, "O Borogsa jekhalayoi kok sa obotwijar kaisabw oaisabw sajiya."
47Phorisirok boknw sakha, "Nokhbw tama mwngchajakha? 48Raidani ojarok eba Phorisirokni bisingw kaisaswkdwi Bwnw paitokjak? 49Matwr i butua borogrok jebwrok Mosini kerong nal siya, Bokni sakagw Kaitorni swraimung tongw."
50-51Nikodim ongkhadwi kaisa Phorisi. Bw aguo Jisuni dayw thangjak, tei bw boknw sakha, "Chini kerong nal tama kaisaswkni kok khanaya karwi tei bw tama khalaidok obwnw siya karwi nalchir khalayo?"
52Phorisirok joba rwgwi Nikodimnw saba, "Nwngbw tama Galilni? Elemw naitubwi naidi, nwng nungnw kaisa diyaribw Galilni phaimangalak." 53Aiphuo bok jothobw jani nogw jan philwi thanglaikha.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh