Prerit 13
13
Barnoba tei Solni pirnai chengma
1Antiyokhiyani mothao kainwi kaitham diyari tei phwrwngsai tongw. Bokni mwng ongkhadwi Barnoba, Simon jebwnw Niger mwngwi siniyw, Kurini aulini Lukiyo, sakwlpha Herod bai palokjanai Monhem bai Sol. 2Bok jephuo okbar tongwi Subrainw lobdok aiphuo Phala Kathar boknw sakha, "Barnoba tei Solnw ang je samungni bagwi ringkhoka Ani o samungni bagwi tabok boknw juta khalaidi." 3Aiphuo bok okbar tei surinai jerw Barnoba tei Solni sakagw yak rwgwi boknw hamalai rwkha.
Saiprasw Pol tei Barnobani pirma
4Arai khalaywi Barnoba bai Solnw Phala Kathar Silukiya aulio hokha tei odaini rungtorw kagwi Saipras twibongw thangkha. 5Bok Salami aulio suywi Jihudirokni thumnogw thangwi Kaitorni kok pirkha. Aiphuo chubani bagwi Johon bokbai baksa tongw. 6Bok o Paphoso suiyasak o twibongtwi thangkha. Odayw bok Bor Jisubai malaikha bw ongkha kaisa Jihudi bedua arw phatra diyari. 7,8O phatra diyarinw Iluma, kok ongkha bedua hinw. O bedua sakwlpha Sergiyo Polni kaisa aphak tei o sakwlpha ongkha kaisa buju ganag borog. Sergiyo Pol Kaitorni kok khanani bagwi Barnoba tei Solnw ringkhoka. Matwr Iluma Barnoba tei Solni thema ongkha arw Khristonw paitoknai daini sakwlphanw phirokni chaitokkha. 9Aiphuo Phala Katharbai kwpwlwng ongwi Sol, jebwnw Pol hinwibw ringw, bw Ilumani aita uju khalaywi naikhogwi sakha, 10"Nwng Saitanni basa tei jebw gam bini ari! Nini bisingw jatejar phemolokma tei thokua tongw. Nwng tama Subraini kwbwi lamani baithe samung tangnainw oaisabw bathakrwgalak? 11Naidi, Subraini yak nini baithe bachadok. Nwng kana ongwi thanw arw salnwi saltham salni pohor nungalak." Aiphuo siyari tei andar bwnw phwngwi pairwkha arw kaisaswk bwnw yak rumwi telang mannaitwi aithani bagwi bw ijang oijang berekni nangkha. 12Imwroknw nungwi sakwlpha Subrainw paitokkha, twmwi himba Subraini kothoyw je phwrwngma bw manjak obwbai bw amok chajak.
Pisidiyani Antiyokhiyagw kothoma prinai
13Obwni jerw Pol tei bini aphakrok Papho yakarwi rungtorbai Pamphuliya amchoini Porga aulio thangkha. Johon aiphuo boknw yakarwi Jirusalemw philwi thangkha. 14Jerw bok Porga daini Pisidiya amchoini Antiyokhiya aulio thangkha arw lengkhonai salo thumnugo thangwi achukha. 15Kathar elembakni kerongnal tei diyarirokni bijab daini pokreywi paikhalai thumnokni ojamarok boknw sagwi hokha, "Takhukrok, borogroknw khabaja rwni bagwi jwtini mwngsaswk kok tongkhalai sadi." 16Aiphuo Pol bachagwi yak nalkha arw sakha, "O Israyeliorok tei kwbwi Kaitornw lobnai Bejihudirok nokh ani kok khanadi. 17Israyel dophani Kaitor chini hodaipiri roknw saywi lajak arw jephuo bok Misor hauarw tong aiphuo boknw kabangma kotor khalaijak. Jerw kotor pharanbai o hauar daini boknw kariywi twbwjak, 18Arw brwichi bisi twtwi panthwr jila bisingw bokni sumsok soywi tongjak. 19Bini jerw bw Konan hauarni dopha sninw nachra khalaikha arw Bw Bini sakni borogroknw o jeganw rwkha. 20I jotho tolpi ongni rabrwi raba bisi twtwi nangjak.
"Obwni jerw diyari Somuyelni jo jora Kaitor kainwi kaitham nalchirai rwjak. 21Obwni jerw bok bugra kaisa naikha, aiphuo Kaitor Binnamin bosongni Kisni basala Solnw rwkha, jebw brwichi bisi jora bokni sakao bugiri khalaikha. 22Jerw Kaitor bwnw nwlwi Dayudnw bokni bugra khalaikha. Kaitor Dayudni kothoyw yakumu rwgwi sakha 'Ang Jisayoni basala Dayudnw manjak, bw Ani khani kosol borog. Ang bwnw jebwnw khalaidi hinnw bw obwnw khalainw.' 23Dayudni bosongw Kaitor Bini swmaini maping Israyelni bagwi kaisa tekhoknaisa twbwkha, Bw ongkhadwi Jisu. 24Jisu phainai aguo Johon jotho Israyel dophani dayw i koknw pirjak je, sumsok daini kha phirogwi borogrok baptismonw goseywi lathai kalayw. 25Johon bini samung pairwnai jorao sajak, 'Ang swrw, nokh tama bakha ka? Ang o Khristoya. Bw ani jerw phainai, tei ang Bini yakhlung khengnibw chogya.'
26"Takhukrok, Abrahamni bosongrok tei Kaitornw lobnai Bejihudirok, sumsok daini tekhokmani je kotho obwnw tabok chini bagwise hojak. 27Jirusalemni borogrok tei bokni ojamarok Jisunw siniliya. Tei lengkhonai salbiti diyarirokni je koknw pokre obwnw bok bijijiya, matwr bok Jisunw khatta rwgwi o koknw sohkrwkha. 28Thwimwng senji rwnai kosol Bini mwngsa khatta manjiya phwng bok Pilatni dayw Bwnw buthalni bagwi sankha. 29Jisuni kothoyw jebwrok elembagw suijak tong obwni jotho sohkrwgwi paywi bok Bwnw krus daini kariywi phubkha. 30Matwr Kaitor Bwnw kwthwi daini mathangwi tisakha. 31Galil daini jebwrok Bwbai baksa Jirusalemw phaijak bok kabangma sal jora Bwnw nungjak. Chini borogrokni dayw bokse tabok Bini kothoyw yakumu rwdok.
32"Chwng nokhnw i kothoma rwgw. Jebw Kaitor chini hodaipirirokni dayw swmai tangjak, 33obwnw Bw bokni bosongrokni bagwi, kok ongkhadwi chini bagwi Jisunw kwthwini kathang khalaywi sohkrwjak. Imw nwithek Gitsongitagw suijak tongw:
'Nwng Ani Sajla,
Tini Ang Nini Apha ongkha.'
34Kaitor je Bwnw kwthwi daini kathang khalaijak arw Bini basak je arw oaisabw sogwi thangalak obw i kok rogw Kaitor sajak, 'Kathar tei daijw hamarini je swmai Ang Dayudni dayw khalaijak obwnw Ang nwnw rwnw.' 35O kothoyw arw kwrwngsa jegao suijak tongw:
'Nini lobnaini basaknw nwng sog rwgalak.'
36"Dayud aiphuni borogrokni bisingw Kaitorni bachung sohkrwnai jerw thwikha. Bini hodaipiri rokbai baksa bwnw phobkalai jerw bini basak sogwi paikha. 37Matwr Kaitor jebwnw kwthwi daini kathang khalaijak Bini basak sogjiya. 38Aithani bagwi ani takhukrok nokhni sitai kalayw je Jisuni bisingtwi nokhni dayw sumsokni nakarmung mannai kothoyw pirdok. 39Nokh Mosini kerongnal bai sumsokni senji daini yokmajiya, matwr je borog Jisunw paitok bw sumsok daini yokma mannai. 40Aithani bagwi nokh krwk ongdi, diyari rokni sanai i kokrok nokhni sakao ongyatwi:
41"'Khanadi nokh jebwrok Kaitornw lagwi minilai!
nokh nungwi amok ongdi tei nachra ongwi thangw,
twmwi hinba ang nokhni jorao imwtwijar samung khalaidok, je samungni kok nokhnw saphwng nokh paitok galak."' #13:41 Hobokuk1:5
42Pol tei Barnoba thumnok yakarwi thangnai jorao borogrok boknw kabokkha bok jerwni lengkhonai salw i kothoyw arw kisa sanaitwi. 43Borogrok thumnok daini thangnai jerw kabangma Jihudi tei Jihudi raidao paitoknai Kaitor lobai Bejihudi Pol bai Barnobani loge loge thangkha. Aiphuo o borog rokbai Pol tei Barnoba kok sakha arw boknw khabaja rwkha bok Kaitorni khakhammani bisingw thi tongnai twi. 44Jerwni lengkhonai salw aulini jotho borog Subraini kok khanani bagwi baksa khalaywi thumjalaikha. 45Iswk borog cherep nungwi Jihudirok khamrebai pwlwngka arw bok Polnw lachima phunukni tei bini kokni baithe jatejar kok sani rumkha. 46Aiphuo Pol tei Barnoba kharagwi boknw i joba rwkha, "Kaitorni kok pwilagw nokhni dayw chini satai ongjak. Matwr nokh obwnw khanajiya hinwi arw paiphlaiya langma manni chugw hinwi sakroknw bakha kajiya, aithani Bejihudi rokni aita chwng philkha. 47Tamni hinba Subrai chwnw imwtwijar tholmwng rwjak:
"'Ang Bejihudirokni dayw nwnw porni kosol khalaijak,
nini bisingtwi jotho swngsarni borog sumsok daini tekhokma mannai twi."'
48Bejihudirok i kok khanagwi tongthok jakha arw Subraini koktangnw chwngsacha khalaikha, arw paiphlaiya langma manni bagwi Kaitor jebwroknw thi khalaywi tonjak bok paitok laikha. 49Subraini koktang o jilani jotho jegao saljakha. 50Matwr Jihudirok Kaitornw lobnai nangru birokroknw arw aulini ojama borogroknw hurkaroma khalaikha. Arai khalaywi bok Pol tei Barnobani sakao satokma khalai rwgwi o jila daini akhorwgwi rwkha. 51Aiphuo Pol bai Barnoba o borogrokni baithe bokni yapalaini hadurui puchagwi khibiywi Ikoniyo aulio thangkha 52Matwr odaini sagrirok tongthokmabai tei Phala Katharbai kwpwlwng ongkha.
ទើបបានជ្រើសរើសហើយ៖
Prerit 13: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Prerit 13
13
Barnoba tei Solni pirnai chengma
1Antiyokhiyani mothao kainwi kaitham diyari tei phwrwngsai tongw. Bokni mwng ongkhadwi Barnoba, Simon jebwnw Niger mwngwi siniyw, Kurini aulini Lukiyo, sakwlpha Herod bai palokjanai Monhem bai Sol. 2Bok jephuo okbar tongwi Subrainw lobdok aiphuo Phala Kathar boknw sakha, "Barnoba tei Solnw ang je samungni bagwi ringkhoka Ani o samungni bagwi tabok boknw juta khalaidi." 3Aiphuo bok okbar tei surinai jerw Barnoba tei Solni sakagw yak rwgwi boknw hamalai rwkha.
Saiprasw Pol tei Barnobani pirma
4Arai khalaywi Barnoba bai Solnw Phala Kathar Silukiya aulio hokha tei odaini rungtorw kagwi Saipras twibongw thangkha. 5Bok Salami aulio suywi Jihudirokni thumnogw thangwi Kaitorni kok pirkha. Aiphuo chubani bagwi Johon bokbai baksa tongw. 6Bok o Paphoso suiyasak o twibongtwi thangkha. Odayw bok Bor Jisubai malaikha bw ongkha kaisa Jihudi bedua arw phatra diyari. 7,8O phatra diyarinw Iluma, kok ongkha bedua hinw. O bedua sakwlpha Sergiyo Polni kaisa aphak tei o sakwlpha ongkha kaisa buju ganag borog. Sergiyo Pol Kaitorni kok khanani bagwi Barnoba tei Solnw ringkhoka. Matwr Iluma Barnoba tei Solni thema ongkha arw Khristonw paitoknai daini sakwlphanw phirokni chaitokkha. 9Aiphuo Phala Katharbai kwpwlwng ongwi Sol, jebwnw Pol hinwibw ringw, bw Ilumani aita uju khalaywi naikhogwi sakha, 10"Nwng Saitanni basa tei jebw gam bini ari! Nini bisingw jatejar phemolokma tei thokua tongw. Nwng tama Subraini kwbwi lamani baithe samung tangnainw oaisabw bathakrwgalak? 11Naidi, Subraini yak nini baithe bachadok. Nwng kana ongwi thanw arw salnwi saltham salni pohor nungalak." Aiphuo siyari tei andar bwnw phwngwi pairwkha arw kaisaswk bwnw yak rumwi telang mannaitwi aithani bagwi bw ijang oijang berekni nangkha. 12Imwroknw nungwi sakwlpha Subrainw paitokkha, twmwi himba Subraini kothoyw je phwrwngma bw manjak obwbai bw amok chajak.
Pisidiyani Antiyokhiyagw kothoma prinai
13Obwni jerw Pol tei bini aphakrok Papho yakarwi rungtorbai Pamphuliya amchoini Porga aulio thangkha. Johon aiphuo boknw yakarwi Jirusalemw philwi thangkha. 14Jerw bok Porga daini Pisidiya amchoini Antiyokhiya aulio thangkha arw lengkhonai salo thumnugo thangwi achukha. 15Kathar elembakni kerongnal tei diyarirokni bijab daini pokreywi paikhalai thumnokni ojamarok boknw sagwi hokha, "Takhukrok, borogroknw khabaja rwni bagwi jwtini mwngsaswk kok tongkhalai sadi." 16Aiphuo Pol bachagwi yak nalkha arw sakha, "O Israyeliorok tei kwbwi Kaitornw lobnai Bejihudirok nokh ani kok khanadi. 17Israyel dophani Kaitor chini hodaipiri roknw saywi lajak arw jephuo bok Misor hauarw tong aiphuo boknw kabangma kotor khalaijak. Jerw kotor pharanbai o hauar daini boknw kariywi twbwjak, 18Arw brwichi bisi twtwi panthwr jila bisingw bokni sumsok soywi tongjak. 19Bini jerw bw Konan hauarni dopha sninw nachra khalaikha arw Bw Bini sakni borogroknw o jeganw rwkha. 20I jotho tolpi ongni rabrwi raba bisi twtwi nangjak.
"Obwni jerw diyari Somuyelni jo jora Kaitor kainwi kaitham nalchirai rwjak. 21Obwni jerw bok bugra kaisa naikha, aiphuo Kaitor Binnamin bosongni Kisni basala Solnw rwkha, jebw brwichi bisi jora bokni sakao bugiri khalaikha. 22Jerw Kaitor bwnw nwlwi Dayudnw bokni bugra khalaikha. Kaitor Dayudni kothoyw yakumu rwgwi sakha 'Ang Jisayoni basala Dayudnw manjak, bw Ani khani kosol borog. Ang bwnw jebwnw khalaidi hinnw bw obwnw khalainw.' 23Dayudni bosongw Kaitor Bini swmaini maping Israyelni bagwi kaisa tekhoknaisa twbwkha, Bw ongkhadwi Jisu. 24Jisu phainai aguo Johon jotho Israyel dophani dayw i koknw pirjak je, sumsok daini kha phirogwi borogrok baptismonw goseywi lathai kalayw. 25Johon bini samung pairwnai jorao sajak, 'Ang swrw, nokh tama bakha ka? Ang o Khristoya. Bw ani jerw phainai, tei ang Bini yakhlung khengnibw chogya.'
26"Takhukrok, Abrahamni bosongrok tei Kaitornw lobnai Bejihudirok, sumsok daini tekhokmani je kotho obwnw tabok chini bagwise hojak. 27Jirusalemni borogrok tei bokni ojamarok Jisunw siniliya. Tei lengkhonai salbiti diyarirokni je koknw pokre obwnw bok bijijiya, matwr bok Jisunw khatta rwgwi o koknw sohkrwkha. 28Thwimwng senji rwnai kosol Bini mwngsa khatta manjiya phwng bok Pilatni dayw Bwnw buthalni bagwi sankha. 29Jisuni kothoyw jebwrok elembagw suijak tong obwni jotho sohkrwgwi paywi bok Bwnw krus daini kariywi phubkha. 30Matwr Kaitor Bwnw kwthwi daini mathangwi tisakha. 31Galil daini jebwrok Bwbai baksa Jirusalemw phaijak bok kabangma sal jora Bwnw nungjak. Chini borogrokni dayw bokse tabok Bini kothoyw yakumu rwdok.
32"Chwng nokhnw i kothoma rwgw. Jebw Kaitor chini hodaipirirokni dayw swmai tangjak, 33obwnw Bw bokni bosongrokni bagwi, kok ongkhadwi chini bagwi Jisunw kwthwini kathang khalaywi sohkrwjak. Imw nwithek Gitsongitagw suijak tongw:
'Nwng Ani Sajla,
Tini Ang Nini Apha ongkha.'
34Kaitor je Bwnw kwthwi daini kathang khalaijak arw Bini basak je arw oaisabw sogwi thangalak obw i kok rogw Kaitor sajak, 'Kathar tei daijw hamarini je swmai Ang Dayudni dayw khalaijak obwnw Ang nwnw rwnw.' 35O kothoyw arw kwrwngsa jegao suijak tongw:
'Nini lobnaini basaknw nwng sog rwgalak.'
36"Dayud aiphuni borogrokni bisingw Kaitorni bachung sohkrwnai jerw thwikha. Bini hodaipiri rokbai baksa bwnw phobkalai jerw bini basak sogwi paikha. 37Matwr Kaitor jebwnw kwthwi daini kathang khalaijak Bini basak sogjiya. 38Aithani bagwi ani takhukrok nokhni sitai kalayw je Jisuni bisingtwi nokhni dayw sumsokni nakarmung mannai kothoyw pirdok. 39Nokh Mosini kerongnal bai sumsokni senji daini yokmajiya, matwr je borog Jisunw paitok bw sumsok daini yokma mannai. 40Aithani bagwi nokh krwk ongdi, diyari rokni sanai i kokrok nokhni sakao ongyatwi:
41"'Khanadi nokh jebwrok Kaitornw lagwi minilai!
nokh nungwi amok ongdi tei nachra ongwi thangw,
twmwi hinba ang nokhni jorao imwtwijar samung khalaidok, je samungni kok nokhnw saphwng nokh paitok galak."' #13:41 Hobokuk1:5
42Pol tei Barnoba thumnok yakarwi thangnai jorao borogrok boknw kabokkha bok jerwni lengkhonai salw i kothoyw arw kisa sanaitwi. 43Borogrok thumnok daini thangnai jerw kabangma Jihudi tei Jihudi raidao paitoknai Kaitor lobai Bejihudi Pol bai Barnobani loge loge thangkha. Aiphuo o borog rokbai Pol tei Barnoba kok sakha arw boknw khabaja rwkha bok Kaitorni khakhammani bisingw thi tongnai twi. 44Jerwni lengkhonai salw aulini jotho borog Subraini kok khanani bagwi baksa khalaywi thumjalaikha. 45Iswk borog cherep nungwi Jihudirok khamrebai pwlwngka arw bok Polnw lachima phunukni tei bini kokni baithe jatejar kok sani rumkha. 46Aiphuo Pol tei Barnoba kharagwi boknw i joba rwkha, "Kaitorni kok pwilagw nokhni dayw chini satai ongjak. Matwr nokh obwnw khanajiya hinwi arw paiphlaiya langma manni chugw hinwi sakroknw bakha kajiya, aithani Bejihudi rokni aita chwng philkha. 47Tamni hinba Subrai chwnw imwtwijar tholmwng rwjak:
"'Ang Bejihudirokni dayw nwnw porni kosol khalaijak,
nini bisingtwi jotho swngsarni borog sumsok daini tekhokma mannai twi."'
48Bejihudirok i kok khanagwi tongthok jakha arw Subraini koktangnw chwngsacha khalaikha, arw paiphlaiya langma manni bagwi Kaitor jebwroknw thi khalaywi tonjak bok paitok laikha. 49Subraini koktang o jilani jotho jegao saljakha. 50Matwr Jihudirok Kaitornw lobnai nangru birokroknw arw aulini ojama borogroknw hurkaroma khalaikha. Arai khalaywi bok Pol tei Barnobani sakao satokma khalai rwgwi o jila daini akhorwgwi rwkha. 51Aiphuo Pol bai Barnoba o borogrokni baithe bokni yapalaini hadurui puchagwi khibiywi Ikoniyo aulio thangkha 52Matwr odaini sagrirok tongthokmabai tei Phala Katharbai kwpwlwng ongkha.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh