Prerit 12
12
Suari Pitornw along daini yokrwkha
1O jorao bugra Herod satok khalaini bagwi Khristo mothani kainwi kaitham borognw chubwi twbwkha. 2Bw Johonni takhuk Jakobnw sengbai yogwi buthaldi hinwi tholkha. 3Jephuo bw nungkha Jihudirok obwbai tongthokjakha, aiphuo bw Pitornwbw rumkha. I tolpi Jihudi rokni chotha kwrwi terni jorao ongmani. 4Bw Pitornw rumwi alongw tonkha. Bwnw mwrwkni bagwi kaibwrwi kaibwrwi khalaywi chidok sengkraknw chongdal khalaikha. Herod thi khalaikha, yokma terni jerw borogni sakangw nalchir khalaini bagwi Pitornw kariywi twbwnai. 5Aithani Pitor alongw tongphini mothani paitoai takhukrok bini bagwi Kaitorni dayw khabuk khibiywi suri sanlaikha. 6Je salw Herod nalchirni bagwi Pitornw kariywi twbwjanai bini aguni horo kainwi sengkrakni kacharw Pitor thujak. Bwnw sigwl kwrwngnwi bai khagwi tonjak arw mwrwknairok dualamw mwrwklaidok. 7Atakkiya khalaywi Subraini suari kaisa odayw phaywi bachaphaikha arw alongni o khadal porbai kwchwng ongkha. Suari Pitorni basakgw rumwi jangriywi bwnw sumchagwi sakha, "Bachadodi." Aiphuo Pitorni yak kongnwi daini sigwl kengwi kalaikha. 8Aiphuo suari Pitornw sakha, "Ri chumdi, tei yakungw yakalab kandi." Pitor obwni maping khalaikha. Aiphuo suari Pitornw sakha, "Nwng ri chumwi ani ukhum ukhum phaidi." 9Pitor bini ukhum ukhum along daini phatarw phaikha, matwr suari jebwnw khalaikha obw je daijw daijw ongdok obwni mwngsabw bw bijiliya. Bw bakha kadok nungmung nungdok. 10Bok pwila sotaing mwrwknai jega tei jerw nwithek sotaing mwrwknai jegaroknw balwi aulio habnai lohani haplam koriyw suphaikha. O haplam bokni bagwi binibai bw khengjakha tei bok obwtwi khalaywi phatarw akhogwi thangkha. Bok kainwi jephuo lama kwrwngsani paithak jora thangkha, obwtwijar jorao suari atakkiya khalaywi Pitornw yakarwi thangkha. 11Aiphuo Pitor bijiywi mangkha tama ongkha arw sakha, "Tabok ang sikha imwrok jaijaini daijw! Subrai Bini suarinw hogwi Herodni yakni arw Jihudirok jebwnw ongnw hinwi khadungjak odaini anw yokrwkha." 12I koknw bijiywi manwi bw Johonni boma Moriyomni nogw thangkha. O Johonnw Mark hinwibw ringw. O nogw kabangma borog baksa khalaywi thumjalaywi surilaidok. 13Pitor phatarni duarw tukhalai jerw Roda mwngwi kaisa samung tangnai birokma duar khengni phaikha. 14Pitorni kharang siniywi manwi bw iswk jora tongthokjakha je duar khengni palogwi thangkha, tei khalwi bisingw thangwi i kothonw sakha. Bw saba, "Pitor duaphang sakangw bachagwi tongjak." 15Bok bwnw sakha, "Nwng ta kwbwr dwi ongkha!" Matwr bw jephuo pala pala sani nangkha, aiphuo bok sakha, "Halai imw khamkham bini suari." 16Ijang aita Pitor duarw tugwi tongkha. Aiphuo sagrirok duar khengwi Pitornw nugwi amok chalaikha. 17Pitor yak tharbai boknw phwrwk tongdi hingkha arw Subrai alongni bwnw tama khalaywi kariywi twbwkha obwnw sakha. Bw sakha, "Nokh i kothonw Jakob tei kothe takhuk roknwbw sadi." Jerw bw odaini kothe jegao thangkha. 18Phurung huainai jerw sengkrak rok oanamao kalaikha twmwi himba Pitorni tama ongkha obwnw bok mwngsa bijimanliya. 19Obwni jerw Herod Pitornw gam khalaywi naitubdi hinwi jothonw sakha, matwr bwnw manliya. Aithani bw sotaingroknw jatejar khalaywi swngkha tei jerw o sotaingroknw buthaldi hinwi tholkha. Obwni jerw Herod Jihudiyani Kwisoriyagw thangka tei sirw tongkha.
Herodni thwinai
20Herod Sor tei Sidon aulini borogrokni sakao aguni jimin thamchi kagwi tongjak. Aiphuo odaini borogrok baksa khalaywi Herodbai malaini thangkha. Blasto mwngwi bugrani koreni paitoai samung tangnaisanw bokni aita lakhogwi bok bugrabai khachangma twbwni naikha, tamni hinba bugra Herodni hauar dainise bokni hauarw chamwng phayw. 21Aithani Herod sal kwrwngsa thi khalaikha, tei bw o salw bugra ri chum kanwi bukajirao achugwi borogrokni dayw kok sakha. 22Bini kok khanagwi bok chirigwi sakha, "Imw borogni kharangya, imw Kaitorni kharangni kosolse!" 23Herod Kaitornw lobjiya hinwi loge loge Subraini suari kaisa bwnw bukha, tei bw tolagw kalaikha. Tei bini basagw kirimi ongkha arw o kirimirok bini basaknw chagwi pairwkha aithani bw thwywi thangkha. 24Matwr Kaitorni kok bangni nangkha tei pwlwngni nangkha. 25Barnoba bai Sol Jirusalemw bokni samung pairwgwi Antiyokhiyagw philwi thangkha. Bok Johon, jebwnw Mark hin, bwnw bokbai baksa tilangkha.
ទើបបានជ្រើសរើសហើយ៖
Prerit 12: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Prerit 12
12
Suari Pitornw along daini yokrwkha
1O jorao bugra Herod satok khalaini bagwi Khristo mothani kainwi kaitham borognw chubwi twbwkha. 2Bw Johonni takhuk Jakobnw sengbai yogwi buthaldi hinwi tholkha. 3Jephuo bw nungkha Jihudirok obwbai tongthokjakha, aiphuo bw Pitornwbw rumkha. I tolpi Jihudi rokni chotha kwrwi terni jorao ongmani. 4Bw Pitornw rumwi alongw tonkha. Bwnw mwrwkni bagwi kaibwrwi kaibwrwi khalaywi chidok sengkraknw chongdal khalaikha. Herod thi khalaikha, yokma terni jerw borogni sakangw nalchir khalaini bagwi Pitornw kariywi twbwnai. 5Aithani Pitor alongw tongphini mothani paitoai takhukrok bini bagwi Kaitorni dayw khabuk khibiywi suri sanlaikha. 6Je salw Herod nalchirni bagwi Pitornw kariywi twbwjanai bini aguni horo kainwi sengkrakni kacharw Pitor thujak. Bwnw sigwl kwrwngnwi bai khagwi tonjak arw mwrwknairok dualamw mwrwklaidok. 7Atakkiya khalaywi Subraini suari kaisa odayw phaywi bachaphaikha arw alongni o khadal porbai kwchwng ongkha. Suari Pitorni basakgw rumwi jangriywi bwnw sumchagwi sakha, "Bachadodi." Aiphuo Pitorni yak kongnwi daini sigwl kengwi kalaikha. 8Aiphuo suari Pitornw sakha, "Ri chumdi, tei yakungw yakalab kandi." Pitor obwni maping khalaikha. Aiphuo suari Pitornw sakha, "Nwng ri chumwi ani ukhum ukhum phaidi." 9Pitor bini ukhum ukhum along daini phatarw phaikha, matwr suari jebwnw khalaikha obw je daijw daijw ongdok obwni mwngsabw bw bijiliya. Bw bakha kadok nungmung nungdok. 10Bok pwila sotaing mwrwknai jega tei jerw nwithek sotaing mwrwknai jegaroknw balwi aulio habnai lohani haplam koriyw suphaikha. O haplam bokni bagwi binibai bw khengjakha tei bok obwtwi khalaywi phatarw akhogwi thangkha. Bok kainwi jephuo lama kwrwngsani paithak jora thangkha, obwtwijar jorao suari atakkiya khalaywi Pitornw yakarwi thangkha. 11Aiphuo Pitor bijiywi mangkha tama ongkha arw sakha, "Tabok ang sikha imwrok jaijaini daijw! Subrai Bini suarinw hogwi Herodni yakni arw Jihudirok jebwnw ongnw hinwi khadungjak odaini anw yokrwkha." 12I koknw bijiywi manwi bw Johonni boma Moriyomni nogw thangkha. O Johonnw Mark hinwibw ringw. O nogw kabangma borog baksa khalaywi thumjalaywi surilaidok. 13Pitor phatarni duarw tukhalai jerw Roda mwngwi kaisa samung tangnai birokma duar khengni phaikha. 14Pitorni kharang siniywi manwi bw iswk jora tongthokjakha je duar khengni palogwi thangkha, tei khalwi bisingw thangwi i kothonw sakha. Bw saba, "Pitor duaphang sakangw bachagwi tongjak." 15Bok bwnw sakha, "Nwng ta kwbwr dwi ongkha!" Matwr bw jephuo pala pala sani nangkha, aiphuo bok sakha, "Halai imw khamkham bini suari." 16Ijang aita Pitor duarw tugwi tongkha. Aiphuo sagrirok duar khengwi Pitornw nugwi amok chalaikha. 17Pitor yak tharbai boknw phwrwk tongdi hingkha arw Subrai alongni bwnw tama khalaywi kariywi twbwkha obwnw sakha. Bw sakha, "Nokh i kothonw Jakob tei kothe takhuk roknwbw sadi." Jerw bw odaini kothe jegao thangkha. 18Phurung huainai jerw sengkrak rok oanamao kalaikha twmwi himba Pitorni tama ongkha obwnw bok mwngsa bijimanliya. 19Obwni jerw Herod Pitornw gam khalaywi naitubdi hinwi jothonw sakha, matwr bwnw manliya. Aithani bw sotaingroknw jatejar khalaywi swngkha tei jerw o sotaingroknw buthaldi hinwi tholkha. Obwni jerw Herod Jihudiyani Kwisoriyagw thangka tei sirw tongkha.
Herodni thwinai
20Herod Sor tei Sidon aulini borogrokni sakao aguni jimin thamchi kagwi tongjak. Aiphuo odaini borogrok baksa khalaywi Herodbai malaini thangkha. Blasto mwngwi bugrani koreni paitoai samung tangnaisanw bokni aita lakhogwi bok bugrabai khachangma twbwni naikha, tamni hinba bugra Herodni hauar dainise bokni hauarw chamwng phayw. 21Aithani Herod sal kwrwngsa thi khalaikha, tei bw o salw bugra ri chum kanwi bukajirao achugwi borogrokni dayw kok sakha. 22Bini kok khanagwi bok chirigwi sakha, "Imw borogni kharangya, imw Kaitorni kharangni kosolse!" 23Herod Kaitornw lobjiya hinwi loge loge Subraini suari kaisa bwnw bukha, tei bw tolagw kalaikha. Tei bini basagw kirimi ongkha arw o kirimirok bini basaknw chagwi pairwkha aithani bw thwywi thangkha. 24Matwr Kaitorni kok bangni nangkha tei pwlwngni nangkha. 25Barnoba bai Sol Jirusalemw bokni samung pairwgwi Antiyokhiyagw philwi thangkha. Bok Johon, jebwnw Mark hin, bwnw bokbai baksa tilangkha.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh