Prerit 11
11
Pitor Jirusalemw philkha
1Bejihudi rokbw je Kaitorni koktangnw paitokkha o kokroknw jotho pirisairok tei Jihudiyani paitoai takhukrok khanakha. 2Aithani bagwi Pitor jephuo Jirusalemw phaikha, aiphuo o paitoairokni bisingni jebwrok sunnot khalaijak tong bok bwnw dosa rwkha, 3tei sakha, "Nwng sunnot khalaijiya borogrokni nogw thangwi bokbai baksa chalaijak nunglaijak." 4Aiphuo Pitor pwilani jimin jebw jebw tolpi ongjak oboroknw kwrwngsa kwrwngsa khalaywi bijirwgwi sakha. 5"Ang jephini Japho aulio suri sandok aiphuo kwrwngsa nung nungkha. Ang nungkha gara gaduni kosol kwrwngsa manwi nokha sakani tikhalaywi rwdok jebw pang kaibrwi rumjak. 6Ang gam khalaywi naikhogwi nungkha o bisingw jatejar yakbwrwi, bolongni miyamisi, bakha bai malnai singmal arw toksa tokmili tongw. 7Jerw ang khanakha kaisaswk sadok, 'Pitor, bachadi, buthalwi chadi.'
8"Ang sakha, 'Whwi, whwi, Subrai. Katharya eba untha mwngsaswk ang oaisabw bukhogw rwjiya.'
9"Obwni jerw chukha daini oainwi sakha, 'Kaitor jebwnw kathar khalaijak nwng obwnw katharya tahindi.' 10Arai khalaywi oaitham ongkha, obwni jerw jotho arwbw nokhagw tisagwi tilangkha.
11"Tei ang jedayw tong o nokgw aiphuo borog kaitham phaikha. Boknw Kwisoriya daini ani dayw hokha. 12Tei Phala Kathar anw sakha, 'Mwngsaswk kha haya kaya karwi nwng bokni logeyo thangdi.' I takhuk kaidokbw angbai baksa thangjak, tei chwng Korniliyoni nogw thangkha. 13Bw bini nogw tama khalaywi suari kaisanw nungkha obwnw chwnw sakha. O suari bwnw sakha, 'Simon, jebwnw Pitor hinwi ring, bwnw ringwi twni bagwi Japho aulio borog hodi. 14Bw phaywi je kokrok nwnw sanw obwni bisingtwi nwng tei nini nokni jothobw sumsok daini tekhokma mannw.'
15"Phala Kathar jekhalaywi pwilao chini sakao phaijak ang i koknw sani chengnai jerw thi obwtwijar khalaywi bokni sakaobw phaikha. 16Aiphuo Subrai je koknw sajak obw ani bakhao kakha, 'Johon twiyw baptismo rwgo, matwr nokhni baptismo ongnw Phala Katharbai.' 17Iswkhalai Subrai Jisu Khristonw paitoknaini jerw Kaitor chwnw je ruai rwjak, obwtwijar ruai Bw jwtini boknwbw rwgwi tongw hingkhlai aiphuo ang Kaitornw mathaknai swrw?"
18I koknw khanagwi Jihudini paitoairok arw mathakya karwi Kaitornw lobwi sakha, "Halai Kaitor Bejihudi roknwbw langma manni bagwi sumsok daini kha phirokni hamdal rwkha."
Antiyokhiyao kothoma pirnai
19Stiphannw buthalnai jerw satokma chengjakha, aithani bagwi paitoairok jatejar jegao saljalaikha. Bok Phwinikiya, Saipras tei Antiyokhiyani kosol kachal jegao khalwi thangkha. O jorao bok keber Jihudi rokni dayw kothoma pirkha. 20Matwr bokni bisingw jebwrok Saipras twibong arw Kurini aulini borog tong bok Antiyokhiyagw thangwi Grik kokbai kok sanai borogrokni daywbw Subrai Jisuni kothoyw kothoma pirni rumkha. 21Kaitorni pharan bokni sakao tongw hinwi kabangma borog Subrainw paitogwi bini aita philkha.
22Jirusalemni paitoai motha jephuo o kothonw khanakha, bok Barnobanw Antiyokhiyao hokha. 23Kaitor je tama khalaywi Antiyokhiyani borogroknw khakhamjak Barnoba phaywi obwnw nungwi tongthokjakha. Bok jate jotho kha rwgwi Subraini dayw paitokjuai tongnaitwi aithani bw boknw jothonw khabaja rwni nangkha. 24Barnoba kaisa gam borog arw bw Phala Katharbai tei paitokmabai kwpwlwng. Aiphuo Subrai kabangma borognw Bini sakni dayw twbwgwi phaijak.
25Obwni jerw Barnoba Solnw rutubni Tarso aulio thangkha, 26tei bwnw rutubwi manwi bw Antiyokhiyagw twbwkha. Barnoba tei Sol bwisa jora mothani borogrok bai baksa thumjalaywi kabangma borognw phwrwngkha. Antiyokhiyagw Khristoni sagrirok Khristan mwngwi pwila ringjakha.
27O jorao kainwi kaitham diyari Jirusalem daini Antiyokhiyagw phaikha. 28Bokni bisingni Agab mwngwi kaisa bachagwi Phala Katharbai twiduljagwi ai hinwi sakha je, "Jotho hayungw kwrwngsa kotor ratw phaidok. "(Habugra Klodiyoni jorao o ratw ongjak) 29Aiphuo sagrirok thi khalaikha, Jihudiya amchoini paitoai takhukrokni chubamani bagwi bok jothobo sak sakni chuknai mapitwi rang honai. 30Aithani bok Barnoba tei Solni bisingtwi bokni kholnai rang okara chakararokni dayw hogwi i samungnw khalaikha.
ទើបបានជ្រើសរើសហើយ៖
Prerit 11: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
