Luke 5
5
Jisɔs Okuh Akpa Mbed Izighi Iniaŋ
(Mattiu 4:18-22; Mark 1:16-20)
1Use gi Jisɔs agala gu ndek akpa Gennesaret (omu evag ŋgo su akpa Galilee). Enwi evughɔ Jisɔs ku ile sughu emu ekpaŋ utɔŋ enɔ nsiŋi Abazi.
2Jisɔs ogid ukpɔk ubo iba omu ena ku ndek ezuk; onu ima ɔkwɔ ayak egewuŋɔ ku ɔvɔghɔ egela esi iyɨreh emu ku ndek onu.
3Jisɔs ɔluk ubo onu Saimɔn, ɔnɔŋ ɔdɔghɔ onyi otiŋi ozighi ntiti adiaŋa ayak izɔŋ. Ene Jisɔs atuak etei ɔtɔŋɔ idikpiek enwi kpɔ ku ubo.
4Ku ini Onyi ama egegre idikpiek enwi ŋkpɔ, Onyi ɔdɔghɔ Saimɔn ogu, “Tek ubo wuɔ la ku utuŋɔ mmɔŋ luwɔk iyɨreh de muɔ ayak.”
5Onu Saimɔn ɔbrɔ ɔnɔŋ ɔdɔghɔ onyi ogu, “Eti, enyin ikpa-kpa uto ovid ɔgɔ-esi omu inwana idimuɔ ayak onu imuɔ sugi-ou, onu ulaghan ovu ɔdɔghɔ enyin idio iyere ku mmɔŋ, ami ma ndio.”
6Onu kini omu Saimɔn ma ima nzaŋ uto izighi ene sughu Jisɔs ɔgɔdɔghɔ emu, emu egemuɔ ata awak-iwak ayak, tutu iyɨreh ɔluŋɔ idiwagha.
7Onu enwi onu ene idiɔŋɔ gu ubɔk eku ima nzizaŋ-ɔgɔ emu ku onuŋ ubo ede edinwam emu. Ndien emu edi enɔŋ eyɨghɔ ubo emu iba onu ma ayak, tutu onu zu emu etɔŋɔ idizip.
8Ku ini Saimɔn Peter ogid su ogotibe, onyi ɔduɔghɔ ku izɔŋ ku uku onu Jisɔs ogu, “Ɔfɔŋ lagha yak mi, ku ami nnu ene-udiɔk-kpɔ.”
9Peter ma ovid ima nzaŋa ɔgɔ izighi omu egebak ma onyi ebak ku mkpa-ile ebaŋa utɔ awak-iwak ayak onu emu egemuɔ;
10Ima nsaŋa uto onu Peter, Jemz ma eteghetek oyoeke izighi Jɔhn, omu enu eyo-nnini onu Zebedee enɔŋ ebak ku mkpa-ile. Onu Jisɔs ɔdɔghɔ Saimɔn ogu, “Kubiak ubɨghe-ou, tutu odizim-em ovu agasaŋa ataŋ ayak obok, onu tɔŋɔ ku omu ede-ga, ovu nu oditaŋ enwi ibino edenu mbed omi.”
11Onu kini omu ima ɔkwɔ ayak etiŋi ubo emu edizim izɔŋ, emu eza ovid kpɔ eyak elagha egɔŋ onyi ididinu mbed izighi.
Jisɔs Ogɔk Onwi Akpa-Mvia
(Mattiu 8:1-4; Mark 1:40-45)
12Ogonu ku use gi omu Jisɔs agabak ku uduŋ gi ku ikpighe-n, onwi gi omu ɔgɔlɔŋɔ akpa-mvia agabak non. Kini onyi amagogid Jisɔs, onyi ɔgɔtɔh onji ɔzu ku izɔŋ idiwuɔ ukpono ɔnɔŋ ebeŋe Jisɔs anwam emu, onyi ɔdɔghɔ ogu, “Ɔfɔŋ, mvak ku onogu ovu ɔluŋɔ idinwam mi, ovu okime idinwam mi.”
13Ene, Jisɔs anya ubɔk izighi ɔtɔu onwien ogu, “Ami nyime idigɔk fi, bɔghɔ ɔgɔk-igɔk.” Ku ata ulu-ulu onu akpa-mvia aza onyi ayak.
14Onu Jisɔs ɔnɔ onyi itei ogu, “Ku dɔghɔ onwi sugi zughu ulɔŋɔ ovu ene ede egre-ou. Onu ka uzughu-zughu ku tempul ku Jeruzelem nɔŋ bei ile ovu ka wuɔ ɔkɔuw, yak onyi ɔduŋɔre alagha eneŋere ogid ku ovu ɔbɔghɔ ɔgɔk-igɔk, nɔŋ nɔ ima uwah kpa sughu ibed onu Mozes ɔgɔwɔuw abaŋa ima omu Abazi ene emu ele ku akpamvia etei ene. Ku idine zon, enwi ma evag ku onyi ɔbɔghɔ ɔgɔk-igɔk.”
15Onu etu omu ɔwuɔ ku Jisɔs okime idigɔk ima ɔlɔŋɔ ulɔŋɔ ɔnɔŋ ɔdiɔŋ-ɔdiɔŋ ɔwuɔ. Ku ntak onu ata awak-iwak otu enwi edibono ufine gi idigei inɔŋ ilagha ibɔghɔ ɔgɔk-igɔk isi Onyi ku ima ulɔŋɔ emu.
16Onu Jisɔs ku suŋ-suŋ odighi okuh ile ɔsɔ ayak otu enwi agaluk ku mkpakaŋa-izɔŋ idibɔŋ agam inɔ Abazi.
Jisɔs Alagha-ɔnɔ Ɔnɔŋ Ɔgɔk Onwi Akpa-Ubeŋ
(Mattiu 9:2-8; Mark 2:1-12)
17Ku onuŋ use sughu Jisɔs ekpiek kpɔ, ndizuk ima Farisi ma ima ekpiek-ibed mɔ-nonu egetei. Emu egesi ku nsighi-nsighi uduŋ ku ikpeghe Galilee ma Judea, ma uduŋ Jeruzelem edi. Ene Abazi ɔgɔnɔ onyi ulu idigɔk ima ulɔŋɔ.
18Ku ima ini onu, ndizuk enwi ebei onwi omu ɔgɔlɔŋɔ akpa-ubeŋ ku mkpɨna edi ebine onyi, onu emu egeluŋɔ idibei onyi idinim ku onji onu Jisɔs ku uvɔk omu onyi agabak.
19Sia gu otu enwi egewak eti-eti, emu egegid odighi sughu emekɨme idide onyi iluk ku ɔvɔghɔ uvɔk. Ene, emu eniŋi ɔnyɔŋ ɔgɔgɔ ekpi agai enɔŋ ezɔuw onyi ku mkpɨna izighi efei ku utɨghe-agaraŋ ɔgɔgɔ eyak enim ku uvɔd otu enwien ku onji onu Jisɔs.
20Ku ini Jisɔs ogid ku emu enji mbuɔd-ile ku emu migɔk onwi akpa-ubeŋ onu. Ene onyi ɔdɔghɔ onwien ogu, “Oyoeke, Abazi alagha ɔnɔ vi ku udiɔk-kpɔ ovu.”
21Ima ekpiek-ibed ma ima Farisi etɔŋɔ idigre ku otu ile emu ogu, “Niŋi su onu omu, omu ozughu nsiŋi emiom ma Abazi? Enyin ivak ku onu Abazi kpɔd okɨme idilagha-inɔ enwi ku udiɔk-kpɔ emu.”
22Jisɔs avak su emu egre ku ogid emu, ene onyi obid emu ogu, “Ntak omu evu egre kpɔ su onu-o?
23Onuŋ su onu omi-ile kpɔ ididɔghɔ ‘elagha ku udiɔk-kpɔ ovu enɔ vi’, ma ididɔghɔ, ‘Laghala saŋa?’
24Onu ulagham ma ŋgɔk onwiem man evu edevak ku omi Oyo Onwi, nnji ulu ku izɔŋ idilagha-inɔ enwi ku udiɔk-kpɔ emu.” Jisɔs eliek onji ose onwi onu ɔgɔlɔŋɔ akpa-ubeŋ onu ɔdɔghɔ onyi ogu, “Ami ndɔghɔ vi laghala, bei ŋkpɨna ovu yɔŋ uvɔk ovu.”
25Ku ata ulu-ulu-on, sughu otu enwi ezug ega onji ese onyi, onwien aya ku ɔnyɔŋ, ebei ŋkpana izighi ɔnyɔŋ uvɔk, otro Abazi.
26Ovid enwi omu ebak nonu ebak ku mkpa-ile enɔŋ etɔŋɔ ididɔghɔ ogu, “ufɔŋ onji Abazi.” Sia su emu egegid akpa emu ile, emu edɔghɔ, “Enyin igid mkpɔ mkpa-ile mvin-em!”
Jisɔs Okuh Levi (Mattiu) odinu mbed Isighi
(Mattiu 9:9-13; Mark 2:13-17)
27Ku ima kpɔ onu ama egefei, Jisɔs agasaŋa ku ubien ɔwuɔ, ku odighi onu, onyi ogid ɔbɔghɔ utip omu egetei gu ubiuto izighi. Onyi egegre Levi (Onuŋ enyiŋ izighi ogonu Mattiu). Nonu ku Jisɔs ose onyi ɔnɔŋ ɔdɔghɔ onyi ogu, “Kɔŋ mi, dinu mbed omi!”
28Ene Levi alaghala, ayak uto izighi su ɔbɔghɔ utip, onyi ɔnɔŋ ɔtɔŋɔ idigɔŋ Jisɔs idinu mbed izighi.
29Ene Levi ene okpɨno uzrɔ ŋkilie ku uvɔk izighi idikpino Jisɔs. Awak-iwak ima ɔbɔghɔ utib-ugra ma iki-enwi ima ogu egenɔŋ elie-kpɔ ma emu.
30Ene ndizuk ima Farisi, ma ima ekpiek-ibed ku otu emu egɔn ebaŋa mbed onu Jisɔs. Emu ebid emu, ogu, “Ntak omu evu elie-kpɔ ma ima ɔbɔghɔ utib-ugra ma ima ene-udiɔk-kpɔ?”
31Jisɔs ɔbrɔ ima Farisi ma ukeh ogu, “Ima omu egei ntu-ile eluŋɔ ebɨghe ede ɔgɔk emo-u, onu ima ɔlɔŋɔ-ulɔŋɔ eluŋɔ ebɨghe.
32Ku ukem odighi onu, omi oŋgondi idikinin-inen enwi edigɨbare ogid-ou, onu ŋgundi idiku ima ene-udiɔk-kpɔ edi-gɨbare ogid.”
Ebid Jisɔs Mbid Ebaŋa Utre-Ulie
(Mattiu 9:14-17; Mark 2:18-22)
33Ene, ndizuk enwi ebid Jisɔs ogu, “Ima mbed onu Jɔhn ɔluɔk-onwi-mmɔŋ etre-ulie mbagha-mbagha, elagha ebɔŋ agam. Mbed onu Farisi etre-ulie enɔŋ ebɔŋ agam, onu ntak omu mbed ovu elie elagha enwɔŋ-kpɔ?”
34Jisɔs ɔbrɔ ogu, “Enu nnenen kpɔ idine nzizaŋ onu ebi-nlɔ otre-ulie kini omu ebi-nlɔ ɔzug abak ma emu.”
35Onu use madi omu enwi edibei ebi-nlɔ ibɔghɔ ima nzizaŋ, ku usen, emu ma etei utre-ulie.
36Ene Jisɔs otu onuŋ ukeh ogu: “Onwi etei ekpɨghe uwiak nyava use egɨm edian ku agan use-ou, onogu ene son, emu ma ewak nyava use onu, ndien ŋgo nyava use onu egekpighe ede egɨm edian ku agan onu ma abira.”
37Jisɔs ŋgo ozughu, “ukem-ukem-en, onwi edɔŋ nyava eke-mmih ku agan ugɨm ikpe-ofu-ou; onogu onu su onu, nyava eke-mmih onu ma ofid ofuo ugɨm-en, ndien mmih onu ma agɨba, ndien ugɨm ikpe-ofu ma atak.
38Utuk konu, enwi anasu edɔŋ nyava eke-mmih ku nyava ugɨm ikpe-ofu, ene emu onwi-iba onu ma ena ebuk.
39Onu akpanikwɔ ku enwi omu egewɔŋ udaŋ eke-mmih, kumenji udɔŋ idiluŋɔ nyava-ou; ku onu onyi odidɔghɔ ogu, ‘Udaŋ onu ɔfɔ oke nyava.’”
ទើបបានជ្រើសរើសហើយ៖
Luke 5: ORX
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oro Bible by Beyond Translation is licensed under Creative Commons Attribution-ShareAlike 4.0 License.
