Ma-thi-ơ 25
25
Pn'geh ruk teq u jmơt ur nha rnuônh
1“Khal nei, nggoor trôôk a kươi pn'geh bei jmơt ur nha rnuônh kan đeng han wơơt sai klau.#25:1 sai klau: Knông m'baak plơơp 'bian ti laa sai klau u sai ur.#Lu 12:35. 2Knông nak nei, geh pram dơur kơrlung u pram dơur jhai. 3Bơl dơur kơrlung liêu đeng dôh 'bưn liêu pring n'hai; 4nha bơl dơur jhai liêu đeng u liêu koq dơơm pring pôl. 5Đươm sai klau lôh yơơi mơ leq bơl dơur kot êch bêch u bêch laak. 6Dôh tơt nggơl mang, geh baak khuôl: ‘Tôw, sai klau lôh! Phrui han sot wơơt bu!’ 7Bơl ur nha rnuônh kah bêch u riêp đeng nơơm ri. 8Bơl dơur kơrlung lah n'hai bơl dơur jhai laah: ‘Dan bơl bi cheq aan bơl hei ndêq pring đươm đeng bơl hei dơơh ngơt.’ 9Dôh bơl dơur jhai ơh: ‘'Bưn geh kươt, a kươi 'bưn sơp aan leq bơl hei u bơl bi; klanh huôih, bơl bi han tơt bnih tech pring baah pook.’ 10Dôh plah knông bu han pook, nei sai klau lôh. Bơl bnih ja riêp srap ơơm nei han n'hai sai klau mưt sa kliêr, u ja nei tang teq lpôông. 11Di rbôông kươi, bơl ur nha rnuônh tôw kot lôh, ơh laah: ‘Yau ơi, yau ơi, dan pơơk lpôông aan bơl hei!’ 12Dôh yau nnơơm ơh: ‘Hei lah ngan n'hai bơl 'bei, hei 'bưn gưt bơl 'bei laa 'bơơn laang.’#Lu 13:25. 13Bei nei, phrui kah nhjrang, đươm bơl 'bei 'bưn gưt nar, kot 'bưn gưt bêl.”
Pn'geh ruk teq u pal ta-lơng
(Lu-ka 19:11-27)
14“Khal nei, nggoor trôôk a kươi bei di mbu bnih êch dơơh han troong ngngai, khuôl bơl dêch lôh u ndơơp griêng mlơ nơơm aan bu.#Lu 19:11-27. 15Yau nnơơm ndơơp aan bnih au pram ta-lơng, bnih tôw baar, bnih nday mlơm, di a tênh kmlang đi bnih ri. Ja nei yau nnơơm han. 16Bnih ja pơih pram ta-lơng han drơh lơh jah sot rơq, u kươt top pram ta-lơng dơq. 17Bnih pơih baar ta-lơng kot bei nei đêêl, kươt top baar ta-lơng dơq. 18Dôh, bnih ja pơih di ta-lơng nei han chhir steh u pôn prak nnơơm ri. 19Jook nar khay kươi, yau nnơơm bơl dêch au plơq siq u kơơp sm'bưt n'hai bu. 20Bnih ja pơih pram ta-lơng lôh, liêu pram ta-lơng êêng dơq, u lah: ‘Ơi yau, nnơơm ja ndơơp aan hei pram ta-lơng, au, hei ja lơh rơq top kươt pram ta-lơng dơq.’ 21Yau nnơơm lah n'hai bnih nei: ‘Ơi dêch klanh room u tơt tưt tơt bôl tôw, kươt mơt! 'Bei ja tơt tưt tơt bôl klung kaar dêq, hei a kươi dơih 'bei kan kaar ơk huôih. Phrui mưt tak dơơn broh s'bai n'hai nnơơm 'bei.’ 22Bnih ja pơih baar ta-lơng kot lôh u lah: ‘Ơi nnơơm, nnơơm ja ndơơp aan hei baar ta-lơng, au, hei ja lơh rơq top kươt baar ta-lơng dơq.’ 23Yau nnơơm lah n'hai bnih nei laah: ‘Ơi dêch klanh room u tơt tưt tơt bôl tôw, kươt mơt! 'Bei ja tơt tưt tơt bôl klung kaar dêq, hei a kươi dơih 'bei kan kaar ơk huôih. Phrui mưt tak dơơn broh s'bai n'hai nnơơm 'bei.’ 24Bnih ja pơih di ta-lơng kot lôh u lah: ‘Ơi nnơơm, hei gưt nnơơm laa bnih kreh krap, srut ktôk nơơm 'bưn siêm, kech ktôk nơơm 'bưn brơh; 25mơ hei n'hông u han pôn ta-lơng nnơơm ri a klung steh. Au, dan rmal kươi aan nnơơm ntil ơơn nnơơm ri.’ 26Dôh yau nnơơm ơh laah: ‘Ơi dêch đơơk đaak u jrook tôw! A ngan 'bei gưt laah hei srut ktôk hei 'bưn siêm, u kech ktôk hei 'bưn brơh laang? 27Bei nei, mat jah kươi 'bei phrui ndơơp kaih hei ri aan bơl bnih tech kaih, jah tơt hei plơq siq a kươi pơih leq prak ơơm n'hai prak rơq broih. 28Bei nei, phrui pơih ta-lơng rlach bnih au jah u aan bnih geh jmơt ta-lơng tôw. 29Đươm 'bơơn geh, a kươi aan top jah bu kươt ngroh; dôh 'bơơn 'bưn geh, a kươi dol prap broih leq ntil bu geh nha.#Mat 13:12; Mak 4:25; Lu 8:18. 30Nha bah dêch 'bưn ntil tôw, phrui jang bu sot ktôk jơ ngôw mak gaaih, ktôk nei a kươi geh nhim ngliêng u kap chhêk.’”#Mat 8:12; 22:13; Lu 13:28.
Baak pơrkat ptut kươi
31“Tơt Koon Bnih gôq lôh knông chring chraang nơơm pôl n'hai leq bơl lênh brah, Pang a kươi gôq lơ gơrnôq chring chraang.#Mat 16:27; 19:28. 32Bơl raih a kươi pơrgum di mat Pang; Pang a kươi cheq bu sot bei bnih gwaal cheq bưr u pheh: 33teq bưr mak ma, u pheh mak giêu. 34Plah nei, Snđach a kươi lah n'hai bơl bnih mak ma laah: ‘Ơi bơl bnih kươt Bươp Hei ươn smlaang, phrui lôh dơơn ryơơng nggoor trôôk ja riêp ơơm aan bơl 'bei a bơh tơmbut teh trôôk. 35Đươm Hei nh'hit, bơl 'bei aan Hei sa; Hei nh'hiêr, bơl 'bei aan Hei ôn; Hei laa bnach êêng, bơl 'bei wơơt Hei; 36Hei srôôk srơơi, bơl 'bei dook aan Hei; Hei pơrtanh ji, bơl 'bei pơn ei Hei; Hei gôq khaam, bơl 'bei chah nhjook Hei.’ 37Plah nei, bơl bnih sêch song ơh n'hai Pang: ‘Brah ơi, geh khal êch bơl hei sau Brah nh'hit baah aan sa, sau nh'hiêr baah aan ôn laang? 38Geh khal êch bơl hei sau Brah laa bnach êêng baah wơơt, paich srôôk srơơi baah dook aan Ay laang? 39Paich geh khal êch bơl hei sau Brah pơrtanh ji paich gôq khaam baah chah nhjook Ay laang?’ 40Snđach a kươi ơh laah: ‘Ngan, Hei maanh bơl 'bei, tơt bơl 'bei lơh ntil nei aan mbu bnih 'bưn sơnơ đat knông bơl oh bi au Hei ri, nei laa ja lơh aan Hei.’
41Gêêng nei, Pang lah n'hai bơl bnih a mak giêu laah: ‘Ơi bơl dol pơđaai, phrui rônh sot rlach Hei, han mưt u ôinh yoot yôw ja riêp ơơm aan snđach chaak u bơl lênh brah tênh bu. 42Đươm Hei nh'hit, bơl 'bei 'bưn aan Hei sa; Hei nh'hiêr, bơl 'bei 'bưn aan Hei ôn; 43Hei laa bnach êêng, bơl 'bei 'bưn wơơt Hei; Hei srôôk srơơi, bơl 'bei 'bưn dook aan Hei; Hei pơrtanh ji u gôq khaam, bơl 'bei 'bưn chah nhjook Hei.’ 44Plah nei, bơl bnih au kot ơh baak: ‘Brah ơi, geh khal êch bơl hei sau Brah nh'hit, paich nh'hiêr, paich laa bnach êêng, paich srôôk srơơi, paich pơrtanh ji, paich gôq khaam baah 'bưn lơh kaar Ay laang?’ 45Pang a kươi ơh lơơi laah: ‘Ngan, Hei maanh bơl 'bei, tơt bơl 'bei 'bưn lơh ntil nei aan mbu bnih 'bưn sơnơ đat knông bơl bnih au, nei laa bơl 'bei ja 'bưn lơh aan Hei.’ 46Ja nei bơl au a kươi mưt ktôk phaat yoot yôw, nha bơl bnih sêch song a kươi kươt mưt baak rêh yoot yôw.”
ទើបបានជ្រើសរើសហើយ៖
Ma-thi-ơ 25: SBL2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Ma-thi-ơ 25
25
Pn'geh ruk teq u jmơt ur nha rnuônh
1“Khal nei, nggoor trôôk a kươi pn'geh bei jmơt ur nha rnuônh kan đeng han wơơt sai klau.#25:1 sai klau: Knông m'baak plơơp 'bian ti laa sai klau u sai ur.#Lu 12:35. 2Knông nak nei, geh pram dơur kơrlung u pram dơur jhai. 3Bơl dơur kơrlung liêu đeng dôh 'bưn liêu pring n'hai; 4nha bơl dơur jhai liêu đeng u liêu koq dơơm pring pôl. 5Đươm sai klau lôh yơơi mơ leq bơl dơur kot êch bêch u bêch laak. 6Dôh tơt nggơl mang, geh baak khuôl: ‘Tôw, sai klau lôh! Phrui han sot wơơt bu!’ 7Bơl ur nha rnuônh kah bêch u riêp đeng nơơm ri. 8Bơl dơur kơrlung lah n'hai bơl dơur jhai laah: ‘Dan bơl bi cheq aan bơl hei ndêq pring đươm đeng bơl hei dơơh ngơt.’ 9Dôh bơl dơur jhai ơh: ‘'Bưn geh kươt, a kươi 'bưn sơp aan leq bơl hei u bơl bi; klanh huôih, bơl bi han tơt bnih tech pring baah pook.’ 10Dôh plah knông bu han pook, nei sai klau lôh. Bơl bnih ja riêp srap ơơm nei han n'hai sai klau mưt sa kliêr, u ja nei tang teq lpôông. 11Di rbôông kươi, bơl ur nha rnuônh tôw kot lôh, ơh laah: ‘Yau ơi, yau ơi, dan pơơk lpôông aan bơl hei!’ 12Dôh yau nnơơm ơh: ‘Hei lah ngan n'hai bơl 'bei, hei 'bưn gưt bơl 'bei laa 'bơơn laang.’#Lu 13:25. 13Bei nei, phrui kah nhjrang, đươm bơl 'bei 'bưn gưt nar, kot 'bưn gưt bêl.”
Pn'geh ruk teq u pal ta-lơng
(Lu-ka 19:11-27)
14“Khal nei, nggoor trôôk a kươi bei di mbu bnih êch dơơh han troong ngngai, khuôl bơl dêch lôh u ndơơp griêng mlơ nơơm aan bu.#Lu 19:11-27. 15Yau nnơơm ndơơp aan bnih au pram ta-lơng, bnih tôw baar, bnih nday mlơm, di a tênh kmlang đi bnih ri. Ja nei yau nnơơm han. 16Bnih ja pơih pram ta-lơng han drơh lơh jah sot rơq, u kươt top pram ta-lơng dơq. 17Bnih pơih baar ta-lơng kot bei nei đêêl, kươt top baar ta-lơng dơq. 18Dôh, bnih ja pơih di ta-lơng nei han chhir steh u pôn prak nnơơm ri. 19Jook nar khay kươi, yau nnơơm bơl dêch au plơq siq u kơơp sm'bưt n'hai bu. 20Bnih ja pơih pram ta-lơng lôh, liêu pram ta-lơng êêng dơq, u lah: ‘Ơi yau, nnơơm ja ndơơp aan hei pram ta-lơng, au, hei ja lơh rơq top kươt pram ta-lơng dơq.’ 21Yau nnơơm lah n'hai bnih nei: ‘Ơi dêch klanh room u tơt tưt tơt bôl tôw, kươt mơt! 'Bei ja tơt tưt tơt bôl klung kaar dêq, hei a kươi dơih 'bei kan kaar ơk huôih. Phrui mưt tak dơơn broh s'bai n'hai nnơơm 'bei.’ 22Bnih ja pơih baar ta-lơng kot lôh u lah: ‘Ơi nnơơm, nnơơm ja ndơơp aan hei baar ta-lơng, au, hei ja lơh rơq top kươt baar ta-lơng dơq.’ 23Yau nnơơm lah n'hai bnih nei laah: ‘Ơi dêch klanh room u tơt tưt tơt bôl tôw, kươt mơt! 'Bei ja tơt tưt tơt bôl klung kaar dêq, hei a kươi dơih 'bei kan kaar ơk huôih. Phrui mưt tak dơơn broh s'bai n'hai nnơơm 'bei.’ 24Bnih ja pơih di ta-lơng kot lôh u lah: ‘Ơi nnơơm, hei gưt nnơơm laa bnih kreh krap, srut ktôk nơơm 'bưn siêm, kech ktôk nơơm 'bưn brơh; 25mơ hei n'hông u han pôn ta-lơng nnơơm ri a klung steh. Au, dan rmal kươi aan nnơơm ntil ơơn nnơơm ri.’ 26Dôh yau nnơơm ơh laah: ‘Ơi dêch đơơk đaak u jrook tôw! A ngan 'bei gưt laah hei srut ktôk hei 'bưn siêm, u kech ktôk hei 'bưn brơh laang? 27Bei nei, mat jah kươi 'bei phrui ndơơp kaih hei ri aan bơl bnih tech kaih, jah tơt hei plơq siq a kươi pơih leq prak ơơm n'hai prak rơq broih. 28Bei nei, phrui pơih ta-lơng rlach bnih au jah u aan bnih geh jmơt ta-lơng tôw. 29Đươm 'bơơn geh, a kươi aan top jah bu kươt ngroh; dôh 'bơơn 'bưn geh, a kươi dol prap broih leq ntil bu geh nha.#Mat 13:12; Mak 4:25; Lu 8:18. 30Nha bah dêch 'bưn ntil tôw, phrui jang bu sot ktôk jơ ngôw mak gaaih, ktôk nei a kươi geh nhim ngliêng u kap chhêk.’”#Mat 8:12; 22:13; Lu 13:28.
Baak pơrkat ptut kươi
31“Tơt Koon Bnih gôq lôh knông chring chraang nơơm pôl n'hai leq bơl lênh brah, Pang a kươi gôq lơ gơrnôq chring chraang.#Mat 16:27; 19:28. 32Bơl raih a kươi pơrgum di mat Pang; Pang a kươi cheq bu sot bei bnih gwaal cheq bưr u pheh: 33teq bưr mak ma, u pheh mak giêu. 34Plah nei, Snđach a kươi lah n'hai bơl bnih mak ma laah: ‘Ơi bơl bnih kươt Bươp Hei ươn smlaang, phrui lôh dơơn ryơơng nggoor trôôk ja riêp ơơm aan bơl 'bei a bơh tơmbut teh trôôk. 35Đươm Hei nh'hit, bơl 'bei aan Hei sa; Hei nh'hiêr, bơl 'bei aan Hei ôn; Hei laa bnach êêng, bơl 'bei wơơt Hei; 36Hei srôôk srơơi, bơl 'bei dook aan Hei; Hei pơrtanh ji, bơl 'bei pơn ei Hei; Hei gôq khaam, bơl 'bei chah nhjook Hei.’ 37Plah nei, bơl bnih sêch song ơh n'hai Pang: ‘Brah ơi, geh khal êch bơl hei sau Brah nh'hit baah aan sa, sau nh'hiêr baah aan ôn laang? 38Geh khal êch bơl hei sau Brah laa bnach êêng baah wơơt, paich srôôk srơơi baah dook aan Ay laang? 39Paich geh khal êch bơl hei sau Brah pơrtanh ji paich gôq khaam baah chah nhjook Ay laang?’ 40Snđach a kươi ơh laah: ‘Ngan, Hei maanh bơl 'bei, tơt bơl 'bei lơh ntil nei aan mbu bnih 'bưn sơnơ đat knông bơl oh bi au Hei ri, nei laa ja lơh aan Hei.’
41Gêêng nei, Pang lah n'hai bơl bnih a mak giêu laah: ‘Ơi bơl dol pơđaai, phrui rônh sot rlach Hei, han mưt u ôinh yoot yôw ja riêp ơơm aan snđach chaak u bơl lênh brah tênh bu. 42Đươm Hei nh'hit, bơl 'bei 'bưn aan Hei sa; Hei nh'hiêr, bơl 'bei 'bưn aan Hei ôn; 43Hei laa bnach êêng, bơl 'bei 'bưn wơơt Hei; Hei srôôk srơơi, bơl 'bei 'bưn dook aan Hei; Hei pơrtanh ji u gôq khaam, bơl 'bei 'bưn chah nhjook Hei.’ 44Plah nei, bơl bnih au kot ơh baak: ‘Brah ơi, geh khal êch bơl hei sau Brah nh'hit, paich nh'hiêr, paich laa bnach êêng, paich srôôk srơơi, paich pơrtanh ji, paich gôq khaam baah 'bưn lơh kaar Ay laang?’ 45Pang a kươi ơh lơơi laah: ‘Ngan, Hei maanh bơl 'bei, tơt bơl 'bei 'bưn lơh ntil nei aan mbu bnih 'bưn sơnơ đat knông bơl bnih au, nei laa bơl 'bei ja 'bưn lơh aan Hei.’ 46Ja nei bơl au a kươi mưt ktôk phaat yoot yôw, nha bơl bnih sêch song a kươi kươt mưt baak rêh yoot yôw.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.