Ma-thi-ơ 24
24
Tơmbơh baak noor teq u baak lơh rlơm Jê-ru-sa-lem
(Mak 13:1-31; Lu-ka 21:5-33)
1Tơt Brah Jê-sus plah sot rlach nhi r'bưn, bơl jơrnơ lôh dơơh chong aan Pang mơq pal kaar sun moon nhi r'bưn ri. 2Pang lah: “Bơl 'bei mơq sau leq sêch pal ntil au hơơi 'bưn rêêh? A ngan, Hei maanh bơl 'bei, ktôk au a kươi 'bưn nha di graap tmau êch kơơl lơ graap tmau nday baah 'bưn dol ha pling.”
3Tơt Pang plah gôq lơ bnơm Ô-liu, bơl jơrnơ lôh ôp êêng Pang laah: “Dan Yau mor aan bơl hei gưt khal êch kaar nei a kươi lôh tơt, u geh mbich mbơơi ơơn tơmbơh noor teq u baak plơq kươi Yau ri u tơt jơl ptut?” 4Brah Jê-sus ơh: “Phrui nhjrang, khơơm teq 'bơơn kơhok lhiat bơl 'bei. 5Đươm geh ơk bơl a kươi lhiat lah saak Hei lôh baah mor laah: ‘Hei laa Yaang Krist’ u a kươi kơhok lhiat ơk bnih nha. 6Bơl 'bei a kươi ttang teq u talơh tapanh u lư baak teq u talơh tapanh. Phrui bơl 'bei njrang, khơơm rhơq rpơq! Đươm kaar au phrui lôh tơt, dôh ndah phrui laa ptut ơơm. 7Đươm raih au a kươi kn'hao wal n'hai raih nday, daak ti ta wal daak tôw; nh'hit pngot, rlơm teh#24:7 nh'hit pngot, rlơm teh: Knông m'baak plơơp 'bian ti laa pơrtanh praach, nh'hit pngot, rlơm teh. a kươi lôh tơt a ơk ktôk. 8Leq sêch pal ntil au dơơn laa ptơơm baak ji êch dơơh deh. 9Tơt nei, bu nday a kươi ndơơp bơl 'bei, lơh bơl 'bei dol r'baak u lưm chhưt bơl 'bei; bơl 'bei a kươi dol jôm raih bal a kiêr đươm saak Hei.#Mat 10:22. 10Bei au, ơk bnih a kươi a kơq, ta ndun tơrnang nơơm, kiêr tơrnang nơơm. 11Ơk bơl grnưt noor lhiat a kươi lôh sot u kơhok lhiat ơk bnih. 12U đươm dôih ap ơk huôih, mơ chưt êch srlanh ơk bnih ri a kươi saap reet. 13Dôh 'bơơn jap chưt aan tơt ptut, nei a kươi kươt đoh.#Mat 10:22. 14Baak Sroong Klanh teq u nggoor Brah Ưn a kươi kươt chhuôr rlum teh jah lơh ndraanh aan bơl raih; bei au, baak ptut a kươi lôh.
15Tơt bơl 'bei sau ntil jrơơk jrơơm dơih tu Ktôk Jrah baah rook but abrơh abrah leq, bei baak grnưt noor Đa-ni-ên ja mor ('bơơn chôôl phrui gưt), 16nei 'bơơn gôq klung kwaal Ju-đê, phrui kup hao bnơm; 17'bơơn a lơ kmbung nhi, khơơm jưr tur griêng grau knông nhi;#Lu 17:31. 18'bơơn a srei, khơơm plơq siq pơih ao ryoq. 19Klung pal nar nei, ji rngiêl aan dơur mbưn u bơl mei nha aan koon oq! 20Phrui r'bon dan jah bơl 'bei 'bưn geh tuôt kup teq u khal chaal puh paich teq u nar sa-'bat; 21đươm plah nei a kươi geh r'baak tih, lôh a ptơơm tơmbut tơt khal au ndah geh ơơm, u teq u kươi kot 'bưn khal êch geh bei nei.#Pơơk 7:14. 22Mơq pal nar nei 'bưn rưt gleh nei 'bưn geh di mbu 'bơơn kươt đoh; dôh đươm bơl bnih kươt sach mơ pal nar nei a kươi kươt rưt gleh.
23Khal nei, mơq geh 'bơơn mor n'hai bơl 'bei laah: ‘Tôw, Yaang Krist a au!’ paich ‘Pang a tôw!’ nei khơơm jơ. 24Đươm bơl lhiat saak Yaang Krist u bơl grnưt noor lhiat a kươi lôh sot; u bơl bu lơh ơk chmlih chmleek, r'bon r'bian ttih jah kơhok lhiat; u mơq awap kươt, bơl nei kơhok lhiat leq bơl bnih kươt sach. 25Au, Hei ja mor noor aan bơl 'bei hơơi. 26Đươm nei, mơq bu maanh bơl 'bei laah: ‘Tôw, Pang a knông trenh sngat’ nei khơơm lôh; ‘tôw, Pang a knông nhi’ nei khơơm jơ. 27Đươm bei kao liêk ksat a mak nar kơơt, 'bliêk aang tơt mak nar nhơp bei êch, nei Koon Bnih a kươi kot lôh bei nei.#Lu 17:23-24.
28Kơmôich chhưt a êch, pi klaang rum a nei.#Lu 17:37. 29Kơndaal di kươi pal nar r'baak nei,
Mat nar a kươi jơ ngôw,
Mat khay a kươi 'bưn yơr aang,
Pal smanh a kươi tup a trôôk ti đau,
U pal kmheng lơ trôôk a kươi dol luônh lơgơh.#6:12-13.
30Khal nei, chmlih chmleek Koon Bnih ri a kươi lôh sot a lơ trôôk, jôm raih a swich teh a kươi nhim ngliêng, u a kươi sau Koon Bnih pơih kmheng ttih a sroh ttih gôq lơ nduq trôôk pa lôh.#Pơơk 1:7. 31Pang a kươi maanh lênh brah nơơm nhôq baak kmbuôt khưt khưng jah pơrgum bơl bnih kươt sach a rlum puôn bôh play teh, a ptut trôôk au tơt ptut trôôk tôw.
32Phrui riên baak riên tơơm lwi: Tơt bling mhei lôh kmuôn, sơơp lla nei bơl 'bei gưt khal waai dơơh lôh. 33Kot bei nei, tơt bơl 'bei sau leq sêch pal ntil au nei gưt laah Koon Bnih êch dơơh lôh,#24:33 Koon Bnih êch dơơh lôh: Paich laa ntil nei ja êch dơơh lôh. kơndaal bei a bôôk lpôông. 34A ngan, Hei lah bơl 'bei, klap au a kươi 'bưn han rlach aan tơt khal jôm ntil nei lôh tơt. 35Teh trôôk a kươi han rlach, dôh baak Hei lah a kươi 'bưn khal êch han rlach laang.”
'Bưn geh 'bơơn gưt kươt nar Brah plơq kươi
(Mak 13:32-37; Lu-ka 17:26-30,34-36)
36“Nha teq u nar u bêl nei 'bưn geh 'bơơn gưt kươt, leq bơl lênh brah lơ trôôk paich laa Koon kot bei nei,#24:36 paich laa Koon kot bei nei: Knông m'baak plơơp 'bian ti 'bưn geh pal sêr au. dơơn di mbu Bươp ei gưt. 37Bei knông klap Nô-ê bei êch nei klap Koon Bnih lôh kot bei nei. 38Knông pal nar di mat daak loh, bơl bu sôông, sa, ruôt, kliêr, aan tơt nar Nô-ê mưt u sbau; 39bu 'bưn gưt ơơn leq aan tơt jơl daak loh lôh u a truôi leq sêch. Tơt Koon Bnih lôh a kươi kot bei nei. 40Plah nei, geh baar du klau a srei: di mbu kươt liêu han, di mbu dol teq kươi; 41geh baar du dơur plah peh ba: di mbu kươt liêu han, di mbu dol teq a kươi. 42Bei nei, phrui kah rngeh, đươm bơl 'bei 'bưn gưt nar#24:42 nar: Knông m'baak plơơp 'bian ti laa bêl. êch Brah bơn a kươi lôh.
43Phrui gưt ntil au, mơq nnơơm nhi gưt rngal êch bơl ttung lôh nei a kươi kah nhjrang, 'bưn teq bu mưt klung nhi nơơm. 44Bei nei, bơl 'bei kot phrui riêp srap, đươm Koon Bnih lôh knông bêl bơl 'bei 'bưn nggưl.#Lu 12:39-40. 45'Bơơn laa dêch tơt tưt tơt bôl u gưt jhai, kươt nnơơm ndơơp kan krai nhi nơơm jah tacheq griêng sa dip bêl? 46Smlaang aan dêch nei, tơt yau nnơơm lôh sau lơh bei nei! 47A ngan, Hei lah bơl 'bei, yau nnơơm a kươi ndơơp aan dêch nei kan krai leq sêch griêng mlơ nơơm ri. 48Dôh mơq laa dêch đơơk đaak, bu gênh ruk laah: ‘Yau nnơơm hei ndah siq kơndaal ơơm;’ 49ja nei ptơơm pơm sơmboong bơl gnasaal pôl lơh dêch bei nơơm, u sôông sa n'hai bơl bnhưl bih. 50Yau nnơơm a kươi lôh knông nar bu 'bưn nggưl, knông bêl bu 'bưn gưt, 51phaat bu jjơk mơt, u aan bu dol pôl nak rêh n'hai bơl pưl baar taap a ktôk a kươi geh nhim ngliêng u kap chhêk.”
ទើបបានជ្រើសរើសហើយ៖
Ma-thi-ơ 24: SBL2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Ma-thi-ơ 24
24
Tơmbơh baak noor teq u baak lơh rlơm Jê-ru-sa-lem
(Mak 13:1-31; Lu-ka 21:5-33)
1Tơt Brah Jê-sus plah sot rlach nhi r'bưn, bơl jơrnơ lôh dơơh chong aan Pang mơq pal kaar sun moon nhi r'bưn ri. 2Pang lah: “Bơl 'bei mơq sau leq sêch pal ntil au hơơi 'bưn rêêh? A ngan, Hei maanh bơl 'bei, ktôk au a kươi 'bưn nha di graap tmau êch kơơl lơ graap tmau nday baah 'bưn dol ha pling.”
3Tơt Pang plah gôq lơ bnơm Ô-liu, bơl jơrnơ lôh ôp êêng Pang laah: “Dan Yau mor aan bơl hei gưt khal êch kaar nei a kươi lôh tơt, u geh mbich mbơơi ơơn tơmbơh noor teq u baak plơq kươi Yau ri u tơt jơl ptut?” 4Brah Jê-sus ơh: “Phrui nhjrang, khơơm teq 'bơơn kơhok lhiat bơl 'bei. 5Đươm geh ơk bơl a kươi lhiat lah saak Hei lôh baah mor laah: ‘Hei laa Yaang Krist’ u a kươi kơhok lhiat ơk bnih nha. 6Bơl 'bei a kươi ttang teq u talơh tapanh u lư baak teq u talơh tapanh. Phrui bơl 'bei njrang, khơơm rhơq rpơq! Đươm kaar au phrui lôh tơt, dôh ndah phrui laa ptut ơơm. 7Đươm raih au a kươi kn'hao wal n'hai raih nday, daak ti ta wal daak tôw; nh'hit pngot, rlơm teh#24:7 nh'hit pngot, rlơm teh: Knông m'baak plơơp 'bian ti laa pơrtanh praach, nh'hit pngot, rlơm teh. a kươi lôh tơt a ơk ktôk. 8Leq sêch pal ntil au dơơn laa ptơơm baak ji êch dơơh deh. 9Tơt nei, bu nday a kươi ndơơp bơl 'bei, lơh bơl 'bei dol r'baak u lưm chhưt bơl 'bei; bơl 'bei a kươi dol jôm raih bal a kiêr đươm saak Hei.#Mat 10:22. 10Bei au, ơk bnih a kươi a kơq, ta ndun tơrnang nơơm, kiêr tơrnang nơơm. 11Ơk bơl grnưt noor lhiat a kươi lôh sot u kơhok lhiat ơk bnih. 12U đươm dôih ap ơk huôih, mơ chưt êch srlanh ơk bnih ri a kươi saap reet. 13Dôh 'bơơn jap chưt aan tơt ptut, nei a kươi kươt đoh.#Mat 10:22. 14Baak Sroong Klanh teq u nggoor Brah Ưn a kươi kươt chhuôr rlum teh jah lơh ndraanh aan bơl raih; bei au, baak ptut a kươi lôh.
15Tơt bơl 'bei sau ntil jrơơk jrơơm dơih tu Ktôk Jrah baah rook but abrơh abrah leq, bei baak grnưt noor Đa-ni-ên ja mor ('bơơn chôôl phrui gưt), 16nei 'bơơn gôq klung kwaal Ju-đê, phrui kup hao bnơm; 17'bơơn a lơ kmbung nhi, khơơm jưr tur griêng grau knông nhi;#Lu 17:31. 18'bơơn a srei, khơơm plơq siq pơih ao ryoq. 19Klung pal nar nei, ji rngiêl aan dơur mbưn u bơl mei nha aan koon oq! 20Phrui r'bon dan jah bơl 'bei 'bưn geh tuôt kup teq u khal chaal puh paich teq u nar sa-'bat; 21đươm plah nei a kươi geh r'baak tih, lôh a ptơơm tơmbut tơt khal au ndah geh ơơm, u teq u kươi kot 'bưn khal êch geh bei nei.#Pơơk 7:14. 22Mơq pal nar nei 'bưn rưt gleh nei 'bưn geh di mbu 'bơơn kươt đoh; dôh đươm bơl bnih kươt sach mơ pal nar nei a kươi kươt rưt gleh.
23Khal nei, mơq geh 'bơơn mor n'hai bơl 'bei laah: ‘Tôw, Yaang Krist a au!’ paich ‘Pang a tôw!’ nei khơơm jơ. 24Đươm bơl lhiat saak Yaang Krist u bơl grnưt noor lhiat a kươi lôh sot; u bơl bu lơh ơk chmlih chmleek, r'bon r'bian ttih jah kơhok lhiat; u mơq awap kươt, bơl nei kơhok lhiat leq bơl bnih kươt sach. 25Au, Hei ja mor noor aan bơl 'bei hơơi. 26Đươm nei, mơq bu maanh bơl 'bei laah: ‘Tôw, Pang a knông trenh sngat’ nei khơơm lôh; ‘tôw, Pang a knông nhi’ nei khơơm jơ. 27Đươm bei kao liêk ksat a mak nar kơơt, 'bliêk aang tơt mak nar nhơp bei êch, nei Koon Bnih a kươi kot lôh bei nei.#Lu 17:23-24.
28Kơmôich chhưt a êch, pi klaang rum a nei.#Lu 17:37. 29Kơndaal di kươi pal nar r'baak nei,
Mat nar a kươi jơ ngôw,
Mat khay a kươi 'bưn yơr aang,
Pal smanh a kươi tup a trôôk ti đau,
U pal kmheng lơ trôôk a kươi dol luônh lơgơh.#6:12-13.
30Khal nei, chmlih chmleek Koon Bnih ri a kươi lôh sot a lơ trôôk, jôm raih a swich teh a kươi nhim ngliêng, u a kươi sau Koon Bnih pơih kmheng ttih a sroh ttih gôq lơ nduq trôôk pa lôh.#Pơơk 1:7. 31Pang a kươi maanh lênh brah nơơm nhôq baak kmbuôt khưt khưng jah pơrgum bơl bnih kươt sach a rlum puôn bôh play teh, a ptut trôôk au tơt ptut trôôk tôw.
32Phrui riên baak riên tơơm lwi: Tơt bling mhei lôh kmuôn, sơơp lla nei bơl 'bei gưt khal waai dơơh lôh. 33Kot bei nei, tơt bơl 'bei sau leq sêch pal ntil au nei gưt laah Koon Bnih êch dơơh lôh,#24:33 Koon Bnih êch dơơh lôh: Paich laa ntil nei ja êch dơơh lôh. kơndaal bei a bôôk lpôông. 34A ngan, Hei lah bơl 'bei, klap au a kươi 'bưn han rlach aan tơt khal jôm ntil nei lôh tơt. 35Teh trôôk a kươi han rlach, dôh baak Hei lah a kươi 'bưn khal êch han rlach laang.”
'Bưn geh 'bơơn gưt kươt nar Brah plơq kươi
(Mak 13:32-37; Lu-ka 17:26-30,34-36)
36“Nha teq u nar u bêl nei 'bưn geh 'bơơn gưt kươt, leq bơl lênh brah lơ trôôk paich laa Koon kot bei nei,#24:36 paich laa Koon kot bei nei: Knông m'baak plơơp 'bian ti 'bưn geh pal sêr au. dơơn di mbu Bươp ei gưt. 37Bei knông klap Nô-ê bei êch nei klap Koon Bnih lôh kot bei nei. 38Knông pal nar di mat daak loh, bơl bu sôông, sa, ruôt, kliêr, aan tơt nar Nô-ê mưt u sbau; 39bu 'bưn gưt ơơn leq aan tơt jơl daak loh lôh u a truôi leq sêch. Tơt Koon Bnih lôh a kươi kot bei nei. 40Plah nei, geh baar du klau a srei: di mbu kươt liêu han, di mbu dol teq kươi; 41geh baar du dơur plah peh ba: di mbu kươt liêu han, di mbu dol teq a kươi. 42Bei nei, phrui kah rngeh, đươm bơl 'bei 'bưn gưt nar#24:42 nar: Knông m'baak plơơp 'bian ti laa bêl. êch Brah bơn a kươi lôh.
43Phrui gưt ntil au, mơq nnơơm nhi gưt rngal êch bơl ttung lôh nei a kươi kah nhjrang, 'bưn teq bu mưt klung nhi nơơm. 44Bei nei, bơl 'bei kot phrui riêp srap, đươm Koon Bnih lôh knông bêl bơl 'bei 'bưn nggưl.#Lu 12:39-40. 45'Bơơn laa dêch tơt tưt tơt bôl u gưt jhai, kươt nnơơm ndơơp kan krai nhi nơơm jah tacheq griêng sa dip bêl? 46Smlaang aan dêch nei, tơt yau nnơơm lôh sau lơh bei nei! 47A ngan, Hei lah bơl 'bei, yau nnơơm a kươi ndơơp aan dêch nei kan krai leq sêch griêng mlơ nơơm ri. 48Dôh mơq laa dêch đơơk đaak, bu gênh ruk laah: ‘Yau nnơơm hei ndah siq kơndaal ơơm;’ 49ja nei ptơơm pơm sơmboong bơl gnasaal pôl lơh dêch bei nơơm, u sôông sa n'hai bơl bnhưl bih. 50Yau nnơơm a kươi lôh knông nar bu 'bưn nggưl, knông bêl bu 'bưn gưt, 51phaat bu jjơk mơt, u aan bu dol pôl nak rêh n'hai bơl pưl baar taap a ktôk a kươi geh nhim ngliêng u kap chhêk.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.