Ma-thi-ơ 18
18
Baak prêh thlay ngan
(Mak 9:33-37; Lu-ka 9:46-48)
1Plah nei bơl jơrnơ lôh ôp Brah Jê-sus laah: “'Bơơn laa bnih prêh thlay huôih leq knông nggoor trôôk?”#Lu 22:24. 2Pang khuôl di mbu koon drêên lôh, jah ta yoong klung bơl jơrnơ 3u lah: “A ngan, Hei maanh bơl 'bei, mơq bơl 'bei 'bưn tơh gơl u but bei koon ksei, bơl 'bei a kươi 'bưn khal êch kươt mưt nggoor trôôk laang.#Mak 10:15; Lu 18:17. 4Bei nei, bnih êch krich chhak bei koon drêên au a kươi laa bnih prêh thlay huôih leq knông nggoor trôôk. 5Nha 'bơơn đươm saak Hei wơơt di mbu koon drêên bei au nei laa wơơt Hei; 6dôh 'bơơn rook aan di mbu knông bơl koon drêên ja jơ Hei a kơq teq u dôih 'baap nei n'hop n'hal kơt paal tmau teq u kôw bnih nei, baah jang u daak rmưt jru huôih nha.”
Dôih rook trơnih
(Mak 9:43-48; Lu-ka 17:1,2)
7“Ji rngiêl aan swich teh teq u pal ntil rook aan trơnih! Đươm pal ntil rook aan trơnih nei ngan phrui geh, dôh ji rngiêl aan 'bơơn laa bơl rook trơnih! 8Mơq ti paich jơng 'bei rook aan 'bei geh dôih, phrui paang u jang bu ơơi! Đươm 'bei n'hop n'hal chook jơng paich lưt ti baah mưt baak rêh, nha huôih laa sơp leq baar ti, baar jơng baah dol jang mưt u ôinh yoot yôw.#Mat 5:30. 9Mơq mat 'bei rook aan 'bei geh dôih, phrui glach u jang bu ơơi! Đươm n'hop n'hal 'bei khuich di mat baah mưt baak rêh, nha huôih sơp leq baar mat baah dol jang mưt u gưndrung ôinh.”#Mat 5:29.
Pn'geh ruk teq u bưr tơrlêêng
(Lu-ka 15:3-7)
10“Phrui njrang, khơơm mơq 'baih di mbu 'bơơn knông bơl koon drêên au! Đươm Hei maanh bơl 'bei, bơl lênh brah bơl bu ri a lơ trôôk sau yoot mat Bươp Hei laa Yaang a lơ trôôk.#Lu 19:10. 11[Đươm Koon Bnih ja lôh đoh bơl dol saap luôch.]#18:11 Knông m'baak plơơp 'bian ti 'bưn geh ndroong 11. 12Bơl 'bei gênh a hay? Mơq di mbu bnih geh di riêng pi bưr baah di mlơm dol tơrlêêng, nei bnih nei 'bưn teq sưn jơt sưn koon lơơi lơ bnơm u han wơng koon dol tơrlêêng laang? 13Ngan, Hei maanh bơl 'bei, mơq bnih nei wơng kươt nei a kươi broh s'bai teq u koon nei huôih sưn jơt sưn koon 'bưn tơrlêêng. 14Kot bei nei, Bươp bơl 'bei#18:14 M'baak sm'bưt nday laa: Bươp Hei. a lơ trôôk 'bưn êch mbu 'bơơn knông bơl koon drêên au dol khuich saap.”
Ndroong gôq rêh n'hai oh bi lơh 'baap
15“Mơq oh bi 'bei geh tih [n'hai 'bei],#18:15 n'hai 'bei: Knông m'baak plơơp 'bian ti 'bưn geh pal sêr au. phrui mơp êêng u mor aan bnih nei gưt ntil nei. Mơq bnih nei dol iat nei 'bei kươt kươi oh bi.#Lu 17:3. 16Dôh mơq bnih nei 'bưn dol iat nei phrui liêu mbu paich baar ndu han u koon, jah chhing teq u baak baar paich pei du ndraanh ri baah jôm baak kươt laa dip. 17Mơq bnih nei nha 'bưn dol iat bơl bnih au nei phrui tơmbơh aan Phung Jrah; u mơq bnih nei 'bưn dol iat Phung Jrah phrui mơq bu nei bei raih agaih u bei bơl nhôq prak. 18Ngan, Hei maanh bơl 'bei, mơq ntil ơơn bơl 'bei kơt a teh a kươi kot dol kơt a lơ trôôk; u ntil ơơn bơl 'bei pơơk a teh a kươi kot kươt pơơk a lơ trôôk.#Mat 16:19; Ja 20:23. 19Hei kươi maanh bơl 'bei, mơq baar du knông bơl 'bei ta sruôl rnđêch ta n'hai a teh baah r'bon dan paich ntil ơơn nei Bươp Hei a lơ trôôk a kươi ươn aan bu. 20Đươm ktôk êch geh baar, pei ndu tơmoh chhak Hei pơrgum pôl nei Hei a kươi gôq klung bu.”
Pn'geh ruk teq u dêch 'bưn ta krôih.
21Plah nei, Phi-e-rơ lôh dơơh Brah Jê-sus u ôp: “Ơi Brah, mơq oh bi hei lơh 'baap n'hai hei nei hei a kươi ta krôih aan bu pal wưt? Geh dip tơt poh wưt pan?”#Lu 17:3-4. 22Pang ơh: “Hei 'bưn lah n'hai 'bei dơơn poh wưt laang, dôh laa poh jơt wưt poh. #18:22 poh jơt wưt poh: Paich laa poh jơt poh wưt (mơq Ptơơm 4:24). #4:24.
23Bei nei mơ, nggoor trôôk pn'geh bei yau snđach tôw êch kơơp sm'bưt sn'aam knđi n'hai bơl dêch nơơm ri. 24Tơt snđach ptơơm mơq kươi sm'bưt sn'aam knđi, bu nday liêu lôh aan snđach di mbu knđi snđach jmơt ban ta-lơng.#18:24 ta-lơng: Di ta-lơng drơơl prak kaar di mbu bnih lơh kaar knông jmơt pram snam. 25Đươm bnih nei 'bưn geh ơơn jah kah mơ snđach maanh tech bnih, sai ur koon u leq sêch griêng mlơ, jah kah knđi. 26Bnih dêch kơltut jưr dan jjuh: ‘Ơi brah, dan aan hei jook ndêq nei hei a kươi kah leq!’ 27Snđach gmaak srlanh, krôih bnih nei siq u krôih knđi. 28Dôh tơt dêch nei sot siq, mơp di mbu gnasaal knđi nơơm bu di riêng đơ-ni-ê#18:28 đơ-ni-ê: Di đơ-ni-ê drơơl n'hai prak lơh kaar di nar. nei dơp pơih kôw u lah: ‘Phrui kah leq knđi ơơi.’ 29Gnasaal kơltut jưr, jjuh leh: ‘dan aan hei jook ndêq nei hei a kươi kah aan bi.’ 30Dôh bnih au 'bưn dol, khang nhôp gnasaal teq khaam aan tơt khal kah leq knđi. 31Bơl gnasaal nday sau bei nei chhong đat, lôh chhuôr kươi n'hai snđach jôm kaar ja lôh tơt. 32Snđach tơmbơh khuôl dêch nei lôh u mor: ‘Ơi dêch đơơk tôw, hei ja krôih leq knđi aan 'bei, đươm 'bei dan jjuh hei; 33nei a hay 'bei leet 'bưn gmaak gnasaal bơn, bei hei ja gmaak 'bei?’ 34Snđach hao nuih, ndơơp bu aan kan khaam aan tơt jơl êch kah luôih leq knđi. 35Mơq jôm bnih knông bơl 'bei 'bưn leq chưt ta krôih oh bi bơn nei Bươp Hei a lơ trôôk kot gôq dơq n'hai bơl 'bei bei nei.”
ទើបបានជ្រើសរើសហើយ៖
Ma-thi-ơ 18: SBL2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Ma-thi-ơ 18
18
Baak prêh thlay ngan
(Mak 9:33-37; Lu-ka 9:46-48)
1Plah nei bơl jơrnơ lôh ôp Brah Jê-sus laah: “'Bơơn laa bnih prêh thlay huôih leq knông nggoor trôôk?”#Lu 22:24. 2Pang khuôl di mbu koon drêên lôh, jah ta yoong klung bơl jơrnơ 3u lah: “A ngan, Hei maanh bơl 'bei, mơq bơl 'bei 'bưn tơh gơl u but bei koon ksei, bơl 'bei a kươi 'bưn khal êch kươt mưt nggoor trôôk laang.#Mak 10:15; Lu 18:17. 4Bei nei, bnih êch krich chhak bei koon drêên au a kươi laa bnih prêh thlay huôih leq knông nggoor trôôk. 5Nha 'bơơn đươm saak Hei wơơt di mbu koon drêên bei au nei laa wơơt Hei; 6dôh 'bơơn rook aan di mbu knông bơl koon drêên ja jơ Hei a kơq teq u dôih 'baap nei n'hop n'hal kơt paal tmau teq u kôw bnih nei, baah jang u daak rmưt jru huôih nha.”
Dôih rook trơnih
(Mak 9:43-48; Lu-ka 17:1,2)
7“Ji rngiêl aan swich teh teq u pal ntil rook aan trơnih! Đươm pal ntil rook aan trơnih nei ngan phrui geh, dôh ji rngiêl aan 'bơơn laa bơl rook trơnih! 8Mơq ti paich jơng 'bei rook aan 'bei geh dôih, phrui paang u jang bu ơơi! Đươm 'bei n'hop n'hal chook jơng paich lưt ti baah mưt baak rêh, nha huôih laa sơp leq baar ti, baar jơng baah dol jang mưt u ôinh yoot yôw.#Mat 5:30. 9Mơq mat 'bei rook aan 'bei geh dôih, phrui glach u jang bu ơơi! Đươm n'hop n'hal 'bei khuich di mat baah mưt baak rêh, nha huôih sơp leq baar mat baah dol jang mưt u gưndrung ôinh.”#Mat 5:29.
Pn'geh ruk teq u bưr tơrlêêng
(Lu-ka 15:3-7)
10“Phrui njrang, khơơm mơq 'baih di mbu 'bơơn knông bơl koon drêên au! Đươm Hei maanh bơl 'bei, bơl lênh brah bơl bu ri a lơ trôôk sau yoot mat Bươp Hei laa Yaang a lơ trôôk.#Lu 19:10. 11[Đươm Koon Bnih ja lôh đoh bơl dol saap luôch.]#18:11 Knông m'baak plơơp 'bian ti 'bưn geh ndroong 11. 12Bơl 'bei gênh a hay? Mơq di mbu bnih geh di riêng pi bưr baah di mlơm dol tơrlêêng, nei bnih nei 'bưn teq sưn jơt sưn koon lơơi lơ bnơm u han wơng koon dol tơrlêêng laang? 13Ngan, Hei maanh bơl 'bei, mơq bnih nei wơng kươt nei a kươi broh s'bai teq u koon nei huôih sưn jơt sưn koon 'bưn tơrlêêng. 14Kot bei nei, Bươp bơl 'bei#18:14 M'baak sm'bưt nday laa: Bươp Hei. a lơ trôôk 'bưn êch mbu 'bơơn knông bơl koon drêên au dol khuich saap.”
Ndroong gôq rêh n'hai oh bi lơh 'baap
15“Mơq oh bi 'bei geh tih [n'hai 'bei],#18:15 n'hai 'bei: Knông m'baak plơơp 'bian ti 'bưn geh pal sêr au. phrui mơp êêng u mor aan bnih nei gưt ntil nei. Mơq bnih nei dol iat nei 'bei kươt kươi oh bi.#Lu 17:3. 16Dôh mơq bnih nei 'bưn dol iat nei phrui liêu mbu paich baar ndu han u koon, jah chhing teq u baak baar paich pei du ndraanh ri baah jôm baak kươt laa dip. 17Mơq bnih nei nha 'bưn dol iat bơl bnih au nei phrui tơmbơh aan Phung Jrah; u mơq bnih nei 'bưn dol iat Phung Jrah phrui mơq bu nei bei raih agaih u bei bơl nhôq prak. 18Ngan, Hei maanh bơl 'bei, mơq ntil ơơn bơl 'bei kơt a teh a kươi kot dol kơt a lơ trôôk; u ntil ơơn bơl 'bei pơơk a teh a kươi kot kươt pơơk a lơ trôôk.#Mat 16:19; Ja 20:23. 19Hei kươi maanh bơl 'bei, mơq baar du knông bơl 'bei ta sruôl rnđêch ta n'hai a teh baah r'bon dan paich ntil ơơn nei Bươp Hei a lơ trôôk a kươi ươn aan bu. 20Đươm ktôk êch geh baar, pei ndu tơmoh chhak Hei pơrgum pôl nei Hei a kươi gôq klung bu.”
Pn'geh ruk teq u dêch 'bưn ta krôih.
21Plah nei, Phi-e-rơ lôh dơơh Brah Jê-sus u ôp: “Ơi Brah, mơq oh bi hei lơh 'baap n'hai hei nei hei a kươi ta krôih aan bu pal wưt? Geh dip tơt poh wưt pan?”#Lu 17:3-4. 22Pang ơh: “Hei 'bưn lah n'hai 'bei dơơn poh wưt laang, dôh laa poh jơt wưt poh. #18:22 poh jơt wưt poh: Paich laa poh jơt poh wưt (mơq Ptơơm 4:24). #4:24.
23Bei nei mơ, nggoor trôôk pn'geh bei yau snđach tôw êch kơơp sm'bưt sn'aam knđi n'hai bơl dêch nơơm ri. 24Tơt snđach ptơơm mơq kươi sm'bưt sn'aam knđi, bu nday liêu lôh aan snđach di mbu knđi snđach jmơt ban ta-lơng.#18:24 ta-lơng: Di ta-lơng drơơl prak kaar di mbu bnih lơh kaar knông jmơt pram snam. 25Đươm bnih nei 'bưn geh ơơn jah kah mơ snđach maanh tech bnih, sai ur koon u leq sêch griêng mlơ, jah kah knđi. 26Bnih dêch kơltut jưr dan jjuh: ‘Ơi brah, dan aan hei jook ndêq nei hei a kươi kah leq!’ 27Snđach gmaak srlanh, krôih bnih nei siq u krôih knđi. 28Dôh tơt dêch nei sot siq, mơp di mbu gnasaal knđi nơơm bu di riêng đơ-ni-ê#18:28 đơ-ni-ê: Di đơ-ni-ê drơơl n'hai prak lơh kaar di nar. nei dơp pơih kôw u lah: ‘Phrui kah leq knđi ơơi.’ 29Gnasaal kơltut jưr, jjuh leh: ‘dan aan hei jook ndêq nei hei a kươi kah aan bi.’ 30Dôh bnih au 'bưn dol, khang nhôp gnasaal teq khaam aan tơt khal kah leq knđi. 31Bơl gnasaal nday sau bei nei chhong đat, lôh chhuôr kươi n'hai snđach jôm kaar ja lôh tơt. 32Snđach tơmbơh khuôl dêch nei lôh u mor: ‘Ơi dêch đơơk tôw, hei ja krôih leq knđi aan 'bei, đươm 'bei dan jjuh hei; 33nei a hay 'bei leet 'bưn gmaak gnasaal bơn, bei hei ja gmaak 'bei?’ 34Snđach hao nuih, ndơơp bu aan kan khaam aan tơt jơl êch kah luôih leq knđi. 35Mơq jôm bnih knông bơl 'bei 'bưn leq chưt ta krôih oh bi bơn nei Bươp Hei a lơ trôôk kot gôq dơq n'hai bơl 'bei bei nei.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.