Ma-thi-ơ 17
17
Brah Jê-sus tơ krik gui
(Mak 9:2-13; Lu-ka 9:28-36)
1Prau nar kươi, Brah Jê-sus liêu êêng Phi-e-rơ, Ja-kơ u Jang laa oh Ja-kơ, han n'hai Pang hao di bnơm prêh. 2Pang tơ krik gui di mat bu: mat Pang a tong aang bei mat nar, ao Pang but book bei rơn aang. 3Tôw, geh Môi-se u Ê-li lôh sot ta mor n'hai Pang. 4Phi-e-rơ ơh n'hai Brah Jê-sus laah: “Brah ơi, bơl bơn gôq au kah đat; mơq Brah êch, hei#17:4 hei: Knông m'baak plơơp 'bian ti laa bơl hei. a kươi kơldơk tu au pei ơơk naam: mlơm aan Brah, mlơm aan Môi-se u mlơm aan Ê-li.” 5Plah Phi-e-rơ nha mor, geh di nduq aang rwaah km'bang bu; u a knông nduq geh ttang baak lah laah: “Au laa Koon êch srlanh Hei ri, klanh chưt Hei sơp; phrui iat baak Koon nei!”#Mat 3:17; 12:18; Mak 1:11; Lu 3:22. 6Tơt bơl jơrnơ ttang baak nei kơq nkôp mat u teh, hơt mrơt bơm yoh. 7Dôh Brah Jê-sus lôh, buut teq u bu u lah: “Phrui ta yoong, khơơm n'hông!” 8Bơl jơrnơ nggơơr mat nei 'bưn sau 'bơơn nday gaaih mbu nơơm Brah Jê-sus.
9Plah pôl bơl jơrnơ a lơ bnơm jưr, Brah Jê-sus maanh aan bu: “Khơơm chhuôr kươi aan 'bơơn tơrsau noor au aan tơt jơl Koon Bnih a ktôk chhưt rêh kươi.” 10Bơl jơrnơ ôp Pang: “Bei nei a hay bơl yau gưt jhai leet mor Ê-li phrui lôh noor?” 11Pang ơh: “Ngan Ê-li phrui lôh noor u kah kơơt jôm kaar. 12Dôh Hei lah n'hai bơl 'bei: Ê-li ja lôh hơơi dôh bu nday 'bưn gưt bu, dôh ja gôq rêh n'hai bu tênh rnđêch bơl bu. Koon Bnih a kươi kot dol baak rngiêl a lơ ti bu bei nei.”#Mat 11:14. 13Plah nei, bơl jơrnơ gưt laah Pang nha mor n'hai bu teq u Jang Bap-tit.
Brah Jê-sus tơmbah drêên klau dol chaak rup
(Mak 9:14-29; Lu-ka 9:37-43a)
14Tơt Brah Jê-sus u bơl jơrnơ plơq kươi n'hai bơl phung raih nei geh mbu bnih lôh, kơltut di mat Pang, ơh laah: 15“Brah ơi dan gmaak tơt koon klau hei! Koon klau hei dol pơrtanh pi niêm, ji kôr đat; koon klau hei rnđơơih a kơq mưt u ôinh, u kot rnđơơih kơq u daak. 16Hei ja liêu koon klau lôh aan bơl jơrnơ Ay, dôh bu 'bưn tơmbah kươt.” 17Brah Jê-sus ơh: “Ơi klap 'bưn jơ u a rơk tôw, Hei a kươi gôq n'hai bơl 'bei tơt khal êch nha? Hei a kươi dol ơt ơl bơl 'bei aan tơt khal êch? Phrui liêu koon drêên lôh u đau aan Hei.” 18Brah Jê-sus têh gmhaar chaak, u bu sot rlach drơh koon drêên; kơndaal plah nei, koon drêên kươt baaq.
19Bơl jơrnơ lôh mơp êêng Brah Jê-sus u ơh laah: “Đươm a hay bơl hei 'bưn prơh chaak nei kươt?” 20Pang ơh: “Đươm bơl 'bei ndêq chưt jơrnơ. Hei mor srlah n'hai bơl 'bei: Mơq bơl 'bei geh chưt jơrnơ dơng di grap sbay nei bơl 'bei awap maanh rklôw bnơm au laah: ‘Phrui ndêch a au rlach tôw’ nei a kươi ndêch; u 'bưn geh ntil ơơn bơl 'bei 'bưn lơh kươt! 21[Pal ntil chhak au mơq 'bưn r'bon dan n'hai ơt jrơng nei 'bưn geh 'bơơn prơh bu kươt.”]#17:21 Knông m'baak plơơp 'bian ti 'bưn geh ndroong 21.
Brah Jê-sus tơmbơh noor teq u baak chhưt n'hai baak rêh kươi Pang ri.
(Mak 9:30-32; Lu-ka 9:43b-45)
22Tơt bơl jơrnơ pơrgum kươi tu kwaal Ga-li-lê, Brah Jê-sus lah n'hai bu laah: “Koon Bnih a kươi dol ndơơp teq u ti bu nday. 23Bu a kươi lưm Pang, dôh tơt nar pei, Pang a kươi rêh kươi.” Bơl jơrnơ chhong rmlơng bơm yoh.
Brah Jê-sus ndơơp wal suai
24Tơt poh Ka-bê-na-um, bơl bnih nhôq prak nhi r'bưn lôh ôp Phi-e-rơ: “Yau bơl 'bei geh ndơơp wal suai 'bưn?” 25Phi-e-rơ ơh: “Geh.” Tơt Phi-e-rơ mưt u nhi, Brah Jê-sus ôp bu noor: “Si-môn ơi, koon gênh bei êch? Bơl snđach swich teh nhôp 'bơơn dol nhôp lơh kaar, ndơơp wal suai? Bơl koon klau bơn paich bnih gaaih?” 26Phi-e-rơ ơh: “Bnih gaaih.” Pang lah laah: “Bei nei bơl koon klau 'bưn geh ndơơp wal suai. 27Dôh jah khơơm mbut trơnih arơi aan bu, koon phrui sot daak rmưt kdaar ka, nhôp pi ka pa êch geh kdaar bôôk daak, pơơk wiêm pi ka, a kươi sau di slưng prak. Phrui pơih slưng prak nei ndơơp wal suai aan Hei n'hai koon!”
ទើបបានជ្រើសរើសហើយ៖
Ma-thi-ơ 17: SBL2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Ma-thi-ơ 17
17
Brah Jê-sus tơ krik gui
(Mak 9:2-13; Lu-ka 9:28-36)
1Prau nar kươi, Brah Jê-sus liêu êêng Phi-e-rơ, Ja-kơ u Jang laa oh Ja-kơ, han n'hai Pang hao di bnơm prêh. 2Pang tơ krik gui di mat bu: mat Pang a tong aang bei mat nar, ao Pang but book bei rơn aang. 3Tôw, geh Môi-se u Ê-li lôh sot ta mor n'hai Pang. 4Phi-e-rơ ơh n'hai Brah Jê-sus laah: “Brah ơi, bơl bơn gôq au kah đat; mơq Brah êch, hei#17:4 hei: Knông m'baak plơơp 'bian ti laa bơl hei. a kươi kơldơk tu au pei ơơk naam: mlơm aan Brah, mlơm aan Môi-se u mlơm aan Ê-li.” 5Plah Phi-e-rơ nha mor, geh di nduq aang rwaah km'bang bu; u a knông nduq geh ttang baak lah laah: “Au laa Koon êch srlanh Hei ri, klanh chưt Hei sơp; phrui iat baak Koon nei!”#Mat 3:17; 12:18; Mak 1:11; Lu 3:22. 6Tơt bơl jơrnơ ttang baak nei kơq nkôp mat u teh, hơt mrơt bơm yoh. 7Dôh Brah Jê-sus lôh, buut teq u bu u lah: “Phrui ta yoong, khơơm n'hông!” 8Bơl jơrnơ nggơơr mat nei 'bưn sau 'bơơn nday gaaih mbu nơơm Brah Jê-sus.
9Plah pôl bơl jơrnơ a lơ bnơm jưr, Brah Jê-sus maanh aan bu: “Khơơm chhuôr kươi aan 'bơơn tơrsau noor au aan tơt jơl Koon Bnih a ktôk chhưt rêh kươi.” 10Bơl jơrnơ ôp Pang: “Bei nei a hay bơl yau gưt jhai leet mor Ê-li phrui lôh noor?” 11Pang ơh: “Ngan Ê-li phrui lôh noor u kah kơơt jôm kaar. 12Dôh Hei lah n'hai bơl 'bei: Ê-li ja lôh hơơi dôh bu nday 'bưn gưt bu, dôh ja gôq rêh n'hai bu tênh rnđêch bơl bu. Koon Bnih a kươi kot dol baak rngiêl a lơ ti bu bei nei.”#Mat 11:14. 13Plah nei, bơl jơrnơ gưt laah Pang nha mor n'hai bu teq u Jang Bap-tit.
Brah Jê-sus tơmbah drêên klau dol chaak rup
(Mak 9:14-29; Lu-ka 9:37-43a)
14Tơt Brah Jê-sus u bơl jơrnơ plơq kươi n'hai bơl phung raih nei geh mbu bnih lôh, kơltut di mat Pang, ơh laah: 15“Brah ơi dan gmaak tơt koon klau hei! Koon klau hei dol pơrtanh pi niêm, ji kôr đat; koon klau hei rnđơơih a kơq mưt u ôinh, u kot rnđơơih kơq u daak. 16Hei ja liêu koon klau lôh aan bơl jơrnơ Ay, dôh bu 'bưn tơmbah kươt.” 17Brah Jê-sus ơh: “Ơi klap 'bưn jơ u a rơk tôw, Hei a kươi gôq n'hai bơl 'bei tơt khal êch nha? Hei a kươi dol ơt ơl bơl 'bei aan tơt khal êch? Phrui liêu koon drêên lôh u đau aan Hei.” 18Brah Jê-sus têh gmhaar chaak, u bu sot rlach drơh koon drêên; kơndaal plah nei, koon drêên kươt baaq.
19Bơl jơrnơ lôh mơp êêng Brah Jê-sus u ơh laah: “Đươm a hay bơl hei 'bưn prơh chaak nei kươt?” 20Pang ơh: “Đươm bơl 'bei ndêq chưt jơrnơ. Hei mor srlah n'hai bơl 'bei: Mơq bơl 'bei geh chưt jơrnơ dơng di grap sbay nei bơl 'bei awap maanh rklôw bnơm au laah: ‘Phrui ndêch a au rlach tôw’ nei a kươi ndêch; u 'bưn geh ntil ơơn bơl 'bei 'bưn lơh kươt! 21[Pal ntil chhak au mơq 'bưn r'bon dan n'hai ơt jrơng nei 'bưn geh 'bơơn prơh bu kươt.”]#17:21 Knông m'baak plơơp 'bian ti 'bưn geh ndroong 21.
Brah Jê-sus tơmbơh noor teq u baak chhưt n'hai baak rêh kươi Pang ri.
(Mak 9:30-32; Lu-ka 9:43b-45)
22Tơt bơl jơrnơ pơrgum kươi tu kwaal Ga-li-lê, Brah Jê-sus lah n'hai bu laah: “Koon Bnih a kươi dol ndơơp teq u ti bu nday. 23Bu a kươi lưm Pang, dôh tơt nar pei, Pang a kươi rêh kươi.” Bơl jơrnơ chhong rmlơng bơm yoh.
Brah Jê-sus ndơơp wal suai
24Tơt poh Ka-bê-na-um, bơl bnih nhôq prak nhi r'bưn lôh ôp Phi-e-rơ: “Yau bơl 'bei geh ndơơp wal suai 'bưn?” 25Phi-e-rơ ơh: “Geh.” Tơt Phi-e-rơ mưt u nhi, Brah Jê-sus ôp bu noor: “Si-môn ơi, koon gênh bei êch? Bơl snđach swich teh nhôp 'bơơn dol nhôp lơh kaar, ndơơp wal suai? Bơl koon klau bơn paich bnih gaaih?” 26Phi-e-rơ ơh: “Bnih gaaih.” Pang lah laah: “Bei nei bơl koon klau 'bưn geh ndơơp wal suai. 27Dôh jah khơơm mbut trơnih arơi aan bu, koon phrui sot daak rmưt kdaar ka, nhôp pi ka pa êch geh kdaar bôôk daak, pơơk wiêm pi ka, a kươi sau di slưng prak. Phrui pơih slưng prak nei ndơơp wal suai aan Hei n'hai koon!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.