Markus 8
8
Ye̱so ryaakska d'bugu
(Mat 15:32-39)
1A̱n d'hwen ta̱ma̱, bugda̱n neta̱n hwe̱di kargka baa Ye̱so. A zatta ta̱m rina̱n ta ryaa da. Ye̱so po̱gt bo̱ an la̱a̱s baa ru. U zeka na̱, 2“A̱m el a̱n hongma̱n za̱im netna ha̱n hwe̱di. I rema̱n a el taha̱n baa ri c'hwe c'ta̱a̱cu, a zatta ta̱m rina̱n ta ryaa da. 3Am lag na̱ a to̱o̱k na̱m'gya̱a̱ a̱n mero, ti rims na̱ a̱n k'le̱ve̱. Rema̱n ahyan i m'nak a rwa̱ini.”
4An la̱a̱s baa ru se̱st bo̱ o, “Ipe̱ a̱n nan kumma̱ ryaakca̱n nan ryaaksta netna ha̱n kwe̱ a̱nmin kadka̱ hna?”
5U ipkt bo̱ na̱, “I c'be̱re̱e̱di c'nai a̱n ciini?”
A se̱st bo̱ o, “C'Tan'ila̱.”
6U zeta bo̱ neta̱n az a sweeta̱l nu'copo. U o̱mt bo̱ be̱re̱e̱dica̱n lo c'tan'ila̱. Au emtin c'bo̱m baa Na'Sila̱, u bosa̱mk ca̱ u nesk an la̱a̱s baa ru a we̱nka̱lle̱ bugda̱n netna. A emk la taanlo. 7A ciki ta̱m m'ge̱na̱n m'hona. U emt bo̱ ta̱m c'bo̱m baa Na'Sila̱. Au taasine, u nesk ta̱m an la̱a̱s baa ru a we̱nka̱lle̱ netna.
8Neta̱n ryaakk a cigka̱. An la̱a̱s baa ru kargska ta̱m yatrama̱n ryaakca̱n neta̱n ka̱ltin a hiisk c'gyo̱b c'tan'ila̱. 9I neta̱n ho̱d s'kwe̱re̱ s'naas a̱n ryain ryaakc ne. U lagt bo̱ kaa na̱ a gya̱a̱. 10U ta naas v'daa da, u uvk a̱n bumbka̱ m'ho̱o̱ d'kut a an la̱a̱s baa run a cek copun Dalmanuta.
Az Ye̱so kwesa na̱ we̱sa̱m ru
(Mat 12:38-42; 16:1-4)
11Farisin nokta bo̱ a ipkk Ye̱so rema̱n a maakt o. A zek az u kwesa na̱ rina̱n ti kwesa na̱ az we̱sa̱m ru i lanm na'cona.#8:11 Go̱t ta̱m: Mat 12:38; Luk 11:16. 12U sikt bo̱, “Iye̱ a̱n de̱lin an daava̱ ha̱n retina̱n hob na kwesa na̱ rihica̱n sipa̱m na'nwa̱a̱? Lag na a̱m ve̱ce̱te̱ no m'ga̱u. A nan kwesa an daava̱ ha̱n rihica̱n sipa̱m na'nwa̱a̱ da.”#8:12 Go̱t ta̱m: Mat 12:39; Luk 11:29.
13U lagk na̱ u uvk a̱n bumbka̱ m'ho̱o̱, u pask rigta̱n bilk hyan.
Ha̱gcanan rein ho̱da̱n yist
(Mat 16:5-12)
14Hwec kaaka an la̱a̱s baa Ye̱so o̱mo̱m c'ryaako. I d'be̱re̱e̱di d'da̱nka̱ c'taa a ciin baa na̱ a̱n bumbka̱ m'ho̱o̱. 15Ye̱so takaz ta̱m kaaga̱m na̱, “Nap na a̱n gab sasa rema̱n Farisin a neta̱n He̱ro̱d ne, rema̱n a el ho̱da̱n yist.”#8:15 Go̱t ta̱m: Luk 12:1.
16An la̱a̱s baa Ye̱so buut bo̱ s'lan a̱n a̱n'na̱n a̱n'na̱, “U la bo̱ na̱m'ze taanl rema̱n na zatta c'be̱re̱e̱di da.”
17Ye̱so napk la keka̱bs na̱. U ipkt bo̱ na̱, “I rema̱n ye̱ a̱n retin na̱m'ze az a̱n zatta c'be̱re̱e̱di da? V'Daa a̱n ta nap da, a ta̱n ke̱e̱se̱ ta̱m da? V'Daa ge̱, i cuulsk no? 18A̱n ci isa̱, a ta̱n he̱n kaa da? A̱n ci ta̱m c'con, a ta̱n hong ta̱m da? A̱n ta bakasa ha̱n ta̱m da? 19Daava̱n m bosa̱mtin c'be̱re̱e̱di c'tan, a̱m nesk no a̱n we̱nke̱ neta̱n s'kwe̱re̱ s'tan, i yatran c'gyo̱b c'nai c hik a̱n ka̱psini?”
A se̱sk o, “Oopa a̱n c'ila̱.”
20“Daava̱ m ryaakstain neta̱n s'kwe̱re̱ s'naas ta̱m a̱n c'be̱re̱e̱di c'tan'ila̱, i yatran c'gyo̱b c'nai c hik a̱n ka̱psini?”
A se̱sk o, “I c'tan'ila̱.”
21U zeta bo̱ na̱, “V'Daa ge̱ a̱n ta ke̱e̱se̱ da?”
Ye̱so a̱pa̱ska̱ is a̱ra̱m poma
22An Ye̱so a an la̱a̱s baa run cetin le̱in Be̱tsaida, neta̱n savaka o a̱ra̱m poma. A konk o az u do̱v a̱rmune. 23U sipt bo̱ koma pomune. U nakk o a ruk pangad ni'le̱e̱. U pisiti bo̱ o c'te̱i a̱n isa̱. U do̱vk o ta̱m a̱n koma ru. U ipkt bo̱ o, “A̱v he̱nk rihi?”
24Pom bonk is u zeka o, “A̱m el a̱n he̱nma̱n neta̱n ho̱d s'ce na'ha̱gcu.”
25Ye̱so sudk ta̱m do̱vma̱n is ru. U de̱lk ta̱m o u wa̱lk a'cona. I daava̱n lo kaa a̱n is ru a̱pa̱sta̱ine. U he̱nuz kaa c'rihi kwe̱ cass. 26Ye̱so batt bo̱ o u gya̱a̱. U zeka ta̱m o, “Av rya̱a̱ la ta̱m a̱n herg da.”
Bitrus vatk az Ye̱so i Ka̱risti
(Mat 16:13-20; Luk 9:18-21)
27Ye̱so ruk ta̱m a an la̱a̱sa̱n baa run a uvk a̱n le̱e̱ma̱n copun Kaisariya Filibi. Aa latin a̱n k'le̱ve̱, u ipkk an la̱a̱s baa ru, “Iwe̱ a̱n neta̱n rein ta po̱g me?”
28A se̱st bo̱ o, “Ahyan el ta ze az i vo Yohana kan emam na baptisma. Ahyan zek la az i vo Iliya. Ahyan ta̱m ta ze az i vo da̱nv baranc Na'Sila̱.”#8:28 Go̱t ta̱m: Mar 6:14-15; Luk 9:7-8.
29Ye̱so sudt bo̱ a̱n ipk na̱, “Nwaa lan bano, ta̱n ze az i mi we̱?”#8:29 Go̱t ta̱m: Yoh 6:68-69.
Bitrus se̱st bo̱, “I vo a̱n rein Ka̱risti.”
30Ye̱so saat bo̱ na̱ d'rin az aa ve̱ce̱ la noc da̱n unwa da.
Ye̱so zek tu ryaa d'kob u wa̱a̱
(Mat 16:21-28; Luk 9:22-27)
31Ye̱so takka ve̱ce̱m an la̱a̱s baa ru, az ke̱ng, hwenga̱nc Yahude̱n a c'hwengnan ka̱bd Na'Sil a an la̱a̱sa̱m na s'giiran ta ha̱l o, Waav Noco. Ta ryeesa o d'kob hwe̱di, a be̱se̱ ta̱m a hwaa o. A̱n hweda̱ v'ta̱ccu la, tu po̱to̱. 32U vat-vat lalk uha̱n a̱n hwic koowe̱. Bitrus kwaatt bo̱ o u zeka, “Av em la ta̱'v vat taanl da.”
33Ye̱so pankka la u dwedaka an la̱a̱s baa ru isa̱. U hulka̱lk Bitrus, u zeka o, “Unu baa ri A̱krimu. Rema̱n a̱v ta keka̱b rina̱n Sila ta to̱n da, a za rina̱n neta̱nrima ta to̱n da.”
34Ye̱so po̱gko̱ ta̱m neta̱n a haka baa ru a an la̱a̱s baa ru nu. U zeka na̱, “Koowe̱ a̱n tu gab me, i ke̱ng u ha̱l to̱nun de̱bc ru. U walg ta̱m ryaaka̱ d'kob ho̱da̱n kan na twe̱e̱se̱in kanka̱n nan hot o.#8:34 Go̱t ta̱m: Mat 10:38; Luk 14:27. 35Rema̱n koowe̱ a̱n hyain naps ri alla u ha̱l kasi lalk ri, a̱n gelva̱n a na hwaa la o da, tu wa̱a̱. Koowe̱ la a̱n nan hwaa rem ri alla rema̱n kasi lalk Na'Sila̱, i unwa a̱n tu po̱to̱.#8:35 Go̱t ta̱m: Mat 10:39; Luk 17:33; Yoh 12:25.
36“Iye̱ ke̱mda a̱n noc tu honga, au kum rihica̱n copun yanda̱ha̱n kwe̱, u wa̱a̱ kaa d'kala? 37Iye̱ ta̱m a̱n noc tu nes u to̱vt hid ru? 38Rema̱n taanlo, koowe̱ a̱n tu hong e̱nm ri, a lalks rin baa netnan daava̱ ha̱n a d'o̱m a a c'ko̱ta̱n ta̱ma̱, Waav Noc tu hong la e̱nm ru daava̱n tu hata a̱nmin gwink Ceto d'kut a comta̱nc na̱-na̱.”
ទើបបានជ្រើសរើសហើយ៖
Markus 8: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Markus 8
8
Ye̱so ryaakska d'bugu
(Mat 15:32-39)
1A̱n d'hwen ta̱ma̱, bugda̱n neta̱n hwe̱di kargka baa Ye̱so. A zatta ta̱m rina̱n ta ryaa da. Ye̱so po̱gt bo̱ an la̱a̱s baa ru. U zeka na̱, 2“A̱m el a̱n hongma̱n za̱im netna ha̱n hwe̱di. I rema̱n a el taha̱n baa ri c'hwe c'ta̱a̱cu, a zatta ta̱m rina̱n ta ryaa da. 3Am lag na̱ a to̱o̱k na̱m'gya̱a̱ a̱n mero, ti rims na̱ a̱n k'le̱ve̱. Rema̱n ahyan i m'nak a rwa̱ini.”
4An la̱a̱s baa ru se̱st bo̱ o, “Ipe̱ a̱n nan kumma̱ ryaakca̱n nan ryaaksta netna ha̱n kwe̱ a̱nmin kadka̱ hna?”
5U ipkt bo̱ na̱, “I c'be̱re̱e̱di c'nai a̱n ciini?”
A se̱st bo̱ o, “C'Tan'ila̱.”
6U zeta bo̱ neta̱n az a sweeta̱l nu'copo. U o̱mt bo̱ be̱re̱e̱dica̱n lo c'tan'ila̱. Au emtin c'bo̱m baa Na'Sila̱, u bosa̱mk ca̱ u nesk an la̱a̱s baa ru a we̱nka̱lle̱ bugda̱n netna. A emk la taanlo. 7A ciki ta̱m m'ge̱na̱n m'hona. U emt bo̱ ta̱m c'bo̱m baa Na'Sila̱. Au taasine, u nesk ta̱m an la̱a̱s baa ru a we̱nka̱lle̱ netna.
8Neta̱n ryaakk a cigka̱. An la̱a̱s baa ru kargska ta̱m yatrama̱n ryaakca̱n neta̱n ka̱ltin a hiisk c'gyo̱b c'tan'ila̱. 9I neta̱n ho̱d s'kwe̱re̱ s'naas a̱n ryain ryaakc ne. U lagt bo̱ kaa na̱ a gya̱a̱. 10U ta naas v'daa da, u uvk a̱n bumbka̱ m'ho̱o̱ d'kut a an la̱a̱s baa run a cek copun Dalmanuta.
Az Ye̱so kwesa na̱ we̱sa̱m ru
(Mat 12:38-42; 16:1-4)
11Farisin nokta bo̱ a ipkk Ye̱so rema̱n a maakt o. A zek az u kwesa na̱ rina̱n ti kwesa na̱ az we̱sa̱m ru i lanm na'cona.#8:11 Go̱t ta̱m: Mat 12:38; Luk 11:16. 12U sikt bo̱, “Iye̱ a̱n de̱lin an daava̱ ha̱n retina̱n hob na kwesa na̱ rihica̱n sipa̱m na'nwa̱a̱? Lag na a̱m ve̱ce̱te̱ no m'ga̱u. A nan kwesa an daava̱ ha̱n rihica̱n sipa̱m na'nwa̱a̱ da.”#8:12 Go̱t ta̱m: Mat 12:39; Luk 11:29.
13U lagk na̱ u uvk a̱n bumbka̱ m'ho̱o̱, u pask rigta̱n bilk hyan.
Ha̱gcanan rein ho̱da̱n yist
(Mat 16:5-12)
14Hwec kaaka an la̱a̱s baa Ye̱so o̱mo̱m c'ryaako. I d'be̱re̱e̱di d'da̱nka̱ c'taa a ciin baa na̱ a̱n bumbka̱ m'ho̱o̱. 15Ye̱so takaz ta̱m kaaga̱m na̱, “Nap na a̱n gab sasa rema̱n Farisin a neta̱n He̱ro̱d ne, rema̱n a el ho̱da̱n yist.”#8:15 Go̱t ta̱m: Luk 12:1.
16An la̱a̱s baa Ye̱so buut bo̱ s'lan a̱n a̱n'na̱n a̱n'na̱, “U la bo̱ na̱m'ze taanl rema̱n na zatta c'be̱re̱e̱di da.”
17Ye̱so napk la keka̱bs na̱. U ipkt bo̱ na̱, “I rema̱n ye̱ a̱n retin na̱m'ze az a̱n zatta c'be̱re̱e̱di da? V'Daa a̱n ta nap da, a ta̱n ke̱e̱se̱ ta̱m da? V'Daa ge̱, i cuulsk no? 18A̱n ci isa̱, a ta̱n he̱n kaa da? A̱n ci ta̱m c'con, a ta̱n hong ta̱m da? A̱n ta bakasa ha̱n ta̱m da? 19Daava̱n m bosa̱mtin c'be̱re̱e̱di c'tan, a̱m nesk no a̱n we̱nke̱ neta̱n s'kwe̱re̱ s'tan, i yatran c'gyo̱b c'nai c hik a̱n ka̱psini?”
A se̱sk o, “Oopa a̱n c'ila̱.”
20“Daava̱ m ryaakstain neta̱n s'kwe̱re̱ s'naas ta̱m a̱n c'be̱re̱e̱di c'tan'ila̱, i yatran c'gyo̱b c'nai c hik a̱n ka̱psini?”
A se̱sk o, “I c'tan'ila̱.”
21U zeta bo̱ na̱, “V'Daa ge̱ a̱n ta ke̱e̱se̱ da?”
Ye̱so a̱pa̱ska̱ is a̱ra̱m poma
22An Ye̱so a an la̱a̱s baa run cetin le̱in Be̱tsaida, neta̱n savaka o a̱ra̱m poma. A konk o az u do̱v a̱rmune. 23U sipt bo̱ koma pomune. U nakk o a ruk pangad ni'le̱e̱. U pisiti bo̱ o c'te̱i a̱n isa̱. U do̱vk o ta̱m a̱n koma ru. U ipkt bo̱ o, “A̱v he̱nk rihi?”
24Pom bonk is u zeka o, “A̱m el a̱n he̱nma̱n neta̱n ho̱d s'ce na'ha̱gcu.”
25Ye̱so sudk ta̱m do̱vma̱n is ru. U de̱lk ta̱m o u wa̱lk a'cona. I daava̱n lo kaa a̱n is ru a̱pa̱sta̱ine. U he̱nuz kaa c'rihi kwe̱ cass. 26Ye̱so batt bo̱ o u gya̱a̱. U zeka ta̱m o, “Av rya̱a̱ la ta̱m a̱n herg da.”
Bitrus vatk az Ye̱so i Ka̱risti
(Mat 16:13-20; Luk 9:18-21)
27Ye̱so ruk ta̱m a an la̱a̱sa̱n baa run a uvk a̱n le̱e̱ma̱n copun Kaisariya Filibi. Aa latin a̱n k'le̱ve̱, u ipkk an la̱a̱s baa ru, “Iwe̱ a̱n neta̱n rein ta po̱g me?”
28A se̱st bo̱ o, “Ahyan el ta ze az i vo Yohana kan emam na baptisma. Ahyan zek la az i vo Iliya. Ahyan ta̱m ta ze az i vo da̱nv baranc Na'Sila̱.”#8:28 Go̱t ta̱m: Mar 6:14-15; Luk 9:7-8.
29Ye̱so sudt bo̱ a̱n ipk na̱, “Nwaa lan bano, ta̱n ze az i mi we̱?”#8:29 Go̱t ta̱m: Yoh 6:68-69.
Bitrus se̱st bo̱, “I vo a̱n rein Ka̱risti.”
30Ye̱so saat bo̱ na̱ d'rin az aa ve̱ce̱ la noc da̱n unwa da.
Ye̱so zek tu ryaa d'kob u wa̱a̱
(Mat 16:21-28; Luk 9:22-27)
31Ye̱so takka ve̱ce̱m an la̱a̱s baa ru, az ke̱ng, hwenga̱nc Yahude̱n a c'hwengnan ka̱bd Na'Sil a an la̱a̱sa̱m na s'giiran ta ha̱l o, Waav Noco. Ta ryeesa o d'kob hwe̱di, a be̱se̱ ta̱m a hwaa o. A̱n hweda̱ v'ta̱ccu la, tu po̱to̱. 32U vat-vat lalk uha̱n a̱n hwic koowe̱. Bitrus kwaatt bo̱ o u zeka, “Av em la ta̱'v vat taanl da.”
33Ye̱so pankka la u dwedaka an la̱a̱s baa ru isa̱. U hulka̱lk Bitrus, u zeka o, “Unu baa ri A̱krimu. Rema̱n a̱v ta keka̱b rina̱n Sila ta to̱n da, a za rina̱n neta̱nrima ta to̱n da.”
34Ye̱so po̱gko̱ ta̱m neta̱n a haka baa ru a an la̱a̱s baa ru nu. U zeka na̱, “Koowe̱ a̱n tu gab me, i ke̱ng u ha̱l to̱nun de̱bc ru. U walg ta̱m ryaaka̱ d'kob ho̱da̱n kan na twe̱e̱se̱in kanka̱n nan hot o.#8:34 Go̱t ta̱m: Mat 10:38; Luk 14:27. 35Rema̱n koowe̱ a̱n hyain naps ri alla u ha̱l kasi lalk ri, a̱n gelva̱n a na hwaa la o da, tu wa̱a̱. Koowe̱ la a̱n nan hwaa rem ri alla rema̱n kasi lalk Na'Sila̱, i unwa a̱n tu po̱to̱.#8:35 Go̱t ta̱m: Mat 10:39; Luk 17:33; Yoh 12:25.
36“Iye̱ ke̱mda a̱n noc tu honga, au kum rihica̱n copun yanda̱ha̱n kwe̱, u wa̱a̱ kaa d'kala? 37Iye̱ ta̱m a̱n noc tu nes u to̱vt hid ru? 38Rema̱n taanlo, koowe̱ a̱n tu hong e̱nm ri, a lalks rin baa netnan daava̱ ha̱n a d'o̱m a a c'ko̱ta̱n ta̱ma̱, Waav Noc tu hong la e̱nm ru daava̱n tu hata a̱nmin gwink Ceto d'kut a comta̱nc na̱-na̱.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019