Markus 7
7
La̱a̱ss an de̱hne
(Mat 15:1-9)
1A̱n d'hwen Farisin a an la̱a̱sa̱m na s'giiran an rwa̱in lanma̱n le̱in Urisalima kargka a haka baa Ye̱so. 2Aa he̱ntin ahyan an la̱a̱s baa Ye̱so a̱n k'ryaa a ta sapt c'kom da, a bo̱pk na̱ a̱n d'ko̱to. I rema̱n a ta sapt c'kom ho̱da̱na̱n Yahude̱n retin ta em da.
3Rema̱n an ba̱tksa̱m na s'giira a Yahude̱n kwe̱, a za ta ryaak da a za a saptk da. A el a̱n gabma̱n ho̱da̱na̱n a gittin baa hwenga̱nc Yahude̱ne̱. 4Aa gya̱n ta̱m lanma̱n baa s'yo̱po, a za a saptk da, a ta ryaak da. Rihic hyan el ta̱m hwe̱di ca rein ta gaba. Ho̱da̱n guza̱m m'koklo a c'dor no a m'se̱nd ne a rihica̱n saka̱m c'ryaak no.
5An ba̱tksa̱m na s'giira a an la̱a̱sa̱m na s'giiran dangt bo̱ a ipkk Ye̱so, “I rema̱n ye̱ a̱n an la̱a̱s baa rov zatin ta gab c'rihi ho̱da̱na̱n a gattin baa hwenga̱nc Yahude̱n da? Go̱t a el a̱n k'ryaa a ta sapt c'kom ho̱da̱na̱n a gattin baa manka̱n da.”
6Ye̱so se̱sk la na̱, “I honhon a̱n Isaaya k'barav Na'Sil tanain no. U tanka no au latina̱n vatma̱n com Na'Sila̱. Nwaa an rein ho̱da̱n hwelana c'waala, ho̱da̱na̱n i retin a'ge̱ne̱. U zeka,
“ ‘Netna ha̱n el ta ne̱e̱ m k'gwin
a̱n k'nwa̱a̱ c'taa,
go̱t la de̱bc na̱
za baa ri da.
7I ka̱ka̱l la a retina̱n
ema m ri c'hwiipsa̱.
Go̱t la a el
a̱n la̱a̱sa̱m na giiras neta̱n
az i sa̱nsa a̱n rein giiras Na'Sila̱.’
8“A̱n batk giiras Na'Sil a̱n bo̱pk la̱a̱ss netna.”
9U zeka ta̱m na̱, “A̱n soodska sasa, a̱n batk giiras Na'Sil kwe̱, bat ta̱n gab la̱a̱ss no. 10Rema̱n Mosa zeka, ‘Ne̱e̱ cet a̱v na in va̱n k'gwin.’ Ta̱ma̱, ‘Koowe̱ a̱n rebin ceto alla inu, na hwaa o.’#7:10 Go̱t ta̱m: U'Rwa̱ 20:12; 21:17; Ggdk 20:9. 11Nwaa la a̱n zek az a noc ze ceto alla inu, ‘Rina̱n ta̱'m ne̱e̱ be̱ no, i rina̱n ta̱m se̱ke̱ A'Sila̱, Korban.’
12“A̱n hwe̱e̱kske̱ o emam ceto alla inu rihi. 13A̱n batk ta̱m lalks Na'Sil rema̱n a̱n gabt la̱a̱ss no. Rihic hyan el ta̱m hwe̱di ca̱n rein nu'emka̱llo.”
Rihica̱n ca̱n de̱l noc u ko̱to̱
(Mat 15:10-20)
14Ye̱so po̱gto̱ bo̱ bugda̱n netna. U zeka na̱, “Ge̱ne̱ na m u'con nwaa kwe̱, a̱n hong rina̱n m ma vata. 15Rihi za in noc tu ryaa in ti de̱l o u ko̱t da. Rina̱n noc tu vata, i inya a̱n ti de̱l o u ko̱to̱.” [16Koowe̱ a̱n ciin conc nu'hongo, lag u honga.]#7:16 Ge̱nke̱-ge̱nke̱ c hyan zatta za̱tva̱n 16 da.
17An Ye̱so lagtin neta̱n u uvk nu'bu, an la̱a̱s baa ru ipkt bo̱ o da̱n hwennsac ne. 18Ye̱so ipkt bo̱ na̱, “Nwaa ta̱m a̱n ta ke̱e̱se̱ la bano da ho̱d na̱? A̱n ta nap ta̱m rihica̱ ha̱n da? Za bo̱ rina̱n noc tu ryaa a̱n ti de̱l o u ko̱t da. 19Rema̱n ryaakc za ca̱n uv a̱n c'de̱b da, i a̱n d'ba̱ta̱. Ai okso la, ca̱n rwa̱n.” Vatma̱n taanl a̱n Ye̱so kwesatain az kooye̱ a̱n noc ryaine, u ta ko̱t da.
20Ye̱so sudk ta̱m a̱n ze, “I rina̱n noc tu vat a̱n ti de̱l o u ko̱to̱. 21Rema̱n i lanma̱ c'de̱b a̱n noc retin tu keka̱b rihic naak ca̱hna: D'O̱mo̱, d'hivi, a hweed noc no. 22A c'zo̱rmo̱'is na̱, v'dumu, c'palka, d'hyubu, c'kata, m'lo̱go̱ a m'kip ni. 23Rihica̱ ha̱n kwe̱ c'naake, i lanma̱ c'de̱be̱, ta̱m ca̱n de̱l noc u ko̱to̱.”
Neta k'Samariya batk d'ba̱t baa Ye̱so
(Mat 15:21-28)
24Lanma̱n a̱n'a, Ye̱so unuku ta̱m u ryiik a̱n hergun le̱in Taya. U uvk a̱nmin buu hyan. U ta to̱n be̱ noc nap da. I ta ema la da. 25Rema̱n neta lak a waa'wantan un ciin rinnas'ce. Au hongtin da̱n Ye̱so, u haka u hek a̱n c'rwin a̱n hwic ru. 26Netaune la, i k'Girik, noc va̱n ke̱e̱ca̱n Fo̱nisiya a̱nmin copun Siriya. U haka u konk Ye̱so az u vog rinnas'ce baa waav ru. 27Ye̱so zeka la o, “Lag aka̱n baa ciga̱. Rema̱n i ta hwenna na o̱m ryaakc aka̱n na nes o̱ma̱n da.”
28Neta se̱sk la o, “I ho̱dune, Kanubu. Puti a tan na, o̱mnanan rein va̱na̱n aka̱n reina̱n c'ryaako, a el ta ryaa yatraca̱n rein ca̱n kwebra akna.”
29Ye̱so zeta bo̱ neta, “Rema̱n rina̱n v se̱sin me, to̱o̱ a̱n c'rovo. Rinnas'ce ruk baa waav rovo.”
30An neta cetin buu ru, u gitka̱ waa'wanta a'la̱t a̱n k'ya̱na̱ bodo. Rinnas'ce ruk baa ru.
Ye̱so taask kyura̱m m'kyurmu
31Ye̱so lagk ke̱e̱ca̱n Taya u gedanka Sido̱n u cek Saama̱n Galili. U uvk ta̱m a̱n ke̱e̱ca̱ m'le̱e̱ oopa (Dikafolis). 32A̱nl a̱n neta̱n noktvain o a̱ra̱m kyurmu. A̱rmune, u za tu hong da, a tu la̱a̱ ta̱m s'lalk da. A kont bo̱ Ye̱so az u do̱v o a̱n koma ru. 33Ye̱so kwaatt bo̱ o d'bugu. U so̱vt bo̱ gyuu v ru a̱nmin conc kyurmu, u pis ta̱m c'te̱i u do̱v remd ru. 34Au wa̱lktin ta̱m a'cona, u sikka̱. U zeuz o, “Ifata.” Rina̱n nan ze, Ifata i, “A̱ba̱sa̱.” 35A̱ndaabe conc kyura̱m a̱ba̱ska̱, remd ru ba̱ta̱mka̱, u takaz s'lalk ba̱ta̱ss.
36Ye̱so saat bo̱ na̱ d'rin az aa ve̱ce̱ la noc rihica̱ ha̱n da. Go̱t ge̱ u saak na̱ d'rin na̱m'we̱s az aa vat la da, a ryaak la hwic nu'vato. 37Neta̱n sipk a'nwa̱a̱, a robk ta̱m ho̱da̱n m'emte. A to̱o̱k na̱m'ze, “U emka̱lk c'rihi kwe̱ i kasi. U de̱lk kyura̱m hongka, ta̱m u iga̱mka̱.”
ទើបបានជ្រើសរើសហើយ៖
Markus 7: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Markus 7
7
La̱a̱ss an de̱hne
(Mat 15:1-9)
1A̱n d'hwen Farisin a an la̱a̱sa̱m na s'giiran an rwa̱in lanma̱n le̱in Urisalima kargka a haka baa Ye̱so. 2Aa he̱ntin ahyan an la̱a̱s baa Ye̱so a̱n k'ryaa a ta sapt c'kom da, a bo̱pk na̱ a̱n d'ko̱to. I rema̱n a ta sapt c'kom ho̱da̱na̱n Yahude̱n retin ta em da.
3Rema̱n an ba̱tksa̱m na s'giira a Yahude̱n kwe̱, a za ta ryaak da a za a saptk da. A el a̱n gabma̱n ho̱da̱na̱n a gittin baa hwenga̱nc Yahude̱ne̱. 4Aa gya̱n ta̱m lanma̱n baa s'yo̱po, a za a saptk da, a ta ryaak da. Rihic hyan el ta̱m hwe̱di ca rein ta gaba. Ho̱da̱n guza̱m m'koklo a c'dor no a m'se̱nd ne a rihica̱n saka̱m c'ryaak no.
5An ba̱tksa̱m na s'giira a an la̱a̱sa̱m na s'giiran dangt bo̱ a ipkk Ye̱so, “I rema̱n ye̱ a̱n an la̱a̱s baa rov zatin ta gab c'rihi ho̱da̱na̱n a gattin baa hwenga̱nc Yahude̱n da? Go̱t a el a̱n k'ryaa a ta sapt c'kom ho̱da̱na̱n a gattin baa manka̱n da.”
6Ye̱so se̱sk la na̱, “I honhon a̱n Isaaya k'barav Na'Sil tanain no. U tanka no au latina̱n vatma̱n com Na'Sila̱. Nwaa an rein ho̱da̱n hwelana c'waala, ho̱da̱na̱n i retin a'ge̱ne̱. U zeka,
“ ‘Netna ha̱n el ta ne̱e̱ m k'gwin
a̱n k'nwa̱a̱ c'taa,
go̱t la de̱bc na̱
za baa ri da.
7I ka̱ka̱l la a retina̱n
ema m ri c'hwiipsa̱.
Go̱t la a el
a̱n la̱a̱sa̱m na giiras neta̱n
az i sa̱nsa a̱n rein giiras Na'Sila̱.’
8“A̱n batk giiras Na'Sil a̱n bo̱pk la̱a̱ss netna.”
9U zeka ta̱m na̱, “A̱n soodska sasa, a̱n batk giiras Na'Sil kwe̱, bat ta̱n gab la̱a̱ss no. 10Rema̱n Mosa zeka, ‘Ne̱e̱ cet a̱v na in va̱n k'gwin.’ Ta̱ma̱, ‘Koowe̱ a̱n rebin ceto alla inu, na hwaa o.’#7:10 Go̱t ta̱m: U'Rwa̱ 20:12; 21:17; Ggdk 20:9. 11Nwaa la a̱n zek az a noc ze ceto alla inu, ‘Rina̱n ta̱'m ne̱e̱ be̱ no, i rina̱n ta̱m se̱ke̱ A'Sila̱, Korban.’
12“A̱n hwe̱e̱kske̱ o emam ceto alla inu rihi. 13A̱n batk ta̱m lalks Na'Sil rema̱n a̱n gabt la̱a̱ss no. Rihic hyan el ta̱m hwe̱di ca̱n rein nu'emka̱llo.”
Rihica̱n ca̱n de̱l noc u ko̱to̱
(Mat 15:10-20)
14Ye̱so po̱gto̱ bo̱ bugda̱n netna. U zeka na̱, “Ge̱ne̱ na m u'con nwaa kwe̱, a̱n hong rina̱n m ma vata. 15Rihi za in noc tu ryaa in ti de̱l o u ko̱t da. Rina̱n noc tu vata, i inya a̱n ti de̱l o u ko̱to̱.” [16Koowe̱ a̱n ciin conc nu'hongo, lag u honga.]#7:16 Ge̱nke̱-ge̱nke̱ c hyan zatta za̱tva̱n 16 da.
17An Ye̱so lagtin neta̱n u uvk nu'bu, an la̱a̱s baa ru ipkt bo̱ o da̱n hwennsac ne. 18Ye̱so ipkt bo̱ na̱, “Nwaa ta̱m a̱n ta ke̱e̱se̱ la bano da ho̱d na̱? A̱n ta nap ta̱m rihica̱ ha̱n da? Za bo̱ rina̱n noc tu ryaa a̱n ti de̱l o u ko̱t da. 19Rema̱n ryaakc za ca̱n uv a̱n c'de̱b da, i a̱n d'ba̱ta̱. Ai okso la, ca̱n rwa̱n.” Vatma̱n taanl a̱n Ye̱so kwesatain az kooye̱ a̱n noc ryaine, u ta ko̱t da.
20Ye̱so sudk ta̱m a̱n ze, “I rina̱n noc tu vat a̱n ti de̱l o u ko̱to̱. 21Rema̱n i lanma̱ c'de̱b a̱n noc retin tu keka̱b rihic naak ca̱hna: D'O̱mo̱, d'hivi, a hweed noc no. 22A c'zo̱rmo̱'is na̱, v'dumu, c'palka, d'hyubu, c'kata, m'lo̱go̱ a m'kip ni. 23Rihica̱ ha̱n kwe̱ c'naake, i lanma̱ c'de̱be̱, ta̱m ca̱n de̱l noc u ko̱to̱.”
Neta k'Samariya batk d'ba̱t baa Ye̱so
(Mat 15:21-28)
24Lanma̱n a̱n'a, Ye̱so unuku ta̱m u ryiik a̱n hergun le̱in Taya. U uvk a̱nmin buu hyan. U ta to̱n be̱ noc nap da. I ta ema la da. 25Rema̱n neta lak a waa'wantan un ciin rinnas'ce. Au hongtin da̱n Ye̱so, u haka u hek a̱n c'rwin a̱n hwic ru. 26Netaune la, i k'Girik, noc va̱n ke̱e̱ca̱n Fo̱nisiya a̱nmin copun Siriya. U haka u konk Ye̱so az u vog rinnas'ce baa waav ru. 27Ye̱so zeka la o, “Lag aka̱n baa ciga̱. Rema̱n i ta hwenna na o̱m ryaakc aka̱n na nes o̱ma̱n da.”
28Neta se̱sk la o, “I ho̱dune, Kanubu. Puti a tan na, o̱mnanan rein va̱na̱n aka̱n reina̱n c'ryaako, a el ta ryaa yatraca̱n rein ca̱n kwebra akna.”
29Ye̱so zeta bo̱ neta, “Rema̱n rina̱n v se̱sin me, to̱o̱ a̱n c'rovo. Rinnas'ce ruk baa waav rovo.”
30An neta cetin buu ru, u gitka̱ waa'wanta a'la̱t a̱n k'ya̱na̱ bodo. Rinnas'ce ruk baa ru.
Ye̱so taask kyura̱m m'kyurmu
31Ye̱so lagk ke̱e̱ca̱n Taya u gedanka Sido̱n u cek Saama̱n Galili. U uvk ta̱m a̱n ke̱e̱ca̱ m'le̱e̱ oopa (Dikafolis). 32A̱nl a̱n neta̱n noktvain o a̱ra̱m kyurmu. A̱rmune, u za tu hong da, a tu la̱a̱ ta̱m s'lalk da. A kont bo̱ Ye̱so az u do̱v o a̱n koma ru. 33Ye̱so kwaatt bo̱ o d'bugu. U so̱vt bo̱ gyuu v ru a̱nmin conc kyurmu, u pis ta̱m c'te̱i u do̱v remd ru. 34Au wa̱lktin ta̱m a'cona, u sikka̱. U zeuz o, “Ifata.” Rina̱n nan ze, Ifata i, “A̱ba̱sa̱.” 35A̱ndaabe conc kyura̱m a̱ba̱ska̱, remd ru ba̱ta̱mka̱, u takaz s'lalk ba̱ta̱ss.
36Ye̱so saat bo̱ na̱ d'rin az aa ve̱ce̱ la noc rihica̱ ha̱n da. Go̱t ge̱ u saak na̱ d'rin na̱m'we̱s az aa vat la da, a ryaak la hwic nu'vato. 37Neta̱n sipk a'nwa̱a̱, a robk ta̱m ho̱da̱n m'emte. A to̱o̱k na̱m'ze, “U emka̱lk c'rihi kwe̱ i kasi. U de̱lk kyura̱m hongka, ta̱m u iga̱mka̱.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019