Markus 5
5
Ye̱so rutk rinnas'ce baa a̱rma̱
(Mat 8:28-34; Luk 8:26-39)
1Ye̱so a an la̱a̱s baa run pask k'ge̱n a cek kabv hyan a uvk a̱n copu netnan Ge̱rasin. 2An Ye̱so cizta̱in a̱n bumbka̱ m'ho̱o̱, a̱ndaabe noc haka u gwaantka o. U ruka̱ baa c'sago. U ci ta̱m rinnas'ce. 3Baada̱n sooca̱d ru, i baa c'sago. Noc za ta̱m un hweksina̱n gag o, ai to̱n a̱n s'ko̱m da. 4Na pook a̱n gag o a̱n c'kamparege, na gagese ta̱m komc ru a̱n s'ko̱mo̱. Puti a tan na, u el la tu ka̱sa̱m s'ko̱mo̱, u geca̱m ta̱m c'kamparege. A̱n na kum nocuna̱n hweksina̱n gag o da. 5Kooye̱ daava, a̱n gyop a i'hwen ne, u el tu el a̱n c'se̱m a baa c'sag no, a̱n s'kan, tu se̱e̱la̱l ta̱m we̱du ru a̱n c'taare.
6Au he̱nte̱in Ye̱so m'nak zo, u somk u cek u kugtk a̱n hwic ru. 7U kank na̱m'we̱se̱, “Ye̱so, vo Waav Na'Sila̱! Iye̱ v twe̱ne̱in me? Gel A'Sila̱, av ryeesa la m d'kob da.” 8U vatk taanl rema̱n Ye̱so zeka o, “Rinnas'ce, rwa̱a̱ na a̱n lag o.”
9Ye̱so ipkt bo̱ o, “I dind rov we̱?” U se̱sk o, “Dind ri, i d'bugu. Rema̱n c el hwe̱di.” 10A maaste bo̱ a̱n kons Ye̱so az au vog la na̱ a rwa̱a̱ u'cop da.
11A̱n daava̱n lo, damran bugka̱n ale̱de̱n lak a̱n c'ta̱a̱g a̱n paata̱n se̱me̱. 12Rinnas'ce kont bo̱ Ye̱so, “Vog co c caa baa ale̱de̱nan zo, bat ca̱n uv baa na̱.”
13Ye̱so ne̱e̱t bo̱ rinnas'ce d'ke̱e̱. A rwiila̱lt bo̱ a̱ndaabe, a havk a uvk baa ale̱de̱nane. Ale̱de̱nan lo virkta̱ bo̱ d'bug d'biri a̱n s'kwe̱e̱v a duvk a̱nmi m'saa. Bugda̱n na̱nna i s'kwe̱re̱ s'ila̱. A yiik ta̱m kwe̱ a̱nmi m'saa, a uku. 14An go̱tec na̱ somt bo̱ a havk a vatk rina̱n emin a̱nmi ni'le̱e̱ a c'bel na. Neta̱n rwiila̱lta̱ bo̱ a he̱nt rina̱n emine.
15Aa cetain baa Ye̱so, bugda̱n na̱nna kwe̱, a he̱nk un lain a rinnas'cen a'soot a m'kusa̱n a'to̱po̱. U el ta̱m vedvede. Gelk ryaat bo̱ na̱ hwe̱di. 16An he̱nin rina̱n emine, a ve̱ce̱ke̱ neta̱n ho̱da̱na̱n rihic emtin kan ciin rinnas'ce, a rina̱n tanin ale̱de̱nane. 17A kont bo̱ Ye̱so az u lag copu na̱.
18An Ye̱so latina̱n uva̱m bumbka̱ m'ho̱o̱, kan ciin rinnas'ce konk o az u lag o u gab o.
19Ye̱so holt bo̱ o gaba̱m ru. U zeka ta̱m o, “Gya̱a̱ v ve̱ce̱ an bano damran rihica̱n Kanubu emain vo. A ho̱da̱na̱n u hongtin za̱im rov no.”
20U to̱o̱k la u takka d'ba̱s a̱n copun Dikafolis, un rein m'le̱e̱ oopa, tu tana damran rihica̱n Ye̱so emain o. Neta̱n kwe̱, a sipk a'nwa̱a̱.
Ye̱so po̱to̱sko̱ waa'wanta
(Mat 9:18-26; Luk 8:40-56)
21Ye̱so sudk a̱n pas rigt m'saa a̱n bumbka̱ m'ho̱o̱ u cek kabv hyan. Neta̱n kargta bo̱ baa ru hwe̱di a̱n a̱n'a. U lak a̱n daava̱n lo d'viivi a m'saa na. 22Go̱to̱ ta̱m da̱nv an go̱mca̱n ka̱bda̱n kargad Yahude̱ne̱, un nan po̱g Jairus, u ceka. Au he̱ntin Ye̱so, u hek a̱n hwic ru. 23U kont bo̱ Ye̱so hwe̱di d'kala. U zeka, “Waa'wantad ri el a'la̱t a̱n gaag a̱n hob na'wa̱a̱. A̱m konk vo, noka v do̱v o a̱n koma rov bat gaag tu taa o, u po̱to̱.”
24Ye̱so gabt bo̱ Jairus. Neta̱n gabto bo̱ ta̱m na̱ hwe̱di, a el ta̱m a̱n ho̱dksem Ye̱so. 25Neta lak a̱n a̱n'a un he̱nin u'cin s'we̱e̱ oopa a̱n s'il i ta gedkse la da.
26U so̱o̱k d'kob hwe̱di a̱n hob s'banco. I de̱lk u hok kumu ru kwe̱, i ta vod la o da, gaag el ge̱ tu suda̱-suda̱. 27Au hongtin dind Ye̱so, u gabka d'bug u uvka̱ le̱va̱n dima̱, u ceka u do̱vk kusi Ye̱so. 28U em-em taanlo, rema̱n u zek a̱n de̱bc ru, “Am kum ge̱ m do̱vk kusa̱m ru c'taa, gaag tu taa me.”
29A̱ndaabe, hiba̱m gedkske la o. U hongk ta̱m a̱n we̱du ru az gaag taak o.
30A̱ndaabe, an Ye̱so naptin az we̱sa̱m ruk o nu'we̱de̱, u pankka a̱nmi d'bugu. U ipkka̱, “Iwe̱ a̱n do̱vin kusi ri?”
31An la̱a̱s baa ru zeta bo̱ o, “A̱v he̱n ge̱ bugda̱n neta̱n ho̱dkske vo, a̱v el ta̱m na̱m'ze, ‘Iwe̱ a̱n do̱vin me?’ ”
32Ye̱so gabtk is ru a̱n s'gwe̱tlo rem u he̱nt kan do̱vin o. 33Netaune la, na̱v'gel a̱n s'zapa, rema̱n u napk rina̱n emin o, u haka u hek nu'cop a̱n hwic Ye̱so. U ve̱ce̱ke̱ ta̱m o m'ga̱u kwe̱. 34Ye̱so zeta bo̱ netaune, “Waav ri, batma̱n ba̱ta̱d rov baa ri taask a̱v gaago. Hav u'yo̱ro. A̱v o̱dk gaag rovo.”
35An Ye̱so latina̱n s'lalko, neta̱n canz lanma̱n buu Jairus, da̱nv kan go̱mca̱n ka̱bda̱n kargad Yahude̱ne̱. A zeka Jairus, “Waav rov uku, lag o̱so̱so̱m kanubu.”
36An Ye̱so hongtin lalksa̱n a vatine, u ta wass a na̱nnan da. U zeka k'go̱mgo̱m va̱n ka̱bda̱n kargad Yahude̱ une, “Av hong la v'gel da. Bat ba̱ra̱v d'ba̱t baa ri.”
37Ye̱so ta se̱s noc hyan gaba o da a za Bitrus na Yakub a Yohana ha̱n Yakub da. 38Au cetain buu k'go̱mgo̱m va̱n ka̱bda̱n kargad Yahude̱ne̱, u gitka̱ neta̱n a̱n d'gudg a̱n de̱lka̱m s'kan. 39Au uvta̱in a̱nmi nu'bu, u ipkk na̱, “I rema̱n ye̱ a̱n retina̱n de̱lka̱m s'kan? Waa'wanta ta wa̱a̱ da, i la̱vma u retine.”
40A ke̱ka̱lk la Ye̱so a ceeska. U vogt bo̱ na̱ kwe̱ a rwa̱a̱. Ye̱so o̱mt bo̱ k'ceto a ina̱n waa na d'kut a an gabain o no. A uvk va̱na̱n waa'wanta rein a'la̱ta̱sa̱. 41Ye̱so bo̱pt bo̱ koma waa'wantaune. U zeka, “Talita kumi.” Rina̱n nan ze Talita kumi i, “Waa'wanta, unu.”
42V'Daa v'da̱nka̱, waa'wantaune unuku, u to̱o̱k ta̱m na'ha̱gcu. We̱e̱s ru, i oopa a̱n s'il nu'maco. Netnanan lain a̱n a̱n'a kwe̱, a sipk a'nwa̱a̱. 43Ye̱so saat bo̱ na̱ d'rin az aa ve̱ce̱ la noc rihica̱ ha̱n da. U zeka ta̱m na̱ az a ne̱e̱ waa'wanta c'ryaak u ryaa.
ទើបបានជ្រើសរើសហើយ៖
Markus 5: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Markus 5
5
Ye̱so rutk rinnas'ce baa a̱rma̱
(Mat 8:28-34; Luk 8:26-39)
1Ye̱so a an la̱a̱s baa run pask k'ge̱n a cek kabv hyan a uvk a̱n copu netnan Ge̱rasin. 2An Ye̱so cizta̱in a̱n bumbka̱ m'ho̱o̱, a̱ndaabe noc haka u gwaantka o. U ruka̱ baa c'sago. U ci ta̱m rinnas'ce. 3Baada̱n sooca̱d ru, i baa c'sago. Noc za ta̱m un hweksina̱n gag o, ai to̱n a̱n s'ko̱m da. 4Na pook a̱n gag o a̱n c'kamparege, na gagese ta̱m komc ru a̱n s'ko̱mo̱. Puti a tan na, u el la tu ka̱sa̱m s'ko̱mo̱, u geca̱m ta̱m c'kamparege. A̱n na kum nocuna̱n hweksina̱n gag o da. 5Kooye̱ daava, a̱n gyop a i'hwen ne, u el tu el a̱n c'se̱m a baa c'sag no, a̱n s'kan, tu se̱e̱la̱l ta̱m we̱du ru a̱n c'taare.
6Au he̱nte̱in Ye̱so m'nak zo, u somk u cek u kugtk a̱n hwic ru. 7U kank na̱m'we̱se̱, “Ye̱so, vo Waav Na'Sila̱! Iye̱ v twe̱ne̱in me? Gel A'Sila̱, av ryeesa la m d'kob da.” 8U vatk taanl rema̱n Ye̱so zeka o, “Rinnas'ce, rwa̱a̱ na a̱n lag o.”
9Ye̱so ipkt bo̱ o, “I dind rov we̱?” U se̱sk o, “Dind ri, i d'bugu. Rema̱n c el hwe̱di.” 10A maaste bo̱ a̱n kons Ye̱so az au vog la na̱ a rwa̱a̱ u'cop da.
11A̱n daava̱n lo, damran bugka̱n ale̱de̱n lak a̱n c'ta̱a̱g a̱n paata̱n se̱me̱. 12Rinnas'ce kont bo̱ Ye̱so, “Vog co c caa baa ale̱de̱nan zo, bat ca̱n uv baa na̱.”
13Ye̱so ne̱e̱t bo̱ rinnas'ce d'ke̱e̱. A rwiila̱lt bo̱ a̱ndaabe, a havk a uvk baa ale̱de̱nane. Ale̱de̱nan lo virkta̱ bo̱ d'bug d'biri a̱n s'kwe̱e̱v a duvk a̱nmi m'saa. Bugda̱n na̱nna i s'kwe̱re̱ s'ila̱. A yiik ta̱m kwe̱ a̱nmi m'saa, a uku. 14An go̱tec na̱ somt bo̱ a havk a vatk rina̱n emin a̱nmi ni'le̱e̱ a c'bel na. Neta̱n rwiila̱lta̱ bo̱ a he̱nt rina̱n emine.
15Aa cetain baa Ye̱so, bugda̱n na̱nna kwe̱, a he̱nk un lain a rinnas'cen a'soot a m'kusa̱n a'to̱po̱. U el ta̱m vedvede. Gelk ryaat bo̱ na̱ hwe̱di. 16An he̱nin rina̱n emine, a ve̱ce̱ke̱ neta̱n ho̱da̱na̱n rihic emtin kan ciin rinnas'ce, a rina̱n tanin ale̱de̱nane. 17A kont bo̱ Ye̱so az u lag copu na̱.
18An Ye̱so latina̱n uva̱m bumbka̱ m'ho̱o̱, kan ciin rinnas'ce konk o az u lag o u gab o.
19Ye̱so holt bo̱ o gaba̱m ru. U zeka ta̱m o, “Gya̱a̱ v ve̱ce̱ an bano damran rihica̱n Kanubu emain vo. A ho̱da̱na̱n u hongtin za̱im rov no.”
20U to̱o̱k la u takka d'ba̱s a̱n copun Dikafolis, un rein m'le̱e̱ oopa, tu tana damran rihica̱n Ye̱so emain o. Neta̱n kwe̱, a sipk a'nwa̱a̱.
Ye̱so po̱to̱sko̱ waa'wanta
(Mat 9:18-26; Luk 8:40-56)
21Ye̱so sudk a̱n pas rigt m'saa a̱n bumbka̱ m'ho̱o̱ u cek kabv hyan. Neta̱n kargta bo̱ baa ru hwe̱di a̱n a̱n'a. U lak a̱n daava̱n lo d'viivi a m'saa na. 22Go̱to̱ ta̱m da̱nv an go̱mca̱n ka̱bda̱n kargad Yahude̱ne̱, un nan po̱g Jairus, u ceka. Au he̱ntin Ye̱so, u hek a̱n hwic ru. 23U kont bo̱ Ye̱so hwe̱di d'kala. U zeka, “Waa'wantad ri el a'la̱t a̱n gaag a̱n hob na'wa̱a̱. A̱m konk vo, noka v do̱v o a̱n koma rov bat gaag tu taa o, u po̱to̱.”
24Ye̱so gabt bo̱ Jairus. Neta̱n gabto bo̱ ta̱m na̱ hwe̱di, a el ta̱m a̱n ho̱dksem Ye̱so. 25Neta lak a̱n a̱n'a un he̱nin u'cin s'we̱e̱ oopa a̱n s'il i ta gedkse la da.
26U so̱o̱k d'kob hwe̱di a̱n hob s'banco. I de̱lk u hok kumu ru kwe̱, i ta vod la o da, gaag el ge̱ tu suda̱-suda̱. 27Au hongtin dind Ye̱so, u gabka d'bug u uvka̱ le̱va̱n dima̱, u ceka u do̱vk kusi Ye̱so. 28U em-em taanlo, rema̱n u zek a̱n de̱bc ru, “Am kum ge̱ m do̱vk kusa̱m ru c'taa, gaag tu taa me.”
29A̱ndaabe, hiba̱m gedkske la o. U hongk ta̱m a̱n we̱du ru az gaag taak o.
30A̱ndaabe, an Ye̱so naptin az we̱sa̱m ruk o nu'we̱de̱, u pankka a̱nmi d'bugu. U ipkka̱, “Iwe̱ a̱n do̱vin kusi ri?”
31An la̱a̱s baa ru zeta bo̱ o, “A̱v he̱n ge̱ bugda̱n neta̱n ho̱dkske vo, a̱v el ta̱m na̱m'ze, ‘Iwe̱ a̱n do̱vin me?’ ”
32Ye̱so gabtk is ru a̱n s'gwe̱tlo rem u he̱nt kan do̱vin o. 33Netaune la, na̱v'gel a̱n s'zapa, rema̱n u napk rina̱n emin o, u haka u hek nu'cop a̱n hwic Ye̱so. U ve̱ce̱ke̱ ta̱m o m'ga̱u kwe̱. 34Ye̱so zeta bo̱ netaune, “Waav ri, batma̱n ba̱ta̱d rov baa ri taask a̱v gaago. Hav u'yo̱ro. A̱v o̱dk gaag rovo.”
35An Ye̱so latina̱n s'lalko, neta̱n canz lanma̱n buu Jairus, da̱nv kan go̱mca̱n ka̱bda̱n kargad Yahude̱ne̱. A zeka Jairus, “Waav rov uku, lag o̱so̱so̱m kanubu.”
36An Ye̱so hongtin lalksa̱n a vatine, u ta wass a na̱nnan da. U zeka k'go̱mgo̱m va̱n ka̱bda̱n kargad Yahude̱ une, “Av hong la v'gel da. Bat ba̱ra̱v d'ba̱t baa ri.”
37Ye̱so ta se̱s noc hyan gaba o da a za Bitrus na Yakub a Yohana ha̱n Yakub da. 38Au cetain buu k'go̱mgo̱m va̱n ka̱bda̱n kargad Yahude̱ne̱, u gitka̱ neta̱n a̱n d'gudg a̱n de̱lka̱m s'kan. 39Au uvta̱in a̱nmi nu'bu, u ipkk na̱, “I rema̱n ye̱ a̱n retina̱n de̱lka̱m s'kan? Waa'wanta ta wa̱a̱ da, i la̱vma u retine.”
40A ke̱ka̱lk la Ye̱so a ceeska. U vogt bo̱ na̱ kwe̱ a rwa̱a̱. Ye̱so o̱mt bo̱ k'ceto a ina̱n waa na d'kut a an gabain o no. A uvk va̱na̱n waa'wanta rein a'la̱ta̱sa̱. 41Ye̱so bo̱pt bo̱ koma waa'wantaune. U zeka, “Talita kumi.” Rina̱n nan ze Talita kumi i, “Waa'wanta, unu.”
42V'Daa v'da̱nka̱, waa'wantaune unuku, u to̱o̱k ta̱m na'ha̱gcu. We̱e̱s ru, i oopa a̱n s'il nu'maco. Netnanan lain a̱n a̱n'a kwe̱, a sipk a'nwa̱a̱. 43Ye̱so saat bo̱ na̱ d'rin az aa ve̱ce̱ la noc rihica̱ ha̱n da. U zeka ta̱m na̱ az a ne̱e̱ waa'wanta c'ryaak u ryaa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019