Markus 4
4
C'Hwennsa a̱n kanugo̱vo̱
1Ye̱so takka ta̱m la̱a̱sa̱m na a̱n bilka̱n saama̱n Galili. Damran bugka̱n neta̱n kargta bo̱ baa ru a de̱lk u uvk a̱n bumbka̱ m'ho̱o̱ u sootk a̱nmi m'saa. Bugka̱n neta̱n el kaa a̱n k'bila̱.#4:1 Go̱t ta̱m: Luk 5:1-3. 2U la̱a̱ska̱ ta̱m na̱ c'rihi hwe̱di a̱n c'hwennsa. U zeka:
3“Gan na u'con. Kanugo̱v ruk a̱n d'goo. 4Au latina̱n d'goo, goo hyan hek a̱n e̱s k'le̱ve̱. Nema̱n hanz a̱ndaabe a kek e. 5Goo hyan hek na̱m'taar va̱na̱n hwinc zain hwe̱di da. I lalk i potka rema̱n wa̱a̱d ta pim da. 6An hwei taataine, i radk e. Ai retin i ta tan s'ga̱a̱r hwe̱di da, i le̱e̱k a̱ndaabe, i uku. 7Goo hyan hek baa c'hila̱. I gubku, hila̱c ho̱dkske la e, i ta mat yaan da. 8Goo hyan hek a̱n copu kasi. I potka, i gubk i kasi, i matka. I hyan yaan d'kwe̱z a̱n oopa. I hyan kwe̱zc c'ta̱a̱cu. I hyan v'za̱ngu.”
9U zeka na̱ kwe̱, “Koowe̱ a̱n ciin conc nu'hongo, lag u honga.”
Rina̱n de̱lin Ye̱so emt c'hwennsa
(Mat 13:10-17; Luk 8:9-10)
10An Ye̱so latin un v'da̱n, an hongin o a oopa ni'il nanlo ne, a haka baa ru a ipkk o da̱n hwennsac ne. 11U zeta bo̱ na̱, “Nwaa na lagk no a̱n nap rihica̱n go̱mc Na'Sil ca̱n rein m'ze̱se̱. An zain la baa cinna da, i hwennsacan nan ema na̱. 12I bat nan esasa rina̱n lalks Na'Sil zeine.” Sa̱ zeka,
“Rem nu'he̱no, ta he̱ne̱,
a ta pamasa la rihi da.
Rem nu'hongo,
ta honga, a ta ke̱e̱se̱ la rihi
bat ta panka baa Na'Sil
a kwisiti na̱ ko̱tc na̱ da.”#4:12 Go̱t ta̱m: Isa 6:9-10.
Ye̱so ba̱tkska̱ c'hwennsa
(Mat 13:18-23; Luk 8:11-15)
13Ye̱so ryaak ta̱m hwic u ipkk na̱, “An ta naptin bo̱ kaa hwennsaca̱ ha̱n da, i'le̱e̱le̱ kaa a̱n ta̱n napt c hyan? 14Goina̱n ka d'goo gwaine, i lalks Na'Sila̱. 15Goina̱n hyain a̱n e̱s k'le̱v daava̱ d'goo, i an reine, daava̱n ta hongt lalks Na'Sila̱, A̱krimu tu han u ko̱s lalksa̱n na gwain a̱n de̱bc na̱ a̱ndaabe. 16Goina̱n hyain na̱m'taare, i an ta hong lalks Na'Sila̱, a kab sa̱ a̱n c'za̱ngkta̱ a̱ndaabe. 17Ai retin la lalks Na'Sil ta soot a̱n de̱bc na̱ da, ta gag c'de̱b v'daa ca̱nmi. A he̱n ryaaka̱ d'kob a d'o̱so̱mo̱n rema̱n lalks Na'Sil gudgka̱, a̱ndaabe a̱n ta lag s'gaba.
18“Goina̱n hyain a̱n c'hila̱, i goon netnanan ta hong lalks Na'Sila̱. 19Keka̱bsa̱n rihica̱ c'nocurimu a palkac nu'kum a to̱nca̱n rihic hyan ca de̱lin a̱n c'de̱be̱, ca̱n uva̱ c hol lalks Na'Sil u soot a̱n de̱bc na̱. 20In na gwain a̱n copu kasi, i goon an ta hong lalks Na'Sil a kab sa̱, a mata yaana. Ahyan d'kwe̱z a̱n oopa. Ahyan kwe̱zc c'ta̱a̱cu. Ahyan ta̱m v'za̱ngu.”
C'Hwennsa a̱n d'ta̱si
(Luk 8:16-18)
21Ye̱so zeka ta̱m na̱, “Na za nan dapasa d'ta̱si na kubg da̱ a̱n k'doro alla na cuk da̱ a̱n parasa̱n da. I na sakasa da̱ va̱na̱n ta̱d za̱na̱sa̱.#4:21 Go̱t ta̱m: Mat 5:15; Luk 11:33. 22Rihi za in na ze̱sin in na zain a̱n ruta̱ a̱n d'yan da. Lalk za ta̱m un na ze̱sin un na zain na̱m'a̱da̱sa̱ da.#4:22 Go̱t ta̱m: Mat 10:26; Luk 12:2. 23Koowe̱ a̱n ciin conc nu'hongo, lag u honga.”
24Ye̱so zeka ta̱m na̱, “Gan na u'con a d'ke̱mne̱nne̱. A̱n honina̱n a̱n me̱e̱kte̱in na, i a̱n inya a̱n nan me̱e̱kte̱ no, pa̱tka̱n tan ta̱ma̱.#4:24 Go̱t ta̱m: Mat 7:2; Luk 6:38. 25Kan ciini, i unwa a̱n nan swidi. Un zattin la da, nan kab ca̱nmi iu ciini.”#4:25 Go̱t ta̱m: Mat 13:12; 25:29; Luk 19:26.
C'Hwennsa a̱n gubca̱ d'goo
26Ye̱so sudk ta̱m a̱n ze, “Go̱t ho̱da̱na̱n go̱mc Na'Sil retine. Ca̱ el ho̱da̱n noc tu gwaat d'goo. 27Nan la̱v nan pa̱dka̱, goo pota i gubu, a tu nap ho̱dun da. 28I lanm nu'cop a̱n rihi ti pota. I taka a̱n saka̱m k'vaa k'da̱n-k'da̱n i gubu, i em c'ubu, i but i de̱l yaana. 29Daava̱n i entin a d'ke̱mne̱nne̱, tu o̱mo̱ d'kwint u ke̱m a̱ndaabe, rema̱n daava̱n ke̱m ceka.”
C'Hwennsa a̱n yaanin mo̱stad
(Mat 13:31-32,34; Luk 13:18-19)
30Ye̱so ipkk ta̱m na̱, “I'Le̱e̱le̱ a̱n go̱mc Na'Sil retine? I a̱n ye̱ ta̱m a̱n nan hwenna̱sta ca̱? 31Go̱mc Na'Sil el ho̱da̱n yaanva̱n bobaka̱n mo̱stad. I pa̱tk kooye̱ goon yaanin cewa a̱nmin copun yanda̱ha̱n a̱n s'kala. 32Daava̱n na gwaatin la e, ti gub i pa̱t kooye̱ goon bobaka. Ti gub i em damra s'za̱t nema̱n ta hyaa a̱n unwa a em c'ta̱ndi.”
33I a̱n goon hwennsaca̱ ha̱n hwe̱di a̱n Ye̱so ve̱ce̱te̱in neta̱n s'lalk ho̱da̱na̱n ta ke̱e̱ste̱. 34I a̱n c'hwennsa u latin tu ema ahyan s'lalko. Au soot kaa a an la̱a̱s baa ru nu, u ba̱tksa̱ na̱ c'rihi kwe̱.
Ye̱so resaska c'e̱n
(Mat 8:23-27; Luk 8:22-25)
35A̱n hweda̱n lo ta̱m an rima tudtine, Ye̱so zek an la̱a̱s baa ru, “Na pas na m'ho̱o̱ na caa kabv hyan.” 36Aa lagtin bugda̱n netna, a sakk a̱n bumbka̱ m'ho̱o̱ a to̱o̱ko̱. Bumbuca̱ m'ho̱o̱ c hyan gabka la ta̱m na̱. 37Damra c'e̱n gudga̱zo. Hwensa̱ m'ho̱o̱ ko̱sk bumbka̱ m'ho̱o̱, k hik cwebe na̱m'ho̱o̱. 38Ye̱so lak la na̱m'la̱v a̱n dimda̱n bumbka̱ m'ho̱o̱, u begk ta̱m d'hi a̱n rika̱n bega̱m d'hi. An la̱a̱s baa ru hata bo̱ a pa̱dksa̱ o. A zeka o, “Kanubu, a̱v ta wass az nan hav na'wa̱a̱ da?”
39Ye̱so unutu bo̱ u haagska c'e̱n, u zeka ta̱m hwensa̱n m'ho̱o̱, “Res na te̱kk.” E̱nc eska. Baad resk ta̱m te̱kk.
40U ipkt bo̱ na̱, “I rema̱n ye̱ a̱n gelk ryaatin no? V'Daa ge̱ a̱n ta bat d'ba̱t baa ri da?”
41A hongk k'gel hwe̱di, a zeka hyannana̱, “Iye̱ goon nocwa hna? C'E̱n a m'saan ca̱n gab lalk ru?”
ទើបបានជ្រើសរើសហើយ៖
Markus 4: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Markus 4
4
C'Hwennsa a̱n kanugo̱vo̱
1Ye̱so takka ta̱m la̱a̱sa̱m na a̱n bilka̱n saama̱n Galili. Damran bugka̱n neta̱n kargta bo̱ baa ru a de̱lk u uvk a̱n bumbka̱ m'ho̱o̱ u sootk a̱nmi m'saa. Bugka̱n neta̱n el kaa a̱n k'bila̱.#4:1 Go̱t ta̱m: Luk 5:1-3. 2U la̱a̱ska̱ ta̱m na̱ c'rihi hwe̱di a̱n c'hwennsa. U zeka:
3“Gan na u'con. Kanugo̱v ruk a̱n d'goo. 4Au latina̱n d'goo, goo hyan hek a̱n e̱s k'le̱ve̱. Nema̱n hanz a̱ndaabe a kek e. 5Goo hyan hek na̱m'taar va̱na̱n hwinc zain hwe̱di da. I lalk i potka rema̱n wa̱a̱d ta pim da. 6An hwei taataine, i radk e. Ai retin i ta tan s'ga̱a̱r hwe̱di da, i le̱e̱k a̱ndaabe, i uku. 7Goo hyan hek baa c'hila̱. I gubku, hila̱c ho̱dkske la e, i ta mat yaan da. 8Goo hyan hek a̱n copu kasi. I potka, i gubk i kasi, i matka. I hyan yaan d'kwe̱z a̱n oopa. I hyan kwe̱zc c'ta̱a̱cu. I hyan v'za̱ngu.”
9U zeka na̱ kwe̱, “Koowe̱ a̱n ciin conc nu'hongo, lag u honga.”
Rina̱n de̱lin Ye̱so emt c'hwennsa
(Mat 13:10-17; Luk 8:9-10)
10An Ye̱so latin un v'da̱n, an hongin o a oopa ni'il nanlo ne, a haka baa ru a ipkk o da̱n hwennsac ne. 11U zeta bo̱ na̱, “Nwaa na lagk no a̱n nap rihica̱n go̱mc Na'Sil ca̱n rein m'ze̱se̱. An zain la baa cinna da, i hwennsacan nan ema na̱. 12I bat nan esasa rina̱n lalks Na'Sil zeine.” Sa̱ zeka,
“Rem nu'he̱no, ta he̱ne̱,
a ta pamasa la rihi da.
Rem nu'hongo,
ta honga, a ta ke̱e̱se̱ la rihi
bat ta panka baa Na'Sil
a kwisiti na̱ ko̱tc na̱ da.”#4:12 Go̱t ta̱m: Isa 6:9-10.
Ye̱so ba̱tkska̱ c'hwennsa
(Mat 13:18-23; Luk 8:11-15)
13Ye̱so ryaak ta̱m hwic u ipkk na̱, “An ta naptin bo̱ kaa hwennsaca̱ ha̱n da, i'le̱e̱le̱ kaa a̱n ta̱n napt c hyan? 14Goina̱n ka d'goo gwaine, i lalks Na'Sila̱. 15Goina̱n hyain a̱n e̱s k'le̱v daava̱ d'goo, i an reine, daava̱n ta hongt lalks Na'Sila̱, A̱krimu tu han u ko̱s lalksa̱n na gwain a̱n de̱bc na̱ a̱ndaabe. 16Goina̱n hyain na̱m'taare, i an ta hong lalks Na'Sila̱, a kab sa̱ a̱n c'za̱ngkta̱ a̱ndaabe. 17Ai retin la lalks Na'Sil ta soot a̱n de̱bc na̱ da, ta gag c'de̱b v'daa ca̱nmi. A he̱n ryaaka̱ d'kob a d'o̱so̱mo̱n rema̱n lalks Na'Sil gudgka̱, a̱ndaabe a̱n ta lag s'gaba.
18“Goina̱n hyain a̱n c'hila̱, i goon netnanan ta hong lalks Na'Sila̱. 19Keka̱bsa̱n rihica̱ c'nocurimu a palkac nu'kum a to̱nca̱n rihic hyan ca de̱lin a̱n c'de̱be̱, ca̱n uva̱ c hol lalks Na'Sil u soot a̱n de̱bc na̱. 20In na gwain a̱n copu kasi, i goon an ta hong lalks Na'Sil a kab sa̱, a mata yaana. Ahyan d'kwe̱z a̱n oopa. Ahyan kwe̱zc c'ta̱a̱cu. Ahyan ta̱m v'za̱ngu.”
C'Hwennsa a̱n d'ta̱si
(Luk 8:16-18)
21Ye̱so zeka ta̱m na̱, “Na za nan dapasa d'ta̱si na kubg da̱ a̱n k'doro alla na cuk da̱ a̱n parasa̱n da. I na sakasa da̱ va̱na̱n ta̱d za̱na̱sa̱.#4:21 Go̱t ta̱m: Mat 5:15; Luk 11:33. 22Rihi za in na ze̱sin in na zain a̱n ruta̱ a̱n d'yan da. Lalk za ta̱m un na ze̱sin un na zain na̱m'a̱da̱sa̱ da.#4:22 Go̱t ta̱m: Mat 10:26; Luk 12:2. 23Koowe̱ a̱n ciin conc nu'hongo, lag u honga.”
24Ye̱so zeka ta̱m na̱, “Gan na u'con a d'ke̱mne̱nne̱. A̱n honina̱n a̱n me̱e̱kte̱in na, i a̱n inya a̱n nan me̱e̱kte̱ no, pa̱tka̱n tan ta̱ma̱.#4:24 Go̱t ta̱m: Mat 7:2; Luk 6:38. 25Kan ciini, i unwa a̱n nan swidi. Un zattin la da, nan kab ca̱nmi iu ciini.”#4:25 Go̱t ta̱m: Mat 13:12; 25:29; Luk 19:26.
C'Hwennsa a̱n gubca̱ d'goo
26Ye̱so sudk ta̱m a̱n ze, “Go̱t ho̱da̱na̱n go̱mc Na'Sil retine. Ca̱ el ho̱da̱n noc tu gwaat d'goo. 27Nan la̱v nan pa̱dka̱, goo pota i gubu, a tu nap ho̱dun da. 28I lanm nu'cop a̱n rihi ti pota. I taka a̱n saka̱m k'vaa k'da̱n-k'da̱n i gubu, i em c'ubu, i but i de̱l yaana. 29Daava̱n i entin a d'ke̱mne̱nne̱, tu o̱mo̱ d'kwint u ke̱m a̱ndaabe, rema̱n daava̱n ke̱m ceka.”
C'Hwennsa a̱n yaanin mo̱stad
(Mat 13:31-32,34; Luk 13:18-19)
30Ye̱so ipkk ta̱m na̱, “I'Le̱e̱le̱ a̱n go̱mc Na'Sil retine? I a̱n ye̱ ta̱m a̱n nan hwenna̱sta ca̱? 31Go̱mc Na'Sil el ho̱da̱n yaanva̱n bobaka̱n mo̱stad. I pa̱tk kooye̱ goon yaanin cewa a̱nmin copun yanda̱ha̱n a̱n s'kala. 32Daava̱n na gwaatin la e, ti gub i pa̱t kooye̱ goon bobaka. Ti gub i em damra s'za̱t nema̱n ta hyaa a̱n unwa a em c'ta̱ndi.”
33I a̱n goon hwennsaca̱ ha̱n hwe̱di a̱n Ye̱so ve̱ce̱te̱in neta̱n s'lalk ho̱da̱na̱n ta ke̱e̱ste̱. 34I a̱n c'hwennsa u latin tu ema ahyan s'lalko. Au soot kaa a an la̱a̱s baa ru nu, u ba̱tksa̱ na̱ c'rihi kwe̱.
Ye̱so resaska c'e̱n
(Mat 8:23-27; Luk 8:22-25)
35A̱n hweda̱n lo ta̱m an rima tudtine, Ye̱so zek an la̱a̱s baa ru, “Na pas na m'ho̱o̱ na caa kabv hyan.” 36Aa lagtin bugda̱n netna, a sakk a̱n bumbka̱ m'ho̱o̱ a to̱o̱ko̱. Bumbuca̱ m'ho̱o̱ c hyan gabka la ta̱m na̱. 37Damra c'e̱n gudga̱zo. Hwensa̱ m'ho̱o̱ ko̱sk bumbka̱ m'ho̱o̱, k hik cwebe na̱m'ho̱o̱. 38Ye̱so lak la na̱m'la̱v a̱n dimda̱n bumbka̱ m'ho̱o̱, u begk ta̱m d'hi a̱n rika̱n bega̱m d'hi. An la̱a̱s baa ru hata bo̱ a pa̱dksa̱ o. A zeka o, “Kanubu, a̱v ta wass az nan hav na'wa̱a̱ da?”
39Ye̱so unutu bo̱ u haagska c'e̱n, u zeka ta̱m hwensa̱n m'ho̱o̱, “Res na te̱kk.” E̱nc eska. Baad resk ta̱m te̱kk.
40U ipkt bo̱ na̱, “I rema̱n ye̱ a̱n gelk ryaatin no? V'Daa ge̱ a̱n ta bat d'ba̱t baa ri da?”
41A hongk k'gel hwe̱di, a zeka hyannana̱, “Iye̱ goon nocwa hna? C'E̱n a m'saan ca̱n gab lalk ru?”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019