Luka U'Gabte

U'Gabte

Ge̱nsa̱n kasi lalk Ye̱so sa̱ha̱n, i Luka a̱n ge̱nin sa̱. Luka za k'Yahude̱ da, i k'Girik. I unwa la̱a̱gva̱n go̱tma̱n a s'malse. U se̱e̱tke̱ ta̱m Bulus daava̱n baala̱m Bulus ma̱ d'be̱se̱ ma̱n ba̱sda̱n kasi lalko. Na ge̱nk taka̱llaka̱ ha̱n a̱n we̱e̱sa̱n 50-56 a̱n po̱ta̱m Ye̱so. Luka be̱tkk a d'ke̱mne̱nne̱, ge̱nsa̱n na ge̱nka̱llin kwe̱ a rihica̱n neta̱n vatin kwe̱ da̱n nocurimuc Ye̱so a da̱n wa̱a̱'a ru a po̱ta̱m run kwe̱, ai u ge̱nt taka̱llak ne. Ai retin i unwa k'Girik un kumin u havk a̱n la̱a̱si, u he̱nk i ge̱be̱ske̱ u se̱e̱pse̱ c'rihi ho̱da̱n daava̱ c emtine, ko in pe̱ a̱n hwed e. Taanl vodk a ho̱da̱na̱n Yahude̱n retin ta ge̱n c'rihi. Yahude̱n ta wass a ge̱n c'rihi a se̱e̱pse̱ ca̱ ho̱da̱n daava̱ c emtin da.

Maatiyu ge̱nk da̱n soota̱m Ye̱so ka d'gwa̱a̱ma̱. Markus la, u kwesaka yomka Ye̱so, coka̱v Na'Sila̱. Luka la, u to̱nk u kwesa az Ye̱so i A'Sila̱. Go̱t ta̱m i unwa nocurimu, goov Ada̱mu (beboda̱n 3:23-38). Taanlo, Luka kwesaka az Ye̱so i Kan Go̱mca̱n Kooye̱ a̱nmin copun yanda̱hna. U ge̱nk ta̱m az Ye̱so i “Waav Noco,” un noktain kasi lalk u d'gwa̱a̱ma̱ rema̱n neta̱n kwe̱. U ge̱nk rihic hyan hwe̱di ca̱n an ge̱nka̱llin da̱n yomka Ye̱so ta ge̱nin da.

ទើបបានជ្រើសរើសហើយ៖

Luka U'Gabte: driNT

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី Lalks Na'Sila̱ Lalk Gigk Poune C'Lela