Luka 1
1
Ye̱n de̱lin Luka ge̱nt k'taka̱lla
1Tiyo̱filo̱s ka k'gwin, neta̱n hwe̱di ge̱nka̱lk rihica̱n Ye̱so emka̱llin daav u latin baa cinna ho̱da̱na̱n i retin a'ge̱n a̱nmin lalks Na'Sila̱. 2A ge̱nk rihica̱n na ve̱ce̱in cinna ca̱n neta̱n he̱nin a̱n is na̱ lanma̱ d'takbo. A emk ta̱m ba̱sda̱n lalks Na'Sil sa̱ne. 3Tiyo̱filo̱s ka k'gwin, a̱m pe̱e̱kke̱, a̱m ke̱e̱ske̱ ta̱m rihica̱n lo kwe̱ a d'ke̱mne̱n lanma̱n takboda̱n ca̱nca. A̱m he̱nt bo̱ kaa i emk d'ke̱me̱, az a̱m ge̱ne̱, a̱m se̱e̱pse̱ v ta̱m ca̱nca kwe̱ i'kasi. 4I bat ta̱'v nap ga̱uma̱n rihica̱n na la̱a̱sa̱in vo.
Nan mat Yohana
5A̱n hwec He̱ro̱d go̱m va̱n copun Judiya, go̱m va̱ d'ka̱b u Na'Sil lak un nan po̱g Zakariya kan guti Abija. Netav ru Sabatu i macun buuk Haruna. 6Na̱nna kwe̱, i an gela̱v Na'Sila̱. A emk ta̱m c'nocurimu a̱n gaba̱m s'giira a lalks Na'Sil na̱. 7A zatta la waa da rema̱n Sabatu ta mat da. Na̱nna ta̱m kwe̱ a konga̱mka.
8A̱n d'hwen Zakariya lak a̱n yomkan go̱mca̱ d'ka̱b u Na'Sila̱, rema̱n i daava̱n yomka ru a̱n riga̱ini. 9Ho̱da̱na̱n go̱mna d'ka̱b a Na'Sil retin ta ema, dagc hek baa Zakariya az i unwa a̱n tu dwaa hwa̱a̱kca̱n nevma̱n kos d'ha̱ng a̱nmin buuk Na'Sila̱. 10Bugda̱n neta̱n lak kaa kwe̱ a̱n s'cepk na'is a̱n daava̱n dwaama̱n hwa̱a̱kca̱ d'ha̱ng ca̱ne.
11K'Comta̱v Na'Sil ceta bo̱ baa Zakariya coso. U esuz ga̱la̱n koma s'to̱o̱ an sakada̱n dwaama̱n hwa̱a̱kca̱ d'ha̱ngu. 12An Zakariya he̱ntin o, hora̱md bugk o hwe̱di d'kala, gela̱v ryaak ta̱m o. 13K'Comta̱v Na'Sil une zeta bo̱ o, “Av hong la v'gel da Zakariya rema̱n Sila hongk cepks rovo. Netav rov Sabatu tu me̱te̱ v waa'a̱rma̱, ta̱'v cet o d'din Yohana. 14Ta̱'v em c'za̱ngkta̱ a pusuu c'de̱ba̱n hwe̱di rema̱n macu ru. Neta̱n hwe̱di ta̱m ta em c'za̱ngkta̱.
15“Sila ta gig o damran noco. Au tak a̱n so̱o̱ m'kyaa da cakk. Nan ne̱e̱ o ta̱m we̱sma̱n Hora̱mda̱n zattin ri d'reb da lanma̱n ba̱ta̱d inu.#1:15 Go̱t ta̱m: D'Og 6:3. 16Tu de̱l netnan Isra'ila hwe̱di a lag ko̱tc na̱, a vaaka baa Na'Sila̱. 17Tu baa Kan Go̱mca̱n Kooye̱ m'han. Tu em a'yomk a̱n we̱sma̱n Hora̱md Na'Sil ho̱d Iliya k'barav Na'Sila̱. Tu de̱l cetonc to̱n aka̱n na̱. An rein ta̱m ta pas lalks Na'Sila̱, tu de̱l a geta a kum vers an gela̱v Na'Sila̱. Tu de̱l an walgin kabma̱n lalks Na'Sila̱, a soot a c'walg no.”#1:17 Go̱t ta̱m: Mal 4:5-6.
18Zakariya ipkt bo̱ k'comta̱v Na'Sila̱, “I ho̱da̱npe̱ a̱n riiha̱n ti emata baa ri? I mi kongoma, netav ri ta̱m u ulk hwe̱di.”
19K'Comta̱v Na'Sil se̱st bo̱ o, “I mi Ge̱bre̱l un rein baa Na'Sila̱. A comka ta̱m me az a̱m ve̱ce̱ v lalksa̱ ha̱n s'kasi.#1:19 Go̱t ta̱m: Dan 8:16; 9:21. 20Ai retin a̱v ta kab rina̱n m ve̱ce̱in v da, a ta̱'v iga̱m da a za hweda̱n na mattin waaun da. Lalksa̱ ha̱n la ke̱ng, sa̱n esa a daav ema.”
21I maak neta̱n vala̱m Zakariya. A takka keka̱bsa̱n rina̱n de̱lin u gosta hwe̱di a̱nmin buuk Na'Sila̱. 22An Zakariya ruta̱ine, u ta la̱a̱ iga̱msa̱m na̱ da. I kwesata bo̱ na̱ az u emka k'ya̱a̱taya̱a̱ a̱nmin baada̱n zattin ri d'reb da. Rema̱n u e̱se̱ke̱ na̱ a̱n c'koma, u ta la̱a̱ a̱n iga̱m da.
23An hweca̱n yomka ru a̱nmin buuk Na'Sil to̱o̱tine, u unuku u gyiika̱.
24An rihica̱ ha̱n to̱o̱tine, netav ru Sabatu emk d'ubu, u emk ta̱m s'pe̱e̱t s'tan a'hoka. U zeka, 25“I Kan Go̱mca̱n Kooye̱ a̱n emain m rihica̱ hna. U kwesaka m pusuu ru a̱n hweca̱ hna. U o̱do̱sko̱ kaa ma̱ m'e̱n baa netna.”
Nan mat Ye̱so
26An Sabatu latina̱n pe̱e̱t u v'cihin a̱n kumma̱ d'ubu, Sila comka ta̱m comta̱v na̱ Ge̱bre̱l a̱n le̱in Nazarat, in rein a̱n copun Galili. 27Sila comka o baa waa'wantauna̱n nan po̱g Me̱e̱ri, un Isuhu waava̱n buuk Dauda go̱m maakine.#1:27 Go̱t ta̱m: Mat 1:18. 28K'Comta̱v Na'Sil ceta bo̱ baa ru coso. U zeka o, “Po̱o̱sko̱ vo, vouna̱n Sila ta to̱n hwe̱di, Sila el ta̱m d'kut a vo no.”
29Daava̱n Me̱e̱ri he̱ntin o, hora̱md bugk o rema̱n rina̱n u vatine. U takaz keka̱bsa̱n rina̱n sain goon po̱o̱so̱da̱ hna. 30K'Comta̱v Na'Sil zeta bo̱ o, “Av hong la v'gel da Me̱e̱ri. A̱v kumk u'pusu baa Na'Sila̱. 31Go̱to̱, ta̱'v em d'ubu. Ta̱'v mat waa'a̱rma̱. Ta̱'v cet ta̱m o d'din Ye̱so.#1:31 Go̱t ta̱m: Mat 1:21. 32Tu soot damran noco. Nan po̱g ta̱m o Waav Na'Sila̱. Sila ta nes ta̱m o dotaka̱n go̱mc ceto Dauda. 33Tu em go̱mca̱n buu Yakubu d'kala. Go̱mc ru ta̱ma̱, c zatta ged da.”
34Me̱e̱ri ipkt bo̱ k'comta̱v Na'Sil une, “I ho̱da̱npe̱ a̱n rihica̱ ha̱n ca̱n emata, ai retin a̱m ta nap a̱ra̱m da?”
35K'Comta̱v Na'Sil une se̱sk o, “Hora̱md Na'Sil da̱n uv baa rovo. We̱sa̱m kac'go̱m kwe̱ ma̱n swepa ta̱m vo. Waauna̱n ta̱'v mata, tu soot kan zattin ri d'reb da, Waav Na'Sila̱. 36Go̱t kan ba̱ra̱v Sabatu ci d'ub a̱n kongamc ru. Kan na lain nan po̱g neta pesmo, i pe̱e̱t u v'cihin hna. 37Rema̱n baa Na'Sila̱, kooye̱ ti ema.”#1:37 Go̱t ta̱m: D'Tak 18:14.
38Me̱e̱ri zeta bo̱ o, “I mi coka̱v Na'Sila̱. Lag i soot baa ri honhon ho̱da̱na̱n v vattine.” K'Comta̱v Na'Sil to̱o̱t bo̱ u lag o.
Me̱e̱ri havk baa Sabatu
39Me̱e̱ri unutu bo̱ a̱n hweca̱n lo u uvk a̱nmin le̱i c'se̱me̱, a̱nmin copun Judiya.
40U uvk a̱n buu Zakariya, u po̱o̱sko̱ Sabatu. 41An Sabatu hongtin po̱o̱so̱d Me̱e̱ri, waa zo̱rkske o a̱n d'ba̱ta̱. We̱sma̱n Hora̱mda̱n zattin ri d'reb da uvk ta̱m baa ru. 42U zeta bo̱, “A̱v pa̱tk netan kwe̱ a̱n kuma̱m nu'pusu baa Na'Sila̱. Sila emaka ta̱m waauna̱n ta̱'v mata. 43I'le̱e̱le̱ i taktain a̱m kumt goon gwinka̱ hna? I cet in kan buu ri hata baa ri? 44Am hongtin po̱o̱so̱d rovo, waa zo̱rkske m a̱n d'ba̱t rem c'za̱ngkta̱. 45Sila emaka vo, rema̱n a̱v kabk az rina̱n a zein az ta ema vo, ta em e.”
Sepu Me̱e̱ri
46Me̱e̱ri zeta bo̱,
“A̱m el a̱n bo̱mc Kan
Go̱mca̱n Kooye̱
a̱n de̱bc ri kwe̱.
47A̱m el a̱n c'za̱ngkta̱
a hora̱md rin kwe̱
baa Sila nan gwa̱a̱in me.
48Rema̱n a wassk a mi ni,
coka̱v na̱ ka c'kwiri.
Lanma̱n daava̱ ha̱n,
netnan ta̱ma̱ a an lain ne,
ta po̱g a̱m kan Sila emaine.
49A'Sil ka m'we̱s kwe̱
emaka m damra c'rihi hwe̱di.
Dind na̱ zatta ri d'reb da.
50Kwisid na̱ el ta̱m baa an gela̱v na̱,
lanma̱n netnan de̱hne a an lain ne.
51A emk damra c'rihi a̱n koma na̱.
A wazgska ta̱m
an lo̱ga̱m d'hi a keka̱bs na̱-na̱.
52A citka̱ a c'go̱m a̱n dotac na̱,#1:52 Go̱t ta̱m: Ayu 5:11.
a guba̱ska̱ kaa kalkne.
53A cigsk an mer a̱n c'rihi c'kasi.
A vogk ta̱m a nu'kum
a to̱o̱ c'kom ka̱ka̱la̱.
54A se̱e̱tke̱ coka̱n na̱ netnan Isra'ila.
A bakaska ta̱m a hongk za̱im
55Ibrahi a goov run d'kala,
ho̱da̱na̱n a ve̱ce̱te̱in ceta cinna.#1:55 Go̱t ta̱m: D'Tak 17:7.”
Macu Yohana
56Me̱e̱ri sootk baa Sabatu s'pe̱e̱t s'ta̱a̱cu, u gya̱uz kaa ba̱na̱.
57An daav cetin va̱n Sabatu tu matte, u matk waa'a̱rma̱. 58An e̱s ru a an ba̱na̱n hongt bo̱ ho̱da̱na̱n Sila hongtin za̱im ru hwe̱di, a se̱e̱tke̱ o c'za̱ngkta̱.
59A̱n hweda̱ v'ya̱a̱ru, aa noktin na emata waa s'geda, a to̱nk be̱ a cet o d'din Zakariya, dind ceto.#1:59 Go̱t ta̱m: Ggdk 12:3. 60Inu zeta bo̱ la na̱, “Za taanl da, nan po̱g o Yohana.”
61A ipkt bo̱ o, “Guti no i'biri, iwe̱ a̱n nan po̱g Yohana?” 62A ipkt bo̱ ceta̱n waa a̱n asa̱m c'kom rema̱n a napt dinda̱n u to̱nin na cet waa. 63Zakariya zeta bo̱ az a noktva o rik s'ge̱no. Aa nokttaine, u ge̱nuzo, “Dind ru, i Yohana.” A̱n'a kwe̱ a sipk a'nwa̱a̱. 64A̱ndaabe, Zakariya vaakuz a̱n s'lalko. U bo̱mk ta̱m A'Sila̱. 65Gela̱v ryaak an e̱s na̱ kwe̱. Lalksa̱ ha̱n ba̱rgk koope̱ a̱n copun Judiya. 66Koowe̱ a̱n hongin rina̱n emine, i gagk na̱ d'hi. A ipkt bo̱, “Iye̱ bo̱ kaa a̱n waa uha̱n tu soot a̱n hwici?” Rema̱n Sila el d'kutu a unwa na.
Ya̱a̱taya̱a̱k Zakariya
67Hora̱mda̱n zattin ri d'reb da uvk baa ceto Zakariya, da̱ gabtk ta̱m o u vat rihica̱n ca̱n em a̱n hwici. U zeka,
68“C'Bo̱m baa Na'Sila̱,
Sila netnan Isra'ila.
Rema̱n a haka a to̱vk neta̱n na̱.
69Sila kwimiki cinna
damran ka d'gwa̱a̱ma̱,
a̱n buu coka̱v na̱ Dauda.
70(Ho̱da̱na̱n a baastin a vatk
de̱ha̱nzo a̱n nwa̱a̱'a
baranc na̱ an zatain ri d'reb da).
71A zeka az ta gwa̱a̱ na baa an zain ta to̱n na da,
a baan komc an ha̱lc cinnan kwe̱.
72Az ta ne̱pe̱ ta̱m ceta cinna,
a bakasa ta̱m gigma̱n
lalk na̱ un zatain ri d'reb da.
73Gigma̱n lalk a conkuna̱n a cwenkain
ceta cinna Ibrahi,
74az ta gwa̱a̱ na lanma̱n
komc an ha̱lc cinna.
I bat nan ema na̱
m'cok za na̱v'gel da,
75a̱n de̱bca̱n zattin ri d'reb da a gela̱v Na'Sil na̱,
a̱n hweca̱n ca me̱ge̱in na kwe̱.
76Vo ta̱m waav ri, nan po̱g a̱v
k'barav Sila u so̱dk kwe̱.#1:76 Go̱t ta̱m: Mal 3:1.
Ta̱'v baa Kan Go̱mca̱n Kooye̱
m'can a̱v me̱mge̱ o k'le̱ve̱.
77Ta̱'v ne̱e̱ ta̱m neta̱n na̱ napsa̱n
az ta kum d'gwa̱a̱ma̱
awaz na kwisiki na̱ ko̱tc na̱,
78rema̱n damran za̱im Sila cinna.
Za̱ima̱nma̱n de̱lin gwa̱a̱ma̱d
nokta baa cinna.
Ho̱da̱n hwed da̱n ruta̱ na̱m'zana,
79da̱ za̱na̱sa̱ baa an rein
a'soot a̱nmi ni'cumunkun
a hora̱mca̱d na'wa̱a̱ na̱.#1:79 Go̱t ta̱m: Isa 9:2.
A̱d gabt ta̱m naas cinna
a̱n le̱vka̱n la̱ta̱m c'de̱be̱.”
80Yohana gubku. Hora̱md Na'Sil ne̱e̱k ta̱m o damra m'we̱se̱. U sootk a̱nmi k'kad i cet daava̱n u ruta̱in baa netnan Isra'ila.
ទើបបានជ្រើសរើសហើយ៖
Luka 1: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 1
1
Ye̱n de̱lin Luka ge̱nt k'taka̱lla
1Tiyo̱filo̱s ka k'gwin, neta̱n hwe̱di ge̱nka̱lk rihica̱n Ye̱so emka̱llin daav u latin baa cinna ho̱da̱na̱n i retin a'ge̱n a̱nmin lalks Na'Sila̱. 2A ge̱nk rihica̱n na ve̱ce̱in cinna ca̱n neta̱n he̱nin a̱n is na̱ lanma̱ d'takbo. A emk ta̱m ba̱sda̱n lalks Na'Sil sa̱ne. 3Tiyo̱filo̱s ka k'gwin, a̱m pe̱e̱kke̱, a̱m ke̱e̱ske̱ ta̱m rihica̱n lo kwe̱ a d'ke̱mne̱n lanma̱n takboda̱n ca̱nca. A̱m he̱nt bo̱ kaa i emk d'ke̱me̱, az a̱m ge̱ne̱, a̱m se̱e̱pse̱ v ta̱m ca̱nca kwe̱ i'kasi. 4I bat ta̱'v nap ga̱uma̱n rihica̱n na la̱a̱sa̱in vo.
Nan mat Yohana
5A̱n hwec He̱ro̱d go̱m va̱n copun Judiya, go̱m va̱ d'ka̱b u Na'Sil lak un nan po̱g Zakariya kan guti Abija. Netav ru Sabatu i macun buuk Haruna. 6Na̱nna kwe̱, i an gela̱v Na'Sila̱. A emk ta̱m c'nocurimu a̱n gaba̱m s'giira a lalks Na'Sil na̱. 7A zatta la waa da rema̱n Sabatu ta mat da. Na̱nna ta̱m kwe̱ a konga̱mka.
8A̱n d'hwen Zakariya lak a̱n yomkan go̱mca̱ d'ka̱b u Na'Sila̱, rema̱n i daava̱n yomka ru a̱n riga̱ini. 9Ho̱da̱na̱n go̱mna d'ka̱b a Na'Sil retin ta ema, dagc hek baa Zakariya az i unwa a̱n tu dwaa hwa̱a̱kca̱n nevma̱n kos d'ha̱ng a̱nmin buuk Na'Sila̱. 10Bugda̱n neta̱n lak kaa kwe̱ a̱n s'cepk na'is a̱n daava̱n dwaama̱n hwa̱a̱kca̱ d'ha̱ng ca̱ne.
11K'Comta̱v Na'Sil ceta bo̱ baa Zakariya coso. U esuz ga̱la̱n koma s'to̱o̱ an sakada̱n dwaama̱n hwa̱a̱kca̱ d'ha̱ngu. 12An Zakariya he̱ntin o, hora̱md bugk o hwe̱di d'kala, gela̱v ryaak ta̱m o. 13K'Comta̱v Na'Sil une zeta bo̱ o, “Av hong la v'gel da Zakariya rema̱n Sila hongk cepks rovo. Netav rov Sabatu tu me̱te̱ v waa'a̱rma̱, ta̱'v cet o d'din Yohana. 14Ta̱'v em c'za̱ngkta̱ a pusuu c'de̱ba̱n hwe̱di rema̱n macu ru. Neta̱n hwe̱di ta̱m ta em c'za̱ngkta̱.
15“Sila ta gig o damran noco. Au tak a̱n so̱o̱ m'kyaa da cakk. Nan ne̱e̱ o ta̱m we̱sma̱n Hora̱mda̱n zattin ri d'reb da lanma̱n ba̱ta̱d inu.#1:15 Go̱t ta̱m: D'Og 6:3. 16Tu de̱l netnan Isra'ila hwe̱di a lag ko̱tc na̱, a vaaka baa Na'Sila̱. 17Tu baa Kan Go̱mca̱n Kooye̱ m'han. Tu em a'yomk a̱n we̱sma̱n Hora̱md Na'Sil ho̱d Iliya k'barav Na'Sila̱. Tu de̱l cetonc to̱n aka̱n na̱. An rein ta̱m ta pas lalks Na'Sila̱, tu de̱l a geta a kum vers an gela̱v Na'Sila̱. Tu de̱l an walgin kabma̱n lalks Na'Sila̱, a soot a c'walg no.”#1:17 Go̱t ta̱m: Mal 4:5-6.
18Zakariya ipkt bo̱ k'comta̱v Na'Sila̱, “I ho̱da̱npe̱ a̱n riiha̱n ti emata baa ri? I mi kongoma, netav ri ta̱m u ulk hwe̱di.”
19K'Comta̱v Na'Sil se̱st bo̱ o, “I mi Ge̱bre̱l un rein baa Na'Sila̱. A comka ta̱m me az a̱m ve̱ce̱ v lalksa̱ ha̱n s'kasi.#1:19 Go̱t ta̱m: Dan 8:16; 9:21. 20Ai retin a̱v ta kab rina̱n m ve̱ce̱in v da, a ta̱'v iga̱m da a za hweda̱n na mattin waaun da. Lalksa̱ ha̱n la ke̱ng, sa̱n esa a daav ema.”
21I maak neta̱n vala̱m Zakariya. A takka keka̱bsa̱n rina̱n de̱lin u gosta hwe̱di a̱nmin buuk Na'Sila̱. 22An Zakariya ruta̱ine, u ta la̱a̱ iga̱msa̱m na̱ da. I kwesata bo̱ na̱ az u emka k'ya̱a̱taya̱a̱ a̱nmin baada̱n zattin ri d'reb da. Rema̱n u e̱se̱ke̱ na̱ a̱n c'koma, u ta la̱a̱ a̱n iga̱m da.
23An hweca̱n yomka ru a̱nmin buuk Na'Sil to̱o̱tine, u unuku u gyiika̱.
24An rihica̱ ha̱n to̱o̱tine, netav ru Sabatu emk d'ubu, u emk ta̱m s'pe̱e̱t s'tan a'hoka. U zeka, 25“I Kan Go̱mca̱n Kooye̱ a̱n emain m rihica̱ hna. U kwesaka m pusuu ru a̱n hweca̱ hna. U o̱do̱sko̱ kaa ma̱ m'e̱n baa netna.”
Nan mat Ye̱so
26An Sabatu latina̱n pe̱e̱t u v'cihin a̱n kumma̱ d'ubu, Sila comka ta̱m comta̱v na̱ Ge̱bre̱l a̱n le̱in Nazarat, in rein a̱n copun Galili. 27Sila comka o baa waa'wantauna̱n nan po̱g Me̱e̱ri, un Isuhu waava̱n buuk Dauda go̱m maakine.#1:27 Go̱t ta̱m: Mat 1:18. 28K'Comta̱v Na'Sil ceta bo̱ baa ru coso. U zeka o, “Po̱o̱sko̱ vo, vouna̱n Sila ta to̱n hwe̱di, Sila el ta̱m d'kut a vo no.”
29Daava̱n Me̱e̱ri he̱ntin o, hora̱md bugk o rema̱n rina̱n u vatine. U takaz keka̱bsa̱n rina̱n sain goon po̱o̱so̱da̱ hna. 30K'Comta̱v Na'Sil zeta bo̱ o, “Av hong la v'gel da Me̱e̱ri. A̱v kumk u'pusu baa Na'Sila̱. 31Go̱to̱, ta̱'v em d'ubu. Ta̱'v mat waa'a̱rma̱. Ta̱'v cet ta̱m o d'din Ye̱so.#1:31 Go̱t ta̱m: Mat 1:21. 32Tu soot damran noco. Nan po̱g ta̱m o Waav Na'Sila̱. Sila ta nes ta̱m o dotaka̱n go̱mc ceto Dauda. 33Tu em go̱mca̱n buu Yakubu d'kala. Go̱mc ru ta̱ma̱, c zatta ged da.”
34Me̱e̱ri ipkt bo̱ k'comta̱v Na'Sil une, “I ho̱da̱npe̱ a̱n rihica̱ ha̱n ca̱n emata, ai retin a̱m ta nap a̱ra̱m da?”
35K'Comta̱v Na'Sil une se̱sk o, “Hora̱md Na'Sil da̱n uv baa rovo. We̱sa̱m kac'go̱m kwe̱ ma̱n swepa ta̱m vo. Waauna̱n ta̱'v mata, tu soot kan zattin ri d'reb da, Waav Na'Sila̱. 36Go̱t kan ba̱ra̱v Sabatu ci d'ub a̱n kongamc ru. Kan na lain nan po̱g neta pesmo, i pe̱e̱t u v'cihin hna. 37Rema̱n baa Na'Sila̱, kooye̱ ti ema.”#1:37 Go̱t ta̱m: D'Tak 18:14.
38Me̱e̱ri zeta bo̱ o, “I mi coka̱v Na'Sila̱. Lag i soot baa ri honhon ho̱da̱na̱n v vattine.” K'Comta̱v Na'Sil to̱o̱t bo̱ u lag o.
Me̱e̱ri havk baa Sabatu
39Me̱e̱ri unutu bo̱ a̱n hweca̱n lo u uvk a̱nmin le̱i c'se̱me̱, a̱nmin copun Judiya.
40U uvk a̱n buu Zakariya, u po̱o̱sko̱ Sabatu. 41An Sabatu hongtin po̱o̱so̱d Me̱e̱ri, waa zo̱rkske o a̱n d'ba̱ta̱. We̱sma̱n Hora̱mda̱n zattin ri d'reb da uvk ta̱m baa ru. 42U zeta bo̱, “A̱v pa̱tk netan kwe̱ a̱n kuma̱m nu'pusu baa Na'Sila̱. Sila emaka ta̱m waauna̱n ta̱'v mata. 43I'le̱e̱le̱ i taktain a̱m kumt goon gwinka̱ hna? I cet in kan buu ri hata baa ri? 44Am hongtin po̱o̱so̱d rovo, waa zo̱rkske m a̱n d'ba̱t rem c'za̱ngkta̱. 45Sila emaka vo, rema̱n a̱v kabk az rina̱n a zein az ta ema vo, ta em e.”
Sepu Me̱e̱ri
46Me̱e̱ri zeta bo̱,
“A̱m el a̱n bo̱mc Kan
Go̱mca̱n Kooye̱
a̱n de̱bc ri kwe̱.
47A̱m el a̱n c'za̱ngkta̱
a hora̱md rin kwe̱
baa Sila nan gwa̱a̱in me.
48Rema̱n a wassk a mi ni,
coka̱v na̱ ka c'kwiri.
Lanma̱n daava̱ ha̱n,
netnan ta̱ma̱ a an lain ne,
ta po̱g a̱m kan Sila emaine.
49A'Sil ka m'we̱s kwe̱
emaka m damra c'rihi hwe̱di.
Dind na̱ zatta ri d'reb da.
50Kwisid na̱ el ta̱m baa an gela̱v na̱,
lanma̱n netnan de̱hne a an lain ne.
51A emk damra c'rihi a̱n koma na̱.
A wazgska ta̱m
an lo̱ga̱m d'hi a keka̱bs na̱-na̱.
52A citka̱ a c'go̱m a̱n dotac na̱,#1:52 Go̱t ta̱m: Ayu 5:11.
a guba̱ska̱ kaa kalkne.
53A cigsk an mer a̱n c'rihi c'kasi.
A vogk ta̱m a nu'kum
a to̱o̱ c'kom ka̱ka̱la̱.
54A se̱e̱tke̱ coka̱n na̱ netnan Isra'ila.
A bakaska ta̱m a hongk za̱im
55Ibrahi a goov run d'kala,
ho̱da̱na̱n a ve̱ce̱te̱in ceta cinna.#1:55 Go̱t ta̱m: D'Tak 17:7.”
Macu Yohana
56Me̱e̱ri sootk baa Sabatu s'pe̱e̱t s'ta̱a̱cu, u gya̱uz kaa ba̱na̱.
57An daav cetin va̱n Sabatu tu matte, u matk waa'a̱rma̱. 58An e̱s ru a an ba̱na̱n hongt bo̱ ho̱da̱na̱n Sila hongtin za̱im ru hwe̱di, a se̱e̱tke̱ o c'za̱ngkta̱.
59A̱n hweda̱ v'ya̱a̱ru, aa noktin na emata waa s'geda, a to̱nk be̱ a cet o d'din Zakariya, dind ceto.#1:59 Go̱t ta̱m: Ggdk 12:3. 60Inu zeta bo̱ la na̱, “Za taanl da, nan po̱g o Yohana.”
61A ipkt bo̱ o, “Guti no i'biri, iwe̱ a̱n nan po̱g Yohana?” 62A ipkt bo̱ ceta̱n waa a̱n asa̱m c'kom rema̱n a napt dinda̱n u to̱nin na cet waa. 63Zakariya zeta bo̱ az a noktva o rik s'ge̱no. Aa nokttaine, u ge̱nuzo, “Dind ru, i Yohana.” A̱n'a kwe̱ a sipk a'nwa̱a̱. 64A̱ndaabe, Zakariya vaakuz a̱n s'lalko. U bo̱mk ta̱m A'Sila̱. 65Gela̱v ryaak an e̱s na̱ kwe̱. Lalksa̱ ha̱n ba̱rgk koope̱ a̱n copun Judiya. 66Koowe̱ a̱n hongin rina̱n emine, i gagk na̱ d'hi. A ipkt bo̱, “Iye̱ bo̱ kaa a̱n waa uha̱n tu soot a̱n hwici?” Rema̱n Sila el d'kutu a unwa na.
Ya̱a̱taya̱a̱k Zakariya
67Hora̱mda̱n zattin ri d'reb da uvk baa ceto Zakariya, da̱ gabtk ta̱m o u vat rihica̱n ca̱n em a̱n hwici. U zeka,
68“C'Bo̱m baa Na'Sila̱,
Sila netnan Isra'ila.
Rema̱n a haka a to̱vk neta̱n na̱.
69Sila kwimiki cinna
damran ka d'gwa̱a̱ma̱,
a̱n buu coka̱v na̱ Dauda.
70(Ho̱da̱na̱n a baastin a vatk
de̱ha̱nzo a̱n nwa̱a̱'a
baranc na̱ an zatain ri d'reb da).
71A zeka az ta gwa̱a̱ na baa an zain ta to̱n na da,
a baan komc an ha̱lc cinnan kwe̱.
72Az ta ne̱pe̱ ta̱m ceta cinna,
a bakasa ta̱m gigma̱n
lalk na̱ un zatain ri d'reb da.
73Gigma̱n lalk a conkuna̱n a cwenkain
ceta cinna Ibrahi,
74az ta gwa̱a̱ na lanma̱n
komc an ha̱lc cinna.
I bat nan ema na̱
m'cok za na̱v'gel da,
75a̱n de̱bca̱n zattin ri d'reb da a gela̱v Na'Sil na̱,
a̱n hweca̱n ca me̱ge̱in na kwe̱.
76Vo ta̱m waav ri, nan po̱g a̱v
k'barav Sila u so̱dk kwe̱.#1:76 Go̱t ta̱m: Mal 3:1.
Ta̱'v baa Kan Go̱mca̱n Kooye̱
m'can a̱v me̱mge̱ o k'le̱ve̱.
77Ta̱'v ne̱e̱ ta̱m neta̱n na̱ napsa̱n
az ta kum d'gwa̱a̱ma̱
awaz na kwisiki na̱ ko̱tc na̱,
78rema̱n damran za̱im Sila cinna.
Za̱ima̱nma̱n de̱lin gwa̱a̱ma̱d
nokta baa cinna.
Ho̱da̱n hwed da̱n ruta̱ na̱m'zana,
79da̱ za̱na̱sa̱ baa an rein
a'soot a̱nmi ni'cumunkun
a hora̱mca̱d na'wa̱a̱ na̱.#1:79 Go̱t ta̱m: Isa 9:2.
A̱d gabt ta̱m naas cinna
a̱n le̱vka̱n la̱ta̱m c'de̱be̱.”
80Yohana gubku. Hora̱md Na'Sil ne̱e̱k ta̱m o damra m'we̱se̱. U sootk a̱nmi k'kad i cet daava̱n u ruta̱in baa netnan Isra'ila.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019