Luka 11
11
Ye̱so la̱a̱ska̱ na s'cepko
(Mat 6:9-13; 7:7-11)
1A̱n d'hwen Ye̱so lak a̱n s'cepk a̱n d'baa. Au taastine, da̱nv an la̱a̱s baa ru zeka o, “Kanubu, la̱a̱sa̱ co s'cepk ho̱da̱na̱n Yohana la̱a̱stin an la̱a̱s baa ru.”
2Ye̱so zeta bo̱ na̱, “Daava̱n ta̱n cepkte, ze na:
“ ‘Ceta co,
na hwiipsa̱ dind rovo.
Go̱mc rov han.
3Ne̱e̱ co kooye̱ hweda,
ryaakca̱n guba̱m d'hwen.
4Kwisi co ko̱tc co,
ho̱da̱na̱n c retin ca̱n kwisi
an rein ta ko̱t baa co.
Av sav la co baa c'ke̱ta̱mse̱ da.’ ”
5Ye̱so emaz ta̱m na̱ c'hwennsa a̱n lalk uha̱n bat tu sud la̱a̱sa̱m na̱ s'cepko. U zeka, “Iwe̱ baa no un ciin barav ru, na ze az u nokk baa ru a̱n te̱kan gyop u zeka o, ‘Barav ri, se̱e̱te̱ m a̱n c'be̱re̱e̱di c'ta̱a̱cu. 6Barav ri un lain na̱m'baal hatka baa ri, a̱m zatta la rina̱n ta̱'m ryaaksta o da.’
7“Na ze az barav ru unlo, tu se̱s o a̱nmi k'kur zo u ze, ‘Av o̱so̱so̱ la m da. A̱m baask a̱m gwedaka d'hutu, a̱m el ta̱m a'la̱t a aka̱n ri ni. A ta̱'m hweks bo̱ a̱n unu a̱m ne̱e̱t a̱v rihi da.’ 8Lag na a̱m ve̱ce̱te̱ no. A kan barav ru havin baa ru ta hweks be̱ d'unu u ne̱e̱t o rihi rem i unwa barav ru da, puti a tan na, rema̱n barav ru ta lag kultma̱n rik d'gweda da, tu unu u ne̱e̱t o rina̱n u to̱nin kwe̱.
9“Kon na, nan ne̱e̱ no. Hob na, ta̱n kumu. Kult na d'hutu, nan gwedasa no. 10Koowe̱ a̱n konine, nan ne̱e̱ o. Kan hob ta̱ma̱, tu kumu. Koowe̱ ta̱m a̱n kultini, nan gwedasa o. 11Iwe̱ baa no a̱n waaro tu kon o ge̱ne̱, u ne̱e̱ o obla? 12Alla waa kon o d'gyan, u ne̱e̱ o cwece? 13Awaz kaa nwaa a c'ko̱to, a̱n napk ho̱da̱na̱n ta̱n ne̱e̱t aka̱n no ho̱sa̱m kasi, i daat bo̱ kaa A'Sil ceta no un rein a̱nmi na'cone? Ta ne̱e̱ an konin na̱ rihic kasi.”
Ipe̱ a̱n we̱sa̱m Ye̱so rwa̱ini#11:14 Ba'alzabul: Un nan po̱g “A̱krimu, go̱mv rinnas'ce”.
(Mat 12:22-30; Mar 3:20-27)
14Ye̱so lak a̱n vogma̱n rinnas'ce baa a̱rmuna̱n a vaaksain kyurmu. Daava̱n rinnas'ce rutine, kyura̱m iga̱mka̱. Neta̱n sipk ta̱m a'nwa̱a̱. 15Ahyan baa na̱ zeta bo̱, “U el a̱n rutma̱n rinnas'ce a̱n we̱sa̱m A̱krimu, go̱m va̱ rinnas'ce.”#11:15 Go̱t ta̱m: Mat 9:34; 10:25.
16Ahyan rema̱n a ke̱ta̱mste̱ o, a hobk rina̱n ti kwesa az i unwa a̱n rein Ka̱risti. 17Ye̱so napk la keka̱bs na̱ kwe̱. U zeta bo̱ na̱, “Kooye̱ go̱mca ca̱n wanksein c ha̱llinni, ca̱n hyaa. Buuna̱n wanksein ta̱m u ha̱llinni, tu he̱e̱ke̱. 18Awaz A̱krimu wankske, u ha̱l ta̱m hid ru, i'le̱e̱le̱ a̱n go̱mc ru ca̱n este? A̱n zek az a̱m rutk rinnas'ce a̱n we̱sa̱m A̱krimu. 19Awaz mi, i a̱n we̱sa̱m A̱krimu a̱m ruttin rinnas'ce, i a̱n we̱sa̱m we̱ bo̱ kaa a̱n neta̱n no retin ta rut na̱? Rema̱n taanlo, i a̱n'a a̱n ta geda no lalko. 20Awaz la mi, i a̱n we̱sa̱m Na'Sil a̱m ruttin rinnas'ce, ke̱ng, go̱mc Na'Sil ceka bo̱ baa no.
21“A ka m'we̱s sa̱bla̱ rica̱n dumi d'gaago, u el ta̱m a̱n rega̱dma̱n buu ru, kumu ru a tu dwe̱ve̱ da. 22Daava̱n kan pa̱tin la o na̱m'we̱s tu molta o, u pa̱t ta̱m we̱sa̱m ru, tu rum o rica̱n dumi d'gaag cu se̱ltin be̱ m'we̱se̱, u o̱m ta̱m kumu ru u wanka̱lla.
23“Koowe̱ a̱n zain baa ri da, u laa a̱n ha̱lc ri. Kan ta kargsain a min ta̱m da, u laa nu'ba̱rgsa̱.”
Vaakau rinnas'ce baa noco
(Mat 12:43-45)
24“Daava̱n rinnas'ce ta rut baa noco, ta paa baaca̱n kondo a̱n hoba̱n va̱na̱n ta hwera. Aa ta kum la d'baa da, ta ze, ‘Na vaak na a̱n buuna̱n na latine.’ 25Daava̱n ta vaakta la a gita̱ buune na waagk na mangska ta̱m o kwe̱ i kasi, 26ta rwa̱a̱ a bana ahyan i'tan'il an pa̱tin na̱ na̱v'dumu. Aa vaaka, ta uv baa ru a soot a̱n a̱n'a. Be̱se̱d nocun lo da̱n pa̱t takbod ru na̱m'naa.”
Za̱ngkta̱ca̱ m'ga̱u
27An Ye̱so retina̱n vatma̱n rihica̱ hna, neta baa d'bug ze̱lk v'god u zeka o, “Sila emaka netauna̱n matin u guba̱sa̱ ta̱m vo.”
28Ye̱so se̱sk la o, “I taanl ge̱. Sila pa̱tk la a̱n emam an ta hong lalks Na'Sila̱, a gab ta̱m sa̱.”
Hoba̱n rihica̱n sipa̱m na'nwa̱a̱
(Mat 12:38-42)
29Daava̱n damran bugda̱n neta̱n latin nu'karga hwe̱di, Ye̱so takaz a̱n ze, “Netnan ta̱ma̱ i an de̱bc naake. A el ta̱m a̱n hob az a̱m ema na̱ rihica̱n sipa̱m na'nwa̱a̱. Rihica̱n sipa̱m na'nwa̱a̱ ca̱n nan kwesa la na̱ c'taa, i rina̱n kumin Joona k'barav Na'Sila̱. 30Ho̱da̱na̱n Joona soottin rihi in sipa̱m na'nwa̱a̱ baa netnan Niniva, i ho̱da̱n lo bo̱ a̱n Waav Noc tu soott rihi in sipa̱m na'nwa̱a̱ baa netnan ta̱ma̱.
31“Daava̱n Sila ta gedata neta̱n lalko, neta go̱m va̱n copun Sheba tu es d'kut a netnan ta̱ma̱ na̱, u het na̱. Rema̱n u una̱vka̱ lanma̱n be̱se̱da̱n yanda̱ha̱n zo, u hata u hongt vers So̱lmo̱n. Go̱t la a̱nta̱ma̱, kan so̱din So̱lmo̱n el tahna. 32Daava̱n Sila ta gedata neta̱n lalko, an Niniva ta es d'kut a netnan ta̱ma̱ na̱, a het na̱. Rema̱n a bita̱lk c'hwin rema̱n ba̱sa̱d Joona. Go̱t la a̱nta̱ma̱, kan so̱din Joona el tahna.
Za̱nd nu'we̱de̱
(Mat 5:15; 6:22-23)
33“Noc za un tu dapasa d'ta̱si, u hokasa da̱ alla u kubg da̱ ni'dor da. Tu sakasa da̱ a̱n cona d'saka bat an ta uva̱ ta he̱n d'za̱n. 34Za̱nd nu'we̱de̱, i isa̱. Daava̱n is rov retin m'ho̱o̱kno̱, we̱du rov u'biri el a d'za̱n na̱. A is rov zatta la m'ho̱o̱ka̱n da, we̱du rov u'biri i cirim ni'cumunkunnu. 35Rema̱n taanlo, gab na sasa, a za̱nda̱n rein baa no vaak la i'cumunkun da. 36Awaz we̱du rov u'biri el a d'za̱n na̱, u zatta ta̱m kabva̱n rein ni'cumunkun da, we̱du rov u'biri tu soot a d'za̱n ho̱da̱n daava̱n ta̱sid da̱n za̱na̱sta̱ baa rovo.”
Ye̱so hetk Farisini
(Mat 23:1-36; Mar 12:38-40)
37An Ye̱so taastin s'lalko, k'Farisi konk o az u han u ryaak a̱n buu ru. Ye̱so uvk la u sootk a ryaakte. 38An k'Farisi he̱ntin Ye̱so ta sapt u ryaakt da, u sipk a'nwa̱a̱. 39Ye̱so zeta bo̱ o, “Nwaa Farisini, a̱n el ho̱da̱n noc tu guzt dimd ni'koka̱l a i'hon no, u lag kaa min inya a c'ko̱pto̱ no̱. I ho̱da̱n lo bo̱ a̱n retin ta̱n kwesa az i nwaa neta̱n kasi, a̱nmin de̱bc no la, i nwaa a c'rum a v'dum nu. 40Nwaa kipni! Sila nan emin rina̱n rein na'isa̱, za na̱nna ta̱m a̱n emin rina̱n rein a̱nmi da? 41Ti piti be̱ no a̱n ne̱e̱ kobneta̱n ho̱sma̱n rina̱n rein a̱nmi ni'koka̱l a i'hon no. Sila ta hong be̱ ke̱md no.
42“I naak no nwaa Farisini! A̱n el ta̱n ho̱l yobu Na'Sil baa s'gyo̱o̱rco a baan kooye̱ goon vaaca na. A̱n za la kaa ta̱n geda neta̱n lalk i'kasi da. A̱n za ta̱m ta̱n to̱n A'Sil da. I ge̱be̱ske̱ ge̱ a̱n emk rihica̱ hna, za la az i a̱n lag emma̱n o̱p ca̱nz da. 43I naak no nwaa Farisini! A̱n el ta̱n to̱n baaca̱ d'soot c so̱dk a̱n ka̱bca̱n kargac Yahude̱ne̱, a c'po̱o̱sso̱n ta̱m a̱n baaca̱ s'yo̱po.
44“I naak no! A̱n el ho̱da̱n sagca̱n zattain domo da. Netnanan rein ta̱m ta to̱o̱ a̱n a̱n'a, a ta nap az i c'sag da.”
45Da̱nv an napsa̱n giira dangt bo̱ u ze o, “Kan la̱a̱sa̱m na lalks Na'Sila̱, av vattin taanlo, a̱v el a̱n rebgc co.” 46Ye̱so zeta bo̱, i naak ta̱m no, nwaa an napsa̱n giira! A̱n dwedaka neta̱n to̱o̱sca̱n hatin we̱sa̱m na̱, nwaa la a̱n ta do̱v to̱o̱sca̱n lo na̱v'gyu da.
47“I naak no, rema̱n a̱n me̱e̱lk sagc baranc Na'Sila̱, i ceta nonon la a̱n hweelin na̱. 48A̱n kabk az rina̱n a emine, i emk no d'ke̱me̱. A za be̱ taanl da, lak a̱n ta me̱e̱la̱l sagc na̱ da. 49I rema̱n taanl a̱n Sila zetin a̱n vers na̱, ‘Ta̱'m cwemta na̱ baranc Na'Sil a c'comta̱n ne. Ta hweela̱l ahyan baa na̱ a ryeesa ta̱m ahyan d'koba.’
50“Rema̱n taanlo, kobda̱n Sila ta ne̱e̱ netnanan hweelin baranc Na'Sil lanma̱n kaakda̱n copun yanda̱ha̱n kwe̱, ta̱d soot a̱n hid no. 51Lanma̱n hiba̱m Habila, i ceta hiba̱m Zakariya. Un na hwain a̱n te̱kan sakada̱n emam Na'Sil sako a baada̱n zattin ri d'reba̱n da. Lag na a̱m ve̱ce̱te̱ no m'ga̱u. Nan hob ma̱ baa netnan ta̱ma̱.
52“I naak no an napsa̱n giira! A̱n ho̱lk riva̱n gwedasama̱n hutda̱ s'napa. Nwaa a̱n ta uv da, an to̱nin ta̱m u'uvu, a̱n holk na̱.”
53An Ye̱so to̱o̱tin a̱nlu, Farisin a an la̱a̱sa̱m na s'giiran takaz ela̱vsom ru a sogma̱m run rema̱n u vat c'rihi hwe̱di. 54A el kaa na̱ m'kwe̱e̱, a̱n hob a kumt rina̱n ti rwa̱n a̱n nwa̱a̱'a ru in ta sipt o a̱n inya.
ទើបបានជ្រើសរើសហើយ៖
Luka 11: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 11
11
Ye̱so la̱a̱ska̱ na s'cepko
(Mat 6:9-13; 7:7-11)
1A̱n d'hwen Ye̱so lak a̱n s'cepk a̱n d'baa. Au taastine, da̱nv an la̱a̱s baa ru zeka o, “Kanubu, la̱a̱sa̱ co s'cepk ho̱da̱na̱n Yohana la̱a̱stin an la̱a̱s baa ru.”
2Ye̱so zeta bo̱ na̱, “Daava̱n ta̱n cepkte, ze na:
“ ‘Ceta co,
na hwiipsa̱ dind rovo.
Go̱mc rov han.
3Ne̱e̱ co kooye̱ hweda,
ryaakca̱n guba̱m d'hwen.
4Kwisi co ko̱tc co,
ho̱da̱na̱n c retin ca̱n kwisi
an rein ta ko̱t baa co.
Av sav la co baa c'ke̱ta̱mse̱ da.’ ”
5Ye̱so emaz ta̱m na̱ c'hwennsa a̱n lalk uha̱n bat tu sud la̱a̱sa̱m na̱ s'cepko. U zeka, “Iwe̱ baa no un ciin barav ru, na ze az u nokk baa ru a̱n te̱kan gyop u zeka o, ‘Barav ri, se̱e̱te̱ m a̱n c'be̱re̱e̱di c'ta̱a̱cu. 6Barav ri un lain na̱m'baal hatka baa ri, a̱m zatta la rina̱n ta̱'m ryaaksta o da.’
7“Na ze az barav ru unlo, tu se̱s o a̱nmi k'kur zo u ze, ‘Av o̱so̱so̱ la m da. A̱m baask a̱m gwedaka d'hutu, a̱m el ta̱m a'la̱t a aka̱n ri ni. A ta̱'m hweks bo̱ a̱n unu a̱m ne̱e̱t a̱v rihi da.’ 8Lag na a̱m ve̱ce̱te̱ no. A kan barav ru havin baa ru ta hweks be̱ d'unu u ne̱e̱t o rihi rem i unwa barav ru da, puti a tan na, rema̱n barav ru ta lag kultma̱n rik d'gweda da, tu unu u ne̱e̱t o rina̱n u to̱nin kwe̱.
9“Kon na, nan ne̱e̱ no. Hob na, ta̱n kumu. Kult na d'hutu, nan gwedasa no. 10Koowe̱ a̱n konine, nan ne̱e̱ o. Kan hob ta̱ma̱, tu kumu. Koowe̱ ta̱m a̱n kultini, nan gwedasa o. 11Iwe̱ baa no a̱n waaro tu kon o ge̱ne̱, u ne̱e̱ o obla? 12Alla waa kon o d'gyan, u ne̱e̱ o cwece? 13Awaz kaa nwaa a c'ko̱to, a̱n napk ho̱da̱na̱n ta̱n ne̱e̱t aka̱n no ho̱sa̱m kasi, i daat bo̱ kaa A'Sil ceta no un rein a̱nmi na'cone? Ta ne̱e̱ an konin na̱ rihic kasi.”
Ipe̱ a̱n we̱sa̱m Ye̱so rwa̱ini#11:14 Ba'alzabul: Un nan po̱g “A̱krimu, go̱mv rinnas'ce”.
(Mat 12:22-30; Mar 3:20-27)
14Ye̱so lak a̱n vogma̱n rinnas'ce baa a̱rmuna̱n a vaaksain kyurmu. Daava̱n rinnas'ce rutine, kyura̱m iga̱mka̱. Neta̱n sipk ta̱m a'nwa̱a̱. 15Ahyan baa na̱ zeta bo̱, “U el a̱n rutma̱n rinnas'ce a̱n we̱sa̱m A̱krimu, go̱m va̱ rinnas'ce.”#11:15 Go̱t ta̱m: Mat 9:34; 10:25.
16Ahyan rema̱n a ke̱ta̱mste̱ o, a hobk rina̱n ti kwesa az i unwa a̱n rein Ka̱risti. 17Ye̱so napk la keka̱bs na̱ kwe̱. U zeta bo̱ na̱, “Kooye̱ go̱mca ca̱n wanksein c ha̱llinni, ca̱n hyaa. Buuna̱n wanksein ta̱m u ha̱llinni, tu he̱e̱ke̱. 18Awaz A̱krimu wankske, u ha̱l ta̱m hid ru, i'le̱e̱le̱ a̱n go̱mc ru ca̱n este? A̱n zek az a̱m rutk rinnas'ce a̱n we̱sa̱m A̱krimu. 19Awaz mi, i a̱n we̱sa̱m A̱krimu a̱m ruttin rinnas'ce, i a̱n we̱sa̱m we̱ bo̱ kaa a̱n neta̱n no retin ta rut na̱? Rema̱n taanlo, i a̱n'a a̱n ta geda no lalko. 20Awaz la mi, i a̱n we̱sa̱m Na'Sil a̱m ruttin rinnas'ce, ke̱ng, go̱mc Na'Sil ceka bo̱ baa no.
21“A ka m'we̱s sa̱bla̱ rica̱n dumi d'gaago, u el ta̱m a̱n rega̱dma̱n buu ru, kumu ru a tu dwe̱ve̱ da. 22Daava̱n kan pa̱tin la o na̱m'we̱s tu molta o, u pa̱t ta̱m we̱sa̱m ru, tu rum o rica̱n dumi d'gaag cu se̱ltin be̱ m'we̱se̱, u o̱m ta̱m kumu ru u wanka̱lla.
23“Koowe̱ a̱n zain baa ri da, u laa a̱n ha̱lc ri. Kan ta kargsain a min ta̱m da, u laa nu'ba̱rgsa̱.”
Vaakau rinnas'ce baa noco
(Mat 12:43-45)
24“Daava̱n rinnas'ce ta rut baa noco, ta paa baaca̱n kondo a̱n hoba̱n va̱na̱n ta hwera. Aa ta kum la d'baa da, ta ze, ‘Na vaak na a̱n buuna̱n na latine.’ 25Daava̱n ta vaakta la a gita̱ buune na waagk na mangska ta̱m o kwe̱ i kasi, 26ta rwa̱a̱ a bana ahyan i'tan'il an pa̱tin na̱ na̱v'dumu. Aa vaaka, ta uv baa ru a soot a̱n a̱n'a. Be̱se̱d nocun lo da̱n pa̱t takbod ru na̱m'naa.”
Za̱ngkta̱ca̱ m'ga̱u
27An Ye̱so retina̱n vatma̱n rihica̱ hna, neta baa d'bug ze̱lk v'god u zeka o, “Sila emaka netauna̱n matin u guba̱sa̱ ta̱m vo.”
28Ye̱so se̱sk la o, “I taanl ge̱. Sila pa̱tk la a̱n emam an ta hong lalks Na'Sila̱, a gab ta̱m sa̱.”
Hoba̱n rihica̱n sipa̱m na'nwa̱a̱
(Mat 12:38-42)
29Daava̱n damran bugda̱n neta̱n latin nu'karga hwe̱di, Ye̱so takaz a̱n ze, “Netnan ta̱ma̱ i an de̱bc naake. A el ta̱m a̱n hob az a̱m ema na̱ rihica̱n sipa̱m na'nwa̱a̱. Rihica̱n sipa̱m na'nwa̱a̱ ca̱n nan kwesa la na̱ c'taa, i rina̱n kumin Joona k'barav Na'Sila̱. 30Ho̱da̱na̱n Joona soottin rihi in sipa̱m na'nwa̱a̱ baa netnan Niniva, i ho̱da̱n lo bo̱ a̱n Waav Noc tu soott rihi in sipa̱m na'nwa̱a̱ baa netnan ta̱ma̱.
31“Daava̱n Sila ta gedata neta̱n lalko, neta go̱m va̱n copun Sheba tu es d'kut a netnan ta̱ma̱ na̱, u het na̱. Rema̱n u una̱vka̱ lanma̱n be̱se̱da̱n yanda̱ha̱n zo, u hata u hongt vers So̱lmo̱n. Go̱t la a̱nta̱ma̱, kan so̱din So̱lmo̱n el tahna. 32Daava̱n Sila ta gedata neta̱n lalko, an Niniva ta es d'kut a netnan ta̱ma̱ na̱, a het na̱. Rema̱n a bita̱lk c'hwin rema̱n ba̱sa̱d Joona. Go̱t la a̱nta̱ma̱, kan so̱din Joona el tahna.
Za̱nd nu'we̱de̱
(Mat 5:15; 6:22-23)
33“Noc za un tu dapasa d'ta̱si, u hokasa da̱ alla u kubg da̱ ni'dor da. Tu sakasa da̱ a̱n cona d'saka bat an ta uva̱ ta he̱n d'za̱n. 34Za̱nd nu'we̱de̱, i isa̱. Daava̱n is rov retin m'ho̱o̱kno̱, we̱du rov u'biri el a d'za̱n na̱. A is rov zatta la m'ho̱o̱ka̱n da, we̱du rov u'biri i cirim ni'cumunkunnu. 35Rema̱n taanlo, gab na sasa, a za̱nda̱n rein baa no vaak la i'cumunkun da. 36Awaz we̱du rov u'biri el a d'za̱n na̱, u zatta ta̱m kabva̱n rein ni'cumunkun da, we̱du rov u'biri tu soot a d'za̱n ho̱da̱n daava̱n ta̱sid da̱n za̱na̱sta̱ baa rovo.”
Ye̱so hetk Farisini
(Mat 23:1-36; Mar 12:38-40)
37An Ye̱so taastin s'lalko, k'Farisi konk o az u han u ryaak a̱n buu ru. Ye̱so uvk la u sootk a ryaakte. 38An k'Farisi he̱ntin Ye̱so ta sapt u ryaakt da, u sipk a'nwa̱a̱. 39Ye̱so zeta bo̱ o, “Nwaa Farisini, a̱n el ho̱da̱n noc tu guzt dimd ni'koka̱l a i'hon no, u lag kaa min inya a c'ko̱pto̱ no̱. I ho̱da̱n lo bo̱ a̱n retin ta̱n kwesa az i nwaa neta̱n kasi, a̱nmin de̱bc no la, i nwaa a c'rum a v'dum nu. 40Nwaa kipni! Sila nan emin rina̱n rein na'isa̱, za na̱nna ta̱m a̱n emin rina̱n rein a̱nmi da? 41Ti piti be̱ no a̱n ne̱e̱ kobneta̱n ho̱sma̱n rina̱n rein a̱nmi ni'koka̱l a i'hon no. Sila ta hong be̱ ke̱md no.
42“I naak no nwaa Farisini! A̱n el ta̱n ho̱l yobu Na'Sil baa s'gyo̱o̱rco a baan kooye̱ goon vaaca na. A̱n za la kaa ta̱n geda neta̱n lalk i'kasi da. A̱n za ta̱m ta̱n to̱n A'Sil da. I ge̱be̱ske̱ ge̱ a̱n emk rihica̱ hna, za la az i a̱n lag emma̱n o̱p ca̱nz da. 43I naak no nwaa Farisini! A̱n el ta̱n to̱n baaca̱ d'soot c so̱dk a̱n ka̱bca̱n kargac Yahude̱ne̱, a c'po̱o̱sso̱n ta̱m a̱n baaca̱ s'yo̱po.
44“I naak no! A̱n el ho̱da̱n sagca̱n zattain domo da. Netnanan rein ta̱m ta to̱o̱ a̱n a̱n'a, a ta nap az i c'sag da.”
45Da̱nv an napsa̱n giira dangt bo̱ u ze o, “Kan la̱a̱sa̱m na lalks Na'Sila̱, av vattin taanlo, a̱v el a̱n rebgc co.” 46Ye̱so zeta bo̱, i naak ta̱m no, nwaa an napsa̱n giira! A̱n dwedaka neta̱n to̱o̱sca̱n hatin we̱sa̱m na̱, nwaa la a̱n ta do̱v to̱o̱sca̱n lo na̱v'gyu da.
47“I naak no, rema̱n a̱n me̱e̱lk sagc baranc Na'Sila̱, i ceta nonon la a̱n hweelin na̱. 48A̱n kabk az rina̱n a emine, i emk no d'ke̱me̱. A za be̱ taanl da, lak a̱n ta me̱e̱la̱l sagc na̱ da. 49I rema̱n taanl a̱n Sila zetin a̱n vers na̱, ‘Ta̱'m cwemta na̱ baranc Na'Sil a c'comta̱n ne. Ta hweela̱l ahyan baa na̱ a ryeesa ta̱m ahyan d'koba.’
50“Rema̱n taanlo, kobda̱n Sila ta ne̱e̱ netnanan hweelin baranc Na'Sil lanma̱n kaakda̱n copun yanda̱ha̱n kwe̱, ta̱d soot a̱n hid no. 51Lanma̱n hiba̱m Habila, i ceta hiba̱m Zakariya. Un na hwain a̱n te̱kan sakada̱n emam Na'Sil sako a baada̱n zattin ri d'reba̱n da. Lag na a̱m ve̱ce̱te̱ no m'ga̱u. Nan hob ma̱ baa netnan ta̱ma̱.
52“I naak no an napsa̱n giira! A̱n ho̱lk riva̱n gwedasama̱n hutda̱ s'napa. Nwaa a̱n ta uv da, an to̱nin ta̱m u'uvu, a̱n holk na̱.”
53An Ye̱so to̱o̱tin a̱nlu, Farisin a an la̱a̱sa̱m na s'giiran takaz ela̱vsom ru a sogma̱m run rema̱n u vat c'rihi hwe̱di. 54A el kaa na̱ m'kwe̱e̱, a̱n hob a kumt rina̱n ti rwa̱n a̱n nwa̱a̱'a ru in ta sipt o a̱n inya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019