Yomka C'Comtne 25
25
Bulus baa Fe̱stus gwamna
1An Fe̱stus la̱vtin c'ta̱a̱c a̱n kaba̱m c'gwamna, u lagk copun Kaisariya u havk le̱in Urisalima. 2C'Hwengnan ka̱bd Na'Sil a c'hwenga̱n Yahude̱n hata bo̱ baa ru a ve̱ce̱te̱ o da̱n lalksa̱n na sain sa̱ Bulus. A konk ta̱m o 3az u se̱e̱te̱ na̱ u de̱l na vaakta Bulus a̱n le̱in Urisalima. I rema̱n a walgk a em kwe̱e̱m ru a hwaa o a̱n k'le̱ve̱. 4Fe̱stus zeka la na̱, “I a̱n copun Kaisariya a̱n Bulus rein a'gaga. Mi la ta̱'m vaak a̱n a̱n'a za na̱m'gos da. 5Awaz u emk rihi i naake, lag na a hwengan baa no gab me, a san lalks ru a̱nlu.”
6Fe̱stus ta la̱v c'hwen c'ya̱a̱r alla oopa baa na̱ da, u vaakk a̱n copun Kaisariya. Na̱m'zanta, au soottin a̱n sakada̱n gedma̱n lalko, u zek az na nokta Bulus. 7An na cetain Bulus, Yahude̱ nanan hain lanma̱n le̱in Urisalima, a rigk ta̱m o hatt a̱n vata̱m s'lalk hwe̱di sa̱n zatin d'hi da. 8Bulus emk s'lalk u rutt hid ru. U zeka, “A̱m ta pas giira Yahude̱n da. A̱m ta ko̱t ta̱m baan buuk Na'Sil alla Kaisar go̱m va̱n Roma da.”
9Fe̱stus la, ai retin u to̱nk u pusa̱sa̱ Yahude̱n c'de̱be̱, u ipkk Bulus, “Ta̱'v se̱s a̱v hav le̱in Urisalima baad ri a̱m gedata v lalksa̱n rihica̱ ha̱n kwe̱?”
10Bulus se̱st bo̱ o, “I a̱n ka̱bda̱n gedma̱n lalk Kaisar a̱n na sain lalks ri. I a̱n a̱n'a i ge̱be̱se̱in na geda m lalko. A̱m ta ko̱t baa Yahude̱n da, ho̱da̱na̱n v baastin a̱v napka. 11Awaz a̱m pask giira alla a̱m emk rina̱n cain d'hwee, a̱m ta ha̱l na hwaa m da. Awaz la lalksa̱n Yahude̱n sain sa̱ ri za m'ga̱u da, noc zatta d'ke̱e̱ u badasa m a̱n komc na̱ da. A̱m to̱nk na o̱m lalks ri na cet baa Kaisar.”
12An Fe̱stus buutin s'lan a an gedma̱n lalk no, u zet bo̱ Bulus, “A̱v to̱nk na o̱m lalks rov na cet baa Kaisar. Lalks rov sa̱n caa baa Kaisar.”
Bulus baa Agrippa na Be̱nis
13An na la̱vtin c'hwe c'hona, go̱m Agrippa na Be̱nis, a haka copun Kaisariya a emata Fe̱stus po̱o̱so̱da̱n ne̱e̱m k'gwin. 14Ai retin ta la̱v c'hwen hwe̱di a̱n a̱n'a, Fe̱stus tana̱vka go̱m da̱n lalks Bulus. U zeka o, “Noc el un Fe̱liks to̱in u lagk a'gaga. 15Am latin a̱n le̱in Urisalima, c'hwengnan ka̱bd Na'Sil a hwenga̱nc Yahude̱n saka lalks ru. A konk ta̱m az a̱m geda o lalk na hwaa o. 16A̱m zek la na̱, ‘An Roma za ta badasa na noc na hot da, a za a na baak a sootsa o a an sain lalks run da. Na ne̱e̱ ta̱m o d'ke̱e̱ u vat rina̱n tu rutt hid ru a̱n rina̱n na zein az u emk da.’
17“Aa kargtain tahna, a̱m ta e̱vk da. Na̱m'Zanta, a̱m soottin a̱n dotaka̱n gedma̱n lalko, a̱m de̱lk na noktka o. 18Daava̱n an sain lalks ru estin a emk s'lalko, a ta vat rihi i'da̱nka̱ i naak im de̱ltin be̱ c'de̱b az ta vat da. 19Rihica̱n a uvta̱in la, i lansa̱n gabs na̱ a lalks Ye̱so no. Un Bulus zein az u uku, u vaakk ta̱m u po̱tko̱. 20Ai retin a̱m ta pamasa ho̱da̱na̱n ta̱'m napt ga̱uma̱n lalksa̱ ha̱n da, a̱m ipkk Bulus awaz tu se̱s na sav o le̱in Urisalima na gedata o lalk a̱n a̱n'a. 21An Bulus hobtin az na o̱m lalks ru na cet baa damran go̱m Kaisar, a̱m zek na baa gweda o ai a̱m cett o baa Kaisar.”
22Agrippa zeta bo̱ Fe̱stus, “A̱m to̱nk a̱m hong a̱rm uhna.”
Fe̱stus zet bo̱ o, “Ta̱'v hong o buku.”
23Na̱m'zanta, Agrippa na Be̱nis uvka̱ a̱n ka̱bda̱ c'go̱m a walgca̱ c'go̱ma̱n ta hwa̱a̱-hwa̱a̱. A uvka̱ d'kut a so̱dka̱n koola̱n a damran a ni'le̱e̱ ne̱. Fe̱stus de̱lt bo̱ na nokta Bulus. 24A̱n daava̱n lo Fe̱stus zeka, “Go̱m Agrippa, a netnanan rein taha̱n kwe̱, go̱t na a̱rmune. I unwa a̱n Yahude̱n an le̱in Urisalima, a an rein taha̱n sain lalks ru. A una̱ska̱ ta̱m d'gudg az na hwaa o.
25“A̱m ta he̱n la rina̱n u emin in cain na hwaa o da. Ai retin la u hobk na o̱m lalks ru na cet baa damran go̱m Kaisar, a̱m gedk lalk az na sav o copun Roma. 26A̱m ta kum la rina̱n m bo̱pin in ta̱'m ge̱ne̱ go̱m az u emk da. I da̱nda a̱n de̱lin a̱m rutta̱ o baa no kwe̱, a von a̱n hid rovo, go̱m Agrippa. I bat av taas ipka̱m ru, ta̱'m kum rina̱n ta̱'m ge̱ne̱ go̱mo̱. 27Rema̱n a̱m ta he̱n i hwennka a̱m cuk kan na sipin baa go̱mo̱, a za a̱m ve̱ce̱ke̱ o lalksa̱n na sain sa̱ ru da.”
ទើបបានជ្រើសរើសហើយ៖
Yomka C'Comtne 25: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Yomka C'Comtne 25
25
Bulus baa Fe̱stus gwamna
1An Fe̱stus la̱vtin c'ta̱a̱c a̱n kaba̱m c'gwamna, u lagk copun Kaisariya u havk le̱in Urisalima. 2C'Hwengnan ka̱bd Na'Sil a c'hwenga̱n Yahude̱n hata bo̱ baa ru a ve̱ce̱te̱ o da̱n lalksa̱n na sain sa̱ Bulus. A konk ta̱m o 3az u se̱e̱te̱ na̱ u de̱l na vaakta Bulus a̱n le̱in Urisalima. I rema̱n a walgk a em kwe̱e̱m ru a hwaa o a̱n k'le̱ve̱. 4Fe̱stus zeka la na̱, “I a̱n copun Kaisariya a̱n Bulus rein a'gaga. Mi la ta̱'m vaak a̱n a̱n'a za na̱m'gos da. 5Awaz u emk rihi i naake, lag na a hwengan baa no gab me, a san lalks ru a̱nlu.”
6Fe̱stus ta la̱v c'hwen c'ya̱a̱r alla oopa baa na̱ da, u vaakk a̱n copun Kaisariya. Na̱m'zanta, au soottin a̱n sakada̱n gedma̱n lalko, u zek az na nokta Bulus. 7An na cetain Bulus, Yahude̱ nanan hain lanma̱n le̱in Urisalima, a rigk ta̱m o hatt a̱n vata̱m s'lalk hwe̱di sa̱n zatin d'hi da. 8Bulus emk s'lalk u rutt hid ru. U zeka, “A̱m ta pas giira Yahude̱n da. A̱m ta ko̱t ta̱m baan buuk Na'Sil alla Kaisar go̱m va̱n Roma da.”
9Fe̱stus la, ai retin u to̱nk u pusa̱sa̱ Yahude̱n c'de̱be̱, u ipkk Bulus, “Ta̱'v se̱s a̱v hav le̱in Urisalima baad ri a̱m gedata v lalksa̱n rihica̱ ha̱n kwe̱?”
10Bulus se̱st bo̱ o, “I a̱n ka̱bda̱n gedma̱n lalk Kaisar a̱n na sain lalks ri. I a̱n a̱n'a i ge̱be̱se̱in na geda m lalko. A̱m ta ko̱t baa Yahude̱n da, ho̱da̱na̱n v baastin a̱v napka. 11Awaz a̱m pask giira alla a̱m emk rina̱n cain d'hwee, a̱m ta ha̱l na hwaa m da. Awaz la lalksa̱n Yahude̱n sain sa̱ ri za m'ga̱u da, noc zatta d'ke̱e̱ u badasa m a̱n komc na̱ da. A̱m to̱nk na o̱m lalks ri na cet baa Kaisar.”
12An Fe̱stus buutin s'lan a an gedma̱n lalk no, u zet bo̱ Bulus, “A̱v to̱nk na o̱m lalks rov na cet baa Kaisar. Lalks rov sa̱n caa baa Kaisar.”
Bulus baa Agrippa na Be̱nis
13An na la̱vtin c'hwe c'hona, go̱m Agrippa na Be̱nis, a haka copun Kaisariya a emata Fe̱stus po̱o̱so̱da̱n ne̱e̱m k'gwin. 14Ai retin ta la̱v c'hwen hwe̱di a̱n a̱n'a, Fe̱stus tana̱vka go̱m da̱n lalks Bulus. U zeka o, “Noc el un Fe̱liks to̱in u lagk a'gaga. 15Am latin a̱n le̱in Urisalima, c'hwengnan ka̱bd Na'Sil a hwenga̱nc Yahude̱n saka lalks ru. A konk ta̱m az a̱m geda o lalk na hwaa o. 16A̱m zek la na̱, ‘An Roma za ta badasa na noc na hot da, a za a na baak a sootsa o a an sain lalks run da. Na ne̱e̱ ta̱m o d'ke̱e̱ u vat rina̱n tu rutt hid ru a̱n rina̱n na zein az u emk da.’
17“Aa kargtain tahna, a̱m ta e̱vk da. Na̱m'Zanta, a̱m soottin a̱n dotaka̱n gedma̱n lalko, a̱m de̱lk na noktka o. 18Daava̱n an sain lalks ru estin a emk s'lalko, a ta vat rihi i'da̱nka̱ i naak im de̱ltin be̱ c'de̱b az ta vat da. 19Rihica̱n a uvta̱in la, i lansa̱n gabs na̱ a lalks Ye̱so no. Un Bulus zein az u uku, u vaakk ta̱m u po̱tko̱. 20Ai retin a̱m ta pamasa ho̱da̱na̱n ta̱'m napt ga̱uma̱n lalksa̱ ha̱n da, a̱m ipkk Bulus awaz tu se̱s na sav o le̱in Urisalima na gedata o lalk a̱n a̱n'a. 21An Bulus hobtin az na o̱m lalks ru na cet baa damran go̱m Kaisar, a̱m zek na baa gweda o ai a̱m cett o baa Kaisar.”
22Agrippa zeta bo̱ Fe̱stus, “A̱m to̱nk a̱m hong a̱rm uhna.”
Fe̱stus zet bo̱ o, “Ta̱'v hong o buku.”
23Na̱m'zanta, Agrippa na Be̱nis uvka̱ a̱n ka̱bda̱ c'go̱m a walgca̱ c'go̱ma̱n ta hwa̱a̱-hwa̱a̱. A uvka̱ d'kut a so̱dka̱n koola̱n a damran a ni'le̱e̱ ne̱. Fe̱stus de̱lt bo̱ na nokta Bulus. 24A̱n daava̱n lo Fe̱stus zeka, “Go̱m Agrippa, a netnanan rein taha̱n kwe̱, go̱t na a̱rmune. I unwa a̱n Yahude̱n an le̱in Urisalima, a an rein taha̱n sain lalks ru. A una̱ska̱ ta̱m d'gudg az na hwaa o.
25“A̱m ta he̱n la rina̱n u emin in cain na hwaa o da. Ai retin la u hobk na o̱m lalks ru na cet baa damran go̱m Kaisar, a̱m gedk lalk az na sav o copun Roma. 26A̱m ta kum la rina̱n m bo̱pin in ta̱'m ge̱ne̱ go̱m az u emk da. I da̱nda a̱n de̱lin a̱m rutta̱ o baa no kwe̱, a von a̱n hid rovo, go̱m Agrippa. I bat av taas ipka̱m ru, ta̱'m kum rina̱n ta̱'m ge̱ne̱ go̱mo̱. 27Rema̱n a̱m ta he̱n i hwennka a̱m cuk kan na sipin baa go̱mo̱, a za a̱m ve̱ce̱ke̱ o lalksa̱n na sain sa̱ ru da.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019