Yomka C'Comtne 15
15
D'Mera a̱n le̱in Urisalima
1Neta̱n hyan nokka Antiyo̱k lanma̱n copun Judiya a̱n la̱a̱sa̱m a s'gaba. A zek az, “A za a na emaka noc s'ged ho̱da̱na̱n Mosa la̱a̱sta̱in na da, a tu kum d'gwa̱a̱ma̱ da.” 2Bulus na Barnabas a̱n ta kab la la̱a̱s uha̱n un noktain s'lan hwe̱di baad na̱, a netnan lon da. Na se̱e̱pste̱ bo̱ a̱n daava̱n lo, az Bulus na Barnabas, a a s'gab ahyan i'hona, a hav a̱n le̱in Urisalima baa c'comtne, a hwenga̱nc Yahude̱n, rem a go̱tt da̱n lalksa̱ hna.
3An bugd a s'gab comtin Bulus na Barnabas, Bulus a̱n to̱o̱t bo̱ a gedanka copca̱n Fiyo̱nisiya a Samariya na. A ve̱ce̱ke̱ netan da̱n pankam an zain Yahude̱n da baa Na'Sila̱. Lalksa̱ ha̱n de̱lk a s'gab kwe̱ a emk c'za̱ngkta̱. 4Aa cetin le̱in Urisalima, bugd a s'gab a c'comta̱n ne, a c'hwengnan s'gab kwe̱, a marska na̱ i kasi. A ve̱ce̱ke̱ na̱ ta̱m rihica̱n ca̱n Sila emain na̱ kwe̱ a̱n le̱ve̱. 5A̱n daava̱n lo, na kumk Farisin hyan an batin d'ba̱t baa Na'Sil lanma̱n baan bugd an ba̱tksa̱m na s'giira. A unuku a zeka, “I ge̱be̱ske̱ na ema an zain Yahude̱n da s'geda, na de̱l na̱ ta̱m a gab giiras Mosa.”
6C'Comta̱n a c'hwenga̱n merata bo̱ rema̱n a buut s'lan a̱n lalk uhna. 7Aa buutin s'lan hwe̱di, Bitrus esk u zeka na̱, “Hyaaren a s'gaba, a̱n baask a̱n napk az Sila dagk a̱m de̱ha̱nzo az a̱m bisi an zain Yahude̱n da kasi lalko, bat ta bat d'ba̱t baa Na'Sila̱.#15:7 Go̱t ta̱m: YCCo 10:1-43. 8Sila nan napin ta̱m de̱bc koowe̱, a kwesaka az a kabk an zain Yahude̱n da aa ne̱e̱tin na̱ Hora̱md Na'Sil ho̱da̱n a ne̱e̱tin cinna.
9“Sila ta ka̱a̱ka̱nsi la cinna a na̱nnan da. A mangska ta̱m de̱bc na̱ rema̱n batma̱n ba̱ta̱d na̱. 10Rema̱n taanlo, i rema̱n ye̱ a̱n ta̱n naast A'Sil c'de̱b a̱n twe̱e̱se̱m a s'gabnanan zain Yahude̱n da, to̱o̱sda̱n cinna a ceta cinnan ta hweksina̱n to̱o̱s da? 11Go̱t la na batk d'ba̱t az i rema̱n pusuu kanubu Ye̱so Ka̱risti a̱n na gwa̱a̱tin cinna, ho̱da̱na̱n na gwa̱a̱tin na̱.”
12A̱n daava̱n lo, bugda̱n neta̱n resk te̱kk. A ge̱ne̱ke̱ Barnabas na Bulus u'con aa retina̱n ve̱ce̱m na̱ da̱ c'he̱te̱, a rihica̱n sipa̱m na'nwa̱a̱ na̱, ca̱n Sila de̱lin a emk baa an zain Yahude̱n da. 13Daav a cimtin s'lalko, Yakub zeka na̱, “Hyaarene, hong na me. 14Simo̱n vatk ho̱da̱na̱n Sila e̱ttin a̱n kwesa an zain Yahude̱n da c'to̱no̱, aa dagtin neta̱n baa na̱, bat ta soot neta̱n na̱. 15Lalksa̱ ha̱n emk ta̱m honhon ho̱da̱na̱n baranc Na'Sil vattin sa̱, ho̱da̱na̱n sa̱ retin a'ge̱ne̱:
16“ ‘A rihica̱ ha̱n to̱o̱,
ta̱'m vaaka
m una̱sta̱ taara̱d Dauda da̱ c'go̱mo̱.
Rihica̱n na he̱e̱ka̱llin ta̱m kwe̱,
ta̱'m vaak a̱m maa, a̱m una̱sa̱ ta̱m ca̱.
17I bat netnan copca̱n copun yanda̱ha̱n an kusin a an zain Yahude̱n da,
ta hob Kan Go̱mca̱n Kooye̱.
D'Kut a an na rein nan po̱g kwe̱ a̱n dind ri.
I mi Kan Go̱mca̱n Kooye̱,
un emin rihica̱ ha̱n kwe̱,
a̱n zein tan.’
18I rihica̱n Sila baasin a napaska na
da̱n ca̱nca kwe̱,
lanma̱n takboda̱n copun yanda̱hna.
19“Rema̱n taanlo, a̱n he̱nu ri, an zain Yahude̱n da an pankain baa Na'Sila̱, a na o̱so̱so̱ la na̱ da. 20Na ge̱ne̱ na̱ az a e̱l rihica̱n na savin baan cepko. A lag d'o̱m a ta̱uda̱n rina̱n wa̱in a'wa̱a̱-wa̱a̱ na̱. A lag ta̱m ryaaka̱ m'hiba̱.#15:20 Go̱t ta̱mU'Rwa̱ 34:15-17; Ggdk 17:10-16. 21Rema̱n hyanma̱n de̱ha̱nzo, na ci an ba̱sma̱n giiras Mosa a̱n kooye̱ le̱e̱ya. Na el nan po̱g ge̱ns ne a̱n ka̱bca̱n kargad Yahude̱n a̱n kooye̱ hweda̱n hwerad Yahude̱n da.”
Vaaka̱n c'hwenga̱n ge̱nine
22C'Comtne, c'hwenga̱n ne, a buga̱d a s'gab he̱nt bo̱ i ge̱be̱ske̱ az a dag neta̱n a com na̱ d'kut a Bulus a Barnabas a̱n, a hav a̱n le̱in Antiyo̱k. A dagt bo̱ Yahuda (kan nan po̱g ta̱m Barsabas) a̱n Se̱las. Netna ha̱n, i c'hwenga̱n baa a s'gaba.
23Go̱t ha̱n rina̱n na ge̱nin a̱n vaak ne:
Vaaka̱ ha̱n, i lanma̱n baa c'comta̱n a c'hwenga̱n ne. Hyannano a s'gabnanan rein a̱n le̱in Urisalima.
I caama̱n baa a s'gabnanan zain Yahude̱n da, an rein a̱n copun Antiyo̱k, Siriya, a Silisiya na.
Ca̱ po̱o̱ssko̱ no.
24Ca̱ hongk az ahyan lanma̱n bugd co de̱lk no a̱n naam c'de̱b a̱n rina̱n a la̱a̱sa̱in no. Ca como la na̱ da. 25C swe̱e̱ke̱ d'hi, c go̱tk lalksa̱ ha̱n a d'ke̱mne̱nne̱. C he̱nk i hwennka c dag neta̱n c como na̱ baa no d'kut a baran co no, Barnabas na Bulus. 26Netna ha̱n codk hid na̱ rema̱n yomka Kan buu cinna Ye̱so Ka̱risti. 27Rema̱n taanlo, c comko Yahuda na Se̱las, ta sud a̱n ve̱ce̱ no ta̱m rihica̱n lo a̱n nwa̱a̱'a na̱. 28I emk Hora̱md Na'Sil a cwanna̱n ta̱m d'ke̱m az a na twe̱e̱se̱ la no to̱o̱sc hyan ca̱ m'nii da, a za giirasa̱ ha̱n da. 29An ryaa la rihica̱n na savin baan cepk da. An ryaa la m'hib da. An ta̱a̱ la rina̱n wa̱in a'wa̱a̱-wa̱a̱ da. A̱n lag ta̱m d'o̱mo̱. An e̱l rihica̱ hna, ti em i kasi.
Soot na m'ho̱o̱kno̱.
30An na comin to̱uz a sarg a caa Antiyo̱k. Aa cetine, a kargska bugda̱n a s'gab a nesk na̱ vaak ne. 31An na po̱gtin vaak ne, a s'gabnanan rein Antiyo̱k emk c'za̱ngkta̱ hwe̱di d'kal rema̱n lalksa̱n setasam c'de̱b sa̱n rein a̱n ka̱n. 32Yahuda na Se̱las ta̱ma̱, ai retin na̱nna i baranc Na'Sila̱, a kaagk hyannana̱ a s'gaba. A setaska ta̱m na̱ c'de̱be̱. 33An na comain lanma̱n le̱in Urisalima la̱vk Antiyo̱k c'hwen c'hona. Aa zetin u'vaak baa an comain na̱, a s'gab cepkka na̱ az a caa m'ho̱o̱kno̱. 34Puti a tan na, i emk Se̱las d'ke̱m u sud a̱n soot baa na̱.
35Bulus na Barnabas, a neta̱n hyan ta̱m hwe̱di, sootk a̱nmin le̱in Antiyo̱k. A la̱a̱ska̱ neta̱n ta ba̱suz kasi lalks Kan Go̱mca̱n Kooye̱.
Bulus na Barnabas wankske
36An na la̱vtin c'hwen c'hona, Bulus zeka Barnabas, “Na vaak na na rig le̱v a s'gab a̱nmin kooye̱ le̱e̱ya, va̱na̱n na ba̱sa̱in lalks Kan Go̱mca̱n Kooye̱, na he̱nt ho̱da̱na̱n a retine.” 37Barnabas to̱nt bo̱ be̱ az Yohana u'na̱n nan po̱g Markus, gab na̱.
38Bulus ta se̱s la az a nok a unwan ta̱m da. Rema̱n u lagka na̱ a̱n le̱in Pamfiliya, u ta vala a taasa a'yomk da. 39A emk s'lan hwe̱di. I de̱lk a wankske, koowe̱ sakk le̱vk ru. Barnabas o̱mt bo̱ Markus a uvk a̱n bumbka̱ m'ho̱o̱, a havk Saipros. 40Bulus dagk la ba̱ru Se̱las, a to̱o̱k na̱m'baala. A s'gab kwenaka na̱ az Sila se̱e̱te̱ na̱. 41A gedanka copun Siriya a Silisiya na, a̱n setasam a s'gab c'de̱be̱.
ទើបបានជ្រើសរើសហើយ៖
Yomka C'Comtne 15: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Yomka C'Comtne 15
15
D'Mera a̱n le̱in Urisalima
1Neta̱n hyan nokka Antiyo̱k lanma̱n copun Judiya a̱n la̱a̱sa̱m a s'gaba. A zek az, “A za a na emaka noc s'ged ho̱da̱na̱n Mosa la̱a̱sta̱in na da, a tu kum d'gwa̱a̱ma̱ da.” 2Bulus na Barnabas a̱n ta kab la la̱a̱s uha̱n un noktain s'lan hwe̱di baad na̱, a netnan lon da. Na se̱e̱pste̱ bo̱ a̱n daava̱n lo, az Bulus na Barnabas, a a s'gab ahyan i'hona, a hav a̱n le̱in Urisalima baa c'comtne, a hwenga̱nc Yahude̱n, rem a go̱tt da̱n lalksa̱ hna.
3An bugd a s'gab comtin Bulus na Barnabas, Bulus a̱n to̱o̱t bo̱ a gedanka copca̱n Fiyo̱nisiya a Samariya na. A ve̱ce̱ke̱ netan da̱n pankam an zain Yahude̱n da baa Na'Sila̱. Lalksa̱ ha̱n de̱lk a s'gab kwe̱ a emk c'za̱ngkta̱. 4Aa cetin le̱in Urisalima, bugd a s'gab a c'comta̱n ne, a c'hwengnan s'gab kwe̱, a marska na̱ i kasi. A ve̱ce̱ke̱ na̱ ta̱m rihica̱n ca̱n Sila emain na̱ kwe̱ a̱n le̱ve̱. 5A̱n daava̱n lo, na kumk Farisin hyan an batin d'ba̱t baa Na'Sil lanma̱n baan bugd an ba̱tksa̱m na s'giira. A unuku a zeka, “I ge̱be̱ske̱ na ema an zain Yahude̱n da s'geda, na de̱l na̱ ta̱m a gab giiras Mosa.”
6C'Comta̱n a c'hwenga̱n merata bo̱ rema̱n a buut s'lan a̱n lalk uhna. 7Aa buutin s'lan hwe̱di, Bitrus esk u zeka na̱, “Hyaaren a s'gaba, a̱n baask a̱n napk az Sila dagk a̱m de̱ha̱nzo az a̱m bisi an zain Yahude̱n da kasi lalko, bat ta bat d'ba̱t baa Na'Sila̱.#15:7 Go̱t ta̱m: YCCo 10:1-43. 8Sila nan napin ta̱m de̱bc koowe̱, a kwesaka az a kabk an zain Yahude̱n da aa ne̱e̱tin na̱ Hora̱md Na'Sil ho̱da̱n a ne̱e̱tin cinna.
9“Sila ta ka̱a̱ka̱nsi la cinna a na̱nnan da. A mangska ta̱m de̱bc na̱ rema̱n batma̱n ba̱ta̱d na̱. 10Rema̱n taanlo, i rema̱n ye̱ a̱n ta̱n naast A'Sil c'de̱b a̱n twe̱e̱se̱m a s'gabnanan zain Yahude̱n da, to̱o̱sda̱n cinna a ceta cinnan ta hweksina̱n to̱o̱s da? 11Go̱t la na batk d'ba̱t az i rema̱n pusuu kanubu Ye̱so Ka̱risti a̱n na gwa̱a̱tin cinna, ho̱da̱na̱n na gwa̱a̱tin na̱.”
12A̱n daava̱n lo, bugda̱n neta̱n resk te̱kk. A ge̱ne̱ke̱ Barnabas na Bulus u'con aa retina̱n ve̱ce̱m na̱ da̱ c'he̱te̱, a rihica̱n sipa̱m na'nwa̱a̱ na̱, ca̱n Sila de̱lin a emk baa an zain Yahude̱n da. 13Daav a cimtin s'lalko, Yakub zeka na̱, “Hyaarene, hong na me. 14Simo̱n vatk ho̱da̱na̱n Sila e̱ttin a̱n kwesa an zain Yahude̱n da c'to̱no̱, aa dagtin neta̱n baa na̱, bat ta soot neta̱n na̱. 15Lalksa̱ ha̱n emk ta̱m honhon ho̱da̱na̱n baranc Na'Sil vattin sa̱, ho̱da̱na̱n sa̱ retin a'ge̱ne̱:
16“ ‘A rihica̱ ha̱n to̱o̱,
ta̱'m vaaka
m una̱sta̱ taara̱d Dauda da̱ c'go̱mo̱.
Rihica̱n na he̱e̱ka̱llin ta̱m kwe̱,
ta̱'m vaak a̱m maa, a̱m una̱sa̱ ta̱m ca̱.
17I bat netnan copca̱n copun yanda̱ha̱n an kusin a an zain Yahude̱n da,
ta hob Kan Go̱mca̱n Kooye̱.
D'Kut a an na rein nan po̱g kwe̱ a̱n dind ri.
I mi Kan Go̱mca̱n Kooye̱,
un emin rihica̱ ha̱n kwe̱,
a̱n zein tan.’
18I rihica̱n Sila baasin a napaska na
da̱n ca̱nca kwe̱,
lanma̱n takboda̱n copun yanda̱hna.
19“Rema̱n taanlo, a̱n he̱nu ri, an zain Yahude̱n da an pankain baa Na'Sila̱, a na o̱so̱so̱ la na̱ da. 20Na ge̱ne̱ na̱ az a e̱l rihica̱n na savin baan cepko. A lag d'o̱m a ta̱uda̱n rina̱n wa̱in a'wa̱a̱-wa̱a̱ na̱. A lag ta̱m ryaaka̱ m'hiba̱.#15:20 Go̱t ta̱mU'Rwa̱ 34:15-17; Ggdk 17:10-16. 21Rema̱n hyanma̱n de̱ha̱nzo, na ci an ba̱sma̱n giiras Mosa a̱n kooye̱ le̱e̱ya. Na el nan po̱g ge̱ns ne a̱n ka̱bca̱n kargad Yahude̱n a̱n kooye̱ hweda̱n hwerad Yahude̱n da.”
Vaaka̱n c'hwenga̱n ge̱nine
22C'Comtne, c'hwenga̱n ne, a buga̱d a s'gab he̱nt bo̱ i ge̱be̱ske̱ az a dag neta̱n a com na̱ d'kut a Bulus a Barnabas a̱n, a hav a̱n le̱in Antiyo̱k. A dagt bo̱ Yahuda (kan nan po̱g ta̱m Barsabas) a̱n Se̱las. Netna ha̱n, i c'hwenga̱n baa a s'gaba.
23Go̱t ha̱n rina̱n na ge̱nin a̱n vaak ne:
Vaaka̱ ha̱n, i lanma̱n baa c'comta̱n a c'hwenga̱n ne. Hyannano a s'gabnanan rein a̱n le̱in Urisalima.
I caama̱n baa a s'gabnanan zain Yahude̱n da, an rein a̱n copun Antiyo̱k, Siriya, a Silisiya na.
Ca̱ po̱o̱ssko̱ no.
24Ca̱ hongk az ahyan lanma̱n bugd co de̱lk no a̱n naam c'de̱b a̱n rina̱n a la̱a̱sa̱in no. Ca como la na̱ da. 25C swe̱e̱ke̱ d'hi, c go̱tk lalksa̱ ha̱n a d'ke̱mne̱nne̱. C he̱nk i hwennka c dag neta̱n c como na̱ baa no d'kut a baran co no, Barnabas na Bulus. 26Netna ha̱n codk hid na̱ rema̱n yomka Kan buu cinna Ye̱so Ka̱risti. 27Rema̱n taanlo, c comko Yahuda na Se̱las, ta sud a̱n ve̱ce̱ no ta̱m rihica̱n lo a̱n nwa̱a̱'a na̱. 28I emk Hora̱md Na'Sil a cwanna̱n ta̱m d'ke̱m az a na twe̱e̱se̱ la no to̱o̱sc hyan ca̱ m'nii da, a za giirasa̱ ha̱n da. 29An ryaa la rihica̱n na savin baan cepk da. An ryaa la m'hib da. An ta̱a̱ la rina̱n wa̱in a'wa̱a̱-wa̱a̱ da. A̱n lag ta̱m d'o̱mo̱. An e̱l rihica̱ hna, ti em i kasi.
Soot na m'ho̱o̱kno̱.
30An na comin to̱uz a sarg a caa Antiyo̱k. Aa cetine, a kargska bugda̱n a s'gab a nesk na̱ vaak ne. 31An na po̱gtin vaak ne, a s'gabnanan rein Antiyo̱k emk c'za̱ngkta̱ hwe̱di d'kal rema̱n lalksa̱n setasam c'de̱b sa̱n rein a̱n ka̱n. 32Yahuda na Se̱las ta̱ma̱, ai retin na̱nna i baranc Na'Sila̱, a kaagk hyannana̱ a s'gaba. A setaska ta̱m na̱ c'de̱be̱. 33An na comain lanma̱n le̱in Urisalima la̱vk Antiyo̱k c'hwen c'hona. Aa zetin u'vaak baa an comain na̱, a s'gab cepkka na̱ az a caa m'ho̱o̱kno̱. 34Puti a tan na, i emk Se̱las d'ke̱m u sud a̱n soot baa na̱.
35Bulus na Barnabas, a neta̱n hyan ta̱m hwe̱di, sootk a̱nmin le̱in Antiyo̱k. A la̱a̱ska̱ neta̱n ta ba̱suz kasi lalks Kan Go̱mca̱n Kooye̱.
Bulus na Barnabas wankske
36An na la̱vtin c'hwen c'hona, Bulus zeka Barnabas, “Na vaak na na rig le̱v a s'gab a̱nmin kooye̱ le̱e̱ya, va̱na̱n na ba̱sa̱in lalks Kan Go̱mca̱n Kooye̱, na he̱nt ho̱da̱na̱n a retine.” 37Barnabas to̱nt bo̱ be̱ az Yohana u'na̱n nan po̱g Markus, gab na̱.
38Bulus ta se̱s la az a nok a unwan ta̱m da. Rema̱n u lagka na̱ a̱n le̱in Pamfiliya, u ta vala a taasa a'yomk da. 39A emk s'lan hwe̱di. I de̱lk a wankske, koowe̱ sakk le̱vk ru. Barnabas o̱mt bo̱ Markus a uvk a̱n bumbka̱ m'ho̱o̱, a havk Saipros. 40Bulus dagk la ba̱ru Se̱las, a to̱o̱k na̱m'baala. A s'gab kwenaka na̱ az Sila se̱e̱te̱ na̱. 41A gedanka copun Siriya a Silisiya na, a̱n setasam a s'gab c'de̱be̱.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019