ရိမ့ၤ 9
9
ကဘၱာ်စဲာ်ကၱာ်အပၠၤခွံဖဳး
1ယတသးအဲးဒီၣ်ပရၤဆးတဲၤနီး, မၱာ်ယဒီၣ်အဘဲာ်ပျဳာ်ပျဳာ် ကၱာ်ခရၱာ်လီၤ. မၱာ်တဲၤတၱၢ်တဲၤမှးဒဳယသးအဳးပူၤသးစါထံဒီၣ်ဘၱဆး လၤတံၤလၤဆ့းယဲၤ. 2-3ယသးအဲးဒီၣ်မၱာ်ကယဳၤ, ယတဲၤအဳး သဳးအဳးသးနဳၤမၱာ်အဓဳၤ, ယတဲၤသဳးကဳၤသးကဲၢ်မၱာ်အတကဓူၤဇၤနီး, ပွ့အသးအဲးဘဲာ် စံးရး, ပွ့အကဘဲာ်ထဳးပၢ်ကဲဘဲာ်ခရၱာ်အီၣ်, မၱာ်ယကမဲၤ ဇဳၤဇၤမၤယသဲပူၤဝ့ၤအံၣ်စရ့လးဖဳးတစီာ်ထဲၢ်အမၱာ်ယဖ့းယဟၱး, ယသွံၣ် ယထံတစီာ်နဳၤ. 4စဲာ်တစီာ်မၱာ်ကဘၱာ်စဲာ်အပၠၤခွံဖဳး, စအံာ်လၤနံၤ လၢ်ဝၤ ဖဳးအလ့ၤ, ကၱာ်ဒဲလၱၢ်စတဲၤဓီၤတဲၤသ့းကၱာ်တဲၤလၤကျၤ, တဲၤ မှဲးလၤကၱာ်တဲၤသဘူၣ်သဘဲဘဲာ်မဲၤထာ်ကဲၤစဲာ်တစီာ်အနံၤခံကၱာ် တဲၤအၣ်မါခးအံာ်. 5စဲာ်တစီာ်မၱာ်မဳၤဓဳၤပာ်ဓဳၤအခွံအသလဲကၱာ် ဒဳစခွံအပူၤနဳၤ, ခရၱာ်လ့ၤလၤကဲၤ, ကဘၱာ်စဲာ်ထဲၢ်အအူအံာ်တဲၤလဳစါစဲး ဘဲာ်ဟိးဝၱၤလၤထူလၤပျဳၤ, အၤမ့ၣ်.
6အယဳၤမၱာ်အဒဲလၱၢ်ကဘၱာ်စဲာ်အတဲၤမဲၤဖၱထာ်အတဲၤ အၣ်မါခးအံာ်လီၤ. မၤနဲၢ်ကဒီၣ်ဓဳၤဒဳၣ်, ပၠၤအံၣ်စရ့လးအခွံ ဖဳးတဘဲာ် ကဘၱာ်စဲာ်အပၠၤခွံဖဳးလဳစါစဲးနီး. 7ပၠၤအအီၣ် လၤဒဳအံၣ်စရ့လး အခွံတစီာ်တမၱာ်လဳအံၣ်စရ့လးဖဳးနီး. စီၤအၤ ဘြၤဟၣ်အခွံတစီာ်တမၱာ် လဳစဖဳးစလံၤအနှဲးနီး. ကမဳၤထာ်နံ ပီၢ်, “နမံၤနခဲကမၱာ်ကီဒဳစီၤအံၤစဲး အမံၤအပူၤနဳၤ.” 8အထာ်ပဳၤထာ်ဘါမၱာ်အမဲၤဖၱထာ်ဝၤကဘၱာ်စဲာ် အဖဳးအလံၤတမၱာ်ဖ့းဟၱးအခွံအသလဲနီး, မၱာ်တဲၤအၣ်မါခးအံာ်အဖဳး အလံၤတစီာ်ကမၱာ်ကီအခွံအသလဲအတၱၢ်အမှးနဳၤ. 9တဲၤအၣ်မါ ခးအံာ်အတဲၤယၱၢ်ဘဲာ်အမှိအသဲာ်မၱာ်ကယဳၤ, “ဘ့နဳၤအခၠၱးအကျၤနဳၤ, ယကလ့ၤထၱးခီသံကၱာ်နီၢ်စၤရါအဖဳးခဳကအီၣ်ကီတပွဲၤ,” နဳၤ.
10အဘဲာ်နံၤပီၤနံၤသ့ပွ့ၤသၱာ်လၱမၱာ်ဘ့နီၢ်ရံးဘကၤမူၤသဲာ်ဒဳ ထာ်ကီကၱာ်ဝၤဖူစီၤအံၤစဲးနဳၤ, 11-12ဒဳၣ်ချဳမၱာ်အအူဆူးတချူ ကၱာ်စဖဳးအအီၣ်သကိကပွဲၤ တမဲၤဇၤအဝၱၤကၱာ်အကၱကဲာ်အခၠၱးနှၱနီးနဳၤ. စာ်ဘိထဲၢ်ကဘၱာ်စဲာ်ကဒဲလၱၢ်ထာ်ပီၢ်စတဲၤရိၤထာ်မၱာ်ထ့ အဘဲာ်စသး နဳၤလီၤဒဳၣ်အဒီၣ်, တဲၤအီၣ်လဳဒဳအယဳၤပၠၤတပွဲၤအစူးခီးပူၤလီၤ, တဘဲာ် ပၠၤအတဲၤဓၤနံၤအစဲနီးဒဳၣ်, စဒီၣ်ကဲၤနီၢ်ရံးဘကၤ, “အဓဳၤပွ့ၤကခး ဇိၤကီအရှံးဖဳး.” 13ကၱာ်စဲာ်စါ ထံဒီၣ်ဝ့ၤအလဝ့ၤတကျၤကယဳၤ, “ယဒဲလၱၢ်တဲၤဘဲာ်လီၢ်စီၤ ယၤကိာ်အခဳးကၱာ်ယတဝဲၢ်စီၤဧ့ရှီၤနီး,” နဳၤ.
14မဲၤကနဳၤဒဳၣ်, ကဘၱာ်စဲာ်တတၱၢ်တမှးနီးဧါ. တဘဲာ်ဓဳၤနီး. 15စာ်ဘိ, ကဘၱာ်စဲာ်ဒီၣ်စီၤမဳၤရှ့, “ယကခီးဝဲၤပၠၤယသးအီၣ်တစီာ်, ကၱာ်ယဒဲလၱၢ်ယတဲၤခီၣ်ဝဲၤမှီးဘဲာ်ကယါယသးအီၣ်တစီာ်နဳၤ,” နဳၤ. 16အလဝ့ၤတမဳၤမၱာ် တဘဲာ်ဒဳပၠၤအသးအဲးနံၤကၱာ်အသးအီၣ် အဓ့နဳၤနီး, မၱာ်ကဘၱာ် စဲာ်အတဲၤခီၣ်ဝဲၤမှီးဘဲာ်အီၣ်အဓ့နဳၤလီၤ. 17မၤနဲၢ်, ဒဳ စဲာ်စါထံအပူၤစဒီၣ်ကဲၤဖၤရိၤ, “တဲၤအယဳၤအနံၤခံယလဲၢ်ထာ် ကဲၤနဲၤ, အကမဲၤအံာ်နဲၤစာ်ဘိထဲၢ်ယကဒဲလၱၢ်ပီၢ်ယတဲၤစိတဲၤ သလဲ ကၱာ်အကမဲၤဟိထာ်သဲာ်လၤပီၢ်ယမံၤဒဳလၢ်ခဳးတဘဲာ်အခဳးနဳၤ.” 18ကနဳၤအခဳးအစဲ, မၱာ်ဘ့ကဘၱာ်စဲာ်အသးအဲးဒဲ လၱၢ်စတဲၤသးခီၣ်ဝဲၤမှီးဘဲာ်နဳၤကၱာ်စသးအဲးမဲၤဆးပၠၤအသးနဳၤ, စမဲဇၤတပွဲးဒဳၣ်.
ကဘၱာ်စဲာ်အတဲၤသဲးထဲးကၱာ်အတဲၤခီၣ်ဝဲၤမှီးဘဲာ်
19သံကဒီၣ်ယဲၤလီၤမီၢ်, “မဲၤကနဳၤဒဳၣ်, ပၠၤတပွဲတထာ်ခဳးကါ ဇၤကဘၱာ်စဲာ်အတဲၤသးအဲးနံၤနီးအခဳးအစဲ, စကဟူး ဘဲာ်ဇၤလၢ်ဝၤစာ် တဲၢ်.” 20ပရၤဆါသံနဳၤသံကစံးရးဖၤမ့ၤဇၤကဘၱာ်စဲာ်စာ်တဲၢ်. “နဘီာ်မၤယဲၤကယဳၤနဲၢ်.” ကပဳၤတဒီၣ်ဇၤအဘီာ်ကပဳၤတပွဲၤဒဳၣ်နီး 21အဘီာ်ကပဳၤတပွဲၤမဲၤအံာ်ဇၤဟၣ်ပအဲးအစာ်ဘိစသးအလဳၢ်နဳၤ, ကၱာ်စဘီာ်အံာ်ကပဳၤကၠံၢ်ဒဳ ဒဳဟးပအဲးတချဳးလီၤ, တဒဳမၱာ်တဲၤရၤမီၤ အံာ်အနံၤခံကၱာ်အလဝ့ၤတဒဳမၱာ်တဲၤတ့ၤအၣ်ဖါအၣ်အံာ်အနံၤခံ.
22ကမဳၤထာ်နံၤကဘၱာ်စဲာ်ကဒဲလၱၢ်ထာ်အစိသလဲ ဒဳတဲၤ သဲးထဲးအပူၤနဳၤ, မၱာ်စခီးသးဒီအံာ်အမဲၤသဲးထဲးစဲာ်ပွ့အကတးနံၤ တဲၤ သံတဲၤလှဲမဲၢ်တစီာ်နဳၤ. 23ဒဳပၠၤလဝ့ၤထဲၢ်စသးအဲးဒဲလၱၢ်စတဲၤ ခီၣ်ဝဲၤမှီးဘဲာ်, စသးအဲးဒဲလၱၢ်စတီၤစသ့း, ပၠၤထဲၢ်စပရၤဒလီၤလှ့လှ့းကးတဲၤနဳၤတစီာ်အခဳးအစဲစခီးသး ဒီကဲၤလၢ်ဝၤ. 24ဝၤမၱာ်ယူဒၤဖဳးမၱာ်ဝၱၤ, ပွဲၤသူကူာ်ဖဳးမၱာ်ဝၱၤ, ဝၤမၱာ်လဳစယဳၤသဲန့ၤကဲၤတစီာ်နဳၤ. 25အနဳၤမၱာ်ကဘၱာ်စဲာ်ဒဳၣ်ထဳဒဳ ဝံဟဳၤရှ့အစဲာ်ပူၤကယဳၤ,
“ပၠၤထဲၢ်အတဘဲာ်ယပၠၤနီးတခွံနဳၤ,
ယကယဳၤကီစဲာ်တစီာ် ‘ယပၠၤခွံဖဳး.’
ပၠၤထဲၢ်ယတဘဲာ်လီၢ်ကဲၤတပျါနီးတခွံနဳၤ,
ယကယဳၤကီစဲာ်တစီာ် ‘ယဘဲာ်လီၢ်သံ.’
26သရိယကဒီၣ်, ‘သံတမၱာ်ယပၠၤနီးနဳၤ,’
ခဳနူၤယဳၤကဘဲာ်ယဳၤကီကဘၱာ်စဲာ်အအီၣ်သမိအဖဳးအလံၤ.”
27ဝၤစာ်က့ၤဝံယရှါယၤအစဲာ်ပူၤဒဳၣ်, အဒီၣ်ကယဳၤ, “အံၣ်စရ့လးအခွံသလဲအီၣ်အဲးအီးအီးနီးသီပွ့လဳၤသံမံၤအအီၣ်ပဲာ်လဲာ်ဝ့ၤနှီနဳၤ, အကလှိထာ်က့ၤမၱာ်အခဳးလၤကါဆဲးတကၱးဖဳးလီၤ. 28မၤနဲၢ်ဒဳၣ်, ကဘၱာ်စဲာ်မၱာ်အစံးရးဖးမ့ၤပျါ တဲၤဒဳလၢ်ခဳးအခဳးယဳၤတပွဲၤအခဳးအစဲနဳၤ.” 29အစာ်ဘိ ဝံယရှါယၤအတဲၤဒီၣ်တီၤလီၤ, “ဘၱာ်စဲာ်တအၣ်ဓဳၤကဲၢ်တဲၤလဲၢ် လၤကဲၤမၤဝၤခွံဝၤသလဲတစီာ်နီးဒဳၣ်, ခဳနူၤယဳၤဝၤကလၤတပွဲး အူးစဒဳၣ်ကၱာ်အူးဂမဳရၤတစီာ်နဳၤလီၤ.”
အံၣ်စရ့လးဖဳးကၱာ်တဲၤသးလဳၢ်သးလၤအဝၱၤအကဲ
30အယဳၤမၱာ်အဒဲလၱၢ်ပွဲၤသူကူာ်ဖဳးအတဝၢ်လှဲးတဲၤ တၱၢ်တဲၤမှးနီးတစီာ်နှီနဳၤ, ပာ်ထၱးတပွဲးတဲၤဘူၣ်တဲၤတၱၢ်တဲၤမှး တစီာ်နဳၤ, 31မၱာ်အံၣ်စရ့လးဖဳးအဝၢ်လှဲးတဲၤတၱၢ်တဲၤ မှးဒဳတဲၤမှဲးလၤအပူၤတစီာ်နဳၤတမဲၤခီတပွဲးတဲၤမှဲးလၤအကါနီး. 32စဲာ်တစီာ်ဆူးပးမၤနဲၢ်. မၱာ်ဒဳစဲာ်တစီာ်တဆးရှံအံာ်တဲၤ ဘူၣ်နီး, မၱာ်တဲၤမဲၤအဝၱၤအဘဲာ်လီၢ်အခဳးအစဲနဳၤ. 33မၱာ်အစာ်ဘိစဲာ်စါထံဒီၣ်,
“စဲာ်တစီာ်ထဲသကူလဳၤဆီး, ကၱာ်စာ်ပီၢ်, ယဒီလါလဳၤဒဳ စံယဳၣ်စာ်ဘိထဲၢ်
ပၠၤကထဲးသကူနဳၤ, ယဒီလါဆီးစာ်ဘိထဲၢ်
ပၠၤကထဲးသကူလၤတ့ၢ်ပျးအနံၤခံနဳၤ,
ပၠၤအဘူၣ်စဲာ်တစီာ်အနံၤခံအမီၤသါဝၢ်အစဲကတအီၣ်ကီ နီး,” နဳၤ.
ទើបបានជ្រើសរើសហើយ៖
ရိမ့ၤ 9: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
ရိမ့ၤ 9
9
ကဘၱာ်စဲာ်ကၱာ်အပၠၤခွံဖဳး
1ယတသးအဲးဒီၣ်ပရၤဆးတဲၤနီး, မၱာ်ယဒီၣ်အဘဲာ်ပျဳာ်ပျဳာ် ကၱာ်ခရၱာ်လီၤ. မၱာ်တဲၤတၱၢ်တဲၤမှးဒဳယသးအဳးပူၤသးစါထံဒီၣ်ဘၱဆး လၤတံၤလၤဆ့းယဲၤ. 2-3ယသးအဲးဒီၣ်မၱာ်ကယဳၤ, ယတဲၤအဳး သဳးအဳးသးနဳၤမၱာ်အဓဳၤ, ယတဲၤသဳးကဳၤသးကဲၢ်မၱာ်အတကဓူၤဇၤနီး, ပွ့အသးအဲးဘဲာ် စံးရး, ပွ့အကဘဲာ်ထဳးပၢ်ကဲဘဲာ်ခရၱာ်အီၣ်, မၱာ်ယကမဲၤ ဇဳၤဇၤမၤယသဲပူၤဝ့ၤအံၣ်စရ့လးဖဳးတစီာ်ထဲၢ်အမၱာ်ယဖ့းယဟၱး, ယသွံၣ် ယထံတစီာ်နဳၤ. 4စဲာ်တစီာ်မၱာ်ကဘၱာ်စဲာ်အပၠၤခွံဖဳး, စအံာ်လၤနံၤ လၢ်ဝၤ ဖဳးအလ့ၤ, ကၱာ်ဒဲလၱၢ်စတဲၤဓီၤတဲၤသ့းကၱာ်တဲၤလၤကျၤ, တဲၤ မှဲးလၤကၱာ်တဲၤသဘူၣ်သဘဲဘဲာ်မဲၤထာ်ကဲၤစဲာ်တစီာ်အနံၤခံကၱာ် တဲၤအၣ်မါခးအံာ်. 5စဲာ်တစီာ်မၱာ်မဳၤဓဳၤပာ်ဓဳၤအခွံအသလဲကၱာ် ဒဳစခွံအပူၤနဳၤ, ခရၱာ်လ့ၤလၤကဲၤ, ကဘၱာ်စဲာ်ထဲၢ်အအူအံာ်တဲၤလဳစါစဲး ဘဲာ်ဟိးဝၱၤလၤထူလၤပျဳၤ, အၤမ့ၣ်.
6အယဳၤမၱာ်အဒဲလၱၢ်ကဘၱာ်စဲာ်အတဲၤမဲၤဖၱထာ်အတဲၤ အၣ်မါခးအံာ်လီၤ. မၤနဲၢ်ကဒီၣ်ဓဳၤဒဳၣ်, ပၠၤအံၣ်စရ့လးအခွံ ဖဳးတဘဲာ် ကဘၱာ်စဲာ်အပၠၤခွံဖဳးလဳစါစဲးနီး. 7ပၠၤအအီၣ် လၤဒဳအံၣ်စရ့လး အခွံတစီာ်တမၱာ်လဳအံၣ်စရ့လးဖဳးနီး. စီၤအၤ ဘြၤဟၣ်အခွံတစီာ်တမၱာ် လဳစဖဳးစလံၤအနှဲးနီး. ကမဳၤထာ်နံ ပီၢ်, “နမံၤနခဲကမၱာ်ကီဒဳစီၤအံၤစဲး အမံၤအပူၤနဳၤ.” 8အထာ်ပဳၤထာ်ဘါမၱာ်အမဲၤဖၱထာ်ဝၤကဘၱာ်စဲာ် အဖဳးအလံၤတမၱာ်ဖ့းဟၱးအခွံအသလဲနီး, မၱာ်တဲၤအၣ်မါခးအံာ်အဖဳး အလံၤတစီာ်ကမၱာ်ကီအခွံအသလဲအတၱၢ်အမှးနဳၤ. 9တဲၤအၣ်မါ ခးအံာ်အတဲၤယၱၢ်ဘဲာ်အမှိအသဲာ်မၱာ်ကယဳၤ, “ဘ့နဳၤအခၠၱးအကျၤနဳၤ, ယကလ့ၤထၱးခီသံကၱာ်နီၢ်စၤရါအဖဳးခဳကအီၣ်ကီတပွဲၤ,” နဳၤ.
10အဘဲာ်နံၤပီၤနံၤသ့ပွ့ၤသၱာ်လၱမၱာ်ဘ့နီၢ်ရံးဘကၤမူၤသဲာ်ဒဳ ထာ်ကီကၱာ်ဝၤဖူစီၤအံၤစဲးနဳၤ, 11-12ဒဳၣ်ချဳမၱာ်အအူဆူးတချူ ကၱာ်စဖဳးအအီၣ်သကိကပွဲၤ တမဲၤဇၤအဝၱၤကၱာ်အကၱကဲာ်အခၠၱးနှၱနီးနဳၤ. စာ်ဘိထဲၢ်ကဘၱာ်စဲာ်ကဒဲလၱၢ်ထာ်ပီၢ်စတဲၤရိၤထာ်မၱာ်ထ့ အဘဲာ်စသး နဳၤလီၤဒဳၣ်အဒီၣ်, တဲၤအီၣ်လဳဒဳအယဳၤပၠၤတပွဲၤအစူးခီးပူၤလီၤ, တဘဲာ် ပၠၤအတဲၤဓၤနံၤအစဲနီးဒဳၣ်, စဒီၣ်ကဲၤနီၢ်ရံးဘကၤ, “အဓဳၤပွ့ၤကခး ဇိၤကီအရှံးဖဳး.” 13ကၱာ်စဲာ်စါ ထံဒီၣ်ဝ့ၤအလဝ့ၤတကျၤကယဳၤ, “ယဒဲလၱၢ်တဲၤဘဲာ်လီၢ်စီၤ ယၤကိာ်အခဳးကၱာ်ယတဝဲၢ်စီၤဧ့ရှီၤနီး,” နဳၤ.
14မဲၤကနဳၤဒဳၣ်, ကဘၱာ်စဲာ်တတၱၢ်တမှးနီးဧါ. တဘဲာ်ဓဳၤနီး. 15စာ်ဘိ, ကဘၱာ်စဲာ်ဒီၣ်စီၤမဳၤရှ့, “ယကခီးဝဲၤပၠၤယသးအီၣ်တစီာ်, ကၱာ်ယဒဲလၱၢ်ယတဲၤခီၣ်ဝဲၤမှီးဘဲာ်ကယါယသးအီၣ်တစီာ်နဳၤ,” နဳၤ. 16အလဝ့ၤတမဳၤမၱာ် တဘဲာ်ဒဳပၠၤအသးအဲးနံၤကၱာ်အသးအီၣ် အဓ့နဳၤနီး, မၱာ်ကဘၱာ် စဲာ်အတဲၤခီၣ်ဝဲၤမှီးဘဲာ်အီၣ်အဓ့နဳၤလီၤ. 17မၤနဲၢ်, ဒဳ စဲာ်စါထံအပူၤစဒီၣ်ကဲၤဖၤရိၤ, “တဲၤအယဳၤအနံၤခံယလဲၢ်ထာ် ကဲၤနဲၤ, အကမဲၤအံာ်နဲၤစာ်ဘိထဲၢ်ယကဒဲလၱၢ်ပီၢ်ယတဲၤစိတဲၤ သလဲ ကၱာ်အကမဲၤဟိထာ်သဲာ်လၤပီၢ်ယမံၤဒဳလၢ်ခဳးတဘဲာ်အခဳးနဳၤ.” 18ကနဳၤအခဳးအစဲ, မၱာ်ဘ့ကဘၱာ်စဲာ်အသးအဲးဒဲ လၱၢ်စတဲၤသးခီၣ်ဝဲၤမှီးဘဲာ်နဳၤကၱာ်စသးအဲးမဲၤဆးပၠၤအသးနဳၤ, စမဲဇၤတပွဲးဒဳၣ်.
ကဘၱာ်စဲာ်အတဲၤသဲးထဲးကၱာ်အတဲၤခီၣ်ဝဲၤမှီးဘဲာ်
19သံကဒီၣ်ယဲၤလီၤမီၢ်, “မဲၤကနဳၤဒဳၣ်, ပၠၤတပွဲတထာ်ခဳးကါ ဇၤကဘၱာ်စဲာ်အတဲၤသးအဲးနံၤနီးအခဳးအစဲ, စကဟူး ဘဲာ်ဇၤလၢ်ဝၤစာ် တဲၢ်.” 20ပရၤဆါသံနဳၤသံကစံးရးဖၤမ့ၤဇၤကဘၱာ်စဲာ်စာ်တဲၢ်. “နဘီာ်မၤယဲၤကယဳၤနဲၢ်.” ကပဳၤတဒီၣ်ဇၤအဘီာ်ကပဳၤတပွဲၤဒဳၣ်နီး 21အဘီာ်ကပဳၤတပွဲၤမဲၤအံာ်ဇၤဟၣ်ပအဲးအစာ်ဘိစသးအလဳၢ်နဳၤ, ကၱာ်စဘီာ်အံာ်ကပဳၤကၠံၢ်ဒဳ ဒဳဟးပအဲးတချဳးလီၤ, တဒဳမၱာ်တဲၤရၤမီၤ အံာ်အနံၤခံကၱာ်အလဝ့ၤတဒဳမၱာ်တဲၤတ့ၤအၣ်ဖါအၣ်အံာ်အနံၤခံ.
22ကမဳၤထာ်နံၤကဘၱာ်စဲာ်ကဒဲလၱၢ်ထာ်အစိသလဲ ဒဳတဲၤ သဲးထဲးအပူၤနဳၤ, မၱာ်စခီးသးဒီအံာ်အမဲၤသဲးထဲးစဲာ်ပွ့အကတးနံၤ တဲၤ သံတဲၤလှဲမဲၢ်တစီာ်နဳၤ. 23ဒဳပၠၤလဝ့ၤထဲၢ်စသးအဲးဒဲလၱၢ်စတဲၤ ခီၣ်ဝဲၤမှီးဘဲာ်, စသးအဲးဒဲလၱၢ်စတီၤစသ့း, ပၠၤထဲၢ်စပရၤဒလီၤလှ့လှ့းကးတဲၤနဳၤတစီာ်အခဳးအစဲစခီးသး ဒီကဲၤလၢ်ဝၤ. 24ဝၤမၱာ်ယူဒၤဖဳးမၱာ်ဝၱၤ, ပွဲၤသူကူာ်ဖဳးမၱာ်ဝၱၤ, ဝၤမၱာ်လဳစယဳၤသဲန့ၤကဲၤတစီာ်နဳၤ. 25အနဳၤမၱာ်ကဘၱာ်စဲာ်ဒဳၣ်ထဳဒဳ ဝံဟဳၤရှ့အစဲာ်ပူၤကယဳၤ,
“ပၠၤထဲၢ်အတဘဲာ်ယပၠၤနီးတခွံနဳၤ,
ယကယဳၤကီစဲာ်တစီာ် ‘ယပၠၤခွံဖဳး.’
ပၠၤထဲၢ်ယတဘဲာ်လီၢ်ကဲၤတပျါနီးတခွံနဳၤ,
ယကယဳၤကီစဲာ်တစီာ် ‘ယဘဲာ်လီၢ်သံ.’
26သရိယကဒီၣ်, ‘သံတမၱာ်ယပၠၤနီးနဳၤ,’
ခဳနူၤယဳၤကဘဲာ်ယဳၤကီကဘၱာ်စဲာ်အအီၣ်သမိအဖဳးအလံၤ.”
27ဝၤစာ်က့ၤဝံယရှါယၤအစဲာ်ပူၤဒဳၣ်, အဒီၣ်ကယဳၤ, “အံၣ်စရ့လးအခွံသလဲအီၣ်အဲးအီးအီးနီးသီပွ့လဳၤသံမံၤအအီၣ်ပဲာ်လဲာ်ဝ့ၤနှီနဳၤ, အကလှိထာ်က့ၤမၱာ်အခဳးလၤကါဆဲးတကၱးဖဳးလီၤ. 28မၤနဲၢ်ဒဳၣ်, ကဘၱာ်စဲာ်မၱာ်အစံးရးဖးမ့ၤပျါ တဲၤဒဳလၢ်ခဳးအခဳးယဳၤတပွဲၤအခဳးအစဲနဳၤ.” 29အစာ်ဘိ ဝံယရှါယၤအတဲၤဒီၣ်တီၤလီၤ, “ဘၱာ်စဲာ်တအၣ်ဓဳၤကဲၢ်တဲၤလဲၢ် လၤကဲၤမၤဝၤခွံဝၤသလဲတစီာ်နီးဒဳၣ်, ခဳနူၤယဳၤဝၤကလၤတပွဲး အူးစဒဳၣ်ကၱာ်အူးဂမဳရၤတစီာ်နဳၤလီၤ.”
အံၣ်စရ့လးဖဳးကၱာ်တဲၤသးလဳၢ်သးလၤအဝၱၤအကဲ
30အယဳၤမၱာ်အဒဲလၱၢ်ပွဲၤသူကူာ်ဖဳးအတဝၢ်လှဲးတဲၤ တၱၢ်တဲၤမှးနီးတစီာ်နှီနဳၤ, ပာ်ထၱးတပွဲးတဲၤဘူၣ်တဲၤတၱၢ်တဲၤမှး တစီာ်နဳၤ, 31မၱာ်အံၣ်စရ့လးဖဳးအဝၢ်လှဲးတဲၤတၱၢ်တဲၤ မှးဒဳတဲၤမှဲးလၤအပူၤတစီာ်နဳၤတမဲၤခီတပွဲးတဲၤမှဲးလၤအကါနီး. 32စဲာ်တစီာ်ဆူးပးမၤနဲၢ်. မၱာ်ဒဳစဲာ်တစီာ်တဆးရှံအံာ်တဲၤ ဘူၣ်နီး, မၱာ်တဲၤမဲၤအဝၱၤအဘဲာ်လီၢ်အခဳးအစဲနဳၤ. 33မၱာ်အစာ်ဘိစဲာ်စါထံဒီၣ်,
“စဲာ်တစီာ်ထဲသကူလဳၤဆီး, ကၱာ်စာ်ပီၢ်, ယဒီလါလဳၤဒဳ စံယဳၣ်စာ်ဘိထဲၢ်
ပၠၤကထဲးသကူနဳၤ, ယဒီလါဆီးစာ်ဘိထဲၢ်
ပၠၤကထဲးသကူလၤတ့ၢ်ပျးအနံၤခံနဳၤ,
ပၠၤအဘူၣ်စဲာ်တစီာ်အနံၤခံအမီၤသါဝၢ်အစဲကတအီၣ်ကီ နီး,” နဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.