ရိမ့ၤ 10
10
1သဲပူၤဝ့ၤတစီာ်, ယဘဲာ်လီၢ်လဳသဳးလဳသးတပွဲး, ယူဒၤဖဳးတစီာ်နဳၤကၱာ်ယသဘဲထာ်ကဘၱာ်စဲာ်အကမဲၤလှိထာ် က့ၤစဲာ်တစီာ်. 2ယဝှိးဒါဘူၣ်တပွဲးစတဲၤသဳး ဆိးသးဆိးကဘၱာ်စဲာ်အနံၤခံ, မၱာ်စတဲၤသဳးဆိးသးဆိးလှီသရၱကဲၤ. 3စတသၱာ်ဟဲကဘၱာ်စဲာ်အတဲၤတၱၢ်တဲၤမှးအကျဲး သအီနီး, မၱာ်စဲာ်တစီာ်မဲၤထာ်အကျဲးသအီ ဒဲအအဲ, မဲၤကနဳၤဒဳၣ် စဲာ်တစီာ် တအံာ်လၤအန့ၤဒဳ ကဘၱာ်စဲာ်အတဲၤတၱၢ်တဲၤမှးအကျဲးသအီအပူၤနီး. 4မၱာ် ခဳနူၤယဳၤတဲၤမှဲးလၤကူဓူၤကဲၤဒဳခရၱာ် လီၤနဳၤ, ကၱာ်ပၠၤအတဲၤဘူၣ် အီၣ် တစီာ်နဳၤ, နံၤဘဲာ်တဲၤဝၱၤတဲၤစါလီၤ.
တဲၤလှိထာ်က့ၤဒဳပၠၤလဳစါစဲးအနံၤခံ
5ဘ့စီၤမဳၤရှ့ဒီဆးတဲၤမဲၤဝၱၤမဲၤစါဒဳတဲၤမှဲးလၤအပူၤနဳၤ, စဒီၣ်, “ပၠၤအအီၣ်အံာ်တဲၤမှဲးလၤတပွဲၤနဳၤကနံၤဘဲာ်ကီတဲၤအီၣ်,” စဝှ့းဒဳၣ်. 6ပရၤဆါတဲၤဝၱၤတဲၤစါအအီၣ်ထာ် ကၱာ်တဲၤဘူၣ်မၱာ်ကယဳၤ, “ကမဳၤမဲးသံကယဳၤလၤတ့ၢ်ဘဲာ်ခရၱာ် မဲးအစာ်ဘိစဲာ်စါထံဒီၣ်နဳၤ, ‘ပီၢ်ပွဲၤကထာ်ဒဳမီၢ်ခဳးပွဲၤ.’ 7ကၱာ်ဒီၣ်ပီၢ်မဲးသံကယဳၤထာ်က့ၤ ခရၱာ်မဲး ‘ပီၢ်ပွဲၤကလၤဒဳလၢ်ခဳးအလၤယီၢ်စဳးတပံၤအပူၤပွဲၤ,’ မဲးမဲး.” 8အလဝ့ၤတခီအဒီၣ်ဝ့ၤဒဳ “တဲၤယၱၢ်ဘဲာ်အယဳၤ, (တဲၤဘူၣ်ထဲၢ် ဝၤဒီၣ်အူဒီဆးနဳၤ) အီၣ်ဘိာ်ထၱးဒဳၣ်ဝ့ထဳသံ, အအီၣ်ဒဳသံလီၤမီၤပူၤကၱာ် သံသးပူၤ နဳၤ.” 9သံကဒီၣ်ဖျီထာ်မၤဒဳသံလီၤမီၤပူၤထဲၢ်ယ့ၣ်ရှူး မၱာ်ဘၱာ်စဲာ်နဳၤကၱာ်သံကဘူၣ်မၤဒဳသံသးပူၤထဲၢ်ကဘၱာ်စဲာ်ဘး ဝဲၢ်ထဳးက့ၤ စဲာ်ဒဳတဲၤသံကျဲနဳၤဒဳၣ်, သံကလှိထာ်က့ၤတပွဲး. 10မၤနဲၢ်ကဒီၣ်ဓဳၤ ဒဳၣ်, ဝၤတဲၤဘူၣ်ဒဳဝၤသးပူၤအစဲဝၤဘဲာ် လဲၢ်တၱၢ်လဲၢ်မှးကၱာ်ကဘၱာ်စဲာ်, ဝၤဒီၣ်ဖျီထာ်ဒဳဝၤလီၤ မီၤပူၤအစဲဝၤနံၤဘဲာ်တဲၤလှိထာ်က့ၤလီၤ. 11တဲၤဝှ့းလၤစဲာ်စါထံအဒီၣ်, “အဘူၣ်စဲာ်တစီာ်အနံၤခံတဲၤအမီၤသါဝၢ်အစဲ တအီၣ်နီး.” 12တဲၤပ့ၢ်ဖးယူဒၤဖဳးကၱာ်ကြံးခ်အဇိၤတအီၣ်နီး, ကဘၱာ်စဲာ်မၱာ်ပၠၤလဳစါစဲးအဘၱာ်စဲာ်ကၱာ်အယဳၤထာ်စဲာ် တစီာ်နဳၤ, စအံာ်လၤ လၢ်ဝၤတဲၤဟိးဝၱၤလၤပျၱၤလၤပျိၤလီၤ. 13စဲာ်စါထံအီၣ်ဝှ့းလၤ, “ကယါပၠၤထဲၢ်အယဳၤထာ်ကဘၱာ်စဲာ်အမံၤတပွဲၤပွဲၤနဳၤကနံၤဘဲာ်တဲၤလှိ ထာ်က့ၤလီၤ,” အဒီၣ်ဓဳၤအခဳးအစဲနဳၤ.
14ပရၤဆါဒဳၣ်, စဲာ်တစီာ်ကတဘူၣ်မၤလၢ်ဝၤနီးဒဳၣ်, စကယဳၤထာ်ဇၤဒီလၢ်ဝၤစာ်တဲၢ်. စတသၱာ်ဟဲမၤကဘၱာ်စဲာ်အလ့ၢ်အဝှဲးနီးဒဳၣ်, စကဘူၣ်ဇၤဒီလၢ်ဝၤစာ်တဲၢ်. အဒီၣ်အူဆးအူစဲာ်ကဘၱာ်စဲာ်အလ့ၢ်အဝှဲး ကတအီၣ်မၤနီးဒဳၣ်, စကသၱာ်ဟဲဇၤဒီစာ်တဲၢ်. 15အဘဲာ်သဓဳကတအီၣ်မၤနီးဒဳၣ်, အဒီထိးနံၤစဲာ်တစီာ် ကဘၱာ်စဲာ်အလ့ၤအဝှဲးတအီၣ်တပွဲးနီး. စဲာ်စါထံဒီၣ်, “ပၠၤအလ့ၤအံာ်တဲၤသးလဳၢ်သးလၤအဝၱၤအကဲတပွဲၤအအခၣ်ဒ့သဲာ်မၱာ် အမီၤဇၱၢ်ကဲၤလီၤ.” 16ပရၤဆါပၠၤတဖၱးနံၤတပွဲး တဲၤသးလဳၢ်သး လၤအံာ်အဝၱၤအကဲကိအပွဲၤနီး. အစာ်ဘိဝံယရှါယၤဒီၣ်နဳၤ, “အဳဘၱာ်စဲာ်, အဘူၣ်ဝၤတဲၤဒီထိးနဳၤအီၣ်ကဲၤပွံၢ်ပွဲၤ.” စဒီၣ်ဒဳၣ်. 17မဲၤကနဳၤဒဳၣ်, တဲၤဘူၣ်အီၣ်ထာ်ကိာ်ဒဳတဲၤ ဆီးခ့န့းတဲၤဒီထဳးအပူၤနဳၤ, ကၱာ်တဲၤဒီထဳး အီၣ်ထာ်ခီဒဳခရၱာ်အတဲၤယၱၢ်ဘဲာ်အပူၤနဳၤ.
18ယကဒဲစာ်မၤသံတဓဲ, စဲာ်တစီာ်တသၱာ်ဟဲနီး မၱာ်အဘဲာ် ဇၤပီၢ်ဧါ. စသၱာ်ဟဲဟဳ. ဒဳစဲာ်စါထံအပူၤအဒီၣ်,
“စလ့ၢ်စဝှဲးဒဲးလီၢ်ဒဲးခီလၢ်ခဳးသဒဲဘဲာ်,
ကၱာ်စတဲၤယၱၢ်ဘဲာ်ဟဳဓဳၤဒီမီၤထၱးကါနီၤ.”
19အဘဲာ်ဇၤတပွဲးထဲၢ်အံၣ်စရ့လးဖဳးတစီာ်တသၱာ် ဟဲကဲၤနီးဧါ. စီၤမဳၤရှ့ဒီဆးထဳလှ့လှ့းမဳၤနဳၤ,
“ယကမဲၤကီစာ်ဘိထဲၢ်သံကသးကျးဘဲာ်
ပၠၤအတမၱာ်သၢ်ကဳထၱက့ၤတက့ၤအဖဳးအလံၤတစီာ် နီးနဳၤ.
ကၱာ်ယကမဲၤကီစာ်ဘိထဲၢ်သံကသဲးထဲး
ပၠၤအတံးတဳထဲၢ်အတသၱာ်ဟဲကဘၱာ်စဲာ်နီးတစီာ်နဳၤ.”
20ဝံယရှါယၤဒီၣ်ခူသကျးဝ့ၤ,
“ပၠၤအတဝၢ်လှဲးယဲၤနီးတစီာ် ပာ်ထၱးကဲၤယဲၤ,
ကၱာ်ယဒဲလၱၢ်ကဲၤယန့ၤဒဳပၠၤအတထိးစာ်ဒဲစာ်ယဲၤနီးတစီာ်နဳၤ.”
21ကၱာ်အဘဲာ်ကၠးအံၣ်စရ့လးဖဳးတစီာ်, ဝံယရှါယၤဒီၣ်, “ကိအနံၤယတဒါထာ်ယစူးခီးဒဳပၠၤအတဆီးခ့န့းတဲၤနီးကၱာ်အထာ်ဒ့ဒဳၣ် တဲၤတစီာ်အီၣ်နဳၤ.”
ទើបបានជ្រើសរើសហើយ៖
ရိမ့ၤ 10: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
ရိမ့ၤ 10
10
1သဲပူၤဝ့ၤတစီာ်, ယဘဲာ်လီၢ်လဳသဳးလဳသးတပွဲး, ယူဒၤဖဳးတစီာ်နဳၤကၱာ်ယသဘဲထာ်ကဘၱာ်စဲာ်အကမဲၤလှိထာ် က့ၤစဲာ်တစီာ်. 2ယဝှိးဒါဘူၣ်တပွဲးစတဲၤသဳး ဆိးသးဆိးကဘၱာ်စဲာ်အနံၤခံ, မၱာ်စတဲၤသဳးဆိးသးဆိးလှီသရၱကဲၤ. 3စတသၱာ်ဟဲကဘၱာ်စဲာ်အတဲၤတၱၢ်တဲၤမှးအကျဲး သအီနီး, မၱာ်စဲာ်တစီာ်မဲၤထာ်အကျဲးသအီ ဒဲအအဲ, မဲၤကနဳၤဒဳၣ် စဲာ်တစီာ် တအံာ်လၤအန့ၤဒဳ ကဘၱာ်စဲာ်အတဲၤတၱၢ်တဲၤမှးအကျဲးသအီအပူၤနီး. 4မၱာ် ခဳနူၤယဳၤတဲၤမှဲးလၤကူဓူၤကဲၤဒဳခရၱာ် လီၤနဳၤ, ကၱာ်ပၠၤအတဲၤဘူၣ် အီၣ် တစီာ်နဳၤ, နံၤဘဲာ်တဲၤဝၱၤတဲၤစါလီၤ.
တဲၤလှိထာ်က့ၤဒဳပၠၤလဳစါစဲးအနံၤခံ
5ဘ့စီၤမဳၤရှ့ဒီဆးတဲၤမဲၤဝၱၤမဲၤစါဒဳတဲၤမှဲးလၤအပူၤနဳၤ, စဒီၣ်, “ပၠၤအအီၣ်အံာ်တဲၤမှဲးလၤတပွဲၤနဳၤကနံၤဘဲာ်ကီတဲၤအီၣ်,” စဝှ့းဒဳၣ်. 6ပရၤဆါတဲၤဝၱၤတဲၤစါအအီၣ်ထာ် ကၱာ်တဲၤဘူၣ်မၱာ်ကယဳၤ, “ကမဳၤမဲးသံကယဳၤလၤတ့ၢ်ဘဲာ်ခရၱာ် မဲးအစာ်ဘိစဲာ်စါထံဒီၣ်နဳၤ, ‘ပီၢ်ပွဲၤကထာ်ဒဳမီၢ်ခဳးပွဲၤ.’ 7ကၱာ်ဒီၣ်ပီၢ်မဲးသံကယဳၤထာ်က့ၤ ခရၱာ်မဲး ‘ပီၢ်ပွဲၤကလၤဒဳလၢ်ခဳးအလၤယီၢ်စဳးတပံၤအပူၤပွဲၤ,’ မဲးမဲး.” 8အလဝ့ၤတခီအဒီၣ်ဝ့ၤဒဳ “တဲၤယၱၢ်ဘဲာ်အယဳၤ, (တဲၤဘူၣ်ထဲၢ် ဝၤဒီၣ်အူဒီဆးနဳၤ) အီၣ်ဘိာ်ထၱးဒဳၣ်ဝ့ထဳသံ, အအီၣ်ဒဳသံလီၤမီၤပူၤကၱာ် သံသးပူၤ နဳၤ.” 9သံကဒီၣ်ဖျီထာ်မၤဒဳသံလီၤမီၤပူၤထဲၢ်ယ့ၣ်ရှူး မၱာ်ဘၱာ်စဲာ်နဳၤကၱာ်သံကဘူၣ်မၤဒဳသံသးပူၤထဲၢ်ကဘၱာ်စဲာ်ဘး ဝဲၢ်ထဳးက့ၤ စဲာ်ဒဳတဲၤသံကျဲနဳၤဒဳၣ်, သံကလှိထာ်က့ၤတပွဲး. 10မၤနဲၢ်ကဒီၣ်ဓဳၤ ဒဳၣ်, ဝၤတဲၤဘူၣ်ဒဳဝၤသးပူၤအစဲဝၤဘဲာ် လဲၢ်တၱၢ်လဲၢ်မှးကၱာ်ကဘၱာ်စဲာ်, ဝၤဒီၣ်ဖျီထာ်ဒဳဝၤလီၤ မီၤပူၤအစဲဝၤနံၤဘဲာ်တဲၤလှိထာ်က့ၤလီၤ. 11တဲၤဝှ့းလၤစဲာ်စါထံအဒီၣ်, “အဘူၣ်စဲာ်တစီာ်အနံၤခံတဲၤအမီၤသါဝၢ်အစဲ တအီၣ်နီး.” 12တဲၤပ့ၢ်ဖးယူဒၤဖဳးကၱာ်ကြံးခ်အဇိၤတအီၣ်နီး, ကဘၱာ်စဲာ်မၱာ်ပၠၤလဳစါစဲးအဘၱာ်စဲာ်ကၱာ်အယဳၤထာ်စဲာ် တစီာ်နဳၤ, စအံာ်လၤ လၢ်ဝၤတဲၤဟိးဝၱၤလၤပျၱၤလၤပျိၤလီၤ. 13စဲာ်စါထံအီၣ်ဝှ့းလၤ, “ကယါပၠၤထဲၢ်အယဳၤထာ်ကဘၱာ်စဲာ်အမံၤတပွဲၤပွဲၤနဳၤကနံၤဘဲာ်တဲၤလှိ ထာ်က့ၤလီၤ,” အဒီၣ်ဓဳၤအခဳးအစဲနဳၤ.
14ပရၤဆါဒဳၣ်, စဲာ်တစီာ်ကတဘူၣ်မၤလၢ်ဝၤနီးဒဳၣ်, စကယဳၤထာ်ဇၤဒီလၢ်ဝၤစာ်တဲၢ်. စတသၱာ်ဟဲမၤကဘၱာ်စဲာ်အလ့ၢ်အဝှဲးနီးဒဳၣ်, စကဘူၣ်ဇၤဒီလၢ်ဝၤစာ်တဲၢ်. အဒီၣ်အူဆးအူစဲာ်ကဘၱာ်စဲာ်အလ့ၢ်အဝှဲး ကတအီၣ်မၤနီးဒဳၣ်, စကသၱာ်ဟဲဇၤဒီစာ်တဲၢ်. 15အဘဲာ်သဓဳကတအီၣ်မၤနီးဒဳၣ်, အဒီထိးနံၤစဲာ်တစီာ် ကဘၱာ်စဲာ်အလ့ၤအဝှဲးတအီၣ်တပွဲးနီး. စဲာ်စါထံဒီၣ်, “ပၠၤအလ့ၤအံာ်တဲၤသးလဳၢ်သးလၤအဝၱၤအကဲတပွဲၤအအခၣ်ဒ့သဲာ်မၱာ် အမီၤဇၱၢ်ကဲၤလီၤ.” 16ပရၤဆါပၠၤတဖၱးနံၤတပွဲး တဲၤသးလဳၢ်သး လၤအံာ်အဝၱၤအကဲကိအပွဲၤနီး. အစာ်ဘိဝံယရှါယၤဒီၣ်နဳၤ, “အဳဘၱာ်စဲာ်, အဘူၣ်ဝၤတဲၤဒီထိးနဳၤအီၣ်ကဲၤပွံၢ်ပွဲၤ.” စဒီၣ်ဒဳၣ်. 17မဲၤကနဳၤဒဳၣ်, တဲၤဘူၣ်အီၣ်ထာ်ကိာ်ဒဳတဲၤ ဆီးခ့န့းတဲၤဒီထဳးအပူၤနဳၤ, ကၱာ်တဲၤဒီထဳး အီၣ်ထာ်ခီဒဳခရၱာ်အတဲၤယၱၢ်ဘဲာ်အပူၤနဳၤ.
18ယကဒဲစာ်မၤသံတဓဲ, စဲာ်တစီာ်တသၱာ်ဟဲနီး မၱာ်အဘဲာ် ဇၤပီၢ်ဧါ. စသၱာ်ဟဲဟဳ. ဒဳစဲာ်စါထံအပူၤအဒီၣ်,
“စလ့ၢ်စဝှဲးဒဲးလီၢ်ဒဲးခီလၢ်ခဳးသဒဲဘဲာ်,
ကၱာ်စတဲၤယၱၢ်ဘဲာ်ဟဳဓဳၤဒီမီၤထၱးကါနီၤ.”
19အဘဲာ်ဇၤတပွဲးထဲၢ်အံၣ်စရ့လးဖဳးတစီာ်တသၱာ် ဟဲကဲၤနီးဧါ. စီၤမဳၤရှ့ဒီဆးထဳလှ့လှ့းမဳၤနဳၤ,
“ယကမဲၤကီစာ်ဘိထဲၢ်သံကသးကျးဘဲာ်
ပၠၤအတမၱာ်သၢ်ကဳထၱက့ၤတက့ၤအဖဳးအလံၤတစီာ် နီးနဳၤ.
ကၱာ်ယကမဲၤကီစာ်ဘိထဲၢ်သံကသဲးထဲး
ပၠၤအတံးတဳထဲၢ်အတသၱာ်ဟဲကဘၱာ်စဲာ်နီးတစီာ်နဳၤ.”
20ဝံယရှါယၤဒီၣ်ခူသကျးဝ့ၤ,
“ပၠၤအတဝၢ်လှဲးယဲၤနီးတစီာ် ပာ်ထၱးကဲၤယဲၤ,
ကၱာ်ယဒဲလၱၢ်ကဲၤယန့ၤဒဳပၠၤအတထိးစာ်ဒဲစာ်ယဲၤနီးတစီာ်နဳၤ.”
21ကၱာ်အဘဲာ်ကၠးအံၣ်စရ့လးဖဳးတစီာ်, ဝံယရှါယၤဒီၣ်, “ကိအနံၤယတဒါထာ်ယစူးခီးဒဳပၠၤအတဆီးခ့န့းတဲၤနီးကၱာ်အထာ်ဒ့ဒဳၣ် တဲၤတစီာ်အီၣ်နဳၤ.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.