မၢ်ကူး 5
5
ယ့ၣ်ရှူးမှီးဖျီးမံတဲၤၡံးတဲၤနှဲး
(မး ၈:၂၈-၃၄, လူၤ ၈:၂၆-၃၉)
1စဲာ်တစီာ်လ့ၤကဲၤဒဳပဲာ်လဲာ်ဝ့ၤအလဝ့ၤ တခီဘဲာ်ထဲၢ်ကဒါရၤအက့ၤပူၤနဳၤ. 2ဘ့စခဲ လၤတ့ၢ်ချံပူၤလီၤနဳၤ, ပၠၤအနှဲးအီၣ်ကၱာ်အအီၣ်ဒဳလူၢ်ခဳး တပွဲၤလ့ၤၡံကဲၤစဲာ်. 3ပၠၤတပွဲၤ နဳၤစအီၣ်ဒဳ လူၢ်ခဳးနဳၤ, ကၱာ်ပၠၤတစဳကျဳၤကၠံၢ်ကျဳၤ ကဲာ်ထာ်ကဲၤစဲာ် တဗွဲနီး, ပွ့အစာ်ဘိထးလးပံၤနှီနူၤအတနံၤတပွဲးနီး. 4ပၠၤကျီၤကျဳၤစစူးစခၣ် ကၱာ်စဳဝဲၢ်ကျဳၤကဲၤစဲာ် တယွဲၤယွဲၤ, တယွဲၤယွဲၤ, ကၱာ်ထးလးပံၤနှီနူၤ, စဒး ထဳး ထဲဓူၢ်ကဲ, စဘးထဲဓူၢ်ထးကျီၤအီၣ်စခၣ်ခီးလီၤ. ပၠၤတမဲၤဘၱးကဲာ် ထာ်စဲာ်တဗွဲနီး. 5သဲမူၤဆဲမူၤနဲၤစအီၣ်လူၢ်ခဳးကၱာ်ခီမူၤခီးလီခဳး, စကဲာ်ဧဳၤထဳဖူးကၱာ်စဒူး ဓူၢ်ဒူးထါကဲၤစန့ၤဘၱစဲာ်ကၱာ်လဳၤအသး ဗြါတစီာ် နဳၤ.
6ဘ့စစာ်ထၱးယ့ၣ်ရှူး ဒဳအတပီၤလီၤနဳၤ, စစွဲးလ့ၤကၱာ် ကီၢ် လၤသဘဲထာ်ကဲၤလၢ်ဝၤ ကၱာ်ထဳ ထာ်စလ့ၢ်ကၱာ်ဒီၣ်, 7“ယ့ၣ်ရှူး, ဘၱာ်စဲာ် အထာ်ယၱၤကဓူတပွဲၤအဖဳး, နဲၤကၱာ်ယဲၤကဘဲာ်ကၠးလှဲး လၢ်ဝၤ တၤနဲၢ်. ဒဳဘၱာ်စဲာ်အမံၤအပူၤယတၤမီၤထာ်နဲၤ, မဲၤဆဲးညဲပီၢ်မဲးယဲၤမဲး.” 8မၤနဲၢ်, ယ့ၣ်ရှူးဒီၣ် ကဲၤစဲာ်, “တဲၤနှဲးအစၱးပိး, ဟဲးထာ်ကဲဒဳပၠၤ အယဳၤ တပွဲၤအီၣ်နဳၤ.”
9ဝှါဒဳၣ်, ယ့ၣ်ရှူးဒဲစာ်ကဲၤစဲာ်, “နမံၤမၱာ် တၤနဲၢ်.”
ကၱာ်စဒီၣ်က့ၤကဲၤလၢ်ဝၤ, “ယမံၤမၱာ် ‘လ့းကူၣ်,’ မၤနဲၢ်, ဝၤအီၣ်အဲး အီးစရးဒဳး.” 10မဲၤဝှါ ဒဳၣ်, စတၤမီၤကဲၤယ့ၣ်ရှူးအဇၱၢ်အဇိၢ် စာ် ဘိထဲၢ် စတနှး ဟဲးထာ်ပီၢ်လၢ်ဝၤဒဳထံက့ၤအချဳနီးနဳၤ.
11ဘ့နဳၤအခဲ, ထီးဟီးတပဳၤအၣ်ကဲၤ အဆဲၣ်ဒဳခီးလီလီၤနဳၤ. 12ကၱာ် တဲၤနှဲးတလၢ် တၤတကြၱၢ်နၱၢ်ယ့ၣ်ရှူးကၱာ်စဒီၣ် “နှးလ့ၤ နံၢ်ပီၢ်ဝၤဒဳ ထီးတလၢ်အပူၤနဳၤ.” 13ယ့ၣ်ရှူးနှးလ့ၤနံၢ်တနၢ် တပွဲး စဲာ်တစီာ်. မဲၤကနဳၤဒဳၣ်တဲၤနှဲးအစၱးပိးတစီာ်ဟဲးထာ်ဝှါ လ့ၤနံၢ်ကဲၤထီးအပူၤ. မဲၤကနဳၤဒဳၣ်ထီးဟီး အအီၣ်အဒဳကၠံၢ်ထီးနဳၤ စွဲး လၤကိာ်ခီတါ ပျးယၢ်တလၱ ကၱာ်လၤတ့ၢ်နံၢ်ပဲာ်လဲာ်အပူၤ, အဳးထာ်သံလဳၢ်ကဲၤ.
14ပၠၤအစာ်အံာ်ထီးတလၢ်စွဲးလ့ၤဒဳအူးပူၤ ကၱာ်ဒီဆးကဲ ပၠၤအအီၣ်ဒဳဝ့ၢ်ဒဳဝါတစီာ်ဒဳၣ်, ရူၤရူၤ ပၠၤလ့ၤစာ်ကဲၤတဲၤမဲၤအန့ၤတစီာ်နဳၤ. 15ဘ့စဲာ် တစီာ်ဓဳၤလ့ၤထၱးယ့ၣ်ရှူးကၱာ်စာ်ထၱးကဲၤပၠၤထဲၢ်နှဲးလ့းကူၣ် မဲၤ ယဳၤတပွဲၤဆးနါလါအီၣ်သါပြၢ်စွံး, ကိသီးတပွဲးကဲၤ ဒဳၣ်စဲာ်တစီာ်ၡံးဆါ ကဲၤ. 16အစာ်ထၱးဘဲာ်တဲၤ အယဳၤတစီာ်ဒီဆးကဲၤပၠၤတဲၤထဲၢ်အဖၱ ထာ်နံၤကဲၤ နှဲး မဲၤယဳၤတပွဲၤစာ်တဲၢ်, ကၱာ်ဒီထီးတစီာ်မဲၤကဲၤစာ်ဓဲၢ် အဝၱၤ အကဲနဳၤ.
17စဲာ်တစီာ်တၤမီၤကဲၤယ့ၣ်ရှူးအကဟဲး ထာ်စက့ၤအချဳ.
18ဘ့ယ့ၣ်ရှူးခဲထာ်နံၢ်ချံအပူၤနဳၤ, ပၠၤထဲၢ် နှဲးမဲၤယဳၤတပွဲၤ တၤမီၤကဲၤစဲာ်စာ်ဘိထဲၢ်စကအီၣ် ကိာ် ဘဲာ်ပီၢ်လၢ်ဝၤအကါနဳၤ.
19စတအံာ်လၢ်ဝၤအခွဲးနီး. မၱာ်စဒီၣ်လၢ် ဝၤ, “က့ၤထၱးနခွံနခီကၱာ် ဒီဆးလဳပီၢ်စဲာ်ကဘၱာ်စဲာ် မဲၤနံၤနဲၤတဲၤအဲးတဲၤအီပွ့းတဲၢ် ကၱာ်စခီၣ် ဝဲၤမှီးဘဲာ်ကဲၤ နဲၤစာ်တဲၢ်နဳၤ.”
20စက့ၤတပွဲးကၱာ်ပီၢ်အံာ်ကဲၤတဲၤအယဳၤ ဒဳအူးအအူးၡံးအပူၤ ထဲၢ်ယ့ၣ်ရှူးမဲၤနံၤကဲၤစဲာ်တဲၤ တစီာ်နဳၤ. ပၠၤလဳစါစဲးထဲးတမိၢ်တမှါလဳၢ် ကဲၤ.
စီၤယၤအ့ၤရူးအဖဳးမူၤကၱာ်အမံၤမှူးအသွံၣ်ထဲးလှီးတပွဲၤ
(မး ၉:၁၈-၂၆, လူၤ ၈:၄၀-၅၆)
21ဘ့ယ့ၣ်ရှူးဝှါဓူၢ်ဝှါကၤလံၤလဲပဲာ်လဲာ် ကၱာ်ဓဳၤဝဲၢ်ဒဳအလဝ့ၤ တခီဝဳၢ်နဳၤ, ပၠၤအပဳၤအဟီးလၤ တ့ၢ်ပျဳာ်ကဲၤလၢ်ဝၤဒဳစလှီမီၢ်နဳၤ ကၱာ်စဆီ ထဳးအီၣ် ကဲၤဒဳပဲာ်လဲာ်ဝ့ၤနဳၤ. 22ဘ့နဳၤဘူၣ်ဘျီၣ် အခဳး အန့ၤတပွဲၤထဲၢ်အမံၤမၱာ် စီၤယၤအ့ၤရူး နဳၤလ့ၤထၱး ကဲၤစဲာ်. စစာ်ထၱးယ့ၣ်ရှူး ဒဳၣ် စကီၢ်လၤဘၱးတဒဲး လၢ်ဝၤအခၣ်ထၱး, 23ကၱာ်စတၤမီၤဇၱၢ်လၢ်ဝၤ, စဒီၣ်, “ယဖဳးမူၤတပွဲၤကသံတဓဲၢ်ကဲၤ. ယတၤမီၤ ဘဲာ်နဲၤဒဳနကလ့ၤကၱာ် ထဲးလၤပီၢ်နစူးခီးစခဳး, စာ်ဘိထဲၢ် စကမှးက့ၤ, ကၱာ်အီၣ်သမိဘဲာ်ပီၢ်နဳၤ.”
24ယ့ၣ်ရှူးလ့ၤကိာ်စလ့ၤကၱာ်ပၠၤအပဳၤ အဟီးလ့ၤကိာ်စကါ ကါကၱာ်ဆးသနၱးကဲၤစဲာ်.
25ဘ့နဳၤအမံၤမှူးထဲၢ်အသွံၣ်ထဲးလှီးကဲၤ ၡံးကၠံၢ်ဒ့ာ်အဓၢ်ပူၤ အီၣ်ကဲၤတပွဲၤ. 26စပြးကဲၤ စန့ၤတဝှံးဆရၣ်တစီာ်အစူးခီးပူၤ အီၣ်အဲပွဲၤကဲၤ, စတၱၢ် စတဲၤလဳကျံးကျံးဒဳးကဲၤ, ပရၤဆါ, အတချဳထာ်မၤ မ့ၤ ကဲၤနီး, မၱာ်ဒၱဇၱၢ်ဇၱၢ်တခီ. 27စသၱာ်ဟဲဘဲာ် ယ့ၣ်ရှူးလ့ၤဒဳၣ်, စပျၱးနံၢ်ပၠၤအပဳၤကျဲကၱာ်လ့ၤတီး ဘဲာ်ကဲၤစၡံာ်ဒဳအချဳ. 28မၤနဲၢ်, စဒီၣ်, “ယကတီးဘဲာ်မၤစၡံာ်ဒဳချဳလီၤနှီနူၤ, ယတဲၤဆဲကလှဲမဲၢ်တပွဲး.”
29တပျာ်ခါစသွံၣ်ထဲးလှီးဆီတဘးတနၢ် ကၱာ်စသၱာ် ဟဲဒဳစလီၤတဲၤဆဲလှဲမဲၢ်ထဳနဳၤ.
30ယ့ၣ်ရှူးသၱာ်ဟဲတနၢ်ကဲၤထဲၢ်တဲၤဖျူ တဲၤသရ့ာ်ဟဲးထာ်ဒဳ စလီၤဒဳၣ်စစာ်ဘးဝှါ ပၠၤအပဳၤ အဟီးတစီာ်ဒဳၣ်, စဒီၣ်, “ပီၢ်ပွဲၤတီးဘဲာ် ယၡံာ်ဒဳချဳပွဲၤ.”
31စပွဲၤအပျဲၢ်အဘီၣ်တစီာ်ဒီၣ်က့ၤစဲာ်, “ပၠၤအပဳၤဆးနံၢ်ဝၱၢ် နံၢ်နလီၤနစာ်ထၱးတပွဲး. ပီၢ်ပွဲၤတီးဘဲာ် ယဲၤပွဲၤ, နကဒဲဇးဝ့ၤတပွဲးဒီဧါ.”
32ယ့ၣ်ရှူးစာ်တဝၱၢ်တဝ့ၤဒဳၣ်စစာ် ထၱးကဲၤ အမံၤမှူးအတီး ဘဲာ်စဲာ်တပွဲၤနဳၤ. 33ပရၤဆါ အမံၤမှူးနဳၤၡံးဆါကနၢ်တဇၱၤ, လ့ၤ ကၱာ် ဓဳၢ်နှဳလါကဲၤဒဳ ယ့ၣ်ရှူးအလှီမီၢ်ကၱာ်ဒီဆးကဲၤစဲာ်တဲၤအဖၱထာ် သ့ပွ့ၤ ကဲၤလဳလဳစါစဲးတစီာ် နဳၤ. 34ကၱာ် ယ့ၣ်ရှူးဒီၣ်ကဲၤစဲာ်, “ဖဳးမူၤ, နတဲၤဘူၣ်မဲၤမှးက့ၤထဳနဲၤ. က့ၤမီၤမီၤ, ဒဳၣ်နကဘဲာ်မှးက့ၤဒီဧဲၤ.”
35ဘ့စယၱၢ်ဘဲာ်ဖါသးဝ့ၤအခၠၱးနဳၤ, ဘူၣ်ဘျီၣ်အခဳးအန့ၤ တပွဲၤအၡံၣ်ပူၤ ပၠၤတစီာ်လ့ၤ ထၱး စဲာ်ကၱာ်ဒီၣ်, “နဖဳးမူၤသံထဳ. နကမဲၤဒၱာ်ဒဳး ဒၱာ်ဒါနှးနှါဝ့ၤ မၤဆရၣ်နဲၢ်.”
36ပရၤဆါယ့ၣ်ရှူးနဳၤ, ဘ့စသၱာ်ဟဲဘဲာ် ပၠၤတစီာ်အတဲၤယၱၢ် ဘဲာ်ဒဳၣ်, စဒီၣ်ကဲၤဘူၣ်ဘျီၣ်အခဳး အန့ၤတပွဲၤကယဳၤ, “ၡံးဆါမဲး. အီၣ် အံာ်ပီၢ်တဲၤဘူၣ်.”
37ယ့ၣ်ရှူးတယဳၤကဲၤပၠၤအလဝ့ၤလ့ၤ ကိာ်တဗွဲနီး. စယဳၤမၱာ် ထ့စီၤပ့းတရူး, စီၤယၤကိာ် ကၱာ်စပၱးကီစီၤယိၤဟၣ်လီၤ. 38ဘ့စဲာ် တစီာ်ဓဳၤ လ့ၤဘူၣ်ဘျီၣ်အခဳးအန့ၤတပွဲၤအၡံၣ်အခဲ, စစာ်ထၱး ကဲၤတဲၤကလဳၢ်အဲးအူ, ပၠၤတစီာ်ယဳၤကၱာ်ဟး, ဟးဖူး ဟးဆရံးကဲၤ. 39ယ့ၣ်ရှူးလ့ၤနံၢ်ဝှါၡံၣ်ပူၤ, စဒီၣ်လၢ်ဝၤတစီာ်, “သံပဳၤကလၢ်ကၱာ်ယဳၤဟးမါနဲၢ်. အမံၤမှူးဖဳးဆီးမံ. တဘဲာ်စသံနီး.”
40ဒဳၣ်စဲာ်တစီာ်ယဲၢ်ကးရးအံာ်တပွဲးစဲာ်လီၤ. စနှးဟဲးထာ်ဝှါပၠၤ ၡံၣ်ချဳ, စယဳၤလ့ၤနံၢ် ကဲၤအမဳၤအပာ် ကၱာ် ပၠၤအလ့ၤကိာ်စကါတစီာ်ဒဳ အမံၤမှူးဖဳးအီၣ်နဳၤ. 41ယ့ၣ်ရှူးဖၱးကျဳၤဝှါအမံၤမှူးဖဳးအစူးခီးဒဳၣ်, စဒီၣ်, “တၤလံၤသၤကူမံၤ.” အထာ်ပဳၤထာ်ဘါမၱာ်, “အမံၤမှူးဖဳး, ယဒီၣ်နဲၤ ဝဲၢ်ထဳးခး.”
42ဝှၱစကးစဝဲၢ်ထဳးကၱာ်ခဲလ့ၤခဲက့ၤကဲၤ. စအီၣ်ကီၡံးကၠံၢ်ဒ့ာ် ကလီ. ဒဳၣ်စဲာ်တစီာ်ထဲးတမိၢ် တမှါဆိးကဲၤ. 43စမှဲးလၤကြၱၢ်ပၱးနၱး လၢ်ဝၤ တစီာ်စာ်ဘိထဲၢ် စကတအံာ်သၱာ်ဟဲပီၢ်ပၠၤ တဲၤဝၱၤတဲၤကဲအယဳၤ တဗွဲနီး, ကၱာ်စသဓဳလၢ်ဝၤအကဘဳာ်အၣ်အမံၤမှူးဖဳးတဲၤအၣ် တမံၤမံၤ လီၤ.
ទើបបានជ្រើសរើសហើយ៖
မၢ်ကူး 5: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.