မၢ်ကူး 4
4
ပၠၤပၢ်တဲၤခွံအကလဲၤ
(မး ၁၃:၁-၉, လူၤ ၈:၄-၈)
1ယ့ၣ်ရှူးဒီထိးကဒီဒဳပဲာ်လဲာ်ဝ့ၤတပျာ်ပ့ၤ. ပၠၤအပဳၤအဟီး ဘီာ်ချဳးကဲၤစဲာ်ဒဳၣ်ယ့ၣ်ရှူးထာ်နံၢ်ဝှါ ချံပူၤ, စဆးနါလၤအီၣ်ကဲၤ. ပၠၤတစီာ် အီၣ်ကဲၤဒဳ ခီခဳးကၱာ်ဒးဘးကဲၤအမူၢ်ကါဒဳပဲာ်လဲာ်အီၣ်တခီ. 2ကၱာ် ဒီစသိၣ် အံာ်သီအံာ်ကဲၤပၠၤတစီာ် ဒဳတဲၤကလဲၤ အပူၤနဳၤကၱာ်ဒဳစတဲၤ သိာ် အံာ်သီအံာ်အပူၤနဳၤ, စဒီၣ်—
3“ဆီးခ့န့းပီၢ်, ပၠၤအပၢ်တဲၤခွံတပွဲၤ လ့ၤပၢ်လၤကဲၤတဲၤခွံ. 4ကၱာ်ဒီဘ့စပၢ်တဲၤခွံ အခဲနဳၤ, တဲၤခွံတစီာ်စီာ်လၤတ့ၢ်ကျဲးခဳးကျဲး ဇၤဝၤဒဳၣ်, ထဳးဖဳးတစီာ် စီးအၣ်ကဲတပွဲးစဲာ်. 5တဲၤခွံအီၣ် တစီာ် လၤတ့ၢ်ကဲၤလဳၤဆီးအခဳး, ဟးဟၱးတအီၣ်ဓဳၤဓဳၤ နီးအကျဲ. အကဲာ်ထာ်ပျါ တပွဲး, မၱာ်ဟးဟၱးတဓံနီး. 6လူၤမူၤကဳၤလၤဘဲာ်နဳၤ, အခၣ်ဝံၤတလၤယီၢ်နီး အခဳးအစဲ, အထာ်ဝှ့ထာ်ကြးလဳၢ်တပွဲး. 7တဲၤ ခွံတစီာ်စီာ်လၤတ့ၢ်နံၢ်တၤဆူးတဲၤဖၱအကျဲဒဳၣ်, အအဳး ထာ်သံလဳတပွဲး. အသဲာ်အဖီတအီၣ်ဇၤပ့ၤနီး. 8တဲၤခွံတစီာ်စီာ်လၤတ့ၢ်တပွဲးဟးဟၱး အဝၱၤအခဳးဒဳၣ်, အသဲာ်ထာ်ဖီထာ်အပျာ်ဆဳၡံအီၣ်အီၣ်, အပျာ်အၡံသါ သိးအီၣ်အီၣ်, တစီာ်စီာ်မၱာ်ကဲၤအပျာ်တကယဲၤတခီ.”
9မဲၤဝှါစဒီၣ်, “ပၠၤအနံၤကူၤနၱၤကၱၢ်အီၣ် တစီာ်ကသၱာ်ဟဲဒီ ဧဲၤ.”
တဲၤကလဲၤအထာ်ပဳၤထာ်ဘါ
(မး ၁၃:၁၀-၁၇, လူၤ ၈:၉-၁၀)
10ကၱာ်ဒီဘ့စအီၣ်တပွဲၤလီၤအခၠၱးနဳၤ, ပၠၤ အအီၣ်ကိာ်စကါ ကၱာ်အပျဲၢ်အဘီၣ်ၡံးကၠံၢ်ပွဲၤဒဲကဲၤစဲာ်တဲၤကလဲၤအထာ်ပဳၤထာ်ဘါ. 11ကၱာ်စဒီၣ်ကဲၤလၢ်ဝၤ တစီာ်, “တဲၤအံာ်လၤနံၤတပွဲးသံအကသၱာ်ဟဲ ဘဲာ် ကဘၱာ်စဲာ်အထံအက့ၤအတဲၤအီၣ်ဟူၣ်. ပရၤဆါ ပၠၤအအီၣ်အချဳအသါပၤတစီာ်, ကဒီဆးဘဲာ်စဲာ် တစီာ်ကၱာ်တဲၤကလဲၤ, 12မၤနဲၢ်, တဲၤဒီၣ်အီၣ်,
‘စစာ်တပွဲး,
စတကဲာ်ထၱးနီး,
အဟဳနံၢ်တပွဲးစနံၤကူၤပူၤ,
ပရၤဆါ စတသၱာ် ဟဲနီး.
တမၱာ်ဒဳးနီး ဒဳၣ် စဲာ်တစီာ်ကနံၤဘဲာ်တပွဲး တဲၤဘါချဲးသး,
ကၱာ်တဲၤခီၣ်ဝဲၤအတဲၤဘးလှိနဳၤ.’ ”
ယ့ၣ်ရှူးဒီဆးအပၢ်တဲၤခွံအထာ်ပဳၤထာ်ဘါ
(မး ၁၃:၁၈-၂၃, လူၤ ၈:၁၁-၁၅)
13ကၱာ်စဒီၣ်ကဲၤလၢ်ဝၤတစီာ်, “သံတသၱာ်ဟဲတဲၤကလဲၤအယဳၤနီးဧါ. မဲၤကနဳၤဒဳၣ်, သံကသၱာ်ဟဲဒီတဲၤကလဲၤအလဝ့ၤတစီာ်စာ်တဲၢ်. 14အပၢ်လၤတဲၤခွံတပွဲၤ ပၢ်လၤကဘၱာ်စဲာ်အလ့ၢ်အဝှဲး လီၤ. 15အလၤတ့ၢ်ကျဲးလီၤတစီာ်ကဲာ်ထာ် တပွဲး ဘ့ပၠၤတစီာ်သၱာ်ဟဲ ဘဲာ်အခၠၱးနဳၤ. မဳၤဒဲးလၱး လ့ၤကၱာ်ဖၱးကဲသံဝံၢ်တနၢ်တပွဲးစဲာ်ဒဳစသးအပူၤနဳၤ. 16ပၠၤတစီာ်စီာ်မၱာ်ကဲၤအစာ်ဘိတဲၤခွံအလၤ တ့ၢ်လဳၤဆီးအခဳးနဳၤ. စသၱာ်ဟဲဘဲာ်ကဘၱာ်စဲာ်အလ့ၢ် အဝှဲးဒဳၣ် စဖၱးနံၤတနၢ်တပွဲးဒဳတဲၤသးလဳၢ် သးလၤအံာ် အပူၤနဳၤ. 17ပရၤဆါအခၣ်ဝံၤတလၤယီၢ်ဟး လဲၢ်နီး အခဳးအစဲ, တအီၣ်ယၱၢ်နီးအသံတပွဲး. ဘ့တဲၤ ပၤတဲၤဆဲကၱာ်တဲၤလိၤမဲၤ ဆဲးညဲဘဲာ်ကဲၤစဲာ်ဒဳ ကဘၱာ်စဲာ်အလ့ၢ်အဝှဲးအစဲနဳၤ, စသးဟဲးကဲတနၢ် တပျာ်ခါလီၤ. 18တဲၤခွံအလၤတ့ၢ်နံၤ တၤဆူးတဲၤဖၱအကျဲတစီာ် မၱာ် ပၠၤအဆီးခ့န့းကဘၱာ်စဲာ် အလ့ၢ်အဝှဲး, ပရၤဆါ, 19လၢ်ခဳးအတဲၤ ဘဲာ်ၡဳ ဘဲာ်မၤ, အူစာ်လဲၤခၠါအတဲၤလှီးလှၱလှီးပျဲာ်ကၱာ်တဲၤ သး အဲးနံၤလၢ် ခဳးအတၱၢ်အတဲၤအခဳးအစဲ, တဲၤအယဳၤတစီာ်လ့ၤနံၢ်စသးပူၤ, အမဲၤအၱး ထာ်ကဘၱာ်စဲာ်အလ့ၢ် အဝှဲးဒဳၣ် အတသဲာ်တဖီဇၤတပွဲးနီး. 20တဲၤ ခွံ အလၤတ့ၢ်နံၢ်ဟးဟၱးအဝၱၤအခဳးတစီာ်မၱာ် ပၠၤအဖၱး နံၤဝှါကဘၱာ်စဲာ် အလ့ၢ်အဝှဲးဒဳၣ်အသဲာ်ထာ် ဖီထာ် အပျာ်ဆဳၡံ, အပျာ်အၡံသါသိး ကၱာ်အပျာ်တကယဲၤ တစီာ်နဳၤ.”
မှၱးအူဒဳ ဒဳပးလှူၣ်အလဲၢ်
(လူၤ ၈:၁၆-၁၈)
21စဒီၣ်ကဲၤလၢ်ဝၤတစီာ်, “ပၠၤဓဳၤလၤဝှါ မှၱးအူဒဳဒဳၣ်စဖျးလၤ ဘံာ်ပးလှူၣ်, ဘဲလါဇီၤမီၢ်လဲၢ်ဧါ. မၱာ်ပၠၤဘဲထာ်စဲာ်ဒဳအထာ်ယၱၤ တခီတဘဲာ်နီးဧါ. 22မၤနဲၢ်, တဲၤအဟူၣ်အဇီၤတအီၣ်ဘဲာ်နီးကၱာ်တဲၤအဘဲာ်လဲၢ်ဟူၣ်တစီာ်နဳၤကလှၱထာ်ဖျီထာ်ဘဲာ်. 23ပၠၤအနံၤကူၤအီၣ် တစီာ်ကသၱာ်ဟဲဘဲာ်ဒီဧဲၤ.”
24ကၱာ်စဒီၣ်ကဲၤလၢ်ဝၤတစီာ်, “မှါအံာ် ပီၢ်, တဲၤထဲၢ်သံသၱာ်ဟဲဘဲာ်တစီာ်နဳၤ. အစာ်ဘိသံကိၤ စာ်ထဲစာ်တဲၤအခီဖး, သံကဘဲာ်ကိၤစာ်ထဲစာ်ကီ. 25မၤနဲၢ်, ပၠၤအတဲၤအီၣ်တစီာ်ကနံၤ ဘဲာ်ဒဳၣ်ချဳကီ, ကၱာ်အတဲၤတအီၣ်နီးတစီာ်ဒဳၣ်, စအဲအီၣ်တကၱာ်တကီ နဳၤ အကဘဲာ်ဖၱးကဲသံဝံၢ်ကီစဲာ်.”
တဲၤခွံဒီၣ်ထာ်အကလဲၤ
26ယ့ၣ်ရှူးဒီၣ်ဝ့ၤ, “ကဘၱာ်စဲာ်အထံအက့ၤမၱာ်အမဲၤစာ်ဘိ ပၠၤအထီးဘူၣ်တပွဲၤနဳၤ. 27ဘ့စဆီးမံကၱာ်စဝဲၢ်ထဳး, လူၤမူၤနဲၤကၱာ် လူၤမူၤဆ့း အခၠၱး, ဘူၣ်ဖျဳးတစီာ်သဲမဲၢ်ထာ်ကၱာ်အကဲာ်ထာ်စတသၱာ် ဟဲ ချူးတပွဲးနီး. 28မဲၤဝှါအဒီၣ်ဓီအအဲ, အအူဆူးမၱာ်အလှဲာ်အဖါ, ဝှါ ဒဳၣ်အတြိၤအဖီကၱာ်အသဲာ် ဇလဲၢ်လၤကီ. 29ဘူၣ်မှံတပျာ်ဒဳၣ်, စလ့ၤအံာ် တဇဲၤကၱာ်ကဲာ်ကဲၤ. မၤနဲၢ်, ပၠၤကဲာ်ဘူၣ်အခၠၱးဘဲာ်ကဲၤ အခဳးအစဲ နဳၤ.”
သပျဲးဖျဳးအကလဲၤ
(မး ၁၃:၃၁-၃၂,၃၄, လူၤ ၁၃:၁၈-၁၉)
30အလ့ၤကါစဒီၣ်, “ယကဒိးသီတြီၤဒီ ကဘၱာ်စဲာ်အထံအက့ၤကၱာ်တၤနဲၢ်. ယကဒီၣ်အံာ်ဘဲာ် တၤအကလဲၤနဲၤ. 31မၱာ်အမဲၤ အန့ၤစာ်ဘိသပျဲး အဖျဳးထဲၢ်ပၠၤပၢ်လၤဒဳဟးဟၱးအခဳးနဳၤ, တဲၤခွံတဲၤလၢ် လဳစါစဲးအကျဲစမၱာ်နီၣ်သီအၡံးဖဳးချဳနှီနဳၤ, 32အဘဲာ်ပၢ်လၤဝှါ, အကဲာ်ထာ်တပျာ်အဓဳၤဒဳၣ်လံကဲၤမံၤနှဲး အလဝ့ၤတစီာ်နဳၤ. ကၱာ်ဒီ အမ့ၢ်ယိၤ ဖါယိးကဲၤပွ့ အစာ် ဘိထဳၣ်ဖဳးတစီာ်လ့ၤခဳးအံာ်အလဲၢ်ကၱာ်မဲၤအပံၤနဳၤ.”
33ကၱာ်စဒီၣ်ကဲၤတဲၤကလဲၤ အမဳအမဳၤ ပွ့အစာ်ဘိပၠၤတစီာ်ဖၱး နံၤတီၤနံၤဇၤအကြီာ်ပူၤနဳၤ. တဲၤကလဲၤတအီၣ်နီး, စတသိၣ်တသီတပွဲး နီး. 34ပရၤဆါတဲၤကလဲၤတစီာ်အထာ်ပဳၤထာ်ဘါနဳၤ စဒီဆးလၤ ဓူၢ်လၤဝှဲးတပွဲးစပျဲၢ်စဘီၣ်တစီာ်နဳၤ.
ယ့ၣ်ရှူးနှးအီၣ်ဇီၤကလံၤမဳၤဘံ
(မး ၈:၂၃-၂၇, လူၤ ၈:၂၂-၂၅)
35ဘ့နဳၤတနံၤ, လူၤမူၤလၤနဳၤ, ယ့ၣ်ရှူး ဒီၣ်ကဲၤစပျဲၢ်စဘီာ် တစီာ်, “ဝၤကလ့ၤဝဲၢ်ဒဳပဲာ်လဲာ် ဝ့ၤ အလဝ့ၤတခီဝဳၢ်နဳၤ.” 36စနှး က့ၤဝှါပၠၤအပဳၤ အဟီးဒဳၣ် စပျဲၢ်စဘီာ်တစီာ်ယဳၤနံၢ်ကဲၤစဲာ် ဒဳချံပူၤနဳၤ ကၱာ်ချံအလဝ့ၤအီၣ်ကဲၤတစီာ်စီာ်. 37ကလံၤ တပဳၢ်ဆိးကဲၤဒဳၣ်ထံ ပးပၱးပးပီအစဲ အဓဳၤပျၱၤဘးနံၢ်ကဲၤ ချံပူၤကၱာ်အသးမီလၤပြူးကဲၤ. 38ယ့ၣ်ရှူးအီၣ် ဒဳချံအကါ, ပီၢ်လၤအကဳာ်ဒဳလှူၣ်တဳကဳာ်တဒဳအခဳးကၱာ် ဆီးမံနံၤကဲၤ. စဲာ်တစီာ်ထဳးဝဲၢ်ယ့ၣ်ရှူးကၱာ်ဒီၣ်ကဲၤလၢ် ဝၤ, “အဳဆရၣ်, ဝၤကသံကလှဲမဲၢ်တၱၤတၱၢ်ကဲၤယဳၤ နဳၤ, နတဘဲာ်ၡဳကဲၤနီးဧါ.”
39ယ့ၣ်ရှူးဝဲၢ်ထဳးဝှါဟီဘဲာ်ထဲးကိၢ်ကဲၤ ကလံၤ မဳၤဘံ ကၱာ် ဒီၣ် ကဲၤပဲာ် လဲာ်, “အီၣ်ဇီၤလီၤ. ဆီတဘး.” ကလံၤမဳၤဘံဆီတဘးကဲၤ ကၱာ်, ပွဲး, ပဲာ်လဲာ်လၤပွဲးက့ၤဝှါဒဳၣ် အမီၤအမၤက့ၤကဲၤ.
40ယ့ၣ်ရှူးဒီၣ်ကဲၤစဲာ်တစီာ်, “သံၡံးဆါ သးပဳၤမၤနဲၢ်. သံ တဲၤဘူၣ်တအီၣ်နှၱနီးဧါ.”
41စပျဲၢ်စဘီာ်တစီာ်ၡံးဆါဆိးကဲၤဒဳၣ် စဒီၣ်လှဲးလၢ်ဝၤ, “အယဳၤမၱာ် ပီၢ်ပွဲၤနဳၤပွဲၤ. ကလံၤကၱာ်ပဲာ်လဲာ်နှီနူၤဆီးခ့န့းမၤစလ့ၢ်နဲၢ်.”
ទើបបានជ្រើសរើសហើយ៖
မၢ်ကူး 4: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
မၢ်ကူး 4
4
ပၠၤပၢ်တဲၤခွံအကလဲၤ
(မး ၁၃:၁-၉, လူၤ ၈:၄-၈)
1ယ့ၣ်ရှူးဒီထိးကဒီဒဳပဲာ်လဲာ်ဝ့ၤတပျာ်ပ့ၤ. ပၠၤအပဳၤအဟီး ဘီာ်ချဳးကဲၤစဲာ်ဒဳၣ်ယ့ၣ်ရှူးထာ်နံၢ်ဝှါ ချံပူၤ, စဆးနါလၤအီၣ်ကဲၤ. ပၠၤတစီာ် အီၣ်ကဲၤဒဳ ခီခဳးကၱာ်ဒးဘးကဲၤအမူၢ်ကါဒဳပဲာ်လဲာ်အီၣ်တခီ. 2ကၱာ် ဒီစသိၣ် အံာ်သီအံာ်ကဲၤပၠၤတစီာ် ဒဳတဲၤကလဲၤ အပူၤနဳၤကၱာ်ဒဳစတဲၤ သိာ် အံာ်သီအံာ်အပူၤနဳၤ, စဒီၣ်—
3“ဆီးခ့န့းပီၢ်, ပၠၤအပၢ်တဲၤခွံတပွဲၤ လ့ၤပၢ်လၤကဲၤတဲၤခွံ. 4ကၱာ်ဒီဘ့စပၢ်တဲၤခွံ အခဲနဳၤ, တဲၤခွံတစီာ်စီာ်လၤတ့ၢ်ကျဲးခဳးကျဲး ဇၤဝၤဒဳၣ်, ထဳးဖဳးတစီာ် စီးအၣ်ကဲတပွဲးစဲာ်. 5တဲၤခွံအီၣ် တစီာ် လၤတ့ၢ်ကဲၤလဳၤဆီးအခဳး, ဟးဟၱးတအီၣ်ဓဳၤဓဳၤ နီးအကျဲ. အကဲာ်ထာ်ပျါ တပွဲး, မၱာ်ဟးဟၱးတဓံနီး. 6လူၤမူၤကဳၤလၤဘဲာ်နဳၤ, အခၣ်ဝံၤတလၤယီၢ်နီး အခဳးအစဲ, အထာ်ဝှ့ထာ်ကြးလဳၢ်တပွဲး. 7တဲၤ ခွံတစီာ်စီာ်လၤတ့ၢ်နံၢ်တၤဆူးတဲၤဖၱအကျဲဒဳၣ်, အအဳး ထာ်သံလဳတပွဲး. အသဲာ်အဖီတအီၣ်ဇၤပ့ၤနီး. 8တဲၤခွံတစီာ်စီာ်လၤတ့ၢ်တပွဲးဟးဟၱး အဝၱၤအခဳးဒဳၣ်, အသဲာ်ထာ်ဖီထာ်အပျာ်ဆဳၡံအီၣ်အီၣ်, အပျာ်အၡံသါ သိးအီၣ်အီၣ်, တစီာ်စီာ်မၱာ်ကဲၤအပျာ်တကယဲၤတခီ.”
9မဲၤဝှါစဒီၣ်, “ပၠၤအနံၤကူၤနၱၤကၱၢ်အီၣ် တစီာ်ကသၱာ်ဟဲဒီ ဧဲၤ.”
တဲၤကလဲၤအထာ်ပဳၤထာ်ဘါ
(မး ၁၃:၁၀-၁၇, လူၤ ၈:၉-၁၀)
10ကၱာ်ဒီဘ့စအီၣ်တပွဲၤလီၤအခၠၱးနဳၤ, ပၠၤ အအီၣ်ကိာ်စကါ ကၱာ်အပျဲၢ်အဘီၣ်ၡံးကၠံၢ်ပွဲၤဒဲကဲၤစဲာ်တဲၤကလဲၤအထာ်ပဳၤထာ်ဘါ. 11ကၱာ်စဒီၣ်ကဲၤလၢ်ဝၤ တစီာ်, “တဲၤအံာ်လၤနံၤတပွဲးသံအကသၱာ်ဟဲ ဘဲာ် ကဘၱာ်စဲာ်အထံအက့ၤအတဲၤအီၣ်ဟူၣ်. ပရၤဆါ ပၠၤအအီၣ်အချဳအသါပၤတစီာ်, ကဒီဆးဘဲာ်စဲာ် တစီာ်ကၱာ်တဲၤကလဲၤ, 12မၤနဲၢ်, တဲၤဒီၣ်အီၣ်,
‘စစာ်တပွဲး,
စတကဲာ်ထၱးနီး,
အဟဳနံၢ်တပွဲးစနံၤကူၤပူၤ,
ပရၤဆါ စတသၱာ် ဟဲနီး.
တမၱာ်ဒဳးနီး ဒဳၣ် စဲာ်တစီာ်ကနံၤဘဲာ်တပွဲး တဲၤဘါချဲးသး,
ကၱာ်တဲၤခီၣ်ဝဲၤအတဲၤဘးလှိနဳၤ.’ ”
ယ့ၣ်ရှူးဒီဆးအပၢ်တဲၤခွံအထာ်ပဳၤထာ်ဘါ
(မး ၁၃:၁၈-၂၃, လူၤ ၈:၁၁-၁၅)
13ကၱာ်စဒီၣ်ကဲၤလၢ်ဝၤတစီာ်, “သံတသၱာ်ဟဲတဲၤကလဲၤအယဳၤနီးဧါ. မဲၤကနဳၤဒဳၣ်, သံကသၱာ်ဟဲဒီတဲၤကလဲၤအလဝ့ၤတစီာ်စာ်တဲၢ်. 14အပၢ်လၤတဲၤခွံတပွဲၤ ပၢ်လၤကဘၱာ်စဲာ်အလ့ၢ်အဝှဲး လီၤ. 15အလၤတ့ၢ်ကျဲးလီၤတစီာ်ကဲာ်ထာ် တပွဲး ဘ့ပၠၤတစီာ်သၱာ်ဟဲ ဘဲာ်အခၠၱးနဳၤ. မဳၤဒဲးလၱး လ့ၤကၱာ်ဖၱးကဲသံဝံၢ်တနၢ်တပွဲးစဲာ်ဒဳစသးအပူၤနဳၤ. 16ပၠၤတစီာ်စီာ်မၱာ်ကဲၤအစာ်ဘိတဲၤခွံအလၤ တ့ၢ်လဳၤဆီးအခဳးနဳၤ. စသၱာ်ဟဲဘဲာ်ကဘၱာ်စဲာ်အလ့ၢ် အဝှဲးဒဳၣ် စဖၱးနံၤတနၢ်တပွဲးဒဳတဲၤသးလဳၢ် သးလၤအံာ် အပူၤနဳၤ. 17ပရၤဆါအခၣ်ဝံၤတလၤယီၢ်ဟး လဲၢ်နီး အခဳးအစဲ, တအီၣ်ယၱၢ်နီးအသံတပွဲး. ဘ့တဲၤ ပၤတဲၤဆဲကၱာ်တဲၤလိၤမဲၤ ဆဲးညဲဘဲာ်ကဲၤစဲာ်ဒဳ ကဘၱာ်စဲာ်အလ့ၢ်အဝှဲးအစဲနဳၤ, စသးဟဲးကဲတနၢ် တပျာ်ခါလီၤ. 18တဲၤခွံအလၤတ့ၢ်နံၤ တၤဆူးတဲၤဖၱအကျဲတစီာ် မၱာ် ပၠၤအဆီးခ့န့းကဘၱာ်စဲာ် အလ့ၢ်အဝှဲး, ပရၤဆါ, 19လၢ်ခဳးအတဲၤ ဘဲာ်ၡဳ ဘဲာ်မၤ, အူစာ်လဲၤခၠါအတဲၤလှီးလှၱလှီးပျဲာ်ကၱာ်တဲၤ သး အဲးနံၤလၢ် ခဳးအတၱၢ်အတဲၤအခဳးအစဲ, တဲၤအယဳၤတစီာ်လ့ၤနံၢ်စသးပူၤ, အမဲၤအၱး ထာ်ကဘၱာ်စဲာ်အလ့ၢ် အဝှဲးဒဳၣ် အတသဲာ်တဖီဇၤတပွဲးနီး. 20တဲၤ ခွံ အလၤတ့ၢ်နံၢ်ဟးဟၱးအဝၱၤအခဳးတစီာ်မၱာ် ပၠၤအဖၱး နံၤဝှါကဘၱာ်စဲာ် အလ့ၢ်အဝှဲးဒဳၣ်အသဲာ်ထာ် ဖီထာ် အပျာ်ဆဳၡံ, အပျာ်အၡံသါသိး ကၱာ်အပျာ်တကယဲၤ တစီာ်နဳၤ.”
မှၱးအူဒဳ ဒဳပးလှူၣ်အလဲၢ်
(လူၤ ၈:၁၆-၁၈)
21စဒီၣ်ကဲၤလၢ်ဝၤတစီာ်, “ပၠၤဓဳၤလၤဝှါ မှၱးအူဒဳဒဳၣ်စဖျးလၤ ဘံာ်ပးလှူၣ်, ဘဲလါဇီၤမီၢ်လဲၢ်ဧါ. မၱာ်ပၠၤဘဲထာ်စဲာ်ဒဳအထာ်ယၱၤ တခီတဘဲာ်နီးဧါ. 22မၤနဲၢ်, တဲၤအဟူၣ်အဇီၤတအီၣ်ဘဲာ်နီးကၱာ်တဲၤအဘဲာ်လဲၢ်ဟူၣ်တစီာ်နဳၤကလှၱထာ်ဖျီထာ်ဘဲာ်. 23ပၠၤအနံၤကူၤအီၣ် တစီာ်ကသၱာ်ဟဲဘဲာ်ဒီဧဲၤ.”
24ကၱာ်စဒီၣ်ကဲၤလၢ်ဝၤတစီာ်, “မှါအံာ် ပီၢ်, တဲၤထဲၢ်သံသၱာ်ဟဲဘဲာ်တစီာ်နဳၤ. အစာ်ဘိသံကိၤ စာ်ထဲစာ်တဲၤအခီဖး, သံကဘဲာ်ကိၤစာ်ထဲစာ်ကီ. 25မၤနဲၢ်, ပၠၤအတဲၤအီၣ်တစီာ်ကနံၤ ဘဲာ်ဒဳၣ်ချဳကီ, ကၱာ်အတဲၤတအီၣ်နီးတစီာ်ဒဳၣ်, စအဲအီၣ်တကၱာ်တကီ နဳၤ အကဘဲာ်ဖၱးကဲသံဝံၢ်ကီစဲာ်.”
တဲၤခွံဒီၣ်ထာ်အကလဲၤ
26ယ့ၣ်ရှူးဒီၣ်ဝ့ၤ, “ကဘၱာ်စဲာ်အထံအက့ၤမၱာ်အမဲၤစာ်ဘိ ပၠၤအထီးဘူၣ်တပွဲၤနဳၤ. 27ဘ့စဆီးမံကၱာ်စဝဲၢ်ထဳး, လူၤမူၤနဲၤကၱာ် လူၤမူၤဆ့း အခၠၱး, ဘူၣ်ဖျဳးတစီာ်သဲမဲၢ်ထာ်ကၱာ်အကဲာ်ထာ်စတသၱာ် ဟဲ ချူးတပွဲးနီး. 28မဲၤဝှါအဒီၣ်ဓီအအဲ, အအူဆူးမၱာ်အလှဲာ်အဖါ, ဝှါ ဒဳၣ်အတြိၤအဖီကၱာ်အသဲာ် ဇလဲၢ်လၤကီ. 29ဘူၣ်မှံတပျာ်ဒဳၣ်, စလ့ၤအံာ် တဇဲၤကၱာ်ကဲာ်ကဲၤ. မၤနဲၢ်, ပၠၤကဲာ်ဘူၣ်အခၠၱးဘဲာ်ကဲၤ အခဳးအစဲ နဳၤ.”
သပျဲးဖျဳးအကလဲၤ
(မး ၁၃:၃၁-၃၂,၃၄, လူၤ ၁၃:၁၈-၁၉)
30အလ့ၤကါစဒီၣ်, “ယကဒိးသီတြီၤဒီ ကဘၱာ်စဲာ်အထံအက့ၤကၱာ်တၤနဲၢ်. ယကဒီၣ်အံာ်ဘဲာ် တၤအကလဲၤနဲၤ. 31မၱာ်အမဲၤ အန့ၤစာ်ဘိသပျဲး အဖျဳးထဲၢ်ပၠၤပၢ်လၤဒဳဟးဟၱးအခဳးနဳၤ, တဲၤခွံတဲၤလၢ် လဳစါစဲးအကျဲစမၱာ်နီၣ်သီအၡံးဖဳးချဳနှီနဳၤ, 32အဘဲာ်ပၢ်လၤဝှါ, အကဲာ်ထာ်တပျာ်အဓဳၤဒဳၣ်လံကဲၤမံၤနှဲး အလဝ့ၤတစီာ်နဳၤ. ကၱာ်ဒီ အမ့ၢ်ယိၤ ဖါယိးကဲၤပွ့ အစာ် ဘိထဳၣ်ဖဳးတစီာ်လ့ၤခဳးအံာ်အလဲၢ်ကၱာ်မဲၤအပံၤနဳၤ.”
33ကၱာ်စဒီၣ်ကဲၤတဲၤကလဲၤ အမဳအမဳၤ ပွ့အစာ်ဘိပၠၤတစီာ်ဖၱး နံၤတီၤနံၤဇၤအကြီာ်ပူၤနဳၤ. တဲၤကလဲၤတအီၣ်နီး, စတသိၣ်တသီတပွဲး နီး. 34ပရၤဆါတဲၤကလဲၤတစီာ်အထာ်ပဳၤထာ်ဘါနဳၤ စဒီဆးလၤ ဓူၢ်လၤဝှဲးတပွဲးစပျဲၢ်စဘီၣ်တစီာ်နဳၤ.
ယ့ၣ်ရှူးနှးအီၣ်ဇီၤကလံၤမဳၤဘံ
(မး ၈:၂၃-၂၇, လူၤ ၈:၂၂-၂၅)
35ဘ့နဳၤတနံၤ, လူၤမူၤလၤနဳၤ, ယ့ၣ်ရှူး ဒီၣ်ကဲၤစပျဲၢ်စဘီာ် တစီာ်, “ဝၤကလ့ၤဝဲၢ်ဒဳပဲာ်လဲာ် ဝ့ၤ အလဝ့ၤတခီဝဳၢ်နဳၤ.” 36စနှး က့ၤဝှါပၠၤအပဳၤ အဟီးဒဳၣ် စပျဲၢ်စဘီာ်တစီာ်ယဳၤနံၢ်ကဲၤစဲာ် ဒဳချံပူၤနဳၤ ကၱာ်ချံအလဝ့ၤအီၣ်ကဲၤတစီာ်စီာ်. 37ကလံၤ တပဳၢ်ဆိးကဲၤဒဳၣ်ထံ ပးပၱးပးပီအစဲ အဓဳၤပျၱၤဘးနံၢ်ကဲၤ ချံပူၤကၱာ်အသးမီလၤပြူးကဲၤ. 38ယ့ၣ်ရှူးအီၣ် ဒဳချံအကါ, ပီၢ်လၤအကဳာ်ဒဳလှူၣ်တဳကဳာ်တဒဳအခဳးကၱာ် ဆီးမံနံၤကဲၤ. စဲာ်တစီာ်ထဳးဝဲၢ်ယ့ၣ်ရှူးကၱာ်ဒီၣ်ကဲၤလၢ် ဝၤ, “အဳဆရၣ်, ဝၤကသံကလှဲမဲၢ်တၱၤတၱၢ်ကဲၤယဳၤ နဳၤ, နတဘဲာ်ၡဳကဲၤနီးဧါ.”
39ယ့ၣ်ရှူးဝဲၢ်ထဳးဝှါဟီဘဲာ်ထဲးကိၢ်ကဲၤ ကလံၤ မဳၤဘံ ကၱာ် ဒီၣ် ကဲၤပဲာ် လဲာ်, “အီၣ်ဇီၤလီၤ. ဆီတဘး.” ကလံၤမဳၤဘံဆီတဘးကဲၤ ကၱာ်, ပွဲး, ပဲာ်လဲာ်လၤပွဲးက့ၤဝှါဒဳၣ် အမီၤအမၤက့ၤကဲၤ.
40ယ့ၣ်ရှူးဒီၣ်ကဲၤစဲာ်တစီာ်, “သံၡံးဆါ သးပဳၤမၤနဲၢ်. သံ တဲၤဘူၣ်တအီၣ်နှၱနီးဧါ.”
41စပျဲၢ်စဘီာ်တစီာ်ၡံးဆါဆိးကဲၤဒဳၣ် စဒီၣ်လှဲးလၢ်ဝၤ, “အယဳၤမၱာ် ပီၢ်ပွဲၤနဳၤပွဲၤ. ကလံၤကၱာ်ပဲာ်လဲာ်နှီနူၤဆီးခ့န့းမၤစလ့ၢ်နဲၢ်.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.