မၢ်ကူး 3
3
ပၠၤအစူးခီးသံတခီဘဲာ်တပွဲၤ
(မး ၁၂:၉-၁၄, လူၤ ၆:၆-၁၁)
1ကၱာ်ဒီယ့ၣ်ရှူးလ့ၤနံၢ်ဒဳဘူၣ်ဘျီၣ် အပူၤ တပျာ်ပ့ၤ. ကၱာ်ပၠၤ အစူးခီး သံတခီတပွဲၤအီၣ်ကဲၤဒဳ နဳၤ. 2ကၱာ်စဲာ်တစီာ် စာ်အံာ် ယ့ၣ်ရှူး, ဘ့ာ်မ့ စကမဲၤမှးက့ၤပၠၤ ဘ့မူၤနံၤဆီးဒဲနဳၤဒဳၣ် စကဖၱးပီၢ်တဲၤ ကမဲးစခဳးနဳၤ. 3ယ့ၣ်ရှူး ဒီၣ်ကဲၤပၠၤ အစူးသံ တခီတပွဲၤ, “ဆီ ထဳးအီၣ်ဒဳအသကျါမဲဗူယဳၤ.”
4မဲၤဝှါ စဒဲကဲၤပၠၤတစီာ်, “မူၤနံၤဆီးဒဲနဳၤ အမီၤမဲၤမၱာ်ကမဲၤ တဲၤအအဲးဧါ, မၱာ်တဲၤကၱကဲာ်ဧါ. မဲၤလှိတဲၤအသးဧါ, မဲၤသံမဲၤလှဲမဲၢ် တဲၤ ဧါ.”
ပရၤဆါစဲာ်တစီာ်အီၣ်ဇီၤလီၤတပွဲးလီၤ. 5စစာ်ခွဲဘးဝှါပၠၤကၱာ် တဲၤသဲးထဲးဒဳၣ်စအဳးသးကဲၤ ဒဳပၠၤတစီာ်အသးအကၢ်ဓူခံးအခဳးအစဲ, စဒီၣ်ကဲၤပၠၤ အစူးသံတပွဲၤ, “တဒါထာ်နစူးခီး.” စတဒါထာ် စစူးခီးကၱာ်အအဲးက့ၤတနၢ်လီၤ. 6ဖၤရံၤၡဲဖဳး တစီာ်ဟဲးထာ်တနၢ် အချဳကၱာ်ဒီ ဆးအံာ်ကဲၤ ဟ့ၤရိာ်အပၠၤတစီာ် စာ်ဘိထဲၢ်စကမဲၤကဲဘဲာ်ယ့ၣ်ရှူး စာ် တဲၢ်စာ်တဲၢ်နဳၤ.
ပၠၤအပဳၤအဟီးလိၤကိာ်ယ့ၣ်ရှူးအလ့ၤ
7ယ့ၣ်ရှူးကၱာ်စခၱစပွဲၤတစီာ် က့ၤဘးကဲၤ ဒဳပဲာ်လဲာ်ဝ့ၤတခီ, ကၱာ်ပၠၤအပဳၤအဟီး အအီၣ်ဒဳကၤ လံၤလဲအက့ၤ, ယူဒၤက့ၤ, 8ကၱာ်ယရူၤၡလ့ၣ် အူးအပူၤတစီာ်, အဒိၣ်က့ၤကၱာ်ယၢ်ဒ့ၣ်လီၢ်ဓဳၤဝ့ၢ်တခီ လိၤကိာ်ကဲၤစလ့ၤ. ကၱာ်ပၠၤအအီၣ်ဒဳစိၢ်ကၱာ်စံဒိၣ်အူး တစီာ်သၱာ်ဟဲဘဲာ် ယ့ၣ်ရှူးအတဲးဖၱးတဲၤမဲၤတစီာ်ဒဳၣ် စလ့ၤထၱးကဲၤလၢ်ဝၤ. 9ယ့ၣ်ရှူးမှဲးလၤကဲၤ စပျဲၢ်စဘီၣ်တစီာ်ကအီၣ်အံာ်တီၤလီၤချံတခဳး, မၤနဲၢ်, ပၠၤ အပဳၤအဟီးအီၣ်အဲးအခဳးအစဲစဘဲာ်ၡဳကၱာ်စကဆးသနၱးလၢ်ဝၤ. 10ယ့ၣ်ရှူးမဲၤမှးက့ၤပၠၤ အီၣ် အဲးအီးအီးအခဳးအစဲ အတမှးနီးတစီာ် သး အဲးတီးဘဲာ် တပွဲးစဲာ်. 11တဲၤၡံးတဲၤနှဲးအတစါနီးတစီာ် စာ်ထၱး ကဲၤစဲာ်ဒဳၣ် ကီၢ်လၤဘၱးတဒဲးစလှီမီၢ်ကၱာ် ကဲာ်ဧဳၤထာ်, “နမၱာ်ကဘၱာ်စဲာ် အဖဳး.”
12ယ့ၣ်ရှူးမှဲးလၤဒၱာ်ဒါတပွဲးစဲာ်တစီာ်စာ်ဘိ ထဲၢ်စကတဟဲး ဒီၣ်အံာ်ပီၢ်ထဲၢ်ယ့ၣ်ရှူးမၱာ်ပီၢ်ပွဲၤနဳၤ.
တဲၤရိၤထာ်အပျဲၢ်အဘီၣ်ၡံးကၠံၢ်ပွဲၤ
(မး ၁၀:၁-၄, လူၤ ၆:၁၂-၁၆)
13ယ့ၣ်ရှူးထာ်ဝှါခီးလီခဳးဒဳၣ်စယဳၤလၤ တ့ၢ်ပျဳာ်ပၠၤထဲၢ်စရိၤ ထာ်ကဲၤတစီာ်နဳၤ. 14စရိၤ ထာ်အပျဲၢ်အဘီၣ်ၡံးကၠံၢ်ပွဲၤ စာ်ဘိအကအီၣ်ကိာ်စကါ, ကၱာ် စကသဓဳလ့ၤပီၢ်လၢ်ဝၤတစီာ်အကဟဲးဒီၣ်အူ ဒီ ဆး တဲၤနဳၤ. 15စအံာ်လၤကဲၤလၢ်ဝၤအဖျူအသရ့ာ် ကၱာ်အကနှး ဟဲးထာ်ကဲတဲၤၡံးတဲၤနှဲးတစီာ်နဳၤ.
16ပၠၤအယဳၤတစီာ်မၱာ်စီၤၡံမိၣ်, ထဲၢ်စထါ က့ၤလၢ်ဝၤအမံၤ စီၤပ့းတရူး, 17စီၤစ့းဘ့းဒဲ အဖဳးခဳ စီၤယၤကိာ်, စီၤယၤကိာ်အပၱး ကီစီၤယိၤဟၣ်, ထဲၢ်စထါက့ၤလၢ်ဝၤအမံၤဘအၤန့ၢ်က့း, အထာ်ပဳၤ ထာ် ဘါမၱာ် “လှါဖဳး,” 18စီၤအၣ်ဒရ့း, စီၤဖံလံးပူး, ကၱာ်စီၤဘၢ်သလီး မဲ, စီၤမးသဲ, စီၤသိၤမါ, စီၤအၤလဖဲအဖဳးစီၤယၤကိာ်, စီၤသးဒဲ, ပၠၤကနၤ နံဖဳး စီၤၡံမိၣ်, 19ကၱာ်စီၤယူဒၤအံၣ်စကၤရံၤအိာ် ထဲၢ်အဟိလါ ကဲၤစဲာ်တပွဲၤနဳၤ.
ယ့ၣ်ရှူးကၱာ်ဘၤဧၤလစဘူး
(မး ၁၂:၂၂-၃၂, လူၤ ၁၁:၁၄-၂၃, ၁၂:၁၀)
20မဲၤဝှါယ့ၣ်ရှူးလ့ၤကဲၤဒဳၡံၣ်တဝၤဒဳၣ် ပၠၤအပဳၤအဟီးလၤ တ့ၢ်ပျဳာ်ဒီ တပျာ်ပ့ၤ ထိကၱာ်ထဲၢ် အပျဲၢ်အဘီာ်တစီာ်တအၣ်တအီချူး ကဲၤနီးနဳၤ. 21ဘ့ခွံခီတစီာ်သၱာ်ဟဲဘဲာ်တဲၤအယဳၤဒဳၣ်, လ့ၤအီၣ် ကိာ်ကဲၤယ့ၣ်ရှူးအကါ, မၤနဲၢ်ပၠၤဒီၣ်ကဲၤစဲာ်, “စပျူၤထဳ” အခဳးအစဲနဳၤ.
22ကၱာ်အဝှ့းစဲာ်ထဲၢ်အအီၣ်ဒဳယရူၤၡလ့ၣ် အူးကၱာ်အလၤတစီာ်ဒီၣ်, “တဲၤၡံးတဲၤနှဲးဘၤဧၤလစဘူးအီၣ်စဟၱးကျဲ.” ကၱာ် “စနှးဟဲး ထာ်ဖျီးမံတဲၤၡံး တဲၤနှဲးဒဳတဲၤၡံးတဲၤနှဲးအဆးဖြးအမံၤအပူၤနဳၤ.”
23စယဳၤလၤတ့ၢ်ပျဳာ်ဝှါလၢ်ဝၤတစီာ်ဒဳၣ်, စဒီဆးကဲၤလၢ်ဝၤ တစီာ်တဲၤကလဲၤတဓဲ, “မဳၤဒဲးလၱး ကနှးဟဲးဖျီးမံဇၤမဳၤဒဲးလၱးစာ်တဲၢ်. 24ထံက့ၤ တက့ၤကပ့ၢ်ဖးမၤအန့ၤဒဳၣ်, အကအီၣ်မှ့းကျဳၤကဲာ်ထာ် ဒီ စာ်တဲၢ်. 25ၡံၣ်တဝၤအပူၤလီၤ, တဲၤပ့ၢ်ဖး ကအီၣ်မၤဒဳၣ်, အတအီၣ်မှ့းကျဳၤကဲာ်ထာ်မဲၤနီး. 26မဳၤဒဲးလၱးကထာ်ဒ့ဒီၣ်ဓီမၤအန့ၤဒဳၣ်, စကဘဲာ် ပ့ၢ်ဖးကၱာ် စတဆီထဳးအီးကဲာ်ထာ်မဲၤနီး. စထံစက့ၤ ကကူဓူၤ တပွဲး.
27“ပၠၤတလ့ၤနံၢ်ကဲာ်ထာ်မဲၤအခဳးဘါ အါဓဳၤတပွဲၤအၡံၣ် ကၱာ်အါဝူၢ်အါသဖျဲးစဲာ်နီး. မၱာ်စဘဲာ်စဳဘဲာ်ကၠၱၢ်အူဆူးလၢ်ဝၤ ဝှါခၣ်လဲး ကအါဝူၢ်နံၤဇၤ ကီ.
28“ယဒီဆးသံအတၱၢ်အမှး, ပၠၤတစီာ် အတဲၤခီၣ်ဝဲၤကၱာ်စတဲၤယၱၢ်ဘဲာ်ထာ်ဒ့ဒီၣ်ကဘၱာ်စဲာ် ကဘဲာ်တဲၤဘးလှိလဳတပွဲး. 29ပရၤဆါပၠၤ အဒီၣ်ကဲဒီၣ်အိးကဲၤသးစါထံတစီာ်နဳၤ, တနံၤဘဲာ် ဇၤတဲၤ ခီၣ်ဝဲၤအတဲၤဘါပျဲးနီး. မၤနဲၢ်, စတဲၤကမဲာ် နဳၤအလၤထူလၤပျဳၤလီၤ.” 30မၤနဲၢ်, ပၠၤတစီာ် ဒီၣ်ကဲၤစဲာ်, “တဲၤၡံးတဲၤနှဲးအစၱးပိးအီၣ်စဟၱး ကျဲ.”
ယ့ၣ်ရှူးအမဳၤကၱာ်အသဲပူၤဝ့ၤတစီာ်
(မး ၁၂:၄၆-၅၀, လူၤ ၈:၁၉-၂၁)
31ယ့ၣ်ရှူးအမဳၤကၱာ်အသဲပူၤသဲဝ့ၤတစီာ် လ့ၤကၱာ် ဆီထဳး အီၣ်ကဲၤဒဳအချဳနဳၤ, နှးကဲၤပၠၤကလ့ၤ ယဳၤနံၤစဲာ်လၢ်ဝၤ. 32ဘ့နဳၤ ပၠၤအပဳၤအဟီး ဆးနါခွဲဘးကဲၤစဲာ်ဒဳၣ်, စဒီၣ်လၢ်ဝၤ, “စာ်ပီၢ်, နမဳၤ ကၱာ် နသဲပူၤသဲပူၤဝ့ၤတစီာ်အီၣ်ဒဳအချဳနဳၤကၱာ်စဝၢ် စါလှဲးနဲၤ.”
33ယ့ၣ်ရှူးဒီၣ်က့ၤစဲာ်တစီာ်အလံၢ်, “ယမဳၤကၱာ်ယသဲပူၤဝ့ၤ တစီာ်မၱာ်ပီၢ်ပွဲၤ.”
34စစာ်ဝဲၢ်ဝှါပၠၤအပဳၤအဟီးအဝ့ၤခွဲဘးစဲာ် တစီာ်ဒဳၣ်, စဒီၣ်, “စာ်ပီၢ်, ယမဳၤကၱာ်ယသဲပူၤသဲဝ့ၤ တစီာ်ယဳၤ. 35ကယါပၠၤအမဲၤ ကိာ်ကဘၱာ်စဲာ် အတဲၤသးအဲးနံၤအကါတပွဲၤနဳၤ, စမၱာ်တပွဲး ယသဲပူၤ ဝ့ၤ ကၱာ်ယမဳၤလီၤ.”
ទើបបានជ្រើសរើសហើយ៖
မၢ်ကူး 3: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
မၢ်ကူး 3
3
ပၠၤအစူးခီးသံတခီဘဲာ်တပွဲၤ
(မး ၁၂:၉-၁၄, လူၤ ၆:၆-၁၁)
1ကၱာ်ဒီယ့ၣ်ရှူးလ့ၤနံၢ်ဒဳဘူၣ်ဘျီၣ် အပူၤ တပျာ်ပ့ၤ. ကၱာ်ပၠၤ အစူးခီး သံတခီတပွဲၤအီၣ်ကဲၤဒဳ နဳၤ. 2ကၱာ်စဲာ်တစီာ် စာ်အံာ် ယ့ၣ်ရှူး, ဘ့ာ်မ့ စကမဲၤမှးက့ၤပၠၤ ဘ့မူၤနံၤဆီးဒဲနဳၤဒဳၣ် စကဖၱးပီၢ်တဲၤ ကမဲးစခဳးနဳၤ. 3ယ့ၣ်ရှူး ဒီၣ်ကဲၤပၠၤ အစူးသံ တခီတပွဲၤ, “ဆီ ထဳးအီၣ်ဒဳအသကျါမဲဗူယဳၤ.”
4မဲၤဝှါ စဒဲကဲၤပၠၤတစီာ်, “မူၤနံၤဆီးဒဲနဳၤ အမီၤမဲၤမၱာ်ကမဲၤ တဲၤအအဲးဧါ, မၱာ်တဲၤကၱကဲာ်ဧါ. မဲၤလှိတဲၤအသးဧါ, မဲၤသံမဲၤလှဲမဲၢ် တဲၤ ဧါ.”
ပရၤဆါစဲာ်တစီာ်အီၣ်ဇီၤလီၤတပွဲးလီၤ. 5စစာ်ခွဲဘးဝှါပၠၤကၱာ် တဲၤသဲးထဲးဒဳၣ်စအဳးသးကဲၤ ဒဳပၠၤတစီာ်အသးအကၢ်ဓူခံးအခဳးအစဲ, စဒီၣ်ကဲၤပၠၤ အစူးသံတပွဲၤ, “တဒါထာ်နစူးခီး.” စတဒါထာ် စစူးခီးကၱာ်အအဲးက့ၤတနၢ်လီၤ. 6ဖၤရံၤၡဲဖဳး တစီာ်ဟဲးထာ်တနၢ် အချဳကၱာ်ဒီ ဆးအံာ်ကဲၤ ဟ့ၤရိာ်အပၠၤတစီာ် စာ်ဘိထဲၢ်စကမဲၤကဲဘဲာ်ယ့ၣ်ရှူး စာ် တဲၢ်စာ်တဲၢ်နဳၤ.
ပၠၤအပဳၤအဟီးလိၤကိာ်ယ့ၣ်ရှူးအလ့ၤ
7ယ့ၣ်ရှူးကၱာ်စခၱစပွဲၤတစီာ် က့ၤဘးကဲၤ ဒဳပဲာ်လဲာ်ဝ့ၤတခီ, ကၱာ်ပၠၤအပဳၤအဟီး အအီၣ်ဒဳကၤ လံၤလဲအက့ၤ, ယူဒၤက့ၤ, 8ကၱာ်ယရူၤၡလ့ၣ် အူးအပူၤတစီာ်, အဒိၣ်က့ၤကၱာ်ယၢ်ဒ့ၣ်လီၢ်ဓဳၤဝ့ၢ်တခီ လိၤကိာ်ကဲၤစလ့ၤ. ကၱာ်ပၠၤအအီၣ်ဒဳစိၢ်ကၱာ်စံဒိၣ်အူး တစီာ်သၱာ်ဟဲဘဲာ် ယ့ၣ်ရှူးအတဲးဖၱးတဲၤမဲၤတစီာ်ဒဳၣ် စလ့ၤထၱးကဲၤလၢ်ဝၤ. 9ယ့ၣ်ရှူးမှဲးလၤကဲၤ စပျဲၢ်စဘီၣ်တစီာ်ကအီၣ်အံာ်တီၤလီၤချံတခဳး, မၤနဲၢ်, ပၠၤ အပဳၤအဟီးအီၣ်အဲးအခဳးအစဲစဘဲာ်ၡဳကၱာ်စကဆးသနၱးလၢ်ဝၤ. 10ယ့ၣ်ရှူးမဲၤမှးက့ၤပၠၤ အီၣ် အဲးအီးအီးအခဳးအစဲ အတမှးနီးတစီာ် သး အဲးတီးဘဲာ် တပွဲးစဲာ်. 11တဲၤၡံးတဲၤနှဲးအတစါနီးတစီာ် စာ်ထၱး ကဲၤစဲာ်ဒဳၣ် ကီၢ်လၤဘၱးတဒဲးစလှီမီၢ်ကၱာ် ကဲာ်ဧဳၤထာ်, “နမၱာ်ကဘၱာ်စဲာ် အဖဳး.”
12ယ့ၣ်ရှူးမှဲးလၤဒၱာ်ဒါတပွဲးစဲာ်တစီာ်စာ်ဘိ ထဲၢ်စကတဟဲး ဒီၣ်အံာ်ပီၢ်ထဲၢ်ယ့ၣ်ရှူးမၱာ်ပီၢ်ပွဲၤနဳၤ.
တဲၤရိၤထာ်အပျဲၢ်အဘီၣ်ၡံးကၠံၢ်ပွဲၤ
(မး ၁၀:၁-၄, လူၤ ၆:၁၂-၁၆)
13ယ့ၣ်ရှူးထာ်ဝှါခီးလီခဳးဒဳၣ်စယဳၤလၤ တ့ၢ်ပျဳာ်ပၠၤထဲၢ်စရိၤ ထာ်ကဲၤတစီာ်နဳၤ. 14စရိၤ ထာ်အပျဲၢ်အဘီၣ်ၡံးကၠံၢ်ပွဲၤ စာ်ဘိအကအီၣ်ကိာ်စကါ, ကၱာ် စကသဓဳလ့ၤပီၢ်လၢ်ဝၤတစီာ်အကဟဲးဒီၣ်အူ ဒီ ဆး တဲၤနဳၤ. 15စအံာ်လၤကဲၤလၢ်ဝၤအဖျူအသရ့ာ် ကၱာ်အကနှး ဟဲးထာ်ကဲတဲၤၡံးတဲၤနှဲးတစီာ်နဳၤ.
16ပၠၤအယဳၤတစီာ်မၱာ်စီၤၡံမိၣ်, ထဲၢ်စထါ က့ၤလၢ်ဝၤအမံၤ စီၤပ့းတရူး, 17စီၤစ့းဘ့းဒဲ အဖဳးခဳ စီၤယၤကိာ်, စီၤယၤကိာ်အပၱး ကီစီၤယိၤဟၣ်, ထဲၢ်စထါက့ၤလၢ်ဝၤအမံၤဘအၤန့ၢ်က့း, အထာ်ပဳၤ ထာ် ဘါမၱာ် “လှါဖဳး,” 18စီၤအၣ်ဒရ့း, စီၤဖံလံးပူး, ကၱာ်စီၤဘၢ်သလီး မဲ, စီၤမးသဲ, စီၤသိၤမါ, စီၤအၤလဖဲအဖဳးစီၤယၤကိာ်, စီၤသးဒဲ, ပၠၤကနၤ နံဖဳး စီၤၡံမိၣ်, 19ကၱာ်စီၤယူဒၤအံၣ်စကၤရံၤအိာ် ထဲၢ်အဟိလါ ကဲၤစဲာ်တပွဲၤနဳၤ.
ယ့ၣ်ရှူးကၱာ်ဘၤဧၤလစဘူး
(မး ၁၂:၂၂-၃၂, လူၤ ၁၁:၁၄-၂၃, ၁၂:၁၀)
20မဲၤဝှါယ့ၣ်ရှူးလ့ၤကဲၤဒဳၡံၣ်တဝၤဒဳၣ် ပၠၤအပဳၤအဟီးလၤ တ့ၢ်ပျဳာ်ဒီ တပျာ်ပ့ၤ ထိကၱာ်ထဲၢ် အပျဲၢ်အဘီာ်တစီာ်တအၣ်တအီချူး ကဲၤနီးနဳၤ. 21ဘ့ခွံခီတစီာ်သၱာ်ဟဲဘဲာ်တဲၤအယဳၤဒဳၣ်, လ့ၤအီၣ် ကိာ်ကဲၤယ့ၣ်ရှူးအကါ, မၤနဲၢ်ပၠၤဒီၣ်ကဲၤစဲာ်, “စပျူၤထဳ” အခဳးအစဲနဳၤ.
22ကၱာ်အဝှ့းစဲာ်ထဲၢ်အအီၣ်ဒဳယရူၤၡလ့ၣ် အူးကၱာ်အလၤတစီာ်ဒီၣ်, “တဲၤၡံးတဲၤနှဲးဘၤဧၤလစဘူးအီၣ်စဟၱးကျဲ.” ကၱာ် “စနှးဟဲး ထာ်ဖျီးမံတဲၤၡံး တဲၤနှဲးဒဳတဲၤၡံးတဲၤနှဲးအဆးဖြးအမံၤအပူၤနဳၤ.”
23စယဳၤလၤတ့ၢ်ပျဳာ်ဝှါလၢ်ဝၤတစီာ်ဒဳၣ်, စဒီဆးကဲၤလၢ်ဝၤ တစီာ်တဲၤကလဲၤတဓဲ, “မဳၤဒဲးလၱး ကနှးဟဲးဖျီးမံဇၤမဳၤဒဲးလၱးစာ်တဲၢ်. 24ထံက့ၤ တက့ၤကပ့ၢ်ဖးမၤအန့ၤဒဳၣ်, အကအီၣ်မှ့းကျဳၤကဲာ်ထာ် ဒီ စာ်တဲၢ်. 25ၡံၣ်တဝၤအပူၤလီၤ, တဲၤပ့ၢ်ဖး ကအီၣ်မၤဒဳၣ်, အတအီၣ်မှ့းကျဳၤကဲာ်ထာ်မဲၤနီး. 26မဳၤဒဲးလၱးကထာ်ဒ့ဒီၣ်ဓီမၤအန့ၤဒဳၣ်, စကဘဲာ် ပ့ၢ်ဖးကၱာ် စတဆီထဳးအီးကဲာ်ထာ်မဲၤနီး. စထံစက့ၤ ကကူဓူၤ တပွဲး.
27“ပၠၤတလ့ၤနံၢ်ကဲာ်ထာ်မဲၤအခဳးဘါ အါဓဳၤတပွဲၤအၡံၣ် ကၱာ်အါဝူၢ်အါသဖျဲးစဲာ်နီး. မၱာ်စဘဲာ်စဳဘဲာ်ကၠၱၢ်အူဆူးလၢ်ဝၤ ဝှါခၣ်လဲး ကအါဝူၢ်နံၤဇၤ ကီ.
28“ယဒီဆးသံအတၱၢ်အမှး, ပၠၤတစီာ် အတဲၤခီၣ်ဝဲၤကၱာ်စတဲၤယၱၢ်ဘဲာ်ထာ်ဒ့ဒီၣ်ကဘၱာ်စဲာ် ကဘဲာ်တဲၤဘးလှိလဳတပွဲး. 29ပရၤဆါပၠၤ အဒီၣ်ကဲဒီၣ်အိးကဲၤသးစါထံတစီာ်နဳၤ, တနံၤဘဲာ် ဇၤတဲၤ ခီၣ်ဝဲၤအတဲၤဘါပျဲးနီး. မၤနဲၢ်, စတဲၤကမဲာ် နဳၤအလၤထူလၤပျဳၤလီၤ.” 30မၤနဲၢ်, ပၠၤတစီာ် ဒီၣ်ကဲၤစဲာ်, “တဲၤၡံးတဲၤနှဲးအစၱးပိးအီၣ်စဟၱး ကျဲ.”
ယ့ၣ်ရှူးအမဳၤကၱာ်အသဲပူၤဝ့ၤတစီာ်
(မး ၁၂:၄၆-၅၀, လူၤ ၈:၁၉-၂၁)
31ယ့ၣ်ရှူးအမဳၤကၱာ်အသဲပူၤသဲဝ့ၤတစီာ် လ့ၤကၱာ် ဆီထဳး အီၣ်ကဲၤဒဳအချဳနဳၤ, နှးကဲၤပၠၤကလ့ၤ ယဳၤနံၤစဲာ်လၢ်ဝၤ. 32ဘ့နဳၤ ပၠၤအပဳၤအဟီး ဆးနါခွဲဘးကဲၤစဲာ်ဒဳၣ်, စဒီၣ်လၢ်ဝၤ, “စာ်ပီၢ်, နမဳၤ ကၱာ် နသဲပူၤသဲပူၤဝ့ၤတစီာ်အီၣ်ဒဳအချဳနဳၤကၱာ်စဝၢ် စါလှဲးနဲၤ.”
33ယ့ၣ်ရှူးဒီၣ်က့ၤစဲာ်တစီာ်အလံၢ်, “ယမဳၤကၱာ်ယသဲပူၤဝ့ၤ တစီာ်မၱာ်ပီၢ်ပွဲၤ.”
34စစာ်ဝဲၢ်ဝှါပၠၤအပဳၤအဟီးအဝ့ၤခွဲဘးစဲာ် တစီာ်ဒဳၣ်, စဒီၣ်, “စာ်ပီၢ်, ယမဳၤကၱာ်ယသဲပူၤသဲဝ့ၤ တစီာ်ယဳၤ. 35ကယါပၠၤအမဲၤ ကိာ်ကဘၱာ်စဲာ် အတဲၤသးအဲးနံၤအကါတပွဲၤနဳၤ, စမၱာ်တပွဲး ယသဲပူၤ ဝ့ၤ ကၱာ်ယမဳၤလီၤ.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.