လူၤကၣ် 6
6
တဲၤဒဲအဘဲာ်ကၠးမူၤနံၤဆီးဒဲ
(မး ၁၂:၁-၈, မၢ် ၂:၂၃-၂၈)
1ဘ့မူၤနံၤဆီးဒဲနဳၤ ယ့ၣ်ရှူးဟဲးကိာ် ကျဲး ဒဳဘူၣ်အမူၤတစီာ် အကျဲ ကၱာ်စပျဲၢ် စဘီၣ်တစီာ် ဖွ့းဘူၣ်ဇဲၤလဲၢ်ကၱာ်ထၱးထိဝှါဒဳစစူးဝၱသးပူၤ ကၱာ်အၣ် ကဲၤဟူအဖျဳး. 2ဖၤရံၤၡဲဖဳးတစီာ်ဒီၣ်စဲာ်, “သံ မဲၤမၤတဲၤ ထဲၢ်တဲၤမှဲးလၤဒၱာ်ဒါအီၣ် အတမီၤမဲၤဒဳမူၤနံၤ ဆီးဒဲနီးနဳၤနဲၢ်.”
3ယ့ၣ်ရှူးဒီၣ်ၡံက့ၤစဲာ်တစီာ်, “သံတဖး ဘဲာ်ထဲၢ်စီၤဒၤဝံးမဲၤ ကဲၤစာ်တဲၢ်ဘ့စသးဝံာ်နဳၤနီးဧါ. 4စလ့ၤနံၢ်ကဘၱာ်စဲာ်အရှံၣ်ပူၤ, ဖၱးကၱာ်အၣ်, အံာ်ကိာ်ကဲၤစပၠၤအအီၣ်ကိာ်စကါတစီာ်နဳၤ, အၣ်တဲၤလှူၣ်အတကဳာ်ထဲၢ်အအၣ်ဘဲာ် မၱာ်ပၠၤလှူၣ်တဲၤအဓဳၤတစီာ်လီၤနဳၤနီးဧါ.”
5မဲၤဝှါစဒီၣ်လၢ်ဝၤ, “ပၠၤအဖဳးမၱာ်မူၤနံၤ ဆီးဒဲအဘၱာ်စဲာ်လီၤ.”
ပၠၤအစူးသံဝံၤတခီတပွဲၤ
(မး ၁၂:၉-၁၄, မၢ် ၃:၁-၆)
6ဘ့မူၤနံၤဆီးဒဲနဳၤ, ယ့ၣ်ရှူးလ့ၤနံၢ် ကဲၤ ဒဳဘူၣ်ဘျီၣ်အပူၤ ကၱာ်သိၣ်အံာ်သီအံာ်ကဲၤပၠၤ. ဒဳနဳၤပၠၤအစူးတထွဲးတခီသံဝံၤအီၣ်ကဲၤတပွဲၤ. 7အသၱာ်ယူဒၤအတဲၤသိၣ်တဲၤသီ ကၱာ်ဖၤရံၤၡဲဖဳးတစီာ် စာ်ဟူၣ် အံာ်ကဲၤစာ်ဘိ ထဲၢ်စကဆးယီၤကီယ့ၣ်ရှူး ထဲၢ်စကမဲၤမှးက့ၤ ပၠၤဘ့မူၤ နံၤဆီးဒဲနဳၤဧါ, နီးဧါ. 8ပရၤဆါစသၱာ်ဟဲလၢ်ဝၤတစီာ်အတဲၤကမဳၤ ဒဳၣ်, စဒီၣ်ကဲၤပၠၤအစူးသံဝံၤတပွဲၤကယဳၤ, “ဝဲၢ်ထဳးကၱာ် ဆီထဳးအီၣ်ပီၢ်ဒဳ အသကျါမဲဗူယဳၤ.” 9အနဳၤတပွဲၤဝဲၢ်ထဳးကၱာ်ဆီထဳးအီၣ်တပွဲး. ယ့ၣ်ရှူးဒဲကဲၤစဲာ်တစီာ်, “ယဒဲစာ်သံ, မူၤနံၤဆီးဒဲ နဳၤ ကမဲၤဇၤတပွဲးတဲၤ အအဲးဧါ, တဲၤအကၱကဲာ်ဧါ. ကမဲၤ လှိထာ်က့ၤတဲၤသးသမိဧါ, မၱာ်ကမဲၤကဲမဲၤအိးစဲာ်ဧါ.” 10စစာ်ခွဲဘးဝှါပၠၤ, စဒီၣ်ကဲၤအနဳၤတပွဲၤကယဳၤ, “ဝ့ၤ ထာ်ပီၢ်နစူးခီး.” စဝ့ၤထာ်စစူးခီးကၱာ်အအဲးဇဲၤနဲၤ က့ၤကဲၤ.
11ပရၤဆါစဲာ်တစီာ်အီၣ်ပ့ထာ်ကၱာ် တဲၤ သဲးထဲးကၱာ်စလၤ ထိးစာ်ဒဲစာ်လှဲးလၢ်ဝၤ ထဲၢ်စကမဲၤ ဘဲာ်ယ့ၣ်ရှူးစာ်တဲၢ်နဳၤ.
ယ့ၣ်ရှူးရိၤထာ်အပျဲၢ်အဘီၣ်ၡံးကၠံၢ်ပွဲၤ
(မး ၁၀:၁-၄, မၢ် ၃:၁၃-၁၉)
12ဘ့နဳၤယ့ၣ်ရှူးထာ်သဘဲကဲၤဒဳခီးလီ ခဳးနဳၤကၱာ်စသဘဲထာ် ကဲၤကဘၱာ်စဲာ်သဒဲနဲၤအဓၢ်ပူၤ. 13ဘ့တဲၤလှၱထာ်နဳၤစယဳၤလၤတ့ၢ် ပျဳာ်ကဲၤ စပျဲၢ်စဘီၣ် တစီာ်ကၱာ်ဒီ စဲာ်တစီာ်အကျဲနဳၤ, စရိၤလှဲးကဲၤၡံး ကၠံၢ်ပွဲၤ (ထဲၢ်စယဳၤ ကဲၤပွဲၤအပျဲၢ်အဘီၣ်တစီာ်နဳၤ), 14စီၤၡံမိၣ်, စထါကဲၤအမံၤစီၤပ့းတရူးကၱာ် စမဲၢ် စီၤအၣ်ဒရ့း, စီၤယၤကိာ်ကၱာ်စီၤယိၤ ဟၣ်, စီၤဖံလံးပူး ကၱာ် စီၤဘၢ်သလီးမဲ, 15စီၤမးသဲကၱာ် စီၤသိၤ မါ, စီၤယၤကိာ် (စီၤအၤလဖဲအဖဳး) ကၱာ် စီၤၡံမိၣ် (ထဲၢ်ပၠၤယဳၤ စ့ၤလိၣ် ဖဳးတပွဲၤ) နဳၤ, 16စီၤယူဒၤ ထဲၢ်စီၤယၤကိာ်အပၱးကီ, ကၱာ်စီၤယူဒၤ အံၣ်စကၤ ရံၤအိာ်ထဲၢ်အဝှိလါကဲၤစဲာ်တပွဲၤနဳၤ.
တဲၤဒီထိးဒဳခီးလီခဳး
(မး ၄:၂၃-၂၅)
17ယ့ၣ်ရှူးက့ၤလၤပျဳာ်ဝှါစဲာ်တစီာ်ဒဳ ခီးလီကါ, စဆီထဳးအီၣ် ကဲၤဒဳအဒိခဳးတကျးဝးနဳၤ ဒဳၣ်, စပျဲၢ်စဘီၣ်တစီာ်ကၱာ်ပၠၤအပဳၤအဟီးအအီၣ်ဒဳယူဒၤ က့ၤ, ယရူၤၡလ့ၣ်အူး, ကၱာ်ဒီ စိၢ်ကၱာ်စံဒိၣ်, 18ကၱာ် ပဲာ်လဲာ်ဝ့ၤတစီာ်အီၣ်ခွဲဘးစဲာ်, စာ်ဘိထဲၢ်စကဆီး ခ့န့းပီၢ်လၢ်ဝၤအတဲၤ ဒီထိးကၱာ်အကနံၤဘဲာ်ပီၢ်စတဲၤမဲၤမှးက့ၤနဳၤ. ပၠၤထဲၢ်တဲၤၡံးတဲၤနှဲးမဲၤ ဒၱာ် ဒါတစီာ် လ့ၤထၱးကိာ်ကိာ်စဲာ်ဒဳၣ် မှးက့ၤကဲၤကဲၤ. 19ပၠၤအပဳၤအဟီးသးအဲးတီးဘဲာ်စဲာ်, မၤနဲၢ်ကဒီၣ်ဓဳၤဒဳၣ်, တဲၤစိတဲၤသလဲဟဲးထာ်ဒဳ စအီၣ်ကၱာ်စမဲၤမှးက့ၤလဳပၠၤ အခဳးအစဲနဳၤ.
တဲၤဟိးဝၱၤကၱာ်တဲၤဝှိးဒါ
(မး ၅:၁-၁၂)
20ယ့ၣ်ရှူးစာ်ဝှါအပျဲၢ်အဘီၣ်တစီာ် ကၱာ်စဒီၣ်,
“အဘဲာ်ဟိးဝၱၤမၱာ်သံအဆဲးညဲဖဳးတစီာ်,
မၤနဲၢ်ဒဳၣ်, ကဘၱာ်စဲာ်အထံအက့ၤမၱာ်သံအဲ,
21ဘဲာ်ဟိးဝၱၤမၱာ်သံအသးဝံာ်သးအီ ခဳနူၤယဳၤတစီာ်,
မၤနဲၢ်ဒဳၣ်, သံကအၣ်ဆိအၣ်ဆိအီဘဲာ်ကီ.
အဘဲာ်ဟိးဝၱၤမၱာ်သံအယဳၤအဟး ခဳနူၤယဳၤတစီာ်,
မၤနဲၢ်ဒဳၣ်သံကယဲၢ်ဘဲာ်ကီ.
22“အဘဲာ်ဟိးဝၱၤမၱာ်သံထဲၢ်ပၠၤတဝဲၢ် တဆဲနီး, ပၠၤလဲၢ်တၤ ကဲ, ဟိးဟီ, ဒီၣ်ကဲဒီၣ်အိးသံ ဒဳပၠၤအဖဳးအခဳးအစဲနဳၤ. 23ဒဳမူၤနံၤ အနဳၤတနံၤ နဳၤ သးကနၢ်အံာ်ကၱာ်သဳးလဳၢ်သးလၤအံာ်ပီၢ်, မၤနဲၢ်ဒဳၣ် သံ ဆိးသံလှဲမၱာ်အဓဳၤဒဳမီၢ်ခဳးနဳၤ. စဖံစဖူတစီာ်မဲၤထဳကဲၤဝံတစီာ်ကနဳၤ လီၤလီၤ.
24တဲၤပၤကလၤဘဲာ်ကီသံပွ့းတဲၢ်လီၤ, သံအနံၤအီယီၤ အၣ်ခဳနူၤယဳၤတစီာ်.
မၤနဲၢ်, ခဳနူၤယဳၤသံအီၣ်ဘဲာ်မီၤအီၣ်ဘဲာ်မၤတပွဲး.
25တဲၤပၤကလၤဘဲာ်ကီသံပွ့းတဲၢ်လီၤ, သံအအီဘဲာ်ကဳး အၣ်ဘဲာ်ကဳးခဳနူၤယဳၤတစီာ်.
မၤနဲၢ်ဒဳၣ်သံကသးဝံာ်သးအီကီ.
တဲၤပၤကလၤဘဲာ်ကီသံပွ့းတဲၢ်လီၤ, သံအယဲၢ်ခဳနူၤယဳၤတစီာ်,
မၤနဲၢ်ဒဳၣ်, သံကကအဳကယၢ် ကၱာ်ကယဳၤကဟးဘဲာ်ကီ.
26“တဲၤပၤကလၤဘဲာ်ကီသံပွ့းတဲၢ်လီၤ, သံထဲၢ်ပၠၤထါအံာ် ကီးအံာ် ခဳနူၤယဳၤတစီာ်. မၤနဲၢ်ဒဳၣ် စဖံစဖူတစီာ် မဲၤကဲၤဝံအပျဲး တစီာ် ကနဳၤလီၤလီၤ.
တဲၤဘဲာ်လီၢ်ဒ့ဒီၣ်ရီၢ်ခဲး
(မး ၅:၃၈-၄၈, ၇:၁၂က)
27“ပရၤဆါယဒီဆးသံထဲၢ်အဆီးခ့န့း ယဲၤတစီာ်ယဳၤ, ဘဲာ် လီၢ်ပီၢ်သံဒ့ဒီၣ်ရီၢ်ခဲး. မဲၤပီၢ် အတဝဲၢ်တဆဲသံနီးတစီာ်တဲၤအအဲးလီၤ. 28ဟိးဝၱၤပီၢ်ပၠၤအဝှိးကၱကဲာ်သံတစီာ်နဳၤ, ကၱာ်သဘဲ ထာ်ပီၢ်ပၠၤ အမဲၤယူၢ်လၤကါကဲးသံတစီာ်အနံၤခံ. 29ပၠၤကဒဲးသံနၱၤထၱးတခီ ဒဳၣ်ဒးဘးနံၤဒီစဲာ်အလ့ၤဝ့ၤ တခီ, ပၠၤကဖၱးသံဝံၢ်သံၡံာ်ဒဳအချဳဒဳၣ်, သံရှံာ်ဒဳ အပူၤမၱာ် မၱာ် အံာ်ဒီၣ်ပီၢ်စဲာ်စဲာ်. 30ပၠၤကတၤသံတဲၤတမံၤ မံၤဒဳၣ် အံာ်ပီၢ်စဲာ်, ပၠၤကဖၱးသံဝံၢ်သံတဲၤတမဳၤမဳၤဒဳၣ် တၤက့ၤပီၢ်မဲးစဲာ်မဲး. 31မဲၤပီၢ်ပၠၤအစာ်ဘိ သံသးအဲးနံၤပၠၤမဲၤသံအသရ့နဳၤ.
32“သံကဘဲာ်လီၢ်မၤထ့ပၠၤ အဘဲာ်လီၢ်သံတစီာ်လီၤဒဳၣ်, အချဳထာ်မၤမ့ၤမၱာ် ပီၢ်တၤနဲၢ်. မၤနဲၢ်ဒဳၣ်တဲၤခီၣ်ဝဲၤဖဳးတစီာ်မၱာ်မၱာ် ဘဲာ်လီၢ် ပၠၤထဲၢ်အဘဲာ်လီၢ်စဲာ်လီၤလီၤ. 33သံမၱာ်မဲၤနံၤတဲၤအအဲး ထ့ပၠၤ ထဲၢ်အမဲၤနံၤသံတဲၤအအဲးတစီာ်လီၤဒဳၣ်, သံကနံၤဘဲာ်ဇၤဒီတဲၤဟိး ဝၱၤ စာ်တဲၢ်. မၤနဲၢ်, တဲၤခီၣ်ဝဲၤဖဳးတစီာ်မၱာ်မၱာ်မဲၤတပွဲးဝ့ၤကနဳၤ. 34ဒဳ တဲၤသးနံၤက့ၤအလံၢ်အပွၱၤအခဳးအစဲ သံကအံာ်ဖၱးအံာ်လီၤမၤပၠၤဒဳၣ်, သံ နံၤခံ အချဳထာ်မၤ မ့ၤကမၱာ်ပီၢ်တၤ နဲၤ. မၤနဲၢ်ဒဳၣ် တဲၤခီၣ်ဝဲၤဖဳးတစီာ်မဲၤ သဲကနဳၤလီၤနၱၢ်. တဲၤခီၣ်ဝဲၤဖဳးတစီာ်နှီနူၤ အံာ်ဖၱးအံာ်လီၤဝ့ၤ တဲၤခီၣ်ဝဲၤဖဳး အလဝ့ၤတစီာ်နဳၤ စာ်ဘိထဲၢ် စကနံၤက့ၤပီၢ် ပွ့စအံာ်ကဲၤနဳၤ. 35ဘဲာ်လီၢ်ပီၢ်သံဒ့ဒီၣ်ရီၢ်ခဲးကၱာ်မဲၤစဲာ်တစီာ်တဲၤအဲး တဲၤအီ, အံာ်လီၤအံာ်ဖၱး ပီၢ်, ပရၤဆါကမဳၤအံာ်မဲး အလံၢ်အပွၱၤမဲး. သံကနံၤဘဲာ်ကီအဆိးအလှဲ အဓဳၤ အမူၤ, ကၱာ်သံကမၱာ်ကီဘၱာ်စဲာ်အထာ်ယၱၤ ကဓူၤ အဖဳးအလံၤ. မၤ နဲၢ်ဒဳၣ်စမၱာ်အခီၣ်ဝဲၤမှီးဘဲာ် အတသၱာ် ဟဲတဲၤလှူၣ်တဲၤတါနီး ကၱာ်အကၱ ကဲာ်မဲၤလှီတစီာ်နဳၤ. 36ခီၣ်ဝဲၤမှီးဘဲာ်ပီၢ်တဲၤအစာ် ဘိသံပာ်ခီၣ်ဝဲၤ မှီးဘဲာ်တဲၤအခီနဳၤ.
တဲၤစံးရးဖးမ့ၤပၠၤ
(မး ၇:၁-၅)
37“စံးရးဖးမ့ၤမဲးတဲၤမဲး, သံကတဘဲာ်ကီ တဲၤစးရးဖးမ့ၤနီး. စံးရးသံမဲးပၠၤမဲး, သံကတဘဲာ်ကီတဲၤစံးရးသံ သံနီး. ဘါပျဲးပီၢ်ပၠၤအတဲၤကမဲာ်. ကၱာ်သံ တဲၤကမဲာ်ကဘဲာ်ဘါပျဲးကီ. 38အံာ်ပီၢ်ပၠၤတဲၤ ကၱာ်တဲၤကအံာ်ကီသံ. တီးနံၢ်, ဆးနံၢ်, ထဳးတယံၢ်နံၢ် လၤပျၱၤလၤပျိၤပီၢ်. အစာ်ဘိသံကိၤသံထဲစာ်တဲၤ အသရ့တဲၤကကိၤကထဲက့ၤကီသံ.”
39ကၱာ်စဒီဆးကဲၤလၢ်ဝၤတစီာ်တဲၤကလဲၤ တဓဲ, “အကၢ်ဓူ ခံးဟဲးအံာ်ဟူဇၤပီၢ်အကၢ်ဓူခံး ကျဲး ဧါ. ကၠံၢ်ပွဲၤလဳၢ်လဳၢ်တလၤတ့ၢ်နံၢ်မဲၤ ရီၤပူၤနီးဧါ. 40အပျဲၢ်အဘီၣ်တဓဳၤချဳလံအဘၱာ်စဲာ်နီး, ပရၤဆါ အဘဲာ်သဲာ်လှိဝှါတပျာ်နဳၤ, ပီၢ်ဗွဲလီၤယၢ်သိးဇၤတပွဲၤ အဆရၣ်.
41“နတကမဳၤပးနံၤယဲၢ်သါ ဇ့ၤကျ့ၤအအီၣ်နကၢ်ဓူပူၤနီးဒဳၣ်, နစာ်ထၱးမၤတဲၤကနၱးကနိး ဒဳနသဲပူၤဝ့ၤအကၢ်ဓူပူၤနဲၢ်. 42ကၱာ်နကဒီၣ် ဇၤနသဲပူၤဝ့ၤ, ‘သဲပူၤဝ့ၤ, ယကဖၱးထာ်ကဲဒီဧဲၤ တဲၤကနၱးကနိး ဒဳ နကၢ်ဓူပူၤနဳၤ.’ မၱာ် နတစာ်ထၱး မၤဇ့ၤကျ့ၤအအီၣ်နကၢ်ဓူပူၤတဘီနီးနဲၢ်. နဲၤ, ပွဲၤတပီး ခဳး, စွံးထာ်ဖျီးကဲအူဆူးမိၢ်ကိာ်ဇ့ၤကျ့ၤအအီၣ် ဒဳနကၢ်ဓူပူၤ နဳၤ, ကၱာ်နကစာ်ထၱးသအူသအဲးကီ တဲၤ ကနၱးကနိး ဒဳနသဲပူၤဝ့ၤအကၢ်ဓူပူၤ, စာ်ဘိထဲၢ်နကခွဲးထာ်ဖျီးကဲဇၤပီၢ်နဳၤ.
သဳာ်တဘီကၱာ်အသဲာ်
(မး ၇:၁၆-၂၀, ၁၂:၃၃-၃၅)
43“မၤနဲၢ်ဒဳၣ်, သဳာ်အဝၱၤတသဲာ်ထာ်အံာ် ကဲာ်ထာ်အသဲာ် အတဝၱၤနီး, ကၱာ်သဳာ်အတဝၱၤနီး တသဲာ် ထာ်အံာ်ကဲာ်ထာ်အသဲာ်အဝၱၤနီး. 44မၤနဲၢ်ကဒီၣ်ဓဳၤဒဳၣ်, ဝၤသၱာ်ဟဲသဳာ်ကၱာ်အသဲာ်လီၤနဳၤ. မၤနဲၢ် ဒဳၣ်, ပၠၤတဒ့းအၣ် သဳာ်ဓဳၤထံသဲာ်ဒဳတဲၤ ဆူးတဲၤဖၱအလီၤကၱာ်သဳာ်ပၡံး သဲာ်ဒဳဇီၢ်ဇွံၤဇီၢ်ပြဲၢ်အလီၤတခးနီး. 45ပၠၤအဝၱၤတပွဲၤဖၱးထာ်တပွဲးတဲၤ အဝၱၤအအဲးဒဳတဲၤလၱၢ်ဓဳၤပွၱၤသဲထဲၢ်စလဲၢ်က့ၤစသးအဳးပူၤနဳၤ, ကၱာ်ပၠၤအကၱကဲာ်တပွဲၤဖၱးထာ်တပွဲး တဲၤအတအဲးနီးတစီာ်ဒဳစတဲၤလဲၢ် က့ၤအကျဲနဳၤ. မၤနဲၢ်ကဒီၣ်ဓဳၤဒဳၣ်, တဲၤအီၣ်ပ့ထာ်ပၠၤအသးပူၤတစီာ်အကျဲ ပၠၤ လီၤမီၤယၱၢ်ဘဲာ်ဖျီထာ်ကီ.”
အပြးရှံၣ်ကၠံၢ်ပွဲၤ
(မး ၇:၂၄-၂၇)
46သံယဳၤဝှါယဲၤ, “ဘၱာ်စဲာ်, ဘၱာ်စဲာ်” ဒဳၣ်သံတမဲၤကိာ် မၤယတဲၤထူးလၤမှဲးလၤအကါနီးနဲၢ်. 47ကယါပၠၤအလ့ၤထၱးယဲၤ, အဆီးခ့န့းယတဲၤ ယၱၢ်ဘဲာ်ကၱာ်အလိၤကိာ်မဲၤကိာ်အကါတစီာ်နဳၤ, ယကဒဲ လၱၢ်ကီသံစလၤကၱာ်တၤနဲၢ်နဳၤ. 48စမၱာ်ပၠၤထဲၢ် အပြးရှံၣ်တဝၤ, အခူးလၤယီၢ်အကါဒီ အပူၤကၱာ်အဆီးသဳအံာ်အကါဒီကၱာ်လဳၤအလီၤ တပွဲၤနဳၤ. ထံဓဳၤပျၱၤ ဘးကၱာ်ထံလီၢ်ပးပၱးပးပီပျဲဝဲၢ်နီၣ်သီရှံၣ်အလီၤနှီနူၤ, အတကျ့ၤကျၢ်နီး. မၤနဲၢ်ဒဳၣ်, အကါဒီလါဒဳ လဳၤဆီးအခဳး အခဳးအစဲလီၤ. 49ပရၤဆါပၠၤထဲၢ်အဆီးခ့ န့းဝှါယတဲၤယၱၢ်ဘဲာ်ကၱာ် အတမဲၤကိာ် အကါနီးတပွဲၤ နဳၤ, စမၱာ်အစာ်ဘိပၠၤထဲၢ် အပြးရှံၣ်ဒဳဟၣ်ဇ့ၤခဳးကၱာ် ရှံၣ်အကါဒီတအီၣ်နီးတပွဲၤနဳၤ, ထံလီၢ်ဓဳၤပျၱၤဘးကၱာ် အၣ်ဝူၢ်ဒဳၣ်ရှံၣ် က့ၤဖျီးလၤဖြးကဲအိးတပွဲးအဇၱၢ်အဇိၢ်ဒဳး.
ទើបបានជ្រើសរើសហើយ៖
လူၤကၣ် 6: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
လူၤကၣ် 6
6
တဲၤဒဲအဘဲာ်ကၠးမူၤနံၤဆီးဒဲ
(မး ၁၂:၁-၈, မၢ် ၂:၂၃-၂၈)
1ဘ့မူၤနံၤဆီးဒဲနဳၤ ယ့ၣ်ရှူးဟဲးကိာ် ကျဲး ဒဳဘူၣ်အမူၤတစီာ် အကျဲ ကၱာ်စပျဲၢ် စဘီၣ်တစီာ် ဖွ့းဘူၣ်ဇဲၤလဲၢ်ကၱာ်ထၱးထိဝှါဒဳစစူးဝၱသးပူၤ ကၱာ်အၣ် ကဲၤဟူအဖျဳး. 2ဖၤရံၤၡဲဖဳးတစီာ်ဒီၣ်စဲာ်, “သံ မဲၤမၤတဲၤ ထဲၢ်တဲၤမှဲးလၤဒၱာ်ဒါအီၣ် အတမီၤမဲၤဒဳမူၤနံၤ ဆီးဒဲနီးနဳၤနဲၢ်.”
3ယ့ၣ်ရှူးဒီၣ်ၡံက့ၤစဲာ်တစီာ်, “သံတဖး ဘဲာ်ထဲၢ်စီၤဒၤဝံးမဲၤ ကဲၤစာ်တဲၢ်ဘ့စသးဝံာ်နဳၤနီးဧါ. 4စလ့ၤနံၢ်ကဘၱာ်စဲာ်အရှံၣ်ပူၤ, ဖၱးကၱာ်အၣ်, အံာ်ကိာ်ကဲၤစပၠၤအအီၣ်ကိာ်စကါတစီာ်နဳၤ, အၣ်တဲၤလှူၣ်အတကဳာ်ထဲၢ်အအၣ်ဘဲာ် မၱာ်ပၠၤလှူၣ်တဲၤအဓဳၤတစီာ်လီၤနဳၤနီးဧါ.”
5မဲၤဝှါစဒီၣ်လၢ်ဝၤ, “ပၠၤအဖဳးမၱာ်မူၤနံၤ ဆီးဒဲအဘၱာ်စဲာ်လီၤ.”
ပၠၤအစူးသံဝံၤတခီတပွဲၤ
(မး ၁၂:၉-၁၄, မၢ် ၃:၁-၆)
6ဘ့မူၤနံၤဆီးဒဲနဳၤ, ယ့ၣ်ရှူးလ့ၤနံၢ် ကဲၤ ဒဳဘူၣ်ဘျီၣ်အပူၤ ကၱာ်သိၣ်အံာ်သီအံာ်ကဲၤပၠၤ. ဒဳနဳၤပၠၤအစူးတထွဲးတခီသံဝံၤအီၣ်ကဲၤတပွဲၤ. 7အသၱာ်ယူဒၤအတဲၤသိၣ်တဲၤသီ ကၱာ်ဖၤရံၤၡဲဖဳးတစီာ် စာ်ဟူၣ် အံာ်ကဲၤစာ်ဘိ ထဲၢ်စကဆးယီၤကီယ့ၣ်ရှူး ထဲၢ်စကမဲၤမှးက့ၤ ပၠၤဘ့မူၤ နံၤဆီးဒဲနဳၤဧါ, နီးဧါ. 8ပရၤဆါစသၱာ်ဟဲလၢ်ဝၤတစီာ်အတဲၤကမဳၤ ဒဳၣ်, စဒီၣ်ကဲၤပၠၤအစူးသံဝံၤတပွဲၤကယဳၤ, “ဝဲၢ်ထဳးကၱာ် ဆီထဳးအီၣ်ပီၢ်ဒဳ အသကျါမဲဗူယဳၤ.” 9အနဳၤတပွဲၤဝဲၢ်ထဳးကၱာ်ဆီထဳးအီၣ်တပွဲး. ယ့ၣ်ရှူးဒဲကဲၤစဲာ်တစီာ်, “ယဒဲစာ်သံ, မူၤနံၤဆီးဒဲ နဳၤ ကမဲၤဇၤတပွဲးတဲၤ အအဲးဧါ, တဲၤအကၱကဲာ်ဧါ. ကမဲၤ လှိထာ်က့ၤတဲၤသးသမိဧါ, မၱာ်ကမဲၤကဲမဲၤအိးစဲာ်ဧါ.” 10စစာ်ခွဲဘးဝှါပၠၤ, စဒီၣ်ကဲၤအနဳၤတပွဲၤကယဳၤ, “ဝ့ၤ ထာ်ပီၢ်နစူးခီး.” စဝ့ၤထာ်စစူးခီးကၱာ်အအဲးဇဲၤနဲၤ က့ၤကဲၤ.
11ပရၤဆါစဲာ်တစီာ်အီၣ်ပ့ထာ်ကၱာ် တဲၤ သဲးထဲးကၱာ်စလၤ ထိးစာ်ဒဲစာ်လှဲးလၢ်ဝၤ ထဲၢ်စကမဲၤ ဘဲာ်ယ့ၣ်ရှူးစာ်တဲၢ်နဳၤ.
ယ့ၣ်ရှူးရိၤထာ်အပျဲၢ်အဘီၣ်ၡံးကၠံၢ်ပွဲၤ
(မး ၁၀:၁-၄, မၢ် ၃:၁၃-၁၉)
12ဘ့နဳၤယ့ၣ်ရှူးထာ်သဘဲကဲၤဒဳခီးလီ ခဳးနဳၤကၱာ်စသဘဲထာ် ကဲၤကဘၱာ်စဲာ်သဒဲနဲၤအဓၢ်ပူၤ. 13ဘ့တဲၤလှၱထာ်နဳၤစယဳၤလၤတ့ၢ် ပျဳာ်ကဲၤ စပျဲၢ်စဘီၣ် တစီာ်ကၱာ်ဒီ စဲာ်တစီာ်အကျဲနဳၤ, စရိၤလှဲးကဲၤၡံး ကၠံၢ်ပွဲၤ (ထဲၢ်စယဳၤ ကဲၤပွဲၤအပျဲၢ်အဘီၣ်တစီာ်နဳၤ), 14စီၤၡံမိၣ်, စထါကဲၤအမံၤစီၤပ့းတရူးကၱာ် စမဲၢ် စီၤအၣ်ဒရ့း, စီၤယၤကိာ်ကၱာ်စီၤယိၤ ဟၣ်, စီၤဖံလံးပူး ကၱာ် စီၤဘၢ်သလီးမဲ, 15စီၤမးသဲကၱာ် စီၤသိၤ မါ, စီၤယၤကိာ် (စီၤအၤလဖဲအဖဳး) ကၱာ် စီၤၡံမိၣ် (ထဲၢ်ပၠၤယဳၤ စ့ၤလိၣ် ဖဳးတပွဲၤ) နဳၤ, 16စီၤယူဒၤ ထဲၢ်စီၤယၤကိာ်အပၱးကီ, ကၱာ်စီၤယူဒၤ အံၣ်စကၤ ရံၤအိာ်ထဲၢ်အဝှိလါကဲၤစဲာ်တပွဲၤနဳၤ.
တဲၤဒီထိးဒဳခီးလီခဳး
(မး ၄:၂၃-၂၅)
17ယ့ၣ်ရှူးက့ၤလၤပျဳာ်ဝှါစဲာ်တစီာ်ဒဳ ခီးလီကါ, စဆီထဳးအီၣ် ကဲၤဒဳအဒိခဳးတကျးဝးနဳၤ ဒဳၣ်, စပျဲၢ်စဘီၣ်တစီာ်ကၱာ်ပၠၤအပဳၤအဟီးအအီၣ်ဒဳယူဒၤ က့ၤ, ယရူၤၡလ့ၣ်အူး, ကၱာ်ဒီ စိၢ်ကၱာ်စံဒိၣ်, 18ကၱာ် ပဲာ်လဲာ်ဝ့ၤတစီာ်အီၣ်ခွဲဘးစဲာ်, စာ်ဘိထဲၢ်စကဆီး ခ့န့းပီၢ်လၢ်ဝၤအတဲၤ ဒီထိးကၱာ်အကနံၤဘဲာ်ပီၢ်စတဲၤမဲၤမှးက့ၤနဳၤ. ပၠၤထဲၢ်တဲၤၡံးတဲၤနှဲးမဲၤ ဒၱာ် ဒါတစီာ် လ့ၤထၱးကိာ်ကိာ်စဲာ်ဒဳၣ် မှးက့ၤကဲၤကဲၤ. 19ပၠၤအပဳၤအဟီးသးအဲးတီးဘဲာ်စဲာ်, မၤနဲၢ်ကဒီၣ်ဓဳၤဒဳၣ်, တဲၤစိတဲၤသလဲဟဲးထာ်ဒဳ စအီၣ်ကၱာ်စမဲၤမှးက့ၤလဳပၠၤ အခဳးအစဲနဳၤ.
တဲၤဟိးဝၱၤကၱာ်တဲၤဝှိးဒါ
(မး ၅:၁-၁၂)
20ယ့ၣ်ရှူးစာ်ဝှါအပျဲၢ်အဘီၣ်တစီာ် ကၱာ်စဒီၣ်,
“အဘဲာ်ဟိးဝၱၤမၱာ်သံအဆဲးညဲဖဳးတစီာ်,
မၤနဲၢ်ဒဳၣ်, ကဘၱာ်စဲာ်အထံအက့ၤမၱာ်သံအဲ,
21ဘဲာ်ဟိးဝၱၤမၱာ်သံအသးဝံာ်သးအီ ခဳနူၤယဳၤတစီာ်,
မၤနဲၢ်ဒဳၣ်, သံကအၣ်ဆိအၣ်ဆိအီဘဲာ်ကီ.
အဘဲာ်ဟိးဝၱၤမၱာ်သံအယဳၤအဟး ခဳနူၤယဳၤတစီာ်,
မၤနဲၢ်ဒဳၣ်သံကယဲၢ်ဘဲာ်ကီ.
22“အဘဲာ်ဟိးဝၱၤမၱာ်သံထဲၢ်ပၠၤတဝဲၢ် တဆဲနီး, ပၠၤလဲၢ်တၤ ကဲ, ဟိးဟီ, ဒီၣ်ကဲဒီၣ်အိးသံ ဒဳပၠၤအဖဳးအခဳးအစဲနဳၤ. 23ဒဳမူၤနံၤ အနဳၤတနံၤ နဳၤ သးကနၢ်အံာ်ကၱာ်သဳးလဳၢ်သးလၤအံာ်ပီၢ်, မၤနဲၢ်ဒဳၣ် သံ ဆိးသံလှဲမၱာ်အဓဳၤဒဳမီၢ်ခဳးနဳၤ. စဖံစဖူတစီာ်မဲၤထဳကဲၤဝံတစီာ်ကနဳၤ လီၤလီၤ.
24တဲၤပၤကလၤဘဲာ်ကီသံပွ့းတဲၢ်လီၤ, သံအနံၤအီယီၤ အၣ်ခဳနူၤယဳၤတစီာ်.
မၤနဲၢ်, ခဳနူၤယဳၤသံအီၣ်ဘဲာ်မီၤအီၣ်ဘဲာ်မၤတပွဲး.
25တဲၤပၤကလၤဘဲာ်ကီသံပွ့းတဲၢ်လီၤ, သံအအီဘဲာ်ကဳး အၣ်ဘဲာ်ကဳးခဳနူၤယဳၤတစီာ်.
မၤနဲၢ်ဒဳၣ်သံကသးဝံာ်သးအီကီ.
တဲၤပၤကလၤဘဲာ်ကီသံပွ့းတဲၢ်လီၤ, သံအယဲၢ်ခဳနူၤယဳၤတစီာ်,
မၤနဲၢ်ဒဳၣ်, သံကကအဳကယၢ် ကၱာ်ကယဳၤကဟးဘဲာ်ကီ.
26“တဲၤပၤကလၤဘဲာ်ကီသံပွ့းတဲၢ်လီၤ, သံထဲၢ်ပၠၤထါအံာ် ကီးအံာ် ခဳနူၤယဳၤတစီာ်. မၤနဲၢ်ဒဳၣ် စဖံစဖူတစီာ် မဲၤကဲၤဝံအပျဲး တစီာ် ကနဳၤလီၤလီၤ.
တဲၤဘဲာ်လီၢ်ဒ့ဒီၣ်ရီၢ်ခဲး
(မး ၅:၃၈-၄၈, ၇:၁၂က)
27“ပရၤဆါယဒီဆးသံထဲၢ်အဆီးခ့န့း ယဲၤတစီာ်ယဳၤ, ဘဲာ် လီၢ်ပီၢ်သံဒ့ဒီၣ်ရီၢ်ခဲး. မဲၤပီၢ် အတဝဲၢ်တဆဲသံနီးတစီာ်တဲၤအအဲးလီၤ. 28ဟိးဝၱၤပီၢ်ပၠၤအဝှိးကၱကဲာ်သံတစီာ်နဳၤ, ကၱာ်သဘဲ ထာ်ပီၢ်ပၠၤ အမဲၤယူၢ်လၤကါကဲးသံတစီာ်အနံၤခံ. 29ပၠၤကဒဲးသံနၱၤထၱးတခီ ဒဳၣ်ဒးဘးနံၤဒီစဲာ်အလ့ၤဝ့ၤ တခီ, ပၠၤကဖၱးသံဝံၢ်သံၡံာ်ဒဳအချဳဒဳၣ်, သံရှံာ်ဒဳ အပူၤမၱာ် မၱာ် အံာ်ဒီၣ်ပီၢ်စဲာ်စဲာ်. 30ပၠၤကတၤသံတဲၤတမံၤ မံၤဒဳၣ် အံာ်ပီၢ်စဲာ်, ပၠၤကဖၱးသံဝံၢ်သံတဲၤတမဳၤမဳၤဒဳၣ် တၤက့ၤပီၢ်မဲးစဲာ်မဲး. 31မဲၤပီၢ်ပၠၤအစာ်ဘိ သံသးအဲးနံၤပၠၤမဲၤသံအသရ့နဳၤ.
32“သံကဘဲာ်လီၢ်မၤထ့ပၠၤ အဘဲာ်လီၢ်သံတစီာ်လီၤဒဳၣ်, အချဳထာ်မၤမ့ၤမၱာ် ပီၢ်တၤနဲၢ်. မၤနဲၢ်ဒဳၣ်တဲၤခီၣ်ဝဲၤဖဳးတစီာ်မၱာ်မၱာ် ဘဲာ်လီၢ် ပၠၤထဲၢ်အဘဲာ်လီၢ်စဲာ်လီၤလီၤ. 33သံမၱာ်မဲၤနံၤတဲၤအအဲး ထ့ပၠၤ ထဲၢ်အမဲၤနံၤသံတဲၤအအဲးတစီာ်လီၤဒဳၣ်, သံကနံၤဘဲာ်ဇၤဒီတဲၤဟိး ဝၱၤ စာ်တဲၢ်. မၤနဲၢ်, တဲၤခီၣ်ဝဲၤဖဳးတစီာ်မၱာ်မၱာ်မဲၤတပွဲးဝ့ၤကနဳၤ. 34ဒဳ တဲၤသးနံၤက့ၤအလံၢ်အပွၱၤအခဳးအစဲ သံကအံာ်ဖၱးအံာ်လီၤမၤပၠၤဒဳၣ်, သံ နံၤခံ အချဳထာ်မၤ မ့ၤကမၱာ်ပီၢ်တၤ နဲၤ. မၤနဲၢ်ဒဳၣ် တဲၤခီၣ်ဝဲၤဖဳးတစီာ်မဲၤ သဲကနဳၤလီၤနၱၢ်. တဲၤခီၣ်ဝဲၤဖဳးတစီာ်နှီနူၤ အံာ်ဖၱးအံာ်လီၤဝ့ၤ တဲၤခီၣ်ဝဲၤဖဳး အလဝ့ၤတစီာ်နဳၤ စာ်ဘိထဲၢ် စကနံၤက့ၤပီၢ် ပွ့စအံာ်ကဲၤနဳၤ. 35ဘဲာ်လီၢ်ပီၢ်သံဒ့ဒီၣ်ရီၢ်ခဲးကၱာ်မဲၤစဲာ်တစီာ်တဲၤအဲး တဲၤအီ, အံာ်လီၤအံာ်ဖၱး ပီၢ်, ပရၤဆါကမဳၤအံာ်မဲး အလံၢ်အပွၱၤမဲး. သံကနံၤဘဲာ်ကီအဆိးအလှဲ အဓဳၤ အမူၤ, ကၱာ်သံကမၱာ်ကီဘၱာ်စဲာ်အထာ်ယၱၤ ကဓူၤ အဖဳးအလံၤ. မၤ နဲၢ်ဒဳၣ်စမၱာ်အခီၣ်ဝဲၤမှီးဘဲာ် အတသၱာ် ဟဲတဲၤလှူၣ်တဲၤတါနီး ကၱာ်အကၱ ကဲာ်မဲၤလှီတစီာ်နဳၤ. 36ခီၣ်ဝဲၤမှီးဘဲာ်ပီၢ်တဲၤအစာ် ဘိသံပာ်ခီၣ်ဝဲၤ မှီးဘဲာ်တဲၤအခီနဳၤ.
တဲၤစံးရးဖးမ့ၤပၠၤ
(မး ၇:၁-၅)
37“စံးရးဖးမ့ၤမဲးတဲၤမဲး, သံကတဘဲာ်ကီ တဲၤစးရးဖးမ့ၤနီး. စံးရးသံမဲးပၠၤမဲး, သံကတဘဲာ်ကီတဲၤစံးရးသံ သံနီး. ဘါပျဲးပီၢ်ပၠၤအတဲၤကမဲာ်. ကၱာ်သံ တဲၤကမဲာ်ကဘဲာ်ဘါပျဲးကီ. 38အံာ်ပီၢ်ပၠၤတဲၤ ကၱာ်တဲၤကအံာ်ကီသံ. တီးနံၢ်, ဆးနံၢ်, ထဳးတယံၢ်နံၢ် လၤပျၱၤလၤပျိၤပီၢ်. အစာ်ဘိသံကိၤသံထဲစာ်တဲၤ အသရ့တဲၤကကိၤကထဲက့ၤကီသံ.”
39ကၱာ်စဒီဆးကဲၤလၢ်ဝၤတစီာ်တဲၤကလဲၤ တဓဲ, “အကၢ်ဓူ ခံးဟဲးအံာ်ဟူဇၤပီၢ်အကၢ်ဓူခံး ကျဲး ဧါ. ကၠံၢ်ပွဲၤလဳၢ်လဳၢ်တလၤတ့ၢ်နံၢ်မဲၤ ရီၤပူၤနီးဧါ. 40အပျဲၢ်အဘီၣ်တဓဳၤချဳလံအဘၱာ်စဲာ်နီး, ပရၤဆါ အဘဲာ်သဲာ်လှိဝှါတပျာ်နဳၤ, ပီၢ်ဗွဲလီၤယၢ်သိးဇၤတပွဲၤ အဆရၣ်.
41“နတကမဳၤပးနံၤယဲၢ်သါ ဇ့ၤကျ့ၤအအီၣ်နကၢ်ဓူပူၤနီးဒဳၣ်, နစာ်ထၱးမၤတဲၤကနၱးကနိး ဒဳနသဲပူၤဝ့ၤအကၢ်ဓူပူၤနဲၢ်. 42ကၱာ်နကဒီၣ် ဇၤနသဲပူၤဝ့ၤ, ‘သဲပူၤဝ့ၤ, ယကဖၱးထာ်ကဲဒီဧဲၤ တဲၤကနၱးကနိး ဒဳ နကၢ်ဓူပူၤနဳၤ.’ မၱာ် နတစာ်ထၱး မၤဇ့ၤကျ့ၤအအီၣ်နကၢ်ဓူပူၤတဘီနီးနဲၢ်. နဲၤ, ပွဲၤတပီး ခဳး, စွံးထာ်ဖျီးကဲအူဆူးမိၢ်ကိာ်ဇ့ၤကျ့ၤအအီၣ် ဒဳနကၢ်ဓူပူၤ နဳၤ, ကၱာ်နကစာ်ထၱးသအူသအဲးကီ တဲၤ ကနၱးကနိး ဒဳနသဲပူၤဝ့ၤအကၢ်ဓူပူၤ, စာ်ဘိထဲၢ်နကခွဲးထာ်ဖျီးကဲဇၤပီၢ်နဳၤ.
သဳာ်တဘီကၱာ်အသဲာ်
(မး ၇:၁၆-၂၀, ၁၂:၃၃-၃၅)
43“မၤနဲၢ်ဒဳၣ်, သဳာ်အဝၱၤတသဲာ်ထာ်အံာ် ကဲာ်ထာ်အသဲာ် အတဝၱၤနီး, ကၱာ်သဳာ်အတဝၱၤနီး တသဲာ် ထာ်အံာ်ကဲာ်ထာ်အသဲာ်အဝၱၤနီး. 44မၤနဲၢ်ကဒီၣ်ဓဳၤဒဳၣ်, ဝၤသၱာ်ဟဲသဳာ်ကၱာ်အသဲာ်လီၤနဳၤ. မၤနဲၢ် ဒဳၣ်, ပၠၤတဒ့းအၣ် သဳာ်ဓဳၤထံသဲာ်ဒဳတဲၤ ဆူးတဲၤဖၱအလီၤကၱာ်သဳာ်ပၡံး သဲာ်ဒဳဇီၢ်ဇွံၤဇီၢ်ပြဲၢ်အလီၤတခးနီး. 45ပၠၤအဝၱၤတပွဲၤဖၱးထာ်တပွဲးတဲၤ အဝၱၤအအဲးဒဳတဲၤလၱၢ်ဓဳၤပွၱၤသဲထဲၢ်စလဲၢ်က့ၤစသးအဳးပူၤနဳၤ, ကၱာ်ပၠၤအကၱကဲာ်တပွဲၤဖၱးထာ်တပွဲး တဲၤအတအဲးနီးတစီာ်ဒဳစတဲၤလဲၢ် က့ၤအကျဲနဳၤ. မၤနဲၢ်ကဒီၣ်ဓဳၤဒဳၣ်, တဲၤအီၣ်ပ့ထာ်ပၠၤအသးပူၤတစီာ်အကျဲ ပၠၤ လီၤမီၤယၱၢ်ဘဲာ်ဖျီထာ်ကီ.”
အပြးရှံၣ်ကၠံၢ်ပွဲၤ
(မး ၇:၂၄-၂၇)
46သံယဳၤဝှါယဲၤ, “ဘၱာ်စဲာ်, ဘၱာ်စဲာ်” ဒဳၣ်သံတမဲၤကိာ် မၤယတဲၤထူးလၤမှဲးလၤအကါနီးနဲၢ်. 47ကယါပၠၤအလ့ၤထၱးယဲၤ, အဆီးခ့န့းယတဲၤ ယၱၢ်ဘဲာ်ကၱာ်အလိၤကိာ်မဲၤကိာ်အကါတစီာ်နဳၤ, ယကဒဲ လၱၢ်ကီသံစလၤကၱာ်တၤနဲၢ်နဳၤ. 48စမၱာ်ပၠၤထဲၢ် အပြးရှံၣ်တဝၤ, အခူးလၤယီၢ်အကါဒီ အပူၤကၱာ်အဆီးသဳအံာ်အကါဒီကၱာ်လဳၤအလီၤ တပွဲၤနဳၤ. ထံဓဳၤပျၱၤ ဘးကၱာ်ထံလီၢ်ပးပၱးပးပီပျဲဝဲၢ်နီၣ်သီရှံၣ်အလီၤနှီနူၤ, အတကျ့ၤကျၢ်နီး. မၤနဲၢ်ဒဳၣ်, အကါဒီလါဒဳ လဳၤဆီးအခဳး အခဳးအစဲလီၤ. 49ပရၤဆါပၠၤထဲၢ်အဆီးခ့ န့းဝှါယတဲၤယၱၢ်ဘဲာ်ကၱာ် အတမဲၤကိာ် အကါနီးတပွဲၤ နဳၤ, စမၱာ်အစာ်ဘိပၠၤထဲၢ် အပြးရှံၣ်ဒဳဟၣ်ဇ့ၤခဳးကၱာ် ရှံၣ်အကါဒီတအီၣ်နီးတပွဲၤနဳၤ, ထံလီၢ်ဓဳၤပျၱၤဘးကၱာ် အၣ်ဝူၢ်ဒဳၣ်ရှံၣ် က့ၤဖျီးလၤဖြးကဲအိးတပွဲးအဇၱၢ်အဇိၢ်ဒဳး.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.