လူၤကၣ် 5
5
အပျဲၢ်အဘီၣ်အဘဲာ်ယဳၤအူဆူးတစီာ်
(မး ၄:၁၈-၂၂, မၢ် ၁:၁၆-၂၀)
1ဘ့ပၠၤတစီာ်ဆးသနၱးဝဲၢ်ယ့ၣ်ရှူး အလီၤစာ်ဘိထဲၢ်အကဆီး ခ့န့းဘဲာ် ကဘၱာ် စဲာ်အလ့ၢ်အဝှဲးအခၠၱးနဳၤ, ယ့ၣ်ရှူးဆီထဳးအီၣ် ဒဳကံးန့ရ့ၤ သးနှီးဝ့ၤနဳၤ. 2စစာ်ထၱးကဲၤ ပၠၤ စဳလါကျဳၤချံကၠံၢ်ဘဲာ်ဒဳနှီးဝ့ၤနဳၤ, အပိးအၣ် ဓၢ်ဖဳးတစီာ် ခဲလါတ့ၢ်ဝှါချံပူၤ စတထြူးဘါကဲၤစဓွံၢ်တစီာ်. 3ယ့ၣ်ရှူးထာ်နံၢ်ဝှါချံတဘဲာ်အပူၤ, ထဲၢ်စီၤၡံမိၣ် အဲနဳၤဒဳၣ်စနှးလၢ် ဝၤဝၤတသဳးကၱာ်ခီခဳးတကၱာ်. စဆးနါလါဝှါချံပူၤ, စသိၣ်အံာ်သီအံာ်ကဲၤ ပၠၤအပဳၤ အဟီး.
4ဘ့စသိၣ်အံာ်သီအံာ်ဝှါတဲၤနဳၤ, စဒီၣ်ကဲၤ စီၤၡံမိၣ်, “ဝၤဘး ပီၢ်ချံဒဳထံလၤယီၢ်အလ့ၤနဳၤ ကၱာ်ပၢ်လၤပီၢ်နဓွံၢ်တခး.”
5စီၤၡံမိၣ်ဒီၣ်ၡံက့ၤကဲၤစဲာ်, “ဆရၣ်, သဒဲနဲၤအဓၢ်ပူၤဝၤထူး ခဳးထူးအါနီၣ်သီနှီနူၤ ဝၤတပိာ် နံၤကဲၤဓၢ်ဖဳးတဘီနီး. ပရၤဆါနဒီၣ်အသရ့နဳၤ, ယကပၢ်လၤဒီဧဲၤဓွံၢ်.” 6ဘ့စပၢ်လၤဝှါ စဓွံၢ်နဳၤကၱာ် စပၢ် နံၤကဲၤဓၢ်ဖဳးအီၣ်အဲးအီးအီး ပွ့ဓွံၢ်သးမီထဲးလဲးကဲၤနဳၤ. 7ကၱာ်စဲာ် တစီာ် ယဳၤကဲၤစခီအအီၣ်ဒဳချံ အလဝ့ၤတဘဲာ်အပူၤနဳၤ ကလ့ၤမဲၤဇဳၤ လၢ်ဝၤ. စဲာ်တစီာ်လ့ၤကၱာ်ထူးနံၢ်ပ့ထာ် ကဲၤဓၢ်ဖဳးဒဳချံကၠံၢ်ဘဲာ်လဳၢ်လဳၢ်အပူၤ ပွ့အသးမီလၤ ပြူးကဲၤနဳၤ. 8ဘ့စီၤၡံမိၣ်ပ့းတရူးစာ်ထၱး တဲၤ အယဳၤနဳၤဒဳၣ်, စကီၢ်လၤဒဳယ့ၣ်ရှူးအခးလ့ၤမ့ၢ်လီၤ, စဒီၣ်, “ဆဲးတပီၤပီၢ် ယဲၤ, မၤနဲၢ်ယဲၤမၱာ်တဲၤခီၣ်ဝဲၤဖဳး, အဳဘၱာ်စဲာ်.”
9မၤနဲၢ်ကဒီၣ်ဓဳၤဒဳၣ်, စဲာ်ကၱာ်အအီၣ်ပျဳာ် စဲာ်တစီာ်ထဲးတမိၢ်တမှါဆးကဲၤဒဳ စပိာ်နံၤဓၢ်ဖဳးအီၣ် အဲးအီးစရးအခဳးအစဲနဳၤ. 10စီၤ စ့းဘ့းဒဲအဖဳး, စီၤယၤကိာ်ကၱာ်စီၤယိၤဟၣ် ထဲၢ်အမဲၤပျဳာ်ကဲၤစီၤၡံမိၣ် တဲၤမဲၤတစီာ် မၱာ်ကဲၤကနဳၤလီၤလီၤ. မၱာ်ယ့ၣ်ရှူး ဒီၣ်က့ၤစီၤၡံမိၣ်, “ၡံးဆါ ပီၢ်မဲး. ခဳနူၤယဳၤဖျီအလှီမီၢ် နကမၱာ်ကီအပိာ်ပၠၤ.”
11မဲၤဝှါစဲာ်တစီာ် ဝၤဝဲၢ်က့ၤချံဒဳခီတဝ့ၢ် လီၤ, ပၢ်ဖျီးမံလဳတဲၤ ကိမံၤကၱာ်လိၤကိာ်ကဲၤယ့ၣ်ရှူးအလ့ၤ.
အကလးကၠံးတပွဲၤ
(မး ၈:၁-၄, မၢ် ၁:၄၀-၄၅)
12တပျာ်ဘ့ယ့ၣ်ရှူးအီၣ်ဝ့ၤဒဳ အူးအပူၤနဳၤ, စာ်ပီၢ်, ပၠၤအကလးကၠံးသဒဲပွဲၤအီၣ်ကဲၤတပွဲၤ. ဘ့စစာ်ထၱးယ့ၣ်ရှူးအခၠၱးနဳၤ, စကီၢ်လၤဘၱး တဒဲးလၢ်ဝၤအလှီမီၢ်, တၤမီၤလၢ်ဝၤကၱာ်ဒီၣ်, “အဳဘၱာ်စဲာ်, နတဲၤသး အဲး နံၤကအီၣ်မၤဒဳၣ်, နမဲၤစါက့ၤဇၤတပွဲးယဲၤ.”
13ယ့ၣ်ရှူးတဒါထာ်အစူးခီး, တီးဘဲာ်စဲာ်ကၱာ်ဒီၣ်ကဲၤ, “ယတဲၤသးအဲးနံၤအီၣ်ဟဳ, ဝၱၤစါက့ၤဒီဧဲၤ.” တပျာ်ခါလီၤ, အကလးကၠံးတဲၤ ဆဲ လှဲမဲၢ်တနၢ်ကဲၤ. 14ယ့ၣ်ရှူးထူးလၤမှဲး လၤ စဲာ်အကတဒီဆး ပၠၤတပွဲ နီး, မၱာ်စဒီၣ်လၢ်ဝၤ, “လ့ၤကၱာ်ဒဲလၱၢ်ပီၢ်နန့ၤ ပၠၤလှူၣ်တဲၤအဓဳၤ ကၱာ် အံာ်လၤပီၢ်တဲၤလှူၣ် တဲၤအီၣ်ဝၱၤအီၣ်စါက့ၤအနံၤခံ အစာ်ဘိ စီၤ မိၤ ၡ့မှဲးလၤအဓ့နဳၤ, စာ်ဘိထဲၢ်အကမၱာ်ပီၢ် စဲာ်တစီာ်အနံၤခံသဲသၱးနဳၤ.”
15ပရၤဆါတဲၤဝၱၤတဲၤကဲအယဳၤ ဟဳ ထာ်သဲာ်လၤကၱာ်ပၠၤအပဳၤအဟီးလၤတ့ၢ်ပျဳာ် ကဲၤ စာ်ဘိထဲၢ်စကဆီးခ့န့းပီၢ်လၢ်ဝၤအတဲၤသိၣ် တဲၤသီ ကၱာ်အကမဲၤမှးက့ၤပီၢ် စပၠၤအရွှံးအဆဲတစီာ်နဳၤ. 16ပရၤဆါစလ့ၤကဲၤဒဳလဳၤ သံမံးဇ့ၤခဳးကၱာ် ဘ့နဳၤစသဘဲထာ်ကဲၤ.
ပၠၤအစူးသံခၣ်သံဒဳကပ့းရနီၣ်အူးတပွဲၤ
(မး ၉:၁-၈, မၢ် ၂:၁-၁၂)
17တနံၤတသဲယ့ၣ်ရှူး သိၣ်အံာ်သီအံာ်ပၠၤ ကၱာ်ဒီ ဒဳနဳၤဖၤရံၤ ၡဲဖဳးကၱာ်ဆရၣ်ဓဳၤတစီာ်ဆးနါလါ အီၣ်, စမၱာ်အအီၣ်ဒဳကၤလံၤလဲက့ၤ, ယူဒၤက့ၤအဒဳ အဖါတစီာ်ကၱာ်ယရူၤၡလ့ၣ်အူးပူၤတစီာ်နဳၤ. ကၱာ်ဒီ ကဘၱာ်စဲာ်အစိသလဲအီၣ်ကဲၤယ့ၣ်ရှူးအလီၤ အကမဲၤ မှးက့ၤအရွှံးအဆဲ တစီာ်နဳၤ. 18ကၱာ်စာ်ပီၢ်, ပၠၤလ့ၤယးအံာ်ကဲၤအစူးသံ ခၣ်သံတပွဲၤဒဳ လ့ၤမံခဳးနဳၤ, စဲာ်တစီာ်သးလ့ၤဒီ လါလၢ်ဝၤဒဳယ့ၣ်ရှူးအလှီမီၢ်နဳၤ. 19မၱာ်စတပျၱးနံၢ်ကဲာ်ထာ်ပၠၤအပဳၤအဟီးအကျဲ နီးဒဳၣ်, စဲာ်တစီာ်ထာ်ဒဳရှံၣ် ခဳး, ဘးဖျီဝှါဆီၤခဳးဒဳၣ် စဲၤလၤကဲၤလၢ်ဝၤဒဳ ယ့ၣ်ရှူးအလှီမီၢ်ဒဳလ့ၤမံပူၤ နဳၤ. 20ယ့ၣ်ရှူးစာ်ထၱးလၢ်ဝၤအတဲၤဘူၣ်ဒဳၣ်စဒီၣ်, “အဳပၠၤတပွဲၤ, နတဲၤခီၣ်ဝဲၤဘဲာ်ဘါပျဲးကဲထဳ.”
21အဝှ့းစဲာ်ကၱာ်ဖၤ ရံၤၡဲဖဳးတစီာ် ဒီဆးလှဲးလၢ်ဝၤစဒီၣ်, “ပၠၤ အယၱၢ်ဘဲာ်ထာ်ဒ့ဒီၣ် ကဘၱာ်စဲာ်အယဳၤတပွဲၤမၱာ်ကဲၤပီၢ်ပွဲၤ. ကဘၱာ်စဲာ်ကဝှါ အဘါပျဲးဇၤပၠၤအတဲၤခီၣ်ဝဲၤမၱာ်ပီၢ်ပွဲၤ.”
22ယ့ၣ်ရှူးသၱာ်ဟဲလၢ်ဝၤတစီာ်အတဲၤ ကမဳၤဒဳၣ်, စဒီၣ်ၡံက့ၤ လၢ်ဝၤတစီာ်ကယဳၤ, “သံကမဳၤမၤတဲၤ ဒဳသံသးအဳးပူၤကနဳၤနဲၢ်. 23အၡဳဒဳၣ်ဆဲးမၱာ်ဒီၣ်လဲၢ်တဓဲဓဲ, ထဲၢ်ကဒီၣ်, ‘နတဲၤ ခီၣ်ဝဲၤဘးလှိထဳဧါ, မၱ တမၱးနီး, ဝဲၢ်ထဳး, ဟဲးပီၢ်ခး နဳၤဧါ.’ 24ပရၤဆါစာ်ဘိထဲၢ်သံ ကသၱာ်ဟဲ ဘဲာ်ထဲၢ်ပၠၤအဖဳးခဳနဳၤ စဖျူစသရ့ာ်အီၣ်ဒဳလၢ်ခဳးယဳၤ အကဘါပျဲး ပၠၤအတဲၤခီၣ်ဝဲၤနဳၤ,” ဒဳၣ်စဒီၣ်ကဲၤအစူး သံခၣ်သံတပွဲၤကယဳၤ, “ယဒီၣ် နဲၤ, ဝဲၢ်ထဳး, ဖၱး နလ့ၤမံကၱာ်က့ၤပီၢ်နရှံၣ်.”
25မဲၤကနဳၤ, စဝဲၢ်ထဳးတနၢ်ဒဳပၠၤအလှီမီၢ်, ဖၱးထာ်စလ့ၤမံထဲၢ် စဆီးမံလါအံာ်ကဲၤနဳၤ ကၱာ်က့ၤကဲၤ အရှံၣ်ဒဳတဲၤထါထာ် အံာ်ကဘၱာ်စဲာ် အပူၤနဳၤ. 26ပၠၤလဳစါစဲးထဲး တမိၢ်တမှါ, ထါထာ်အံာ်ကဘၱာ်စဲာ် ကၱာ်အီၣ်ပ့ထာ်ကဲၤတဲၤၡံးဆါ, ကၱာ်ဒီၣ်, “ခဳတနံၤဝၤ စာ်ထၱးထဳတဲၤအစီး ကျၱးစီးၡဲ.”
စီၤလ့ၤဝံအတဲၤဘဲာ်ယဳၤ
(မး ၉:၉-၁၃, မၢ် ၂:၁၃-၁၇)
27အလ့ၤကါယ့ၣ်ရှူးလ့ၤဒဳအလှီမီၢ် ကၱာ်စစာ်ထၱးကဲၤအတၤ တဲၤမှူတပွဲၤထဲၢ်အမံၤမၱာ် စီၤလ့ၤဝံ, ဆးနါလါအီၣ်ဒဳပၠၤတၤတဲၤမှူအရှံၣ် ဖဳး ပူၤနဳၤကၱာ်စဒီၣ်လၢ်ဝၤ, “လိၤကိာ်ပီၢ်ယလ့ၤ.” 28မဲၤကနဳၤဒဳၣ်စပၢ်လၤတ့ၢ်တဲၤကိမံၤထံတၤ ကၱာ်လိၤ ကိာ်ကဲၤယ့ၣ်ရှူးအလ့ၤ.
29မဲၤဝှါဒဳၣ်စီၤလ့ၤဝံခးၡံးခးပွဲးနံၤ ကဲၤယ့ၣ်ရှူးဒဳစရှံၣ်ပူၤနဳၤ, ဘ့နဳၤအတၤ တဲၤမှူအီၣ်အဲး အီး ရးကၱာ်တၱတမဲအလဝ့ၤတစီာ်လၤတ့ၢ် ပျဳာ်ကဲၤ လၢ်ဝၤ. 30အသၱာ်ယူဒၤအတဲၤသိၣ် တဲၤ သီကၱာ်ဖၤရံၤ ၡဲဖဳးတစီာ်မိၢ်မိၢ်အၱာ်အၱာ်ကၱာ်စဒီၣ်ကဲၤ အပျဲၢ်အဘီၣ်တစီာ်, “သံအၣ်ပျဳာ် အီယံၢ်မၤ အတၤ တဲၤမှူကၱာ်တဲၤခီၣ်ဝဲၤဖဳးတစီာ်ကနဳၤနဲၢ်.”
31မၱာ်ယ့ၣ်ရှူးဒီၣ်ၡံက့ၤစဲာ်တစီာ်, “ပၠၤ အအီၣ်မိၢ်အီၣ်မှးတစီာ်တသးအဲးနံၤတပွဲး တဝှံး ဆရၣ်နီး, မၱာ်ပၠၤအရွှံးအဆဲတစီာ်တခီ. 32ယတလၤယဳၤက့ၤပၠၤအတၱၢ်အမှးနီး, မၱာ်ယလၤယဳၤ က့ၤတဲၤခီၣ်ဝဲၤ ဖဳး ဒဳတဲၤဆးလၤသးအနံၤခံနဳၤတခီ.”
တဲၤဒူၣ်တဲၤအၣ်တဲၤအီအစဲ
(မး ၉:၁၄-၁၇, မၢ် ၂:၁၈-၂၂)
33ဘ့နဳၤစဲာ်တစီာ်ဒီၣ်ယ့ၣ်ရှူး, “စီၤယိၤဟၣ်အပျဲၢ် အဘီၣ်တစီာ်ကၱာ်ဖၤရ့ၤၡဲဖဳးတစီာ် ဒူၣ်တယွဲၤတဲၤအၣ်တဲၤအီ ကၱာ်သဘူၣ်သဘဲ, ကၱာ်ဖဓရံၤရှဲဖဳးတစီာ်မဲၤကဲၤကနဳၤနဳၤ. မၱာ်နပျဲၢ်နဘီၣ် တစီာ်အၣ်အီမၤ နဲၢ်.”
34ယ့ၣ်ရှူးဒီၣ်ၡံက့ၤစဲာ်တစီာ်, “အဖၱးစူး အမံၤခဳတပွဲၤအီၣ် ကိာ်ဝ့ၤတၱတမဲတစီာ် အကါဘ့ တဲၤဖၱးစူးအပွဲပူၤအသူသရ့ သံနှးဇၤပီၢ် စဲာ်တစီာ် ဒူၣ်တဲၤအၣ်တဲၤအီဧါ. 35ပရၤဆါမူၤ နံၤတနံၤကဓဳၤကီ ထဲၢ်အဖၱးစူးအမံၤ ခဳတပွဲၤကဘဲာ် ဖၱးကဲသံဝံၢ်ကီလၢ်ဝၤ, ကၱာ်ဘ့နဳၤစဲာ် တစီာ်ကဒူၣ်ကီ တဲၤအၣ်တဲၤအီ.”
36မဲၤဝှါစဒီဆးက့ၤလၢ်ဝၤတဲၤကလဲၤ တဓဲ, “ပၠၤတပီၤဒဲးက့ၤ တကၱယၢ်အယၢ်ကၱာ် တဲၤကိတဲၤသီးအသဲတဗွဲနီး. ပၠၤကမဲၤကနဳၤဒဳၣ် အကဒးထဳးထဲးလဲးတပွဲးတဲၤကိတဲၤသီးအသဲ, ကၱာ်ဒီ တကၱယၢ်အသဲတနံၤ ရၢ်တပွဲးတကၱယၢ်အယၢ်နီး. 37ပၠၤတလှီး နံၢ်သဳာ်ပၡံးထံအသဲ ဒဳ အကဳ တဲၤဖ့း အလံၤလၤအပူၤတဗွဲနီး. တမၱာ်နီးဒဳၣ် သဳာ်ပၡံးထံအသဲကဆးပဳၤဖးတပွဲး အကဳတဲၤဖ့း ကၱာ်အကလၤကဲၢ်လဳၢ်တပွဲး, ကၱာ်တဲၤဖ့းမၱာ် မၱာ် ကကဲကအိးလဳၢ်တပွဲး. 38သဳာ်ပၡံးထံအသဲနဳၤ ကမီၤဘဲနံၢ် စဲာ်ဒဳအကဳ တဲၤဖ့းသဲပူၤနဳၤ, ကၱာ်အကအီၣ်အဲးဇဲၤနဲၤတပွဲးကၠံၢ်ဓဲလဳၢ်လဳၢ်. 39ပၠၤအအီနဲၤနီၤသဳာ်ပၡံးထံအလံၤလၤတပွဲၤနဳၤ, တသး အဲးအီ ဖြီးလှဲးအသဲနီး. မၤနဲၢ်, စဒီၣ်, အလံၤလၤ မၱာ်အဝံာ်ဒဳးဆဲး.”
ទើបបានជ្រើសរើសហើយ៖
လူၤကၣ် 5: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
လူၤကၣ် 5
5
အပျဲၢ်အဘီၣ်အဘဲာ်ယဳၤအူဆူးတစီာ်
(မး ၄:၁၈-၂၂, မၢ် ၁:၁၆-၂၀)
1ဘ့ပၠၤတစီာ်ဆးသနၱးဝဲၢ်ယ့ၣ်ရှူး အလီၤစာ်ဘိထဲၢ်အကဆီး ခ့န့းဘဲာ် ကဘၱာ် စဲာ်အလ့ၢ်အဝှဲးအခၠၱးနဳၤ, ယ့ၣ်ရှူးဆီထဳးအီၣ် ဒဳကံးန့ရ့ၤ သးနှီးဝ့ၤနဳၤ. 2စစာ်ထၱးကဲၤ ပၠၤ စဳလါကျဳၤချံကၠံၢ်ဘဲာ်ဒဳနှီးဝ့ၤနဳၤ, အပိးအၣ် ဓၢ်ဖဳးတစီာ် ခဲလါတ့ၢ်ဝှါချံပူၤ စတထြူးဘါကဲၤစဓွံၢ်တစီာ်. 3ယ့ၣ်ရှူးထာ်နံၢ်ဝှါချံတဘဲာ်အပူၤ, ထဲၢ်စီၤၡံမိၣ် အဲနဳၤဒဳၣ်စနှးလၢ် ဝၤဝၤတသဳးကၱာ်ခီခဳးတကၱာ်. စဆးနါလါဝှါချံပူၤ, စသိၣ်အံာ်သီအံာ်ကဲၤ ပၠၤအပဳၤ အဟီး.
4ဘ့စသိၣ်အံာ်သီအံာ်ဝှါတဲၤနဳၤ, စဒီၣ်ကဲၤ စီၤၡံမိၣ်, “ဝၤဘး ပီၢ်ချံဒဳထံလၤယီၢ်အလ့ၤနဳၤ ကၱာ်ပၢ်လၤပီၢ်နဓွံၢ်တခး.”
5စီၤၡံမိၣ်ဒီၣ်ၡံက့ၤကဲၤစဲာ်, “ဆရၣ်, သဒဲနဲၤအဓၢ်ပူၤဝၤထူး ခဳးထူးအါနီၣ်သီနှီနူၤ ဝၤတပိာ် နံၤကဲၤဓၢ်ဖဳးတဘီနီး. ပရၤဆါနဒီၣ်အသရ့နဳၤ, ယကပၢ်လၤဒီဧဲၤဓွံၢ်.” 6ဘ့စပၢ်လၤဝှါ စဓွံၢ်နဳၤကၱာ် စပၢ် နံၤကဲၤဓၢ်ဖဳးအီၣ်အဲးအီးအီး ပွ့ဓွံၢ်သးမီထဲးလဲးကဲၤနဳၤ. 7ကၱာ်စဲာ် တစီာ် ယဳၤကဲၤစခီအအီၣ်ဒဳချံ အလဝ့ၤတဘဲာ်အပူၤနဳၤ ကလ့ၤမဲၤဇဳၤ လၢ်ဝၤ. စဲာ်တစီာ်လ့ၤကၱာ်ထူးနံၢ်ပ့ထာ် ကဲၤဓၢ်ဖဳးဒဳချံကၠံၢ်ဘဲာ်လဳၢ်လဳၢ်အပူၤ ပွ့အသးမီလၤ ပြူးကဲၤနဳၤ. 8ဘ့စီၤၡံမိၣ်ပ့းတရူးစာ်ထၱး တဲၤ အယဳၤနဳၤဒဳၣ်, စကီၢ်လၤဒဳယ့ၣ်ရှူးအခးလ့ၤမ့ၢ်လီၤ, စဒီၣ်, “ဆဲးတပီၤပီၢ် ယဲၤ, မၤနဲၢ်ယဲၤမၱာ်တဲၤခီၣ်ဝဲၤဖဳး, အဳဘၱာ်စဲာ်.”
9မၤနဲၢ်ကဒီၣ်ဓဳၤဒဳၣ်, စဲာ်ကၱာ်အအီၣ်ပျဳာ် စဲာ်တစီာ်ထဲးတမိၢ်တမှါဆးကဲၤဒဳ စပိာ်နံၤဓၢ်ဖဳးအီၣ် အဲးအီးစရးအခဳးအစဲနဳၤ. 10စီၤ စ့းဘ့းဒဲအဖဳး, စီၤယၤကိာ်ကၱာ်စီၤယိၤဟၣ် ထဲၢ်အမဲၤပျဳာ်ကဲၤစီၤၡံမိၣ် တဲၤမဲၤတစီာ် မၱာ်ကဲၤကနဳၤလီၤလီၤ. မၱာ်ယ့ၣ်ရှူး ဒီၣ်က့ၤစီၤၡံမိၣ်, “ၡံးဆါ ပီၢ်မဲး. ခဳနူၤယဳၤဖျီအလှီမီၢ် နကမၱာ်ကီအပိာ်ပၠၤ.”
11မဲၤဝှါစဲာ်တစီာ် ဝၤဝဲၢ်က့ၤချံဒဳခီတဝ့ၢ် လီၤ, ပၢ်ဖျီးမံလဳတဲၤ ကိမံၤကၱာ်လိၤကိာ်ကဲၤယ့ၣ်ရှူးအလ့ၤ.
အကလးကၠံးတပွဲၤ
(မး ၈:၁-၄, မၢ် ၁:၄၀-၄၅)
12တပျာ်ဘ့ယ့ၣ်ရှူးအီၣ်ဝ့ၤဒဳ အူးအပူၤနဳၤ, စာ်ပီၢ်, ပၠၤအကလးကၠံးသဒဲပွဲၤအီၣ်ကဲၤတပွဲၤ. ဘ့စစာ်ထၱးယ့ၣ်ရှူးအခၠၱးနဳၤ, စကီၢ်လၤဘၱး တဒဲးလၢ်ဝၤအလှီမီၢ်, တၤမီၤလၢ်ဝၤကၱာ်ဒီၣ်, “အဳဘၱာ်စဲာ်, နတဲၤသး အဲး နံၤကအီၣ်မၤဒဳၣ်, နမဲၤစါက့ၤဇၤတပွဲးယဲၤ.”
13ယ့ၣ်ရှူးတဒါထာ်အစူးခီး, တီးဘဲာ်စဲာ်ကၱာ်ဒီၣ်ကဲၤ, “ယတဲၤသးအဲးနံၤအီၣ်ဟဳ, ဝၱၤစါက့ၤဒီဧဲၤ.” တပျာ်ခါလီၤ, အကလးကၠံးတဲၤ ဆဲ လှဲမဲၢ်တနၢ်ကဲၤ. 14ယ့ၣ်ရှူးထူးလၤမှဲး လၤ စဲာ်အကတဒီဆး ပၠၤတပွဲ နီး, မၱာ်စဒီၣ်လၢ်ဝၤ, “လ့ၤကၱာ်ဒဲလၱၢ်ပီၢ်နန့ၤ ပၠၤလှူၣ်တဲၤအဓဳၤ ကၱာ် အံာ်လၤပီၢ်တဲၤလှူၣ် တဲၤအီၣ်ဝၱၤအီၣ်စါက့ၤအနံၤခံ အစာ်ဘိ စီၤ မိၤ ၡ့မှဲးလၤအဓ့နဳၤ, စာ်ဘိထဲၢ်အကမၱာ်ပီၢ် စဲာ်တစီာ်အနံၤခံသဲသၱးနဳၤ.”
15ပရၤဆါတဲၤဝၱၤတဲၤကဲအယဳၤ ဟဳ ထာ်သဲာ်လၤကၱာ်ပၠၤအပဳၤအဟီးလၤတ့ၢ်ပျဳာ် ကဲၤ စာ်ဘိထဲၢ်စကဆီးခ့န့းပီၢ်လၢ်ဝၤအတဲၤသိၣ် တဲၤသီ ကၱာ်အကမဲၤမှးက့ၤပီၢ် စပၠၤအရွှံးအဆဲတစီာ်နဳၤ. 16ပရၤဆါစလ့ၤကဲၤဒဳလဳၤ သံမံးဇ့ၤခဳးကၱာ် ဘ့နဳၤစသဘဲထာ်ကဲၤ.
ပၠၤအစူးသံခၣ်သံဒဳကပ့းရနီၣ်အူးတပွဲၤ
(မး ၉:၁-၈, မၢ် ၂:၁-၁၂)
17တနံၤတသဲယ့ၣ်ရှူး သိၣ်အံာ်သီအံာ်ပၠၤ ကၱာ်ဒီ ဒဳနဳၤဖၤရံၤ ၡဲဖဳးကၱာ်ဆရၣ်ဓဳၤတစီာ်ဆးနါလါ အီၣ်, စမၱာ်အအီၣ်ဒဳကၤလံၤလဲက့ၤ, ယူဒၤက့ၤအဒဳ အဖါတစီာ်ကၱာ်ယရူၤၡလ့ၣ်အူးပူၤတစီာ်နဳၤ. ကၱာ်ဒီ ကဘၱာ်စဲာ်အစိသလဲအီၣ်ကဲၤယ့ၣ်ရှူးအလီၤ အကမဲၤ မှးက့ၤအရွှံးအဆဲ တစီာ်နဳၤ. 18ကၱာ်စာ်ပီၢ်, ပၠၤလ့ၤယးအံာ်ကဲၤအစူးသံ ခၣ်သံတပွဲၤဒဳ လ့ၤမံခဳးနဳၤ, စဲာ်တစီာ်သးလ့ၤဒီ လါလၢ်ဝၤဒဳယ့ၣ်ရှူးအလှီမီၢ်နဳၤ. 19မၱာ်စတပျၱးနံၢ်ကဲာ်ထာ်ပၠၤအပဳၤအဟီးအကျဲ နီးဒဳၣ်, စဲာ်တစီာ်ထာ်ဒဳရှံၣ် ခဳး, ဘးဖျီဝှါဆီၤခဳးဒဳၣ် စဲၤလၤကဲၤလၢ်ဝၤဒဳ ယ့ၣ်ရှူးအလှီမီၢ်ဒဳလ့ၤမံပူၤ နဳၤ. 20ယ့ၣ်ရှူးစာ်ထၱးလၢ်ဝၤအတဲၤဘူၣ်ဒဳၣ်စဒီၣ်, “အဳပၠၤတပွဲၤ, နတဲၤခီၣ်ဝဲၤဘဲာ်ဘါပျဲးကဲထဳ.”
21အဝှ့းစဲာ်ကၱာ်ဖၤ ရံၤၡဲဖဳးတစီာ် ဒီဆးလှဲးလၢ်ဝၤစဒီၣ်, “ပၠၤ အယၱၢ်ဘဲာ်ထာ်ဒ့ဒီၣ် ကဘၱာ်စဲာ်အယဳၤတပွဲၤမၱာ်ကဲၤပီၢ်ပွဲၤ. ကဘၱာ်စဲာ်ကဝှါ အဘါပျဲးဇၤပၠၤအတဲၤခီၣ်ဝဲၤမၱာ်ပီၢ်ပွဲၤ.”
22ယ့ၣ်ရှူးသၱာ်ဟဲလၢ်ဝၤတစီာ်အတဲၤ ကမဳၤဒဳၣ်, စဒီၣ်ၡံက့ၤ လၢ်ဝၤတစီာ်ကယဳၤ, “သံကမဳၤမၤတဲၤ ဒဳသံသးအဳးပူၤကနဳၤနဲၢ်. 23အၡဳဒဳၣ်ဆဲးမၱာ်ဒီၣ်လဲၢ်တဓဲဓဲ, ထဲၢ်ကဒီၣ်, ‘နတဲၤ ခီၣ်ဝဲၤဘးလှိထဳဧါ, မၱ တမၱးနီး, ဝဲၢ်ထဳး, ဟဲးပီၢ်ခး နဳၤဧါ.’ 24ပရၤဆါစာ်ဘိထဲၢ်သံ ကသၱာ်ဟဲ ဘဲာ်ထဲၢ်ပၠၤအဖဳးခဳနဳၤ စဖျူစသရ့ာ်အီၣ်ဒဳလၢ်ခဳးယဳၤ အကဘါပျဲး ပၠၤအတဲၤခီၣ်ဝဲၤနဳၤ,” ဒဳၣ်စဒီၣ်ကဲၤအစူး သံခၣ်သံတပွဲၤကယဳၤ, “ယဒီၣ် နဲၤ, ဝဲၢ်ထဳး, ဖၱး နလ့ၤမံကၱာ်က့ၤပီၢ်နရှံၣ်.”
25မဲၤကနဳၤ, စဝဲၢ်ထဳးတနၢ်ဒဳပၠၤအလှီမီၢ်, ဖၱးထာ်စလ့ၤမံထဲၢ် စဆီးမံလါအံာ်ကဲၤနဳၤ ကၱာ်က့ၤကဲၤ အရှံၣ်ဒဳတဲၤထါထာ် အံာ်ကဘၱာ်စဲာ် အပူၤနဳၤ. 26ပၠၤလဳစါစဲးထဲး တမိၢ်တမှါ, ထါထာ်အံာ်ကဘၱာ်စဲာ် ကၱာ်အီၣ်ပ့ထာ်ကဲၤတဲၤၡံးဆါ, ကၱာ်ဒီၣ်, “ခဳတနံၤဝၤ စာ်ထၱးထဳတဲၤအစီး ကျၱးစီးၡဲ.”
စီၤလ့ၤဝံအတဲၤဘဲာ်ယဳၤ
(မး ၉:၉-၁၃, မၢ် ၂:၁၃-၁၇)
27အလ့ၤကါယ့ၣ်ရှူးလ့ၤဒဳအလှီမီၢ် ကၱာ်စစာ်ထၱးကဲၤအတၤ တဲၤမှူတပွဲၤထဲၢ်အမံၤမၱာ် စီၤလ့ၤဝံ, ဆးနါလါအီၣ်ဒဳပၠၤတၤတဲၤမှူအရှံၣ် ဖဳး ပူၤနဳၤကၱာ်စဒီၣ်လၢ်ဝၤ, “လိၤကိာ်ပီၢ်ယလ့ၤ.” 28မဲၤကနဳၤဒဳၣ်စပၢ်လၤတ့ၢ်တဲၤကိမံၤထံတၤ ကၱာ်လိၤ ကိာ်ကဲၤယ့ၣ်ရှူးအလ့ၤ.
29မဲၤဝှါဒဳၣ်စီၤလ့ၤဝံခးၡံးခးပွဲးနံၤ ကဲၤယ့ၣ်ရှူးဒဳစရှံၣ်ပူၤနဳၤ, ဘ့နဳၤအတၤ တဲၤမှူအီၣ်အဲး အီး ရးကၱာ်တၱတမဲအလဝ့ၤတစီာ်လၤတ့ၢ် ပျဳာ်ကဲၤ လၢ်ဝၤ. 30အသၱာ်ယူဒၤအတဲၤသိၣ် တဲၤ သီကၱာ်ဖၤရံၤ ၡဲဖဳးတစီာ်မိၢ်မိၢ်အၱာ်အၱာ်ကၱာ်စဒီၣ်ကဲၤ အပျဲၢ်အဘီၣ်တစီာ်, “သံအၣ်ပျဳာ် အီယံၢ်မၤ အတၤ တဲၤမှူကၱာ်တဲၤခီၣ်ဝဲၤဖဳးတစီာ်ကနဳၤနဲၢ်.”
31မၱာ်ယ့ၣ်ရှူးဒီၣ်ၡံက့ၤစဲာ်တစီာ်, “ပၠၤ အအီၣ်မိၢ်အီၣ်မှးတစီာ်တသးအဲးနံၤတပွဲး တဝှံး ဆရၣ်နီး, မၱာ်ပၠၤအရွှံးအဆဲတစီာ်တခီ. 32ယတလၤယဳၤက့ၤပၠၤအတၱၢ်အမှးနီး, မၱာ်ယလၤယဳၤ က့ၤတဲၤခီၣ်ဝဲၤ ဖဳး ဒဳတဲၤဆးလၤသးအနံၤခံနဳၤတခီ.”
တဲၤဒူၣ်တဲၤအၣ်တဲၤအီအစဲ
(မး ၉:၁၄-၁၇, မၢ် ၂:၁၈-၂၂)
33ဘ့နဳၤစဲာ်တစီာ်ဒီၣ်ယ့ၣ်ရှူး, “စီၤယိၤဟၣ်အပျဲၢ် အဘီၣ်တစီာ်ကၱာ်ဖၤရ့ၤၡဲဖဳးတစီာ် ဒူၣ်တယွဲၤတဲၤအၣ်တဲၤအီ ကၱာ်သဘူၣ်သဘဲ, ကၱာ်ဖဓရံၤရှဲဖဳးတစီာ်မဲၤကဲၤကနဳၤနဳၤ. မၱာ်နပျဲၢ်နဘီၣ် တစီာ်အၣ်အီမၤ နဲၢ်.”
34ယ့ၣ်ရှူးဒီၣ်ၡံက့ၤစဲာ်တစီာ်, “အဖၱးစူး အမံၤခဳတပွဲၤအီၣ် ကိာ်ဝ့ၤတၱတမဲတစီာ် အကါဘ့ တဲၤဖၱးစူးအပွဲပူၤအသူသရ့ သံနှးဇၤပီၢ် စဲာ်တစီာ် ဒူၣ်တဲၤအၣ်တဲၤအီဧါ. 35ပရၤဆါမူၤ နံၤတနံၤကဓဳၤကီ ထဲၢ်အဖၱးစူးအမံၤ ခဳတပွဲၤကဘဲာ် ဖၱးကဲသံဝံၢ်ကီလၢ်ဝၤ, ကၱာ်ဘ့နဳၤစဲာ် တစီာ်ကဒူၣ်ကီ တဲၤအၣ်တဲၤအီ.”
36မဲၤဝှါစဒီဆးက့ၤလၢ်ဝၤတဲၤကလဲၤ တဓဲ, “ပၠၤတပီၤဒဲးက့ၤ တကၱယၢ်အယၢ်ကၱာ် တဲၤကိတဲၤသီးအသဲတဗွဲနီး. ပၠၤကမဲၤကနဳၤဒဳၣ် အကဒးထဳးထဲးလဲးတပွဲးတဲၤကိတဲၤသီးအသဲ, ကၱာ်ဒီ တကၱယၢ်အသဲတနံၤ ရၢ်တပွဲးတကၱယၢ်အယၢ်နီး. 37ပၠၤတလှီး နံၢ်သဳာ်ပၡံးထံအသဲ ဒဳ အကဳ တဲၤဖ့း အလံၤလၤအပူၤတဗွဲနီး. တမၱာ်နီးဒဳၣ် သဳာ်ပၡံးထံအသဲကဆးပဳၤဖးတပွဲး အကဳတဲၤဖ့း ကၱာ်အကလၤကဲၢ်လဳၢ်တပွဲး, ကၱာ်တဲၤဖ့းမၱာ် မၱာ် ကကဲကအိးလဳၢ်တပွဲး. 38သဳာ်ပၡံးထံအသဲနဳၤ ကမီၤဘဲနံၢ် စဲာ်ဒဳအကဳ တဲၤဖ့းသဲပူၤနဳၤ, ကၱာ်အကအီၣ်အဲးဇဲၤနဲၤတပွဲးကၠံၢ်ဓဲလဳၢ်လဳၢ်. 39ပၠၤအအီနဲၤနီၤသဳာ်ပၡံးထံအလံၤလၤတပွဲၤနဳၤ, တသး အဲးအီ ဖြီးလှဲးအသဲနီး. မၤနဲၢ်, စဒီၣ်, အလံၤလၤ မၱာ်အဝံာ်ဒဳးဆဲး.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.