လူၤကၣ် 19
19
ယ့ၣ်ရှူးကၱာ်အတၤတဲၤမှူစီၤစးဃဲ
1ယ့ၣ်ရှူးလ့ၤနံၤကဲၤဒဳ ယရံၤဃိကၱာ် ဟဲးကိာ်ကဲၤကျဲး 2ကၱာ်စာ်ပီၢ်, ဘ့နဳၤပၠၤအတၤ တဲၤမှူအခဳးစီၤစးဃဲ, ပၠၤအနံၤအီယီၤ အၣ်အီၣ်တပွဲၤ. 3စသးအဲးလ့ၤစာ်ထၱးတပွဲးယ့ၣ်ရှူး, ပရၤဆါပၠၤ အပဳၤအဟီးအီၣ်ဘံာ်တပွဲးစလှီမီၢ်, ဒဳၣ်စတစး ထၱးဇၤ လၢ်ဝၤနီး. မၤနဲၢ်, စဲာ်မၱာ်ပၠၤအတနဲးကျဲး တပွဲၤအခဳး အစဲလီၤ. 4မဲၤကနဳၤဒဳၣ်, စစွဲး လ့ၤဒဳယ့ၣ်ရှူး လ့ၤကိာ်ကျဲးအလှီမီၢ်ကၱာ်ထာ်ကဲၤဒဳသဳာ်ကၢ်ဓူကလါ တဘီ အလီၤ စာ်ဘိထဲၢ်စကစာ်ထၱးပီၢ်လၢ်ဝၤနဳၤ. 5ဘ့ယ့ၣ်ရှူးဓဳၤဒဳနဳၤ, စစာ်ထၱးကဲၤလၢ်ဝၤဒဳၣ်, စဒီၣ် ကဲၤလၢ်ဝၤ, “စီၤစးဃဲ, က့ၤလၤပျာ်ပျါပီၢ်, ခဳတနံၤ ယကဆီဓူၢ်ဆီးဒဲဘဲာ်ဒဳနရှံၣ်နဳၤ” စဒီၣ်ကဲၤလၢ်ဝၤဓဳၤ.
6စီၤစးဃဲက့ၤလၤပျာ်ပျါကၱာ် ယဳၤသးလဳၢ် သးလၤအံာ်ကဲၤ ယ့ၣ်ရှူးရှံၣ်. 7အစာ်ထၱးကိာ် တစီာ် မိၢ်မိၢ်အၱးအၱးလဳၢ်ကဲၤ, ကၱာ်ဒီၣ်, “စလ့ၤမဲၤကဲၤ စန့ၤတၱတမဲဒဳတဲၤခီၣ်ဝဲၤဖဳးတပွဲၤအရှံၣ်နဳၤ” စဒီၣ် လၢ်ဝၤဓဳၤ.
8စီၤစးဃဲဆီထဳးအီၣ်ကၱာ်ဒီၣ်ကဲၤယ့ၣ်ရှူး, “စာ်ပီၢ်, ဘၱာ်စဲာ်, ဒဳယတဲၤတစီာ်အကျဲယကအံာ် တပွဲးအဆဲးညဲဖဳးတစီာ်ကျါမဲ. ယကလှီး လှၱလှီး ပျဲး နံၤဘ့ာ်မ့ ပၠၤတပွဲၤပွဲၤဒဳၣ်, ယကပျ့းက့ၤလွံၢ်ပျာ်ပူၤ” စဒီၣ်လၢ် ဝၤဓဳၤ.
9ယ့ၣ်ရှူးဒီၣ်ၡံက့ၤစဲာ်, “ခဳတနံၤယဳၤ, တဲၤယဳၤက့ၤစာ်က့ၤဓဳၤ ထဳဒဳရှံၣ်အယဳၤတဝၤအပူၤနဳၤ. မၤနဲၢ်ကဒီၣ်ဓဳၤဒဳၣ်, စဲာ်မၱာ်စီၤအၤ ဘြၤ ဟၣ်အခွံတပွဲၤ အခဳးအစဲနဳၤ. 10ပၠၤအဖဳးလ့ၤလၤအစာ်ဘိ စကဝၢ် လှဲးက့ၤပၠၤအကဲအလှဲမဲၢ်တစီာ်ကၱာ် ယဳၤက့ၤ စာ်က့ၤစဲာ်နဳၤတခီ” စဒီၣ် ကဲၤလၢ်ဝၤဓဳၤ.
ထဲဘ့ာ်အကလဲၤ
(မး ၂၅:၁၄-၃၀)
11ဘ့ပၠၤတစီာ်ဆီးခ့န့းဖါသးတဲၤအယဳၤအခၠၱးနဳၤ, ယ့ၣ်ရှူးဒီ ဆးကဲၤပၠၤတဲၤကလဲၤတဓဲ. စဓဳၤလ့ၤဘိး ထၱးကဲၤယရူၤၡလ့ၣ်အူး, ကၱာ် ပၠၤတစီာ်ဘူၣ်ကဲၤထဲၢ် ကဘၱာ်စဲာ်အထံအက့ၤကဓဳၤတနၢ်ကဲၤအခဳး အစဲ နဳၤ. 12စဒီဆးကဲၤလၢ်ဝၤတစီာ်ကယဳၤ, “အန့ၤဓဳၤသးပွ့ၤတပွဲၤ လ့ၤကဲၤဒဳထံလ့ၤ က့ၤယၱၤ စာ်ဘိထဲၢ်စကဖၱးနံၤ ဆးဖြးအလ့ၤကၱာ် က့ၤ ဘးကဲၤ နဳၤ. 13ဘ့စသးမီဟဲးလၤတ့ၢ်နဳၤ, စယဳၤလၤ တ့ၢ်ပျဳာ် ဝှါစဇိၤဖဳးအပွဲၤၡံးဒဳၣ်, စအံာ်လၢ်ဝၤထဲဘ့ာ် တပွဲၤတဘ့ာ်, ကၱာ်စဒီၣ်လၢ် ဝၤ, ‘ကူအံာ်ကွၢ်အံာ်ထိ ယဓဳၤက့ၤနဳၤ,’ စဒီၣ်လၢ်ဝၤဓဳၤ. 14ပရၤ ဆါထံ က့ၤဖဳးတစီာ်တဝဲၢ်စဲာ်နီး, ကၱာ်စသဓဳလ့ၤဝှါပွဲၤဇဳၤ တစီာ်စလ့ၤကါ, စဒီၣ်, ‘ဝၤတသးအဲးနံၤပၠၤအယဳၤတပွဲၤကမဲၤအန့ၤဆးဖြးဝၤခဳးနီး,’ စဲာ် တစီာ်ဒီၣ်ကဲၤဓဳၤ.
15“စဖၱးနံၤဝှါဆးဖြးအလ့ၤဒဳၣ်, စက့ၤဘး ကဲၤ. မဲၤဝှါစယဳၤ ပျဳာ်စဇိၤဖဳး ထဲၢ်စပ့ၤလၤနံၤကဲၤ ထဲဘ့ာ် တစီာ်နဳၤ, ကၱာ်ထိးစာ်ဒဲစာ်စဲာ်တစီာ် ထဲၢ်စမဲၤ ကူမဲၤကွၢ်အံာ်အနံၤအီၣ်အဲးထာ်ကဲၤစာ်တဲၢ်နဳၤ. 16အအူဆူးတပွဲၤလ့ၤကၱာ်စဒီၣ်, ‘နထဲဘ့ာ်တဘ့ာ် မဲၤနံၤအီၣ်အဲးထာ်ယဲၤအဘ့ာ်ၡံး,’ စဒီၣ်ဓဳၤ. 17ကၱာ်စဒီၣ်လၢ်ဝၤ, ‘အအဲးဟဳ, ဇိၤဖဳးအအဲး, ဒဳနတဲၤ တၱၢ် တဲၤမှးအီၣ် ဒဳတဲၤအတကၱးဖဳးအခဳးနဳၤအခဳးအစဲ, နကအူ အံာ်စာ်အံာ်ဘဲာ်ကီအူးအအူးၡံး,’ စဒီၣ်လၢ် ဝၤဓဳၤ. 18ကၠံၢ်ပွဲၤတပွဲၤလ့ၤကၱာ်စဒီၣ်, ‘ဘၱာ်စဲာ်, နထဲဘ့ာ်တဘ့ာ် မဲၤနံၤအီၣ်အဲးထာ်ယဲၤယဲၢ်ဘ့ာ်ပ့ၤ,’ စဒီၣ်လၢ်ဝၤဓဳၤ. 19စဒီၣ်ၡံက့ၤလၢ်ဝၤ, ‘နဲၤ မၱာ်မၱာ်, အူ အံာ်စာ်အံာ်ပီၢ်အူးဓဳၤယဲၢ်အူးအခဳး,’ စဒီၣ် လၢ်ဝၤဓဳၤ. 20ဇိၤဖဳး အလဝ့ၤတပွဲၤလ့ၤ ကၱာ် စဒီၣ်, ‘ဘၱာ်စဲာ်, နထဲဘ့ာ်အီၣ်ယဳၤ, ထဲၢ်ယဘီာ် ကျဳၤ အံာ်ကဲၤတကၱယၢ်နဳၤ. 21မၤနဲၢ်, နမၱာ်ပၠၤအလၤ ရူၢ်ပဳၤထံ တပွဲၤအခဳးအစဲ, ယၡံးဆါနံၤနလ့ၤ. တဲၤထဲၢ် နတဘဲလါနီးနဳၤ, နဖၱး က့ၤ ကၱာ်တဲၤထဲၢ်နတဆဳးလၤ ပၢ်လၤနီးနဳၤ, နကဲးက့ၤ,’ စဒီၣ်လၢ်ဝၤဓဳၤ. 22စဘၱာ်စဲာ်ဒီၣ်က့ၤစဲာ်, ‘နဲၤဇိၤဖဳးအကၱကဲာ်တပွဲၤ, ယစံး ရးနဲၤကၱာ်တဲၤ အအီၣ်ဒဳနလီၤမီၤပူၤအဟဲးထာ်အသရ့ လီၤ. နသၱာ်ဟဲသဲယမၱာ်ပၠၤအလၤရူၢ်ပဳၤထံတပွဲၤ, တဲၤ ဒဳယတဘဲလါနီးနဳၤ, ယဖၱးက့ၤ, တဲၤဒဳယတဆဳး လၤပၢ်လၤနီးနဳၤ, ယကဲးက့ၤနၱၢ်. 23နတလ့ၤ ဘဲလါမၤယဝှိ မူၤ ပွ့ၤဒဳဝှိကီၤလီၤပူၤ စာ်ဘိထဲၢ် ယကနံၤဘဲာ်ပီၢ်ဝှိကၱာ်အဖဳးပာ်ပာ်နဳၤနီးနဲၢ်,’ စဒီၣ်ကဲၤ လၢ်ဝၤ ဓဳၤ. 24ကၱာ်ဒီ စဒီၣ်ကဲၤပၠၤအဆီထဳးအီၣ်ဒဳနဳၤ တစီာ်, ‘ဖၱးသံဝံၢ်စဲာ်ထဲ ဘ့ာ်ကၱာ်အံာ်ပီၢ်အအဲအီၣ် အဘ့ာ်ၡံးတပွဲၤနဳၤ,’ စဒီၣ်လၢ်ဝၤတစီာ်ဓဳၤ. 25ပရၤဆါစဲာ်တစီာ်ဒီၣ်ၡံက့ၤစဲာ်, ‘ဘၱာ်စဲာ်, စထဲဘ့ာ်အီၣ် ထဳအဘ့ာ်ၡံးတဘဲာ်နီးဧါ,’ စဒဲက့ၤလၢ်ဝၤဓဳၤ. 26‘ယဒီဆးသံထဲၢ်အအဲအီၣ်တပွဲၤနဳၤ, ကဘဲာ် အံာ်ဒဳၣ်ချဳ ကီ, ပရၤဆါ အအဲ တအီၣ်နီးတပွဲၤနဳၤ, အအီၣ်နံၤစဲာ် တကၱာ်လီၤနှီနူၤ, ကဘဲာ်ဖၱးကဲ သံ ဝံၢ် ကီစဲာ်. 27မၱာ်ယဒ့ဒီၣ်ရီၢ်ခဲးအတသးအဲးနံၤယဲၤ အစာ်ဘိဆးဖြး အအူအံာ်စခဳးနီးတစီာ်နဳၤ, လ့ၤအံာ်စဲာ်ဘ့ယဳၤကၱာ် မဲၤသံစဲာ်တစီာ်ဒဳယလှီ မီၢ်နဳၤ,’ စဒီၣ်ဓဳၤ.”
တဲၤလ့ၤနံၢ်ယရူၤၡလ့ၣ်အူးပူၤတဲၤဓီၤတဲၤသ့းအကျဲ
(မး ၂၁:၁-၁၁, မၢ် ၁၁:၁-၁၁, ယိၤ ၁၂:၁၂-၁၉)
28ဘ့စဒီၣ်ဝှါတဲၤအယဳၤတစီာ်နဳၤ, စလ့ၤ ကဲၤအလှီမီၢ်, ထာ် ကဲၤဒဳယရူၤၡလ့ၣ်အူးနဳၤ. 29ဘ့စဓဳၤလၤဘိးထၱးဘ့ၤသဖးက့ဒဳ ကၱာ် ဘ့ၤသနံဒဳ အအီၣ်ခီးလီထဲၢ်ပၠၤယဳၤအမံၤသဳာ်စၤယံးတမဲနဳၤ, စနှး လ့ၤ အူဆူးကဲၤစပျဲၢ်စဘီၣ်ကၠံၢ်ပွဲၤ, 30ကၱာ်စမှဲးလၤကဲၤလၢ် ဝၤ, “လ့ၤတနၢ်ပံးပီၢ်အလှီမီၢ်ဒဳ ဒဳပူၤနဳၤ. ဘ့သံလ့ၤနံၢ်ဒဳပူၤနဳၤ, သံကစာ်ထၱး ဘဲာ်ကီ သရၱာ်ဒဳအီၣ်စဳဝဲၢ်ကျဳၤ, ထဲၢ်ပၠၤ တဒီၣ်ဘဲာ်တခါနှၱနီး တဒဳ. ဘါပျဲး ကဲကၱာ်စွဲးဘးက့ၤဘ့ယဳၤ. 31ပၠၤကဒဲသံတပွဲၤပွဲၤ, သံဘါပျဲးမၤ တဲၤဖဳးတဲၤဝ့ၤနဲၢ်ဒဳၣ်, ဒီၣ်က့ၤပီၢ်စဲာ်တစီာ်, အလဳၤပၤကဲၤဆရၣ်အနံၤခံ, ဒီၣ်စဲာ်ဓဳၤ.”
32အနဳၤကၠံၢ်ပွဲၤလ့ၤကဲၤအစာ်ဘိစတဲၤမှဲး လၤအီၣ်နဳၤကၱာ် စဲာ် တစီာ်စာ်ထၱးကဲၤတဲၤအစာ်ဘိ ယ့ၣ်ရှူးဒီၣ်ကဲၤနဳၤ. 33ဘ့စဲာ်တစီာ် ဘါပျဲးကဲ သရၱာ်ဒဳအခၠၱးနဳၤ, အဘၱာ်စဲာ်ဒဲစဲာ်တစီာ်, “သံဘါပျဲး မါသရၱာ်ဒဳ ကနဳၤနဲၢ်.”
34စဲာ်တစီာ်ဒီၣ်က့ၤလၢ်ဝၤထဲၢ် အလဳၤ ပၤကဲၤစဆရၣ်အနံၤ ခံနဳၤ. 35မဲၤဝှါဒဳၣ်, စစွံးလ့ၤအံာ်ကဲၤသရၱာ်ဒဳဖဳးဒဳယ့ၣ်ရှူးအီၣ်နဳၤ, ကၱာ် ဒဲလါဝှါစၡံာ်ဒဳအချဳတစီာ်လၢ်ဝၤအချဳခဳးဒဳၣ်, စမဲၤ ဇဳၤကဲၤယ့ၣ်ရှူး ထာ်ဒီၣ်အခဳး. 36ဘ့ယ့ၣ်ရှူး လ့ၤ ဒီၣ်အံာ်သရၱာ်ဒဳကျဲးလီၤအခၠၱးနဳၤ, ပၠၤဒဲလါအၡံာ်ဒဳချဳ တစီာ်ဒဳကျဲးလီၤနဳၤ.
37ဘ့စဓဳၤဘးဘိးထၱးယရူၤၡလ့ၣ်အူး, သဳာ်စၤယံးခီးလီအတပ့ၤလၤအလ့ၤနဳၤ, အပျဲၢ်အဘီၣ်အပဳၤအဟီးလဳစါစဲးတစီာ်သး လဳၢ်သး လၤအံာ်, စဲာ်တစီာ်ဟဲးကဲာ်ဧဳၤထါထာ်အံာ်ဘၱာ်စဲာ်ဒဳ စစာ်ထၱး ဘဲာ်ကဲၤတဲၤ ဒဲလၱၢ်ထာ်အစီးကျၱးလဳစါစဲးတစီာ်အစဲနဳၤ. 38စဲာ်တစီာ်ကဲာ်ဧဳၤထာ် ကၱာ်ဒီၣ်, “အဘဲာ်ဟိး ဝၱၤမၱာ်ဆးဖြးဓဳၤအလ့ၤဒဳ ဘၱာ်စဲာ်အမံၤအပူၤနဳၤ. တဲၤမီၤတဲၤမၤဒဳမီၢ်ခဳးကၱာ်တဲၤဓီၤတဲၤသ့းဒဳ အထာ် ယၱၤကဓူၤနဳၤ.”
39ဖၤရံၤၡဲဖဳးအအီၣ်ကဲၤပၠၤအပဳၤအဟီး အကျဲတစီာ်ဒီၣ် ကဲၤ စဲာ်, “ဆရၣ်, ဟီပီၢ်နပျဲၢ်နဘီၣ် တလၢ်နဳၤ.”
40ယ့ၣ်ရှူးဒီၣ်က့ၤစဲာ်, “စဲာ်တစီာ်ကအီၣ် ဇီၤလီၤမၤဒဳၣ်, ယဒီၣ်သံ, လဳၤတစီာ် ကကဲးဧဳၤထာ်ဓီ အအဲလီၤ” စဒီၣ်ၡံးကဲၤလၢ်ဝၤတစီာ် ဓဳၤ.
ယ့ၣ်ရှူးဟးကဲၤယရူၤၡလ့ၣ်အနံၤခံ
41ဘ့စဓဳၤလ့ၤဘိးထၱး ကၱာ်စစာ်ထၱး ယရူၤၡလ့ၣ်အူးအခၠၱးနဳၤ, ယ့ၣ်ရှူးဟးကဲၤ. 42ကၱာ်စဒီၣ်, “နကသၱာ်ဟဲမၤခဳတနံၤတဲၤစဳးတဲၤ ချံးအနံၤ ခံအလဳၤပၤမၱာ်တၤနဲၢ်ဒဳၣ်, အကအဲးကီပွ့းတဲၢ်လီၤ. ပရၤဆါ တဲၤမဲၤဘံာ်ကဲၤနကၢ်ဓူ. 43တနံၤတသဲ, နဒ့ဒီၣ်ရီၢ်ခဲးတစီာ်ကကပီၤဘံာ်နဲၤ, ကၱာ်စကဝ့ၤခွဲဘးကီနဲၤ. 44စကထၱးလၤ တ့ၢ် ကီနဲၤ, ကၱာ်နဖဳးနလံၤအအီၣ် နအူးသရာ်အပူၤတစီာ် ဒဳလၢ်ခဳး, လဳၤတဒီလါ ဘဲာ် ပ့ၤကီအန့ၤတဒဳကၱာ်တဒဳ အခဳးတဒဳနီး. မၤနဲၢ်, နတသၱာ်ဟဲကဲၤတဲၤဓဳၤ လ့ၤ ထၱးနဲၤအခၠၱးနီးအစဲလီၤ” စဒီၣ်ကဲၤလၢ်ဝၤဓဳၤ.
ယ့ၣ်ရှူးလ့ၤဒဳတဲၤလှူၣ်ၡံၣ်
(မး ၂၁:၁၂-၁၇, မၢ် ၁၁:၁၅-၁၉, ယိၤ ၂:၁၃-၂၂)
45ယ့ၣ်ရှူးလ့ၤနံၢ်တဲၤလှူၣ်ၡံၣ်အပူၤ, ကၱာ်စမှီးထာ်ကဲပၠၤအပွၱၤ အဆဲတဲၤတစီာ်ဒဳအချဳ, 46စဒီၣ်လၢ်ဝၤတစီာ်, “တဲၤဝှ့းလၤအီၣ်, ယရှံၣ် မၱာ်တဲၤသဘဲအရှံၣ်, ပရးဆါသံမဲၤအံာ်ကဲၤစဲာ် တ့ၤဝှ့ဖဳးအပီၤ” စဒီၣ်ကဲၤလၢ်ဝၤတစီာ်ဓဳၤ.
47မဲၤဝှါယ့ၣ်ရှူးသိၣ်အံာ်သီအံာ်ကဲၤတဲၤ ဒဳတဲၤလှူၣ်ၡံၣ်အပူၤ နဳၤကိအနံၤလီၤ. ပရၤဆါပၠၤလှူၣ် ဘၱာ်စဲာ်တစီာ်, အဝှ့းစဲာ်တစီာ်ကၱာ်ယူ ဒၤဖဳးအခဳး အန့ၤတစီာ်ဝၢ်လှဲးကဲၤအကြီာ်အကမဲၤသံစဲာ်နဳၤ. 48ပရၤဆါ စတမဲၤကဲာ်ထာ်တမံနီး, မၱာ်ဒဳပၠၤတစီာ် ယါဝဲၢ်ကျဳၤစတဲၤယၱၢ်ဘဲာ် အလီၤအခဳးအစဲနဳၤ.
ទើបបានជ្រើសរើសហើយ៖
လူၤကၣ် 19: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
လူၤကၣ် 19
19
ယ့ၣ်ရှူးကၱာ်အတၤတဲၤမှူစီၤစးဃဲ
1ယ့ၣ်ရှူးလ့ၤနံၤကဲၤဒဳ ယရံၤဃိကၱာ် ဟဲးကိာ်ကဲၤကျဲး 2ကၱာ်စာ်ပီၢ်, ဘ့နဳၤပၠၤအတၤ တဲၤမှူအခဳးစီၤစးဃဲ, ပၠၤအနံၤအီယီၤ အၣ်အီၣ်တပွဲၤ. 3စသးအဲးလ့ၤစာ်ထၱးတပွဲးယ့ၣ်ရှူး, ပရၤဆါပၠၤ အပဳၤအဟီးအီၣ်ဘံာ်တပွဲးစလှီမီၢ်, ဒဳၣ်စတစး ထၱးဇၤ လၢ်ဝၤနီး. မၤနဲၢ်, စဲာ်မၱာ်ပၠၤအတနဲးကျဲး တပွဲၤအခဳး အစဲလီၤ. 4မဲၤကနဳၤဒဳၣ်, စစွဲး လ့ၤဒဳယ့ၣ်ရှူး လ့ၤကိာ်ကျဲးအလှီမီၢ်ကၱာ်ထာ်ကဲၤဒဳသဳာ်ကၢ်ဓူကလါ တဘီ အလီၤ စာ်ဘိထဲၢ်စကစာ်ထၱးပီၢ်လၢ်ဝၤနဳၤ. 5ဘ့ယ့ၣ်ရှူးဓဳၤဒဳနဳၤ, စစာ်ထၱးကဲၤလၢ်ဝၤဒဳၣ်, စဒီၣ် ကဲၤလၢ်ဝၤ, “စီၤစးဃဲ, က့ၤလၤပျာ်ပျါပီၢ်, ခဳတနံၤ ယကဆီဓူၢ်ဆီးဒဲဘဲာ်ဒဳနရှံၣ်နဳၤ” စဒီၣ်ကဲၤလၢ်ဝၤဓဳၤ.
6စီၤစးဃဲက့ၤလၤပျာ်ပျါကၱာ် ယဳၤသးလဳၢ် သးလၤအံာ်ကဲၤ ယ့ၣ်ရှူးရှံၣ်. 7အစာ်ထၱးကိာ် တစီာ် မိၢ်မိၢ်အၱးအၱးလဳၢ်ကဲၤ, ကၱာ်ဒီၣ်, “စလ့ၤမဲၤကဲၤ စန့ၤတၱတမဲဒဳတဲၤခီၣ်ဝဲၤဖဳးတပွဲၤအရှံၣ်နဳၤ” စဒီၣ် လၢ်ဝၤဓဳၤ.
8စီၤစးဃဲဆီထဳးအီၣ်ကၱာ်ဒီၣ်ကဲၤယ့ၣ်ရှူး, “စာ်ပီၢ်, ဘၱာ်စဲာ်, ဒဳယတဲၤတစီာ်အကျဲယကအံာ် တပွဲးအဆဲးညဲဖဳးတစီာ်ကျါမဲ. ယကလှီး လှၱလှီး ပျဲး နံၤဘ့ာ်မ့ ပၠၤတပွဲၤပွဲၤဒဳၣ်, ယကပျ့းက့ၤလွံၢ်ပျာ်ပူၤ” စဒီၣ်လၢ် ဝၤဓဳၤ.
9ယ့ၣ်ရှူးဒီၣ်ၡံက့ၤစဲာ်, “ခဳတနံၤယဳၤ, တဲၤယဳၤက့ၤစာ်က့ၤဓဳၤ ထဳဒဳရှံၣ်အယဳၤတဝၤအပူၤနဳၤ. မၤနဲၢ်ကဒီၣ်ဓဳၤဒဳၣ်, စဲာ်မၱာ်စီၤအၤ ဘြၤ ဟၣ်အခွံတပွဲၤ အခဳးအစဲနဳၤ. 10ပၠၤအဖဳးလ့ၤလၤအစာ်ဘိ စကဝၢ် လှဲးက့ၤပၠၤအကဲအလှဲမဲၢ်တစီာ်ကၱာ် ယဳၤက့ၤ စာ်က့ၤစဲာ်နဳၤတခီ” စဒီၣ် ကဲၤလၢ်ဝၤဓဳၤ.
ထဲဘ့ာ်အကလဲၤ
(မး ၂၅:၁၄-၃၀)
11ဘ့ပၠၤတစီာ်ဆီးခ့န့းဖါသးတဲၤအယဳၤအခၠၱးနဳၤ, ယ့ၣ်ရှူးဒီ ဆးကဲၤပၠၤတဲၤကလဲၤတဓဲ. စဓဳၤလ့ၤဘိး ထၱးကဲၤယရူၤၡလ့ၣ်အူး, ကၱာ် ပၠၤတစီာ်ဘူၣ်ကဲၤထဲၢ် ကဘၱာ်စဲာ်အထံအက့ၤကဓဳၤတနၢ်ကဲၤအခဳး အစဲ နဳၤ. 12စဒီဆးကဲၤလၢ်ဝၤတစီာ်ကယဳၤ, “အန့ၤဓဳၤသးပွ့ၤတပွဲၤ လ့ၤကဲၤဒဳထံလ့ၤ က့ၤယၱၤ စာ်ဘိထဲၢ်စကဖၱးနံၤ ဆးဖြးအလ့ၤကၱာ် က့ၤ ဘးကဲၤ နဳၤ. 13ဘ့စသးမီဟဲးလၤတ့ၢ်နဳၤ, စယဳၤလၤ တ့ၢ်ပျဳာ် ဝှါစဇိၤဖဳးအပွဲၤၡံးဒဳၣ်, စအံာ်လၢ်ဝၤထဲဘ့ာ် တပွဲၤတဘ့ာ်, ကၱာ်စဒီၣ်လၢ် ဝၤ, ‘ကူအံာ်ကွၢ်အံာ်ထိ ယဓဳၤက့ၤနဳၤ,’ စဒီၣ်လၢ်ဝၤဓဳၤ. 14ပရၤ ဆါထံ က့ၤဖဳးတစီာ်တဝဲၢ်စဲာ်နီး, ကၱာ်စသဓဳလ့ၤဝှါပွဲၤဇဳၤ တစီာ်စလ့ၤကါ, စဒီၣ်, ‘ဝၤတသးအဲးနံၤပၠၤအယဳၤတပွဲၤကမဲၤအန့ၤဆးဖြးဝၤခဳးနီး,’ စဲာ် တစီာ်ဒီၣ်ကဲၤဓဳၤ.
15“စဖၱးနံၤဝှါဆးဖြးအလ့ၤဒဳၣ်, စက့ၤဘး ကဲၤ. မဲၤဝှါစယဳၤ ပျဳာ်စဇိၤဖဳး ထဲၢ်စပ့ၤလၤနံၤကဲၤ ထဲဘ့ာ် တစီာ်နဳၤ, ကၱာ်ထိးစာ်ဒဲစာ်စဲာ်တစီာ် ထဲၢ်စမဲၤ ကူမဲၤကွၢ်အံာ်အနံၤအီၣ်အဲးထာ်ကဲၤစာ်တဲၢ်နဳၤ. 16အအူဆူးတပွဲၤလ့ၤကၱာ်စဒီၣ်, ‘နထဲဘ့ာ်တဘ့ာ် မဲၤနံၤအီၣ်အဲးထာ်ယဲၤအဘ့ာ်ၡံး,’ စဒီၣ်ဓဳၤ. 17ကၱာ်စဒီၣ်လၢ်ဝၤ, ‘အအဲးဟဳ, ဇိၤဖဳးအအဲး, ဒဳနတဲၤ တၱၢ် တဲၤမှးအီၣ် ဒဳတဲၤအတကၱးဖဳးအခဳးနဳၤအခဳးအစဲ, နကအူ အံာ်စာ်အံာ်ဘဲာ်ကီအူးအအူးၡံး,’ စဒီၣ်လၢ် ဝၤဓဳၤ. 18ကၠံၢ်ပွဲၤတပွဲၤလ့ၤကၱာ်စဒီၣ်, ‘ဘၱာ်စဲာ်, နထဲဘ့ာ်တဘ့ာ် မဲၤနံၤအီၣ်အဲးထာ်ယဲၤယဲၢ်ဘ့ာ်ပ့ၤ,’ စဒီၣ်လၢ်ဝၤဓဳၤ. 19စဒီၣ်ၡံက့ၤလၢ်ဝၤ, ‘နဲၤ မၱာ်မၱာ်, အူ အံာ်စာ်အံာ်ပီၢ်အူးဓဳၤယဲၢ်အူးအခဳး,’ စဒီၣ် လၢ်ဝၤဓဳၤ. 20ဇိၤဖဳး အလဝ့ၤတပွဲၤလ့ၤ ကၱာ် စဒီၣ်, ‘ဘၱာ်စဲာ်, နထဲဘ့ာ်အီၣ်ယဳၤ, ထဲၢ်ယဘီာ် ကျဳၤ အံာ်ကဲၤတကၱယၢ်နဳၤ. 21မၤနဲၢ်, နမၱာ်ပၠၤအလၤ ရူၢ်ပဳၤထံ တပွဲၤအခဳးအစဲ, ယၡံးဆါနံၤနလ့ၤ. တဲၤထဲၢ် နတဘဲလါနီးနဳၤ, နဖၱး က့ၤ ကၱာ်တဲၤထဲၢ်နတဆဳးလၤ ပၢ်လၤနီးနဳၤ, နကဲးက့ၤ,’ စဒီၣ်လၢ်ဝၤဓဳၤ. 22စဘၱာ်စဲာ်ဒီၣ်က့ၤစဲာ်, ‘နဲၤဇိၤဖဳးအကၱကဲာ်တပွဲၤ, ယစံး ရးနဲၤကၱာ်တဲၤ အအီၣ်ဒဳနလီၤမီၤပူၤအဟဲးထာ်အသရ့ လီၤ. နသၱာ်ဟဲသဲယမၱာ်ပၠၤအလၤရူၢ်ပဳၤထံတပွဲၤ, တဲၤ ဒဳယတဘဲလါနီးနဳၤ, ယဖၱးက့ၤ, တဲၤဒဳယတဆဳး လၤပၢ်လၤနီးနဳၤ, ယကဲးက့ၤနၱၢ်. 23နတလ့ၤ ဘဲလါမၤယဝှိ မူၤ ပွ့ၤဒဳဝှိကီၤလီၤပူၤ စာ်ဘိထဲၢ် ယကနံၤဘဲာ်ပီၢ်ဝှိကၱာ်အဖဳးပာ်ပာ်နဳၤနီးနဲၢ်,’ စဒီၣ်ကဲၤ လၢ်ဝၤ ဓဳၤ. 24ကၱာ်ဒီ စဒီၣ်ကဲၤပၠၤအဆီထဳးအီၣ်ဒဳနဳၤ တစီာ်, ‘ဖၱးသံဝံၢ်စဲာ်ထဲ ဘ့ာ်ကၱာ်အံာ်ပီၢ်အအဲအီၣ် အဘ့ာ်ၡံးတပွဲၤနဳၤ,’ စဒီၣ်လၢ်ဝၤတစီာ်ဓဳၤ. 25ပရၤဆါစဲာ်တစီာ်ဒီၣ်ၡံက့ၤစဲာ်, ‘ဘၱာ်စဲာ်, စထဲဘ့ာ်အီၣ် ထဳအဘ့ာ်ၡံးတဘဲာ်နီးဧါ,’ စဒဲက့ၤလၢ်ဝၤဓဳၤ. 26‘ယဒီဆးသံထဲၢ်အအဲအီၣ်တပွဲၤနဳၤ, ကဘဲာ် အံာ်ဒဳၣ်ချဳ ကီ, ပရၤဆါ အအဲ တအီၣ်နီးတပွဲၤနဳၤ, အအီၣ်နံၤစဲာ် တကၱာ်လီၤနှီနူၤ, ကဘဲာ်ဖၱးကဲ သံ ဝံၢ် ကီစဲာ်. 27မၱာ်ယဒ့ဒီၣ်ရီၢ်ခဲးအတသးအဲးနံၤယဲၤ အစာ်ဘိဆးဖြး အအူအံာ်စခဳးနီးတစီာ်နဳၤ, လ့ၤအံာ်စဲာ်ဘ့ယဳၤကၱာ် မဲၤသံစဲာ်တစီာ်ဒဳယလှီ မီၢ်နဳၤ,’ စဒီၣ်ဓဳၤ.”
တဲၤလ့ၤနံၢ်ယရူၤၡလ့ၣ်အူးပူၤတဲၤဓီၤတဲၤသ့းအကျဲ
(မး ၂၁:၁-၁၁, မၢ် ၁၁:၁-၁၁, ယိၤ ၁၂:၁၂-၁၉)
28ဘ့စဒီၣ်ဝှါတဲၤအယဳၤတစီာ်နဳၤ, စလ့ၤ ကဲၤအလှီမီၢ်, ထာ် ကဲၤဒဳယရူၤၡလ့ၣ်အူးနဳၤ. 29ဘ့စဓဳၤလၤဘိးထၱးဘ့ၤသဖးက့ဒဳ ကၱာ် ဘ့ၤသနံဒဳ အအီၣ်ခီးလီထဲၢ်ပၠၤယဳၤအမံၤသဳာ်စၤယံးတမဲနဳၤ, စနှး လ့ၤ အူဆူးကဲၤစပျဲၢ်စဘီၣ်ကၠံၢ်ပွဲၤ, 30ကၱာ်စမှဲးလၤကဲၤလၢ် ဝၤ, “လ့ၤတနၢ်ပံးပီၢ်အလှီမီၢ်ဒဳ ဒဳပူၤနဳၤ. ဘ့သံလ့ၤနံၢ်ဒဳပူၤနဳၤ, သံကစာ်ထၱး ဘဲာ်ကီ သရၱာ်ဒဳအီၣ်စဳဝဲၢ်ကျဳၤ, ထဲၢ်ပၠၤ တဒီၣ်ဘဲာ်တခါနှၱနီး တဒဳ. ဘါပျဲး ကဲကၱာ်စွဲးဘးက့ၤဘ့ယဳၤ. 31ပၠၤကဒဲသံတပွဲၤပွဲၤ, သံဘါပျဲးမၤ တဲၤဖဳးတဲၤဝ့ၤနဲၢ်ဒဳၣ်, ဒီၣ်က့ၤပီၢ်စဲာ်တစီာ်, အလဳၤပၤကဲၤဆရၣ်အနံၤခံ, ဒီၣ်စဲာ်ဓဳၤ.”
32အနဳၤကၠံၢ်ပွဲၤလ့ၤကဲၤအစာ်ဘိစတဲၤမှဲး လၤအီၣ်နဳၤကၱာ် စဲာ် တစီာ်စာ်ထၱးကဲၤတဲၤအစာ်ဘိ ယ့ၣ်ရှူးဒီၣ်ကဲၤနဳၤ. 33ဘ့စဲာ်တစီာ် ဘါပျဲးကဲ သရၱာ်ဒဳအခၠၱးနဳၤ, အဘၱာ်စဲာ်ဒဲစဲာ်တစီာ်, “သံဘါပျဲး မါသရၱာ်ဒဳ ကနဳၤနဲၢ်.”
34စဲာ်တစီာ်ဒီၣ်က့ၤလၢ်ဝၤထဲၢ် အလဳၤ ပၤကဲၤစဆရၣ်အနံၤ ခံနဳၤ. 35မဲၤဝှါဒဳၣ်, စစွံးလ့ၤအံာ်ကဲၤသရၱာ်ဒဳဖဳးဒဳယ့ၣ်ရှူးအီၣ်နဳၤ, ကၱာ် ဒဲလါဝှါစၡံာ်ဒဳအချဳတစီာ်လၢ်ဝၤအချဳခဳးဒဳၣ်, စမဲၤ ဇဳၤကဲၤယ့ၣ်ရှူး ထာ်ဒီၣ်အခဳး. 36ဘ့ယ့ၣ်ရှူး လ့ၤ ဒီၣ်အံာ်သရၱာ်ဒဳကျဲးလီၤအခၠၱးနဳၤ, ပၠၤဒဲလါအၡံာ်ဒဳချဳ တစီာ်ဒဳကျဲးလီၤနဳၤ.
37ဘ့စဓဳၤဘးဘိးထၱးယရူၤၡလ့ၣ်အူး, သဳာ်စၤယံးခီးလီအတပ့ၤလၤအလ့ၤနဳၤ, အပျဲၢ်အဘီၣ်အပဳၤအဟီးလဳစါစဲးတစီာ်သး လဳၢ်သး လၤအံာ်, စဲာ်တစီာ်ဟဲးကဲာ်ဧဳၤထါထာ်အံာ်ဘၱာ်စဲာ်ဒဳ စစာ်ထၱး ဘဲာ်ကဲၤတဲၤ ဒဲလၱၢ်ထာ်အစီးကျၱးလဳစါစဲးတစီာ်အစဲနဳၤ. 38စဲာ်တစီာ်ကဲာ်ဧဳၤထာ် ကၱာ်ဒီၣ်, “အဘဲာ်ဟိး ဝၱၤမၱာ်ဆးဖြးဓဳၤအလ့ၤဒဳ ဘၱာ်စဲာ်အမံၤအပူၤနဳၤ. တဲၤမီၤတဲၤမၤဒဳမီၢ်ခဳးကၱာ်တဲၤဓီၤတဲၤသ့းဒဳ အထာ် ယၱၤကဓူၤနဳၤ.”
39ဖၤရံၤၡဲဖဳးအအီၣ်ကဲၤပၠၤအပဳၤအဟီး အကျဲတစီာ်ဒီၣ် ကဲၤ စဲာ်, “ဆရၣ်, ဟီပီၢ်နပျဲၢ်နဘီၣ် တလၢ်နဳၤ.”
40ယ့ၣ်ရှူးဒီၣ်က့ၤစဲာ်, “စဲာ်တစီာ်ကအီၣ် ဇီၤလီၤမၤဒဳၣ်, ယဒီၣ်သံ, လဳၤတစီာ် ကကဲးဧဳၤထာ်ဓီ အအဲလီၤ” စဒီၣ်ၡံးကဲၤလၢ်ဝၤတစီာ် ဓဳၤ.
ယ့ၣ်ရှူးဟးကဲၤယရူၤၡလ့ၣ်အနံၤခံ
41ဘ့စဓဳၤလ့ၤဘိးထၱး ကၱာ်စစာ်ထၱး ယရူၤၡလ့ၣ်အူးအခၠၱးနဳၤ, ယ့ၣ်ရှူးဟးကဲၤ. 42ကၱာ်စဒီၣ်, “နကသၱာ်ဟဲမၤခဳတနံၤတဲၤစဳးတဲၤ ချံးအနံၤ ခံအလဳၤပၤမၱာ်တၤနဲၢ်ဒဳၣ်, အကအဲးကီပွ့းတဲၢ်လီၤ. ပရၤဆါ တဲၤမဲၤဘံာ်ကဲၤနကၢ်ဓူ. 43တနံၤတသဲ, နဒ့ဒီၣ်ရီၢ်ခဲးတစီာ်ကကပီၤဘံာ်နဲၤ, ကၱာ်စကဝ့ၤခွဲဘးကီနဲၤ. 44စကထၱးလၤ တ့ၢ် ကီနဲၤ, ကၱာ်နဖဳးနလံၤအအီၣ် နအူးသရာ်အပူၤတစီာ် ဒဳလၢ်ခဳး, လဳၤတဒီလါ ဘဲာ် ပ့ၤကီအန့ၤတဒဳကၱာ်တဒဳ အခဳးတဒဳနီး. မၤနဲၢ်, နတသၱာ်ဟဲကဲၤတဲၤဓဳၤ လ့ၤ ထၱးနဲၤအခၠၱးနီးအစဲလီၤ” စဒီၣ်ကဲၤလၢ်ဝၤဓဳၤ.
ယ့ၣ်ရှူးလ့ၤဒဳတဲၤလှူၣ်ၡံၣ်
(မး ၂၁:၁၂-၁၇, မၢ် ၁၁:၁၅-၁၉, ယိၤ ၂:၁၃-၂၂)
45ယ့ၣ်ရှူးလ့ၤနံၢ်တဲၤလှူၣ်ၡံၣ်အပူၤ, ကၱာ်စမှီးထာ်ကဲပၠၤအပွၱၤ အဆဲတဲၤတစီာ်ဒဳအချဳ, 46စဒီၣ်လၢ်ဝၤတစီာ်, “တဲၤဝှ့းလၤအီၣ်, ယရှံၣ် မၱာ်တဲၤသဘဲအရှံၣ်, ပရးဆါသံမဲၤအံာ်ကဲၤစဲာ် တ့ၤဝှ့ဖဳးအပီၤ” စဒီၣ်ကဲၤလၢ်ဝၤတစီာ်ဓဳၤ.
47မဲၤဝှါယ့ၣ်ရှူးသိၣ်အံာ်သီအံာ်ကဲၤတဲၤ ဒဳတဲၤလှူၣ်ၡံၣ်အပူၤ နဳၤကိအနံၤလီၤ. ပရၤဆါပၠၤလှူၣ် ဘၱာ်စဲာ်တစီာ်, အဝှ့းစဲာ်တစီာ်ကၱာ်ယူ ဒၤဖဳးအခဳး အန့ၤတစီာ်ဝၢ်လှဲးကဲၤအကြီာ်အကမဲၤသံစဲာ်နဳၤ. 48ပရၤဆါ စတမဲၤကဲာ်ထာ်တမံနီး, မၱာ်ဒဳပၠၤတစီာ် ယါဝဲၢ်ကျဳၤစတဲၤယၱၢ်ဘဲာ် အလီၤအခဳးအစဲနဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.