လူၤကၣ် 18
18
အမှူးကမဲၤကၱာ်အစံးရးတဲၤအကလဲၤ
1ယ့ၣ်ရှူးဒီဆးစဲာ်တစီာ်တဲၤကလဲၤတဓဲပ့ၤ ထဲၢ် စမီၤသဘဲ သဲာ်ယိကၱာ်စသးကတဟဲးကဲပီၢ်နီးနဳၤ. 2စဒီၣ်, “ဒဳအူးတအူးအပူၤနဳၤ အစံးရးတဲၤမှူ အီၣ်တပွဲၤ, ထဲၢ်အတၡံးဆါကဘၱာ်စဲာ်နီး, ကၱာ်အတယးဘဲာ်ပၠၤနီးနီးတပွဲၤနဳၤ. 3ဘ့အူးအပူၤနဳၤ အမှူးကမဲၤအီၣ် ကဲၤတပွဲၤ, စလ့ၤထၱးသဲာ်ယိလၢ်ဝၤ ကၱာ်စဒီၣ်, ‘စံးရးတၱၢ်မှးနံၤပီၢ်ယဲၤ ကၱာ်အထာ် ဒ့ဒီၣ် ယဲၤတပွဲၤအဇဳၤ, တဲၤမှူ,’ စဒီၣ်လၢ်ဝၤဓဳၤ. 4မၱာ် စလဲၢ်တၤကဲလၢ်ဝၤအတဲၤတၤအီၣ်ယၱၢ် အီၣ်ကၠး ကဲၤ. ပရၤဆါအလ့ၤ ကါစကမဳၤကဲၤဒဳ စသးပူၤကယဳၤ, ‘ယတၡံးဆါနံၤကဘၱာ်စဲာ်အလ့ၤနီးနီး, ကၱာ်ယတယးဘဲာ်ပၠၤနီးနီး. 5မဲၤနီၣ်သီဓဳၤနှီနူၤ, အမှူးကမဲၤတပွဲၤမဲၤနံၤဗၠဲဇၱၢ်တပွဲးယဲၤလီၤ. ယကတစံးရးတၱၢ် မှးနံၤစဲာ်နီးဒဳၣ်, စကမဲၤဒၱး ဒဳးဒၱာ်ဒါ, ဆီးဝဲဘဲသး တပွဲးယဲၤလီၤ,’ စဒီၣ်ဓဳၤ.”
6မဲၤဝှါဘၱာ်စဲာ်ဒီၣ်, “ဆီးခ့န့းပီၢ်အစံးရး တဲၤအတတၱၢ်တမှးနီးတပွဲၤဒီၣ်စာ်တဲၢ်နဳၤ, 7ကၱာ်ကဘၱာ်စဲာ်နဳၤ, ဒဳစပွဲၤ အဘဲာ်ရိၤ တစီာ်ကယဳၤထာ် စဲာ်သဲမူၤဆဲမူၤနဲၤဒဳးဒဳၣ်, စတဝဳၤအံာ်မဲၤလၢ်ဝၤနီးဧါ. စမဲၤခၠံးခၠံးန့ၤန့ၤပီၢ်စန့ၤအကမဲၤဇဳၤစဲာ်ဧါ. 8ယဒီဆးသံ, စကမဲၤပျာ် ပျါတပွဲးလၢ်ဝၤအခဳးလံၢ်. မၱာ်ဘ့ပၠၤအဖဳးကလ့ၤလၤအခၠၱးနဳၤ, စကပးနံၤ တပွဲး တဲၤဘူၣ်ဒဳလၢ်ခဳးယဳၤ, သံကမဳၤဒဳးဧါ” စဒီၣ်ကဲၤလၢ်ဝၤ တစီာ်ဓဳၤ.
ဖၤရံၤၡဲဖဳးကၱာ်အတၤတဲၤမှူအကလဲၤ
9အဘဲာ်ကၠးအဆးၡံလၤက့ၤဓီအန့ၤ ကၱာ်အထဲးကဲထဲးအိးပၠၤ တစီာ်နဳၤ, ယ့ၣ်ရှူးဒီဆးက့ၤ ပၠၤတဲၤကလဲၤတဓဲ. 10“ပၠၤကၠံၢ်ပွဲၤ ထာ်ဒဳတဲၤလှူၣ်ၡံၣ်ပူၤ စာ်ဘိထဲၢ်စကသဘဲထာ်နဳၤ, တပွဲၤမၱာ်ဖၤရံၤၡဲဖဳး ကၱာ်တပွဲၤမၱာ်အတၤတဲၤမှူ. 11ဖၤရံၤၡဲဖဳးတပွဲၤ ဆီထဳးအီၣ်ကၱာ်သဘဲကဲၤကယဳၤ, ‘အဳဘၱာ်စဲာ်, ယထါထာ်အံာ်နလှူၣ်နတါ, မၤနဲၢ်, ယတမၱာ် အစာ်ဘိပၠၤအလဝ့ၤတစီာ်ထဲၢ်အအါ ဝူၢ်အါ သဖျဲးတဲၤ, အတတၱၢ်တမှး နီး, အလၤသူးလၤကမဲာ်, ယတမၱာ်သၣ်ကီအစာ်ဘိအတၤတဲၤမှူအယဳၤ တပွဲၤနီးအစဲနဳၤ. 12တဆီးဒဲအပူၤ, ယဒူၣ်တဲၤ အၣ်တဲၤအီကၠံၢ် ပျာ်, ဒဳယတဲၤတစီာ်အကျဲယမဲၤလှူၣ် မဲၤတါတဲၤအသွဲးၡံးတသွဲး,’ စဒီၣ် ဓဳၤ. 13ပရၤဆါအတၤတဲၤမှူနဳၤ, စဆီထဳးအီၣ်ဒဳအတပီၤနဳၤ, စတယ့ၤထာ်ဘူၣ်သၣ်ကီစမူၢ်ကါဒဳမီၢ်ခဳးနီး, စဒဲးလၤ စသးမီၢ်ပူၤကၱာ်စဒီၣ်, ‘အဳဘၱာ်စဲာ်, ခီၣ်ဝဲၤပီၢ်ယဲၤ တဲၤခီၣ်ဝဲၤဖဳးတပွဲၤယဳၤတကၱာ်,’ စဒီၣ်ကဲၤဓဳၤ. 14ယဒီဆးသံ, ပၠၤအတၤတဲၤမှူတပွဲၤ, တဘဲာ်ဖၤ ရံၤၡဲဖဳး နီးနဳၤ, တၱၢ်မှးတပွဲးကဘၱာ်စဲာ်အလှီမီၢ် ဘ့စက့ၤကဲၤ ရှံၣ်နဳၤ. မၤနဲၢ်ကဒီၣ်ဓဳၤ ဒဳၣ်, ပၠၤအပဲၢ်ထာ်ထိအန့ၤ တပွဲၤနဳၤ, ကဘဲာ်ပဲၢ်ဘိးလၤကီ, ကၱာ်ပၠၤအပဲၢ်ဘိးလၤ အန့ၤတပွဲၤနဳၤ, ကဘဲာ်ပဲၢ်ထာ်ယၱၤကီ” စဒီၣ်က့ၤ လၢ်ဝၤတစီာ်ဓဳၤ.
ယ့ၣ်ရှူးဟိးဝၱၤအပံၤစဖဳး
(မး ၁၉:၁၃-၁၅, မၢ် ၁၀:၁၃-၁၆)
15အမဳၤအပာ်တစီာ်လ့ၤအံာ်အဖဳးအလံၤ ဒဳယ့ၣ်ရှူးအီၣ်, စာ် ဘိထဲၢ်စကဟိးဝၱၤပီၢ်လၢ်ဝၤနဳၤ. ပရၤဆါဘ့အပျဲၢ်အဘီၣ်တစီာ်စာ်ထၱး ဒဳၣ်, စဟီ ကဲၤလၢ်ဝၤတစီာ်. 16မၱာ်ယ့ၣ်ရှူးယဳၤလၤတ့ၢ် ပျဳာ်ဝှါ စဲာ်တစီာ်ဒဳၣ်, စဒီၣ်, “အပံၤစဖဳးတစီာ်ကလ့ၤ ထၱးဒီဧဲၤယဲၤ, မဲၤဒၱာ်ဒါမဲးစဲာ် မဲး. မၤနဲၢ်ဒဳၣ်, ကဘၱာ် စဲာ်အထံအက့ၤမၱာ်အစာ်ဘိစဲာ်တစီာ်ယဳၤလီၤ. 17ယဒီဆးသံအတၱၢ်အမှး, ပၠၤအတဖၱးနံၤကဘၱာ်စဲာ်အထံအက့ၤအစာ်ဘိအပံၤစဖဳးနီးတစီာ်နဳၤ, တလ့ၤနံၢ် ဘဲာ်အပူၤနီး” စဒီၣ်ကဲၤလၢ်ဝၤ တစီာ်ဓဳၤ.
အနံၤအီယီၤအၣ်တပွဲၤ
(မး ၁၉:၁၆-၃၀, မၢ် ၁၀:၁၇-၃၁)
18အခဳးအန့ၤတပွဲၤဒဲယ့ၣ်ရှူး, စဒီၣ်, “ဆရၣ်အအဲး, စာ်ဘိ ထဲၢ်ယကနံၤဘဲာ်တဲၤသမိလၤထူ လၤပျဳၤနဳၤ, ယကမဲၤဘဲာ်တၤနဲၢ်” စဒဲ ကဲၤလၢ်ဝၤဓဳၤ.
19ယ့ၣ်ရှူးဒီၣ်ၡံက့ၤစဲာ်, “နယဳၤမၤယဲၤ အအဲးနဲၢ်. ပၠၤအအဲး တအီၣ်တဗွဲနီး, မၱာ်ကဘၱာ်စဲာ်လီၤ. 20နသၱာ်ဟဲတပွဲးတဲၤမှဲးလၤတစီာ်နဳၤ. မဲၤလၤကမဲာ်မဲးတဲၤမဲး. မဲၤသံမဲးပၠၤမဲး. အၣ်ဟူၣ်မဲးတဲၤ မဲး. တဲၤ တတၱၢ်တမှးနီးနဳၤ ခးမဲးနန့ၤသဲသၱးမဲး. ဒဳဘဲာ် ယးဘဲာ်နမဳၤနပာ်” စဒီၣ် လၢ်ဝၤဓဳၤ.
21စဒီၣ်ၡံက့ၤဘၱာ်စဲာ်, “တဲၤအယဳၤတစီာ် ယလိၤကိာ်မဲၤ ကိာ်ထဳလှ့ယပံၤစဖဳးဝ့ၤနဳၤ” စဒီၣ်ၡံက့ၤ လၢ်ဝၤဓဳၤ.
22ယ့ၣ်ရှူးသၱာ်ဟဲဘဲာ်အယဳၤဒဳၣ်, စဒီၣ် လၢ်ဝၤ, “နနံၤခံအလဳၤပၤဝ့ၤတဓဲပ့ၤ, ဆဲကဲလဳတဲၤအအီၣ်နံၤနဲၤတစီာ်နဳၤ, ကၱာ်အံာ်ပီၢ်အဆဲးညဲဖဳးတစီာ်, ကၱာ်နကနံၤဘဲာ်ကီတဲၤအလံၢ်ဓဳၤပွၱၤသဲဒဳမီၢ်ခဳးနဳၤ, ကၱာ် လိၤကိာ်ပီၢ်ယလ့ၤ” စဒီၣ်ကဲၤလၢ်ဝၤဓဳၤ. 23စသၱာ်ဟဲဘဲာ်တဲၤ အယဳၤတစီာ်ဒဳၣ်, စအဳးသးဆိးကဲၤ. မၤနဲၢ်, စဲာ်မၱာ်ပၠၤအနံၤအီယီၤအၣ် တပွဲၤအခဳးအစဲနဳၤ.
24ယ့ၣ်ရှူးစာ်ထၱးစတဲၤအဳးသးဒဳၣ်, စဒီၣ်, “ပၠၤအနံၤအီယီၤ အၣ်တစီာ် ကလ့ၤနံၢ်ကဘၱာ်စဲာ်အထံ အက့ၤပူၤအနံၤခံနဳၤ အပၤအဆဲကီ ပွ့းတဲၢ်လီၤ. 25ကီၤလၤအူးတဒဳ ကလ့ၤနံၢ်နှါဒဲးအကးဇဲပူၤနှီနူၤ အကၡဳဒဳၣ်လံဝ့ၤပၠၤအနံၤအီယီၤအၣ်တပွဲၤကလ့ၤနံၢ် ကဘၱာ်စဲာ်အထံအက့ၤ ပူၤတခီ,” စဒီၣ်ဓဳၤ.
26ပၠၤအသၱာ်ဟဲဘဲာ် တဲၤအယဳၤတစီာ်ဒီၣ် ကဲၤ, “မဲၤကနဳၤ ဒဳၣ်, ပီၢ်ပွဲၤကလှိထာ်က့ၤဇၤဒီပွဲၤ” စဒဲကဲၤတစီာ်ဓဳၤ.
27စဒီၣ်ၡံက့ၤလၢ်ဝၤတစီာ်, “တဲၤထဲၢ် အတဖၱထာ်ဇၤပၠၤအနံၤခံနီးတစီာ်နဳၤ, အဖၱထာ်ဇၤ တပွဲးကဘၱာ်စဲာ်အနံၤခံ” စဒီၣ်ၡံက့ၤကဲၤ လၢ်ဝၤတစီာ် ဓဳၤ.
28စီၤပ့းတရူးဒီၣ်က့ၤစဲာ်, “စာ်ပီၢ်, ဝၤလဲၢ်လၤကဲတဲၤလဳစါစဲး, လိၤကိာ်ကဲၤနလ့ၤ” စဒီၣ်ကဲၤယ့ၣ်ရှူးဓဳၤ.
29ကၱာ်ယ့ၣ်ရှူးဒီၣ်က့ၤစဲာ်တစီာ်, “ယဒီဆးသံအတၱၢ်အမှး, ပၠၤအလဲၢ်လၤကဲဝှါ အရှံၣ်အဖါ, အမဳၤအပာ်, အသဲပူၤသဲဝ့ၤ, အဖဳးအမှဲ ကဘၱာ်စဲာ်အထံအက့ၤအနံၤခံတပွဲၤနဳၤ, 30ကနံၤဘဲာ်က့ၤအီၣ် အဲးဒဳၣ်ချဳကီဘ့ခဳနူၤယဳၤ, ကၱာ်တဲၤသမိလၤထူလၤပျဳၤဒဳအလ့ၤကါတစိၤနဳၤ” စဒီဆးကဲၤလၢ်ဝၤတစီာ်ဓဳၤ.
ယ့ၣ်ရှူးဒီဆးတီၤလီၤအတဲၤဆဲးညဲပီၤတီၤ
(မး ၂၀:၁၇-၁၉, မၢ် ၁၀:၃၂-၃၄)
31ယ့ၣ်ရှူးယဳၤပျဳာ်ဝှါအပျဲၢ်အဘီၣ်ၡံးကၠံၢ် ပွဲၤဒဳၣ်စဒီဆးလၢ် ဝၤ, “စာ်ပီၢ်, ဝၤထာ်ဒဳယရူၤၡလ့ၣ် အူးယဳၤ, ကၱာ်တဲၤလဳစါစဲးထဲၢ်ဝံတစီာ်ဝှ့းလၤတီၤလီၤ ကဲၤပၠၤအဖဳးအဝၱၤအကဲတစီာ်ကပ့ထာ်ဇီၤထာ်ကီ. 32စကဘဲာ်အံာ်လၤဖျီးမံကီဒဳပွဲၤသူကူာ်ဖဳးတစီာ် အစူးခီးပူၤကၱာ်ဘဲာ်ဆီး လူဆီယဲၢ်, ဘဲာ်ကီၤဆဲလဲၤဝဲၢ်, ဘဲာ်ထွၱးနံၢ်ကီစမူၢ်ကါပူၤ. 33စဲာ် တစီာ် ကလှၱး ကပျဲကီစဲာ်ကၱာ်မဲၤသံကီစဲာ်, ပရၤဆါသဳနံၤတနံၤနဳၤ စကထာ်ပဳၤက့ၤကီတဲၤသံအကျဲ” စဒီဆးလၢ်ဝၤ တစီာ်ဓဳၤ.
34ပရၤဆါအပျဲၢ်အဘီၣ်တစီာ်တသၱာ်ဟဲ ကဲၤတမံနီး, မၤနဲၢ် ဒဳၣ်, တဲၤဒီဆးအယဳၤတစီာ်မၱာ်အဘဲာ်လဲၢ်ဟူၣ်ကဲၤစဲာ်တစီာ်အလှီမီၢ် အခဳးအစဲ, ယ့ၣ်ရှူး ဒီၣ်တဲၤအယဳၤမၱာ်အဘဲာ်ကၠးတၤနဲၢ်နဳစတသၱာ် တစီာ် နီး.
ယ့ၣ်ရှူးမဲၤလှၱထာ်အတၤအၣ်တဲၤအကၢ်ဓူခံးတပွဲၤ
(မး ၂၀:၂၉-၃၄, မၢ် ၁၀:၄၆-၅၂)
35ဘ့ယ့ၣ်ရှူးဓဳၤဘိးထၱးဒဳယရံၤဃိအူးနဳၤ, ပၠၤအကၢ်ဓူခံး, အဆးနါလါအီၣ်ကဲၤဒဳကျဲးဧဳၢ်လီၤ တပွဲၤ, တၤအၣ်တဲၤ. 36စသၱာ်ဟဲ ဘဲာ်ပၠၤအပဳၤ အဟီးလ့ၤ, က့ၤကနဳၤဒဳၣ်, စဒဲစာ်ကဲၤပၠၤတဲၤဝၱၤ တဲၤ ကဲ.
37ကၱာ်ပၠၤဒီဆးစဲာ်, “ပၠၤနစၤရ့းဖဳးယ့ၣ်ရှူး လ့ၤကိာ်ကျဲး” နဳၤ.
38ကၱာ်စကဲာ်ဧဳၤထာ်, စဒီၣ်, “ယ့ၣ်ရှူး. စီၤဒၤဝံးအဖဳး, ခီၣ်ဝဲၤ ပီၢ်ယဲၤတကၱာ်.”
39ပၠၤအလ့ၤအလှီမီၢ်တစီာ်ဟီစဲာ်ကၱာ်နှး အီၣ်ဇီၤလီၤကဲၤစဲာ်. မၱာ်စကဲာ်ဧဳၤဆိးဒဳၣ်ချဳ, “ယ့ၣ်ရှူး. စီၤဒၤဝံးအဖဳး, ခီၣ်ဝဲၤပီၢ်ယဲၤတကၱာ်.” စဒီၣ်ဓဳၤ.
40ယ့ၣ်ရှူးဆီထဳးအီၣ်ဝှါ, စနှးလ့ၤအံာ် အကၢ်ဓူ ခံးတပွဲၤဒဳစအီၣ်နဳၤ. ဘ့စဓဳၤဘိးထၱးလၢ်ဝၤ နဳၤ, ယ့ၣ်ရှူးဒဲစဲာ်, 41“နသးအဲးနံၤ ယကမဲၤနံၤ ဘဲာ်နဲၤတၤနဲၢ်” စဒီၣ်လၢ်ဝၤဓဳၤ.
စဒီၣ်ၡံက့ၤလၢ်ဝၤ, “ဘၱာ်စဲာ်, ယသးအဲးစာ်ထၱး က့ၤတဲၤ” စဒီၣ်လၢ် ဝၤဓဳၤ.
42ကၱာ်ယ့ၣ်ရှူးဒီၣ်ၡံက့ၤစဲာ်, “စာ်ထၱးက့ၤ ခး, နတဲၤဘူၣ်မဲၤ လှိထာ်က့ၤထဳနဲၤ” စဒီၣ်လၢ်ဝၤဓဳၤ.
43စစာ်ထၱးက့ၤတဲၤတပျာ်ခါလီၤ, ကၱာ်လိၤ ကိာ်ကဲၤယ့ၣ်ရှူး အလ့ၤ, ဒီၣ်လှူၣ်ဒီၣ်တါကဲၤကဘၱာ်စဲာ်. ပၠၤအစာ်ထၱးတဲၤအယဳၤလဳစါစဲး ထါထာ်အံာ်ကဲၤ ကဘၱာ်စဲာ်.
ទើបបានជ្រើសរើសហើយ៖
လူၤကၣ် 18: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
လူၤကၣ် 18
18
အမှူးကမဲၤကၱာ်အစံးရးတဲၤအကလဲၤ
1ယ့ၣ်ရှူးဒီဆးစဲာ်တစီာ်တဲၤကလဲၤတဓဲပ့ၤ ထဲၢ် စမီၤသဘဲ သဲာ်ယိကၱာ်စသးကတဟဲးကဲပီၢ်နီးနဳၤ. 2စဒီၣ်, “ဒဳအူးတအူးအပူၤနဳၤ အစံးရးတဲၤမှူ အီၣ်တပွဲၤ, ထဲၢ်အတၡံးဆါကဘၱာ်စဲာ်နီး, ကၱာ်အတယးဘဲာ်ပၠၤနီးနီးတပွဲၤနဳၤ. 3ဘ့အူးအပူၤနဳၤ အမှူးကမဲၤအီၣ် ကဲၤတပွဲၤ, စလ့ၤထၱးသဲာ်ယိလၢ်ဝၤ ကၱာ်စဒီၣ်, ‘စံးရးတၱၢ်မှးနံၤပီၢ်ယဲၤ ကၱာ်အထာ် ဒ့ဒီၣ် ယဲၤတပွဲၤအဇဳၤ, တဲၤမှူ,’ စဒီၣ်လၢ်ဝၤဓဳၤ. 4မၱာ် စလဲၢ်တၤကဲလၢ်ဝၤအတဲၤတၤအီၣ်ယၱၢ် အီၣ်ကၠး ကဲၤ. ပရၤဆါအလ့ၤ ကါစကမဳၤကဲၤဒဳ စသးပူၤကယဳၤ, ‘ယတၡံးဆါနံၤကဘၱာ်စဲာ်အလ့ၤနီးနီး, ကၱာ်ယတယးဘဲာ်ပၠၤနီးနီး. 5မဲၤနီၣ်သီဓဳၤနှီနူၤ, အမှူးကမဲၤတပွဲၤမဲၤနံၤဗၠဲဇၱၢ်တပွဲးယဲၤလီၤ. ယကတစံးရးတၱၢ် မှးနံၤစဲာ်နီးဒဳၣ်, စကမဲၤဒၱး ဒဳးဒၱာ်ဒါ, ဆီးဝဲဘဲသး တပွဲးယဲၤလီၤ,’ စဒီၣ်ဓဳၤ.”
6မဲၤဝှါဘၱာ်စဲာ်ဒီၣ်, “ဆီးခ့န့းပီၢ်အစံးရး တဲၤအတတၱၢ်တမှးနီးတပွဲၤဒီၣ်စာ်တဲၢ်နဳၤ, 7ကၱာ်ကဘၱာ်စဲာ်နဳၤ, ဒဳစပွဲၤ အဘဲာ်ရိၤ တစီာ်ကယဳၤထာ် စဲာ်သဲမူၤဆဲမူၤနဲၤဒဳးဒဳၣ်, စတဝဳၤအံာ်မဲၤလၢ်ဝၤနီးဧါ. စမဲၤခၠံးခၠံးန့ၤန့ၤပီၢ်စန့ၤအကမဲၤဇဳၤစဲာ်ဧါ. 8ယဒီဆးသံ, စကမဲၤပျာ် ပျါတပွဲးလၢ်ဝၤအခဳးလံၢ်. မၱာ်ဘ့ပၠၤအဖဳးကလ့ၤလၤအခၠၱးနဳၤ, စကပးနံၤ တပွဲး တဲၤဘူၣ်ဒဳလၢ်ခဳးယဳၤ, သံကမဳၤဒဳးဧါ” စဒီၣ်ကဲၤလၢ်ဝၤ တစီာ်ဓဳၤ.
ဖၤရံၤၡဲဖဳးကၱာ်အတၤတဲၤမှူအကလဲၤ
9အဘဲာ်ကၠးအဆးၡံလၤက့ၤဓီအန့ၤ ကၱာ်အထဲးကဲထဲးအိးပၠၤ တစီာ်နဳၤ, ယ့ၣ်ရှူးဒီဆးက့ၤ ပၠၤတဲၤကလဲၤတဓဲ. 10“ပၠၤကၠံၢ်ပွဲၤ ထာ်ဒဳတဲၤလှူၣ်ၡံၣ်ပူၤ စာ်ဘိထဲၢ်စကသဘဲထာ်နဳၤ, တပွဲၤမၱာ်ဖၤရံၤၡဲဖဳး ကၱာ်တပွဲၤမၱာ်အတၤတဲၤမှူ. 11ဖၤရံၤၡဲဖဳးတပွဲၤ ဆီထဳးအီၣ်ကၱာ်သဘဲကဲၤကယဳၤ, ‘အဳဘၱာ်စဲာ်, ယထါထာ်အံာ်နလှူၣ်နတါ, မၤနဲၢ်, ယတမၱာ် အစာ်ဘိပၠၤအလဝ့ၤတစီာ်ထဲၢ်အအါ ဝူၢ်အါ သဖျဲးတဲၤ, အတတၱၢ်တမှး နီး, အလၤသူးလၤကမဲာ်, ယတမၱာ်သၣ်ကီအစာ်ဘိအတၤတဲၤမှူအယဳၤ တပွဲၤနီးအစဲနဳၤ. 12တဆီးဒဲအပူၤ, ယဒူၣ်တဲၤ အၣ်တဲၤအီကၠံၢ် ပျာ်, ဒဳယတဲၤတစီာ်အကျဲယမဲၤလှူၣ် မဲၤတါတဲၤအသွဲးၡံးတသွဲး,’ စဒီၣ် ဓဳၤ. 13ပရၤဆါအတၤတဲၤမှူနဳၤ, စဆီထဳးအီၣ်ဒဳအတပီၤနဳၤ, စတယ့ၤထာ်ဘူၣ်သၣ်ကီစမူၢ်ကါဒဳမီၢ်ခဳးနီး, စဒဲးလၤ စသးမီၢ်ပူၤကၱာ်စဒီၣ်, ‘အဳဘၱာ်စဲာ်, ခီၣ်ဝဲၤပီၢ်ယဲၤ တဲၤခီၣ်ဝဲၤဖဳးတပွဲၤယဳၤတကၱာ်,’ စဒီၣ်ကဲၤဓဳၤ. 14ယဒီဆးသံ, ပၠၤအတၤတဲၤမှူတပွဲၤ, တဘဲာ်ဖၤ ရံၤၡဲဖဳး နီးနဳၤ, တၱၢ်မှးတပွဲးကဘၱာ်စဲာ်အလှီမီၢ် ဘ့စက့ၤကဲၤ ရှံၣ်နဳၤ. မၤနဲၢ်ကဒီၣ်ဓဳၤ ဒဳၣ်, ပၠၤအပဲၢ်ထာ်ထိအန့ၤ တပွဲၤနဳၤ, ကဘဲာ်ပဲၢ်ဘိးလၤကီ, ကၱာ်ပၠၤအပဲၢ်ဘိးလၤ အန့ၤတပွဲၤနဳၤ, ကဘဲာ်ပဲၢ်ထာ်ယၱၤကီ” စဒီၣ်က့ၤ လၢ်ဝၤတစီာ်ဓဳၤ.
ယ့ၣ်ရှူးဟိးဝၱၤအပံၤစဖဳး
(မး ၁၉:၁၃-၁၅, မၢ် ၁၀:၁၃-၁၆)
15အမဳၤအပာ်တစီာ်လ့ၤအံာ်အဖဳးအလံၤ ဒဳယ့ၣ်ရှူးအီၣ်, စာ် ဘိထဲၢ်စကဟိးဝၱၤပီၢ်လၢ်ဝၤနဳၤ. ပရၤဆါဘ့အပျဲၢ်အဘီၣ်တစီာ်စာ်ထၱး ဒဳၣ်, စဟီ ကဲၤလၢ်ဝၤတစီာ်. 16မၱာ်ယ့ၣ်ရှူးယဳၤလၤတ့ၢ် ပျဳာ်ဝှါ စဲာ်တစီာ်ဒဳၣ်, စဒီၣ်, “အပံၤစဖဳးတစီာ်ကလ့ၤ ထၱးဒီဧဲၤယဲၤ, မဲၤဒၱာ်ဒါမဲးစဲာ် မဲး. မၤနဲၢ်ဒဳၣ်, ကဘၱာ် စဲာ်အထံအက့ၤမၱာ်အစာ်ဘိစဲာ်တစီာ်ယဳၤလီၤ. 17ယဒီဆးသံအတၱၢ်အမှး, ပၠၤအတဖၱးနံၤကဘၱာ်စဲာ်အထံအက့ၤအစာ်ဘိအပံၤစဖဳးနီးတစီာ်နဳၤ, တလ့ၤနံၢ် ဘဲာ်အပူၤနီး” စဒီၣ်ကဲၤလၢ်ဝၤ တစီာ်ဓဳၤ.
အနံၤအီယီၤအၣ်တပွဲၤ
(မး ၁၉:၁၆-၃၀, မၢ် ၁၀:၁၇-၃၁)
18အခဳးအန့ၤတပွဲၤဒဲယ့ၣ်ရှူး, စဒီၣ်, “ဆရၣ်အအဲး, စာ်ဘိ ထဲၢ်ယကနံၤဘဲာ်တဲၤသမိလၤထူ လၤပျဳၤနဳၤ, ယကမဲၤဘဲာ်တၤနဲၢ်” စဒဲ ကဲၤလၢ်ဝၤဓဳၤ.
19ယ့ၣ်ရှူးဒီၣ်ၡံက့ၤစဲာ်, “နယဳၤမၤယဲၤ အအဲးနဲၢ်. ပၠၤအအဲး တအီၣ်တဗွဲနီး, မၱာ်ကဘၱာ်စဲာ်လီၤ. 20နသၱာ်ဟဲတပွဲးတဲၤမှဲးလၤတစီာ်နဳၤ. မဲၤလၤကမဲာ်မဲးတဲၤမဲး. မဲၤသံမဲးပၠၤမဲး. အၣ်ဟူၣ်မဲးတဲၤ မဲး. တဲၤ တတၱၢ်တမှးနီးနဳၤ ခးမဲးနန့ၤသဲသၱးမဲး. ဒဳဘဲာ် ယးဘဲာ်နမဳၤနပာ်” စဒီၣ် လၢ်ဝၤဓဳၤ.
21စဒီၣ်ၡံက့ၤဘၱာ်စဲာ်, “တဲၤအယဳၤတစီာ် ယလိၤကိာ်မဲၤ ကိာ်ထဳလှ့ယပံၤစဖဳးဝ့ၤနဳၤ” စဒီၣ်ၡံက့ၤ လၢ်ဝၤဓဳၤ.
22ယ့ၣ်ရှူးသၱာ်ဟဲဘဲာ်အယဳၤဒဳၣ်, စဒီၣ် လၢ်ဝၤ, “နနံၤခံအလဳၤပၤဝ့ၤတဓဲပ့ၤ, ဆဲကဲလဳတဲၤအအီၣ်နံၤနဲၤတစီာ်နဳၤ, ကၱာ်အံာ်ပီၢ်အဆဲးညဲဖဳးတစီာ်, ကၱာ်နကနံၤဘဲာ်ကီတဲၤအလံၢ်ဓဳၤပွၱၤသဲဒဳမီၢ်ခဳးနဳၤ, ကၱာ် လိၤကိာ်ပီၢ်ယလ့ၤ” စဒီၣ်ကဲၤလၢ်ဝၤဓဳၤ. 23စသၱာ်ဟဲဘဲာ်တဲၤ အယဳၤတစီာ်ဒဳၣ်, စအဳးသးဆိးကဲၤ. မၤနဲၢ်, စဲာ်မၱာ်ပၠၤအနံၤအီယီၤအၣ် တပွဲၤအခဳးအစဲနဳၤ.
24ယ့ၣ်ရှူးစာ်ထၱးစတဲၤအဳးသးဒဳၣ်, စဒီၣ်, “ပၠၤအနံၤအီယီၤ အၣ်တစီာ် ကလ့ၤနံၢ်ကဘၱာ်စဲာ်အထံ အက့ၤပူၤအနံၤခံနဳၤ အပၤအဆဲကီ ပွ့းတဲၢ်လီၤ. 25ကီၤလၤအူးတဒဳ ကလ့ၤနံၢ်နှါဒဲးအကးဇဲပူၤနှီနူၤ အကၡဳဒဳၣ်လံဝ့ၤပၠၤအနံၤအီယီၤအၣ်တပွဲၤကလ့ၤနံၢ် ကဘၱာ်စဲာ်အထံအက့ၤ ပူၤတခီ,” စဒီၣ်ဓဳၤ.
26ပၠၤအသၱာ်ဟဲဘဲာ် တဲၤအယဳၤတစီာ်ဒီၣ် ကဲၤ, “မဲၤကနဳၤ ဒဳၣ်, ပီၢ်ပွဲၤကလှိထာ်က့ၤဇၤဒီပွဲၤ” စဒဲကဲၤတစီာ်ဓဳၤ.
27စဒီၣ်ၡံက့ၤလၢ်ဝၤတစီာ်, “တဲၤထဲၢ် အတဖၱထာ်ဇၤပၠၤအနံၤခံနီးတစီာ်နဳၤ, အဖၱထာ်ဇၤ တပွဲးကဘၱာ်စဲာ်အနံၤခံ” စဒီၣ်ၡံက့ၤကဲၤ လၢ်ဝၤတစီာ် ဓဳၤ.
28စီၤပ့းတရူးဒီၣ်က့ၤစဲာ်, “စာ်ပီၢ်, ဝၤလဲၢ်လၤကဲတဲၤလဳစါစဲး, လိၤကိာ်ကဲၤနလ့ၤ” စဒီၣ်ကဲၤယ့ၣ်ရှူးဓဳၤ.
29ကၱာ်ယ့ၣ်ရှူးဒီၣ်က့ၤစဲာ်တစီာ်, “ယဒီဆးသံအတၱၢ်အမှး, ပၠၤအလဲၢ်လၤကဲဝှါ အရှံၣ်အဖါ, အမဳၤအပာ်, အသဲပူၤသဲဝ့ၤ, အဖဳးအမှဲ ကဘၱာ်စဲာ်အထံအက့ၤအနံၤခံတပွဲၤနဳၤ, 30ကနံၤဘဲာ်က့ၤအီၣ် အဲးဒဳၣ်ချဳကီဘ့ခဳနူၤယဳၤ, ကၱာ်တဲၤသမိလၤထူလၤပျဳၤဒဳအလ့ၤကါတစိၤနဳၤ” စဒီဆးကဲၤလၢ်ဝၤတစီာ်ဓဳၤ.
ယ့ၣ်ရှူးဒီဆးတီၤလီၤအတဲၤဆဲးညဲပီၤတီၤ
(မး ၂၀:၁၇-၁၉, မၢ် ၁၀:၃၂-၃၄)
31ယ့ၣ်ရှူးယဳၤပျဳာ်ဝှါအပျဲၢ်အဘီၣ်ၡံးကၠံၢ် ပွဲၤဒဳၣ်စဒီဆးလၢ် ဝၤ, “စာ်ပီၢ်, ဝၤထာ်ဒဳယရူၤၡလ့ၣ် အူးယဳၤ, ကၱာ်တဲၤလဳစါစဲးထဲၢ်ဝံတစီာ်ဝှ့းလၤတီၤလီၤ ကဲၤပၠၤအဖဳးအဝၱၤအကဲတစီာ်ကပ့ထာ်ဇီၤထာ်ကီ. 32စကဘဲာ်အံာ်လၤဖျီးမံကီဒဳပွဲၤသူကူာ်ဖဳးတစီာ် အစူးခီးပူၤကၱာ်ဘဲာ်ဆီး လူဆီယဲၢ်, ဘဲာ်ကီၤဆဲလဲၤဝဲၢ်, ဘဲာ်ထွၱးနံၢ်ကီစမူၢ်ကါပူၤ. 33စဲာ် တစီာ် ကလှၱး ကပျဲကီစဲာ်ကၱာ်မဲၤသံကီစဲာ်, ပရၤဆါသဳနံၤတနံၤနဳၤ စကထာ်ပဳၤက့ၤကီတဲၤသံအကျဲ” စဒီဆးလၢ်ဝၤ တစီာ်ဓဳၤ.
34ပရၤဆါအပျဲၢ်အဘီၣ်တစီာ်တသၱာ်ဟဲ ကဲၤတမံနီး, မၤနဲၢ် ဒဳၣ်, တဲၤဒီဆးအယဳၤတစီာ်မၱာ်အဘဲာ်လဲၢ်ဟူၣ်ကဲၤစဲာ်တစီာ်အလှီမီၢ် အခဳးအစဲ, ယ့ၣ်ရှူး ဒီၣ်တဲၤအယဳၤမၱာ်အဘဲာ်ကၠးတၤနဲၢ်နဳစတသၱာ် တစီာ် နီး.
ယ့ၣ်ရှူးမဲၤလှၱထာ်အတၤအၣ်တဲၤအကၢ်ဓူခံးတပွဲၤ
(မး ၂၀:၂၉-၃၄, မၢ် ၁၀:၄၆-၅၂)
35ဘ့ယ့ၣ်ရှူးဓဳၤဘိးထၱးဒဳယရံၤဃိအူးနဳၤ, ပၠၤအကၢ်ဓူခံး, အဆးနါလါအီၣ်ကဲၤဒဳကျဲးဧဳၢ်လီၤ တပွဲၤ, တၤအၣ်တဲၤ. 36စသၱာ်ဟဲ ဘဲာ်ပၠၤအပဳၤ အဟီးလ့ၤ, က့ၤကနဳၤဒဳၣ်, စဒဲစာ်ကဲၤပၠၤတဲၤဝၱၤ တဲၤ ကဲ.
37ကၱာ်ပၠၤဒီဆးစဲာ်, “ပၠၤနစၤရ့းဖဳးယ့ၣ်ရှူး လ့ၤကိာ်ကျဲး” နဳၤ.
38ကၱာ်စကဲာ်ဧဳၤထာ်, စဒီၣ်, “ယ့ၣ်ရှူး. စီၤဒၤဝံးအဖဳး, ခီၣ်ဝဲၤ ပီၢ်ယဲၤတကၱာ်.”
39ပၠၤအလ့ၤအလှီမီၢ်တစီာ်ဟီစဲာ်ကၱာ်နှး အီၣ်ဇီၤလီၤကဲၤစဲာ်. မၱာ်စကဲာ်ဧဳၤဆိးဒဳၣ်ချဳ, “ယ့ၣ်ရှူး. စီၤဒၤဝံးအဖဳး, ခီၣ်ဝဲၤပီၢ်ယဲၤတကၱာ်.” စဒီၣ်ဓဳၤ.
40ယ့ၣ်ရှူးဆီထဳးအီၣ်ဝှါ, စနှးလ့ၤအံာ် အကၢ်ဓူ ခံးတပွဲၤဒဳစအီၣ်နဳၤ. ဘ့စဓဳၤဘိးထၱးလၢ်ဝၤ နဳၤ, ယ့ၣ်ရှူးဒဲစဲာ်, 41“နသးအဲးနံၤ ယကမဲၤနံၤ ဘဲာ်နဲၤတၤနဲၢ်” စဒီၣ်လၢ်ဝၤဓဳၤ.
စဒီၣ်ၡံက့ၤလၢ်ဝၤ, “ဘၱာ်စဲာ်, ယသးအဲးစာ်ထၱး က့ၤတဲၤ” စဒီၣ်လၢ် ဝၤဓဳၤ.
42ကၱာ်ယ့ၣ်ရှူးဒီၣ်ၡံက့ၤစဲာ်, “စာ်ထၱးက့ၤ ခး, နတဲၤဘူၣ်မဲၤ လှိထာ်က့ၤထဳနဲၤ” စဒီၣ်လၢ်ဝၤဓဳၤ.
43စစာ်ထၱးက့ၤတဲၤတပျာ်ခါလီၤ, ကၱာ်လိၤ ကိာ်ကဲၤယ့ၣ်ရှူး အလ့ၤ, ဒီၣ်လှူၣ်ဒီၣ်တါကဲၤကဘၱာ်စဲာ်. ပၠၤအစာ်ထၱးတဲၤအယဳၤလဳစါစဲး ထါထာ်အံာ်ကဲၤ ကဘၱာ်စဲာ်.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.