သဓဳဖဳး 9
9
စီၤစီလူးအတဲၤဘါချဲး
(သဓဳဖဳး ၂၂:၆-၁၆, ၂၆:၁၂-၁၈)
1စီၤစီလူးသဲာ်ထာ်အံာ်ဖါသးဝ့ၤအကမဲၤ သံ အၣ်ဆဲ ဘၱာ်စဲာ် အပျဲၢ်အဘီၣ်တစီာ်နဳၤ. စလ့ၤထၱးပၠၤလှူၣ်တဲၤအဓဳၤအခဳး 2ကၱာ် စတၤလၢ်ဝၤတစီာ်အကဝှ့းစဲာ် ဒဳပၠၤအအီၣ်ဒဳ ဒၤမ့ၤစ့းအူး အဘူၣ်ဘျီၣ်အပူၤအီၣ်, စာ်ဘိထဲၢ် စကပာ်ထၱးအမံၤမှူးမံၤခဳ အလိၤကိာ်ဘၱာ်စဲာ်အကျဲး ယဳၤတစီာ်ဒဳၣ်, စကစဳကကၠၱၢ်ဝှါလၢ်ဝၤ, ကက့ၤဘးအံာ်ပီၢ် စဲာ်တစီာ်ဒဳယရူၤၡလ့ၣ်အူးနဳၤ.
3ဘ့စလ့ၤကိာ်ကျဲးနဳၤ, စဓဳၤဘိထၱး ဒၤမ့ၤစ့း အူးနဳၤဒဳၣ်, တဲၤ လှၱအအီၣ်ဒဳမီၢ်ခဳးတဓဲ လှၱလၤဘဲာ်ခွဲဘးကဲၤစဲာ်. 4စလၤခူးကဲၤ ကၱာ် သၱာ်ဟဲဘဲာ်ကဲၤတဲၤအလ့ၢ်တဓဲ, အဒီၣ်စဲာ်, “စီၤစီလူး, စီၤစီလူး, နလိၤမဲၤဆဲးညဲ မၤယဲၤနဲၢ်,” အဒဲကဲၤစဲာ်ဓဳၤ.
5ကၱာ်စဒီၣ်ရှံက့ၤလၢ်ဝၤ, “နမၱာ်ဒီပီၢ်ပွဲၤ, အဳဘၱာ်စဲာ်,” စဒီၣ်ကဲၤဓဳၤ.
တဲၤအလ့ၢ်ဒီၣ်ရှံက့ၤစဲာ်, “ယမၱာ်ယ့ၣ်ရှူး, နလိၤမဲၤဆဲးညဲတပွဲၤနဳၤ. 6ပရၤဆါဒဳၣ်, ဝဲၢ်ထဳးကၱာ် လ့ၤဒဳဒၤမ့ၤစ့းအူးပူၤနဳၤ. နကမဲၤဘဲာ် တၤနဲၢ်နဳၤ, တဲၤကဒီဆးကီနဲၤ,” အဒီၣ်စဲာ်ဓဳၤ.
7ပၠၤအလ့ၤကိာ်စကါကျဲးတစီာ်နဳၤ ဆီထဳးအီၣ်တမူၢ်တအး လဳၢ်ကဲၤ, မၤနဲၢ် စသၱာ်ဟဲတပွဲးတဲၤလ့ၢ်, မၱာ်တစာ်ထၱးကဲၤ တၤတမံနီး. 8စီၤစီလူးဝဲၢ်ထဳး, ဆီထဳး အီၣ်ကၱာ် စကၢ်ဓူအီၣ် တပွဲးအစာ်ထာ်, မၱာ်စတစာ်ထၱးဇၤကဲၤတၤတမံနီး. ပၠၤတစီာ် ဖၱးကျဳၤ ဝှါစူးခီး, စလ့ၤအံာ် ဟူကဲၤလၢ်ဝၤဒဳ ဒၤမ့ၤစ့း အူးပူၤနဳၤ. 9သဳနံၤအဓၢ်ပူၤ, စတစာ်ထၱး တဲၤနီး, စတအၣ်ကဲၤတဲၤနီးနီး, စတအီကဲၤနီး နီး.
10ဘ့ဒၤမ့ၤစ့း အူးပူၤနဳၤ, အပျဲၢ်အဘီၣ် အမံၤမၱာ် စီၤအနၤနံ အီၣ်ကဲၤတပွဲၤ, ကၱာ်ဒီကဘၱာ်စဲာ် ဒီဆးစဲာ် ဒဳ စတဲၤစာ်ထၱးအပူၤကယဳၤ, “စီၤအၤနံ,” ကၱာ်စဒီၣ်ရှံက့ၤ, “ယအီၣ်တပွဲးယဳၤ, အဳဘၱာ်စဲာ်.”
11ကၱာ်ဒီဘၱာ်စဲာ်ဒီၣ်ကဲၤစဲာ်, “ဝဲၢ်ထဳးကၱာ် လ့ၤပီၢ်ဒဳကျဲး တနၢ် ပံးတဘီနဳၤကၱာ် လ့ၤဒဲစာ်ပီၢ် ဒဳစီၤယူဒၤအရှံၣ်ပူၤ တၢ်စူးအူးဖဳး အမံၤမၱာ် စီၤစီလူးတပွဲၤ အဝၱၤအကဲတကၱာ်. 12စစာ်ထၱးကဲၤပၠၤအမံၤမၱာ်စီၤ အနၤနံတပွဲၤလ့ၤ ထဲးလၤစစူးခီးလၢ်ဝၤအခဳး စာ်ဘိထဲၢ်စကစာ် ထၱးက့ၤ ပီၢ်တဲၤနဳၤ,” စဒီၣ်လၢ်ဝၤဓဳၤ.
13ပရၤဆါစီၤအနၤနံဒီၣ်ရှံက့ၤ, “အဳဘၱာ်စဲာ်, ယသၱာ်ဟဲဘဲာ် ထဳ ပၠၤအီၣ်အဲပွဲၤ ဒီဆးအယဳၤတပွဲၤအဝၱၤအကဲ ထဲၢ်ဒဳ စမဲၤဆဲး ညဲပတီၤပၠၤစါထံအအီၣ်ဒဳ ယရူၤၡလ့ၣ်အူးပူၤ တစီာ်ပွ့းတဲၢ်လီၤနဳၤ. 14ကၱာ်ဒီခဳနူၤယဳၤ စနံၤဘဲာ်အဖျူအသရ့ာ်ဒဳပၠၤလှူၣ်တဲၤအဓဳၤတစီာ် အီၣ် အကလ့ၤလ့ၤဖီးလဳပၠၤအယဳၤထာ်နမံၤ အစါထံတစီာ်နဳၤ,” စဒီၣ်ဘၱာ်စဲာ်ဓဳၤ.
15ပရၤဆါဘၱာ်စဲာ်ဒီဝစဲာ်, “လ့ၤပီၢ်, မၤနဲၢ်ဒဳၣ်, ပၠၤအယဳၤတပွဲၤမၱာ် တဲၤရၱၢ်တဲၤစူအဘဲာ်ရိၤထာ်ယနံၤခံ, အကလ့ၤအံာ်လၤနံၤကီ ပွဲၤ သူကူာ်ဖဳးတစီာ် ကၱာ်ဆဳးဖြဳဆးဖြးတစီာ်ကၱာ် အံာ်စရ့လးဖဳးတစီာ် ယမံၤစါထံနဳၤ. 16မၤနဲၢ်, ယကဒဲလၱၢ်ကီစဲာ် ထဲၢ် စကခးဘဲာ်ကီ ယမံၤစါထံအခဳးလဲၢ်ကါလဲၢ်ပွ့းတဲၢ်နဳၤ,” ဘၱာ်စဲာ် ဒီၣ်ကဲၤဓဳၤ.
17မဲၤကနဳၤဒဳၣ်, စီၤအနၤနံ လ့ၤကဲၤ ကၱာ် စလ့ၤနံၢ်ရှံၣ်ပူၤ ကၱာ်ထဲးလၤကဲၤစစူးခီး ဒဳလၢ်ဝၤအခဳးနဳၤ, မဲၤဝှါစဒီၣ်လၢ်ဝၤ, “အပၱးကီ စီၤစီလူး, ဘၱာ်စဲာ်ယ့ၣ်ရှူး, ထဲၢ်အပီၤထာ်ထၱး နဲၤ ဒဳကျဲးလီၤ ဘ့နလ့ၤဘ့ ယဳၤတပွဲၤနဳၤ, သဓဳလ့ၤ ကဲၤယဲၤ စာ်ဘိထဲၢ် နကၢ်ဓူကလှၱထာ်က့ၤကၱာ် နကအီၣ်ပ့ထာ်ပီၢ်ကၱာ်သူစါထံနဳၤ,” စဒီဆး လၢ်ဝၤဓဳၤ. 18တပျာ်ခါ လီၤ, တဲၤမဲၤအန့ၤစာ်ဘိဓၢ်ဖဳးအဘ့ာ်တဓဲ လၤတ့ၢ်ကျီးဒဳစကၢ်ဓူအဖျဳး လီၤနဳၤ, ကၱာ်စကၢ်ဓူလှၱထၣ်က့ၤဒဳၣ်, စဝဲၢ်ထဳးခးကဲၤတဲၤဖဳးစူထံ. 19မဲၤဝှါ အလ့ၤကါ, စအၣ်စအီက့ၤကၱာ် စနံၤခဳးနံၤအါ က့ၤ ကဲၤ.
စီၤစီလူးအတဲးသဳးဆိးသးဆိး
အလ့ၤကါစီၤစီလူးလ့ၤကိာ်ကဲၤအပျဲၢ်အဘီၣ် တစီာ်အကါ ဒဳဒၤမ့ၤ စ့းအူးနဳၤအီၣ်အဲနံၤ အီၣ်အဲ သဲဒဳး. 20ကၱာ်စလ့ၤဒီထိးလၤတနၢ်ဒဳ ဘူၣ်ဘျီၣ်ပူၤ, ထဲၢ်ယ့ၣ်ရှူးမၱာ် ကဘၱာ်စဲာ်အဖဳး နဳၤ.
21ပၠၤသၱာ်ဟဲဘဲာ်စတဲၤဒီထိးတစီာ် ထဲၢ်တမိၢ်တမှါကၱာ်ဒီၣ် ကဲၤ, “ပၠၤအယဳၤတပွဲၤ မၱာ် တဘဲာ်ပီၢ်အလိၤမၤကသီကရီၤတဲၤဒဳ ယရူၤ ရှလ့ၣ်အူးပူၤ, ကယါအယဳၤထာ်အမံၤ အယဳၤတမံၤတစီာ်အကျဲ, ကၱာ်အလ့ၤဘ့ယဳၤမၱာ် အကဖီၣ်ကစဳဝှါစဲာ်တစီာ်, အကလ့ၤအံာ်လၢ်ဝၤ ဒဳပၠၤလှူၣ် ဘၱာ်စဲာ်အီၣ်နဳၤတဘဲာ်နီးဧါ” စဒဲလှဲး ကဲၤလၢ်ဝၤဓဳၤ.
22ပရၤဆါ စီၤစီလူးအခဳးအအါဓဳၤ ထာ်ထိကၱာ် စမဲၤနဳၤမဲၤပဲၤ ကဲၤယူဒၤဖဳးအအီၣ်ဒဳ ဒၤမ့ၤစ့းအူးတစီာ်နဳၤ, စဒဲလၱၢ်ကဲၤလၢ်ဝၤတစီာ် ထဲၢ်ယ့ၣ်ရှူးမၱာ်ခရၱာ်နဳၤ.
23အလ့ၤကါအီၣ်ယၱၢ်တရ့ၤတရ့ၤ, ယူဒၤဖဳးတစီာ် ကဳထာ် ကၠးလၤဟူၣ်ဇီၤကဲၤအကမဲၤသံစဲာ်. 24မၱာ်စီၤစီလူးသၱာ်ဟဲဘဲာ် ကဲၤစဲာ်တစီာ် အတဲၤကဳထာ်ကၠးလၤ, စဲာ်တစီၤ စာ်တိၤအံာ်ကဲၤအူးအခၣ် ကျဲၢ် သဲမူၤဆဲမူၤနဲၤ, စာ်ဘိထဲၢ် စကမဲၤသံနံၤပီၢ်လၢ်ဝၤနဳၤ. 25မၱာ် စပျဲၢ်စဘီၣ်တစီာ် ဘဲနံၢ်ဝှါစဲာ်ပာ်လှူးပူၤ, စဇဲၤလၤကိာ်ကဲၤလၢ်ဝၤ အူ အထါရၢ်အချဳ, ဘ့ လူၤမူၤနဲၤခဲနဳၤ.
စီၤစီလူးဒဳယရူၤၡလ့ၣ်အူးပူၤနဳၤ
26ဘ့စဓဳၤလ့ၤယရူၤၡလ့ၣ်အူးနဳၤ, စသးအဲးအီၣ်ပျဳာ်ကဲၤအပျဲၢ်အဘီၣ်တစီာ်နဳၤ, မၱာ်စဲာ်တစီာ်ရှံးဆါနံၤစလ့ၤ ကၱာ်စတဘူၣ်ကဲၤ လၢ် ဝၤမၱာ်အပျဲၢ်အဘီၣ်တပွဲၤနီး. 27ပဒၤဆါစီၤဘၢ်နါဘၤယဳၤလ့ၤစဲာ်ဒဳ ပွဲၤအပျဲၢ်အဘီၣ်တစီာ်အီၣ်ကၱာ်ဒီဆးကဲၤစဲာ်တစီာ် ဒဳစစာ်ထၱးကဲၤ ဘၱာ် စဲာ်ဒဳကျဲးလီၤစာ်တဲၢ်, ဘၱာ်စဲာ်ယၱၢ်ဘဲာ်ထၱး ကဲၤစဲာ်စာ်တဲၢ်, ကၱာ်စခူသကျး ကဲၤယ့ၣ်ရှူး အမံၤအနံၤခံ ဒဳဒၤမ့ၤစ့းအူးပူၤနဳၤစာ်တဲၢ်နဳၤ. 28စီၤစီ လူး, ပျဳာ်ပျဳာ်ကၱာ်အပျဲၢ်အဘီၣ်တစီာ် ဟဲးထာ်ဟဲးလၤမီၤမီၤတပွဲးဒဳယရူၤ ရှလ့ၣ်အူးပူၤနဳၤ. 29စဒီထိးလၤခူသကျးတကပွဲးဒဳဘၱာ်စဲာ် အမံၤ အပူၤနဳၤ. ကၱာ်ဒီစယၱၢ်ဘဲာ်ကၱာ် တရၤတပွဲးယူဒၤဖဳး အယၱၢ်ဘဲာ်ကြံးခ်ဖဳး အလ့ၢ်တစီာ် ပာ်ပာ်, မၱာ်စဲာ်တစီာ်သးအဲးမဲၤသံတပွဲး စဲာ်တခီ. 30ဘ့သဲပူၤသဲဝ့ၤတစီာ်သၱာ်ဟဲဘဲာ် တဲၤ အယဳၤဒဳၣ်, စဲာ်တစီာ်လ့ၤအံာ်ဝှါလၢ် ဝၤဒဳ ကဲၤစါရံၤအူးနဳၤဒဳၣ်, သဲလ့ၤဖျီးမံကဲၤစဲာ်ဒဳတၢ်စူး အူးနဳၤ.
31မဲၤကနဳၤဒဳၣ်, ယူဒၤက့ၤကၱာ် ကၤ လံၤလဲက့ၤကၱာ် ရှမၤရၱ က့ၤပူၤနဳၤ, တဲၤအီၣ်ပျဳာ် ဓဳၤထာ်ကဲၤဒဳတဲၤစဳးတဲၤချံးအပူၤနဳၤ, ဟဲးကိာ် ကဘၱာ်စဲာ်အကျဲးသအီအပူၤ ဒဳတဲၤရှံးဆါနံၤ ကဘၱာ်စဲာ်တလ့ၤအပူၤနဳၤကၱာ် နံၤဘဲာ်သးစါထံ အတဲၤမၤမှ့းမဲၤကျဳၤကၱာ် အီၣ်အဲးထာ်ကဲၤ.
စီၤပ့းတရူးဟဲပိာ်ဒဳထၱးတဲၤအီၣ်ပျဳာ်တစီာ်
32စီၤပ့းတရူးဟဲပိာ်ဒဳထၱးပၠၤတကွၢ် လဲၢ်, ကၱာ်တပျာ်နဳၤ, စလ့ၤပိာ်ဒဳထၱးကဲၤပၠၤအစါ ထံအအီၣ်ဒဳလူးဒၤအူးပူၤတစီာ်နဳၤ. 33ဒဳ နဳၤစစာ်ထၱးကဲၤပၠၤအမံၤမၱာ်စီၤအဲၤန့း, ထဲၢ်အစူး သံခၣ်သံကၱာ်အအီၣ်လ့ၤ မံခဳးလီၤဘးကဲၤအဒ့ာ် လွံၢ်သိးတပွဲၤနဳၤ. 34စီၤပ့းတရူးဒီၣ်စဲာ်, “စီၤအဲၤန့း, ယ့ၣ်ရှူးခရၱာ်မဲၤမှးက့ၤနဲၤ, ဝဲၢ်ထဳး ကၱာ်ပြးက့ၤပီၢ်နလ့ၤမံခဳး,” စဒီၣ်လၢ်ဝၤဓဳၤကၱာ်, ဝှၱစကး, စဝဲၢ်ထဳးကဲၤဓဳၤ. 35ပၠၤအအီၣ် ဒဳလူး ဒၤအူးကၱာ်ရှၤရိာ်အူးအပူၤတစီာ်, စာ်ထၱး လဳကၱာ်က့ၤဘးထၱးကဲၤကဘၱာ် စဲာ်တခီ.
36လှ့နဳၤ, ဒဳယိၤဖၤအူးအပူၤနဳၤ, အပျဲၢ်အဘီၣ်အကျဲ, အမံၤ မှူးအမံၤမၱာ် နီၢ်တဘံၤသါ အီၣ်ကဲၤတပွဲၤ, (စမံၤဒဳကြံးခ်ဖဳးအလ့ၢ် မၱာ် “နီၢ်ဒီၢ်ကါ” အထာ်ပဳၤထာ်ဘါမၱာ် “ယဳၤခံ.”) အမံၤမှူးအယဳၤတပွဲၤ အံာ် လၤလဳ သဳးလဳသးအန့ၤ ဒဳတဲၤဖၱးတဲၤမဲၤအဝၱၤအဘဲာ် ကၱာ်တဲၤခီၣ်ဝဲၤမှီး ဘဲာ် အတဲၤမဲၤအပူၤနဳၤ. 37ပရၤဆါ, ဘ့နဳၤစရွှံးဝှါ စသံကဲၤ. ပၠၤ အူ ဆးဘါဝှါစဲာ်ထံဒဳၣ်, ဘဲလါက့ၤစဲာ်ဒဳရှံၣ်အကီၢ် ထာ်တတီၤနဳၤ. 38လူးဒၤအူးမၱာ် အအီၣ် ဘိးထၱးယိၤဖၤအူးကၱာ်ဒီအပျဲၢ်အဘီၣ်တစီာ် သၱာ် ဟဲဘဲာ် စီၤပ့းတရူးအီၣ်ဒဳနဳၤဒဳၣ်, စသဓဳလ့ၤကဲၤ ပၠၤကၠံၢ်ပွဲၤကၱာ် တဲၤတၤတဓဲ, စဒီၣ်, “လ့ၤထၱး ပျာ်ပျါပီၢ်ဝၤ,” စဒီၣ်လၢ်ဝၤဓဳၤ 39စီၤပ့း တရူးဝဲၢ်ထဳးကၱာ် လ့ၤကိာ်ကဲၤစကါ. စဓဳၤလ့ၤ ဒဳၣ်, စဲာ်တစီာ် ထာ် အံာ်ဟူစဲာ်ဒဳရှံၣ်အကီၢ်ထာ် တတီၤနဳၤ. အမှူးကမဲၤတစီာ် ဆီထဳးအီၣ်ခွဲ ဘး စဲာ်, ယဳၤဟးကၱာ် ဒဲလၱၢ်လၢ်ဝၤလဳတဲၤကိ တဲၤ သီးထဲၢ်နီၢ်ဒီၢ်ကါအီၣ် သမိဝ့ၤအခဲ စဆးနံၤ လၢ်ဝၤတစီာ်နဳၤ. 40စီၤပ့းတရူးနှးဟဲး ထာ် ဝှါစဲာ်တစီာ်ရှံၣ်အီပူၤအချဳဒဳၣ်, စဓဳၢ်နှဳ လၤ ကၱာ်သဘဲထာ်ကဲၤ. ဝှါဒဳၣ်, စစာ်ဘးဝှါလၢ်ဝၤ အစဳးဒဳၣ်, စဒီၣ်, “နီၢ်တဘံၤသါ, ဝဲၢ်ထဳးခး” စဒီၣ်လၢ် ဝၤဓဳၤ. အမံၤမှူးဘါထာ်အကၢ်ဓူ, စစာ်ထၱးစီၤပ့းတရူးဒဳၣ်, စဝဲၢ်ထဳးဆးနါ လၤကဲၤ. 41စီၤပ့းတရူးဖၱးကျဳၤအံာ်ဝှါစစူးခီးဒဳၣ်, စစွံးဝဲၢ်ထဳးကဲၤ လၢ်ဝၤ. စယဳၤဝှါပၠၤအဘူၣ် တဲၤ ကၱာ်အမှူးကမဲၤတစီာ်ဒဳၣ်, စအံာ်က့ၤ ကဲၤလၢ်ဝၤ တစီာ် ပွဲၤအအီၣ်သမိတပွဲၤနဳၤ. 42တဲၤ အဝၱၤအကဲ အယဳၤဟဳထာ်သဲာ်လၤကဲၤဒဳ ယၤဖိၤ အူးသဒဲအူးကၱာ်ပၠၤအီၣ်အဲးအီးအီး ဘူၣ်ကဲၤဘၱာ်စဲာ်. 43အလ့ၤကါ စီၤပ့းတရူးအီၣ်ကိာ် ကဲၤ စီၤရှံ မိၣ်, အဆးတဲၤဖ့းတပွဲၤအကါ ဒဳယၤဖိၤ အူးပူၤနဳၤအမူၤနံၤမူၤသဲပွ့တမံၤ ပ့ၤ.
ទើបបានជ្រើសរើសហើយ៖
သဓဳဖဳး 9: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
သဓဳဖဳး 9
9
စီၤစီလူးအတဲၤဘါချဲး
(သဓဳဖဳး ၂၂:၆-၁၆, ၂၆:၁၂-၁၈)
1စီၤစီလူးသဲာ်ထာ်အံာ်ဖါသးဝ့ၤအကမဲၤ သံ အၣ်ဆဲ ဘၱာ်စဲာ် အပျဲၢ်အဘီၣ်တစီာ်နဳၤ. စလ့ၤထၱးပၠၤလှူၣ်တဲၤအဓဳၤအခဳး 2ကၱာ် စတၤလၢ်ဝၤတစီာ်အကဝှ့းစဲာ် ဒဳပၠၤအအီၣ်ဒဳ ဒၤမ့ၤစ့းအူး အဘူၣ်ဘျီၣ်အပူၤအီၣ်, စာ်ဘိထဲၢ် စကပာ်ထၱးအမံၤမှူးမံၤခဳ အလိၤကိာ်ဘၱာ်စဲာ်အကျဲး ယဳၤတစီာ်ဒဳၣ်, စကစဳကကၠၱၢ်ဝှါလၢ်ဝၤ, ကက့ၤဘးအံာ်ပီၢ် စဲာ်တစီာ်ဒဳယရူၤၡလ့ၣ်အူးနဳၤ.
3ဘ့စလ့ၤကိာ်ကျဲးနဳၤ, စဓဳၤဘိထၱး ဒၤမ့ၤစ့း အူးနဳၤဒဳၣ်, တဲၤ လှၱအအီၣ်ဒဳမီၢ်ခဳးတဓဲ လှၱလၤဘဲာ်ခွဲဘးကဲၤစဲာ်. 4စလၤခူးကဲၤ ကၱာ် သၱာ်ဟဲဘဲာ်ကဲၤတဲၤအလ့ၢ်တဓဲ, အဒီၣ်စဲာ်, “စီၤစီလူး, စီၤစီလူး, နလိၤမဲၤဆဲးညဲ မၤယဲၤနဲၢ်,” အဒဲကဲၤစဲာ်ဓဳၤ.
5ကၱာ်စဒီၣ်ရှံက့ၤလၢ်ဝၤ, “နမၱာ်ဒီပီၢ်ပွဲၤ, အဳဘၱာ်စဲာ်,” စဒီၣ်ကဲၤဓဳၤ.
တဲၤအလ့ၢ်ဒီၣ်ရှံက့ၤစဲာ်, “ယမၱာ်ယ့ၣ်ရှူး, နလိၤမဲၤဆဲးညဲတပွဲၤနဳၤ. 6ပရၤဆါဒဳၣ်, ဝဲၢ်ထဳးကၱာ် လ့ၤဒဳဒၤမ့ၤစ့းအူးပူၤနဳၤ. နကမဲၤဘဲာ် တၤနဲၢ်နဳၤ, တဲၤကဒီဆးကီနဲၤ,” အဒီၣ်စဲာ်ဓဳၤ.
7ပၠၤအလ့ၤကိာ်စကါကျဲးတစီာ်နဳၤ ဆီထဳးအီၣ်တမူၢ်တအး လဳၢ်ကဲၤ, မၤနဲၢ် စသၱာ်ဟဲတပွဲးတဲၤလ့ၢ်, မၱာ်တစာ်ထၱးကဲၤ တၤတမံနီး. 8စီၤစီလူးဝဲၢ်ထဳး, ဆီထဳး အီၣ်ကၱာ် စကၢ်ဓူအီၣ် တပွဲးအစာ်ထာ်, မၱာ်စတစာ်ထၱးဇၤကဲၤတၤတမံနီး. ပၠၤတစီာ် ဖၱးကျဳၤ ဝှါစူးခီး, စလ့ၤအံာ် ဟူကဲၤလၢ်ဝၤဒဳ ဒၤမ့ၤစ့း အူးပူၤနဳၤ. 9သဳနံၤအဓၢ်ပူၤ, စတစာ်ထၱး တဲၤနီး, စတအၣ်ကဲၤတဲၤနီးနီး, စတအီကဲၤနီး နီး.
10ဘ့ဒၤမ့ၤစ့း အူးပူၤနဳၤ, အပျဲၢ်အဘီၣ် အမံၤမၱာ် စီၤအနၤနံ အီၣ်ကဲၤတပွဲၤ, ကၱာ်ဒီကဘၱာ်စဲာ် ဒီဆးစဲာ် ဒဳ စတဲၤစာ်ထၱးအပူၤကယဳၤ, “စီၤအၤနံ,” ကၱာ်စဒီၣ်ရှံက့ၤ, “ယအီၣ်တပွဲးယဳၤ, အဳဘၱာ်စဲာ်.”
11ကၱာ်ဒီဘၱာ်စဲာ်ဒီၣ်ကဲၤစဲာ်, “ဝဲၢ်ထဳးကၱာ် လ့ၤပီၢ်ဒဳကျဲး တနၢ် ပံးတဘီနဳၤကၱာ် လ့ၤဒဲစာ်ပီၢ် ဒဳစီၤယူဒၤအရှံၣ်ပူၤ တၢ်စူးအူးဖဳး အမံၤမၱာ် စီၤစီလူးတပွဲၤ အဝၱၤအကဲတကၱာ်. 12စစာ်ထၱးကဲၤပၠၤအမံၤမၱာ်စီၤ အနၤနံတပွဲၤလ့ၤ ထဲးလၤစစူးခီးလၢ်ဝၤအခဳး စာ်ဘိထဲၢ်စကစာ် ထၱးက့ၤ ပီၢ်တဲၤနဳၤ,” စဒီၣ်လၢ်ဝၤဓဳၤ.
13ပရၤဆါစီၤအနၤနံဒီၣ်ရှံက့ၤ, “အဳဘၱာ်စဲာ်, ယသၱာ်ဟဲဘဲာ် ထဳ ပၠၤအီၣ်အဲပွဲၤ ဒီဆးအယဳၤတပွဲၤအဝၱၤအကဲ ထဲၢ်ဒဳ စမဲၤဆဲး ညဲပတီၤပၠၤစါထံအအီၣ်ဒဳ ယရူၤၡလ့ၣ်အူးပူၤ တစီာ်ပွ့းတဲၢ်လီၤနဳၤ. 14ကၱာ်ဒီခဳနူၤယဳၤ စနံၤဘဲာ်အဖျူအသရ့ာ်ဒဳပၠၤလှူၣ်တဲၤအဓဳၤတစီာ် အီၣ် အကလ့ၤလ့ၤဖီးလဳပၠၤအယဳၤထာ်နမံၤ အစါထံတစီာ်နဳၤ,” စဒီၣ်ဘၱာ်စဲာ်ဓဳၤ.
15ပရၤဆါဘၱာ်စဲာ်ဒီဝစဲာ်, “လ့ၤပီၢ်, မၤနဲၢ်ဒဳၣ်, ပၠၤအယဳၤတပွဲၤမၱာ် တဲၤရၱၢ်တဲၤစူအဘဲာ်ရိၤထာ်ယနံၤခံ, အကလ့ၤအံာ်လၤနံၤကီ ပွဲၤ သူကူာ်ဖဳးတစီာ် ကၱာ်ဆဳးဖြဳဆးဖြးတစီာ်ကၱာ် အံာ်စရ့လးဖဳးတစီာ် ယမံၤစါထံနဳၤ. 16မၤနဲၢ်, ယကဒဲလၱၢ်ကီစဲာ် ထဲၢ် စကခးဘဲာ်ကီ ယမံၤစါထံအခဳးလဲၢ်ကါလဲၢ်ပွ့းတဲၢ်နဳၤ,” ဘၱာ်စဲာ် ဒီၣ်ကဲၤဓဳၤ.
17မဲၤကနဳၤဒဳၣ်, စီၤအနၤနံ လ့ၤကဲၤ ကၱာ် စလ့ၤနံၢ်ရှံၣ်ပူၤ ကၱာ်ထဲးလၤကဲၤစစူးခီး ဒဳလၢ်ဝၤအခဳးနဳၤ, မဲၤဝှါစဒီၣ်လၢ်ဝၤ, “အပၱးကီ စီၤစီလူး, ဘၱာ်စဲာ်ယ့ၣ်ရှူး, ထဲၢ်အပီၤထာ်ထၱး နဲၤ ဒဳကျဲးလီၤ ဘ့နလ့ၤဘ့ ယဳၤတပွဲၤနဳၤ, သဓဳလ့ၤ ကဲၤယဲၤ စာ်ဘိထဲၢ် နကၢ်ဓူကလှၱထာ်က့ၤကၱာ် နကအီၣ်ပ့ထာ်ပီၢ်ကၱာ်သူစါထံနဳၤ,” စဒီဆး လၢ်ဝၤဓဳၤ. 18တပျာ်ခါ လီၤ, တဲၤမဲၤအန့ၤစာ်ဘိဓၢ်ဖဳးအဘ့ာ်တဓဲ လၤတ့ၢ်ကျီးဒဳစကၢ်ဓူအဖျဳး လီၤနဳၤ, ကၱာ်စကၢ်ဓူလှၱထၣ်က့ၤဒဳၣ်, စဝဲၢ်ထဳးခးကဲၤတဲၤဖဳးစူထံ. 19မဲၤဝှါ အလ့ၤကါ, စအၣ်စအီက့ၤကၱာ် စနံၤခဳးနံၤအါ က့ၤ ကဲၤ.
စီၤစီလူးအတဲးသဳးဆိးသးဆိး
အလ့ၤကါစီၤစီလူးလ့ၤကိာ်ကဲၤအပျဲၢ်အဘီၣ် တစီာ်အကါ ဒဳဒၤမ့ၤ စ့းအူးနဳၤအီၣ်အဲနံၤ အီၣ်အဲ သဲဒဳး. 20ကၱာ်စလ့ၤဒီထိးလၤတနၢ်ဒဳ ဘူၣ်ဘျီၣ်ပူၤ, ထဲၢ်ယ့ၣ်ရှူးမၱာ် ကဘၱာ်စဲာ်အဖဳး နဳၤ.
21ပၠၤသၱာ်ဟဲဘဲာ်စတဲၤဒီထိးတစီာ် ထဲၢ်တမိၢ်တမှါကၱာ်ဒီၣ် ကဲၤ, “ပၠၤအယဳၤတပွဲၤ မၱာ် တဘဲာ်ပီၢ်အလိၤမၤကသီကရီၤတဲၤဒဳ ယရူၤ ရှလ့ၣ်အူးပူၤ, ကယါအယဳၤထာ်အမံၤ အယဳၤတမံၤတစီာ်အကျဲ, ကၱာ်အလ့ၤဘ့ယဳၤမၱာ် အကဖီၣ်ကစဳဝှါစဲာ်တစီာ်, အကလ့ၤအံာ်လၢ်ဝၤ ဒဳပၠၤလှူၣ် ဘၱာ်စဲာ်အီၣ်နဳၤတဘဲာ်နီးဧါ” စဒဲလှဲး ကဲၤလၢ်ဝၤဓဳၤ.
22ပရၤဆါ စီၤစီလူးအခဳးအအါဓဳၤ ထာ်ထိကၱာ် စမဲၤနဳၤမဲၤပဲၤ ကဲၤယူဒၤဖဳးအအီၣ်ဒဳ ဒၤမ့ၤစ့းအူးတစီာ်နဳၤ, စဒဲလၱၢ်ကဲၤလၢ်ဝၤတစီာ် ထဲၢ်ယ့ၣ်ရှူးမၱာ်ခရၱာ်နဳၤ.
23အလ့ၤကါအီၣ်ယၱၢ်တရ့ၤတရ့ၤ, ယူဒၤဖဳးတစီာ် ကဳထာ် ကၠးလၤဟူၣ်ဇီၤကဲၤအကမဲၤသံစဲာ်. 24မၱာ်စီၤစီလူးသၱာ်ဟဲဘဲာ် ကဲၤစဲာ်တစီာ် အတဲၤကဳထာ်ကၠးလၤ, စဲာ်တစီၤ စာ်တိၤအံာ်ကဲၤအူးအခၣ် ကျဲၢ် သဲမူၤဆဲမူၤနဲၤ, စာ်ဘိထဲၢ် စကမဲၤသံနံၤပီၢ်လၢ်ဝၤနဳၤ. 25မၱာ် စပျဲၢ်စဘီၣ်တစီာ် ဘဲနံၢ်ဝှါစဲာ်ပာ်လှူးပူၤ, စဇဲၤလၤကိာ်ကဲၤလၢ်ဝၤ အူ အထါရၢ်အချဳ, ဘ့ လူၤမူၤနဲၤခဲနဳၤ.
စီၤစီလူးဒဳယရူၤၡလ့ၣ်အူးပူၤနဳၤ
26ဘ့စဓဳၤလ့ၤယရူၤၡလ့ၣ်အူးနဳၤ, စသးအဲးအီၣ်ပျဳာ်ကဲၤအပျဲၢ်အဘီၣ်တစီာ်နဳၤ, မၱာ်စဲာ်တစီာ်ရှံးဆါနံၤစလ့ၤ ကၱာ်စတဘူၣ်ကဲၤ လၢ် ဝၤမၱာ်အပျဲၢ်အဘီၣ်တပွဲၤနီး. 27ပဒၤဆါစီၤဘၢ်နါဘၤယဳၤလ့ၤစဲာ်ဒဳ ပွဲၤအပျဲၢ်အဘီၣ်တစီာ်အီၣ်ကၱာ်ဒီဆးကဲၤစဲာ်တစီာ် ဒဳစစာ်ထၱးကဲၤ ဘၱာ် စဲာ်ဒဳကျဲးလီၤစာ်တဲၢ်, ဘၱာ်စဲာ်ယၱၢ်ဘဲာ်ထၱး ကဲၤစဲာ်စာ်တဲၢ်, ကၱာ်စခူသကျး ကဲၤယ့ၣ်ရှူး အမံၤအနံၤခံ ဒဳဒၤမ့ၤစ့းအူးပူၤနဳၤစာ်တဲၢ်နဳၤ. 28စီၤစီ လူး, ပျဳာ်ပျဳာ်ကၱာ်အပျဲၢ်အဘီၣ်တစီာ် ဟဲးထာ်ဟဲးလၤမီၤမီၤတပွဲးဒဳယရူၤ ရှလ့ၣ်အူးပူၤနဳၤ. 29စဒီထိးလၤခူသကျးတကပွဲးဒဳဘၱာ်စဲာ် အမံၤ အပူၤနဳၤ. ကၱာ်ဒီစယၱၢ်ဘဲာ်ကၱာ် တရၤတပွဲးယူဒၤဖဳး အယၱၢ်ဘဲာ်ကြံးခ်ဖဳး အလ့ၢ်တစီာ် ပာ်ပာ်, မၱာ်စဲာ်တစီာ်သးအဲးမဲၤသံတပွဲး စဲာ်တခီ. 30ဘ့သဲပူၤသဲဝ့ၤတစီာ်သၱာ်ဟဲဘဲာ် တဲၤ အယဳၤဒဳၣ်, စဲာ်တစီာ်လ့ၤအံာ်ဝှါလၢ် ဝၤဒဳ ကဲၤစါရံၤအူးနဳၤဒဳၣ်, သဲလ့ၤဖျီးမံကဲၤစဲာ်ဒဳတၢ်စူး အူးနဳၤ.
31မဲၤကနဳၤဒဳၣ်, ယူဒၤက့ၤကၱာ် ကၤ လံၤလဲက့ၤကၱာ် ရှမၤရၱ က့ၤပူၤနဳၤ, တဲၤအီၣ်ပျဳာ် ဓဳၤထာ်ကဲၤဒဳတဲၤစဳးတဲၤချံးအပူၤနဳၤ, ဟဲးကိာ် ကဘၱာ်စဲာ်အကျဲးသအီအပူၤ ဒဳတဲၤရှံးဆါနံၤ ကဘၱာ်စဲာ်တလ့ၤအပူၤနဳၤကၱာ် နံၤဘဲာ်သးစါထံ အတဲၤမၤမှ့းမဲၤကျဳၤကၱာ် အီၣ်အဲးထာ်ကဲၤ.
စီၤပ့းတရူးဟဲပိာ်ဒဳထၱးတဲၤအီၣ်ပျဳာ်တစီာ်
32စီၤပ့းတရူးဟဲပိာ်ဒဳထၱးပၠၤတကွၢ် လဲၢ်, ကၱာ်တပျာ်နဳၤ, စလ့ၤပိာ်ဒဳထၱးကဲၤပၠၤအစါ ထံအအီၣ်ဒဳလူးဒၤအူးပူၤတစီာ်နဳၤ. 33ဒဳ နဳၤစစာ်ထၱးကဲၤပၠၤအမံၤမၱာ်စီၤအဲၤန့း, ထဲၢ်အစူး သံခၣ်သံကၱာ်အအီၣ်လ့ၤ မံခဳးလီၤဘးကဲၤအဒ့ာ် လွံၢ်သိးတပွဲၤနဳၤ. 34စီၤပ့းတရူးဒီၣ်စဲာ်, “စီၤအဲၤန့း, ယ့ၣ်ရှူးခရၱာ်မဲၤမှးက့ၤနဲၤ, ဝဲၢ်ထဳး ကၱာ်ပြးက့ၤပီၢ်နလ့ၤမံခဳး,” စဒီၣ်လၢ်ဝၤဓဳၤကၱာ်, ဝှၱစကး, စဝဲၢ်ထဳးကဲၤဓဳၤ. 35ပၠၤအအီၣ် ဒဳလူး ဒၤအူးကၱာ်ရှၤရိာ်အူးအပူၤတစီာ်, စာ်ထၱး လဳကၱာ်က့ၤဘးထၱးကဲၤကဘၱာ် စဲာ်တခီ.
36လှ့နဳၤ, ဒဳယိၤဖၤအူးအပူၤနဳၤ, အပျဲၢ်အဘီၣ်အကျဲ, အမံၤ မှူးအမံၤမၱာ် နီၢ်တဘံၤသါ အီၣ်ကဲၤတပွဲၤ, (စမံၤဒဳကြံးခ်ဖဳးအလ့ၢ် မၱာ် “နီၢ်ဒီၢ်ကါ” အထာ်ပဳၤထာ်ဘါမၱာ် “ယဳၤခံ.”) အမံၤမှူးအယဳၤတပွဲၤ အံာ် လၤလဳ သဳးလဳသးအန့ၤ ဒဳတဲၤဖၱးတဲၤမဲၤအဝၱၤအဘဲာ် ကၱာ်တဲၤခီၣ်ဝဲၤမှီး ဘဲာ် အတဲၤမဲၤအပူၤနဳၤ. 37ပရၤဆါ, ဘ့နဳၤစရွှံးဝှါ စသံကဲၤ. ပၠၤ အူ ဆးဘါဝှါစဲာ်ထံဒဳၣ်, ဘဲလါက့ၤစဲာ်ဒဳရှံၣ်အကီၢ် ထာ်တတီၤနဳၤ. 38လူးဒၤအူးမၱာ် အအီၣ် ဘိးထၱးယိၤဖၤအူးကၱာ်ဒီအပျဲၢ်အဘီၣ်တစီာ် သၱာ် ဟဲဘဲာ် စီၤပ့းတရူးအီၣ်ဒဳနဳၤဒဳၣ်, စသဓဳလ့ၤကဲၤ ပၠၤကၠံၢ်ပွဲၤကၱာ် တဲၤတၤတဓဲ, စဒီၣ်, “လ့ၤထၱး ပျာ်ပျါပီၢ်ဝၤ,” စဒီၣ်လၢ်ဝၤဓဳၤ 39စီၤပ့း တရူးဝဲၢ်ထဳးကၱာ် လ့ၤကိာ်ကဲၤစကါ. စဓဳၤလ့ၤ ဒဳၣ်, စဲာ်တစီာ် ထာ် အံာ်ဟူစဲာ်ဒဳရှံၣ်အကီၢ်ထာ် တတီၤနဳၤ. အမှူးကမဲၤတစီာ် ဆီထဳးအီၣ်ခွဲ ဘး စဲာ်, ယဳၤဟးကၱာ် ဒဲလၱၢ်လၢ်ဝၤလဳတဲၤကိ တဲၤ သီးထဲၢ်နီၢ်ဒီၢ်ကါအီၣ် သမိဝ့ၤအခဲ စဆးနံၤ လၢ်ဝၤတစီာ်နဳၤ. 40စီၤပ့းတရူးနှးဟဲး ထာ် ဝှါစဲာ်တစီာ်ရှံၣ်အီပူၤအချဳဒဳၣ်, စဓဳၢ်နှဳ လၤ ကၱာ်သဘဲထာ်ကဲၤ. ဝှါဒဳၣ်, စစာ်ဘးဝှါလၢ်ဝၤ အစဳးဒဳၣ်, စဒီၣ်, “နီၢ်တဘံၤသါ, ဝဲၢ်ထဳးခး” စဒီၣ်လၢ် ဝၤဓဳၤ. အမံၤမှူးဘါထာ်အကၢ်ဓူ, စစာ်ထၱးစီၤပ့းတရူးဒဳၣ်, စဝဲၢ်ထဳးဆးနါ လၤကဲၤ. 41စီၤပ့းတရူးဖၱးကျဳၤအံာ်ဝှါစစူးခီးဒဳၣ်, စစွံးဝဲၢ်ထဳးကဲၤ လၢ်ဝၤ. စယဳၤဝှါပၠၤအဘူၣ် တဲၤ ကၱာ်အမှူးကမဲၤတစီာ်ဒဳၣ်, စအံာ်က့ၤ ကဲၤလၢ်ဝၤ တစီာ် ပွဲၤအအီၣ်သမိတပွဲၤနဳၤ. 42တဲၤ အဝၱၤအကဲ အယဳၤဟဳထာ်သဲာ်လၤကဲၤဒဳ ယၤဖိၤ အူးသဒဲအူးကၱာ်ပၠၤအီၣ်အဲးအီးအီး ဘူၣ်ကဲၤဘၱာ်စဲာ်. 43အလ့ၤကါ စီၤပ့းတရူးအီၣ်ကိာ် ကဲၤ စီၤရှံ မိၣ်, အဆးတဲၤဖ့းတပွဲၤအကါ ဒဳယၤဖိၤ အူးပူၤနဳၤအမူၤနံၤမူၤသဲပွ့တမံၤ ပ့ၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.