သဓဳဖဳး 8
8
1ကၱာ် စီၤစီလူးခးကဲၤစတဲၤသံအသဲ သၱး.
စီၤစီလူးလိၤမဲၤဆဲးညဲတဲၤအီၣ်ပျဳာ်
လှ့နဳၤတဲၤလိၤမဲဓဆဲဒညဲအီၣ်ထာ်ကဲၤဒဳ ယရူၤၡလ့ၣ်တဲၤအီၣ်ပျဳာ် အခဳးနဳၤဒဳၣ်, အပျဲၢ်အဘီၣ် တစီာ်အချဳ အဘူၣ်တဲၤတစီာ်စွဲးဖြူးလၤ ဖြၱ ထာ် ကဲၤဒဳယူဒၤက့ၤကၱာ်ရှမၤရၱအက့ၤပူၤနဳၤ. 2ပၠၤအဘူၣ်အနဲၢ် တဲၤတစီာ် ဘါလါဒါထာ်ဝှါ စီၤစတ့ဖၤဒဳၣ်, စယဳၤစဟးအံာ်တပွဲးလၢ်ဝၤ အဇၱၢ်အဇိၢ်ဒဳး.
3ပရၤဆါစီၤစီလူးမဲးကသီကရီၤ တဲၤ အီၣ်ပျဳာ်, စထာ်တရှံၣ်လၤတ့ၢ်တရှံၣ်, ကၱာ်စွံး တဟိးသဲမံၤမှူးမံၤခဳဝှါစဲာ်တစီာ်ဒဳၣ်, ထၱးနံၢ် လၢ် ဝၤတစီာ်ဒဳတဲၤကၱတၱၢ်အပူၤနဳၤ.
စီၤဖံလံးပူးလ့ၤဒီထိးဒဳရှမၤရၱက့ၤ
4ပၠၤအဟဲဖြူးလၤဖြၱထာ်တစီာ် ဘ့စလ့ၤ ဓဳၤအလ့ၤနဳၤ, စဒီ ထိးဒီတလဲၤကဲၤကဘၱာ်စဲာ် အလ့ၢ်အဝှဲး. 5စီၤဖံလံးပူးလ့ၤဓဳၤဒဳ ရှ မၤရၱ က့ၤကၱာ်ဒီထိးကဲၤပၠၤတစီာ်ခရၱာ်အဝၱၤအကဲ. 6ပၠၤအပဳၤအဟီးတစီာ် ဆီးခ့န့းကၱာ် စာ်ထၱး ဘဲာ်ကဲၤစီၤဖံလ့းပူး အတဲၤဒီထိးကၱာ် စစာ်ထၱး လၢ်ဝၤ မဲၤတဲၤပီၤတဲၤပၤအခဳးအစဲနဳၤ, စဆီး ခ့န့းလၢ်ဝၤအအဲ ဒဳ တဲၤသးစွံးနံၤအပူၤလီၤ. 7တဲၤနှဲးအစၱးပိးတစီာ် ဟးဖူးဟးဆရံးဝှါ ဟဲးထာ်ကဲပၠၤဟၱးကျဲ ကၱာ်အစူးသံခၣ်သံကၱာ် အခၣ်ဒ့ာ်တစီာ် အတဲၤဆဲ လှဲမဲၢ်လဳၢ်ကဲၤ. 8တဲၤသးလဳၢ်သးလၤအံာ် အီၣ်ပ့ထာ်ကဲၤဒဳ အူး ပူၤနဳၤ.
9ဘ့နဳၤပၠၤအမံၤမၱာ် စီၤၡံမိၣ်တပွဲၤမဲၤကဲၤ ပဝှံ ပဆဲ အတဲၤ မဲၤဒဳအူးပူၤနဳၤဒဳၣ်, စမဲၤထဲး တမိၢ်တမှါတပွဲးရှးမရၱက့ၤဖဳးတစီာ်, စဒီၣ် လၤ ကဲၤစန့ၤပၠၤအဓဳၤအမူၤတပွဲၤ, 10ကၱာ်ပၠၤ အအီၣ်ဒဳအူးပူၤကိ အပွဲၤ, စာ်ထာ်ဒဳအဓဳၤယၢ်မၤ တၱၢ်တစီာ်, ဓဳၤလၤဒဳ အတပွဲးဖဳးတစီာ် လဳ စါစဲး ဆီးခ့န့း စီၤၡံမိၣ်အလ့ၢ်ကၱာ် စဲာ်တစီာ်ဒီၣ်, “ပၠၤအယဳၤတပွဲၤမၱာ် ကဘၱာ်စဲာ်အစိသလဲ, ထဲၢ်အမံၤမၱာ်, အဓဳၤအမူၤတမံၤနဳၤ,” စဲာ်တစီာ်ဒီၣ်ဓဳၤ. 11ဒဳအဒ့ာ်အလှဲပွ့တမံၤ အပူၤနဳၤ, စမဲၤထဲတမိၢ်တမှါပၠၤအခဳးအစဲ, ပၠၤ လဳစါစဲး ဆီးခ့န့းလ့ၢ်သဲာ်ဟိကဲၤစဲာ်. 12ပရၤဆါပၠၤတစီာ် သၱာ်ဟဲဘဲာ် စီၤဖံလ့းပူး သိၣ်အံာ်သီအံာ်ကဘၱာ်စဲာ်အထံအက့ၤကၱာ် ယ့ၣ်ရှူးခရၱာ်အမံၤနဳၤဒဳၣ်, ဘူၣ်ကဲၤစဲာ်ကၱာ် သဲမံၤမှူးမံၤခဳ ခးကဲၤတဲၤဖဳးစူ ထံ. 13စီးရှံ မိၣ်သဲန့ၤ ခးတဲၤဖဳးစူထံဝှါ လိၤကိာ်ကဲၤစီၤဖံ လ့းပူး အလ့ၤ, ဘ့စီၤၡံမိၣ် စာ်ထၱးလၢ်ဝၤ မဲၤ တဲၤပီၤတဲၤပၤအဓဳၤဒဳၣ်, စထဲးတမိၢ်တမှါဆိး ကဲၤ.
14ဘ့အပျဲၢ်အဘီၣ်အအီၣ်ယရူၤၡလ့ၣ်အူး တစီာ်သၱာ်ဟဲဘဲာ် ရှမၤရၱက့ၤနံၤဘဲာ်ကဲၤကဘၱာ် စဲာ် အလ့ၢ်အဝှဲးဒဳၣ်, စသဓဳလ့ၤကဲၤစီၤပ့းတရူး ကၱာ် စီၤယိၤဟၣ်ဒဳလၢ်ဝၤအီၣ်နဳၤ. 15စဓဳၤ လ့ၤလၢ်ဝၤအီၣ်ဒဳၣ်, စသဘဲထာ်နံၤကဲၤလၢ်ဝၤ တစီာ်အနံၤခံ, စာ်ဘိထဲၢ် စကနံၤဘဲာ်ပီၢ် သး စါ ထံနဳၤ. 16မၤနဲၢ်ဒဳၣ်, သးစါထံတလၤစခဳး တစီာ်နှၱနီး, မၱာ်စခး နံၤယူတဲၤဝှူစဘါထံဒဳ ဘၱာ်စဲာ်ယ့ၣ်ရှူးအမံၤအပူၤကလီအခဳးအစဲနဳၤ. 17မဲဓဝှါစဲာ်တစီာ် ထဲးလၤအစူးခီးဒဳလၢ်ဝၤ အကဳာ်ခဳးကၱာ် စနံၤဘဲာ်ကဲၤ သးစါထံ.
18ပရၤဆါ ဘ့စီၤၡံမိၣ် စာ်ထၱးကဲးသဓဳဖဳးတစီာ်အံာ်လၤနံၤ ပၠၤသးစါထံဒဳၣ်, စအံာ်ဝှါလၢ်ဝၤဝှိ, 19စဒီၣ်, “အံာ်ပီၢ်ယဲၤ တဖျူ တဲးသရ့ာ်အယဳၤ, စာ်ဘိထဲၢ် ကယါပၠၤ ယထဲးလၤယစူးခီးအခဳးတစီာ် ကနံၤဘဲာ်ပီၢ် သးစါထံနဳၤ,” စဒီၣ်လၢ်ဝၤဓဳၤ.
20ပရၤဆါစီၤပ့းတရူးဒီၣ်ရှံက့ၤစဲာ်, “နဝှိကကဲကအိးကိဝကီ နကါ, မၤနဲၢ်, နကမဳၤ ဒဳကဘၱာ်စဲာ်အတဲၤအံာ်လၤနဳၤ, နပွၱၤအံာ်ကဲာ် ထာ် ဝှိအခဳးအစဲနဳၤ. 21နတဘဲာ်ကၠးတဲၤ အယဳၤတမံနီး, မၤနဲၢ်, နသး တတနၢ်ကဲၤကဘၱာ်စဲာ်အလှီမီၢ်နီး. 22မဲၤကနဳၤဒဳၣ်, ပၤ ယၤ လၤက့ၤပီၢ်နန့ၤကၱာ် သဘဲထာ်ပီၢ်စာ်ဘိ ထဲၢ် နတဲၤကမဳၤအတဝၱၤနီးအယဳၤကဘဲာ် ဘါပျဲးပီၢ်နဲၤနဳၤ. 23မၤနဲၢ်ယစာ်ထၱးတဲၤ သဳးထံအခဲးဒဳ နပူၤနဳၤကၱာ်တဲၤကမဲာ်အသရီာ်ပံၤဒဳ နလီၤနဳၤ” စဒီၣ်လၢ်ဝၤဓဳၤ.
24မၱာ်စီၤၡံမိၣ်ဒီၣ်ရှံက့ၤစဲာ်, “သဘဲထာ်ပီၢ် ယနံၤခံ စာ်ဘိထဲၢ် နဒီၣ်ဝှါထဳတဲၤတစီာ် ကတဖၱ ထာ်နံၤယဲၤနီးနဳၤ,” စဒီၣ်စီၤပ့းတရူးဓဳၤ.
25မဲၤဝှါဒဳၣ်, စီၤပ့းတရူးကၱာ်စီၤယိၤဟၣ် ခးဝှါသဲသၱးကၱာ် ဒီၣ် အူဒီဆးဝှါဘၱာ်စဲာ် အတဲၤ သးလဳၢ်သးလၤအံာ်အဝၱၤအကဲဒဳၣ်, စက့ၤဘး ကဲၤဒဳ ယရူၤၡလ့ၣ်အူးကၱာ် ဒီၣ်အူဒီဆးကဲၤ တဲၤဝၱၤတဲၤကဲအမီၤအမၤဒဳရှ မၤရၱဖဳးအဒဳအဖါ တစီာ်နဳၤ.
စီၤဖံလံးပံးကၱာ် အဲၤသံအီးပးဖဳးတပွဲၤ
26ကဘၱာ်စဲာ်အမီၢ်ခဳးပွဲၤဇဳၤတပွဲၤ ယၱၢ် ဘဲာ်ထၱးစီၤဖံလံးပူး, စဒီၣ်လၢ်ဝၤ, “ဝဲၢ်ထဳးဒဳၣ် လၤပီၢ်ဒဳလီၢ်ထဲးကၱာ် လ့ၤကိာ်ပီၢ်ကျဲး အအီၣ် ဒဳ ယရူၤၡလ့ၣ်အူး အလ့ၤဒဳ အူးဂါစၤတဘီနဳၤ” စဒီၣ်လၢ်ဝၤဓဳၤ. (ကျဲး အယဳၤမၱာ် လဳသံမံးဇ့ၤခဳးအကျဲး.) 27-28စီၤဖံးလံပူး ဝဲၢ်ထဳးကၱာ် လ့ၤ ကဲၤ. စာ်ပီၢ်, အဲၤသံအီးပးဖဳး ပွဲၤဖဲနီၢ်ဒံၣ်တပွဲၤ, ထဲၢ် အဲၤသံအီးပး အဆးဖြးမဳၤ အစဳးမၢ်ဓဳၤအဖီးကျဳၤအံာ်ဝှိတပွဲၤ ထာ်ကဲၤ ယရူၤၡလ့ၣ် အူးကၱာ်စထာ်သဘဲဝှါ စကက့ၤ လၤအခၠၱးနဳၤ. စဆးနါလၤဝှါဒဳသရၱာ်ကဟဲအပူၤ, စဖးကဲၤဝံယရှါယၤအစဲာ်. 29ကၱာ်သးစါထံဒီၣ်ကဲၤစီၤဖံလံးပူး, “လ့ၤ ဘိး ထၱးကၱာ် အီၣ် ပီၢ်ဒဳသရၱာ်ကဟဲ အဝဳၢ် လီၤ နဳၤ,” အဒီၣ်စဲာ်ဓဳၤ. 30စီၤဖံးလံပူးစွဲး လ့ၤ ကၱာ်သၱာ်ဟဲဘဲာ်စဖးဝံယရှါယၤအစဲာ်ဒဳၣ်, စဒီၣ် ကဲၤလၢ်ဝၤ, “နဖး တၤနဲၢ်နဳၤ နသၱာ်ဟဲတပွဲးဧါ” စဒဲလၢ်ဝၤဓဳၤ.
31မၱာ်စဒီၣ်ရှံက့ၤလၢ်ဝၤ, “ပၠၤအဒီဆး ယဲၤကတအီၣ်မၤနီး ဒဳၣ်, ယကသၱာ်ဟဲဇၤ စာ် တဲၢ်” စဒီၣ်ကဲၤလၢ်ဝၤဓဳၤ. မဲဓဝှါစယဳၤကဲၤ စီၤ ဖံလံးပူးအကထာ်ဆးနါကိာ်စကါ ဒဳသရၱာ် ကဟဲအပူၤနဳၤ. 32စဲာ် စါထံ စဖးတကျၤမၱာ် အဒီၣ်ကယဳၤ,
“စမၱာ်အစာ်ဘိ သဳတဒဳ ထဲၢ် အဘဲာ်လ့ၤအံာ်ဟူကဲၤတဲၤ သံအလ့ၤ,
အစာ်ဘိသဳဖဳးတဒဳ ပၠၤဒၱာ်အဆိးဒဳၣ် အတမဲၤသဲာ်အလ့ၢ်နီးအခီနဳၤ,
စတဘါထာ်ကဲၤစလီၤမီၤနီး.
33စဘဲာ်တဲၤမဲၤသါဝၢ်သးပျဲၢ်,
ကၱာ်တဲၤတၱၢ်တဲၤမှးတအီၣ် စနံၤခံနီး.
ပၠၤအကဒီဆးလၤ စတဲၤခွံလၤသလဲ တအီၣ်ကဲၤတဗွဲနီး,
မၤနဲၢ်စတဲၤအီၣ်ဒဳ လၢ်ခဳးယဳၤ ဘဲာ်ဖၱးထာ်ကဲကဲၤ” အဒီၣ်ဓဳၤ.
34အလ့ၤကါ မၢ်ဓဳၤဒီၣ်ကဲၤစီၤဖံလံးပူး, “ဝံဒီၣ်တဲၤယၱၢ် ဘဲာ်အယဳၤမၱာ် စသးအဲးဒီၣ်ပီၢ် ပွဲၤ. စဒီၣ်လၤက့ၤဓီစန့ၤ ဧါ, မၱာ်စဒီၣ်ပၠၤအလဝ့ၤ တပွဲၤပွဲၤဧါ” စဒဲကဲၤလၢ်ဝၤဓဳၤ 35စီၤဖံလံးပူးဘါထာ်ကဲၤ အလီၤမီၤကၱာ် စးထာ်ဒဳ တဲၤဝှ့းလၤအီၣ်အယဳၤတကျၤယဳၤ ကၱာ်ဒီၣ်အူဒီဆးကဲၤစဲာ် ယ့ၣ်ရှူးအတဲၤသးလဳၢ်သးလၤအံာ်အဝၱၤအကဲ. 36ဘ့စဲာ်တစီာ်ဟဲးကိာ်ကျဲး အခဲ နဳၤ, စဓဳၤကဲၤဒဳ ထံအီၣ် အလ့ၤတချဳးဒဳၣ်, မၢ်ဓဳၤဒီၣ်ကဲၤစဲာ်, “စာ်ပီၢ်, ထံအီၣ် အယဳၤဒဳၣ်, တၤကမဲၤဒၱာ်ဒါကဲာ်ထာ်ယဲၤ အကခးတဲၤ ဖဳးစူ ထံနဲၢ်” စဒီၣ်လၢ်ဝၤဓဳၤ. 37စီၤဖံလံးပူးဒီၣ်ရှံ က့ၤ စဲာ်, “နကဘူၣ်လဳသဳးလဳသးဒဳၣ်, နကနံၤဇၤတပွဲး,” စဒီၣ် လၢ်ဝၤဓဳၤ. ကၱာ်ဒီ စဒီဆးစီၤဖံလံးပူး, “ယဘူၣ်တပွဲး ယ့ၣ်ရှူးခရၱာ်မၱာ် ကဘၱာ်စဲာ်အဖပးနဳၤ,” စဒီဆးလၢ်ဝၤ ဓဳၤ.
38မၢ်ဓဳၤ နှးကဲၤသရၱာ်ကဟဲဆီထဳးအီၣ်, ကၱာ် စဲာ်ကၱာ်စီၤဖံ လံးပူးခဲလၤတ့ၢ်ကဲၤ ထံလဲၢ် ကၠံၢ်ပွဲၤလဳၢ်, ဝှါဒဳၣ်, စီၤဖံလံးပူးဖဳးစူကဲၤမၢ် ဓဳၤ ထံ. 39ဘ့စဟဲးထာ်ဝှါထံလဲၢ်နဳၤ, ကဘၱာ် စဲာ် အသးစါထံ ဖၱး ကဲကၱာ်ဟဲးအံာ်ကဲၤ စီၤဖံလံးပူး. မၢ်ဓဳၤတစာ်ထၱးဘဲာ် စီၤဖံလံးပူး တပျါ ပ့ၤနီး, ပရၤဆါစက့ၤသးလဳၢ်သးလၤ အံာ် ကိာ်ကဲၤကျဲး. 40မၱာ် စီၤဖံလံးပူးနဳၤ, ပၠၤစာ်ထၱးစဲာ်ဒဳ အးစဒိာ်အအူးနဳၤ, ထဲၢ်စဟဲး ဒီထိးဒီတလဲၤ နံၤပၠၤ ထိဓဳၤဒဳကဲၤစါရံၤအူးနဳၤ.
ទើបបានជ្រើសរើសហើយ៖
သဓဳဖဳး 8: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
သဓဳဖဳး 8
8
1ကၱာ် စီၤစီလူးခးကဲၤစတဲၤသံအသဲ သၱး.
စီၤစီလူးလိၤမဲၤဆဲးညဲတဲၤအီၣ်ပျဳာ်
လှ့နဳၤတဲၤလိၤမဲဓဆဲဒညဲအီၣ်ထာ်ကဲၤဒဳ ယရူၤၡလ့ၣ်တဲၤအီၣ်ပျဳာ် အခဳးနဳၤဒဳၣ်, အပျဲၢ်အဘီၣ် တစီာ်အချဳ အဘူၣ်တဲၤတစီာ်စွဲးဖြူးလၤ ဖြၱ ထာ် ကဲၤဒဳယူဒၤက့ၤကၱာ်ရှမၤရၱအက့ၤပူၤနဳၤ. 2ပၠၤအဘူၣ်အနဲၢ် တဲၤတစီာ် ဘါလါဒါထာ်ဝှါ စီၤစတ့ဖၤဒဳၣ်, စယဳၤစဟးအံာ်တပွဲးလၢ်ဝၤ အဇၱၢ်အဇိၢ်ဒဳး.
3ပရၤဆါစီၤစီလူးမဲးကသီကရီၤ တဲၤ အီၣ်ပျဳာ်, စထာ်တရှံၣ်လၤတ့ၢ်တရှံၣ်, ကၱာ်စွံး တဟိးသဲမံၤမှူးမံၤခဳဝှါစဲာ်တစီာ်ဒဳၣ်, ထၱးနံၢ် လၢ် ဝၤတစီာ်ဒဳတဲၤကၱတၱၢ်အပူၤနဳၤ.
စီၤဖံလံးပူးလ့ၤဒီထိးဒဳရှမၤရၱက့ၤ
4ပၠၤအဟဲဖြူးလၤဖြၱထာ်တစီာ် ဘ့စလ့ၤ ဓဳၤအလ့ၤနဳၤ, စဒီ ထိးဒီတလဲၤကဲၤကဘၱာ်စဲာ် အလ့ၢ်အဝှဲး. 5စီၤဖံလံးပူးလ့ၤဓဳၤဒဳ ရှ မၤရၱ က့ၤကၱာ်ဒီထိးကဲၤပၠၤတစီာ်ခရၱာ်အဝၱၤအကဲ. 6ပၠၤအပဳၤအဟီးတစီာ် ဆီးခ့န့းကၱာ် စာ်ထၱး ဘဲာ်ကဲၤစီၤဖံလ့းပူး အတဲၤဒီထိးကၱာ် စစာ်ထၱး လၢ်ဝၤ မဲၤတဲၤပီၤတဲၤပၤအခဳးအစဲနဳၤ, စဆီး ခ့န့းလၢ်ဝၤအအဲ ဒဳ တဲၤသးစွံးနံၤအပူၤလီၤ. 7တဲၤနှဲးအစၱးပိးတစီာ် ဟးဖူးဟးဆရံးဝှါ ဟဲးထာ်ကဲပၠၤဟၱးကျဲ ကၱာ်အစူးသံခၣ်သံကၱာ် အခၣ်ဒ့ာ်တစီာ် အတဲၤဆဲ လှဲမဲၢ်လဳၢ်ကဲၤ. 8တဲၤသးလဳၢ်သးလၤအံာ် အီၣ်ပ့ထာ်ကဲၤဒဳ အူး ပူၤနဳၤ.
9ဘ့နဳၤပၠၤအမံၤမၱာ် စီၤၡံမိၣ်တပွဲၤမဲၤကဲၤ ပဝှံ ပဆဲ အတဲၤ မဲၤဒဳအူးပူၤနဳၤဒဳၣ်, စမဲၤထဲး တမိၢ်တမှါတပွဲးရှးမရၱက့ၤဖဳးတစီာ်, စဒီၣ် လၤ ကဲၤစန့ၤပၠၤအဓဳၤအမူၤတပွဲၤ, 10ကၱာ်ပၠၤ အအီၣ်ဒဳအူးပူၤကိ အပွဲၤ, စာ်ထာ်ဒဳအဓဳၤယၢ်မၤ တၱၢ်တစီာ်, ဓဳၤလၤဒဳ အတပွဲးဖဳးတစီာ် လဳ စါစဲး ဆီးခ့န့း စီၤၡံမိၣ်အလ့ၢ်ကၱာ် စဲာ်တစီာ်ဒီၣ်, “ပၠၤအယဳၤတပွဲၤမၱာ် ကဘၱာ်စဲာ်အစိသလဲ, ထဲၢ်အမံၤမၱာ်, အဓဳၤအမူၤတမံၤနဳၤ,” စဲာ်တစီာ်ဒီၣ်ဓဳၤ. 11ဒဳအဒ့ာ်အလှဲပွ့တမံၤ အပူၤနဳၤ, စမဲၤထဲတမိၢ်တမှါပၠၤအခဳးအစဲ, ပၠၤ လဳစါစဲး ဆီးခ့န့းလ့ၢ်သဲာ်ဟိကဲၤစဲာ်. 12ပရၤဆါပၠၤတစီာ် သၱာ်ဟဲဘဲာ် စီၤဖံလ့းပူး သိၣ်အံာ်သီအံာ်ကဘၱာ်စဲာ်အထံအက့ၤကၱာ် ယ့ၣ်ရှူးခရၱာ်အမံၤနဳၤဒဳၣ်, ဘူၣ်ကဲၤစဲာ်ကၱာ် သဲမံၤမှူးမံၤခဳ ခးကဲၤတဲၤဖဳးစူ ထံ. 13စီးရှံ မိၣ်သဲန့ၤ ခးတဲၤဖဳးစူထံဝှါ လိၤကိာ်ကဲၤစီၤဖံ လ့းပူး အလ့ၤ, ဘ့စီၤၡံမိၣ် စာ်ထၱးလၢ်ဝၤ မဲၤ တဲၤပီၤတဲၤပၤအဓဳၤဒဳၣ်, စထဲးတမိၢ်တမှါဆိး ကဲၤ.
14ဘ့အပျဲၢ်အဘီၣ်အအီၣ်ယရူၤၡလ့ၣ်အူး တစီာ်သၱာ်ဟဲဘဲာ် ရှမၤရၱက့ၤနံၤဘဲာ်ကဲၤကဘၱာ် စဲာ် အလ့ၢ်အဝှဲးဒဳၣ်, စသဓဳလ့ၤကဲၤစီၤပ့းတရူး ကၱာ် စီၤယိၤဟၣ်ဒဳလၢ်ဝၤအီၣ်နဳၤ. 15စဓဳၤ လ့ၤလၢ်ဝၤအီၣ်ဒဳၣ်, စသဘဲထာ်နံၤကဲၤလၢ်ဝၤ တစီာ်အနံၤခံ, စာ်ဘိထဲၢ် စကနံၤဘဲာ်ပီၢ် သး စါ ထံနဳၤ. 16မၤနဲၢ်ဒဳၣ်, သးစါထံတလၤစခဳး တစီာ်နှၱနီး, မၱာ်စခး နံၤယူတဲၤဝှူစဘါထံဒဳ ဘၱာ်စဲာ်ယ့ၣ်ရှူးအမံၤအပူၤကလီအခဳးအစဲနဳၤ. 17မဲဓဝှါစဲာ်တစီာ် ထဲးလၤအစူးခီးဒဳလၢ်ဝၤ အကဳာ်ခဳးကၱာ် စနံၤဘဲာ်ကဲၤ သးစါထံ.
18ပရၤဆါ ဘ့စီၤၡံမိၣ် စာ်ထၱးကဲးသဓဳဖဳးတစီာ်အံာ်လၤနံၤ ပၠၤသးစါထံဒဳၣ်, စအံာ်ဝှါလၢ်ဝၤဝှိ, 19စဒီၣ်, “အံာ်ပီၢ်ယဲၤ တဖျူ တဲးသရ့ာ်အယဳၤ, စာ်ဘိထဲၢ် ကယါပၠၤ ယထဲးလၤယစူးခီးအခဳးတစီာ် ကနံၤဘဲာ်ပီၢ် သးစါထံနဳၤ,” စဒီၣ်လၢ်ဝၤဓဳၤ.
20ပရၤဆါစီၤပ့းတရူးဒီၣ်ရှံက့ၤစဲာ်, “နဝှိကကဲကအိးကိဝကီ နကါ, မၤနဲၢ်, နကမဳၤ ဒဳကဘၱာ်စဲာ်အတဲၤအံာ်လၤနဳၤ, နပွၱၤအံာ်ကဲာ် ထာ် ဝှိအခဳးအစဲနဳၤ. 21နတဘဲာ်ကၠးတဲၤ အယဳၤတမံနီး, မၤနဲၢ်, နသး တတနၢ်ကဲၤကဘၱာ်စဲာ်အလှီမီၢ်နီး. 22မဲၤကနဳၤဒဳၣ်, ပၤ ယၤ လၤက့ၤပီၢ်နန့ၤကၱာ် သဘဲထာ်ပီၢ်စာ်ဘိ ထဲၢ် နတဲၤကမဳၤအတဝၱၤနီးအယဳၤကဘဲာ် ဘါပျဲးပီၢ်နဲၤနဳၤ. 23မၤနဲၢ်ယစာ်ထၱးတဲၤ သဳးထံအခဲးဒဳ နပူၤနဳၤကၱာ်တဲၤကမဲာ်အသရီာ်ပံၤဒဳ နလီၤနဳၤ” စဒီၣ်လၢ်ဝၤဓဳၤ.
24မၱာ်စီၤၡံမိၣ်ဒီၣ်ရှံက့ၤစဲာ်, “သဘဲထာ်ပီၢ် ယနံၤခံ စာ်ဘိထဲၢ် နဒီၣ်ဝှါထဳတဲၤတစီာ် ကတဖၱ ထာ်နံၤယဲၤနီးနဳၤ,” စဒီၣ်စီၤပ့းတရူးဓဳၤ.
25မဲၤဝှါဒဳၣ်, စီၤပ့းတရူးကၱာ်စီၤယိၤဟၣ် ခးဝှါသဲသၱးကၱာ် ဒီၣ် အူဒီဆးဝှါဘၱာ်စဲာ် အတဲၤ သးလဳၢ်သးလၤအံာ်အဝၱၤအကဲဒဳၣ်, စက့ၤဘး ကဲၤဒဳ ယရူၤၡလ့ၣ်အူးကၱာ် ဒီၣ်အူဒီဆးကဲၤ တဲၤဝၱၤတဲၤကဲအမီၤအမၤဒဳရှ မၤရၱဖဳးအဒဳအဖါ တစီာ်နဳၤ.
စီၤဖံလံးပံးကၱာ် အဲၤသံအီးပးဖဳးတပွဲၤ
26ကဘၱာ်စဲာ်အမီၢ်ခဳးပွဲၤဇဳၤတပွဲၤ ယၱၢ် ဘဲာ်ထၱးစီၤဖံလံးပူး, စဒီၣ်လၢ်ဝၤ, “ဝဲၢ်ထဳးဒဳၣ် လၤပီၢ်ဒဳလီၢ်ထဲးကၱာ် လ့ၤကိာ်ပီၢ်ကျဲး အအီၣ် ဒဳ ယရူၤၡလ့ၣ်အူး အလ့ၤဒဳ အူးဂါစၤတဘီနဳၤ” စဒီၣ်လၢ်ဝၤဓဳၤ. (ကျဲး အယဳၤမၱာ် လဳသံမံးဇ့ၤခဳးအကျဲး.) 27-28စီၤဖံးလံပူး ဝဲၢ်ထဳးကၱာ် လ့ၤ ကဲၤ. စာ်ပီၢ်, အဲၤသံအီးပးဖဳး ပွဲၤဖဲနီၢ်ဒံၣ်တပွဲၤ, ထဲၢ် အဲၤသံအီးပး အဆးဖြးမဳၤ အစဳးမၢ်ဓဳၤအဖီးကျဳၤအံာ်ဝှိတပွဲၤ ထာ်ကဲၤ ယရူၤၡလ့ၣ် အူးကၱာ်စထာ်သဘဲဝှါ စကက့ၤ လၤအခၠၱးနဳၤ. စဆးနါလၤဝှါဒဳသရၱာ်ကဟဲအပူၤ, စဖးကဲၤဝံယရှါယၤအစဲာ်. 29ကၱာ်သးစါထံဒီၣ်ကဲၤစီၤဖံလံးပူး, “လ့ၤ ဘိး ထၱးကၱာ် အီၣ် ပီၢ်ဒဳသရၱာ်ကဟဲ အဝဳၢ် လီၤ နဳၤ,” အဒီၣ်စဲာ်ဓဳၤ. 30စီၤဖံးလံပူးစွဲး လ့ၤ ကၱာ်သၱာ်ဟဲဘဲာ်စဖးဝံယရှါယၤအစဲာ်ဒဳၣ်, စဒီၣ် ကဲၤလၢ်ဝၤ, “နဖး တၤနဲၢ်နဳၤ နသၱာ်ဟဲတပွဲးဧါ” စဒဲလၢ်ဝၤဓဳၤ.
31မၱာ်စဒီၣ်ရှံက့ၤလၢ်ဝၤ, “ပၠၤအဒီဆး ယဲၤကတအီၣ်မၤနီး ဒဳၣ်, ယကသၱာ်ဟဲဇၤ စာ် တဲၢ်” စဒီၣ်ကဲၤလၢ်ဝၤဓဳၤ. မဲဓဝှါစယဳၤကဲၤ စီၤ ဖံလံးပူးအကထာ်ဆးနါကိာ်စကါ ဒဳသရၱာ် ကဟဲအပူၤနဳၤ. 32စဲာ် စါထံ စဖးတကျၤမၱာ် အဒီၣ်ကယဳၤ,
“စမၱာ်အစာ်ဘိ သဳတဒဳ ထဲၢ် အဘဲာ်လ့ၤအံာ်ဟူကဲၤတဲၤ သံအလ့ၤ,
အစာ်ဘိသဳဖဳးတဒဳ ပၠၤဒၱာ်အဆိးဒဳၣ် အတမဲၤသဲာ်အလ့ၢ်နီးအခီနဳၤ,
စတဘါထာ်ကဲၤစလီၤမီၤနီး.
33စဘဲာ်တဲၤမဲၤသါဝၢ်သးပျဲၢ်,
ကၱာ်တဲၤတၱၢ်တဲၤမှးတအီၣ် စနံၤခံနီး.
ပၠၤအကဒီဆးလၤ စတဲၤခွံလၤသလဲ တအီၣ်ကဲၤတဗွဲနီး,
မၤနဲၢ်စတဲၤအီၣ်ဒဳ လၢ်ခဳးယဳၤ ဘဲာ်ဖၱးထာ်ကဲကဲၤ” အဒီၣ်ဓဳၤ.
34အလ့ၤကါ မၢ်ဓဳၤဒီၣ်ကဲၤစီၤဖံလံးပူး, “ဝံဒီၣ်တဲၤယၱၢ် ဘဲာ်အယဳၤမၱာ် စသးအဲးဒီၣ်ပီၢ် ပွဲၤ. စဒီၣ်လၤက့ၤဓီစန့ၤ ဧါ, မၱာ်စဒီၣ်ပၠၤအလဝ့ၤ တပွဲၤပွဲၤဧါ” စဒဲကဲၤလၢ်ဝၤဓဳၤ 35စီၤဖံလံးပူးဘါထာ်ကဲၤ အလီၤမီၤကၱာ် စးထာ်ဒဳ တဲၤဝှ့းလၤအီၣ်အယဳၤတကျၤယဳၤ ကၱာ်ဒီၣ်အူဒီဆးကဲၤစဲာ် ယ့ၣ်ရှူးအတဲၤသးလဳၢ်သးလၤအံာ်အဝၱၤအကဲ. 36ဘ့စဲာ်တစီာ်ဟဲးကိာ်ကျဲး အခဲ နဳၤ, စဓဳၤကဲၤဒဳ ထံအီၣ် အလ့ၤတချဳးဒဳၣ်, မၢ်ဓဳၤဒီၣ်ကဲၤစဲာ်, “စာ်ပီၢ်, ထံအီၣ် အယဳၤဒဳၣ်, တၤကမဲၤဒၱာ်ဒါကဲာ်ထာ်ယဲၤ အကခးတဲၤ ဖဳးစူ ထံနဲၢ်” စဒီၣ်လၢ်ဝၤဓဳၤ. 37စီၤဖံလံးပူးဒီၣ်ရှံ က့ၤ စဲာ်, “နကဘူၣ်လဳသဳးလဳသးဒဳၣ်, နကနံၤဇၤတပွဲး,” စဒီၣ် လၢ်ဝၤဓဳၤ. ကၱာ်ဒီ စဒီဆးစီၤဖံလံးပူး, “ယဘူၣ်တပွဲး ယ့ၣ်ရှူးခရၱာ်မၱာ် ကဘၱာ်စဲာ်အဖပးနဳၤ,” စဒီဆးလၢ်ဝၤ ဓဳၤ.
38မၢ်ဓဳၤ နှးကဲၤသရၱာ်ကဟဲဆီထဳးအီၣ်, ကၱာ် စဲာ်ကၱာ်စီၤဖံ လံးပူးခဲလၤတ့ၢ်ကဲၤ ထံလဲၢ် ကၠံၢ်ပွဲၤလဳၢ်, ဝှါဒဳၣ်, စီၤဖံလံးပူးဖဳးစူကဲၤမၢ် ဓဳၤ ထံ. 39ဘ့စဟဲးထာ်ဝှါထံလဲၢ်နဳၤ, ကဘၱာ် စဲာ် အသးစါထံ ဖၱး ကဲကၱာ်ဟဲးအံာ်ကဲၤ စီၤဖံလံးပူး. မၢ်ဓဳၤတစာ်ထၱးဘဲာ် စီၤဖံလံးပူး တပျါ ပ့ၤနီး, ပရၤဆါစက့ၤသးလဳၢ်သးလၤ အံာ် ကိာ်ကဲၤကျဲး. 40မၱာ် စီၤဖံလံးပူးနဳၤ, ပၠၤစာ်ထၱးစဲာ်ဒဳ အးစဒိာ်အအူးနဳၤ, ထဲၢ်စဟဲး ဒီထိးဒီတလဲၤ နံၤပၠၤ ထိဓဳၤဒဳကဲၤစါရံၤအူးနဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.