သဓဳဖဳး 3
3
ပွဲၤတၤတဲၤအခၣ်ဒ့ာ်မှးက့ၤ
1တနံၤတသဲ, ဘ့လူၤမူၤလၤသဳနၣ်ရၱၣ်နဳၤ စီၤပ့းတရူးကၱာ် စီၤယိၤဟၣ် ထာ်သဘဲကဲၤဒဳတဲၤ လှူၣ်ရှံၣ်ပူၤနဳၤ. 2ဒဳနဳၤ ပၠၤအခၣ်ဒ့ာ်လှ့အအီၣ်ဝ့ၤ အမဳၤအဖူပူၤနဳၤအီၣ်ကဲၤဒဳတဲၤလှူၣ်ရှံၣ် အခးကျဲၢ် ဓဳၤ, ထဲၢ်ပၠၤယဳၤအမံၤခၣ်ကျဲၢ်မီၤအကါထၱးနဳၤ. ပၠၤယးလ့ၤ ကၱာ် ဒီလါစဲာ် ဘ့နဳၤကိအနံၤ စာ်ဘိထဲၢ်စကတၤပီၢ် ပၠၤအလ့ၤနံၢ်ဟဲးထာ်တဲၤလှူၣ်ရှံၣ်ပူၤတစီာ် ပံဆးအနံၤခံနဳၤ. 3စီၤပ့းတရူးကၱာ် စီၤယိၤဟၣ် လ့ၤနံၢ် တဲၤလှူၣ်ရှံၣ်ပူၤဒဳၣ်, စတၤကဲၤလၢ် ဝၤတစီာ် အကအံာ်စဲာ်ပံဆး. 4စဲာ်ကၠံၢ်ပွဲၤလဳၢ်, စာ်တကြၱၤနၱၤဝှါ လၢ်ဝၤဒဳၣ်, စီၤပ့းတရူး ဒီၣ်ကဲၤစဲာ်, “စာ်ထာ်ပီၢ်ဝၤ.” 5စစာ်ထာ် လၢ်ဝၤတစီာ် ဒဳတဲၤဆးရှံအံာ်အကနံၤဘဲာ် တဲၤတမံၤမံၤအပူၤနဳၤ. 6ပရၤဆါစီၤပ့းတရူး ဒီၣ်စဲာ်, “ယဝှိယထဲတအီၣ်နီး, အအီၣ်နံၤယဲၤအသရ့ ယအံာ် တပွဲးနဲၤ. ဒဳပၠၤနစၤရ့းဖဳးယ့ၣ်ရှူးခရၱာ်အမံၤအပူၤ, ဝဲၢ်ထဳး, ခဲလ့ၤ ပီၢ်,” စဒီၣ်လၢ်ဝၤဓဳၤ 7မဲၤဝှါဒဳၣ်, စပိာ်ကျဳၤလၢ်ဝၤအစူခီးအတထွဲးတခီကၱာ် စွံးဝဲၢ်ထဳး ကဲၤလၢ်ဝၤ. တပျာ်ခါလီၤအနဳၤတပွဲၤ အခၣ်ခီး ကၱာ် အခၣ်ပရၱၢ်ဆးမှးက့ၤကဲၤ. 8စပ့ၤထာ်ဝှါ စကါ ဆီထဳးအီၣ် ကၱာ် ဟဲတဝၱၢ်တဝ့ၤကဲၤ. မဲၤဝှါစပ့ၤခဳး ပ့ၤကါ, ထါထာ်အံာ်ကဘၱာ်စဲာ် ကၱာ်လ့ၤနံၢ်ကိာ်ကဲၤ စဲာ်တစီာ်အကါ ဒဳတဲၤလှူၣ်ရှံၣ်ပူၤ. 9ပၠၤအအီၣ်ဘ့နဳၤတစီာ်စာ်ထၱးကဲၤစဟဲးကၱာ် ထါအံာ် ကဘၱာ်စဲာ်, 10ကၱာ် မှါအံာ်ကဲၤစဲာ်, ထဲၢ် စမၱာ်အဆးနါလၤအီၣ်ဝှါ ဒဳတဲၤလှူၣ်ရှံၣ်အခၣ် ကျဲၢ်မီၤ အကါ ထၱးကၱာ် တၤအၣ်ကဲၤတဲၤတပွဲၤနဳၤဒဳၣ်, စဲာ်တစီာ် ထဲး တမိၢ်တမှါကၱာ်ထဲးနံၤဝံနံၤဝၤကဲၤ ဒဳတဲၤဖၱထာ် ကဲၤစလီၤတဓဲအခဳးအစဲနဳၤ.
စီၤပ့းတရူးအတဲၤဒီထိးဒဳတဲၤလှူၣ်ရှံၣ်ပူၤ
11ဘ့စစီကွ့းကျဳၤစီၤပ့းတရူးကၱာ် စီၤယိၣ်ဟၣ်အခၠၱးနဳၤ, ပၠၤ တစီာ် စွဲးလ့ၤဒဳ စီၤရှလိၤမိၤအတဓၢ်ခဳးနဳၤ ထဲးတမိၢ်တမှါလဳၢ်ကဲၤ. 12ဘ့စီၤပ့းတရူးစာ်ထၱးတဲၤအယဳၤဒဳၣ်, စဒီၣ်ကဲၤပၠၤတစီာ်, “အဳအံၣ် စရ့ လးဖဳးတစီာ်, သံထဲးတမိၢ်တမှါမၤနဲၢ်. သံစာ်တကြၱၤနၱၤမၤဝၤ မဲၤစာ် ဘိဝၤခဳးဝၤအါကၱာ် ဝၤတဲၤဝၱၤတဲၤစါထံအခဳးအစဲ ဝၤမဲၤပၠၤအယဳၤတပွဲၤ ခဲသၱးက့ၤနဳၤနဲၢ်. 13စီၤအၤဘြၤဟၣ်အဘၱာ်စဲာ်, စီၤအံၤစဲးအဘၱာ် စဲာ်, စီၤယၤကိာ်အဘၱာ်စဲာ်, ကၱာ်သံဖံသံဖူအဘၱာ်စဲာ် ပဲၢ်တီၤပဲၢ်သ့းကဲၤ စဖဳးယ့ၣ်ရှူးနဳၤ, သံလ့ၤဟိလါကၱာ် လဲၢ်လၤတၤကဲၤဒဳ စီၤပံၤလးအလှီမီၢ် နဳၤ. စသးအဲးဘါပျဲးကဲလၢ်ဝၤတခီ. 14ပရၤဆါ, သံပၢ်ဖျီးမံကဲၤ အစါထံကၱာ်အတၱၢ်အမှးတပွဲၤ ကၱာ်တၤကဲၤစဲာ် ကဘဲာ်အံာ်လၤဖျီးမံ သံ စူးခီးပူၤအကမဲၤသံစဲာ်နဳၤ. 15မဲၤဝှါ သံမဲၤသံကဲၤတဲၤအီၣ် အဘၱာ် စဲာ်, မၱာ် ကဘၱာ်စဲာ် ဘးဝဲၢ်ထဳးက့ၤကဲၤစဲာ် တဲၤသံအကျဲကၱာ် ဝၤသဲန့ၤခး ကဲၤသဲသၱး. 16ကၱာ်ဒီဒဳယ့ၣ်ရှူးအမံၤအစိသလဲအပူၤ, ပၠၤအခၣ်ဒ့ာ် တပွဲၤယဳၤအခၣ်ခီးဘဲာ်မၤမှးက့ၤကဲၤ. တဲၤထဲၢ်သံစာ် ထၱးကၱာ် သၱာ်ဟဲ ဘဲာ်နဳၤ မၱာ်ဒဳတဲၤဘူၣ်ယ့ၣ်ရှူးအမံၤ အခဳးအစဲ, အံာ်လၤနံၤထဳစဲာ် တဲၤ အီၣ်ဆိးအီၣ်မှးနဳၤ သံစာ်ထၱးလဳထဳတပွဲး.
17“သဲပူၤဝ့ၤတစီာ်, ခဳနူၤယဳၤ ယသၱာ်ဟဲထဳထဲၢ် သံမဲၤတဳမူၤ တဳဆါနံၤကဲၤ အစာ်ဘိ အခဳးအန့ၤတစီာ်မဲၤနဳၤ. 18ပရၤဆါ အယဳၤမၱာ် ကဘၱာ်စဲာ်သဲန့ၤ မဲၤပ့ထာ်ကဲၤစတဲၤသးအဲးနံၤ အစာ်ဘိ စဒီၣ် တီၤလီၤကဲၤဝံတစီာ်အလီၤမီၤပူၤ, ထဲၢ် ခရၱာ်ကခးဘဲာ်တဲၤဆဲးညဲ ပီၤတီၤ နဳၤ. 19မဲၤကနဳၤဒဳၣ်, ပၤယၤလၤက့ၤသံန့ၤကၱာ် ဒးဘးက့ၤပီၢ် ဒဳ ဘၱာ်စဲာ်အအီၣ် စာ်ဘိထဲၢ် သံတဲၤခီၣ်ဝဲၤ ကဘဲာ် တထြူးကဲပီၢ်နဳၤ. 20အခၠၱးကဘဲာ်ကီထဲၢ် သးစါထံ အအီၣ်ဒဳကဘၱာ်စဲာ် အအီၣ် ကလၤ ဓဳၤထၱးသံကၱာ်စကသဓဳလ့ၤကီဘၱာ်စဲာ်ယ့ၣ်ရှူး ထဲၢ်မ့ၤရှံအၤ, အဘဲာ်ရိၤ ထာ်ဒဳသံနံၤခံနဳၤ. 21စကအီၣ်ဘဲာ်ကီဒဳမီၢ်ခဳးထိအခၠၱးဓဳၤလ့ၤထဲၢ် တဲၤလဳ စါစဲးကဘဲာ်မဲၤသဲထာ်က့ၤ, အစာ်ဘိကဘၱာ်စဲာ် ဒီၣ်တီၤလီၤကဲၤ ဒဳဝံစါထံတစီာ်အလီၤမီၤပူၤ လှ့းမဳၤတစီာ်နဳၤ. 22မၤနဲၢ် စီၤမိၤၡ့ဒီၣ် ကဲၤ ကယဳၤ, ‘သံဘၱာ်စဲာ်တဲၤအဓဳၤကရိၤထာ်ကီ ဝံတပွဲၤဒဳ သံကျဲနဳၤ အစာ်ဘိစရိၤထာ်ကဲၤယဲၤနဳၤ. စယၱၢ်ဘဲာ် ထၱးသံအသရ့, သံကဆီးခ့န့းဘဲာ်. 23ပၠၤအတဆီးခ့န့းဝံအနဳၤတပွဲၤအလ့ၢ်နီးတပွဲၤပွဲၤနဳၤ, ကဘဲာ် ဖၱးထာ်ကဲကီဒဳဘၱာ်စဲာ်အပၠၤတစီာ်အကျဲကၱာ် စကဘဲာ် မဲၤကဲမဲၤအိးကီ.’ 24ကဳၤထာ်ဘ့ဝံရှမူၤအ့လး လ့ၤအလှီမီၢ်, ဝံတစီာ်ဒီဆးတီၤလီၤ ထဳမူၤနံၤမူၤသဲ အယဳၤတစီာ်နဳၤ. 25သံမၱာ်ဝံ တစီာ်အဖဳးအလံၤ ထဲၢ် ကဘၱာ်စဲာ်မဲၤနံၤကဲၤတဲၤအၣ်မါခးအံာ်တစီာ်နဳၤ. ထဲၢ်ဘ့စဒီၣ်ကဲၤစီၤ အၤဘြၤဟၣ်, ‘ဒဳနခွံနသလဲအပူၤ, လၢ်ခဳးဖဳးသဒဲကူၤမူၤကဘဲာ်ဟိးဝၱၤ ကီနဳၤ.’ 26ကဘၱာ်စဲာ်လဲၢ်ထာ်နံၤအူဆူးသံ စဖဳး စသဓဳလ့ၤလၢ်ဝၤ အကဟိးဝၱၤသံ စာ်ဘိထဲၢ် ပၠၤကိအပွဲၤကပၢ်ဖျီးမံပီၢ် အတဲးကၱကဲာ်မဲၤ လှီနဳၤ” စဒီၣ်ကဲၤလၢ်ဝၤတစီာ်ဓဳၤ.
ទើបបានជ្រើសរើសហើយ៖
သဓဳဖဳး 3: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
သဓဳဖဳး 3
3
ပွဲၤတၤတဲၤအခၣ်ဒ့ာ်မှးက့ၤ
1တနံၤတသဲ, ဘ့လူၤမူၤလၤသဳနၣ်ရၱၣ်နဳၤ စီၤပ့းတရူးကၱာ် စီၤယိၤဟၣ် ထာ်သဘဲကဲၤဒဳတဲၤ လှူၣ်ရှံၣ်ပူၤနဳၤ. 2ဒဳနဳၤ ပၠၤအခၣ်ဒ့ာ်လှ့အအီၣ်ဝ့ၤ အမဳၤအဖူပူၤနဳၤအီၣ်ကဲၤဒဳတဲၤလှူၣ်ရှံၣ် အခးကျဲၢ် ဓဳၤ, ထဲၢ်ပၠၤယဳၤအမံၤခၣ်ကျဲၢ်မီၤအကါထၱးနဳၤ. ပၠၤယးလ့ၤ ကၱာ် ဒီလါစဲာ် ဘ့နဳၤကိအနံၤ စာ်ဘိထဲၢ်စကတၤပီၢ် ပၠၤအလ့ၤနံၢ်ဟဲးထာ်တဲၤလှူၣ်ရှံၣ်ပူၤတစီာ် ပံဆးအနံၤခံနဳၤ. 3စီၤပ့းတရူးကၱာ် စီၤယိၤဟၣ် လ့ၤနံၢ် တဲၤလှူၣ်ရှံၣ်ပူၤဒဳၣ်, စတၤကဲၤလၢ် ဝၤတစီာ် အကအံာ်စဲာ်ပံဆး. 4စဲာ်ကၠံၢ်ပွဲၤလဳၢ်, စာ်တကြၱၤနၱၤဝှါ လၢ်ဝၤဒဳၣ်, စီၤပ့းတရူး ဒီၣ်ကဲၤစဲာ်, “စာ်ထာ်ပီၢ်ဝၤ.” 5စစာ်ထာ် လၢ်ဝၤတစီာ် ဒဳတဲၤဆးရှံအံာ်အကနံၤဘဲာ် တဲၤတမံၤမံၤအပူၤနဳၤ. 6ပရၤဆါစီၤပ့းတရူး ဒီၣ်စဲာ်, “ယဝှိယထဲတအီၣ်နီး, အအီၣ်နံၤယဲၤအသရ့ ယအံာ် တပွဲးနဲၤ. ဒဳပၠၤနစၤရ့းဖဳးယ့ၣ်ရှူးခရၱာ်အမံၤအပူၤ, ဝဲၢ်ထဳး, ခဲလ့ၤ ပီၢ်,” စဒီၣ်လၢ်ဝၤဓဳၤ 7မဲၤဝှါဒဳၣ်, စပိာ်ကျဳၤလၢ်ဝၤအစူခီးအတထွဲးတခီကၱာ် စွံးဝဲၢ်ထဳး ကဲၤလၢ်ဝၤ. တပျာ်ခါလီၤအနဳၤတပွဲၤ အခၣ်ခီး ကၱာ် အခၣ်ပရၱၢ်ဆးမှးက့ၤကဲၤ. 8စပ့ၤထာ်ဝှါ စကါ ဆီထဳးအီၣ် ကၱာ် ဟဲတဝၱၢ်တဝ့ၤကဲၤ. မဲၤဝှါစပ့ၤခဳး ပ့ၤကါ, ထါထာ်အံာ်ကဘၱာ်စဲာ် ကၱာ်လ့ၤနံၢ်ကိာ်ကဲၤ စဲာ်တစီာ်အကါ ဒဳတဲၤလှူၣ်ရှံၣ်ပူၤ. 9ပၠၤအအီၣ်ဘ့နဳၤတစီာ်စာ်ထၱးကဲၤစဟဲးကၱာ် ထါအံာ် ကဘၱာ်စဲာ်, 10ကၱာ် မှါအံာ်ကဲၤစဲာ်, ထဲၢ် စမၱာ်အဆးနါလၤအီၣ်ဝှါ ဒဳတဲၤလှူၣ်ရှံၣ်အခၣ် ကျဲၢ်မီၤ အကါ ထၱးကၱာ် တၤအၣ်ကဲၤတဲၤတပွဲၤနဳၤဒဳၣ်, စဲာ်တစီာ် ထဲး တမိၢ်တမှါကၱာ်ထဲးနံၤဝံနံၤဝၤကဲၤ ဒဳတဲၤဖၱထာ် ကဲၤစလီၤတဓဲအခဳးအစဲနဳၤ.
စီၤပ့းတရူးအတဲၤဒီထိးဒဳတဲၤလှူၣ်ရှံၣ်ပူၤ
11ဘ့စစီကွ့းကျဳၤစီၤပ့းတရူးကၱာ် စီၤယိၣ်ဟၣ်အခၠၱးနဳၤ, ပၠၤ တစီာ် စွဲးလ့ၤဒဳ စီၤရှလိၤမိၤအတဓၢ်ခဳးနဳၤ ထဲးတမိၢ်တမှါလဳၢ်ကဲၤ. 12ဘ့စီၤပ့းတရူးစာ်ထၱးတဲၤအယဳၤဒဳၣ်, စဒီၣ်ကဲၤပၠၤတစီာ်, “အဳအံၣ် စရ့ လးဖဳးတစီာ်, သံထဲးတမိၢ်တမှါမၤနဲၢ်. သံစာ်တကြၱၤနၱၤမၤဝၤ မဲၤစာ် ဘိဝၤခဳးဝၤအါကၱာ် ဝၤတဲၤဝၱၤတဲၤစါထံအခဳးအစဲ ဝၤမဲၤပၠၤအယဳၤတပွဲၤ ခဲသၱးက့ၤနဳၤနဲၢ်. 13စီၤအၤဘြၤဟၣ်အဘၱာ်စဲာ်, စီၤအံၤစဲးအဘၱာ် စဲာ်, စီၤယၤကိာ်အဘၱာ်စဲာ်, ကၱာ်သံဖံသံဖူအဘၱာ်စဲာ် ပဲၢ်တီၤပဲၢ်သ့းကဲၤ စဖဳးယ့ၣ်ရှူးနဳၤ, သံလ့ၤဟိလါကၱာ် လဲၢ်လၤတၤကဲၤဒဳ စီၤပံၤလးအလှီမီၢ် နဳၤ. စသးအဲးဘါပျဲးကဲလၢ်ဝၤတခီ. 14ပရၤဆါ, သံပၢ်ဖျီးမံကဲၤ အစါထံကၱာ်အတၱၢ်အမှးတပွဲၤ ကၱာ်တၤကဲၤစဲာ် ကဘဲာ်အံာ်လၤဖျီးမံ သံ စူးခီးပူၤအကမဲၤသံစဲာ်နဳၤ. 15မဲၤဝှါ သံမဲၤသံကဲၤတဲၤအီၣ် အဘၱာ် စဲာ်, မၱာ် ကဘၱာ်စဲာ် ဘးဝဲၢ်ထဳးက့ၤကဲၤစဲာ် တဲၤသံအကျဲကၱာ် ဝၤသဲန့ၤခး ကဲၤသဲသၱး. 16ကၱာ်ဒီဒဳယ့ၣ်ရှူးအမံၤအစိသလဲအပူၤ, ပၠၤအခၣ်ဒ့ာ် တပွဲၤယဳၤအခၣ်ခီးဘဲာ်မၤမှးက့ၤကဲၤ. တဲၤထဲၢ်သံစာ် ထၱးကၱာ် သၱာ်ဟဲ ဘဲာ်နဳၤ မၱာ်ဒဳတဲၤဘူၣ်ယ့ၣ်ရှူးအမံၤ အခဳးအစဲ, အံာ်လၤနံၤထဳစဲာ် တဲၤ အီၣ်ဆိးအီၣ်မှးနဳၤ သံစာ်ထၱးလဳထဳတပွဲး.
17“သဲပူၤဝ့ၤတစီာ်, ခဳနူၤယဳၤ ယသၱာ်ဟဲထဳထဲၢ် သံမဲၤတဳမူၤ တဳဆါနံၤကဲၤ အစာ်ဘိ အခဳးအန့ၤတစီာ်မဲၤနဳၤ. 18ပရၤဆါ အယဳၤမၱာ် ကဘၱာ်စဲာ်သဲန့ၤ မဲၤပ့ထာ်ကဲၤစတဲၤသးအဲးနံၤ အစာ်ဘိ စဒီၣ် တီၤလီၤကဲၤဝံတစီာ်အလီၤမီၤပူၤ, ထဲၢ် ခရၱာ်ကခးဘဲာ်တဲၤဆဲးညဲ ပီၤတီၤ နဳၤ. 19မဲၤကနဳၤဒဳၣ်, ပၤယၤလၤက့ၤသံန့ၤကၱာ် ဒးဘးက့ၤပီၢ် ဒဳ ဘၱာ်စဲာ်အအီၣ် စာ်ဘိထဲၢ် သံတဲၤခီၣ်ဝဲၤ ကဘဲာ် တထြူးကဲပီၢ်နဳၤ. 20အခၠၱးကဘဲာ်ကီထဲၢ် သးစါထံ အအီၣ်ဒဳကဘၱာ်စဲာ် အအီၣ် ကလၤ ဓဳၤထၱးသံကၱာ်စကသဓဳလ့ၤကီဘၱာ်စဲာ်ယ့ၣ်ရှူး ထဲၢ်မ့ၤရှံအၤ, အဘဲာ်ရိၤ ထာ်ဒဳသံနံၤခံနဳၤ. 21စကအီၣ်ဘဲာ်ကီဒဳမီၢ်ခဳးထိအခၠၱးဓဳၤလ့ၤထဲၢ် တဲၤလဳ စါစဲးကဘဲာ်မဲၤသဲထာ်က့ၤ, အစာ်ဘိကဘၱာ်စဲာ် ဒီၣ်တီၤလီၤကဲၤ ဒဳဝံစါထံတစီာ်အလီၤမီၤပူၤ လှ့းမဳၤတစီာ်နဳၤ. 22မၤနဲၢ် စီၤမိၤၡ့ဒီၣ် ကဲၤ ကယဳၤ, ‘သံဘၱာ်စဲာ်တဲၤအဓဳၤကရိၤထာ်ကီ ဝံတပွဲၤဒဳ သံကျဲနဳၤ အစာ်ဘိစရိၤထာ်ကဲၤယဲၤနဳၤ. စယၱၢ်ဘဲာ် ထၱးသံအသရ့, သံကဆီးခ့န့းဘဲာ်. 23ပၠၤအတဆီးခ့န့းဝံအနဳၤတပွဲၤအလ့ၢ်နီးတပွဲၤပွဲၤနဳၤ, ကဘဲာ် ဖၱးထာ်ကဲကီဒဳဘၱာ်စဲာ်အပၠၤတစီာ်အကျဲကၱာ် စကဘဲာ် မဲၤကဲမဲၤအိးကီ.’ 24ကဳၤထာ်ဘ့ဝံရှမူၤအ့လး လ့ၤအလှီမီၢ်, ဝံတစီာ်ဒီဆးတီၤလီၤ ထဳမူၤနံၤမူၤသဲ အယဳၤတစီာ်နဳၤ. 25သံမၱာ်ဝံ တစီာ်အဖဳးအလံၤ ထဲၢ် ကဘၱာ်စဲာ်မဲၤနံၤကဲၤတဲၤအၣ်မါခးအံာ်တစီာ်နဳၤ. ထဲၢ်ဘ့စဒီၣ်ကဲၤစီၤ အၤဘြၤဟၣ်, ‘ဒဳနခွံနသလဲအပူၤ, လၢ်ခဳးဖဳးသဒဲကူၤမူၤကဘဲာ်ဟိးဝၱၤ ကီနဳၤ.’ 26ကဘၱာ်စဲာ်လဲၢ်ထာ်နံၤအူဆူးသံ စဖဳး စသဓဳလ့ၤလၢ်ဝၤ အကဟိးဝၱၤသံ စာ်ဘိထဲၢ် ပၠၤကိအပွဲၤကပၢ်ဖျီးမံပီၢ် အတဲးကၱကဲာ်မဲၤ လှီနဳၤ” စဒီၣ်ကဲၤလၢ်ဝၤတစီာ်ဓဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.