သဓဳဖဳး 2
2
သးစါထံအတဲၤလ့ၤလၤ
1ဘ့ဘူၣ်ယဲၢ်ရှံအမူၤနံၤဘိးထၱးကဲၤနဳၤ, စဲာ်တစီာ်လၤဓ့ၢ်ပျဳာ် လၢ်ဝၤဒဳတဲၤအလ့ၤတချဳး. 2ကလိၢ်ကလ့ၤတဲၤအလ့ၢ်သဲာ် ထာ် ကဲၤဒဳမီၢ်ခဳးလဲၢ်တဓဲ. မဲၤအစာ်ဘိကလံၤ မဳၤဘံကၱာ်အပ့ထာ်ကဲၤ ရှံၣ်ပူၤ ဘ့ စဆးနါလါအီၣ်အလ့ၤနဳၤ. 3ကၱာ်ဒီဒဳစမူၢ်ကါ ပူၤနဳၤ မဲၤကဲၤ အစာ်ဘိမှၱးအပျၱၤနဳၤ, အဆီလါဒဳစဲာ်တပွဲၤတပွဲၤလၤဓူၢ်အခဳးနဳၤ. 4စအီၣ်ပ့ထာ်ကၱာ် သးစါထံကၱာ်ယၱၢ်ဘဲာ်ကဲၤတဲၤလ့ၢ်တဲၤဝှဲး အမဳမဳၤအစာ် ဘိကဘၱာ်စဲာ်အသးအံာ်စဲာ်တစီာ် အကယံၢ်ဘဲာ်အဓ့ နဳၤ.
5လှ့နဳၤယူဒၤဖဳးအအီၣ်ဒဳထံက့ၤအလဝ့ၤ တစီာ် ထဲၢ်အအီၣ် အံာ်တဲၤသဘူၣ်သဘဲတစီာ်နဳၤ, က့ၤအီၣ်ကဲၤဒဳ ယရူၤၡလ့ၣ်အူးပူၤနဳၤ. 6ဘ့ပၠၤ အပဳၤအဟီးသၱာ်ဟဲဘဲာ် တဲၤအလ့ၢ်အယဳၤဒဳၣ်, စဲာ်တစီာ်လ့ၤလၤဓ့ၢ်ပျဳာ်ကဲၤဘ့နဳၤ. ကၱာ်စဲာ်တစီာ်ထဲးနံၤဝံၤ နံၤဝၤလဳၢ်ကဲၤ, မၤ နဲၢ်, ပၠၤတစီာ်သၱာ်ဟဲဘဲာ် စဲာ်တစီာ် ယၱၢ်ဘဲာ်ထာ် စထံစက့ၤတက့ၤ, တက့ၤလၤဓူၢ် အတဲၤယၱၢ်ဘဲာ်အခဳးအစဲနဳၤ. 7ပၠၤတစီာ် ထဲးတမိၢ် တမှါကၱာ်ဒီၣ်ကဲၤ, “စာ်ပီၢ်ပၠၤအယၱၢ်ဘဲာ် တစီာ်ယဳၤ, စမၱာ်လဳကဲၤလံၤ လဲ ဖဳးလီၤတဘဲာ်နီးဧါ. 8မၱာ်ခဳနူၤယဳၤ, ဝၤတပွဲၤ, တပွဲၤလၤဓူၢ် သၱာ် ဟဲဘဲာ် မၤ ဝၤအီၣ်လၤထံက့ၤတစီာ်အတဲၤယၱၢ်ဘဲာ်စာ်တဲၢ်. 9ပၢ် သ့ၤဖဳး, မၤဒဲဖဳး. ဧ့ၤလၣ်ဖဳး ကၱာ် မ့းစပတၤမံဖဳး, ယူဒၤဖဳး, ကပၤဒကံဖဳး, ပီၣ်တူးဖဳး, အၤစံဖဳး, 10ဖြူၤကံဖဳး, ပၣ်ဖူၤလံဖဳး, အဲးကူပတူးဖဳး, လံၤဘူဖဳးထဲၢ် အအီဘိးထၱး ကူၤဒ့ၤန့ဖဳးနဳၤ. ကၱာ်ဝအအီၣ်ဒဳရိမ့ၤအူးဝၤ လ့ၤ 11ကၱာ်ဝၤမၱာ်ယူဒၤက့ၤဖဳး ကၱာ်ဝၤအဘူၣ်တဲၤအအီၣ်အံာ်ယူ ဒၤဖဳးအတဲၤသဘဲအပူၤနဳၤ. ဝၤတစီာ်မၱာ်ကဲၤကြ့တ့ၤဖဳး ကၱာ်ဧ့ရ့းဖဳး, နီၣ် သီနှီနူၤ, ဝၤလဳစါစဲး ဝၤသၱာ်ဟဲဘဲာ်စဲာ်တစီာ်အတဲၤဒီထိးလၤ အဘဲာ် ကၠး ကဘၱာ်စဲာ်အတဲၤမဲၤစီးကျၱးတစီာ်ဒဳဝၤလ့ၢ် ဝၤဝှဲးလီၤဟဳ.” 12ပၠၤ လဳစါစဲးထဲးတမိၢ်တမှါ, ထဲးနံၤဝံၤနံၤဝၤကၱာ်စဒီၣ်, “အယဳၤမၱာ်တၤနဲၢ်.”
13ပရၤဆါအလဝ့ၤတစီာ်ဆီလူဆီယဲၢ်ကၱာ်စဒီၣ်, “စဲာ်တစီာ် အီမှူးကဲၤ” စဒီၣ်လၢ်ဝၤဓဳၤ.
စီၤပ့းတရူးအတဲၤဒီထိး
14ပရးဆါ စီၤပ့းတရူး ဆီထဳးအီၣ်ပျဳာ်ဝှါ အပျဲၢ်အဘီၣ်အလဝ့ၤရှံးတပွဲၤ, စထဳထာ်ကဲၤစလ့ၢ် ကၱာ်ယၱၢ်ဘဲာ်ထၱးကဲၤပၠၤတစီာ်ကယဳၤ, “အဳယူဒၤဖဳးကၱာ်ပၠၤအအီၣ်ဒဳယရူၤၡလ့ၣ်အူးကိအပွဲၤ, သံကသၱာ်ဟဲဒီပီၢ် ဧဲၤကၱာ်ဆီးခ့န့းပီၢ်ယဲၤတကၱာ်. 15ပၠၤအယဳၤတစီာ်တအီမှူးအစာ် ဘိသံကမဳၤစဲာ် အခီနဳၤနီး. မၤနဲၢ်, ခဳနူၤယဳၤမၱာ်လူၤမူၤဂီၤလွံၢ်သိး တနၤ ရၱၣ်ကလီ. 16ပရၤဆါအယဳၤမၱာ် အစာ်ဘိ ဝံယိၤအ့လးဒီၣ်တီၤ လီၤနဳၤလီၤ.
17ဘၱာ်စဲာ်ဒီၣ်, ‘ဒဳမူၤနံၤအကဓူၤလါတနံၤနဳၤ, ယကလှီးလၤ ကီယသးစါထံဒဳ ပၠၤလဳစါစဲးအခဳး
ကၱာ်သံဖဳးမူၣ်ဖဳးခဳတစီာ် ကဒီဆးတီၤလီၤကီတဲၤ,
ကၱာ်သံဖဳးအဘီာ်လီးတစီာ် ကစာ်ထၱးကီတဲၤစာ်ထၱး
ကၱာ်အသဳးပွ့ၤသးပွ့ၤတစီာ်ကဆီးမံဘးကီတဲၤ.
18အဘဲာ်ဟဳ. ဒဳၣ်ချဳလံအနဳၤ, ယကလှီးလၤကီ ယသးစါ ထံဒဳ ယဇိၤဖဳးအမံၤမှူးမှူး, အမံၤခဳခဳတစီာ်အခဳးနဳၤ.
ကၱာ်စဲာ်တစီာ် ကဒီၣ်တီၤလီၤကီတဲၤ.
19ယကဒဲလၱၢ်ထာ်တဲၤအစီၤကျၱးစီရှဲ ဒဳမီၢ်ခဳးနဳၤ,
ကၱာ်တဲၤအဟိအကလဲၤဒဳ လၢ်ခဳးနဳၤ,
တဲၤသွံၣ်ကၱာ်မှၱး, ထံခူးကၱာ်မှၱးခူးအကျဲနဳၤ.
20လူၤမူၤကခံးလၤ
ကၱာ်လှဲကပ့ထာ်ကၱာ်ကီတဲၤသွံၣ်,
တချူးကၱာ်ဘၱာ်စဲာ်အတီၤအသ့း အမူၤနံၤဓဳၤတဓဳၤလ့ၤနှၱနီးနူၤ.
21မဲၤဝှါဒဳၣ်, ကယါပၠၤအယဳၤ ထာ်ကဘၱာ်စဲာ်အမံၤတစီာ် ကလှိထာ်ကီ,’ အဒီၣ်ဓဳၤနဳၤ.
22“အဳယခီအံၣ်စရ့လးဖဳးတစီာ်, ဆီးခ့န့း ပီၢ်တဲၤယၱၢ်ဘဲာ်အယဳၤတစီာ်ယဳၤ. တဲၤဒဲလၱၢ်ထာ်နံၤ သအူသအဲးသံ ဒဳပၠၤနစၤရ့းဖဳးယ့ၣ်ရှူး ဘဲာ်အံာ်လၤ တဲၤစိသလဲအကဒဲလၱၢ်ထာ် ကဘၱာ်စဲာ်မဲၤကဲၤတဲၤစီး ကျၱး စီး ရှဲ, တဲၤပီၤတဲၤပၤလဳစါစဲာ်တစီာ်နဳၤ. သံသဲန့ၤ သၱာ်ဟဲကဲၤ, မၤနဲၢ်အဖၱ ထာ် ကဲၤဒဳ သံခဳးသံကျဲအစဲနဳၤ. 23အစာ်ဘိကဘၱာ်စဲာ်ကဳထာ် ကၠးလၤ တီၤလီၤ ကၱာ်သၱာ်ဟဲနှဲးအအဲအပူၤ, စဘဲာ်အံာ်လၤဖျီမံကဲၤဒဳ ပၠၤ အကၱ ကဲာ်တစီာ်အစူးခီးပူၤနဳၤ, ကၱာ်ထးလၤကျဳၤ ကဲၤစဲာ်ဒဳသဳာ်ပျီၤထူၣ်စူ ညါအလီၤ. 24ပရၤဆါကဘၱာ်စဲာ် ဘးဝဲၢ်ထဳးက့ၤကဲၤစဲာ်, ကဘၱာ်စဲာ်ဘါပျဲးကသီး ကဲၤ လရာ်အတဲၤအဳးသဳးအဳးသး, မၤနဲၢ် စတဘဲာ်စဳ ကျဳၤမှ့း လရာ်အစူးခီး ပူၤနီးအခဳးအစဲနဳၤ. 25အဘဲာ်ကၠး စဲာ်နဳၤ, စီၤဒၤဝံးအတဲၤဒီၣ်တီၤ လီၤအီၣ်ကဲၤကယဳၤ,
‘ယစာ်ထၱး ယဘၱာ်စဲာ်အီၣ်သဲာ်ယိယလှီမီၢ်,
စအီၣ်ဒဳယစူးတထွဲးတခီ စာ်ဘိထဲၢ် ယတကျ့ၤကျၢ်ပီၢ်နီးနဳၤ.
26မဲၤကနဳၤဒဳၣ်, ယသးတမဲ သးလဳၢ်သးလၤအံာ်ကဲၤ
ကၱာ်ယပျၱၤသးကနၢ်အံာ်ကဲၤ,
ယဲၤယဳၤ, ယမၱာ်နီၣ်သီ ဖ့းဟၱးနှီနူၤ,
ယကဆီးဒဲဘဲာ်ဒဳတဲၤဆးရှံအံာ်အပူၤ.
27မၤနဲၢ်, နတလဲၢ်အီၣ်တၤယသး ဒဳလရာ်အပူၤနီးအစဲနဳၤ.
နကတအံာ်ကီနပၠၤအစါထံတပွဲၤ ကသဳကအိဘဲာ်နီး.
28နမဲၤသၱာ်ဟဲထဳယဲၤတဲၤအီၣ်အကျဲး သအီ,
နကမဲၤပ့ထာ်ကီယဲၤကၱာ်တဲၤသးကနၢ်အံာ် ဒဳနအီၣ်ကိာ်ယကါအစဲနဳၤ,’ အဒီၣ်ကဲၤဓဳၤ.
29“သဲပူၤသဲဝ့ၤတစီာ်, အံာ်ပီၢ် ယဒီဆး လှၱထာ်ဖျီထာ်သံ ထဲၢ်ဝၤပာ်စီၤဒၤဝံးနဳၤ, စသံဝှါ ပၠၤဘူ လါကဲၤစဲာ်နဳၤ, စလူၢ်ခဳးအီၣ်ဝ့ၤတပွဲးထိဓဳၤလၤခိတနံၤ ယဳၤနဳၤ. 30စမၱာ်ဝံတပွဲၤအခဳးအစဲ, ကဘၱာ်စဲာ် မဲၤသၱာ်ဟဲကဲၤစဲာ်ထဲၢ်ဒဳစတဲၤဝှိးဒါအပူၤ, ကဘၱာ်စဲာ် အၣ်မါခးအံာ် စဲာ်ဒဳစဖဳးစလံၤအကျဲ, အကဆးနါ လၤအီၣ်ဘဲာ်ကီစနၤအခဳးတပွဲၤအစာ်ဘိစဲာ် နဳၤ. 31စီၤဒၤဝံးစာ်ထၱးဒီၣ်တီၤလီၤကဲၤကဘၱာ်စဲာ်အတဲၤ မဲၤအခဳး အစဲ, စဒီဆးကဲၤယ့ၣ်ရှူးခရၱာ် အတဲၤထာ်ပဳၤ က့ၤတဲၤသံကျဲအဝၱၤအကဲ ကၱာ်စဒီၣ်,
‘စဲာ်တဘဲာ်ပၢ်ဖျီးမံဒဳလရာ်အပူၤနီး.
စန့ၤဘၱစဲာ်တသဳတအိဘဲာ်နီး,’ နဳၤ.
32ယ့ၣ်ရှူးအယဳၤတပွဲၤနဳၤ ကဘၱာ်စဲာ် ဘးဝဲၢ်ထဳးကဲၤစဲာ် ကၱာ် ဝၤမၱာ်လဳအခးသဲသၱးတစီာ်နဳၤ. 33စဘဲာ်ပဲၢ်ထာ်ယၱၤကဲၤဒဳ စပာ်ကဘၱာ်စဲာ် အစူးတထွဲးတခီကၱာ်ဒီ စနံၤဘဲာ်ကဘၱာ်စဲာ်အတဲၤ အၣ်မါခးအံာ် အကနံၤဘဲာ်သးစါထံအခဳးအစဲ, စလှီးလၤကဲၤသးစါထံထဲၢ်သံစာ်ထၱးကၱာ် သၱာ်ဟဲထဳ နဳၤ. 34မၤနဲၢ်, စီၤဒၤဝံးတက့ၤထာ်ဒဳမီၢ်ခဳးနီး, မၱာ်စဒီၣ် လၤကဲၤစန့ၤကယဳၤ,
‘ဘၱာ်စဲာ်ဒီၣ်ကဲၤယဘၱာ်စဲာ်,
ဆးနါလၤအီၣ်ပီၢ်ဒဳ ယစူတထွဲးတခီ,
35ထိဓဳၤယဘဲလါနဒ့ဒီၣ်ရီၢ်ခဲးတစီာ် ဒဳနခၣ်တဆူနဳၤ.’
36“မဲၤကနဳၤဒဳၣ်, အံၣ်စရ့လးဖဳးသဒဲသရာ် ကသၱာ်ဟဲလၤ တံၤလၤဆ့းဒီဧဲၤထဲၢ် ကဘၱာ်စဲာ်မဲၤဖၱထာ် ထဳသံထးလၤကျဳၤသံကဲၤ ယ့ၣ်ရှူးထဲၢ်မ့ၤရှံအၤတပွဲၤနဳၤ.”
37ပၠၤတစီာ်သၱာ်ဟဲဘဲာ်တဲၤအယဳၤဒဳၣ်, မဲၤ အစာ်ဘိတဲၤဒူးဖျီ ကဲၤစသးနဳၤဒဳၣ်, စဒီၣ်ကဲၤစီၤပ့းတရူး ကၱာ်အပျဲၢ်အဘီၣ်တစီာ်, “သဲပူၤ ဝ့ၤတစီာ်, ဝၤကမဲၤ ဘဲာ်တၤနဲၢ်,” စဒဲကဲၤလၢ်ဝၤဓဳၤ.
38မၱာ်စီၤပ့းတရူးဒီၣ်စဲာ်တစီာ်, “ပၤယၤ လၤက့ၤသံန့ၤကၱာ် ခးပီၢ်တဲၤဖဳးစူထံကိအပွဲၤ ဒဳ ယ့ၣ်ရှူးခရၱာ်အမံၤအပူၤနဳၤ စာ်ဘိထဲၢ် သံ ကနံၤဘဲာ်ပီၢ် သံတဲၤခီၣ်ဝဲၤအတဲၤဘါပျဲး ကၱာ်သံကဖၱးနံၤကီ သးစါထံ. 39မၤနဲၢ်သံနံၤဘဲာ်ထဳတဲၤအၣ်မါခးအံာ်သံနံၤခံကၱာ်သံဖဳးသံ လံၤထဲၢ်အအီၣ်ယၱၤအီၣ်ဇဳၤတစီာ်ကဘဲာ်ယဳၤလ့ၤကီဒဳ ကဘၱာ်စဲာ်သဲန့ၤအီၣ်နဳၤ,” စဒီၣ်လၢ်ဝၤတစီဓဳၤ.
40စီၤပ့းတရူးခးသဲသၱးဒဳတဲၤယၱၢ်ဘဲာ် အလဝ့ၤ ပွ့တမံၤအပူၤ, ကၱာ်စအံာ်ခဳးအံာ်အါလၢ်ဝၤ, စဒီၣ်, “မဲၤလှိထာ်ပီၢ်သံန့ၤဒဳပၠၤအဆဲး ဖြီးကျဲး ခဳနူၤယဳၤတဇိၤအအီၣ်နဳၤ” စဒီၣ်လၢ်ဝၤဓဳၤ. 41ပၠၤအဖၱးနံၤ စတဲၤယၱၢ်ဘဲာ်တစီာ်ခးကဲၤတဲၤဖဳးစူထံဒဳၣ်, ဘ့နဳၤတနံၤလီၤ, အဘဲာ်လဲၢ် ပျဳာ်စဲာ်အီၣ်ကဲၤသဳထီး. 42အလ့ၤကါ ပၠၤတစီာ်အီၣ်မှ့းအီၣ်ကျဳၤ ကဲၤဒဳ အပျဲၢ်အဘီၣ်တစီာ်အတဲၤသိၣ် တဲၤသီ အပူၤ, ကၱာ်အီၣ်ပျဳာ်ဆီ ယံၢ်, ဘၱာ်ဖးတကဳာ်ကၱာ်သဘူၣ်ထာ် သဘဲထာ်ယံၢ်ပျဳၤကဲၤလၢ်ဝၤ.
အဘူၣ်တဲၤတစီာ်အတဲၤအီၣ်သမိ
43ပၠၤတစီာ်ရှံးဆါယးဘဲာ်ဇၱၢ် အပျဲၢ် အဘီၣ်တစီာ်, အီၣ်အဲ ပွဲၤထဲးတမိၢ်တမှါ ဒဳအပျဲၢ်အဘီၣ်တစီာ်မဲၤတဲၤစီးကျၱးစီးရှဲကၱာ် တဲၤပီၤ တဲၤပၤဒဳ ယရူၤၡလ့ၣ်အူးပူၤအခဳးအစဲလီၤ. 44အဘူၣ် တဲၤလဳစါ စဲးအီၣ်ပျဳာ်ဆီယံၢ်လၢ်ဝၤကၱာ်မဲၤပျဳာ်အၣ်ပျဳာ် ကဲၤ. 45စဲာ်တစီာ်ဆဲ ကဲဝှါအတၱၢ်အတဲၤ စလဲၢ် လၤနံၤတပွဲးအအဲတအီၣ်နီးတစီာ်နဳၤ. 46ပၠၤ တစီာ်လၤဓ့ၢ်ပျဳာ်လၢ်ဝၤဒဳ တဲၤလှူၣ်ရှံၣ်အပူၤကိအနံၤ ဒဳတဲၤဘၱာ်ဖး တကဳာ်အပူၤနဳၤ. စအၣ်ပျဳာ်အီပျဳာ်မီၤမီၤ မၤမၤ အီၣ်ကၱာ်တဲၤဆးလၤ သး ဒဳလၢ်ဝၤ တစီာ် အရှံၣ်ပူၤနဳၤ. 47စဲာ်တစီာ်ထါထာ်အံာ် ကဘၱာ်စဲာ် အလှူၣ်အတါ ဒဳစတဲၤဘဲာ်လီၢ်မှီး ဘဲာ် အခဳး အစဲကၱာ် နံၤဘဲာ်တပွဲး ပၠၤ အတဲၤဘဲာ်မ့ၢ်ဘဲာ်နှဲး, ဘဲာ်သဳာ်ဘဲာ်သး. ကိလူၤမူၤအနံၤနဳၤ, ကဘၱာ်စဲာ်မဲၤ အီၣ်အဲး ထာ်ကဲၤပၠၤဒဳအကနံၤ ဘဲာ်တဲၤလှိထာ်က့ၤ တစီာ်နဳၤ.
ទើបបានជ្រើសរើសហើយ៖
သဓဳဖဳး 2: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
သဓဳဖဳး 2
2
သးစါထံအတဲၤလ့ၤလၤ
1ဘ့ဘူၣ်ယဲၢ်ရှံအမူၤနံၤဘိးထၱးကဲၤနဳၤ, စဲာ်တစီာ်လၤဓ့ၢ်ပျဳာ် လၢ်ဝၤဒဳတဲၤအလ့ၤတချဳး. 2ကလိၢ်ကလ့ၤတဲၤအလ့ၢ်သဲာ် ထာ် ကဲၤဒဳမီၢ်ခဳးလဲၢ်တဓဲ. မဲၤအစာ်ဘိကလံၤ မဳၤဘံကၱာ်အပ့ထာ်ကဲၤ ရှံၣ်ပူၤ ဘ့ စဆးနါလါအီၣ်အလ့ၤနဳၤ. 3ကၱာ်ဒီဒဳစမူၢ်ကါ ပူၤနဳၤ မဲၤကဲၤ အစာ်ဘိမှၱးအပျၱၤနဳၤ, အဆီလါဒဳစဲာ်တပွဲၤတပွဲၤလၤဓူၢ်အခဳးနဳၤ. 4စအီၣ်ပ့ထာ်ကၱာ် သးစါထံကၱာ်ယၱၢ်ဘဲာ်ကဲၤတဲၤလ့ၢ်တဲၤဝှဲး အမဳမဳၤအစာ် ဘိကဘၱာ်စဲာ်အသးအံာ်စဲာ်တစီာ် အကယံၢ်ဘဲာ်အဓ့ နဳၤ.
5လှ့နဳၤယူဒၤဖဳးအအီၣ်ဒဳထံက့ၤအလဝ့ၤ တစီာ် ထဲၢ်အအီၣ် အံာ်တဲၤသဘူၣ်သဘဲတစီာ်နဳၤ, က့ၤအီၣ်ကဲၤဒဳ ယရူၤၡလ့ၣ်အူးပူၤနဳၤ. 6ဘ့ပၠၤ အပဳၤအဟီးသၱာ်ဟဲဘဲာ် တဲၤအလ့ၢ်အယဳၤဒဳၣ်, စဲာ်တစီာ်လ့ၤလၤဓ့ၢ်ပျဳာ်ကဲၤဘ့နဳၤ. ကၱာ်စဲာ်တစီာ်ထဲးနံၤဝံၤ နံၤဝၤလဳၢ်ကဲၤ, မၤ နဲၢ်, ပၠၤတစီာ်သၱာ်ဟဲဘဲာ် စဲာ်တစီာ် ယၱၢ်ဘဲာ်ထာ် စထံစက့ၤတက့ၤ, တက့ၤလၤဓူၢ် အတဲၤယၱၢ်ဘဲာ်အခဳးအစဲနဳၤ. 7ပၠၤတစီာ် ထဲးတမိၢ် တမှါကၱာ်ဒီၣ်ကဲၤ, “စာ်ပီၢ်ပၠၤအယၱၢ်ဘဲာ် တစီာ်ယဳၤ, စမၱာ်လဳကဲၤလံၤ လဲ ဖဳးလီၤတဘဲာ်နီးဧါ. 8မၱာ်ခဳနူၤယဳၤ, ဝၤတပွဲၤ, တပွဲၤလၤဓူၢ် သၱာ် ဟဲဘဲာ် မၤ ဝၤအီၣ်လၤထံက့ၤတစီာ်အတဲၤယၱၢ်ဘဲာ်စာ်တဲၢ်. 9ပၢ် သ့ၤဖဳး, မၤဒဲဖဳး. ဧ့ၤလၣ်ဖဳး ကၱာ် မ့းစပတၤမံဖဳး, ယူဒၤဖဳး, ကပၤဒကံဖဳး, ပီၣ်တူးဖဳး, အၤစံဖဳး, 10ဖြူၤကံဖဳး, ပၣ်ဖူၤလံဖဳး, အဲးကူပတူးဖဳး, လံၤဘူဖဳးထဲၢ် အအီဘိးထၱး ကူၤဒ့ၤန့ဖဳးနဳၤ. ကၱာ်ဝအအီၣ်ဒဳရိမ့ၤအူးဝၤ လ့ၤ 11ကၱာ်ဝၤမၱာ်ယူဒၤက့ၤဖဳး ကၱာ်ဝၤအဘူၣ်တဲၤအအီၣ်အံာ်ယူ ဒၤဖဳးအတဲၤသဘဲအပူၤနဳၤ. ဝၤတစီာ်မၱာ်ကဲၤကြ့တ့ၤဖဳး ကၱာ်ဧ့ရ့းဖဳး, နီၣ် သီနှီနူၤ, ဝၤလဳစါစဲး ဝၤသၱာ်ဟဲဘဲာ်စဲာ်တစီာ်အတဲၤဒီထိးလၤ အဘဲာ် ကၠး ကဘၱာ်စဲာ်အတဲၤမဲၤစီးကျၱးတစီာ်ဒဳဝၤလ့ၢ် ဝၤဝှဲးလီၤဟဳ.” 12ပၠၤ လဳစါစဲးထဲးတမိၢ်တမှါ, ထဲးနံၤဝံၤနံၤဝၤကၱာ်စဒီၣ်, “အယဳၤမၱာ်တၤနဲၢ်.”
13ပရၤဆါအလဝ့ၤတစီာ်ဆီလူဆီယဲၢ်ကၱာ်စဒီၣ်, “စဲာ်တစီာ် အီမှူးကဲၤ” စဒီၣ်လၢ်ဝၤဓဳၤ.
စီၤပ့းတရူးအတဲၤဒီထိး
14ပရးဆါ စီၤပ့းတရူး ဆီထဳးအီၣ်ပျဳာ်ဝှါ အပျဲၢ်အဘီၣ်အလဝ့ၤရှံးတပွဲၤ, စထဳထာ်ကဲၤစလ့ၢ် ကၱာ်ယၱၢ်ဘဲာ်ထၱးကဲၤပၠၤတစီာ်ကယဳၤ, “အဳယူဒၤဖဳးကၱာ်ပၠၤအအီၣ်ဒဳယရူၤၡလ့ၣ်အူးကိအပွဲၤ, သံကသၱာ်ဟဲဒီပီၢ် ဧဲၤကၱာ်ဆီးခ့န့းပီၢ်ယဲၤတကၱာ်. 15ပၠၤအယဳၤတစီာ်တအီမှူးအစာ် ဘိသံကမဳၤစဲာ် အခီနဳၤနီး. မၤနဲၢ်, ခဳနူၤယဳၤမၱာ်လူၤမူၤဂီၤလွံၢ်သိး တနၤ ရၱၣ်ကလီ. 16ပရၤဆါအယဳၤမၱာ် အစာ်ဘိ ဝံယိၤအ့လးဒီၣ်တီၤ လီၤနဳၤလီၤ.
17ဘၱာ်စဲာ်ဒီၣ်, ‘ဒဳမူၤနံၤအကဓူၤလါတနံၤနဳၤ, ယကလှီးလၤ ကီယသးစါထံဒဳ ပၠၤလဳစါစဲးအခဳး
ကၱာ်သံဖဳးမူၣ်ဖဳးခဳတစီာ် ကဒီဆးတီၤလီၤကီတဲၤ,
ကၱာ်သံဖဳးအဘီာ်လီးတစီာ် ကစာ်ထၱးကီတဲၤစာ်ထၱး
ကၱာ်အသဳးပွ့ၤသးပွ့ၤတစီာ်ကဆီးမံဘးကီတဲၤ.
18အဘဲာ်ဟဳ. ဒဳၣ်ချဳလံအနဳၤ, ယကလှီးလၤကီ ယသးစါ ထံဒဳ ယဇိၤဖဳးအမံၤမှူးမှူး, အမံၤခဳခဳတစီာ်အခဳးနဳၤ.
ကၱာ်စဲာ်တစီာ် ကဒီၣ်တီၤလီၤကီတဲၤ.
19ယကဒဲလၱၢ်ထာ်တဲၤအစီၤကျၱးစီရှဲ ဒဳမီၢ်ခဳးနဳၤ,
ကၱာ်တဲၤအဟိအကလဲၤဒဳ လၢ်ခဳးနဳၤ,
တဲၤသွံၣ်ကၱာ်မှၱး, ထံခူးကၱာ်မှၱးခူးအကျဲနဳၤ.
20လူၤမူၤကခံးလၤ
ကၱာ်လှဲကပ့ထာ်ကၱာ်ကီတဲၤသွံၣ်,
တချူးကၱာ်ဘၱာ်စဲာ်အတီၤအသ့း အမူၤနံၤဓဳၤတဓဳၤလ့ၤနှၱနီးနူၤ.
21မဲၤဝှါဒဳၣ်, ကယါပၠၤအယဳၤ ထာ်ကဘၱာ်စဲာ်အမံၤတစီာ် ကလှိထာ်ကီ,’ အဒီၣ်ဓဳၤနဳၤ.
22“အဳယခီအံၣ်စရ့လးဖဳးတစီာ်, ဆီးခ့န့း ပီၢ်တဲၤယၱၢ်ဘဲာ်အယဳၤတစီာ်ယဳၤ. တဲၤဒဲလၱၢ်ထာ်နံၤ သအူသအဲးသံ ဒဳပၠၤနစၤရ့းဖဳးယ့ၣ်ရှူး ဘဲာ်အံာ်လၤ တဲၤစိသလဲအကဒဲလၱၢ်ထာ် ကဘၱာ်စဲာ်မဲၤကဲၤတဲၤစီး ကျၱး စီး ရှဲ, တဲၤပီၤတဲၤပၤလဳစါစဲာ်တစီာ်နဳၤ. သံသဲန့ၤ သၱာ်ဟဲကဲၤ, မၤနဲၢ်အဖၱ ထာ် ကဲၤဒဳ သံခဳးသံကျဲအစဲနဳၤ. 23အစာ်ဘိကဘၱာ်စဲာ်ကဳထာ် ကၠးလၤ တီၤလီၤ ကၱာ်သၱာ်ဟဲနှဲးအအဲအပူၤ, စဘဲာ်အံာ်လၤဖျီမံကဲၤဒဳ ပၠၤ အကၱ ကဲာ်တစီာ်အစူးခီးပူၤနဳၤ, ကၱာ်ထးလၤကျဳၤ ကဲၤစဲာ်ဒဳသဳာ်ပျီၤထူၣ်စူ ညါအလီၤ. 24ပရၤဆါကဘၱာ်စဲာ် ဘးဝဲၢ်ထဳးက့ၤကဲၤစဲာ်, ကဘၱာ်စဲာ်ဘါပျဲးကသီး ကဲၤ လရာ်အတဲၤအဳးသဳးအဳးသး, မၤနဲၢ် စတဘဲာ်စဳ ကျဳၤမှ့း လရာ်အစူးခီး ပူၤနီးအခဳးအစဲနဳၤ. 25အဘဲာ်ကၠး စဲာ်နဳၤ, စီၤဒၤဝံးအတဲၤဒီၣ်တီၤ လီၤအီၣ်ကဲၤကယဳၤ,
‘ယစာ်ထၱး ယဘၱာ်စဲာ်အီၣ်သဲာ်ယိယလှီမီၢ်,
စအီၣ်ဒဳယစူးတထွဲးတခီ စာ်ဘိထဲၢ် ယတကျ့ၤကျၢ်ပီၢ်နီးနဳၤ.
26မဲၤကနဳၤဒဳၣ်, ယသးတမဲ သးလဳၢ်သးလၤအံာ်ကဲၤ
ကၱာ်ယပျၱၤသးကနၢ်အံာ်ကဲၤ,
ယဲၤယဳၤ, ယမၱာ်နီၣ်သီ ဖ့းဟၱးနှီနူၤ,
ယကဆီးဒဲဘဲာ်ဒဳတဲၤဆးရှံအံာ်အပူၤ.
27မၤနဲၢ်, နတလဲၢ်အီၣ်တၤယသး ဒဳလရာ်အပူၤနီးအစဲနဳၤ.
နကတအံာ်ကီနပၠၤအစါထံတပွဲၤ ကသဳကအိဘဲာ်နီး.
28နမဲၤသၱာ်ဟဲထဳယဲၤတဲၤအီၣ်အကျဲး သအီ,
နကမဲၤပ့ထာ်ကီယဲၤကၱာ်တဲၤသးကနၢ်အံာ် ဒဳနအီၣ်ကိာ်ယကါအစဲနဳၤ,’ အဒီၣ်ကဲၤဓဳၤ.
29“သဲပူၤသဲဝ့ၤတစီာ်, အံာ်ပီၢ် ယဒီဆး လှၱထာ်ဖျီထာ်သံ ထဲၢ်ဝၤပာ်စီၤဒၤဝံးနဳၤ, စသံဝှါ ပၠၤဘူ လါကဲၤစဲာ်နဳၤ, စလူၢ်ခဳးအီၣ်ဝ့ၤတပွဲးထိဓဳၤလၤခိတနံၤ ယဳၤနဳၤ. 30စမၱာ်ဝံတပွဲၤအခဳးအစဲ, ကဘၱာ်စဲာ် မဲၤသၱာ်ဟဲကဲၤစဲာ်ထဲၢ်ဒဳစတဲၤဝှိးဒါအပူၤ, ကဘၱာ်စဲာ် အၣ်မါခးအံာ် စဲာ်ဒဳစဖဳးစလံၤအကျဲ, အကဆးနါ လၤအီၣ်ဘဲာ်ကီစနၤအခဳးတပွဲၤအစာ်ဘိစဲာ် နဳၤ. 31စီၤဒၤဝံးစာ်ထၱးဒီၣ်တီၤလီၤကဲၤကဘၱာ်စဲာ်အတဲၤ မဲၤအခဳး အစဲ, စဒီဆးကဲၤယ့ၣ်ရှူးခရၱာ် အတဲၤထာ်ပဳၤ က့ၤတဲၤသံကျဲအဝၱၤအကဲ ကၱာ်စဒီၣ်,
‘စဲာ်တဘဲာ်ပၢ်ဖျီးမံဒဳလရာ်အပူၤနီး.
စန့ၤဘၱစဲာ်တသဳတအိဘဲာ်နီး,’ နဳၤ.
32ယ့ၣ်ရှူးအယဳၤတပွဲၤနဳၤ ကဘၱာ်စဲာ် ဘးဝဲၢ်ထဳးကဲၤစဲာ် ကၱာ် ဝၤမၱာ်လဳအခးသဲသၱးတစီာ်နဳၤ. 33စဘဲာ်ပဲၢ်ထာ်ယၱၤကဲၤဒဳ စပာ်ကဘၱာ်စဲာ် အစူးတထွဲးတခီကၱာ်ဒီ စနံၤဘဲာ်ကဘၱာ်စဲာ်အတဲၤ အၣ်မါခးအံာ် အကနံၤဘဲာ်သးစါထံအခဳးအစဲ, စလှီးလၤကဲၤသးစါထံထဲၢ်သံစာ်ထၱးကၱာ် သၱာ်ဟဲထဳ နဳၤ. 34မၤနဲၢ်, စီၤဒၤဝံးတက့ၤထာ်ဒဳမီၢ်ခဳးနီး, မၱာ်စဒီၣ် လၤကဲၤစန့ၤကယဳၤ,
‘ဘၱာ်စဲာ်ဒီၣ်ကဲၤယဘၱာ်စဲာ်,
ဆးနါလၤအီၣ်ပီၢ်ဒဳ ယစူတထွဲးတခီ,
35ထိဓဳၤယဘဲလါနဒ့ဒီၣ်ရီၢ်ခဲးတစီာ် ဒဳနခၣ်တဆူနဳၤ.’
36“မဲၤကနဳၤဒဳၣ်, အံၣ်စရ့လးဖဳးသဒဲသရာ် ကသၱာ်ဟဲလၤ တံၤလၤဆ့းဒီဧဲၤထဲၢ် ကဘၱာ်စဲာ်မဲၤဖၱထာ် ထဳသံထးလၤကျဳၤသံကဲၤ ယ့ၣ်ရှူးထဲၢ်မ့ၤရှံအၤတပွဲၤနဳၤ.”
37ပၠၤတစီာ်သၱာ်ဟဲဘဲာ်တဲၤအယဳၤဒဳၣ်, မဲၤ အစာ်ဘိတဲၤဒူးဖျီ ကဲၤစသးနဳၤဒဳၣ်, စဒီၣ်ကဲၤစီၤပ့းတရူး ကၱာ်အပျဲၢ်အဘီၣ်တစီာ်, “သဲပူၤ ဝ့ၤတစီာ်, ဝၤကမဲၤ ဘဲာ်တၤနဲၢ်,” စဒဲကဲၤလၢ်ဝၤဓဳၤ.
38မၱာ်စီၤပ့းတရူးဒီၣ်စဲာ်တစီာ်, “ပၤယၤ လၤက့ၤသံန့ၤကၱာ် ခးပီၢ်တဲၤဖဳးစူထံကိအပွဲၤ ဒဳ ယ့ၣ်ရှူးခရၱာ်အမံၤအပူၤနဳၤ စာ်ဘိထဲၢ် သံ ကနံၤဘဲာ်ပီၢ် သံတဲၤခီၣ်ဝဲၤအတဲၤဘါပျဲး ကၱာ်သံကဖၱးနံၤကီ သးစါထံ. 39မၤနဲၢ်သံနံၤဘဲာ်ထဳတဲၤအၣ်မါခးအံာ်သံနံၤခံကၱာ်သံဖဳးသံ လံၤထဲၢ်အအီၣ်ယၱၤအီၣ်ဇဳၤတစီာ်ကဘဲာ်ယဳၤလ့ၤကီဒဳ ကဘၱာ်စဲာ်သဲန့ၤအီၣ်နဳၤ,” စဒီၣ်လၢ်ဝၤတစီဓဳၤ.
40စီၤပ့းတရူးခးသဲသၱးဒဳတဲၤယၱၢ်ဘဲာ် အလဝ့ၤ ပွ့တမံၤအပူၤ, ကၱာ်စအံာ်ခဳးအံာ်အါလၢ်ဝၤ, စဒီၣ်, “မဲၤလှိထာ်ပီၢ်သံန့ၤဒဳပၠၤအဆဲး ဖြီးကျဲး ခဳနူၤယဳၤတဇိၤအအီၣ်နဳၤ” စဒီၣ်လၢ်ဝၤဓဳၤ. 41ပၠၤအဖၱးနံၤ စတဲၤယၱၢ်ဘဲာ်တစီာ်ခးကဲၤတဲၤဖဳးစူထံဒဳၣ်, ဘ့နဳၤတနံၤလီၤ, အဘဲာ်လဲၢ် ပျဳာ်စဲာ်အီၣ်ကဲၤသဳထီး. 42အလ့ၤကါ ပၠၤတစီာ်အီၣ်မှ့းအီၣ်ကျဳၤ ကဲၤဒဳ အပျဲၢ်အဘီၣ်တစီာ်အတဲၤသိၣ် တဲၤသီ အပူၤ, ကၱာ်အီၣ်ပျဳာ်ဆီ ယံၢ်, ဘၱာ်ဖးတကဳာ်ကၱာ်သဘူၣ်ထာ် သဘဲထာ်ယံၢ်ပျဳၤကဲၤလၢ်ဝၤ.
အဘူၣ်တဲၤတစီာ်အတဲၤအီၣ်သမိ
43ပၠၤတစီာ်ရှံးဆါယးဘဲာ်ဇၱၢ် အပျဲၢ် အဘီၣ်တစီာ်, အီၣ်အဲ ပွဲၤထဲးတမိၢ်တမှါ ဒဳအပျဲၢ်အဘီၣ်တစီာ်မဲၤတဲၤစီးကျၱးစီးရှဲကၱာ် တဲၤပီၤ တဲၤပၤဒဳ ယရူၤၡလ့ၣ်အူးပူၤအခဳးအစဲလီၤ. 44အဘူၣ် တဲၤလဳစါ စဲးအီၣ်ပျဳာ်ဆီယံၢ်လၢ်ဝၤကၱာ်မဲၤပျဳာ်အၣ်ပျဳာ် ကဲၤ. 45စဲာ်တစီာ်ဆဲ ကဲဝှါအတၱၢ်အတဲၤ စလဲၢ် လၤနံၤတပွဲးအအဲတအီၣ်နီးတစီာ်နဳၤ. 46ပၠၤ တစီာ်လၤဓ့ၢ်ပျဳာ်လၢ်ဝၤဒဳ တဲၤလှူၣ်ရှံၣ်အပူၤကိအနံၤ ဒဳတဲၤဘၱာ်ဖး တကဳာ်အပူၤနဳၤ. စအၣ်ပျဳာ်အီပျဳာ်မီၤမီၤ မၤမၤ အီၣ်ကၱာ်တဲၤဆးလၤ သး ဒဳလၢ်ဝၤ တစီာ် အရှံၣ်ပူၤနဳၤ. 47စဲာ်တစီာ်ထါထာ်အံာ် ကဘၱာ်စဲာ် အလှူၣ်အတါ ဒဳစတဲၤဘဲာ်လီၢ်မှီး ဘဲာ် အခဳး အစဲကၱာ် နံၤဘဲာ်တပွဲး ပၠၤ အတဲၤဘဲာ်မ့ၢ်ဘဲာ်နှဲး, ဘဲာ်သဳာ်ဘဲာ်သး. ကိလူၤမူၤအနံၤနဳၤ, ကဘၱာ်စဲာ်မဲၤ အီၣ်အဲး ထာ်ကဲၤပၠၤဒဳအကနံၤ ဘဲာ်တဲၤလှိထာ်က့ၤ တစီာ်နဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.