သဓဳဖဳး 18
18
တဲၤဘဳာ်သးကရံၣ်သူးအတဲၤအီၣ်ပျဳာ်
1အလ့ၤကါစီၤပီလူးဟဲးထာ်ဝှါ အၤသ့ၣ်အူးဒဳၣ်, လ့ၤကဲၤဒဳ ကရံၣ်သူးအူးနဳၤ. 2ဒဳနဳၤစထဲးကျဲၢ်နံၤကဲၤယူဒၤဖဳးအမံၤမၱာ် စီၤအကူလၤ ထဲၢ်အရှံၣ်အဖါအီၣ်ဒဳပီၣ်တူးအူး တပွဲၤနဳၤ. စဲာ်ကၱာ်စမှဲနီၢ်ပြံစကံးလၤ ဟဲးထာ် အံၤတလံက့ၤကါကလီ, ဒဳဆးဖြးဓဳၤကျီၤဒံအတဲၤမှဲး လၤအခဳးအစဲ ယူဒၤဖဳးအအီၣ်ရိမ့ၤအူး တစီာ်ဘဲာ်မှီးဖျီးမံကဲၤနဳၤ. စီၤပီ လူးလ့ၤကယၢ် ထၱးစဲာ်တစီာ်, 3ကၱာ်ဘ့စစာ်ထၱးလၢ် ဝၤ ဆးရှံၣ် သဲးဒဳးဒဳၣ်, စတဲၤဖၱးတဲၤမၤလၤလၢ်ဝၤ အခဳးအစဲ, စဆီဓူၢ်ဆီးဒဲကိာ်ဝှါ လၢ်ဝၤအကါ ဒဳၣ်, စမဲၤပျဳာ်ကဲၤလၢ်ဝၤတဲၤမဲၤ. 4ကိမူၤ နံၤဆီးဒဲ အနံၤနဳၤ, စထာ်တီၤတီၢ်မၤယၤထၱးပၠၤဒဳ ဘူၣ်ဘျီၣ်ကၱာ် စွံးနံၢ်ကဲၤ ယူဒၤ ဖဳးတစီာ် ကၱာ် ကြံးခ်ဖဳးတစီၤ ဒဳတဲၤအီၣ်ပျဳာ်အပူၤနဳၤ.
5စီၤစံလၤကၱာ်စီၤတံၤမသ့း အီၣ်ဒဳ မၤက့ၤဒနံက့ၤကၱာ်ဓဳၤလ့ၤ ကဲၤဒဳၣ်, စီၤပီလူးအံာ် လၤပ့ဇီၤထာ်စဆဳစခဲဒဳ တဲၤဒီထိးလၤနံၤပၠၤကၱာ် ခး ကဲၤသဲသၱးဒဳ ယူဒၤဖဳးတစီာ်အလှီမီၢ် ထဲၢ် ယ့ၣ်ရှူးမၱာ်ခရၱာ်နဳၤ. 6ဘ့စဲာ်တစီာ်ထာ် ဒ့ ဒီၣ်ကၱာ်မဲၤဆဲသးစဲာ်အခၠၱးနဳၤ, စတဖြူးဘါဝှါ စရှံာ်ဒဳ ဒဳလၢ်ဝၤတစီာ်အလှီမီၢ်, စဒီၣ်လၢ်ဝၤ, “သံသွံၣ်ကလၤထ့းဒီဧဲၤသံကဳာ်ခဳး. ယသးပူၤ အလှၱအပျါထဳ. ခဳနူၤယဳၤယကလ့ၤထၱးဒီဧဲၤ ပွဲၤ သူကူာ်ဖဳးတစီာ်နဳၤတခီ,” စဒီၣ်လၢ်ဝၤတစီာ်ဓဳၤ. 7မဲၤဝှါစဟဲးထာ်ကဲၤဘူၣ် ဘျီၣ်အချဳကၱာ် လ့ၤကဲၤဒဳအဘူၣ်ကဘၱာ်စဲာ်အမံၤမၱာ် စီၤတံတူး ယူစတူး အရှံၣ်နဳၤ. စရှံၣ်အီၣ်ဘိးထၱးဘူၣ်ဘျီၣ် လီၤ. 8စီၤကြံစပူး, ထဲၢ် အမၱာ်ဘူၣ်ဘျီၣ် အခဳးအန့ၤတပွဲၤကၱာ်စဲာ်သဒဲကမူၤဖၱထာ်လဳၢ်ကဲၤ ပဘူၣ် ကဘၱာ်စဲာ်တစီာ်. ကရံၣ်သူးဖဳးအီးအဲး အီး အီးထဲၢ်အသၱာ်ဟဲဘဲာ်ကဲၤအတဲၤဒီထိးတစီာ် ဖၱ ထာ် ကဲၤအဘူၣ်တဲၤတစီာ်ကၱာ်ခးကဲၤတဲၤဖဳးစူ ထံ.
9တနဲၤနဳၤ, ဘၱာ်စဲာ်ယၱၢ်ဘဲာ်ထၱးကဲၤ စီၤပီလူးဒဳတဲၤစာ်ထၱးအပူၤ, စဒီၣ်လၢ်ဝၤ, “ရှံးဆါယၱၢ်ဘဲာ်ထာ်ပီၢ်မဲးကၱာ်အီၣ်ဇီၤလီၤပီၢ်မဲး. 10မၤနဲၢ်, ယအီၣ်ကိာ်နကါဒဳအူးအယဳၤတအူး အပူၤ, ပၠၤအအီၣ်ယအီၣ်တခီဘဲာ် အီၣ်အဲးအီး အီးဒဳးအစဲ, အကမဲၤက့မဲၤပြိၤနဲၤကတအီၣ် တဗွဲနီး,” စဒီၣ်လၢ်ဝၤဓဳၤ. 11စီၤပီလူးအီၣ် ဝှါဘ့နဳၤ, စဒီထိးလၤ နံၤကဲၤပၠၤ ကဘၱာ်စဲာ်အလ့ၢ် အဝှဲးရှံးအလှဲလွံၢ်သိးအဓၢ်ပူၤ.
12ဘ့စီၤကးလံၤအိၣ်ထဲၢ် အဃါယၤက့ၤအမၢ်ဓဳၤနဳၤ, စစာ် ထၱးဘဲာ်ယူဒၤဖဳးတစီာ် မဲၤနဳၤမဲၤပဲၤဝှါ စီၤပီလူးဒဳၣ်, လ့ၤအံာ်ကဲၤလၢ်ဝၤ ဒဳ တဲၤစံးရးအလ့ၤနဳၤ. 13“ဝၤမဲၤပၠၤအယဳၤတပွဲၤတဲၤမှူ ဒဳစွံးကဲပၠၤ အကသဘဲ ဘၱာ်စဲာ် ထာ်ဒ့ဒီၣ်ဝၤအဲအနူၤအဒီအပူၤအစဲနဳၤ,” စဒီၣ် စီၤ ကးလံၤအိၣ်ဓဳၤ.
14တချူကၱာ်စီၤပီလူးဘါထာ် အဧီၢ် ဗူနှၱနီးနဳၤ, စီၤကးလံၤ အိၣ် ဒီၣ်ကဲၤယူဒၤဖဳးတစီာ် ကယဳၤ, “ဆီးခ့န့းပီၢ်, သံယူဒၤဖဳးတစီာ်, တဲၤအယဳၤကမၱာ်မၤတဲၤကမဲာ် အကၱကဲာ်မဲၤလှီ, မၱတမၱာ်နီး တဲၤလှီတဲၤ ပျဲာ်တမဳၤမဳၤဒဳၣ်, တးကၱာ်ယကဆီးခ့န့းသံအဲ ဒဳတဲၤသးဇိၤအပူၤနဳၤ. 15ပရၤဆါဒဳၣ်, မၱာ်တပွဲးတဲၤယၱၢ်ဘဲာ် အမှိအသဲာ် ကၱာ်အမံၤအခဲ အဘဲာ်ကၠးသံအနူၤအဒီလီၤ. မဲၤကနဳၤဒဳၣ်, စာ်ကၱာ်မဲၤဓီဒီဧဲၤသံအဲ. ယတသး အဲးစံးရးဖၤမ့ၤတဲၤယဳၤတဇဲၢ်နီး” စဒီၣ်လၢ်ဝၤ တစီာ်ဓဳၤ. 16မဲၤ ဝှါစနှးဟဲးထာ်ကဲၤ လၢ် ဝၤတစီာ်ဒဳတဲၤစံးရးရှံၣ်ချဳနဳၤ. 17ကၱာ်ဒီ စဲာ်တစီာ်လှီဝဲၢ်ဘူၣ်ဘျီၣ်ခဳးအန့ၤမံၤမၱာ် စီၤစိၤစသ့းအလီၤ, စတ့ၤစပဳၤ ကဲၤလၢ်ဝၤဒဳအစံးရးတဲၤ တစီာ်အလှီမီၢ်နဳၤ. စီၤကးလံၤအိၣ်တစာ်ဝဲၢ်မူပျး စဲာ်တစီာ်နီး.
စီၤပီလူးက့ၤဘးဒဳအၣ်တံၤအီာ်အူး
18စီၤပီလူးအီၣ်ကိာ်ဝှါအပျဲၢ် အဘီၣ်တစီာ်အကါဘ့ကရံၣ် သူးအူးအနံၤအသဲ ပွ့တမံၤဒဳၣ်, စဟဲးပၢ်ကဲၤသဲပူၤဝ့ၤတစီာ်, ဒီၣ်လ့ၤ ကဲၤ သပီၤဒဳစူၤရံက့ၤ, ပျဳာ်ပျဳာ်ကၱာ် နီၢ်ပြံစကံလၤ ကၱာ်စီၤအကူလၤ. တချူ ကၱာ်စဟဲးထာ်က့ၣ်ဃရ့း အူးပူၤနှၱနီးနဳၤ, စဒၱးကဲာ်စခူးလူ အစာ်ဘိစတဲၤ အဳလါဖျးလၤအီၣ်ကဲၤအဓ့နဳၤ. 19ဘ့စဓဳၤ လ့ၤအ့းဖ့းစူးအူးနဳၤ, စီၤ ပီလူးဘဲလါတၤကဲၤ နီၢ်ပြံစကံလၤကၱာ်စီၤအကူလၤအူးပူၤ. စလ့ၤနံၢ် ကဲၤ ဒဳဘူၣ်ဘျီၣ်အပူၤကၱာ် တီၤတီၢ်မၤယၤကိာ် ကဲၤယူဒၤဖဳးတစီာ် အကါဘ့ နဳၤ. 20ပၠၤဟီ လၤကျဳၤအံာ်နီၣ်သီစဲာ်နှီနူၤ, စတအီၣ်ယၱၢ်ကိာ် ကဲၤ လၢ်ဝၤတစီာ်အကါနီး. 21မၱာ်စဒီၣ် ကဲၤလၢ်ဝၤ, “ကဘၱာ်စဲာ်အတဲၤသးအဲးနံၤ ကအီၣ်ဘ့ာ်မ့ဒဳၣ်, ယကက့ၤဘးထအးကီသံ တပျာ် ပ့ၤ,” စဒီၣ်လၢ်ဝၤတစီာ်ဓဳၤ. အလ့ၤကါစဒီၣ် သဲပီၤကၱာ်ဟဲးထာ်ကဲၤ အ့း ဖ့းစူးအူး.
22စခဲလၤဓ့ၢ်ဒဳကဲၤစါရံၤအူးနဳၤကၱာ် လ့ၤနှူဆဲးကဲၤတဲၤအီၣ်ပျဳာ် ဒဳယရူၤၡလ့ၣ်အူး, မဲၤ ဝှါစက့ၤလၤကဲၤဒဳ အၣ်တံၤအီာ်အူးနဳၤ. 23စအီၣ်ဆီဓူၢ်ဆီးဒဲဒဳနဳၤတဒဳးတဆး, ဝှါဒဳၣ် စလ့ၤ ကဲၤဒဳကလၤတံအက့ၤ ပူၤဖြူၤကံက့ၤနဳၤကၱာ်အံာ်ခဳး အံာ်အါကဲၤအလိၤကိာ်စလ့ၤတစီာ်နဳၤ.
စီၤအပီးလိၤဒဳအ့းဖ့းစူးကၱာ်ကရံၣ်သူးအူး
24အလ့းစၣ်ဒြ့းအူးဖဳးကၱာ်ယူဒၤဖဳး အမံၤမၱာ် စီၤအပီးလိၤတပွဲၤဓဳၤလ့ၤကဲၤဒဳ အ့းဖ့း စူးအူးနဳၤ. စမၱာ်ပၠၤအလီၤမီၤဇၤကၱာ် အသၱာ်စဲာ်စါ ထံတပွဲၤနဳၤ. 25စဘဲာ်သိၣ်အံာ်သီအံာ် နီၣ်သီ ကဘၱာ်စဲာ်အကျဲးသအီပူၤကၱာ် ဒီထိးဒီတလဲၤနီၣ်သီပၠၤဒဳတဲၤသဳးဆိးသးဆိအပူၤကၱာ် သဲာ် အံာ်ဟူလၤတံၤလၤဆ့းနီၣ်သီပၠၤယ့ၣ်ရှူးအဝၱၤအကဲ နှီနူၤ, စသၱာ်ဟဲယူစီၤ ယိၤဟၣ်အတဲၤဖဳးစူထံ ကလီ. 26ဘ့နီၢ်ပြံစကံလၤကၱာ် စီၤအကူ လၤသၱာ်ဟဲဘဲာ်စယၱၢ်ဘဲာ်ခူသကျးဒဳဘူၣ်ဘျီၣ်အပူၤ နဳၤဒဳၣ်, အဘဲာ်သး ကဲၤစဲာ်တစီာ်အစဲ, စသိၣ်အံာ် သီအံာ်ဒဳၣ်ချဳလၢ်ဝၤဘၱာ်စဲာ်အတဲၤတၱၢ်တဲၤ မှးအကျဲး သအီလီၤ. 27ဘ့စီၤအပီးလိၤကမဳၤ အကလ့ၤဝဲၢ်ဒဳ အဃါယၤအက့ၤနဳၤ, သဲပူၤဝ့ၤတစီာ်အံာ်ခဳးအံာ်အါစဲာ်ကၱာ် စဲာ်တစီာ်ဝှ့း နံၢ်အပျဲၢ် အဘီၣ်တစီာ် အကဖၱးနံၤဝၱၤဝၱၤမီၤမီၤပီၢ်စဲာ်နဳၤ. စဓဳၤလ့ၤဒဳနဳၤ တပျာ်, ဒဳကဘၱာ်စဲာ်အလှူၣ်အတါ အခဳးအစဲ, စမဲၤဇဳၤဇၤကဲၤဘူၣ် တဲၤ တစီာ် ပွ့တမံၤ. 28မၤနဲၢ်, စတဲၤသိၣ်အံာ်သီအံာ်မၱာ် စဖၱးနံၤဒဳစဲာ် စါထံအပူၤအစဲနဳၤ, စတရၤ ဘဲာ်ကဲၤ ယူဒၤဖဳးတစီာ်ထဲၢ်ယ့ၣ်ရှူး မၱာ်ခရၱာ် နဳၤ.
ទើបបានជ្រើសរើសហើយ៖
သဓဳဖဳး 18: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
သဓဳဖဳး 18
18
တဲၤဘဳာ်သးကရံၣ်သူးအတဲၤအီၣ်ပျဳာ်
1အလ့ၤကါစီၤပီလူးဟဲးထာ်ဝှါ အၤသ့ၣ်အူးဒဳၣ်, လ့ၤကဲၤဒဳ ကရံၣ်သူးအူးနဳၤ. 2ဒဳနဳၤစထဲးကျဲၢ်နံၤကဲၤယူဒၤဖဳးအမံၤမၱာ် စီၤအကူလၤ ထဲၢ်အရှံၣ်အဖါအီၣ်ဒဳပီၣ်တူးအူး တပွဲၤနဳၤ. စဲာ်ကၱာ်စမှဲနီၢ်ပြံစကံးလၤ ဟဲးထာ် အံၤတလံက့ၤကါကလီ, ဒဳဆးဖြးဓဳၤကျီၤဒံအတဲၤမှဲး လၤအခဳးအစဲ ယူဒၤဖဳးအအီၣ်ရိမ့ၤအူး တစီာ်ဘဲာ်မှီးဖျီးမံကဲၤနဳၤ. စီၤပီ လူးလ့ၤကယၢ် ထၱးစဲာ်တစီာ်, 3ကၱာ်ဘ့စစာ်ထၱးလၢ် ဝၤ ဆးရှံၣ် သဲးဒဳးဒဳၣ်, စတဲၤဖၱးတဲၤမၤလၤလၢ်ဝၤ အခဳးအစဲ, စဆီဓူၢ်ဆီးဒဲကိာ်ဝှါ လၢ်ဝၤအကါ ဒဳၣ်, စမဲၤပျဳာ်ကဲၤလၢ်ဝၤတဲၤမဲၤ. 4ကိမူၤ နံၤဆီးဒဲ အနံၤနဳၤ, စထာ်တီၤတီၢ်မၤယၤထၱးပၠၤဒဳ ဘူၣ်ဘျီၣ်ကၱာ် စွံးနံၢ်ကဲၤ ယူဒၤ ဖဳးတစီာ် ကၱာ် ကြံးခ်ဖဳးတစီၤ ဒဳတဲၤအီၣ်ပျဳာ်အပူၤနဳၤ.
5စီၤစံလၤကၱာ်စီၤတံၤမသ့း အီၣ်ဒဳ မၤက့ၤဒနံက့ၤကၱာ်ဓဳၤလ့ၤ ကဲၤဒဳၣ်, စီၤပီလူးအံာ် လၤပ့ဇီၤထာ်စဆဳစခဲဒဳ တဲၤဒီထိးလၤနံၤပၠၤကၱာ် ခး ကဲၤသဲသၱးဒဳ ယူဒၤဖဳးတစီာ်အလှီမီၢ် ထဲၢ် ယ့ၣ်ရှူးမၱာ်ခရၱာ်နဳၤ. 6ဘ့စဲာ်တစီာ်ထာ် ဒ့ ဒီၣ်ကၱာ်မဲၤဆဲသးစဲာ်အခၠၱးနဳၤ, စတဖြူးဘါဝှါ စရှံာ်ဒဳ ဒဳလၢ်ဝၤတစီာ်အလှီမီၢ်, စဒီၣ်လၢ်ဝၤ, “သံသွံၣ်ကလၤထ့းဒီဧဲၤသံကဳာ်ခဳး. ယသးပူၤ အလှၱအပျါထဳ. ခဳနူၤယဳၤယကလ့ၤထၱးဒီဧဲၤ ပွဲၤ သူကူာ်ဖဳးတစီာ်နဳၤတခီ,” စဒီၣ်လၢ်ဝၤတစီာ်ဓဳၤ. 7မဲၤဝှါစဟဲးထာ်ကဲၤဘူၣ် ဘျီၣ်အချဳကၱာ် လ့ၤကဲၤဒဳအဘူၣ်ကဘၱာ်စဲာ်အမံၤမၱာ် စီၤတံတူး ယူစတူး အရှံၣ်နဳၤ. စရှံၣ်အီၣ်ဘိးထၱးဘူၣ်ဘျီၣ် လီၤ. 8စီၤကြံစပူး, ထဲၢ် အမၱာ်ဘူၣ်ဘျီၣ် အခဳးအန့ၤတပွဲၤကၱာ်စဲာ်သဒဲကမူၤဖၱထာ်လဳၢ်ကဲၤ ပဘူၣ် ကဘၱာ်စဲာ်တစီာ်. ကရံၣ်သူးဖဳးအီးအဲး အီး အီးထဲၢ်အသၱာ်ဟဲဘဲာ်ကဲၤအတဲၤဒီထိးတစီာ် ဖၱ ထာ် ကဲၤအဘူၣ်တဲၤတစီာ်ကၱာ်ခးကဲၤတဲၤဖဳးစူ ထံ.
9တနဲၤနဳၤ, ဘၱာ်စဲာ်ယၱၢ်ဘဲာ်ထၱးကဲၤ စီၤပီလူးဒဳတဲၤစာ်ထၱးအပူၤ, စဒီၣ်လၢ်ဝၤ, “ရှံးဆါယၱၢ်ဘဲာ်ထာ်ပီၢ်မဲးကၱာ်အီၣ်ဇီၤလီၤပီၢ်မဲး. 10မၤနဲၢ်, ယအီၣ်ကိာ်နကါဒဳအူးအယဳၤတအူး အပူၤ, ပၠၤအအီၣ်ယအီၣ်တခီဘဲာ် အီၣ်အဲးအီး အီးဒဳးအစဲ, အကမဲၤက့မဲၤပြိၤနဲၤကတအီၣ် တဗွဲနီး,” စဒီၣ်လၢ်ဝၤဓဳၤ. 11စီၤပီလူးအီၣ် ဝှါဘ့နဳၤ, စဒီထိးလၤ နံၤကဲၤပၠၤ ကဘၱာ်စဲာ်အလ့ၢ် အဝှဲးရှံးအလှဲလွံၢ်သိးအဓၢ်ပူၤ.
12ဘ့စီၤကးလံၤအိၣ်ထဲၢ် အဃါယၤက့ၤအမၢ်ဓဳၤနဳၤ, စစာ် ထၱးဘဲာ်ယူဒၤဖဳးတစီာ် မဲၤနဳၤမဲၤပဲၤဝှါ စီၤပီလူးဒဳၣ်, လ့ၤအံာ်ကဲၤလၢ်ဝၤ ဒဳ တဲၤစံးရးအလ့ၤနဳၤ. 13“ဝၤမဲၤပၠၤအယဳၤတပွဲၤတဲၤမှူ ဒဳစွံးကဲပၠၤ အကသဘဲ ဘၱာ်စဲာ် ထာ်ဒ့ဒီၣ်ဝၤအဲအနူၤအဒီအပူၤအစဲနဳၤ,” စဒီၣ် စီၤ ကးလံၤအိၣ်ဓဳၤ.
14တချူကၱာ်စီၤပီလူးဘါထာ် အဧီၢ် ဗူနှၱနီးနဳၤ, စီၤကးလံၤ အိၣ် ဒီၣ်ကဲၤယူဒၤဖဳးတစီာ် ကယဳၤ, “ဆီးခ့န့းပီၢ်, သံယူဒၤဖဳးတစီာ်, တဲၤအယဳၤကမၱာ်မၤတဲၤကမဲာ် အကၱကဲာ်မဲၤလှီ, မၱတမၱာ်နီး တဲၤလှီတဲၤ ပျဲာ်တမဳၤမဳၤဒဳၣ်, တးကၱာ်ယကဆီးခ့န့းသံအဲ ဒဳတဲၤသးဇိၤအပူၤနဳၤ. 15ပရၤဆါဒဳၣ်, မၱာ်တပွဲးတဲၤယၱၢ်ဘဲာ် အမှိအသဲာ် ကၱာ်အမံၤအခဲ အဘဲာ်ကၠးသံအနူၤအဒီလီၤ. မဲၤကနဳၤဒဳၣ်, စာ်ကၱာ်မဲၤဓီဒီဧဲၤသံအဲ. ယတသး အဲးစံးရးဖၤမ့ၤတဲၤယဳၤတဇဲၢ်နီး” စဒီၣ်လၢ်ဝၤ တစီာ်ဓဳၤ. 16မဲၤ ဝှါစနှးဟဲးထာ်ကဲၤ လၢ် ဝၤတစီာ်ဒဳတဲၤစံးရးရှံၣ်ချဳနဳၤ. 17ကၱာ်ဒီ စဲာ်တစီာ်လှီဝဲၢ်ဘူၣ်ဘျီၣ်ခဳးအန့ၤမံၤမၱာ် စီၤစိၤစသ့းအလီၤ, စတ့ၤစပဳၤ ကဲၤလၢ်ဝၤဒဳအစံးရးတဲၤ တစီာ်အလှီမီၢ်နဳၤ. စီၤကးလံၤအိၣ်တစာ်ဝဲၢ်မူပျး စဲာ်တစီာ်နီး.
စီၤပီလူးက့ၤဘးဒဳအၣ်တံၤအီာ်အူး
18စီၤပီလူးအီၣ်ကိာ်ဝှါအပျဲၢ် အဘီၣ်တစီာ်အကါဘ့ကရံၣ် သူးအူးအနံၤအသဲ ပွ့တမံၤဒဳၣ်, စဟဲးပၢ်ကဲၤသဲပူၤဝ့ၤတစီာ်, ဒီၣ်လ့ၤ ကဲၤ သပီၤဒဳစူၤရံက့ၤ, ပျဳာ်ပျဳာ်ကၱာ် နီၢ်ပြံစကံလၤ ကၱာ်စီၤအကူလၤ. တချူ ကၱာ်စဟဲးထာ်က့ၣ်ဃရ့း အူးပူၤနှၱနီးနဳၤ, စဒၱးကဲာ်စခူးလူ အစာ်ဘိစတဲၤ အဳလါဖျးလၤအီၣ်ကဲၤအဓ့နဳၤ. 19ဘ့စဓဳၤ လ့ၤအ့းဖ့းစူးအူးနဳၤ, စီၤ ပီလူးဘဲလါတၤကဲၤ နီၢ်ပြံစကံလၤကၱာ်စီၤအကူလၤအူးပူၤ. စလ့ၤနံၢ် ကဲၤ ဒဳဘူၣ်ဘျီၣ်အပူၤကၱာ် တီၤတီၢ်မၤယၤကိာ် ကဲၤယူဒၤဖဳးတစီာ် အကါဘ့ နဳၤ. 20ပၠၤဟီ လၤကျဳၤအံာ်နီၣ်သီစဲာ်နှီနူၤ, စတအီၣ်ယၱၢ်ကိာ် ကဲၤ လၢ်ဝၤတစီာ်အကါနီး. 21မၱာ်စဒီၣ် ကဲၤလၢ်ဝၤ, “ကဘၱာ်စဲာ်အတဲၤသးအဲးနံၤ ကအီၣ်ဘ့ာ်မ့ဒဳၣ်, ယကက့ၤဘးထအးကီသံ တပျာ် ပ့ၤ,” စဒီၣ်လၢ်ဝၤတစီာ်ဓဳၤ. အလ့ၤကါစဒီၣ် သဲပီၤကၱာ်ဟဲးထာ်ကဲၤ အ့း ဖ့းစူးအူး.
22စခဲလၤဓ့ၢ်ဒဳကဲၤစါရံၤအူးနဳၤကၱာ် လ့ၤနှူဆဲးကဲၤတဲၤအီၣ်ပျဳာ် ဒဳယရူၤၡလ့ၣ်အူး, မဲၤ ဝှါစက့ၤလၤကဲၤဒဳ အၣ်တံၤအီာ်အူးနဳၤ. 23စအီၣ်ဆီဓူၢ်ဆီးဒဲဒဳနဳၤတဒဳးတဆး, ဝှါဒဳၣ် စလ့ၤ ကဲၤဒဳကလၤတံအက့ၤ ပူၤဖြူၤကံက့ၤနဳၤကၱာ်အံာ်ခဳး အံာ်အါကဲၤအလိၤကိာ်စလ့ၤတစီာ်နဳၤ.
စီၤအပီးလိၤဒဳအ့းဖ့းစူးကၱာ်ကရံၣ်သူးအူး
24အလ့းစၣ်ဒြ့းအူးဖဳးကၱာ်ယူဒၤဖဳး အမံၤမၱာ် စီၤအပီးလိၤတပွဲၤဓဳၤလ့ၤကဲၤဒဳ အ့းဖ့း စူးအူးနဳၤ. စမၱာ်ပၠၤအလီၤမီၤဇၤကၱာ် အသၱာ်စဲာ်စါ ထံတပွဲၤနဳၤ. 25စဘဲာ်သိၣ်အံာ်သီအံာ် နီၣ်သီ ကဘၱာ်စဲာ်အကျဲးသအီပူၤကၱာ် ဒီထိးဒီတလဲၤနီၣ်သီပၠၤဒဳတဲၤသဳးဆိးသးဆိအပူၤကၱာ် သဲာ် အံာ်ဟူလၤတံၤလၤဆ့းနီၣ်သီပၠၤယ့ၣ်ရှူးအဝၱၤအကဲ နှီနူၤ, စသၱာ်ဟဲယူစီၤ ယိၤဟၣ်အတဲၤဖဳးစူထံ ကလီ. 26ဘ့နီၢ်ပြံစကံလၤကၱာ် စီၤအကူ လၤသၱာ်ဟဲဘဲာ်စယၱၢ်ဘဲာ်ခူသကျးဒဳဘူၣ်ဘျီၣ်အပူၤ နဳၤဒဳၣ်, အဘဲာ်သး ကဲၤစဲာ်တစီာ်အစဲ, စသိၣ်အံာ် သီအံာ်ဒဳၣ်ချဳလၢ်ဝၤဘၱာ်စဲာ်အတဲၤတၱၢ်တဲၤ မှးအကျဲး သအီလီၤ. 27ဘ့စီၤအပီးလိၤကမဳၤ အကလ့ၤဝဲၢ်ဒဳ အဃါယၤအက့ၤနဳၤ, သဲပူၤဝ့ၤတစီာ်အံာ်ခဳးအံာ်အါစဲာ်ကၱာ် စဲာ်တစီာ်ဝှ့း နံၢ်အပျဲၢ် အဘီၣ်တစီာ် အကဖၱးနံၤဝၱၤဝၱၤမီၤမီၤပီၢ်စဲာ်နဳၤ. စဓဳၤလ့ၤဒဳနဳၤ တပျာ်, ဒဳကဘၱာ်စဲာ်အလှူၣ်အတါ အခဳးအစဲ, စမဲၤဇဳၤဇၤကဲၤဘူၣ် တဲၤ တစီာ် ပွ့တမံၤ. 28မၤနဲၢ်, စတဲၤသိၣ်အံာ်သီအံာ်မၱာ် စဖၱးနံၤဒဳစဲာ် စါထံအပူၤအစဲနဳၤ, စတရၤ ဘဲာ်ကဲၤ ယူဒၤဖဳးတစီာ်ထဲၢ်ယ့ၣ်ရှူး မၱာ်ခရၱာ် နဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.