သဓဳဖဳး 17
17
သ့းစၤလနံအူးပူၤ
1စလ့ၤကိာ်ဝှါအၤဖံပလံၤအူးကၱာ်အၤပလိၤနံ, ဒဳၣ်စဲာ်တစာ် ဓဳၤလ့ၤ ကဲၤဒဳ သ့းစၤလနံအူးနဳၤ, ထဲၢ်ဒဳနဳၤယူဒၤ ဖဳး အဘူၣ်ဘျီၣ်အီၣ် ကဲၤတအူးနဳၤ. 2စီၤပီလူးအစာ်ဘိစမဲၤနဲၤနီၤနူၤစလ့ၤ နံၢ် ကဲၤဒဳ ဘူၣ်ဘျီၣ်အပူၤကၱာ် သဳဆီးဒဲ အဓၢ်ပူၤ ဒီၣ်အူဒီဆးပၠၤ အဘဲာ်ကၠးစဲာ် စါ ထံအဝၱၤအကဲနဳၤ, 3စဒီၣ်လှၱထာ်ဖျီ ထာ် နံၤလၢ်ဝၤအထာ်ပဳၤထာ် ဘါကၱာ် ဒီၣ်လှၱထာ်ထဲၢ် ခရၱာ် ကခးဘဲာ် တဲၤဆဲးညဲပတီၤကၱာ် ကထာ်ပဳၤ က့ၤကီတဲၤသံအကျဲနဳၤ. ကၱာ်စဒီၣ်, “ယ့ၣ်ရှူးမၱာ်ခရၱာ်ထဲၢ်ယဒီဆးသံအဝၱၤအကဲတပွဲၤနဳၤ,” စဒီၣ်လၢ်ဝၤတစီာ်ဓဳၤ. 4ဒဳစဲာ်တစီာ်အကျဲ တစီာ်စီာ်မၱာ် အတီၤနံၤဖၱးနံၤဝှါ အမဲၤကိာ်ကဲၤစစီၤပီလူးကၱာ်စီၤစံလၤအကါ, ကၱာ်ဒီကြံးခ်ဖဳးအရှံးဆါနံၤကဘၱာ်စဲာ်အလ့ၤတစီာ် ကၱာ်အမံၤမှူးအနံၤအီ ယီၤအၣ်အီၣ်အဲးအီးအီးဒဳး.
5ယူဒၤဖဳးတစီာ်အီၣ်ပ့ထာ်ကၱာ် တဲၤသဲးထဲး, လ့ၤယဳၤကဲၤပၠၤ ဒဳအအီၣ် တဲၤပွၱၤ တဲၤဆဲအလ့ၤတစီာ်, သကါထာ်ကဲၤပၠၤအပဳၤ အဟီးတစီာ်ကၱာ် တဒဳးဖဳးလီၤ ပၠၤပဳၤကလၢ် ကဲၤသဒဲအူးဒဳး. ပၠၤတစီာ်လၤကဲၤဒဳ စီၤယါစီၣ် အရှံၣ်နဳၤ, စကမဳၤမၱာ် စကဲာ်ထအးလၢ်ဝၤဒဳ နဳၤဒဳၣ် စကစွံး ကထဳးလၢ်ဝၤဒဳ ပၠၤလၤဓ့ၢ်ပျဳာ် အလှီမီၢ်နဳၤ. 6မၱာ်စကဲာ်ထၱးကဲၤ စီၤယါစီၣ်ကၱာ်သဲပူၤသဲဝ့ၤတစီာ်လီၤဒဳၣ်, စစွံး လ့ၤဝှါလၢ်ဝၤဒဳအူးအခဳးအန့ၤအလှီမီၢ်ဒဳၣ်, စဒီၣ်, “ပၠၤထဲၢ်အဘးတကဳၢ်လၤတကဲထာ် လၢ်ခဳးတစီာ် လ့ၤထဳအူးအပူၤဘ့ယဳၤ. 7စအီၣ်ကဲၤဒဳစီၤယါစီၣ်အရှံၣ်ပူၤနဳၤ. စဲာ် တစီာ် ထာ်ဒ့ဒီၣ်ကဲၤဆးဖြးဓဳၤအတဲၤမှဲးလၤကိအမှိထဲၢ် စဒီၣ် ဆးဖြးအလဝ့ၤအီၣ်ဝ့ၤတပွဲၤပ့ၤ, ထဲၢ်ယ့ၣ်ရှူးနဳၤ,” စဒီၣ်ဓဳၤ. 8တဲၤဆး ယီၤ အယဳၤနဳၤ မဲရှံးဆါသးပဳၤကဲၤအူးပူၤဖဳး တစီာ် ကၱာ်အူးအခဳးအန့ၤတစီာ် နဳၤ. 9စနှးကဲၤပၠၤကအံာ်လၤဝှိတဲၤအၣ်မါခးအံာ်စီၤယါစီၣ် ကၱာ်အလဝ့ၤတစီာ်အနံၤခံ, ဝှါခၣ်လဲာ် စဘးလှိကီလၢ်ဝၤ.
တဲၤပၤတဲၤဆဲအသဲဒဳဘ့းရံၤအူးနဳၤ
10ဘ့တဲၤခံးလၤနဳၤ သဲပူၤသဲဝ့ၤ တစီာ်သဲလ့ၤကဲၤစီၤပီလူး ကၱာ်စီၤစံလၤဒဳဘ့းရံၤအူး နဳၤတပျာ်ခါလီၤ. စဓဳၤလ့ၤကၱာ်ပၠၤတစီာ်လ့ၤ ထၱး ကဲၤစဲာ်ဒဳယူဒၤဖဳးတစီာ်အဘူၣ်ဘျီၣ်ပူၤနဳၤ. 11ဘ့းရံၤအူးဖဳးတစီာ် အတဲၤကမဳၤ ယီၢ်ဒဳၣ်လံကၱာ် အအီၣ်ဒဳသ့းစၤလနံအူး ပူၤတစီာ်နဳၤ. စဲာ်တစီာ်ဖၱးနံၤရှဳကးကၱးတပွဲး ကဘၱာ်စဲာ်အလ့ၢ်အဝှဲး, ကိအနံၤလီၤစဲာ်တစီာ် ဖး စဲာ်စါထံကၱာ်ဒိးသီတြီၤတပွဲးလၢ်ဝၤမၱာ် အဘဲာ်ဧါ, နီးဧါ, နဳၤ. 12မဲၤဝှါဒဳၣ်, ယူဒၤ ဖဳးအဘူၣ်တဲၤအီၣ်အဲးထာ်ကဲၤ. ကြံးခ်ဖဳး အဓဳၤအပွ့ၤ အမံၤမှူးတစီာ်ကၱာ်အမံၤခဳတစီာ်မၱာ်ကဲၤ ကနဳၤနဳၤ. 13ဘ့ယူဒၤဖဳး အအီၣ်ဒဳ သ့း စၤလနံအူးပူၤတစီာ် သၱာ်ဟဲဘဲာ်စီၤပီလူးဒီၣ် အူဒီဆးကဘၱ စစဲာ်အလ့ၢ်အဝှဲးဒဳ ဘ့းရံၤအူး နဳၤဒဳၣ်, စဲာ်တစီာ်လ့ၤကိာ်ကဲၤဒဳနဳၤစာ်ဘိ ထဲၢ်စကသကါထာ်ပၠၤအကါကၱာ် မဲၤဆဲးဆီးဧီၢ် ထာ်တဲၤနဳၤ. 14မဲၤကနဳၤဒဳၣ်, သဲပူၤ သဲဝ့ၤတစီာ်သဲလ့ၤပျာ်ပျါကဲၤစီၤပီလူးဒဳပဲာ် လဲာ်ဝ့ၤ နဳၤ, ကၱာ်အကလဲၢ်လၤကဲ စီၤစံလၤ ကၱာ်စီၤတံၤမသ့းဒဳဘ့းရံၤအူးနဳၤ. 15အဓိၤအံာ်စီၤပီလူးတစီာ်လ့ၤသဲကဲၤစဲာ်ဓါ အၤသ့ၣ်အူးနဳၤ, မဲၤဝှါစက့ၤဘးမှဲးလၤ ကဲၤ စီၤတံၤမသ့းကၱာ်စီၤစံလၤကလိၤကိာ်ပျါ စီၤပီလူး အလ့ၤ.
ဒဳအၤသ့ၣ်အူးနဳၤ
16စီၤပီလူးအီၣ်ဆိဧိၢ်စဲာ်တစီာ်ဒဳ အၤသ့ၣ်အူးနဳၤ, ကၱာ်ဒဳနဳၤစသးကလဲၢ်ကဲၤဒဳစစာ်ထၱးသဒဲအူးအီၣ်ပ့ထာ်ကၱာ်တဲၤသဘဲ ပွဲၤ ယီၤအမဳ မဳၤလီၤအစဲနဳၤ. 17ကနဳၤအခဳး အစဲ, ဒဳဘူၣ်ဘျီၣ်အပူၤ, စတရၤ ကဲၤယူဒၤဖဳး တစီာ်ကၱာ်ကြံးခ်ဖဳးအရှံးဆါ နံၤကဘၱာ်စဲာ်အလ့ၤတစီာ် ကၱာ်ဒီဒဳပၠၤပွၱၤဆဲတဲၤအလ့ၤနဳၤ, ပီၢ် ဗွဲအသးအဲးဒီၣ်ပဲၤဆးပဲၤစဲာ်တစီာ်နဳၤ ကိလူၤ မူၤအနံၤလီၤ. 18အ့းပံၤကူၤရူးဖဳးကၱာ် စတီးအၤဖဳး တဲၤကမဳၤအဆရၣ်ဓဳၤတစီာ်နှီနူၤ လ့ၤတရၤကဲၤစဲာ်စဲာ်. တစီာ်စီာ်ဒီၣ်ကဲၤစဲာ်, “ထဳၣ်ခွံးတဘဲာ်အဒီၣ်တၤနဲၢ်နဳၤ, အသၱာ်ဟဲ ပီၢ်အအဲဧါ” စဒီၣ်လၢ်ဝၤဓဳၤ.
ပၠၤအလဝ့ၤတစီာ်စီာ်ဒီၣ်စဲာ်, “အလါမၱာ် စဟဲးဒီၣ်အံာ်ထံက့ၤအလဝ့ၤတစီာ်အဘၱာ်စဲာ် ကျဲးထီးအဝၱၤအကဲတခီ,” စဒီၣ်လၢ်ဝၤဓဳၤ. မၤနဲၢ်, ဒဳစဒီထိးအံာ်ကဲၤယ့ၣ်ရှူး အတဲၤမဲၤ ကၱာ်အတဲၤ ထာ်ပဳၤက့ၤအဝၱၤအကဲ အခဳး အစဲနဳၤ. 19စဲာ်တစီာ်မှဲးလၤလၢ်ဝၤ အကလ့ၤဒဳအၤရံအပူၤနဳၤ, ထဲၢ်စဒီၣ်လၢ်ဝၤ, “ဝၤသးအဲးသၱာ်ဟဲအဘဲာ် ကၠးနတဲၤသိၣ်တဲၤ သီအသဲတဓဲယဳၤ ဝၤကသၱာ်ဟဲဇၤဒီစာ်တဲၢ်. 20နဒီဆးဝၤတဲၤတစီာ်စီာ်နဳၤ, အမဲၤ ထဲးနံၤဝံနံၤဝၤကဲၤဝၤ, မၱာ်ဝၤသးအဲး သၱာ်ဟဲ တပွဲး အထာ်ပဳၢ်ထာ်ဘါတခီ,” စဒီၣ်လၢ်ဝၤ ဓဳၤ. 21(အၤ သ့ၣ်ဖဳးကၱာ်တၱတမဲတစီာ် အနံၤခံ အထာ်နံၤတပွဲးပွ့းစမဲလဳၢ်ဆဳလဳၢ် ခဲ အံာ်စန့ၤတဲၤဆီးခ့န့းကၱာ် ဒီၣ်အံာ်တဲၤအဝၱၤ အကဲအပီးထာ်သဲယဳၤလီၤ.)
22စီၤပီလူးဆီထဳးအီၣ်ဝှါဒဳ တဲၤ လၤဓ့ၢ်ပျဳာ်အပူၤ, စဒီထိးနံၤ ကဲၤပၠၤတစီာ် တဲၤအဝၱၤအကဲကယဳၤ, “အၤသ့ၣ်ဖဳးတစီာ်, ယစာ်ထၱးဘဲာ် သဲန့ၤထဳ အဘဲာ်ကၠးတဲၤဘူၣ် တဲၤနဲၢ်နဳၤ သံမဲၤလၤတံၤလၤဆ့းကီပွ့း တဲၢ် နဳၤ. 23မၤနဲၢ်, ဘ့ယဟဲးကိာ်ကျဲးနဳၤ, ယစာ်ထၱးတပွဲးဒဳသံတဲၤ လှူၣ်ထာ်အံာ်အလ့ၤနဳၤ, အဝှ့းလၤ, ‘ဘၱာ်စဲာ်ပွဲၤတသၱာ်နီးအနံၤခံ’ အအီၣ် ဓဳၤ. ‘ဘၱာ်စဲာ်ပွဲၤတသၱာ်နီး.’ ဘဲာ်တပွဲး. ကဘၱာ်စဲာ်ယဒီဆးသံတပွဲၤနဳၤမၱာ် စဲာ်, ထဲၢ်သံ သဘဲထာ်ထဳ, မၱာ်သံတသၱာ်ဟဲနီးတပွဲၤနဳၤ မၱာ် စဲာ်, ထဲၢ်သံ သဘဲထာ်ထဳ, မၱာ်သံတသၱာ်ဟဲနီး တပွဲၤနဳၤ. 24ကဘၱာ်စဲာ်မၱာ်အဘီာ်လၤ လၢ်ခဳးကၱာ် တဲၤအီၣ်အပူၤလဳစါစဲးတစီာ်ဒဳစမၱာ် မီၢ်ခဳးလၢ်ခဳးအဘၱာ်စဲာ်, စတဆီးသဳအံာ်ဇရၢ် ဓဳၤထဲၢ်ပၠၤပြးထာ်အံာ်အစူးခီးနီး. 25ကၱာ်ဒီစတလဳၤပၤစနံၤခံပၠၤစူးအတဲၤမဲၤဇဳၤနီး. မၤနဲၢ်စဲာ်သဲန့ၤအံာ်လၤပၠၤ လဳစါစဲး တဲၤအီၣ် သမိ ကၱာ်တဲၤသဲာ်ထာ်သဲာ်လၤကၱာ်တဲၤအလဝ့ၤဆီး ဆူကိမံၤထံတၤတခီ. 26ဘၱာ် စဲာ်ဘီာ်လၤအူဆူးပၠၤတပွဲၤကၱာ်အနဳၤတပွဲၤ လၤခွံလၤသလဲပၠၤလၢ်ခဳးဖဳးကိအခွံ ပွ့အစာ် ဘိစအီၣ်အံာ်ကဲာ် ထာ်လၢ်ခဳးသဒဲဘဲာ်နဳၤ. ကၱာ် စပ့ၤလၤပၠၤတသရာ်, တသရာ်ကဓဳၤထာ် မူၤ ထာ်ဘဲာ်ဓၢ်ဓဲၢ်နဳၤ. 27စမဲၤကဲၤကယဳၤ စာ်ဘိထဲၢ်ပၠၤကဝၢ် လှဲး ပီၢ်ကဘၱာ်စဲာ်ကၱာ်ပဳၢ်လှဲး ပၢ်လှဲးပီၢ်ထိစဓဳၤထၱးလၢ်ဝၤနဳၤ. အနှဲးနှဲးနဳၤ, စတအီၣ်ယၱၤကၱာ်ဝၤတဗွဲနီး. 28မၤနဲၢ်,
‘ဝၤအီၣ်ဒဳစပူၤနဳၤကၱာ် ကမ့ၤအ့းလိၤဒဳစပူၤနဳၤ.’
ကၱာ်ဝၤအီၣ်ကၱာ်စဲာ်အစာ်ဘိဒဳသံကျဲ အဝှ့းစဲာ်တစီာ်ဒီၣ်,
‘ဝၤမၱာ်လဳစဖဳးစလံၤလီၤ,’ စဒီၣ်ကဲၤယဳၤ.
29ဝၤမၱာ်ကဘၱာ်စဲာ်အဖဳးအလံၤ အခဳး အစဲ, ဝၤတကမဳၤဘဲာ် ကဘၱာ်စဲာ် စာ်ဘိထဲၢ်တဲၤ ယဳၤဝှိ, တဲၤယီၤထဲကၱာ်တဲၤယီၤလဳၤ, ထဲၢ်ပၠၤမဲၤ အံာ် အစူးပဳၢ်ခၣ်ယဳၤနဳၤလီၤ. 30ပၠၤတသၱာ် တဲၤနှၱနီၤနဳၤ ကဘၱာ် စဲာ်စာ်တလိးဇၤတပွဲၤ တဲၤအယဳၤတစီာ်, ပရၤဆါခဳနူၤယဳၤ စဒီဆးထဳ ပၠၤ ကိအပွဲၤ, ကိလၢ်လၢ်, ထဲၢ် စကပၤယၤလၤ က့ၤစန့ၤနဳၤ. 31မၤ နဲၢ်, စပဲၢ်လၤထဳမူၤနံၤ မူၤသဲ အကစံးရးလၢ်ခဳးဒဳတဲၤတၱၢ်တဲၤမှး အပူၤ နဳၤ. ဒဳၣ်ချဳမၱာ် စလဲၢ်ထာ်ထဳပၠၤ, အကစံးရးတဲၤ တပွဲၤနဳၤ. ကဘၱ စဲာ်ဒဲ လၱၢ်ဖျီထာ်ထဳ ဒဳစဘးဝဲၢ် ထဳးက့ၤကဲၤလၢ်ဝၤဒဳတဲၤသံအကျဲနဳၤ.”
32စဒီၣ်ထာ်နံၤတဲၤထာ်ပဳၤက့ၤတဲၤ သံအကျဲဒဳၣ်, ပၠၤတစီာ်စီာ် ယဲၢ်ကးရးကဲၤ, အလဝ့ၤတစီာ်ဒီၣ်ဝ့ၤ, “ဝၤသးအဲးနံၤနဒီဆးဝၤ တဲၤအယဳၤတစီာ်တပျာ်ပ့ၤ,” စဒီၣ်လၢ်ဝၤဓဳၤ. 33အလ့ၤကါစီၤပီလူးဟဲး ပၢ်ကဲၤစဲာ်တစီာ်. 34ပရၤဆါပၠၤအီၣ်တစီာ် လဲၢ်လၤအသးအကအီၣ် ကိာ်စကါကၱာ်ဖၱထာ်ကဲၤအဘူၣ်တဲၤတစီာ်, ထဲၢ် စကျဲနဳၤစီၤဒံၤနူၤစံၤ ထဲၢ်အမၱာ်ခဳၣ်န့ၤတစီာ်အကျဲ တပွဲၤကၱာ်အမံၤမှူးအမံၤမၱာ် နီၢ်ဒမၤရံကၱာ်အလဝ့ၤ တစီာ်ပ့ၤနဳၤ.
ទើបបានជ្រើសរើសហើយ៖
သဓဳဖဳး 17: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
သဓဳဖဳး 17
17
သ့းစၤလနံအူးပူၤ
1စလ့ၤကိာ်ဝှါအၤဖံပလံၤအူးကၱာ်အၤပလိၤနံ, ဒဳၣ်စဲာ်တစာ် ဓဳၤလ့ၤ ကဲၤဒဳ သ့းစၤလနံအူးနဳၤ, ထဲၢ်ဒဳနဳၤယူဒၤ ဖဳး အဘူၣ်ဘျီၣ်အီၣ် ကဲၤတအူးနဳၤ. 2စီၤပီလူးအစာ်ဘိစမဲၤနဲၤနီၤနူၤစလ့ၤ နံၢ် ကဲၤဒဳ ဘူၣ်ဘျီၣ်အပူၤကၱာ် သဳဆီးဒဲ အဓၢ်ပူၤ ဒီၣ်အူဒီဆးပၠၤ အဘဲာ်ကၠးစဲာ် စါ ထံအဝၱၤအကဲနဳၤ, 3စဒီၣ်လှၱထာ်ဖျီ ထာ် နံၤလၢ်ဝၤအထာ်ပဳၤထာ် ဘါကၱာ် ဒီၣ်လှၱထာ်ထဲၢ် ခရၱာ် ကခးဘဲာ် တဲၤဆဲးညဲပတီၤကၱာ် ကထာ်ပဳၤ က့ၤကီတဲၤသံအကျဲနဳၤ. ကၱာ်စဒီၣ်, “ယ့ၣ်ရှူးမၱာ်ခရၱာ်ထဲၢ်ယဒီဆးသံအဝၱၤအကဲတပွဲၤနဳၤ,” စဒီၣ်လၢ်ဝၤတစီာ်ဓဳၤ. 4ဒဳစဲာ်တစီာ်အကျဲ တစီာ်စီာ်မၱာ် အတီၤနံၤဖၱးနံၤဝှါ အမဲၤကိာ်ကဲၤစစီၤပီလူးကၱာ်စီၤစံလၤအကါ, ကၱာ်ဒီကြံးခ်ဖဳးအရှံးဆါနံၤကဘၱာ်စဲာ်အလ့ၤတစီာ် ကၱာ်အမံၤမှူးအနံၤအီ ယီၤအၣ်အီၣ်အဲးအီးအီးဒဳး.
5ယူဒၤဖဳးတစီာ်အီၣ်ပ့ထာ်ကၱာ် တဲၤသဲးထဲး, လ့ၤယဳၤကဲၤပၠၤ ဒဳအအီၣ် တဲၤပွၱၤ တဲၤဆဲအလ့ၤတစီာ်, သကါထာ်ကဲၤပၠၤအပဳၤ အဟီးတစီာ်ကၱာ် တဒဳးဖဳးလီၤ ပၠၤပဳၤကလၢ် ကဲၤသဒဲအူးဒဳး. ပၠၤတစီာ်လၤကဲၤဒဳ စီၤယါစီၣ် အရှံၣ်နဳၤ, စကမဳၤမၱာ် စကဲာ်ထအးလၢ်ဝၤဒဳ နဳၤဒဳၣ် စကစွံး ကထဳးလၢ်ဝၤဒဳ ပၠၤလၤဓ့ၢ်ပျဳာ် အလှီမီၢ်နဳၤ. 6မၱာ်စကဲာ်ထၱးကဲၤ စီၤယါစီၣ်ကၱာ်သဲပူၤသဲဝ့ၤတစီာ်လီၤဒဳၣ်, စစွံး လ့ၤဝှါလၢ်ဝၤဒဳအူးအခဳးအန့ၤအလှီမီၢ်ဒဳၣ်, စဒီၣ်, “ပၠၤထဲၢ်အဘးတကဳၢ်လၤတကဲထာ် လၢ်ခဳးတစီာ် လ့ၤထဳအူးအပူၤဘ့ယဳၤ. 7စအီၣ်ကဲၤဒဳစီၤယါစီၣ်အရှံၣ်ပူၤနဳၤ. စဲာ် တစီာ် ထာ်ဒ့ဒီၣ်ကဲၤဆးဖြးဓဳၤအတဲၤမှဲးလၤကိအမှိထဲၢ် စဒီၣ် ဆးဖြးအလဝ့ၤအီၣ်ဝ့ၤတပွဲၤပ့ၤ, ထဲၢ်ယ့ၣ်ရှူးနဳၤ,” စဒီၣ်ဓဳၤ. 8တဲၤဆး ယီၤ အယဳၤနဳၤ မဲရှံးဆါသးပဳၤကဲၤအူးပူၤဖဳး တစီာ် ကၱာ်အူးအခဳးအန့ၤတစီာ် နဳၤ. 9စနှးကဲၤပၠၤကအံာ်လၤဝှိတဲၤအၣ်မါခးအံာ်စီၤယါစီၣ် ကၱာ်အလဝ့ၤတစီာ်အနံၤခံ, ဝှါခၣ်လဲာ် စဘးလှိကီလၢ်ဝၤ.
တဲၤပၤတဲၤဆဲအသဲဒဳဘ့းရံၤအူးနဳၤ
10ဘ့တဲၤခံးလၤနဳၤ သဲပူၤသဲဝ့ၤ တစီာ်သဲလ့ၤကဲၤစီၤပီလူး ကၱာ်စီၤစံလၤဒဳဘ့းရံၤအူး နဳၤတပျာ်ခါလီၤ. စဓဳၤလ့ၤကၱာ်ပၠၤတစီာ်လ့ၤ ထၱး ကဲၤစဲာ်ဒဳယူဒၤဖဳးတစီာ်အဘူၣ်ဘျီၣ်ပူၤနဳၤ. 11ဘ့းရံၤအူးဖဳးတစီာ် အတဲၤကမဳၤ ယီၢ်ဒဳၣ်လံကၱာ် အအီၣ်ဒဳသ့းစၤလနံအူး ပူၤတစီာ်နဳၤ. စဲာ်တစီာ်ဖၱးနံၤရှဳကးကၱးတပွဲး ကဘၱာ်စဲာ်အလ့ၢ်အဝှဲး, ကိအနံၤလီၤစဲာ်တစီာ် ဖး စဲာ်စါထံကၱာ်ဒိးသီတြီၤတပွဲးလၢ်ဝၤမၱာ် အဘဲာ်ဧါ, နီးဧါ, နဳၤ. 12မဲၤဝှါဒဳၣ်, ယူဒၤ ဖဳးအဘူၣ်တဲၤအီၣ်အဲးထာ်ကဲၤ. ကြံးခ်ဖဳး အဓဳၤအပွ့ၤ အမံၤမှူးတစီာ်ကၱာ်အမံၤခဳတစီာ်မၱာ်ကဲၤ ကနဳၤနဳၤ. 13ဘ့ယူဒၤဖဳး အအီၣ်ဒဳ သ့း စၤလနံအူးပူၤတစီာ် သၱာ်ဟဲဘဲာ်စီၤပီလူးဒီၣ် အူဒီဆးကဘၱ စစဲာ်အလ့ၢ်အဝှဲးဒဳ ဘ့းရံၤအူး နဳၤဒဳၣ်, စဲာ်တစီာ်လ့ၤကိာ်ကဲၤဒဳနဳၤစာ်ဘိ ထဲၢ်စကသကါထာ်ပၠၤအကါကၱာ် မဲၤဆဲးဆီးဧီၢ် ထာ်တဲၤနဳၤ. 14မဲၤကနဳၤဒဳၣ်, သဲပူၤ သဲဝ့ၤတစီာ်သဲလ့ၤပျာ်ပျါကဲၤစီၤပီလူးဒဳပဲာ် လဲာ်ဝ့ၤ နဳၤ, ကၱာ်အကလဲၢ်လၤကဲ စီၤစံလၤ ကၱာ်စီၤတံၤမသ့းဒဳဘ့းရံၤအူးနဳၤ. 15အဓိၤအံာ်စီၤပီလူးတစီာ်လ့ၤသဲကဲၤစဲာ်ဓါ အၤသ့ၣ်အူးနဳၤ, မဲၤဝှါစက့ၤဘးမှဲးလၤ ကဲၤ စီၤတံၤမသ့းကၱာ်စီၤစံလၤကလိၤကိာ်ပျါ စီၤပီလူး အလ့ၤ.
ဒဳအၤသ့ၣ်အူးနဳၤ
16စီၤပီလူးအီၣ်ဆိဧိၢ်စဲာ်တစီာ်ဒဳ အၤသ့ၣ်အူးနဳၤ, ကၱာ်ဒဳနဳၤစသးကလဲၢ်ကဲၤဒဳစစာ်ထၱးသဒဲအူးအီၣ်ပ့ထာ်ကၱာ်တဲၤသဘဲ ပွဲၤ ယီၤအမဳ မဳၤလီၤအစဲနဳၤ. 17ကနဳၤအခဳး အစဲ, ဒဳဘူၣ်ဘျီၣ်အပူၤ, စတရၤ ကဲၤယူဒၤဖဳး တစီာ်ကၱာ်ကြံးခ်ဖဳးအရှံးဆါ နံၤကဘၱာ်စဲာ်အလ့ၤတစီာ် ကၱာ်ဒီဒဳပၠၤပွၱၤဆဲတဲၤအလ့ၤနဳၤ, ပီၢ် ဗွဲအသးအဲးဒီၣ်ပဲၤဆးပဲၤစဲာ်တစီာ်နဳၤ ကိလူၤ မူၤအနံၤလီၤ. 18အ့းပံၤကူၤရူးဖဳးကၱာ် စတီးအၤဖဳး တဲၤကမဳၤအဆရၣ်ဓဳၤတစီာ်နှီနူၤ လ့ၤတရၤကဲၤစဲာ်စဲာ်. တစီာ်စီာ်ဒီၣ်ကဲၤစဲာ်, “ထဳၣ်ခွံးတဘဲာ်အဒီၣ်တၤနဲၢ်နဳၤ, အသၱာ်ဟဲ ပီၢ်အအဲဧါ” စဒီၣ်လၢ်ဝၤဓဳၤ.
ပၠၤအလဝ့ၤတစီာ်စီာ်ဒီၣ်စဲာ်, “အလါမၱာ် စဟဲးဒီၣ်အံာ်ထံက့ၤအလဝ့ၤတစီာ်အဘၱာ်စဲာ် ကျဲးထီးအဝၱၤအကဲတခီ,” စဒီၣ်လၢ်ဝၤဓဳၤ. မၤနဲၢ်, ဒဳစဒီထိးအံာ်ကဲၤယ့ၣ်ရှူး အတဲၤမဲၤ ကၱာ်အတဲၤ ထာ်ပဳၤက့ၤအဝၱၤအကဲ အခဳး အစဲနဳၤ. 19စဲာ်တစီာ်မှဲးလၤလၢ်ဝၤ အကလ့ၤဒဳအၤရံအပူၤနဳၤ, ထဲၢ်စဒီၣ်လၢ်ဝၤ, “ဝၤသးအဲးသၱာ်ဟဲအဘဲာ် ကၠးနတဲၤသိၣ်တဲၤ သီအသဲတဓဲယဳၤ ဝၤကသၱာ်ဟဲဇၤဒီစာ်တဲၢ်. 20နဒီဆးဝၤတဲၤတစီာ်စီာ်နဳၤ, အမဲၤ ထဲးနံၤဝံနံၤဝၤကဲၤဝၤ, မၱာ်ဝၤသးအဲး သၱာ်ဟဲ တပွဲး အထာ်ပဳၢ်ထာ်ဘါတခီ,” စဒီၣ်လၢ်ဝၤ ဓဳၤ. 21(အၤ သ့ၣ်ဖဳးကၱာ်တၱတမဲတစီာ် အနံၤခံ အထာ်နံၤတပွဲးပွ့းစမဲလဳၢ်ဆဳလဳၢ် ခဲ အံာ်စန့ၤတဲၤဆီးခ့န့းကၱာ် ဒီၣ်အံာ်တဲၤအဝၱၤ အကဲအပီးထာ်သဲယဳၤလီၤ.)
22စီၤပီလူးဆီထဳးအီၣ်ဝှါဒဳ တဲၤ လၤဓ့ၢ်ပျဳာ်အပူၤ, စဒီထိးနံၤ ကဲၤပၠၤတစီာ် တဲၤအဝၱၤအကဲကယဳၤ, “အၤသ့ၣ်ဖဳးတစီာ်, ယစာ်ထၱးဘဲာ် သဲန့ၤထဳ အဘဲာ်ကၠးတဲၤဘူၣ် တဲၤနဲၢ်နဳၤ သံမဲၤလၤတံၤလၤဆ့းကီပွ့း တဲၢ် နဳၤ. 23မၤနဲၢ်, ဘ့ယဟဲးကိာ်ကျဲးနဳၤ, ယစာ်ထၱးတပွဲးဒဳသံတဲၤ လှူၣ်ထာ်အံာ်အလ့ၤနဳၤ, အဝှ့းလၤ, ‘ဘၱာ်စဲာ်ပွဲၤတသၱာ်နီးအနံၤခံ’ အအီၣ် ဓဳၤ. ‘ဘၱာ်စဲာ်ပွဲၤတသၱာ်နီး.’ ဘဲာ်တပွဲး. ကဘၱာ်စဲာ်ယဒီဆးသံတပွဲၤနဳၤမၱာ် စဲာ်, ထဲၢ်သံ သဘဲထာ်ထဳ, မၱာ်သံတသၱာ်ဟဲနီးတပွဲၤနဳၤ မၱာ် စဲာ်, ထဲၢ်သံ သဘဲထာ်ထဳ, မၱာ်သံတသၱာ်ဟဲနီး တပွဲၤနဳၤ. 24ကဘၱာ်စဲာ်မၱာ်အဘီာ်လၤ လၢ်ခဳးကၱာ် တဲၤအီၣ်အပူၤလဳစါစဲးတစီာ်ဒဳစမၱာ် မီၢ်ခဳးလၢ်ခဳးအဘၱာ်စဲာ်, စတဆီးသဳအံာ်ဇရၢ် ဓဳၤထဲၢ်ပၠၤပြးထာ်အံာ်အစူးခီးနီး. 25ကၱာ်ဒီစတလဳၤပၤစနံၤခံပၠၤစူးအတဲၤမဲၤဇဳၤနီး. မၤနဲၢ်စဲာ်သဲန့ၤအံာ်လၤပၠၤ လဳစါစဲး တဲၤအီၣ် သမိ ကၱာ်တဲၤသဲာ်ထာ်သဲာ်လၤကၱာ်တဲၤအလဝ့ၤဆီး ဆူကိမံၤထံတၤတခီ. 26ဘၱာ် စဲာ်ဘီာ်လၤအူဆူးပၠၤတပွဲၤကၱာ်အနဳၤတပွဲၤ လၤခွံလၤသလဲပၠၤလၢ်ခဳးဖဳးကိအခွံ ပွ့အစာ် ဘိစအီၣ်အံာ်ကဲာ် ထာ်လၢ်ခဳးသဒဲဘဲာ်နဳၤ. ကၱာ် စပ့ၤလၤပၠၤတသရာ်, တသရာ်ကဓဳၤထာ် မူၤ ထာ်ဘဲာ်ဓၢ်ဓဲၢ်နဳၤ. 27စမဲၤကဲၤကယဳၤ စာ်ဘိထဲၢ်ပၠၤကဝၢ် လှဲး ပီၢ်ကဘၱာ်စဲာ်ကၱာ်ပဳၢ်လှဲး ပၢ်လှဲးပီၢ်ထိစဓဳၤထၱးလၢ်ဝၤနဳၤ. အနှဲးနှဲးနဳၤ, စတအီၣ်ယၱၤကၱာ်ဝၤတဗွဲနီး. 28မၤနဲၢ်,
‘ဝၤအီၣ်ဒဳစပူၤနဳၤကၱာ် ကမ့ၤအ့းလိၤဒဳစပူၤနဳၤ.’
ကၱာ်ဝၤအီၣ်ကၱာ်စဲာ်အစာ်ဘိဒဳသံကျဲ အဝှ့းစဲာ်တစီာ်ဒီၣ်,
‘ဝၤမၱာ်လဳစဖဳးစလံၤလီၤ,’ စဒီၣ်ကဲၤယဳၤ.
29ဝၤမၱာ်ကဘၱာ်စဲာ်အဖဳးအလံၤ အခဳး အစဲ, ဝၤတကမဳၤဘဲာ် ကဘၱာ်စဲာ် စာ်ဘိထဲၢ်တဲၤ ယဳၤဝှိ, တဲၤယီၤထဲကၱာ်တဲၤယီၤလဳၤ, ထဲၢ်ပၠၤမဲၤ အံာ် အစူးပဳၢ်ခၣ်ယဳၤနဳၤလီၤ. 30ပၠၤတသၱာ် တဲၤနှၱနီၤနဳၤ ကဘၱာ် စဲာ်စာ်တလိးဇၤတပွဲၤ တဲၤအယဳၤတစီာ်, ပရၤဆါခဳနူၤယဳၤ စဒီဆးထဳ ပၠၤ ကိအပွဲၤ, ကိလၢ်လၢ်, ထဲၢ် စကပၤယၤလၤ က့ၤစန့ၤနဳၤ. 31မၤ နဲၢ်, စပဲၢ်လၤထဳမူၤနံၤ မူၤသဲ အကစံးရးလၢ်ခဳးဒဳတဲၤတၱၢ်တဲၤမှး အပူၤ နဳၤ. ဒဳၣ်ချဳမၱာ် စလဲၢ်ထာ်ထဳပၠၤ, အကစံးရးတဲၤ တပွဲၤနဳၤ. ကဘၱ စဲာ်ဒဲ လၱၢ်ဖျီထာ်ထဳ ဒဳစဘးဝဲၢ် ထဳးက့ၤကဲၤလၢ်ဝၤဒဳတဲၤသံအကျဲနဳၤ.”
32စဒီၣ်ထာ်နံၤတဲၤထာ်ပဳၤက့ၤတဲၤ သံအကျဲဒဳၣ်, ပၠၤတစီာ်စီာ် ယဲၢ်ကးရးကဲၤ, အလဝ့ၤတစီာ်ဒီၣ်ဝ့ၤ, “ဝၤသးအဲးနံၤနဒီဆးဝၤ တဲၤအယဳၤတစီာ်တပျာ်ပ့ၤ,” စဒီၣ်လၢ်ဝၤဓဳၤ. 33အလ့ၤကါစီၤပီလူးဟဲး ပၢ်ကဲၤစဲာ်တစီာ်. 34ပရၤဆါပၠၤအီၣ်တစီာ် လဲၢ်လၤအသးအကအီၣ် ကိာ်စကါကၱာ်ဖၱထာ်ကဲၤအဘူၣ်တဲၤတစီာ်, ထဲၢ် စကျဲနဳၤစီၤဒံၤနူၤစံၤ ထဲၢ်အမၱာ်ခဳၣ်န့ၤတစီာ်အကျဲ တပွဲၤကၱာ်အမံၤမှူးအမံၤမၱာ် နီၢ်ဒမၤရံကၱာ်အလဝ့ၤ တစီာ်ပ့ၤနဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.